“УСТИНГДА КЎРИНСИН!”

Молик ибн Назла розияллоҳу анҳу Набий соллаллоҳу алайҳи васалламнинг ҳузурларига эски кийимда келди.
Пайғамбаримиз ундан:
– Молинг борми? – деб сўрадилар.
– Ҳа!
– Қанақа туридан?
– Ҳар қанақа туридан. Туя, от, қўй...
– Агар Аллоҳ сенга мол берса, унинг асари устингда кўриниб турсин!

Амр ибн Шуъайб отасидан, отаси эса бобосидан ривоят қилишича, Расулуллоҳ шундай деганлар: “Аллоҳ таоло неъмати асарини бандасининг устида кўриниб туришини яхши кўради!”.

Неъматни кўрсатиш шукрнинг бир қисмидир.
Аллоҳ инсонга мол ато қилса, у яхши кийимлар кийиши лозим. Яхши кийим бошқа, қиммати бошқа. Турли ёрлиқлар, машҳур ном-брендлар ва мода орқасидан югуриш, гўзал ва бежирим кийимлар бўлатуриб, номи учун қимматга сотиб олиш аҳмоқлик ва исрофдир. Аслида, номлар бойларнинг пулини шилиш мақсадида ўйлаб топилган. Фақирлар эса бунга алданиб қолишган. Бугун ҳатто ёшлар фахрланиш учун кучи етмайдиган нарсаларни ҳам сотиб олишга уринишмоқда. Гўзаллик яхши, аммо зўрма-зўракилик ёмон!

Неъматни зоҳир қилишда муҳтожларга ёрдамлашиш бор. Тўғри, яширин садақа Аллоҳга мақбул ва суюкли. Аммо инсон бойликда маълум бир даражага етганида кўпчилик манфаати етадиган умумий лойиҳаларга пул тикишга мажбур бўлади. Шифохона, масжид қуриш, узоқ қишлоқларда артезиан қудуғи ковлаш, мактаблар учун бинолар ва ҳоказолар барпо этиш шулар жумласидандир.
Бу каби ишлар Аллоҳ таолонинг: “Садақани ошкора қилсангиз, қандоқ ҳам яхши!” (Бақара сураси, 271-оятдан) деган сўзига асосланган. Аллоҳ берган ҳар бир нарса неъмат.

Неъматларга шукр қилиш ҳам неъмат!
Шифокорда бир ойда бир кун беморларга бепул хизмат қилиш имкони бор. Университет профессорида дарсга узри туфайли кела олмаган талабаларга аудиториядан ташқарида маъруза ўқиш имкони бор. Мансабдор ва нуфузли кишиларда бир бечоранинг мушкулотини ҳал қилиш учун ўртакаш бўлиш имкони бор. Бой савдогарда ҳар ой иффатли бир фақирнинг оиласи таъминотини қилиб туриш имкони бор. Корхона раҳбарида рамазон ойида ишчиларга енгиллик бериш имкони бор. Масъул шахсда ишчилар билан суҳбатлашиш, ҳазиллашиш ва уларга лутф ила муомала қилиш имкони бор...

Хуллас, Аллоҳга олиб борадиган йўллар махлуқлар нафаси миқдоричадир. Шукри адо этиладиган ҳар қандай неъмат муҳофаза қилинади. Неъматларни асрайлик!

“Набавий тарбия” китобидан.

✅Каналга аъзо бўлинг:
@mehrob_uz

“Кофирни кофир демаган киши кофирдир”

❓Савол: “Кофирни кофир демаган киши кофирдир” деган қоидани қандай тушуниш керак?

