مربعه لغربت زینب ع
یوم الحادی عشر


غریبه حالتی یهلی غریبه.
وبعد الیوم اسمی ام المصیبه



آیهلی غریبه الیوم حالی
حرمه وسایبه ماعندی والی
بعد خدری وبعد ذاکه دلالی
بگیت اوحیدتی وروحی سلیبه


آیا حیرتی ویاجور الایام
صرت امکلفه بعیله والایتام
وطحنه یاهلی ابین ضلام
بلله البی حمیه منین اجیبه



حیرنی الزمان شلون یاناس
بعد ما اسوه شی وامهبطه الراس
هیچ اختک صفت شدگول عباس
شلون ام الخدر تصبح غریبه



نمتو لیش یاخویه ونسیتونی
وحیده اویه الغرب شلون عفتونی
وابلمت یتامه محنیتونی
ودمعاتی تهل خویه و سچیبه



وحدی خایفه وچل واجه الیل
منتچیه علی اهمومی بلا حیل
ماعندی زلم کلهم مچاتیل
وکلهه اتوسدت وسفه التریبه


تمت بعون الله
✍بقلم خادمه اهل البیت ع
ام ابوالفضل مقدم📓


قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

قصیده للحسین ع
لسان حال السیده زینب س



اَنا الونیت لبن امی وسمع ونی

رَد راسه التفت لیّه وحیرنی



اَنا الونیت لبن امی وصحت یحسین
خویه اتحیرت انطی الوجه لاوین
نامو علثره وخلونی ابتمحین
ویا حال الیتامه خویه مرمرنی


انا الونیت وروحی اتحیرت بیکم
امشی اویه الغرب واهنا اخلیکم
لو ابگه واضلن یمکم انعیکم
شلون ابگه وراسک لو مشه عنی


انه الونیت من ظیم الکثر بیه
وبکل ونه الونهه الراس ایصد لیه
وعنک رایحه من گتله مسبیه
طاحت دمعته والحاله فجعتنی


اون بهدای وکل ونه باثر ونه
خاف احسین یسمعنی واجرحنه
گلبی ینمرد کلما انظرنه
وکلما اصد علیه الگاه ینظرنی


تنزل دمعتی علی اخدودی تچوینی
یوم الشال اخوی احسین عن عینی
شلی ابحیاتی اخلافه واسنینی
یریت الموت خویه اویاک ماخذنی


ماینفع ونینی علیک وحتی ابچای
وحتی عیونی نشفت ماکو بیهن مای
یلی حیرتنی بلیتامه های
نامت عینه ولا چنه یسمعنی


تمت بعون الله
✍بقلم خادمه اهل البیت ع
ام ابوالفضل مقدم📓

قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

قصیده للولیان



هظمنی وصابنی یایوم السباع

برمشت عین شالو منی ابساع



هظمنی وصابنی یایوم ولیای
یل ماضاگو القطره من المای
علیهم یلله صبی دموم عینای
علی الماتو وبعدهم العمر الضاع


هد حیلی وهظمنی یوم الایواد
طگنی وصابنی ابوسط الفاد
علی الراحو چتل خوانی الامجاد
اصحاب الوفه حلوین الطباع


ارید الطم جبینی اهنا یلحباب
علی الضلوا ضحایه فوگ التراب
آیحسین گلی شنهی السباب
تنذبحون وتنامون علی الگاع


آنی ماشیه یحسین عنکم
ومن غصبن علیه افارگنکم
لو بیدی اضل وابگه یمکم
بس غصبن علیه امشی بله اوداع



خل نبچی سوه واندگ نویه
وخل نلطم علی الوالی سویه
یل ماتوا ذبح بلغاضریه
وبس اجساد تهد الحیل الاوضاع



شوفتهم تهد الحیل یاناس
ویاجِثت الولی ضلت بلا راس
ومنّه امگطعه چفینه عباس
هذوله للسفینه چانوا اشراع



تمت بعون الله
✍بقلم خادمه اهل البیت ع
ام ابوالفضل مقدم📓

قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

قصیده الی یوم الثانی عشر


مابین الجسد محتاره والراس

یخویه گوم باصرنی یعباس



گوم اگعد یکافل شیل همی
اگعد شوف محتاره بهظمی
الروس معگله والجثث یمی
وین امشی وادیر الوین یاناس


