رحميني يا ناگتي~~ مريني صوب إخوتي

وين اطلع اب هاليل ~~ حرمه وبلايه اچفيل

مريني صوب إخوتي

🏴🏴🏴🏴🏴🏴🏴🏴🏴

لاديره عندي ولا اهل وين اطلع اب هالعيله
هذا الدرب رايد زلم هالحمل منهو إيشيله
لا والي ظل من إخوتي يسمعني حته اشكيله
يا صوب شايل هالظعن وطالع بلايه اچفيله

ماله خبر كافلي~~ ابهزله صبح محملي

وعيوني دم إتسيل~~ حرمه وبلايه اچفيل
مريني صوب اخوتي

🏴🏴🏴🏴🏴🏴🏴🏴🏴

شنهو اشوف ٱعله الترب هاي الاجساد ٱگبالي
عندي لكل واحد وصف بين الولد والوالي
مناك منا التفت مهد الرضيع الخالي
وبين الرماد انظر اثر آحا يشلة حالي

چم طفله عندي وطفل~~ هذا اهوا ثگل الحمل

شيعدله من ٱيميل~~ حرمه وبلايه اچفيل

مريني صوب اخوتي

🏴🏴🏴🏴🏴🏴🏴🏴🏴

يا ناگه حملي هالثگل يوگع بدمعة خدي
إبلا حادي وياچ اطلعت بيه المصايب تحدي
يا ناگتي من إخوتي هاي الاوصاف العندي
واحد إمحنه للعرس و واحد اليشبه جدي

والله مسية عرس~~ ع الغبرة گمره وشمس

بين الفزع وٱصهيل~~ حرمه وبلايه اچفيل

مريني صوب اخوتي

🏴🏴🏴🏴🏴🏴🏴🏴🏴

خليت اخوتي ٱعله الثرى وهالامس چانوا يمي
اجسادهم متوذره وآنه الم وٱنعى بلمي
اعرف حسين من الگمر ما عندي حيره بهمي
واحد إبريحة والدي و واحد ٱبريحة أمي

اعرف چفوف الگمر~~ وظهر اللي منها انكسر

يستاهلن تقبيل~~ حرمه وبلايه اچفيل

مريني صوب اخوتي

🏴🏴🏴🏴🏴🏴🏴🏴🏴

يرضون اروح اب هالدرب هاي ٱخوتي ماظنهم
لا عيني تندل هالفله ولا روحي تطلع منهم
حشمت بس ما حصلت دفان بس يدفنهم
گوه علي درب السبي گوه ابعدوني عنهم

طول الدرب بس اون~~ ظلوا هلي بلا دفن

وآنه ٱبوجل وإعويل~~ حرمه وبلايه اچفيل

مريني صوب اخوتي

راضی الفیصلی

ثواب النشر هدیة الی روح امي و ابوي

#الناشر_مهدي_الكعبي

#اللهم_عجل_لوليك_الفرج

◇◈◇⇩..تابعونا..⇩◇◈◇

https://chat.whatsapp.com/Fh29xDG3pqPITHjltlZPp4


📲Whatsapp
00989336054731🇮🇷
00989381599023🇮🇷
00989388176328🇮🇷
*من باب احترام حقوق الآخرين*
*نرجو عدم تغيير روابط الخدمه*

يا هلا يا هلا ... بجيتك يا هلا
الشوفتك تدري مشتاگه المدلله
................

ها يبعد العمن بعدك من دمعهن والسهر
گالوا إمسافر وگلبي منلچم من هالسفر
تالي ما تالي انتظاري نلتقي دمعه ونحر
ي العفت بنتك زغيره شيبت من القهر

تدري لمن غبت.... وداعتك شيبت

.. السبي تعبني وإمن التعب ناحله...

................

بويه گالوا هسه يرجع وعيني ظلت ع الدرب
إغسلت وجهي لاتبين بيه ٱثار الضرب
بيتنه صار الخرابه وگعدونه بي غصب
وٱفرشت نص من عباتي خاف تگعد ع الترب

گاعده إبنيتك.....وتنتظر جيتك

..ونگعد إنسولف شصار الي بكربلا..

.................

فكرت لمن تجيني ما اگوم وانتظر
حتى ما تنظر مشيتي جدمي بي شوك وجمر
اگبالك ابقى امنزله راسي يابعد كل العمر
حتى ما تنظر الوجهي تدري وجهي منسطر

ابهيده وكت الشبگ...ترى متوني زرگ

الشمر من يتعب..بسوط يجي حرمله

.....................

وإنتهت قصة هجرنه گلت والتم الشمل
من تجي ايدي اضمها وأخفي ٱثار الحبل
گلت راح إيعود ابويه لا سياط ولا هزل
جيت بس جيتك هاذي مو مثل جية قبل

وإحضرت ع الوعد...راس مابي جسد

...ويه راسك يبويه عتابي حله....

...................

شلت منديل المنيه ومن عمت عيني اشفت
ٱبنيه وتشاهد ابوها راس مذبوح بطشت
من دريت انسحگ صدرك لحظه بعدك ما عشت
ابحرگه ظليت اشم نحرك لحد ما يمك متت

بويه وبموتتي...ٱتحيرت عمتي

..وإسمعت صوت بچيها عليه ٱعتله...

کرار حسین الکربلایی

ثواب النشر هدیة الی روح امي و ابوي

#الناشر_مهدي_الكعبي

#اللهم_عجل_لوليك_الفرج

◇◈◇⇩..تابعونا..⇩◇◈◇

https://chat.whatsapp.com/Fh29xDG3pqPITHjltlZPp4


📲Whatsapp
00989336054731🇮🇷
00989381599023🇮🇷
00989388176328🇮🇷
*من باب احترام حقوق الآخرين*
*نرجو عدم تغيير روابط الخدمه*

تدری ابحالتی تدری
غالی و اغلی من عمری
دمعی بس الک یجری
تدری تدری

مشانی ویاک العشگ حد ما صرت مجنونک
بعیونی راسملک صور یالرحمت الله اعیونک
صد لیه لو طارف نظر فدوه آنه اروح اللونک
لا تجفی عنی امروتک صدگنی اموت ابدونک

لیلی امناطر اطیوفک
عینی رایده اتشوفک
شوگی یاکل ابصدری
تدری تدری
**
هذا آنه گدامک عبد یمک امدنگ راسی
سلمت بیدک یا ملک و اتحکم ابانفاسی
شترید اعوفن دیرتی اهجر أحبابی و ناسی
والغربه اعیشنهه وطن مادامک باحساسی

انته ابدنیتی کلشی
عینی و یحرسک رمشی
دمی و بالنبض تسری
تدری تدری
***
کلمة احبک ما اظن تروی عشگ دلالی
و کللش قلیله ابحضرتک لو گلت عنک غالی
قیس التسودن بالعشگ یخجل یعاین حالی
یحسین مدری اقره شعر مدری الشعر یقرالی

ابچی وحچی وی روحی
بالچ ینگطع نوحی
ناوی الطم ابگبری
تدری تدری
**
یمک انه و اشتاگ الک واشلون اذا مازورک
اعمه البصیره والبصر لو ما مشیت ابنورک
ما احسب العید اشوکت بس احسب العاشورک
حتی اقره لمک فاطمه وانعی المصاب ابدورک

عایش آنه علدمعه
همی اشلون الک انعه
البسمه ما تمر ثغری
تدری تدری
*
کلشی ابکیانی ایعود الک من هامتی ولجدامی
ایامی بس ابمجلسک والباقی موش ایامی
انسه و یذکرنی العطش حال الرضیع الظامی
وبمسمعی الزینب عتب حرگوا یخویه اخیامی

روحی تصبح ابحیره
وندب وین ابولغیره
زینب نادتک خدری
تدری تدری
*
اتخیل آنه ابکربله وانظر مصارع ناسک
والشمر لازم شیبتک وبسیفه یگطع راسک
ارکض اظل ابلا وعی واحساسی وی احساسک
وصرخ یبوالیمه اشعجب شو ما نهض عباسک

ظامی وگطعوا نحرک
الخنصر طایح ابکترک
الصدرک گمت ادگ صدری
تدری تدری

وسام الشویلی


ثواب النشر هدیة الی روح امي و ابوي

#الناشر_مهدي_الكعبي

#اللهم_عجل_لوليك_الفرج

◇◈◇⇩..تابعونا..⇩◇◈◇

https://www.tg-me.com/mehdialkabii


📲Whatsapp
00989336054731🇮🇷
00989381599023🇮🇷
00989388176328🇮🇷
*من باب احترام حقوق الآخرين*
*نرجو عدم تغيير روابط الخدمه*

