Мінула 39 гадоў з моманту найвялікшай у свеце тэхнагеннай катастрофы, якая адбылася з-за чалавечай халатнасці і безадказнасці. Аварыя на Чарнобыльскай АЭС - наш боль і па сённяшні дзень, бо не вывучаны ўрокі Чарнобыля, не зроблены высновы, людзі застаюцца сам- на- сам са сваёй бядой.
А лукашысты падрыхтавалі чарговы “сюрпрыз” - Астравецкую АЭС і збіраюцца будаваць яшчэ адну…
Спыніся, Лука! Спыніцеся, прыдворныя “вучоныя- атамшчыкі”. Пашкадуйце беларускі народ.
SOS!!!!!

​​Праваабаронцы паведамляюць: знікла сувязь с адміністратарамі беларускай Вікіпедыі Казімірам Ляхновічам і Вольгай Сітнік. Вы заўважылі, як прынята казаць пра знікненне людзей у Беларусі? Знікла сувязь з тым-та і тым-та. Сувязь. Знікла. Быццам беларусы ў Беларусі - нейкія агенты ў стане ворага. Можа, так яно і ёсць.

Гэта ўжо другая атака на беларускую Вікіпедыю, і прычын тут некалькі. Вядома ж, усё недзяржаўнае, свабоднае, створанае агульнымі сіламі і па-за кантролем уладаў, - хоць краўдфандынгавая платформа, хоць сайт з петыцыямі, хоць прыродаахоўная арганізацыя, - выклікае натуральную нянавісць у гэтых самых уладаў. Беларуская мова - таксама нібыта чырвоная ануча для пацукоў.

Але галоўная прычына не ў недзяржаўнасці і не ў мове. Любую інфармацыю, не правераную натоўпам ідэолагаў і міністэрствам адукацыі, лукашысты лічаць небяспечнай для сябе. Бо сёння паважаныя грамадзяне чытаюць (і пішуць) пра хімічныя рэакцыі, старажытную японскую літаратуру ці фаўну Аўстраліі, а заўтра - пра Кастуся Каліноўскага, сталінскія рэпрэсіі і знікненне Юрыя Захаранкі. А беларуская мова нясе дадатковае адценне: горача любімы лукашыстамі рускі свет гадамі прасоўваў ідэю, што руская мова выдатна пасуе розным навукам, а беларуская прыдатная хіба што для сумных вершаў стогадовай даўніны пра цяжкую сялянскую долю. І вось існуе рэсурс з артыкуламі на навуковую тэматыку на беларускай, і нешта мова аўтараў не абмяжоўвае.

Пацукі і далей будуць весці барацьбу з рознымі незалежнымі крыніцамі ведаў, гэта дакладна. Але ўсё, што трапіла ў інтэрнэт, застаецца ў інтэрнэце. Свабодная энцыклапедыя захавае свабоду. А для нас гэта знак: абіраць крыніцы інфармацыі, не падкантрольныя пацукам і рускаму свету. Веды - гэта зброя разумнага, адукаванага і свабоднага чалавека. Не складзем жа гэту зброю, сябры.

Свабоду Казіміру Ляхновічу і Вользе Сітнік!
Свабоду ведам!
Жыве Беларусь!

Беларусы Беластока сабраліся разам, каб павіншаваць палітзняволеных, якія нарадзіліся ў красавіку.

Больш за чатыры гады многія беларускія сем’і не могуць сустрэцца за святочным Вялікодным сталом, альбо наведаць магілы сваіх родных, бо адныя вымушана з’ехалі, а другія сядзяць за кратамі…

Асабліва патрэбна падтрымка, салідарнасць і неабыякавасць нашым вязням сумлення і іх сем’ям.

"Трымайцеся, дарагія, мы не забыліся пра вас."

Жыве Беларусь!

Віншуем нашых мужных палітзняволеных беларусаў і беларусак, хто святкуе свой Дзень нараджэння ў красавіку.
Доўга цягнуцца змрочныя часы, але мы верым, што ўсё было недарма, спадзяёмся, што ўрэшце Святло пераможа.

Жыве Беларусь!

​​Адно з самых недарэчных сучасных свят: ну што значыць у дзень працы ніхто не працуе?! Зараз 1 мая - дзень шашлыкоў, а ў часы СССР (нават падчас Чарнобыля) у праграмму "святкавання" уваходзіла яшчэ і першамайская дэманстрацыя з абавязковымі "мир! труд! май!"

"Мир" знік першым. Неяк пачаў згасаць яшчэ ў 2020 г, а ў лютым 2022 г абрынуліся рэшткі, са ўсімі  галубамі, выявамі Зямлі і сябруючымі дзеткамі на плакатах.

"Труд" - што ж сталася з трудом, а дакладней з працай? Частка працаўнікоў з'ехала, ратуючыся ад недазаконня, іншая не можа ўладкавацца, бо "неблаганадзейныя". Галоўны пацук абяцае завезці на іх месцы пакістанцаў, але нешта нам падказвае, што пакістанцы, калі і прыедуць, то праз тыдзень пабягуць ад нашай стабільнасці штурмаваць беларуска-польскую мяжу.

Ну май, здаецца, ніхто не атруціць? Але вось вам навіна: лука і братэрскі пуцін збіраюцца пабудаваць у Беларусі завод па вытворчасці беспілотнікаў.

Пацукі і сяк і так імкнуцца запэцкаць беларусаў крывёй і зрабіць краіну законнай ваеннай цэллю. І ў пэўнай ступені гэта атрымалася: нашай тэрыторыяй скарысталіся для нападу на суседзяў, частка прадпрыемстваў супрацоўнічае з Расіяй, мянты вешаюць у кабінетах зэткі і партрэты пуціна, і яшчэ ядзерныя ракеты гэтыя, якія ці ёсць, ці не, незразумела.

Але новае прадпрыемства, што вырабляе зброю? Хто згадзіцца працаваць там, спадары пацукі? Пакістанцы? Паўночнакарэйцы? Хто такі мярзотнік і такі дурань адначасова? Можа, красаўцаў туды? Яны падыходзяць! Вось толькі наўрад ці беспілотнікі, сабраныя красаўцамі, паляцяць.

Так што ўдалага вам марнавання грошай, непаважаныя спадары пацукі. У рэшце рэшт кожная змарнаваная капейка аслабляе злачынную ўладу.

Беларусы - за мірную працу на сваёй зямлі (і без пацукоў).
Жыве Беларусь!

❗️У Беларусі адбываюцца масавыя затрыманні за ўдзел у пратэстах і па «справе Гаюна»

Пра гэта распавядаюць затрыманыя, якія выйшлі з Акрэсціна. Паведамляецца, што вельмі шмат затрыманняў адбываецца ў межах арт. 361-4 Крымінальнага кодэкса (садзейнічанне экстрэмісцкай дзейнасці) па «справе Гаюна». Большасць затрыманых — мужчыны. Фігурантаў «справы Гаюна» адпраўляюць у СІЗА.

Апроч гэтага, працягваюцца затрыманні паводле арт. 342 КК (актыўны ўдзел у дзеяннях, што груба парушаюць грамадскі парадак). Паведамляецца пра вялікія лічбы затрыманых. Гэта звязваюць з тым, што ў жніўні гэтага года сыходзіць тэрмін даўніны прыцягнення да крымінальнай адказнасці за ўдзел у пратэстах. На Акрэсціна па-ранейшаму затрыманых утрымліваюць у нечалавечых умовах у перапоўненых камерах.

🗣Заклікаем працягваць паведамляць праваабаронцам пра ўсе вядомыя факты палітычнага пераследу. Мы клапоцімся пра вашу бяспеку, таму зробім усё магчымае, каб немагчыма было выкрыць крыніцу.

@ViasnaSOS | @SOSViasna | @Viasnainfo

Вызваліць іх усіх! Дзень свабоды прэсы ў Беларусі за кратамі сустракаюць больш за 40 журналістаў

Наша сітуацыя з правамі медыя застаецца найгоршай у Еўропе. Пасля татальных рэпрэсій, што пачаліся з 2020 года, праз затрыманні, арышты і пераслед прайшлі больш за 500 беларускіх калег.

Сёння БАЖ вядома пра 40 журналістаў і журналістак, якія знаходзяцца ў турмах Лукашэнкі. І гэта, на жаль, не поўны спіс.

3 траўня, у Сусветны дзень свабоды прэсы мы, і нашы калегі па ўсім свеце патрабуем вызваліць беларускіх журналістаў і журналістак!

#StandWithBelarus, #BecauseTheJournalist, #JournalismIsNotaCrime

❗️ Падтрымаць БАЖ ❗️

​​8 мая людзі па ўсім свеце гавораць "ніколі зноў", але "зноў" паўтараецца і паўтараецца.

Ці пражыло чалавецтва хоць дзень без вайны за сваю гісторыю? Наўрад ці. Але другая сусветная была не такая, як іншыя войны. Мільёны загінулых, разбураныя ўшчэнт гарады. Упершыню была ўжыта ядзерная зброя - вялікае дасягненне навукі ператварылася ў вялікую пагрозу для ўсёй планеты.

Нацыстаў судзілі ў Нюрнбергу. Тых, хто збег, метадычна потым шукаў Масад. Германія афіцыйна пакаялася і панесла адказнасць, і зараз немцы - ці не самыя шчырыя з тых, хто паўтарае "ніколі зноў". Так было не заўсёды, пасля вайны дастаткова  паважаных грамадзян за півам згадвалі гітлера як добрага кіраўніка. Але на дзяржаўным узроўні такія погляды ганіліся, а новыя пакаленні ўжо гадаваліся з пагардай да нацызму.

Саветам не давялося каяцца, іх не судзілі, іх злачынствы працягваліся і пасля вайны, а доказы ўсё яшчэ схаваныя ў закрытых архівах. Так выйшла, што партнёры гітлера па падзелу Польшчы зрабіліся ў працэсе вайны спачатку яго праціўнікамі, а потым - аднымі з пераможцаў. А хто ж судзіць пераможцаў. Пераможцам - павага. Пераможцам - медалі. Пераможцам - парады, і дзеткі ў форме, і крымінальныя справы для тых, хто прыкурыў ад вечнага агню.

"Ніколі зноў" не каштуе нічога, калі гэта проста словы. Калі гісторыю не ведаюць і не памятаюць. Калі ганебныя старонкі яе проста не згадваюць, прыдумляюць герояў, якіх не было, а са злодзеяў таксама лепяць герояў. Гісторыя жорстка помсціць усяму чалавецтву, калі нехта імкнецца замкнуць яе ў архівах.

І сёння мы кажам не "ніколі зноў", а "трэба памятаць". Памятаць і подзвігі, і злачынствы, і ахвяр, і гарады, разбураныя "вызваліцелямі", і вёскі, спаленыя не нацыстамі. Памяць - добрая прышчэпка ад зла. І новы Нюрнберг, вядома ж.

Мы памятаем.
Жыве Беларусь!

Як прапаганда хлусіць аб "Вялікай Айчыннай вайне"

Перамога над фашызмам сапраўды кавалася найперш людзьмі, у тым ліку беларусамі. Але гэтая перамога даўно стала інструмэнтам для прапаганды. Мікіта Мелказёраў на канале "Загляне сонца" разбірае галоўныя міфы прапаганды вакол "Вялікай Айчыннай вайны", і разважае, якім чынам зараз улады спрабуюць яе выкарыстоўваць у сваіх мэтах.

"Кожныя пераможцы разлічваюць нешта здабыць у выніку перамогі, асабліва пасля такой крывавай вайны, і гэта было правільна, заканамерна. Але што ў выніку яны атрымалі — што атрымалі народы Савецкага Саюзу? Зноў жа тую камуністычную кабалу, тую заняволенасць і галечу, у той час як народы Еўропы — і пераможцы, і пераможаныя, дарэчы, — сапраўды скарысталіся гэтай перамогай. У тым ліку і нашай перамогай. Зноў жа, з ініцыятывы Злучаных Штатаў Амерыкі быў вылучаны план Маршала, які ўзняў Еўропу з руінаў, з гэтых самых папялішчаў, які ўдыхнуў жыццё, і якому, па сутнасці, Еўропа абавязаная і дасюль. Але ж Сталін адмовіўся ад гэтага плану. Ён як вайну, так і перамогу, так і пасляваеннае аднаўленне, адбудову зноў жа ўзваліў на плечы свайго народу. І гэтым увергнуў яго ў неймаверную шматгадовую галечу"

Васіль Быкаў

ГОМАН ПАБЕДАБЕССЯ

У Гродна вар’яты збудавалі Рэйхстаг
І моцна яго штурмавалі.
(Калішні ДэКа, дзе працёк даўно дах…)
Атакі шлі хваля за хваляй.

І сорамна была на гэта глядзець,
На гэту вар’яцку батлейку,
Дзе недзе, напэўна, згубіўся мядзведзь…
Дзе сэнс не дудзіць і ў жалейку.

Навошта патрэбны здзяклівы тэатр
У дзень гадавіны пакутаў,
Якія калісці адчуў стал’ і мал’,
Навошта нам гэта атрута?

Зрабілі вы цырк із пакутаў дзядоў,
Што ладзілі ту Перамогу,
Насралі на памяць герояў і ўдоў.
“Насралі” – ня мала, ня многа!

Навошта пэрформанс здзяклівы рабіць,
Фанфары так гучна ўключаць,
Калі мы суседа пачалі бамбіць?
Тут не святкаваць, а рыдаць!

Тут моўчкі слязу была б варта праліць,
Па тым, хто зрабіў Перамогу,
А вы пераважылі строям хадзіць…
З казой, што ня йшла з вамі ў ногу.

Напэўна, каза та была разумней,
За тых, хто з ёй разам там крочыў.
Ня станьце дурнейшымі ж вы за сьвіней!
Адкрыйце жа вы свае вочы!

©️ Максім Перапяліца

https://www.tg-me.com/PerepelizzaMaksim/609?comment=2508

Беларусы Шчэціна 🇵🇱 сабраліся на нядзельную акцыю, каб падтрымаць палітзняволеных. 

Нібыта з нагоды 9 траўня вызвалілі 42 палітвязьня.
Але колькі чалавек за апошні месяц затрымалі, асудзілі ці не выпусьцілі з турмы, абвінаваціўшы ў "непадпарадкаванні адміністрацыі"?
Рэжым трымае закладнікаў і набірае новых.
І ён не спыніцца, пакуль мы яго не спынім!
❤️✊✌️