لا عندی فکر واگلیبی حایر
راس ابن امی فوگ ارماح دایر
محتاره علی الصوبین اناظر
ومن احسین مگطوعه الانفاس


یاعباس گوم الحگ علیه
اخوک احسین هم راح امن ایدیه
وعنکم ماشیه خویه سبیه
ویجر بیه العدو ماعنده احساس


بگیت امحیره والحیره صوبین
اضل یمک یخویه وتهمل العین
لو امشی اویه راسک خویه یحسین
وعلیی صوبین ملتمه الارجاس


یردونی اعوفک وامشی للشام
وانسه ذیچ عشرتنه و الایام
یاخذنی الفکر وطگنی الوهام
شجاوب لو ارد تسئلنی الناس



شجاوب یاخلگ والعگل هایم
اخوی احسین علتربان نایم
لو شحچیلکم عن گمر هاشم
ضل مطروح یم الشاطی عباس


تمت بعون الله
✍بقلم خادمه اهل البیت ع
ام ابوالفضل مقدم📓


قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

قصیده عتاب
لسان حال السیده زینب س الی امها الزهرا ع



یلّی اتروح لُمی اویاک گِلهه

الیوم القالیه واگع حملهه



یلّی اتروح لُمی اویاک خبرها
گلهه ابنیتچ حرگوهه اخیمها
وگلهه اتفرهدت اطفالهه منها
واخوهه انحز وریده احسین یمهه



یلّی اتشوف امی انطیهه الخبر
گلهه شلون سوهَ بیّه الدهر
اول ماخذالی منی الگمر
وحملهه مال من طاح الکفلهه


گلهه اتحیرت بلدنیا والبین
فگدت اعزاز واحیاد المیادین
مثل عباس یل بی هیبه واحسین
وتالی اتفرهدت اعیالهه منهه



یلّی اتروح گلهه لُمی الزهره
شلون اتمرمرت احوالهه الحره
وعافته ومشت احسین علغبره
مسبیه مشت ومادرو عنهه


گلهه بحالتی البین شعمل بیه
خذه البیهم الغیره وحیل نشمیه
بقیت ابلایه والی الیوم مسبیه
وتحدیهه الغرب والعدو ایجر بیهه



تمت بعون الله
✍بقلم خادمه اهل البیت ع
ام ابوالفضل مقدم📓

قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

ثجیله لغربت زینب سلام الله علیها


غریبه حالتی وتجری دمعتی

وعلی الطف والنهر اتصد نظرتی


اصِدّن مره للطف وتجری العین
اصیح بصوت اگعد خویه یحسین
شوف الصار بیه وعملت البین
خویه بگلبی تچوینی حسرتی



تصِد اعیونی للشاطی وتجری
صحت عباس خویه الحگ الخدری
تولونه العده وفرهدو ستری
اخبِرک لا تگلی خویه ماگلتی



یخویه فرهدونه وحرگو اخیمنه
وطَشّت کِلهه منی من رحت عنه
اسف یاحیف انته الماچنت یمنه
یل ماگلت یختی وین چا صرتی



بگیت اوحیدتی وایدی علی خدی
عدوانک یخویه وصلت الحدی
الشمر شتّم امی و والدی وجدی
ویگلی الیوم یازینب سبیتی


غریبه الیوم صرت وتفجع احوالی
صفیت اوحیدتی والشمر یبرالی
بعد ذاک الخدر واسمی العالی
زینب یل سبیه وبلغرب طحتی


تمت بعون الله
✍بقلم خادمه اهل البیت ع
ام ابوالفضل مقدم📓
قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

فزاعیه للخوان


علی. متهون فرگتکم یلخوان
اویاکم یلّی جبتونی من الوطان


علی متهون فرگتکم یخوتی
عجب مافززتکم چا نخوتی
خلیتونی متحیره ابلوتی
وگلبی منترس اهموم واحزان


یخویه الحیل منی اتفرهد الحیل
وروحی استوحشت من چلچل الیل
اذکر گعدتک وادموعی اتسیل
یخویه البیک هیبتنه والامان



یل نمتو یخویه وماتگعدون
فرگتکم ثجیله اعلیه متهون
جفیتونه یخویه وماتنشدون
مو قاسین خویه اعرفکم احنان


مایرضه الگلب یبن امی ینساکم
یل من الوطن جبتونی ویاکم
تضل للموت خویه الروح تهواکم
تبعت اظعونکم لا وین ماچان


علی اعزاز خویه واغله من روحی
فرگاکم صعب یلچملی اجروحی
علیکم مایبطّل ونّی و نوحی
واعتب علدهر طشرنه خوَان



تمت بعون الله
✍بقلم خادمه اهل البیت ع
ام ابوالفضل مقدم📓

قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

مربعه للمسیر
زینب ع والحادی.......