زينب ابسيف الصبر ذبحت خصمهه
طبت ابمجلس يزيد ابهيبة امهه
بیدهه البیرق عله
الشام صارت كربله
و صوتهه ايهز الفله
آنه ام الخدور
🌹🌹🌹
زودهه زود ابوفاضل ذاك ابوالغيره الشهم
موقف ابن زیاد بیّن للعدو ما تستهم
من نشدهه ابصنع ربهه ..ابگلبه حسّب تنهزم
احچایه وحده من حچتهه سدّت احلوگ الزلم
جاوبته ابزود اخوهه راعی الجود
احتار بیهه ابن الدعیه و حلگه مسدود
صاحت ابنوح و عویل
لا وحگ رب الجلیل
ما شفت اله الجمیل
ابیوم عاشور
آنه ام الخدور
🌹🌹🌹🌹
: جبل رآسی و المآسی بیهه لا ما اثرت
زلزله وبلمعرکه الشامات بیهه اتزلزلت
مثّلت نهج البلاغه بلحچی من ابتدت
هدّدت ابن الدعیه.و چنهه حیدر من حچت
آنه آنه و انته انته یبن الارجاس
لا وحگ راس الذبیح و راس عباس
ما اطخن هامتی
لله آخذ شکوتی
اهنا اثبت رایتی
رغما عله الجور
آنه ام الخدور
🌹🌹🌹🌹
روح من اجدادک انشد آنه بت من یا یزید
آنه بت الخله اسلافک یصیروله عبید
بت علی حامی الحمیه الوغه چانت عنده عید
جایبه اویای الطفوف و احیی ذکره من جدید
حیت یوم الغاضریه و محت یومه
گلبت الشام اعله راسه راس گومه
الهیبه هیبة فاطمه
من حچت حامی الحمه
الگاع رجّت و السمه
و المدمع ایفور
آنه ام الخدور
🌹🌹🌹🌹
آنه اخت الطاح ضامی و انذبح من القفه
و انته ابن الطلقاء الگال جدی المصطفه
لو تلم الدنیه کلهه حاشه گلبی اتخوّفه
انعال اخوی حسین عندی الشام کله ایشرفه
احنه عشاگ الولایه للمنیه
بالک اتگابل عفیفه هاشمیه
ابراسی غیرة حيدره
احزامی سبع الگنطره
صح مره لاچن مره!!
مخلوقه من نور
آنه ام الخدور
🌹🌹🌹🌹
🌹🌹🌹🌹
رایتی رایة محمد ثبتت ابوگفةعلي
امس علاها ابوالغيره اليوم بيدي تعتلي
زينب آنه و الکرامه شیمتی و شیمة هلي
كل حجاب الكون مني و الفخر يرجع الي
خارجيه و كافره و شتگول عنی
اشما ترید اتسمّی سمّی ما تهمنی
المهم بت فارس بدر
و وين ما اگعد سَدِر
آنه مانی ام الخدر
عنوانی مشهور
و آنه ام الخدور
🌹🌹🌹🌹
بیتنه بیت الائمه و نورنه یهدی الظلام
بلحسن و حسین و عدنه حته ابوفاضل امام
لا تظن تمحی وجودی..قصه آنه ابلا ختام
آنه کل گاع الله گاعی و وین ما انزل مگام
کید کیدک و اسعی سعیک لآخر انفاس
والله ما تمحی ذکرنه و تشهد الناس
ای و حگ رب الصمد
انت ایامک عدد
و احنه نبقه للابد
و بیرقنه منصور
آنه ام الخدور

حسین الساعی

ثواب النشر هدیة الی روح امي و ابوي

#الناشر_مهدي_الكعبي

#اللهم_عجل_لوليك_الفرج

◇◈◇⇩..تابعونا..⇩◇◈◇

https://chat.whatsapp.com/Fh29xDG3pqPITHjltlZPp4


📲Whatsapp
00989336054731🇮🇷
00989381599023🇮🇷
00989388176328🇮🇷
*من باب احترام حقوق الآخرين*
*نرجو عدم تغيير روابط الخدمه*

یا لیل حیرتنی و محتار بین الاثنین
امسح دمع الایتام لو دمعات الحسین
◼◼◼◼◼
حیرتی حیرة غريب..وين ايروح ابلا حبيب ..ابليلة مغيبه
امشي لايتام البلد .لو اظل يم الولد..ابهل مصيبه
أنه حماي الحميه و گلبی مجروح
روحی چانت فاطمه و هسه بلا روح.
الیمرنی ابهل مسه یلگانی مذبوح

شايل خرگة احلام..وحاير ابتدي امنين
امسح دمع الايتام لو دمعات الحسین
◼◼◼◼
اشما اگومن و استعد..اوصل الباب و ارد..ابصرخات الحسین
صوته یوصل للسمه..وین امنه فاطمه...و یلطم عله العین
یلطم اعیونه و یجر حسره علیهه
ثار.ی یدری ابعین امه اشصار بیهه
ایگابل اخته زینب و یبچی البچیهه
بین حسین و زینب آنه اصفگ بل ایدین
امسح دمع الایتام لو دمعات الحسین
◼◼◼◼
الشایل ابگلبه هظم..اشیسوه بیته ابلایه ام..منهو الیباریه
الماله ام ماله دوه..گوه یشتم الهوه..و محد یسلیه
هاذه حال حسین ابنی عگب المصاب
یحضن امصلایة امه و دمعه سچاب
لو یفز من نومته ویرکض عله الباب
نار الحرگت الباب خلت بیه نارین
امسح دمع الایتام لو دمعات الحسین
◼◼◼◼◼
اویه الحسین ابدی الحچی..بلچن ایبطل البچی...و اگدر اسکته
آنه هم مثلک حزین..وفاگد امی یاحسین...و حزنک لمسته
حسین یحرگنی ابصرخته لو رفعهه
لاچن امک بویه ما کسرو ضلعهه
بویه امک ما اظن احّد دفعهه؟؟
اسکت و انه مشدوه کون انطی الوجه وین
امسح دمع الایتام لو دمعات الحسین
◼◼◼
گمت اندب فاطمه..انتی وین ابیا سمه
ردّی علیه
رحتی و طال السفر..بحالی ما عندچ خبر
اشصار بیه
علی مو ذاکه علی الچان ابحیاتچ
جسد خالی امعیّشته ذکریاتچ
شیّبت حته الحواجب من مماتچ
ارجوچ ساعدینی لو حته ابچلمتین
امسح دمع الایتام لو دمعات الحسین

حسین الساعی

ثواب النشر هدیة الی روح امي و ابوي

#الناشر_مهدي_الكعبي

#اللهم_عجل_لوليك_الفرج

◇◈◇⇩..تابعونا..⇩◇◈◇

https://chat.whatsapp.com/Fh29xDG3pqPITHjltlZPp4


📲Whatsapp
00989336054731🇮🇷
00989381599023🇮🇷
00989388176328🇮🇷
*من باب احترام حقوق الآخرين*
*نرجو عدم تغيير روابط الخدمه*

یا حادی مرنی بلنهر لموادع الغالی
آخذلی چف من الگمر بیه استر اعیالی
عطشانه للوفای... شوفتک اخوی المای
یا بوفاضل یا بوفاضل

"""""""""""""""""""""""
من طالعت عمری أمس ابصفحة حیاتی و هالیوم
مهیوبه چنت امدلله ایحفنی الگمر ویه نجوم
و هسه آمه مچتوفه ابغدر تسحبنی احبال الگوم
لا عندی رایه و تنعجد و دیوانی أصبح مهدوم

شیخ العشیره بالحرب هالطایح و دامی
عرش السمه و فوگ الترب منه النحر ضامی
ودعته فوگ الگاع.... بوداعه عمری ضاع
یا بوفاضل یا بوفاضل

**

یا حادی ادری امعاتبی ما ینفع اجروح البین
بس مرنی صوب العلگمی لموادع عضید حسین
آخذ ارید من الگمر رایته و ذیچ الچفین
خیمه اسوی ابرایته و اچفوفه ستری من العین

و ابعینی أحفظ خزرته لو شامت ایصدنی
بیهه یشاهد غیرته و ما یگدر ایذلنی
حتی تگول الناس... مو میت العباس
یا بوفاضل یا بوفاضل

**

أروی أیتامی ابجربته غیره و شهامه و نخوه
و لیلی إذا یعطش ضوه ایخضر گمر بالخوه
انتکت الرایه ابغیرتی تنفض زلم و امروه
و لو شامت ایطگنی ابغدر فوگ الرمح یتلوه

