*مربعه للامام الحسین ع (والفواتح)*


*بس لحسین یحله النوح یازهره*

‌‌‌‌‌‌ *ضل عاری ثلث تیام علغبره*


بس یحله العزه ویلوگ للمضلوم
یل میت ضِمه ومن الغِسل محروم
ضلت حایره زینب علیه وتحوم
وعافته طریح وبیهه الف حسره


بس یحله العزه والنوح للمذبوح
جسمه اعلی التُرُب ضل عاری ومطروح
وگلب اخته علیه ضل منکسر مجروح
وشالوهه غصب بظعونهه الحره


لجل احسین تجری العین سچابه
یل ضل عاری منه مسلبه اثیابه
وضل بلا غِسِل ماحضرو احبابه
یلعطشان مات وماشرب قطره


یستاهل ونین ودگ علی الهامه
یل حزوا وریده وحرگوا اخیامه
او بعده بلبراری هامت ایتامه
یستاهل لطم والنوح والعبره


اهدی دمعتچ لحسین یل تبچین
ضل عاری بلا تغسیل لا تچفین
وعینیهه اخیتهه المالهه امعین
وانخیهه تِبّرد گلبچ اتصبره


ت بعون الله
✍
*بقلم خادمه اهل البیت ع*
*ام ابوالفضل مقدم*
📓



قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

ولـد الهـدى و وجه السمــاوات أزهــر
و وجه الأرض وي طلّته صار أخضر
انغلقت أبواب النقمـه عالشيعه اليـوم
وانفتــح باب الرحمـه واوســع معبـر
سيــد على السـادات واكــرم مخلـوق
باخلاقــه ديـن الله إنعـرف وإتـوقّـــر
مـن بزغ نـوره اوياه اجـه كـل الخيـر
جنّه ،، ولايه ،، عشگ ،، خدمه ،، ومنبر
يابــدر ثانــي إثنيـــن چانـــو بالغـــار
وثالـث ثلاثـة البيهـــم الحـــب عمّـــر
ساداتــي بيهــم ذاب گلبــي وحبّـيـت
مـو هســه لا مــن أمـس بل مـن الـذر
طـه وعلـــي والكــوثـر أم السبطيـــن
وتسعـة أقمـار اتـدور حــول الكـوثــر
صلِّ اعلــه حيـدر گــد رســـولك يارب
واعلـه الرسول وفاطمــه ابگــد حيــدر
واعلـــه شبيـــر وشبّـــر ابگـد عبـــاس
واعلــه العقيــلـه ابگــد شبيـر وشبّــــر
.
.
أسعد الله قلوب شيعة أمير المؤمنين
على نبينا وعليه الصلاة والسلام 💙

احمد الهلباوي

*قصیده للاخت والحدیثات*

ابنیتنه/
اخیتنه /وعلینه موش بلهون
نفارگهه العزیزه وتنسِیِ شلون

ابنیتنه/
اخیتنه / وعلینه ماتهونین
صعبه فرگتچ یم گلب الحنین
عفتی لیش بیتچ وین تردین
عله افراگچ تره ماعدنه کل لون


شلتی یاحبیبه مامصدگه
علیچ البیت محزن والله حگه
بعد اخلاف عینج مانسحگه
ومنچ یاوسف گطعینه الظنون


حسافه شایله یم ملگت الزینه
چانت بلهله ومرحب تحیینه
کلنه الیوم الچ جینه وتعنینه
ندگ علراس وتتهامل العیون


اگعدی الیوم یحبیبه اجیناچ
وحگ عشرتنه خیه مانسیناچ
جینه علگبر کلنه ونعیناچ
ابنیتچ والولد اعلیچ یبچون


شلتی شلون ونمتی حدر التراب
ولچ خاله علیچ اگلیبی انعاب
اعاتب بلگبر میفید العتاب
ماینفع عتب ویه الیموتون


*((والشالت ماترجع لینه))*


✍
*بقلم خادمه اهل البیت ع*
*ام ابولفضل مقدم*
📓


قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

ثگیله *للبنیه( والحدیثات)*


*یایمه تشیلین وبگلبی تشلعین*
*مالی حیل فرگاچ بیّه لا تگطعین*


یبنیه تشیلین وتگطعین گلبی
دوهن حالی فرگاچ بعد ماشوف دربی
مشیتی وین عنی ونسیتی ضاک تعبی
و عفتینی للهموم وبیّه ماتنشدین


شلتی وین شبساع ولیش استعجلیتی
بعدچ باول اسنین ویل توچ بدیتی
راحت ذیچ الایام وللعشره نسیتی
حِلالِچ نوم التراب یمه وبی تنامین


لیش استعجیلتی ها یم حلوه الرسوم
شلچ بلمگابر و ابعینچ حِله النوم
نمتی وسط الگبور و آنه حیلی مهدوم
هد حیلی الفراگ وتربی الدربچ العین


تهل مابطلت العین ولاغمض جفنهه
وحگهه لو تون حیل روحی وزاد ونهه
عزیزه الفارگتهه گولو شنسه منهه
حنینه وگلبی یهواچ یمه لا تبعدین


شلتی شلون عنی وخیبتیلی الظنون
نسیتی سهری وربای ،نسیتی تعب المتون
علیچ امساهره الیل وتهمل های العیون
یل شلتی وجفیتی گولی هم ترجعین


شلون ایام چانت یمه اویاچ حلوات
گظت وابساع مرّت بعد متعود هیهات
مادامت العشره لیش ویه الحنینات
وخلن بینه حسره وفرگاهن چوانین



ت بعون الله.
✍

*بقلم‌خادمه اهل البیت ع*
*ام ابوالفضل مقدم*
📓


قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

*فزاعیه للولیان*


*راح الچان هیبه ونزمط بزوده*
*شال بعید عنه وبعد شیعوده*

(شیعوده الشال وغّرب)


شال البی محنه وحاوی الزینه
معرّب یانشم مابیک کل شینه
یبو گلب الحنین الیسال اعلینه

(ازماط انتَ وکلک هیبه)


مثلک وین نلگه ونحصل انجیبه
معدل یل چنت مابیک کل ریبه
بجالک چنه نزمط یل چنت هیبه

(یل بیک الحگ رافع راسه)


علیک امعصبه ومافل ابد حزنی
یل تسوه الحزن والنوح وکل ونی
شال الچان ایمرنی وچان یذکرنی

(یاحیف ایشیل البی غیره)


حسافه الخوش زلمه شال وفارگناه
تصعب فرگته والروح ماتنساه
حنین الضیعته وین بعد الگاه

(وین الگاه المثله امعدل)


یلولیان علیکم راحن عیونی
شلتو لیش وآنه ماخذیتونی
لا طارش بعثتو لا اجیتونی

(اتبریتوا یسباع البر )


✍
*بقلم خادمه اهل البیت ع*
*ام ابوالفضل مقدم*
📓


قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

*قصیده للولد*


*هایم الولد بَشری الولد وینه*

*ابو طول الحلو یمته یرد لینه*


ها یم الولد وین الولد جافه
حگچ وین ما جازاه شو عافه
لا قَدّر سهر لیلچ ولا شافه
الچ حگ برگبته لو تعتبینه


وین البی محنه وحلوهَ اطباعه
خِذاه غفله التُرب والگاع طمّاعه
وضلن المحابس عگبه والساعه
اهدومه معلگه والعطر یا زیِنه


شایل یا ولد لا وین عِفت امک
منک وین حَرّمَهه التُرب ضمک
تجی کلیوم تگعد علگبر یَمک
هاک اسمع گلبهه نیاحه وونینه


اگعد یل نمت لطَول ابنومک
شلک بلتراب ایخرب ارسومک
تعال اکشخ ییمه والبس اهدومک
یبعد امک یغالی ارجع اعلینه


تعال وشوف فرگاک اشعمل بیّه
خذیت اویاک حیلی وماترد لیه
تِهل مابَطّلَت العین مدمیه
یادمعت بخت هیچ وترِدِّینه


علامک یادهر تتصیید الزینین
تاخذ بلنشامه احیود نشمیین
وچم شاب وعزیز الما هم امعرسین

((شجعان ونامو بلهیمه))


✍
*خادمه اهل البیت ع*
*ام ابوالفضل مقدم*
📓


قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

*مربعه للاهل*


*بعدمیعود یاوکت المضی وفات*
*واِتّرد الاهل وِلَمّه هیهات*


بعدماترجع ایام الجزتنه
ذیچ اسنینّه ویلتم شملنه
ویّه احبابنه واهل المحنه
شالو وابعدو کلهم حسافات


ماترجع بعد وتعود الاحباب
السکنوا بلحود وحدر التراب
عافوهه المنازل سدّو الباب
وفرگتهم طویله وبیهه آهات


ائیسی من المشوا صارو بعیدین
بعد هیهات ترجع ذیچ السنین
وکُفّی من العتب لا لا تعتبین
لو جاسچ هظم گصدی المُضِلمات