یحادی النوگ فتّر وامشی بهدای

عندی عتاب آخر ویّه ولیای



یحادی النوگ بلله شوی دتانی
عندی عتاب اویه النام ونسانی
اگله ماشیه عنکم ترانی
ترضولی غریبه امشی یولیای



یحدّای الظعن ریض بلضعون
ارید انده اخوتی بلچی ایفزون
امشی اویه الاجانب بلله یرضون
دگعدو باصرونی شلون ممشای


ترضولی یسیره امشی وغریبه
وایدیه امگیده خویه وسلیبه
والبی هیبه بلله امنین اجیبه
وچنه ماسمع عتبی ونخوای


شرید اعتب علی الماعنده چفین
یازین الزلم امصوب العین
یتلفت علیه ایسار ویمین
وبی ادری حنین وزین وفّای



ادگله رایحه تسمع یعباس
عنکم ماشیه وامهبطه الراس
عجب عتبی یخویه بیک ماجاس
وما شالک عزم تفنیهم اعدای



یاحادی الظعن خلینه یمهم
نتوادع ونشبع شوف منهم
هذوله اهل الفخر والغیره عدهم
بعد اخلافهم ماتسوه دنیای


تمت بعون الله

✍بقلم خادمه اهل البیت ع
ام ابوالفضل مقدم📓


قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

قصیده للمسیر


مشیت ابغیر والی مهبطه الراس
ترضالی یبعد اختک یعباس


مشیت امیسره ومهظومه حالی
وذکرت ایامنه وذیچ الیالی
ویاضاک الخدر یل چان عالی
ابد ماحسبت ابیوم ینداس



مَشّانی غصب الطاغی گوه
وگصدت ادروب البعیده وشلوه
لا والی البگه عندی وسلوه
وینک یاکفیلی خویه عباس


مشینه ادروب خویه المامشیناهه
موزحمه الاجانب رافگیناهه
ویا ذیچ المجالس من دخلناهه
ماتگعد ندبتک خویه یانوماس



اعتب علولی ومیفید العتاب
نایم علوطیه وماکو اجواب
اندب یاعلی یاداحی الباب
یبویه راحو الچانولی حراس



اعتبنه الولی لوله سمعنی
خصمک خویه بسیاطه ضربنی
آیمصابکم والله شدهنی
حیرنی وبگیت الطم علی الراس



بعد میفید عتبی ویه اخوتی
میسمعون حشماتی ونخوتی
یگرب ریت هلساعات موتی
اموت ولا ارافگ های الارجاس



تمت بعون الله
✍بقلم خادمه اهل البیت ع
ام ابوالفضل مقدم📓

قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

مربعه للدفنه


یادفان الاحباااااب

بهیده هیل التراااب



یادفان اهلنه اویاهم بلله بهدای
تره ماتو عطاشه رش گبورهم مای
ذوله اخوتی الاحنان ذوله احیود ولیای
یاوسفه علیهم وحیف الطمهم اتراب



یادفان اخوتی ذوله اخوتی الاسباع
هذوله الهزو الکون و منهم ترهب الگاع
فجعنی بیهم البین وخذاهم منی ابساع
اخوتی البیهم الزود ذوله اخوتی الاطیاب



یادفان الحسین ابهیده ویه صدره
امرضرض کِلّه اسهام وهم مگطعوع نحره
ثلث تیام مطروح جسمه علی الغبره
لاتغسیل وتچفین وین اهله والاحباب



یادفان عباس هذا الچان هیبه
وهذا الچان لحسین، احزامه وحبیبه
فداهه روحه والعین وبگت روحه لهیبه
وانطه اثنین الچفوف وضل ادماه سیاب



یادفان الولاد ابراضه هیِل عنهم
میحملون التراب حار ویچوی دمهم
هذا جسم الاکبر بالک جرحه تلچم
ماتتحمل امه ومنهه تاخذ اعتاب


یادفان جسّام گلی شلون دفنته
هذا بیوم عرسه مات وعاف زفته
بلله اتراب لحده گلی شلون هِلته
ودم راسه ایتفایض یلی براسه انصاب



یادفان الرضیع احلفنک بلیمین
ویه ابو تدفنه هایه اوصییت احسین
تخلیه فوگ صدره وتغمضله العین
تخلیهم نویه وعلیهم تغلگ الباب



تمت بعون الله

✍بقلم خادمه اهل البیت ع
ام ابوالفضل مقدم📓

قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

قصیده للیسر
لسان حال مولاتی زینب ع



آنه ام الخدر الهاشمیه

امشی بغیر والی واجنبیه



آنه الهاشمیه بت الاطیاب
امشی بغیر والی ویه الاجناب
آنه بت علی الداحی الباب
وامی فاطمه الزهرا الزچیه



آنه ام الخدر من بیت عالی
من بیت المجد، بیت الموالی
شلون اصبح یسیره ومالی والی
وآنه امخدرت حامی الحمیه



اَنهَ بت الهواشم والاصایل
بخرابه اگعد عگب ذیچ المنازل
واهلی اهل المضایف والمراجل
بگیت اخلافهم مالی تچیه



بگیت محیره وشلون حیره
بعیله اتمحنت مِحنه چبیره
بعد ذیچ المعزه امشی یسیره
وبعد لا هیبه الی ولا قابلیه



آنه ام الخدر وخوانی البطال
ایدیه مگیده ومچتوفه بحبال
بلله یاهلی ترضولی هلحال
امشی اویه الغرب حرمه وسبیه



انه اخت احسین والمعروف عباس
امشی شلون مسبیه اویه الارجاس
ماصارت ولاجارت علی الناس
یاجور المضی والصار بیه💔



تمت بعون الله

✍بقلم‌خادمه اهل البیت ع
ام‌ابوالفضل مقدم📓
قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

قصیده لزینب ع والیسر


زینب علهزل واتعاتب احسین

بیّه اخلافکم اشسوه البین



یریح الهاب اندهلی اخوی احسین
خل یگعد یشوف اشسوه بیّه البین
وگلوله بگت زینبکم ابتمحین
وماعدهه ولی واتهل دموع العین



زینب علهزل گعدوا وشوفوهه
تمشی اویه الغرب هلحاله ترضوهه
وکلهه اتصیح اخت عباس جابوهه
وکلهه واجفه تنظر علی صوبین


زینب علهزل واتعاتب الخوان
من بعد الخدر صار السبی عنوان
واخبرکم بعد طبیت للدیوان
ویحرجنی سواله ایزیدخویه احسین


ناشدنی ویگلی وینه ابوالنوماس
اخوچ البی زمطتی وینه چا عباس
دگیت اعله وجهی ولطمت الراس
یاریتک عدل وادگلی لا تبچین💔



زینب علهزل والناگه بیهه اتمیل
های الفاگده ومهدوم منهه الحیل
وحگهه لو بچت ودموعهه اتسیل
موش امفارجه واحد ولاهو اثنین



بعد شحچیلکم علی ظیم الیسر
مرمر احوالی وخلص منی الصبر
ریت خویه اویاک طمنی الگبر
ولا بگیت اخلافکم سهمی الانین



تمت بعون الله

✍بقلم خادمه اهل البیت ع
ام‌ابوالفضل مقدم📓


قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

*قصیده بعد الرحیل**

*شالت وانتهت العشره ویاهم**
*هذوله احبابنه علغبره عفناهم**


شالت المحنه ویّهَ راعیهه
وضلت الظعون الگوم تحدیهه
عجب راعی الکلایف مانشد بیهه
ولا گال الحرم لا وین منواهم


شلِت بلحسره والعبرات تبرالی
اخت عباس وامشی اویه الغرب تالی
وبیّه اتلوذ من السوط اطفالی
وما حامونه اجو ابیوم صحناهم



شلِت بضعونی عنکم یهل المروه
واجِرّن بلجدم یبن امی بلگوه
نعتب والعتب للزین والیسوه
وما فاد العتب یوم العتبناهم


من غصبن علینه احسین عفناکم
ضحایه اعلی الثره ماغسلیناکم
ولا من علترب یاخویه شلناکم
وضلن بلگلب حسرات تنعاهم


علناگه اصعدت محد لزم ایدی
واتمیل الهزیله بیّه یعضیدی
یریته منگطع گبل الولی اوریدی
ولا عدوان اهلنه رافگیناهم


یحدینی الشمر ویگود بضعونی
وین البیهم امروه یشوفونی
محتاره بزمانی لیش خلونی
وبلضیجات ما گامو نخیناهم


تمت بعون الله
✍بقلم خادمه اهل البیت ع
ام ابوالفضل مقدم📓

قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

*قصیده زینب والحادی**


*مرینه علیکم نمشی بهدای**

*وعلحادی صحت مرنی علی ولیای**


علحادی صحت ریضلی ساعه
تره الوالی علی یصعب وِداعه
علینه بدال خووتنه تراعه
من بعد الکِفَل ماعدنه حمّای


یحادی النوگ ریض بلضعینه
بس اسوِیعه ودینه الولینه
نرید انعاتبه ویسمع حچینه
اگله اویه العده هل صار ممشای



مرّینه علیکم واحنه ماشین
والحادی نخیته ایمرنی بحسین
واگله علیک تعتب امی یازین
وصّتَک علیّه اتصیرلی فیای


یاحادی الظعن مرنی بچفیلی
من طاریه وشَل منی حیلی
خله اصواب یل فگده بدلیلی
و هَد بیّه وکسرنی ومَرّد اچلای


لاتسرع یحادی وخُف علیّه
ترانی فاگده وناری سریه
فجعتنی بخوتی الغاضریه
یل ماشربو القطره من المای


آنی مفارگه والفرگه صعبه
والفاگد بعد شیصبره گلبه
ومشیت میسره مابین غربه
شلون ویای دارت هیچ دنیای


تمت بعون الله

✍بقلم خادمه اهل البیت ع
ام‌ابوالفضل مقدم📓

قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

*مربعه للیسر**


*مشینه یاهلی ویصعب مشینه**
*ابلا ولیان موهینه علینه**


بعد ذیچ المعزه وذیچ الایام
امشی ابغیر والی امهبطه الهام
وصرت امکلفه ابعیله وایتام
وعدوانک یخویه اتگود بینه


موهیین علیه الوالی فگدیته
ویجهر ونته علگاع خلیته
علیّه ایصیح زینب خویه سمعیته
عینچ علیتامه یختی واسکینه


مشیت وهبطیته راسی العالی
ویا روس النشامه امعلگه اگبالی
و سوُد ایام مَرّن هدّن احوالی
عگب عین الولی من غمضت عینه


یخویه اعلینه یصعب مشیت الغربه
ومانی امعلمه ولا ماشیه دربه
ویاحال المره بلیّه ولی صعبه
اخلاف اعیونکم والله انسبینه



عنکم ماشیه یاخویه یعیونی
یل علغربه ابد ما علمیتونی
ترضوهه الاجانب خویه یسبونی
ولا واحد رحم بینه ویحامینه


تمت بعون الله

✍بقلم خادمه اهل البیت ع
ام ابوالفضل مقدم📓

قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

نعی عند الرحیل
لسان حال السیده زینب ع



اوداعت الله ماشیه الیوم
بحسره مشیت وحیلی مهدوم
بعدکم رافگیت الحزن والوم



اَنه ماشیه والگلب مکسور
وعفت الولی نایم بلحرور
وعباس منه الزند مبتور



اَنه ماشیه یحسین عنک
یل ماشبعت اوداع منک
ویضربونّی لو صحت بسمک



اَنه ماشیه عنّک یعباس
امیسره و امهبطه الراس
وشدگول لو شافتنی الناس



عنکم مشیت وحیلی مرکود
من یوم الشفت مگطوعه الزنود
ریتک یخویه الیوم موجود


ریتک عدل وتشوف حالی
ذلیله عگب عینک یوالی
بعازت ولی والولی غالی



ریتک یخویه اتشاهد الحال
مال الحمل ویرید شیال
والصار وجره ماهو علی البال



تمت بعون الله

✍بقلم خادمه اهل البیت ع
ام ابوالفضل مقدم📓

قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

*للدفنه**


*یادفان اخوتی بهیده ویّاهم**
*چثیره اجروحهم وامرضرضه اعضاهم**


یادفان ریض بلله بلهون
علی الولیان اون ورایده عون
ارید ابچی واریداعمیهه العیون
صعب‌ماینحمل یا یوم فرگاهم