لو یلچم ابروحی الجرح بس تنظره عینی
و أسمع ینادی من الرمح یا خویه عذرینی
ابهذا الوفه معذور... یالبلعمد مطبور
یا بوفاضل یا بوفاضل

**

مو عتب بس أشرح وضع و أدري العتب مو کافی
چنت أحط جدمی عله السمه و ظل هسه جدمی حافی
چف الوحی ابچتف النبی و السوط بس بچتافی
و عبدالله مو وسط المهد راسه اعله رمحه غافی

و اسمعهه بحساس الهمس یمه الرباب اتنوح
یالصاعد اتبوس الشمس وانته ابنحر مذبوح
یم عمک العشطان... نام ابنحر و الهان
یا بوفاضل یا بوفاضل

**

مادام راسه ابهالضعن کفالی و ایماشینی
یا حادی ما خاف السبی و مادام عینه ابعینی
ما گله عن شتمت زجر أحمل هضم یدرینی
بس أرد اگله من الضرب ماتت تره چفینی

الأذانی خویه بالسبی و ظل عمری ابحیره
نادانی صوت الأجنبي چا وین أبو الغیره
و رمحک یشب ابنار... عینک تصب أعذار
یا بوفاضل یا بوفاضل

**

یا حادی چم دیره و بلد راح أطب و آنه امیسره
کل الجره ابخت النهر و لا سلم مایه ابگطره
من طاح عباس الگمر و حسینی کسروا ظهره
من التل نظرته اعله الثره و الشمر جاثی ابصدره

بس عینه صوب مخیمه و ایحشم اعضیده
سیف الشمر یگطر دمه من گطعت اوریده
لمن ذبح لحسین... الدم حرک الچفین
یا بوفاضل یا بوفاضل

فاضل مقدم

ثواب النشر هدیة الی روح امي و ابوي

#الناشر_مهدي_الكعبي

#اللهم_عجل_لوليك_الفرج

◇◈◇⇩..تابعونا..⇩◇◈◇

https://chat.whatsapp.com/Fh29xDG3pqPITHjltlZPp4


📲Whatsapp
00989336054731🇮🇷
00989381599023🇮🇷
00989388176328🇮🇷
*من باب احترام حقوق الآخرين*
*نرجو عدم تغيير روابط الخدمه*

یم حضرتک جای... و ابگلبی حچی اهوای
عالزهره ابچیک... سامحنی مولای

المحنه عشتهه .... ابعینک شفتهه
سامحنی مولای

"""""""""""""""""""

یالنویت ازیارتک
جیت اواسیک ابلیالی الفاطمیه
من سجدت ابعتبتک
اذکرت بلعتبه اشجره ابضلع الزچیه

ایعینک الله یبو الیمه و امک الله ایعینهه
چنت تسمع صوت بذنک کسروا ضلعینهه
و شفت بسیاط الأعادی ورموا متنینهه
عمت عینی و باوعتهه حین سطروا عینهه

من دفعوا الباب... طاحت فوگ التراب
یحسین وشفت نار... بطراف الحجاب

تبچی اسمعتهه .... ابعینک شفتهه
سامحنی مولای

***

احسین چنت ابیاکتر
من وگع محسن اخوک ابعتبة الدار
هم سحگت عله الجمر
و اظن مثل امک ابچفک اثر للنار

آنه آسف ما أريد الذکریات اتعیدهه
چنت تسمع صوت منهه ابیاعلی تردیدهه
الوالده اگبالک شفتهه اتطفی نار ابإیدهه
من وگع محسنهه طاحت هیه فوگ اولیدهه

اتمنت هل اولید.... للطف ینخلق حید
الظهرک یصبح احزام...من توگف اوحید

یا نار چوتهه .... ابعینک شفتهه
سامحنی مولای

**

ادری فکرک ما نسه
عشت یا فتره و ضلعهه الچان مهشوم
اتصلی و اهیه جالسه
و گوه تتنفس و أبد ما تگدر اتگوم

و انحرمت من الطفوله و الشفت من الزغر
اترید فوگ الصدر تغفه و تدری مصیوب الصدر
اترید تمسح دمع خدهه و شفت خدهه المنسطر
و ذاک وجه الزهره ذابل اثمنطعش چان العمر

ابذاک الوکت چان... انته و حزنک اخوان
تتوچه اعله الجروح... یم بیت الاحزان

جمره احملتهه .... ابعینک شفتهه
سامحنی مولای

***

ماتت امک فاطمه
و سمعتک عالمغتسل تبچی علیهه
ضجت أملاک السمه
سیدی من شبگتک باثنین ادیهه

چان أخوک الحسن یمک ایصبرک و اتصبره
و زینب ابتودیع امهه من زغرهه امحیره
لمن اشبعتوا بواچی شد چفنهه حیدره
و فاطمه سکنت گبره و الضلوع امکسره

ذاک الگبر وین... ما نندله یحسین
یا مولانه للیوم... ما شافته العین

من ودعتهه .... ابعینک شفتهه
سامحنی مولای

***

کل مصایب کربله
چان اصلهه سیدی من ذاک المصاب
سهم صابک حرمله
و هالسهم اصله تره بسمار بلباب

الحرگ باب الزهره امک نار بخیامک ترک
و الهشم منها ضلعهه هوه حزلک منحرک
والسلب منهه فدکهه سلب خاتم خنصرک
الچتف الکرار چتف کل نساک و حیرک

أعظم رزیه... زینبکم سبیه
و آخر های الأحزان... ماتت رقیه

یالفارگتهه .... ابعینک شفتهه
سامحنی مولای

کرار حسین الکربلایی

ثواب النشر هدیة الی روح امي و ابوي

#الناشر_مهدي_الكعبي

#اللهم_عجل_لوليك_الفرج

◇◈◇⇩..تابعونا..⇩◇◈◇

https://chat.whatsapp.com/Fh29xDG3pqPITHjltlZPp4


📲Whatsapp
00989336054731🇮🇷
00989381599023🇮🇷
00989388176328🇮🇷
*من باب احترام حقوق الآخرين*
*نرجو عدم تغيير روابط الخدمه*

لا تبچین.. روحی اتروح.. والمجروح.. یرحل وین
لا تبچین.. بیه اعتاب.. مثل الباب.. ابنار العین
لزمت ابإيدی الضلوع... حنینی ایطفی الشموع
أموت ابهای الدموع.... لا تبچین

""""""""""""""

محتار صبری الیله و ادموعی اتسیل
روج الدمع بعیونی
وابلا حمه داری و آنه حامی ادخیل
ابغربه و حزن خلونی
و اکبر معانات الگلب یا فاطمه اتحیرینی
امسح ادموعچ التصب بس یجری دمعی ابعینی

لیل الضیم.. اشلون انساه.. یمطر آه.. مثل الغیم
لیل الضیم.. خیمة نار.. گلبی احتار.. من هالضیم
تون هلیله سبعه .... خلصتی دمعه دمعه
دلیلی اگبالی ینعه.... لا تبچین

****

ابتسبیحت الزهره تردد روحی
و أمن یجیب المضطر
تبچین انتی بس تفز اجروحی
و اقسم علیچ ابحیدر
من یضحک احساس الجرح ینلچم خاطر حالی
وجهچ الی چان الصبح شو هسه لیل اگبالی

گومی اویای.. خل انروح.. یمی اتنوح.. زینب های
گومی اویای.. طبع الدار.. عگبچ صار.. بس افیای
شمس بیتی و طفیتی... تگول اشیسوه بیتی
عله ادموعی بچیتی..... لا تبچین

***

الزم چفوفچ بیدی ریتچ تهدین
و انتی الهدوء ابّیتی
موجود حیدر لیش وحدچ تبچین
یا فرحتی و عافیتی
احچیلی مو گلبی انچوه چَویَت طفل بالجمره
یمِّچ آنه ابعازت هوه و عینچ الباب الحسره

درب الباب.. عینچ لیش.. بیِّه ایعیش.. هالعطاب
درب الباب.. فضّه اتصیح.. چان ایطیح.. منه اعتاب
تنوحین و اسمعچ... خِبیتی عنی ضلعچ
عذابی هذا دمعچ... لا تبچین

***

ما بیه اشیلن روحی محتاج الیوم
یا فاطمه اتعینینی
والدنیه دونچ دنیه بس کلهه اهموم
لو وحدی اتخلینی
حیرتی باچر بالدمع اگعد و اصنع تابوت
یاهو الحِمَل مثل الوضع گدّامه ایامه تموت

صار اوداع.. مدری اشلون.. دمعی اعیون.. یبدی اضیاع
صار اوداع.. حضنی احتار.. گبرچ صار.. حضن الگاع
جنازه ابظلمه شایل... أمیل و حملی مایل
دمع لوداعی سایل... لاتبچین

***

اشلون أرجع الدارچ و اصدّ الزینب
للحزن الله ایعینهه
عگبچ تظل من الهضم تتعذب
و بکربله اتشوفینهه
لو جدّمَت مهر الولی و شمّت اخوهه ابصدره
ساعه و تنادی یا علی احسینک الگطعوا نحره

آنه اویاچ یمّ احسین نجری العین و اتلگاچ
آنه اویاچ طبرت راس و بلاحساس یحله ابچاچ
أصد یَم گلبی الحنین... علی ولیدچ تونین
ولا گولن علی احسین... لاتبچین

****

شیّعت نعشچ بلالم و اتونّین
چانت الیله ظلمه
و زینب تدور واحد الدفن احسین
عالغبره عاری جسمه
لو حرگوا اعلیهه الخیم تنعاد نار الحسره
لو شفتی یم الشط علم گولی مشت متیسره

ضعن الآه.. بس اطفال.. و الجّمال.. سوطه اویاه
ضعن الآه.. چم عسّال.. چم عیّال.. تجری ادماه
تظل زینب غریبه... گمرهه امنین اجیبه
الگلب شاجر نحیبه... لا تبچین

فاضل مقدم

ثواب النشر هدیة الی روح امي و ابوي

#الناشر_مهدي_الكعبي

#اللهم_عجل_لوليك_الفرج

◇◈◇⇩..تابعونا..⇩◇◈◇

https://chat.whatsapp.com/Fh29xDG3pqPITHjltlZPp4


📲Whatsapp
00989336054731🇮🇷
00989381599023🇮🇷
00989388176328🇮🇷
*من باب احترام حقوق الآخرين*
*نرجو عدم تغيير روابط الخدمه*

عافونی و راحوا
و چم باچر اباچر
مشت یمته یردون

وین الگبل چانوا
اعزاز و علیه من الهوى
لو مر یخافون

مثل الدمع سالوا
لو سال عالخد الدمع میرد للعیون

عافونی و راحوا
چم باچر اباچر مشت یمته یردون

""""""""""""""""

یجروحی ما تطیبی...إلا ألتقی ابحبیبی
ورده و لگت ماي

حالف إذا إجالی...حافی ألاگی الغالی
بجروحی الهواي

بس الصده ایردلچ علیهم... من تصیحین

یا روحی عدله المن بعد... چا ما تموتین

دنیاه ما تسوى المشوا... عنه العزیزین

حنینی... و ونینی... البعدهم البعدهم

شالوا أهل روحک
حدر الترایب یا علی و خلوک محزون

مثل الدمع سالوا
لو سال عالخد الدمع میرد للعیون

عافونی و راحوا
چم باچر اباچر مشت و یمته یردون

***

تلگه الخلیله عافه...یابس حچی اعله شافه للملگه ضماه

یرسم عله الترایب...صورة حبیبه الغایب
و یتعاتب اویاه

دمعه اکتب ابسمک گمت... و اشتم بالحروف

من گد صفنتی اخدودي گامت... تاکل اچفوف

حلفت العیون اتعمه... و بس طیفک اتشوف

هیامی.. و غرامی.. ابهواکم ابهواکم

اشمحلاهه لو عادوا
یندگ علی بابی و أفک بابي و یطبون

مثل الدمع سالوا
لو سال عالخد الدمع میرد للعیون

عافونی و راحوا
چم باچر اباچر مشت یمته یردون

***

شالفایده اببچینه...الراح ما یجینه
و مترده الدموع

ما ینگطع عویله...دافن بدیه خلیله
ایظل گلبه مشلوع

یمشی و تظل برویحتک... چلماته الحنان

تطلع صور ه اتطل علیک... امنین ما چان

مرات واحد دنیته... یلگاهه بإنسان

خیالی.. اعله حالی.. بچالی بچالی

لحبابی الغابوا
حالف أطش روحی نذر لمن یرجعون

مثل الدمع سالوا
لو سال عالخد الدمع مایرد للعیون

عافونی و راحوا
چم باچر اباچر مشت و یمته یردون

***

تلطم تگطع ایدینک... و اتدگ سنه اعله عینک ما یرجع الراح

هیهات ما ترده... مي عالرمل تبده
شیلمه لو طاح

یمسه المسه و البیتی أرد... چن طیر مصیوب

امفارگ و أصیحن لا هله... ابجیتک یالغروب

و امطشر اعیونی انتظار... ابکل الدروب

حسرتی.. و جمرتی.. چوتنی چوتنی

مشتاگ و اشتاگوا
بس یوگف اتراب الگبر بین الیحبون

مثل الدمع سالوا
لو سال عالخد الدمع میرد للعیون

عافونی و راحوا
و چم باچر اباچر مشت یمته یردون

***

أبچي و شنو الجنیته... الضیعته ما لگیته
ظل جرحه ما طاب

شال النظر من عینی... من عالبتول ایدینی هالت بالتراب

اشما حزنت اعلیچ الخلگ... یم حزني متصیر

من ألطم اعلیچ أختلف... لطمي ابسامیر

آلامي لضلوعي ادعي کون... ابضلعی اتدیر

یروحی.. و جروحی.. الحنینه الحنینه

یا فاطمه امنیتی
کون آنه مو انتی الذی ابطولچ یدفنون

مثل الدمع سالوا
لو سال عالخد الدمع مایرد للعیون

عافونی و راحوا
چم باچر اباچر مشت یمته یردون

علی عویز الشویلی

ثواب النشر هدیة الی روح امي و ابوي

#الناشر_مهدي_الكعبي

#اللهم_عجل_لوليك_الفرج

◇◈◇⇩..تابعونا..⇩◇◈◇

https://chat.whatsapp.com/Fh29xDG3pqPITHjltlZPp4


📲Whatsapp
00989336054731🇮🇷
00989381599023🇮🇷
00989388176328🇮🇷
*من باب احترام حقوق الآخرين*
*نرجو عدم تغيير روابط الخدمه*

یا ماخذ حیاتی و قراری
إلک أبچی لیلی و نهاری
چنت لمک العین... و رحت فدوه لحسین
إلک ابچی لیلی و نهاری
"""""""""""""""""""
أعرفک.. نبع غیره.. حاشه.. تجافی
الغریبه.. الی ما عدهه.. مثلک.. یوافی

تمنیت أنه یبنی بالطف أشوفک
گمر دامی و امگطعیهه چفوفک
مثل فاطمه الزهره یولیدی اطوفک
أنه امک و فدوه اروح الحروفک

اشحلاته الک شیب الراس
انطلبت الوفاءک یعباس
ابرگبتی الک دین... رحت فدوه لحسین
الک ابچی لیلی و نهاری
¤¤¤¤¤¤¤¤¤¤¤¤¤¤
نبودم.. ندیدم.. که محشر.. به پا شد
شنیدم.. دو دست.. تو از تن.. جدا شد

میدونم که خیلی خجالت کشیدی
صدای عمو آب و وقتی شنیدی
غم تو اباالفضل قرارم رو برده
شنیدم سه شعبه به چشم تو خورده

شنیدم سرت را شکستن
سرت را روی نیزه بستن
من آروم ندارم... شده گریه کارم
الک ابچی لیلی و نهاری
¤¤¤¤¤¤¤¤¤¤¤¤¤¤
شفت بیک.. أنه امن.. الزغر.. هالعلامه
اعرفت باللی.. ربیته.. رب ال..کرامه

أنه ادری الذخرته الوفه ابتضحیاته
و حلات الأخو ترضعنه خواته
شدگ غالی عندی الگمر وابصفاته
الحسین اغله چفیل و حیاته

الحسین العرش آنی شفته
أنه و ابنی صرنه ابخدمته
انطفت منی یا عین... رحت فدوه لحسین
الک ابچی لیلی و نهاری
¤¤¤¤¤¤¤¤¤¤¤¤¤¤
حسینم.. بدون.. تو یاور.. نداره
براش من.. بمیرم.. که مادر.. نداره

حسینم را تنها غریب گیر اوردن
به سمت خیامش همه حمله بردن
بمیرم که زینب تو مقتل چه دیده
زده بوسه بر اون گلوی بریده

تو رفتی جسارت شروع شد
تو رفتی و غارت شروع شد
اباالفضل نگارم... شده گریه کارم
الک ابچی لیلی و نهاری
¤¤¤¤¤¤¤¤¤¤¤¤¤¤
احمدت ربی.. یا بو.. الشهامه.. النصیبی
حبیبی.. و نذرتک.. یایمه.. الحبیبی

أنه ام البنین الوفه یحچی عنهه
أنه الوالده النسوه کلهه احسدنهه
انه الفاجده الفرحت ابموت ابنهه
علی المثلک انته و فلا یعله ونهه

ارفعت راسی یم الزچیه
صدگ یبنی حگک علیه
چنت ذخری للبین... رحت فدوه لحسین
الک ابچی لیلی و نهاری

فاضل مقدم

ثواب النشر هدیة الی روح امي و ابوي

#الناشر_مهدي_الكعبي

#اللهم_عجل_لوليك_الفرج

◇◈◇⇩..تابعونا..⇩◇◈◇

https://chat.whatsapp.com/Fh29xDG3pqPITHjltlZPp4


📲Whatsapp
00989336054731🇮🇷
00989381599023🇮🇷
00989388176328🇮🇷
*من باب احترام حقوق الآخرين*
*نرجو عدم تغيير روابط الخدمه*

راح الابو چان خیمه علینه
یا ناس ابو احسین راح امن ادینه
دفنوا عشگنه الاولی... وما عدنه بالدنیه علی
راح امن ادینه
""""""""""""""""
یتامه.. یتامه.. صفینه.. یتامه
مشه الچان.. اب وجوده.. نعیش.. ابکرامه

وسافه و علی راح یدنیه ابخضابه
گبل چنه نعتاز نروح اعله بابه
صدگ هسه صرنه یتامه ابغیابه
ابونه.. ابونه.. علی چان.. ابونه

محله الفجر چان نسمع اذانه
هسه نجی انشوف خالی مکانه
مثل الشمس غاب الولی... و ما عدنه بالدنیه علی
راح امن ادینه
¤¤¤¤¤¤¤¤¤¤¤¤
اویلاه.. اویلاه.. الف آه.. اویلاه
فگدنه.. عمرنه.. عسه ولا.. فگدناه

الزمن چان یتعبه و یجب همه یمه
یتامه و ننام اعله صدره و یشمنه
نحس ینسه حزنه اذا بیده ضمنه
علی راح.. علی راح.. وسافه.. علی راح

کل ما یجی اللیل و الوادم اتنام
املثم نشوفه یطعم بالایتام
لیل الحزن ما ینجلی... ما عدنه بالدنیه علی
راح امن ادینه
¤¤¤¤¤¤¤¤¤¤¤¤¤
مصیبه.. مصیبه.. دهتنه.. مصیبه
تغیب.. ولینه.. و کسرنه.. ابمغیبه

مثل ولده چنه و یخلینه بالعین
یراعینه مثل الحسن وابنه لحسین
علی لله یطعمنه مثله یصح وین
یحیدر.. یحیدر.. وداعاً.. یحیدر

یا حیدر اشلون بغیابک انهید
المن نعاید لمن یجی العید
هالعید مدمعنه ایهلی... ما عدنه بالدنیه علی
راح امن ادینه
¤¤¤¤¤¤¤¤¤¤¤¤¤
بلگبور.. بلگبور.. نعید.. بلگبور
تره الفاگد.. اعزاز.. عله الدمعه.. مجبور

یا وادی النجف لیش خذت عافیتنه
ابترابک دفنه الوفه والمحنه
طفت شمعت البیت مشت عاطفتنه
الفرح مات.. الفرح مات.. ابغیابه.. الفرح مات

اتراب النجف آخ شمسوی بینه
تاخذ بالعزاز و نصفگ بدینه
من هسه منخلی الولی... ما عدنه بالدنیه علی
راح امن ادینه
¤¤¤¤¤¤¤¤¤¤¤¤¤¤
مناحه.. مناحه.. العمر بس.. مناحه
متاعب.. مصاعب.. و لا شفنه.. راحه

علی راح یدنیه و بگت ذکریاته
ینوح الزچیه گضه کل حیاته
رحل خله یرتاح ارتیاحه ابمماته
یدنیه.. یدنیه.. بچینه.. یدنیه

گضینه ویاه احله اللیالی
الغالی علی و راح ما عدنه غالی
نحچی المن من نبتلی... ما عدنه بالدنیه علی
راح امن ادینه

کرار حسین الکربلایی

ثواب النشر هدیة الی روح امي و ابوي

#الناشر_مهدي_الكعبي

#اللهم_عجل_لوليك_الفرج

◇◈◇⇩..تابعونا..⇩◇◈◇

https://chat.whatsapp.com/Fh29xDG3pqPITHjltlZPp4


📲Whatsapp
00989336054731🇮🇷
00989381599023🇮🇷
00989388176328🇮🇷
*من باب احترام حقوق الآخرين*
*نرجو عدم تغيير روابط الخدمه*

فاجئتني و گتلی ظلی
گلبی یمچ راح اخلی
ویا الله اویاچ یمکن وگف گلبی
"""""""""""""""

گتلک و بعیونی نار المخیم سریه
یمه یا بوسکینه اشگد بعیده الغاضریه
عبرت احلامی و عدلت محمل رقیه
صحت بس تانونی اشمر احجابی علیه

فجئه أصبح کلشی ظلمه
گتلی ما ترحین یمه
ویا الله اویاچ یمکن وگف گلبی
¤¤¤¤¤¤¤¤¤¤¤
یمه لتخلینی حسره بعیون العلیله
اقبل اب ای ناگه حتی لو چانت هزیله
ارد اروح اویاکم و شوفی حتی الکم اسیله
جوده اترسه ابعینی و بیرقک لو طاح اشیله

اشتنتظر و ابطیفی شفتک
طایح و حزوا رگبتک
ویا الله اویاچ یمکن وگف گلبی
¤¤¤¤¤¤¤¤¤¤¤
ارد احس اویاکم بالعطش واجرح مراره
و ارد انشف دمعک عالگمر حین الی جاره
زحمه من الزهره ما احیر اویا الحیاره
مثل رمله و لیله امخیمک یچوینی ناره

یمه اتفضل علیه
خل اشوف الغاضریه
ویا الله اویاچ یمکن وگف گلبی
¤¤¤¤¤¤¤¤¤¤¤
ما اگولن حاشه خاطری ابرایک کسرته
بالسمع والطاعه راح اظل بس یمته
ما اسدن بابی یاللی بیمینک فتحته
و من یحرکه الذار ابصوتی اصیحن هایه جیته

ازحف اعله الباب اگله
ما رجع حاط بیه عله
ویا الله اویاچ یمکن وگف گلبی
¤¤¤¤¤¤¤¤¤¤¤
فرصه آخذ اولادی و آنه ما ضیع فرصتی
یبنی حصتک ذوله و آنه بس الدمعه حصتی
بس عذاب اسنینی و فرگه مکتوبه اعله گصتی
والله لو احچیهه چا بچه الجان اعله قصتی

اربعه و بس همه عندی
امحالل اعلیهم یچبدی
ویا الله اویاچ یمکن وگف گلبی
¤¤¤¤¤¤¤¤¤¤
گتلی ظلی ابدارچ و آنه یا محبوبی ظلیت
بس وحگ شیباتک مالی حیل الوحشه بالبیت
بالحبلم اجانی یالغریب و انته ما جیت
وابلیالی اجفاکم چم صلاة الوحشه صلیت

من درت ظهرک الیه
عاینت لختک سبیه
ویا الله اویاچ یمکن وگف گلبی
¤¤¤¤¤¤¤¤¤¤¤
علی الابراهیمی

ثواب النشر هدیة الی روح امي و ابوي

#الناشر_مهدي_الكعبي

#اللهم_عجل_لوليك_الفرج

◇◈◇⇩..تابعونا..⇩◇◈◇

https://chat.whatsapp.com/Fh29xDG3pqPITHjltlZPp4


📲Whatsapp
00989336054731🇮🇷
00989381599023🇮🇷
00989388176328🇮🇷
*من باب احترام حقوق الآخرين*
*نرجو عدم تغيير روابط الخدمه*

لا یجینه العید سدوا بابنه
جاینه المن وحنه ماکو اعزازنه
عید المفارگ علیکم خل یگول
عید المبارک مشه اویا احبابنه
~
الهسه من ذاری لحدهم.. اتراب بینه ابکل کتر
و هذا یا عید المبارک.. والعزیز ابنص گبر
آخ یا لوعة أهلنه.. عالمنازل من أمر
مو دمع تبقه اعله عینی.. اصورهم الحلوه تخر

بالچفن لفوا سوالف دافیه
و هالوا التربان فوگ العافیه
یمته یلفی الموت و الحیدر اروح
و غاد نتباچه سوه اعله امصابنه
□□□□□□□□□□□□□□□
حگی أعمه من البواچی.. و باللطم صدری انخسف
ایصیر حدر الگاع راسه.. و هوه الی ابراسه انحلف
عاتبیت الدنیه حد ما.. ریج المعاتب نشف
و عید إذا راعی المحنه.. ایرجعه لتراب النجف

الناس عدهه الدنیه کلش غالیه
و آنه اشوفنها ابغیابک خالیه
هیه مدری اشمالهه اویانه السنین
اشما حسبناهه تغیر احسابنه
□□□□□□□□□□□□□□□
ابعینی بالطیف امن اشوفه.. ودی أشرب ضحکته
والنفس من ریتی افرغه.. وبیه المن ریحته
و انچف اگباله لیالی.. چوت گلبی ابفرگته
و یگضی حلمه و ما الحگ.. حتی ابوسن هامته

عید الدموع اعله ناسی الماشیه
و زینب الکل عام تصبح باچیه
الغربه تفهمهه لمن تفگد حنین
و الأرواح اتروح وی غیابنه
□□□□□□□□□□□□□□□
بویه چنت الا اعله متنک.. راسی احطه امن اشتکی
و هسه کل شوغه ابغیابک.. لازم اوگع وانتچی
اشما کتم حزنه المفارگ.. یطلع ابدمعه الحچی
و من یظم شوگه الحبیبه.. ایگوله للناس البچی

بین شیبه و شیبه طلعت شیبه
الگاع تاخذ لیش وین الهیبه
و کون ینباع ابعمر عمر العزیز
صحنه چا عالموت هاک أعمارنه
□□□□□□□□□□□□□□□
دمع المضیع یحیدر.. بی سوالف تنسمع
و خاف گلبه ابحسره یوگع.. چاتف اگلیبه ابضلع
عمره ما یشبهله واحد.. بس عمر خیط الشمع
أرضه تگطع کلهه والله.. و لا صورک تنگطع

مو العید امبارک ایگلونله
الدافن الخلان خل ینعونله
الیرکز بینه یقراننه الونین
و حزن مبنی اعله البواچی اعرابنه

علی عویز الشویلی

ثواب النشر هدیة الی روح امي و ابوي

#الناشر_مهدي_الكعبي

#اللهم_عجل_لوليك_الفرج

◇◈◇⇩..تابعونا..⇩◇◈◇

https://chat.whatsapp.com/Fh29xDG3pqPITHjltlZPp4


📲Whatsapp
00989336054731🇮🇷
00989381599023🇮🇷
00989388176328🇮🇷
*من باب احترام حقوق الآخرين*
*نرجو عدم تغيير روابط الخدمه*

عرفتک من حضن امی
سریت بلحمی و بدمی
ندبتک وکشفت همی
یاحیدر یاحمه الجار

⚜⚫⚫⚫⚫⚫⚫⚜

عرفتک من نبض کلبی کبل لا امشی لو احبی
أشوفنک اثر دربی..إلی مشعل هدایه
سمعت بأسمک علی تردد..أذان الباالفرض یشهد
مثل مایشهد الاحمد..شهدلک انته آیه
اضل واکف علی بابک
مثل ساءل عله اعتابک
أناشد واسمع جوابک
یاحیدر یاحمه الجار

⚜⚫⚫⚫⚫⚫⚫⚜

شمس بیک ابدی ایامی بدونک ناقص اسلامی
وحک اولیدک الضامی..ذبیح الغاضریه
کطعت دربی بحمل مایل..وحک چفوف ابوفاضل
أنا الخادم أناالساءل..یاحمای الحمیه
لون اتوذر ابحبک
لون اتکطع ابدربک
المهم بس اوصل الکربک
یاحیدر یاحمه الجار

⚜⚫⚫⚫⚫⚫⚫⚜

عشکتک من عشک فطره بدمعتی وجره حسره
حملت حبک مثل جمره..فلا تطفه بدموعی
اضل بهل جمر الهب..جنون محبتک مذهب
وحک الله وستر زینب..اضمنه بضلوعی
رفعت صرخه بلطم صدری
اخفی ابحبک نحری
دریت بهل عشک تدری
یاحیدر یاحمه الجار

⚜⚫⚫⚫⚫⚫⚫⚜

اهیم ابوادی جنونی أروح بصفنه ضنونی
نظرتک تغفه بعیونی..فلا افتح عیونی
عشکتک ورفعت راسی..یاحیدر عشکی عباسی
عرفتک بأول أحساسی..یقینی من دمعتی
کتبت اسمک علی وریدی
علی بابک إمد ایدی
وسامی معلک بجیبی
یاحیدر یاحمه الجار

⚜⚫⚫⚫⚫⚫⚫⚜

بیانی بهذی تعزیتی ابایع صادق بنیتی
ولایه حیدره صیتی..أرخصلهه حیاتی
علی لولجلک اتکطع..ولوأشلاءی تتوزع
اخلی الناصبی یسمع..حیاتی انته و مماتی
علی کل دکه من نبضی
صرت بعضی البعضی
أذانی وقبلتی و فرضی
یاحیدر یاحمه الجار

⚜⚫⚫⚫⚫⚫⚫⚜

بدایه الما إلک آخر أمس هالیوم إلی وباجر
أجیک بلهفته الزایر..أذب همی بحضرتک
ردت منک تکربنی..موالی وشیعی تحسبنی
بسجل اصحابک اکتبنی..وتراعینی بنظرتک
لون تحسبنی دخیلک
یضیع اضلالی ابلیلک
علی عیونی أنا امشیلک
یاحیدر یاحمه الجار

راضی الفیصلی

ثواب النشر هدیة الی روح امي و ابوي

#الناشر_مهدي_الكعبي

#اللهم_عجل_لوليك_الفرج

◇◈◇⇩..تابعونا..⇩◇◈◇

https://chat.whatsapp.com/Fh29xDG3pqPITHjltlZPp4


📲Whatsapp
00989336054731🇮🇷
00989381599023🇮🇷
00989388176328🇮🇷
*من باب احترام حقوق الآخرين*
*نرجو عدم تغيير روابط الخدمه*

گالوانتم امنین
گلنه اعبید الحسین
سمّونه المجانین
من عابس اخذنه..حبنه و معتقدنه
سمّونه المجانین
#######
ابحب ابوالیمه گضت اعمارنه
صرنه خدام اله گبل اصیارنه
من بطن اُمنه بده مشوارنه
الله لحسین و خدمته اختارنه
رادو ایفهمون سر عتبارنه
اشما سِعَو ما طاحو اباسرارنه

گالو ذوله کفار
اولاد حامی الجار
عشاگ و موالین
داخو من عشگنه....حبنه و معتقدنه
سمّونه المجانین
#######
حسین حبنه و مانمل محبوبنه
یا سکینه النزلت اعله اگلوبنه
احنه ثوب الخدمه ینعد ثوبنه
لحنه صوب الذله لاهی صوبنه
اهوای ضعنه و هوّه ضوّه ادروبنه
و ابعباته دوم ایغطّی اعیوبنه
حاشه لو یردنه....مانذکر طردنه
سلطان السلاطین
اویه حسین کلشی عدنه...حبنه و معتقدنه
سمّونه المجانین
############
اشما یطشرنه الدهر بهمومه
حسین یجمعنه و یلمنه ابیومه
الخدمه فرصه..کلمن و مقسومه
ابخدمته ایحلّی صلاته و صومه
الغیر بل الالوان یکشخ دومه
و کشخة الخادم سواد اهدومه
عمری دون الحسین
ما یسواله فلسین
حبه ایکمّل الدین
و انجدد عهدنه...حبنه و معتقدنه
سمّونه المجانین
########
نحمد و نشکر الباری اهوایه
حسین خیمه و کلنه حدر افیایه
نعتنیله ابکل سنه وفایه
انطیح کلنه و ما تطیح الرایه
کربله لو بل سمه امسوّایه
نعتنی السابع سمه مشایه
نسحگ عل منیه
ابدرب الغاضریه
و تمشیله الملایین
کعبتنه و سندنه....حبنه و معتقدنه
سمّونه المجانین
########
الدنیه یوم و تنگضی تالیهه
المهم عدنه الآخره انلاگیهه
آخرتنه ابهل عشگ نبدیهه
بیهه بیهه الخدمه صدّگ بیهه
اهناک ایام الحزن نحییهه
بلخدامه و اللطم نگضیهه
اهناک انخلی ماتم
و انسوّی محرم
وی کل المحبین
یتکاثر عددنه....حبنه و معتقدنه
سمّونه المجانین

للشاعر حسین الساعی

ثواب النشر هدیة الی روح امي و ابوي

#الناشر_مهدي_الكعبي

#اللهم_عجل_لوليك_الفرج

◇◈◇⇩..تابعونا..⇩◇◈◇

https://chat.whatsapp.com/Fh29xDG3pqPITHjltlZPp4


📲Whatsapp
00989336054731🇮🇷
00989381599023🇮🇷
00989388176328🇮🇷
*من باب احترام حقوق الآخرين*
*نرجو عدم تغيير روابط الخدمه*

صحت يهل المحنه.... د لحكولي يهلنه
حرمكم سلبوها.....وخيمكم فرهدوها
..............

اوكفت ع التل يخوتي الطم وأنحب
طلعتي من الخيم منها الكلب شيب
كل الجيش يصرخ هاي إجت زينب
شافتها الزلم.....ام خدر المرتب

إنسمع بالحومه صوتي.....تعالولي يخوتي
إختكم طلعوها.....وخيمكم فرهدوها
....................

شسولف يا جرح وجروحي كلها اكبار
صحت حيهم...وأنأ بطارف عباتي النار
تشوف إسياط....عيني منين ما تندار
إمن اصيحن ياعلي.. .يتشتم الكرار

ترى صعبه عليه....إسترت وجهي بديه
اليتامه عذبوها.....وخيمكم فرهدوها
.............

عيون الكوم.....يهل الغيره شافتنه
وإتصيح اليتامه....إهنا يعمتنه
بنات الزهره والعدوان سلبتنه
وترس وجهي ارماد خيمتنه

الشمر ايده ثجيله....يطك متن العقيله
الحرم وليه ولووها..... وخيمكم فرهدوها
.......................

اول تالي طولي تشوفه هاي الناس
رحت لحسين وإلكيته بأخير انفاس
إكعدت.....وإكبال عيني الشمر حز الراس
بحوافر خيلهم شفت الصدر ينداس

النذل بيده دفعني....وعلى وجهي صفعني
إخت ذبحوا اخوها ....وخيمكم فرهدوها
..............

إجاني الليل وآني بكربلا الوحدي
احرس كاعده وايدي على خدي
صحت عباس... الحك خيمه ماعندي
ترى درب السبي ..باجر يفت جبدي

غريبه واشتكيلك....يبو فاضل دخيلك
مجتفها حجوها......وخيمكم فرهدوها

کرار حسین الکربلایی

ثواب النشر هدیة الی روح امي و ابوي

#الناشر_مهدي_الكعبي

#اللهم_عجل_لوليك_الفرج

◇◈◇⇩..تابعونا..⇩◇◈◇

https://chat.whatsapp.com/Fh29xDG3pqPITHjltlZPp4


📲Whatsapp
00989336054731🇮🇷
00989381599023🇮🇷
00989388176328🇮🇷
*من باب احترام حقوق الآخرين*
*نرجو عدم تغيير روابط الخدمه*

ودعتك الله وأيست وانگطعت ظنوني
اتنطر ابجيه حلم افرشلك عيوني
عباس ماخذ گلبي .. عباس شوفي ابدربي
عباس متى تمر بيه / 2
🔷🔷🔷🔷🔷🔷🔷🔷
يمه كل ليله من اشوفك تطلع بليلي گمر
وشكثر طلعة جبينك علمتني اعله السهر
هسة اگول شلون بيه وانت بدروب الخطر
هالسمع ميشيل عيني خلافك ويملي النظر
يمه وينك يمه وينك
يمه وينك يمه وينك
يالتارس عيوني بخت كل نظره تبرالي
گد ما عشت بيه احس من طولك خيالي
عباس اسأل ربي .. عباس شوفي ابدربي
عباس متى تمر بيه / 2
🔷🔷🔷🔷🔷🔷🔷🔷
صح ذخرتك للعقيلة وانذرت كل اخوتك
گلت چلمة گد حياتك وانته گدها لچلمتك
فخر ليه وصرت امك شيمتني بشيمتك
والاسم والجاه اجاني كله بس من غيرتك
يمه عيوني يمه عيوني
يمه عيوني يمه عيوني
نوبه اطل اعله الدرب نوبه اطب دارك
حسراتي من اتهل جمر واتچمل ابنارك
عباس اسمع عتبي .. عباس شوفي ابدربي
عباس متى تمر بيه / 2
🔷🔷🔷🔷🔷🔷🔷🔷
طول دربك طول عمري وانتهي ويه الدرب
يبني كل خطوة الشلتهه لامك بدگه گلب
راح اظلن عود ذابل ناطره بجيتك سحب
كل سهل چان بحياتي صار من عگبك صعب
يمه رايح يمه رايح
يمه رايح يمه رايح
ارجع عليه يانبض هلبت ترد روحي
اكسير چفك للدوه امسح على جروحي
عباس زادي وشربي .. عباس شوفي ابدربي
عباس متى تمر بيه / 2
🔷🔷🔷🔷🔷🔷🔷🔷
صارت السلوه بغيابك نوبه احوم وابچي نوب
وهاي عاده وي صلاتي من الصبح حد الغروب
واگفه اعله الباب شمعه احرگ بروحي واذوب
انه الما ايست منك وايست كل الدروب
يمه ابهونك يمه بهونك
يمه بهونك يمه بهونك
صورة لچفوفك يا گمر اكبر من ايامي
كلما اطلن من كتر الگاها جدامي
عباس ثمرة تعبي .. عباس شوفي ابدربي
عباس متى تمر بيه / 2
🔷🔷🔷🔷🔷🔷🔷🔷
صدگ يا عباس عگبك بعد ما يسوه العمر
ولو من بعدك اعيش بلضى وخاطر منكسر
ساعة ابچي اويه البچالك واصفن ويه ام الخدر
ومن يمر طلري الچفوف النار بيه تستعر
يمه چفوفك يمه چفوفك
يمه چفوفك يمه چفوفك
نومة سبع يم النهر وعيوني اتشوفك
لو ينفتح باب العتب سديته بچفوفك
عباس گاصر عتبي .. عباس شوفي ابدربي
عباس متى تمر بيه / 2
🔷🔷🔷🔷🔷🔷🔷🔷
ردت سلوه عن غيابك بلچن ايخف الونين
درت وجهي للزچيه وحلفتهه بالجنين
گالت اطلبين مني سمعي يا ام البنين
التنسه عباس ابو الغيرة گادرة تنسه الحسين
يمه نايم يمه نايم
يمه نايم يمه نايم
يم الشريعه يا گمر نايم على الرايه
هاي الزچيه تخاطبك يوليدي بحچايه
عباس فگدك يسبي .. عباس شوفي ابدربي
عباس متى تمر بيه / 2

فاضل مقدم

ثواب النشر هدیة الی روح امي و ابوي

#الناشر_مهدي_الكعبي

#اللهم_عجل_لوليك_الفرج

◇◈◇⇩..تابعونا..⇩◇◈◇

https://chat.whatsapp.com/Fh29xDG3pqPITHjltlZPp4


📲Whatsapp
00989336054731🇮🇷
00989381599023🇮🇷
00989388176328🇮🇷
*من باب احترام حقوق الآخرين*
*نرجو عدم تغيير روابط الخدمه*

الليله جمعه وجيت اشوفك
واعـتـبـرني مــن ضـيـوفــك
يابو فاضل خـلّـي اطـوفــك
* * *
بليلة الجمعه أجيتك
كربله حاسبها بـيـتك وآنه خطّارك
ابابك ادموعي اتجاره
واگـف واقــره الزيـاره ويّــه زوّارك
آنه احس دارك الحضره
ولازم اسـتـأذن الـزهـــره وادخل بدارك
بروحي شبّاچك الزمه
والوفـه مـنّـك اشـمّـه وعطر ايثارك

آنه اجـيـتك مـا اطلـبـك
ردت اگلّك والله احـبّــك
كلشي اعوفه وما اعوفك
* * *
صعبه ياعبّاس صعبه
فرگـتـك للروح غـربـه ياهلي وناسي
انته موطن وانته ديره
وانته للضايع عشيـره والزمن قاسي
تعلّمت منّك الخدمه
واعرفت وي ابو اليمّه العشگ عبّاسي
يابو فاضل مدري شحچي
ابـتسـم لو يـمّـك ابـچـي تزاحم إحساسي

مــا مـصـدّگ آنــه يـمّـك
يابو فاضل فدوه لأسـمك
عمري عايش وي طيوفك
* * *
آنه يمّك وانـتـه كـيفك
معتنيك بنص مضيفك شوف عنّايك
اعطش وما ريد اشرب
إلّا مـنّـك يـخـو زيـنـب إلّا من مايك
الماسگـيـتـه مـايـوافي
ولا يعيش بگلب صافي الما اخذ رايك
زيدني بحبّك بصـيره
حتى اكمّل هالمسيره وآنه شرّايك

گلبي ناده بعالي صوته
انته بيدك تحيي موتـه
معجـزاتك في حـروفك
* * *
بين تقصيري وقصوري
دمعتي تسولف شعوري وانظر بعينك
اسكت وتعرف كلامي
فدوه وصّلني الإمامي انطيني چفّينك
تـســوه ياعبّاس كلـشي
وياك لو للحضره امشي حضرة حسينك
نعقد اعله الزهره مجلس
وانـته يابو الغيـره تجلس وَاسمَع ونينك

شلون تبچي بسهم عـيـنك
على الزهره وعلى حسينك
تلطـم انـتـه بـلا چـفـوفـك
* * *
حسين يسمع وانته تسمع
والگـلــب ذاب وتـگـطّـــع الفاجعة أمكم
عالضلع انصب قرايه
وتحضر الليله السبايه تظل تحشّمكم
بالعزه يحضر المهدي
واللطم عالزهره يبدي الضلع لاچمكم
ايگلّك المهدي يعمّي
ويـاي گـوم الثـار أمّي ثار فاطمكم

انتـه توگـف بـالـقـرايـــه
بلا چفـوف تـشـيـل رايـه
الغيره هيّه تسل سيوفك
* * *
يـعـبـاس وبالقـرايــه
حرمه ملفوفه بعبايه هاي زينبكم
مگابله الزهره الزچيه
جايـبـه وياهــا رقـيـه طلب تطلبكم
دموعها من الهضم تجري
تصيح يهل الغيره خدري أنه بشاربكم
لـيـش مـتـسـألـــون عــنّي
شوفوا عيني وشوفوا متني جرحي عاتبكم

الزهره صاحت يبو الغيره
هاي أخـتـك ليش أسيـره
يمّه سلـوف عـن ظروفك
* * *
جواب العباس ع للزهراء ع

سوالف غيرتي للحچي گفّن
واجروحي اعله طول العتب كفّن
لون ما عالنهر طيّحوا كفّين
ييمّه ماخذوا زينب سبيه

وسام الشویلی

ثواب النشر هدیة الی روح امي و ابوي

#الناشر_مهدي_الكعبي

#اللهم_عجل_لوليك_الفرج

◇◈◇⇩..تابعونا..⇩◇◈◇

https://chat.whatsapp.com/Fh29xDG3pqPITHjltlZPp4


📲Whatsapp
00989336054731🇮🇷
00989381599023🇮🇷
00989388176328🇮🇷
*من باب احترام حقوق الآخرين*
*نرجو عدم تغيير روابط الخدمه*

السلام عليك يا يقين
السلام عليك يا امين
السلام عليك ياحسين / 2
🔵🔵🔵🔵🔵🔵🔵🔵🔵
يا حسين عليك اسلم ياهوى الله بكل سحر
وارث ادم صفوة الله يعني ابو الكل البشر
انته وارث نوح يعني التنجي من الخطر
ياسفينه والصعدها ما يغركه كل بحر

السلام عليك يانجاة
السلام عليك ياحياة
السلام عليك عليك كل حين
السلام عليك ياحسين
🔵🔵🔵🔵🔵🔵🔵🔵🔵
وارث ابراهيم يعني انته للباري خليل
وصرت برداً وسلاماً وانته للجنه السبيل
وانت وارث موسى يعني مكلم الرب الجليل
صرت اسلم على صوتك بالضحى وهدوة الليل

السلام عليك ياكليم
السلام عليك ياقديم
السلام عليك في السنين
السلام عليك ياحسين
🔵🔵🔵🔵🔵🔵🔵🔵🔵
صرت اسلم على جسمك الاعتقد مو بس سليب
انت وارث عيسى يعني منصلب فوك الصليب
وانت يا وارث محمد يعني لله هم حبيب
يبو اليمة بنظرة منك رد سلامي يامجيب

السلام عليك ياسلام
السلام عليك يا امام
السلام عليك انت دين
السلام عليك يا حسين
🔵🔵🔵🔵🔵🔵🔵🔵🔵
انته وارث علي يعني وصي رب العالمين
عليك اسلم فدوه لأسمك يا امير المؤمنين
عليك وارث فاطمة اقسم بالشفيعه ياحسين
اذكر اسمي بالشفاعه يا شفيع المذنبين

السلام عليك ياسميع
السلام عليك ياشفيع
السلام عليك يامكين
السلام عليك يا حسين
🔵🔵🔵🔵🔵🔵🔵🔵🔵
وارث المجتبى يعني انته نفس المجتبى
يالزكي دكيت بابك وادري بيها مجربة
الانبياء كلها ورثتها وارث لأهل العبة
واعتقد وارث لنفسك صرت يارب الابة

السلام عليك يا وريث
السلام عليك يا مغيث
السلام عليك يا معين
السلام عليك يا حسين

🏴🏴🏴🏴🏴🏴🏴🏴🏴
مهند قاسم الکاظمی

ثواب النشر هدیة الی روح امي و ابوي

#الناشر_مهدي_الكعبي

#اللهم_عجل_لوليك_الفرج

◇◈◇⇩..تابعونا..⇩◇◈◇

https://chat.whatsapp.com/Fh29xDG3pqPITHjltlZPp4


📲Whatsapp
00989336054731🇮🇷
00989381599023🇮🇷
00989388176328🇮🇷
*من باب احترام حقوق الآخرين*
*نرجو عدم تغيير روابط الخدمه*

بده موسم خدمتي ..واسولف وي دمعتي
شهر زينب اجانه
شهر زينب اجانه
🔹🔹🔹🔹🔹🔹🔹🔹
شربت الماي بس ريحة عطش بالماي
گلتلهم شكو وگالوا محرم جاي
التفت لكربله وصاح الدمع وياي
الخدمتك والبچي وفقني يا مولاي
يالمغرگني خيرك .. ابد ماعندي غيرك
الگلب ناده بحنانه .. شهر زينب اجانه
🔹🔹🔹🔹🔹🔹🔹🔹
احس جية محرم جمرة تچويني
ودمعة تجيبني ودمعه توديني
احاچي هلاله وجروحه تبچيني
اشافت بيك زينب من عمت عيني
شذنب حرمة چبيرة .. تظل بلا عشيرة
صحت حضروا عزانه .. شهر زينب اجانه
🔹🔹🔹🔹🔹🔹🔹🔹
اشم ريحة محرم جايني بعطره
وقميص حسين راحت فاطمه تنشره
من ازور المذبح اسمع ونة الزهرة
كل يوم اعله ابنها گاعده وتقره
تراك بدمعة العين ..تساعد ام الحسين
الدمع عدها امانه .. شهر زينب اجانه
🔹🔹🔹🔹🔹🔹🔹🔹
محرم ياحلاة الدنية بوجوده
عشگت الحزن والدمعه على موده
اجاني وحضرت دشداشتي السوده
وامي تگلي يمه ان شاء الله العوده
تگلي اوليدي انحب .. تره المسبيه زينب
فداها انته وانه .. شهر زينب اجانه
🔹🔹🔹🔹🔹🔹🔹🔹
محرم صيحة بس العاشگ يسمعه
بعد چم يوم تحله الونه والدمعه
وحمزه من الگبر بالمئذنه ينعه
ينادي يا شهر عاشور ونسمعه
وحگك يا محرم .. عمرنه بدونك اظلم
ولا يروه ضمانه .. شهر زينب اجانه
🔹🔹🔹🔹🔹🔹🔹🔹
محرم ليش من نبچي تلوم الناس
وبيك حسين تهوه عمامته من الراس
وبعد ذبحه بعشر خيالة صدره انداس
وزينب تنسبي وتحشم العباس
بصفر آخر ضحيه ..خبر موتة رقيه
السبه عياله سبانه .. شهر زينب اجانه


کرار حسین الکربلایی

ثواب النشر هدیة الی روح امي و ابوي

#الناشر_مهدي_الكعبي

#اللهم_عجل_لوليك_الفرج

◇◈◇⇩..تابعونا..⇩◇◈◇

https://chat.whatsapp.com/Fh29xDG3pqPITHjltlZPp4


📲Whatsapp
00989336054731🇮🇷
00989381599023🇮🇷
00989388176328🇮🇷
*من باب احترام حقوق الآخرين*
*نرجو عدم تغيير روابط الخدمه*