بینه اجروح ولچمات تجرحنه
شمانذکرهم الطیبین توُجعنه
اوو یلبین منهم‌ لیش حارمنه
تدری اخلافهم صرنه ذلیلات


وین ایامنه واسنینّه الفاتت
اویاهم حلوه عشرتنه صدگ چانت
خلصت ونتهت ویّاهم وراحت
وتهب نسماتهم وتجیب طروات


تمت بعون الله
✍
*بقلم الشاعره*
*ام ابوالفضل مقدم*
📓


قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

*هوسات للوالده*


شالت وین عنه الیوم ، اُمنه والنزل خالی
عافتنه بحزن وبنوح ، ودمع اعیونه ایلالی
های الماردتهه بیوم ، ولا مرَت علی بالی

*(اتشیل بغفله وتنسانه)*


وین ام المحنه الیوم ، شالت وین عافتنه
عگبهه بلمرار وظیم ، وجور احزان خلتنه
بعدنه بعازت ارباهه ، وبعدنه ازغار یتمتنه

*(بلیاهه ماتحله العشره)*


یل شلتی بعجل لاوین ، حِنی و ردّی اعلینه
یل ماکو الذ منچ ، ها یم عشرت الزینه
یم چلمت هلا وملگاچ ، یطیب کل جرح بینه

*( لاتبطین ردی اعلینه)*


✍
*بقلم خادمه اهل البیت ع*
*ام ابوالفضل مقدم*
📓

قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

*فزاعیه لابی الفضل العباس علیه السلام*
*والی کل من فاقده اخیها*


*صدگ هلیوم شال الیسوه العتاب*

*وسد باب المحنه ونام بتراب*


صدگ هلیوم شایل راعی المروه
یبو گلب الحنین الخوته حلوه
شبدل طیِب گلبه وخَرّب الخوه
گاطع لیش بینه وساد الباب


شایل من صدگ لا وین عایفنه
وتدری اخلاف عینک والی ماعدنه
رضیت شلون یاخویه تفارگنه
وعگبک بعد اخیتک بیش ننهاب



راح الچان هیبه وچان یبرالی
وچان ایحن علی ابنی،ایصیحله خالی
ظنیته ذخر یبگه الی او والی
بس ماصح بدیه والامل خاب


خذاک البین منی وخیب اظنونی
ومرمر حالی فگدک ودّر عیونی
ریت اویاک یا خویه یدفنونی
ولا ابگه بحزن واتحمل اغیاب



شال الچان حیِد ونزمط ابجاله
وتصعب فرگته والفرگه چتاله
میشوم الدهر والدنیا میاله
خذتهم کل اهلنه واغلی الاحباب


*(میاله یا دنیا اویانه))*


تمت بعون الله
✍
*بقلم خادمه اهل البیت ع*
*ام ابوالفضل مقدم*
📓

قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

*نعی للاهل*


کون البواچی اترَجِع المات
وضاکه وکتنه یرجع الفات
ویّاه عدنه ، حلوه ذکرات


کون البواچی اترد الِیروح
وکون الونین ایطیب الجروح
للموت ' چا ما بَطلِت نوح


کون البچی والنوح ینفع
وکون من اون المات یسمع
اکسر خاطره واعلیّه یرجع


الشایل علیّه کون یلفی
ویشوف حالی وبیّه یدری
ومن البواچی ایگول کفّی


ودوونه طارش لهلنه
گلولهم والله امتحنه
لا من شریچ ولا محنه


گلولهم ملِینه الفراگ
یمته یجون الگلب مشتاگ
نار البُعِد و الفگد حراگ

(افراگهم ودَّر العیون)


گلولهم چا یمته یلفون
من البچی راحن العیون
بلکت و هیچ الله یحنون


بناتکم یهل البنات
عگبهکم تراهن ذالات
یل علدلال معلمات


(تییون لو نگطع الظنه)


✍
*بقلم خادمه اهل البیت ع*
*ام ابوالفضل مقدم*
📓


قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

*مربعه للحبایب*


*شالن یاحبایبنه من ایدینه*
*والعشره گضت وتفارگینه*


شالن یاحبایبنه النِودهِن
والشالن بعد لینه شیردهن
بعد هیهات مانلگه مثلهن
حنینه گلوبهن چانت علینه


وین الغرّبَن لبعید لبعید
عافنّه بحزن ومِجبل العید
بعد یاهی التگص الثوب الجدید
ونفرح چنه بیهه من تجینه


شالن حیف من عدنه الحنینات
وردّتهن علینه های هیهات
الویاهن گضینه اسنین حلوات
بساع بساع فاتن ما درینه


یامحله السِنین المرت اویاهن
حلوات السمر حلوه حچایاهن
بعدنه بشوگهن لا مانسیناهن
و کلما نذکر العشره بچینه


ماترجع بعد گعداتنه الحلوه
اویه الچانن تچیه وللگلب سلوه
شما نذکرهن الدّلال یتچّوه
مُر افراگهن اشلون بینه


((العید اجبل ،، وانتن نومه))

✍
*بقلم خادمه اهل البیت ع*
*ام ابوالفضل مقدم*
📓


قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

*ردادیه لشابات(البنیات)*


*یحبیبت امچ مو الچ نوم الگبر*
*شلتی ییمه وعفتی گلبی منکسر*


یحبیبت امچ لیش شلتی بلعجل
بعدچ احدیثه ویومچ ابسرعه وصل
اخلاف عینچ ساعه ونی ما بطل
عگبچ ییمه شلی بهذا العمر



عفتی البِنِیِه ونمتی وسط الگبور
ونومچ حلالچ بلتُرب و الحرور
کلیوم اجی اعلی گبرچ اشعل ابخور
واشموع اوِجَّن واذکر ایام السهر



موکون الچ نوم الگبر کونه الی
گومی یلبنیه و علیّه ادللی
یابعد کل احبابی وکلهم هلی
ردی علیّه روحی غاطیهه الکدر



کلیوم اجیلچ یمه واگعد احذاچ
ساعه انوحن یمه و ساعه انعاچ
وسفه التراب بلحظه عنی ظماچ
ومنی خذاچ شلون ونمتی بلحفر


یل شایله لاوین عنی وابساع
بعدچ زغیره شلچ بنوم الگاع
عفتینی لیش بحسرتی بله اوداع
یلنایمه گعدی تره ماضل صبر


✍
*بقلم خادمه اهل البیت ع*
*ام ابوالفضل مقدم*
📓

قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

*هوسات لابی الفضل العباس ع*
*(الی کلمن عنده حاجه)*


اطلبی حاجتچ وشما ترید اتصیر
زغیره لو چبیره ماتهم عباس//
مجّرب مایهاب الموت ،،ضحه چفوفه للخوان‌
وضحه روحه والانفاس//
وزینب من نخته هناک
زلزل کربله وتشهدله کل الناس//

*(ینطی مراده والگاصدله)*



اتنخه وجرّب العباس ابوالغیره وکفو منّه
میرد التعناله ابوفاضل اعرفنَه
بزوده وغیرته معروف مایحتای احمدنه


*(ابچفینه غیرت عباس)*



شرید اکتبله من اشعار وشکتب عن مواقیفه
شما وَصّف قلمنه علِیه ما کَمّل مواصیفه
ضحه بروحه للخوان ، وللتاریخ سَجّل کل عواطیفه

*( وضل عنوانه یم راگ الشط )*



✍
*بقلم خادمه اهل البیت ع*
*ام ابوالفضل مقدم*
📓


قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

*أجمل لحظه هي عندما يناديك النبي بإسمك فتسأله.كيف عرفت إسمي؟فيخبرك.أن صلاتك علي كانت تصلني اللهم صلي وسلم على سيدنا محمد*

*اللهم صل علی محمدوال الطیبین الطاهرین*
🌹🌹🌹🌹🌹🌹🌹🌹🌹🌹

اللهم صلِ وسلم وزد وبارک علی نبینا محمدوال بیتِ الطیبین الطاهرین

🌹🌹🌹🌹🌹🌹🌹🌹🌹🌹🌹🌹🌹🌹🌹

*هوسات نخوه لام البنین*


وحگ الحملت بعباس ورضعته بلبن صافی
بس اتجیب طاری حسین تنطی امراد وتشافی
مثل عباس توُگف للنخاهه بذیج وتوافی

*(وِتوَفّی الینخاهه بیومه)*


های ام البنین اشعندک انخاهه
وحگ عباس وچفوفه مترد التعناهه
اکحیله وذخر لنسوان هایه الباری خلاهه

*(ونتعلم من زود ارباهه)*


یل عندک هظم حیران وشایل حزن ماینفَل
انخه وجَرُّب ام عباس بس یمهه الشِدد تسهل
های ام الکرم والزود عدهه الصعبه ماتثگل

*(تگظیهه والحاجه العندک)*

✍
*بقلم خادمه اهل البیت ع*
*ام ابوالفضل مقدم*
📓



قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl