​​У Беларусі адзначаецца дзень настаўніка.

Пацукі шмат намаганняў прыклалі, каб зганьбіць гэтую прафесію, каб настаўніцы і настаўнікі асацыяваліся з хлуснёй , фальсіфікацыямі і ўцёкамі праз вакно з выбарчага ўчастка ў школе.

Але зараз з'явілася статыстыка: больш за 6000 настаўніц і настаўнікаў страцілі працу праз свае палітычныя погляды. Шэсць тысяч!

Падчас акупацыі школы робяцца цэнтрамі варожай прапаганды. Бо для акупантаў жыццёва важна падмануць, адурманіць маладое пакаленне. І сумленны настаўнік для іх - вораг. Сумленны настаўнік - экстрэміст. Сумленны настаўнік - падпольшчык. Бо будзе вучыць сапраўднай гісторыі, а не той, якую прыдумалі акупанты, і мове, якую вораг намагаецца знішчыць. Ён ці яна будзе шчыра адказваць на пытанні вучняў, а не хлусіць, як загадалі ў мінадукацыі.

Шэсць тысяч страцілі працу, хтосьці за кратамі, хтосьці з'ехаў. Мы не ведаем, колькі засталося ў школах сумленных настаўнікаў, але спадзяемся, што іх дастаткова, каб дапамагчы дзецям атрымліваць веды замест прапаганды.

Дзякуй вам, сапраўдныя настаўніцы і настаўнікі, і са святам вас. Няхай хутчэй прыйдзе час, калі вы будзеце працаваць свабодна, без ідэолагаў, хлуслівых падручнікаў і небяспекі звальнення, а ваша прафесія зробіцца адной з самых паважаных. Беражыце сябе!
Жыве Беларусь!

«Хадзіла з кута ў кут». Вядомую ютуб-блогерку затрымалі на мяжы за ўдзел у пратэстах — за кратамі яе пратрымалі больш за тры месяцы

5 кастрычніка ў 29-гадовай Караліны Канановіч з Мінска, вядомай як відэаблогерка Караліна К., пасля чатырохмесячнай цішыні на канале з'явілася відэа, дзе дзяўчына распавяла, што гэты час яна правяла за кратамі. Больш за 2 гады блогерка жыве ў Амстэрдаме, але часам прыязджала да сваякоў у Мінск. Чарговая паездка ў Беларусь напачатку чэрвеня скончылася затрыманнем.

У 2020 годзе дзяўчына, асвятляя на канале сваё жыцце, паказвала, як восенню хадзіла на пратэст і збягала ад сілавікоў (гэта відэа ўжо даўно не дасяжна на канале). Верагодна, гэта і стала прычынай пераследу.

Паводле «народнага» артыкула 342 КК (актыўны ўдзел у дзеяннях, што груба парушаюць грамадскі парадак) Караліне прызначылі два гады і два месяцы «хатняй хіміі». Прысуд набывае моц 6 кастрычніка, але дзяўчына з'ехала з Беларусі.

Чытаць па спасылцы 👉 https://spring96.org/be/news/118809

🌿Чытаць з Беларусі без VPN

Беларусы Шчэціна 🇵🇱 сабраліся на традыцыйную нядзельную акцыю ў падтрымку палітвязьняў 

5 гадоў рэжым у Беларусі не спыняе рэпрэсіі, замест тых, хто выйшаў на свабоду, з'яўляюцца ўсё новыя закладнікі. І гэты працэс не спыніцца, пакуль існуе рэжым. 

Але мы не паддаемыся: салідарнасць вельмі важная рэч, якой "ўлада" баіцца больш за ўсё. Таму мы збіраемся, каб падтрымаць усіх, хто знаходзіцца за кратамі - і будзем рабіць гэта далей.
❤️✊✌️

📅 12 кастрычніка 2025 года
📍 Плошча Кудзірка, Вільня
🕛 Пачатак а 12:00

Беларуская дыяспара ў Літве, аб’яднанне палітвязняў RE:BELarus, а таксама партыі «Народная Грамада» і Dapamoga запрашаюць на памятную акцыю ў гонар Вітольда Ашурка — беларускага грамадска-палітычнага і экалагічнага актывіста, забітага ў Выпраўчай калоніі №17 21 мая 2021 года.

Мы разам ушануем яго жыццё і подзвіг:
🕯 запалім 55 свечак — сімвал яго гадоў;
📜 кожны ўдзельнік прачытае частку з ліста Вітольда;
🗣 скажам некалькі словаў пра памяць і мужнасць чалавека, які змагаўся за праўду;

Прыйдзі, каб аддаць даніну павагі тым, хто не зламаўся.
Салідарнасць жыве! ❤️🤍❤️


https://www.tg-me.com/REBELarus1

@REBELarus20

[email protected]

#ВітольдАшурак #Belarus #REBELarus #НароднаяГрамада #Dapamoga #Памяць #СвабодуПалітвязням #Вільня

https://www.tg-me.com/REBELarus1

@REBELarus20

[email protected]

​​Памежнік Артут Сыракваша - адзін з мноства беларусаў, асуджаных па "справе Гаюна". Артур служыў на заставе ў Хойніках. На яго вачах расейскія войскі ўваходзілі на тэрыторыю Украіны з Беларусі.

Ваенкам-камедыянт Крываносаў, вядома ж, раскажа нам, што ўся армія "правільная", чырвона-зялёная. Але сумленныя людзі ёсць паўсюль, і ў арміі таксама ёсць.

Магчыма, інфармацыя ад вайскоўцаў-памежнікаў была найбольш карыснай, а магчыма і не. Бо каб заўважыць запуск ракеты не трэба быць спецыялістам. І ў Гаюн пісалі розныя людзі, ад вайскоўцаў да святароў.

Акупацыйная ўлада зрабіла ўсё, каб беларусы выглядалі саюзнікамі расейцаў, можа, без зэтак і партрэтаў пуціна на кожнай прыбіральні, але яно і не трэба, дастаткова таго самага "з Беларусі ляцелі ракеты". Вось толькі людзі - розныя людзі - хацелі дапамагчы ўкраінцам. Усе адчувалі сорам і адказнасць, хтосьці хацеў уратаваць імідж нашай краіны, але гэта было не галоўнае. Проста сумленны чалавек не можа спакойна глядзець, як побач адбываецца злачынства, адно з самых страшных злачынстваў апошніх гадоў.

Зараз Гаюн узгадваюць толькі як чарговую нагоду для крымінальнага пераследу беларусаў. Але гэта была сапраўды важная справа. Можа, адна з самых важных. Яна аб'яднала мноства людзей і выратавала мноства жыццяў. А яшчэ паказала, што сапраўдная Беларусь - гэта не пацучыны рэжым. Давайце ўзгадаем гэта таксама.

Свабоду Артуру Сыраквашу!
Свабоду ўсім палітвязням!
Жыве Беларусь!

13.10.1970 г. нарадзіўся Вітольд Ашурак.

На жаль, яго імя стала сусветна вядомым толькі пасля яго забойства. Але памяць пра сябе Вітольд заслужыў пры жыцці, і паспеў зрабіць ён шмат: і грамадскія акцыі, і барацьба за экалогію, і сплавы па Нёману, і музычны фэст. А яшчэ Вітольд з сябрамі аднаўляў помнікі паўстанцам 1863-1864 гг.

Акупанты знішчаюць старыя крыжы, руйнуюць гістарычныя помнікі. Для акупаванага народа захаванне памяці - гэта захаванне сябе. Вось чым займаўся Вітольд: захаваннем Беларусі.

І ў дзень яго народзінаў мы верым: зламаныя крыжы паўстануць зноў, помнікі старым героям будуць адноўлены. І з'явяцца помнікі новым героям. І помнік Вітольду таксама будзе.

Жыве Беларусь!