📥Жавоб: Бисмиллаҳир Роҳманир Роҳим. “Ким кофирни кофир демаса, ёки унинг куфрида иккиланса, унинг ўзи ҳам кофирдир” деган гап муайян фиқҳий ёки ақидавий қоида эмас. Балки, баъзи аввалги уламолар томонидан зикр қилиб ўтилган умумий масалалардан биридир. Масалан, Суфён ибн Уяйна, Абдуллоҳ ибн Аҳмад каби зотларнинг сўзларида ҳам шунга ўхшаш гаплар нақл қилинган. Ушбу гап асосан куфри Қуръон ҳукми билан маълум бўлганлар. Масалан, Аллоҳ таолога ширк келтирганлар, аҳли китоблар ва ғайри динлар ҳақида айтилган.
Аммо ҳозир баъзи адашган тоифалар томонидан “Ким кофирни кофир демаса ёки унинг куфрида иккиланса, унинг ўзи ҳам кофирдир” деган гапдан ботил тушунча ирода қилинмоқда. Асли ғайридинлар назарда тутиб айтилган масалани мусулмонларга татбиқ қилинмоқда. Натижада мусулмонни кофирга чиқариш авж олмоқда. Масалан, мусулмон киши хато қилиб ёки илмсизликдан ёхуд бирор таъвил сабаб куфрда айбланадиган ишни қилса-ю, унинг зарарига қози томонидан шаръий ҳужжат тўлиқ бўлмаса, уни ширк ёки куфрда айблаб бўлмайди. Балки ўша инсонга ширк ва куфр нисбати берилмай, умумий тарзда “Шу ишни қилиш ёки бу гапни айтиш ширкдир”, дейилади. Зеро, уламолар айтадиларки: “Мингта куфрда айблашга лойиқ бўлган кишиларни кофирга чиқармай хато қилиш – битта мусулмонни Исломдан чиқариб, хато қилишдан яхшироқдир”. Тавфиқ Аллоҳдан.

“Фатволар тўплами”дан

✅Каналга аъзо бўлинг:
@mehrob_uz

Қайси касб ҳалол?

❤️ Шайх Саййид Раҳматуллоҳ Термизий

✅Яқинларингизга улашинг!

👍Telegram 👍 Instagram 👍 YouTube 👍 Facebook

Тушга алданиб қолманг

Марвазийдан ривоят қилинади: «Солиҳ зотлардан бири бўлмиш Абу Абдуллоҳнинг ҳузурига Иброҳим Ҳасрийни олиб кирдим. У Абу Абдуллоҳга: «Онам сизни тушларида кўрибдилар. Сиз ҳақингизда бир қанча яхши гапларни айтиб, жаннатни ҳам зикр қилиб ўтдилар», деди.

Абу Абдуллоҳ шундай деди: «Эй дўстим, Саҳл ибн Саломага ҳам одамлар шундай гапларни айтаверганидан фитналаниб, охир-оқибатда қон тўкилишигача етиб борди. Туш мўминни хурсанд қилса қилсин, лекин уни алдаб қўймасин».

“Солиҳлар гулшани”дан.

✅Каналга аъзо бўлинг:
@mehrob_uz

Ассалому алайкум
☘️ Хайрли тонг! ☘️

💐 ЭНГ БАХТЛИ инсон бўлинг, қалбингиз дур каби бўлсин!
🍃 Бошлаб олган янги кунингиз хайрли ва барокатли бўлсин..!

Қарздан қутилиш учун ўқиладиган дуо

Ўқилиши: «Аллоҳумма акфиний биҳалалика ъан ҳаромика ва ағниний бифазлика ъамман сивака» дуосини ўқиб юрсанг, қарзинг «сир» тоғича бўлса ҳам, халос бўласан».

Маъноси: “Эй Раббим, ҳаром (аралаштирмай) ҳалолинг билан менга кифоя эт. Фазлинг ила Ўзингдан бошқалардан беҳожат қил.) Имом Термизий ривояти.

✅Яқинларингизга улашинг!

@mehrob_uz

Аз суҳбати дарвешон – бўйи Муҳаммадон

❤️ Шайх Саййид Раҳматуллоҳ Термизий

✅Яқинларингизга улашинг!

👍Telegram 👍 Instagram 👍 YouTube 👍 Facebook

Дунёда зоҳидлик – улуғ роҳат, дунёга рағбат улуғ балодир.

📝Изоҳ. Оллоҳ таоло дейди: «Сизларга берилган нарсалар фақат (ўткинчи) ҳаёти дунёнинг мато ва зийнатларидир. Оллоҳ ҳузуридаги (ажр-у мукофот) эса яхшироқ ва боқийроқдир. Ахир ақл юргизмайсизларми?!» Қасос сураси, 60-оят.

Демак бутун куч-қувватимизни сарфлаб эришган дунёнинг мато ва зийнатлари ўткинчи экан, уларга муносабатда энг тўғри йўл зуҳддир. Қўлда турган мол-дунёга қалбда меҳр бўлмаслиги зуҳд, аксинча, ҳеч вақоси йўқ қашшоқнинг қалбида дунё меҳри бўлса, у зоҳид эмас, дунёпарастдир. Камбағаллик, хасталик, яқинлардан ажралиш, ўлим – мусибат. Қалбга дунёнинг кириши бу мусибатлардан оғирроқ мусибатдир. Сабаби, бугун камбағал киши эртага бой, бугун хаста киши эртага соғлом, инсон ҳатто ўлимга ҳам кўникади. Мабодо бу дунёдан шу мусибатлар билан ўтиб кетган тақдирда ҳам Охиратда мукофотини олади. Лекин дунё қалбга кирса, на бу оламда, на Охират оламида унинг оқибатидан қутилишнинг иложи йўқ!

Саҳоблардан бири тобеъинларнинг улуғига деди:
Расулуллоҳ соллаллоҳу алайҳи ва салламнинг асҳобидан кўра сизларнинг амалларингиз ва ижтиҳодингиз кўпроқ, ҳолбуки улар сизлардан яхшироқ эди.
– Нега шундай? – сўрашди.
– Улар дунёда сизлардан кўра зоҳидроқ эди, – жавоб берди у. Яъни, саҳобаларнинг дунё билан боғланиши кам бўлгани учун ҳам уларнинг дунё билан боғлиқ амаллари ва ижтиҳодлари кам эди.

Бир киши Суфён Саврийга: «Зоҳид олимни кўрсам эди», деса, унга Суфён: «Эй шўрлик, улар йўқолган-ку, тополмайсан», – деди.

Абу Ҳомид Ғаззолий дейди: «Зуҳднинг аломати – камбағаллик ва бойлик, азизлик ва хорлик, мақтов ва мазамматнинг баробар бўлиб қолишидир. Бу Оллоҳга яқинлиги кўпайган инсонларда бўлади. Мазкур аломатлардан ажралиб чиқадиган яна бир аломат бор: дунёга ва у кимнинг қўлига ўтаётганига қизиқмаслик».

📚 “Унвонул баён”дан.

✅Каналга аъзо бўлинг:
@mehrob_uz

Ғайридин онамга қандай муомалада бўлишим керак?

❓Савол: Онам Исломдан бошқа динга эътиқод қилади.
Шундай бўлса ҳам мен уларни ҳурмат қилишга мажбурманми?

📥 Жавоб: Бисмиллаҳир Роҳманир Роҳим. Ҳа, агар сизнинг волидангиз залолатда бўлса ҳам, гарчи ширкда бўлса ҳам сиз у кишига нисбатан ҳурмат билан муносабатда бўлишингиз лозим бўлади.

Аллоҳ таоло Қуръони каримда бундай буюради: «Биз инсонга ота-онасини (рози қилишни) буюрдик. Онаси уни заифлик устига заифлик билан (Аллоҳ асрасин) (қорнида) кўтариб юрди. Уни (кўкракдан) ажратиш (муддати) икки йилда (битар). (Биз инсонга буюрдикки) “Сен Менга ва ота-онангга шукр қилгин! Қайтишлик Менинг ҳузуримгадир» (Луқмон сураси, 14-оят).
Асмо бинти Абу Бакр розияллоҳу анҳонинг оналари мушрика бўлган пайтида қизини соғиниб, уни кўриш учун Маккадан Мадинага келади. Шунда Асмо Набий алайҳиссаломдан онасига қандай муомалада бўлиши кераклиги ҳақида сўраганда, у зот силаи раҳм қилишга буюрганлар.
Демак, она залолатда бўлса ҳам, фарзанд унга силаи раҳм қилиши, дунёвий ишларда яхшилик қилиб, моддий ёрдам қилиб, яхши гапириб, ҳурмат-эҳтиромини жойига қўйиши керак экан. Валлоҳу аълам.

“Фатволар тўплами”дан.

✅Каналга аъзо бўлинг:
@mehrob_uz

Аллоҳ сизни зикр қилишини хоҳласангиз...

❤️ Шайх Саййид Раҳматуллоҳ Термизий

✅Яқинларингизга улашинг!

👍Telegram 👍 Instagram 👍 YouTube 👍 Facebook

УЙҚУНИ ИБОДАТГА АЙЛАНТИРИНГ

Бир ҳадиси шарифда шундай дейилади: “Ким бир ўринга ётиб, унда Аллоҳ таолони зикр қилмаса, унга Аллоҳдан бир қасос-азоб бўлади” (Имом Абу Довуд ривояти).
Яъни, ким ўринга ётса, шу ётган бутун вақт ичида бирор марта ҳам Аллоҳни зикр қилмаса, у ҳолда бу ётиш қиёмат куни унинг учун ҳасратга сабаб бўлади, ўша кун мен ётган эдим, лекин унда Аллоҳни зикр қилмадим, деб афсус чекади. Чунки, у на ухлаётганда дуо ўқиди ва на уйғонганда. Шунинг учун Набий соллаллоҳу алайҳи васаллам, ухлашдан олдин ҳам, уйғонганда ҳам зикр қилиб ол, деганлар. Дарҳақиқат, зикр қилиб ухлаш мўминлик белгисидир. Кофир ҳам ухлайди, мўмин ҳам ухлайди. Лекин кофир ғафлатда ухлайди, Аллоҳни зикр қилмайди. Мўмин эса Аллоҳнинг ёди ва зикри билан ухлайди. Шунинг учун унинг бутун уйқуси ибодатга айланиб кетади.

“Насиҳатлар гулдастаси”дан.

✅Каналга аъзо бўлинг:
@mehrob_uz

Ассалому алайкум ва раҳматуллоҳи ва баракатуҳ
☘️ 🌸 🍀 🌸 🍀

Эй Аллоҳим! Бошимиздан турли мусибат, офатларни даф эт, фитналардан омон сақла, ишларимизни ўнгла! Бугунги кунимизни барокатли қилгин! 🤲

☘️ Хайрли тонг! ☘️

✅Каналга аъзо бўлинг:
https://www.tg-me.com/joinchat-AAAAAD-ZGmdHp-O75FyVsg

Дунё мумин учун нақадар яхши жой!

Ҳасан Басрий роҳимаҳуллоҳ айтадилар: «Дунё мумин учун нақадар яхши жой! Чунки мўмин бу дунёда озгина амал билан ҳам жаннатга захира олиб кетади. Дунё кофиру мунофиқлар учун нақадар ёмон жой! Чунки улар кечалари маза қилиб ухлайди, лекин дунёдан олган захираси жаҳаннам бўлади».

Изоҳ: Мўмин-мусулмонлар бу дунёни экинзор деб билади, бу экинзорга солиҳ амаллар экиб, ҳосилини охиратда олишга ҳаракат қилади.

✅Яқинларингизга улашинг!

@mehrob_uz