بهون بهون یادفان ولیای
هاک ادموعی رش اگبورهم مای
علیهم من تهیل اتراب بهدای
وِلّم اوصالهم خلیهه ویّاهم



براضه اویاه یادفان ابوالیمه
چثیره اجروح گلبه بالک اتلچمه
یاعین العمت ولا شفت دمه
من کتر الکتر متفایض ادماهم


یدفان الگمر بلهون واتهَّده
تچِیله ، وخلی چفّه یم زنده
یل ضحّه بحیاته وانطه کل عنده
اخوتی احنان حیف البین خاناهم


ریضلی یحادی وخل اروحلهم
خوّانی ویحگلی لو اعاتبهم
شلون امشی واخوتی ما اودعهم
اگلهم رایحه وهیهات انساهم


تمت بعون الله

✍بقلم خادمه اهل البیت ع
ام ابوالفضل مقدم📓

قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

*قصیده للاهل وفراق الحباب**


*شتفید الصُوَر ضلت فقط ذکره**
*والفاگد عزیزه جرحه مایبره**


شتفید الصوَر واگبالی اشوفنهه
تهیِیج ونّتی اووی من اصِدّنَهه
علیکم روحی اگلهم مابِطَل ونهه
وتدوی نارکم بضلوعی مستعره


اَنظُر لِصوَر وتِهل دمع عینی
واحاچیهه لچنهه ماتحاچینی
اگلُهم ضلمه ضلت باجی اسنینی
وعگبکم بلحزن ضلیت والحسره


شتفید الصور تذکار بس لیهم
تلچم جرحی ویوجعنی طاریهم
تحن روحی السمرهم والمحاچیهم
اویاهم یا هظیمه فلّت العشره


ًضلت بس صور والعین مدمیه
وتلچم بلجروح البیّه یومیه
بعد الغرّبوا شیعودهم لیّه
وشیرد الزمان البی الف ذکره


شیطفیهه نار الفرگه لهابه
وشیجبره الکَسِر للفاگد احبابه
حگّه لو تهل و ادموعه سچابه
مایبره ولا یلتم بعد کسره


عگب العاشرونه العین عمیانه
وطول لیل مابَطِّلَت سهرانه
یفراگ النودهم حیل اذانه
وابحسره علیهم تسکب العبره


تمت بعون الله

✍بقلم خادمه اهل البیت ع
ام ابوالفضل مقدم📓

قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

*للدفنه**
لسان حال السیده زینب س مع السجادع بعد دفن الاجساد


*دحچیلی یعّمه عن الاحباب**
*شلون اعلی الحیاده هلتُوا التراب**


دحچیلی یعّمه عن الامجاد
دفنتوهه دگلی شلون الاجساد
یوم امصابهم طگنی بلافاد
وجمر افراگهم‌ بضلوعی لهّاب


یعمه یاعلی احچیلی اعلی الگبور
دفنتو شلون اخیی الراسه منحور
لا علگیت شمعه الگلبره وابخور
ضلن بلگلب حسرات واعتاب


ابوک شلون دفنیته یعمه
ثلث تیام ضل مسفوح دمه
ضلت بیّه حسره بنحره اشمه
اخوی الچان خدری بزوده ینهاب


لا تسکت یعمه احچیلی عنهم
علی الضلوا عرایه ویجری دمهم
من سوده علَیِ.. ما غسلتهم
وعفت اجسادهم ذاریهه التراب


عگب عیونهم بلهم بگینه
ورافگنه العدو وذبّاح اخِینه
وعنهم بلغصب گوه مشینه
وبعد عیونهم ساب الظعن ساب


تمت بعون الله
✍بقلم خادمه اهل البیت ع
ام ابوالفضل مقدم📓


قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl