مربعه لعبدالله الرضیع ع•°•°•


یبنی یا ولد یا حلو الرسوم
یمه ابیا ذنب ابنبله مفطوم


یاذنب الجره المنک و ذبحوک
یاعبدالله یمه ابنبله صابوک
سابح بلدمه یولیدی جابوک
گمت اصرخ علیک وحیلی مهدوم


گمت اصرخ واصیح الله واکبر
تموت بیا ذنب یبنی یلاصغر
ویلی من العطش چبدک تفطر
یمه ومتت ضامی لیش محروم

✍نصره الباجی


جابه احسین بیده و ذابحینه
و تهمل دمعته من وصل لینه
صاح الیوم الحگی یا حزینه
مصیوب الطفل واصوابه میشوم

✍فاطمه الساریه


یا عبدالله یمه تعوفنی شلون
یعزیز الگلب یا مای العیون
میت ضامی یل بعدک ازغیرون
ومن نحرک ییمه اتسیل الدموم


عینی اتهل دمه آیبنی اعلیک
یل یومک فجعنی ولدهر بیک
انظر للمهد و اذکر مناغیک
واذکر بسمتک والحال معدوم

✍ام ابوالفضل مقدم


صار الیل یمه اتذکریتک
اجیت انظر المهدک مالگیتک
وجهک غاب یمه و ضیعیتک
مصدومه بگیت وگلبی ملچوم

✍ام یاسین العلویه

▪︎▪︎▪︎▪︎▪︎▪︎▪︎

تمت بعون الله ..

جدید سنه ۲۰۲۳

باداره واشراف الشاعره ام ابوالفضل مقدم
باشتراک الشاعرات وخادمات اهل البیت ع👆

غیرمبری الذمه من یغیر او یحذف الاسماء وینسب الکلمات له.


قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

فزاعیه مع رباط لطفل الرضیع •°•°•


ونی اعلی الولد والعین هلیها
بمصابه الرباب الیوم عازیها

(ازغییر راح امن ایدیها)


خل انساعد امه ونجذب الونه
ومیدان الطفل یحلاله وسعنه
ازغییر مات یاذنب الجره منه

(ایفطمونه و شلون بنبله)

✍ام ابوالفضل مقدم


ونی اعلی الولد الیفجع امصابه
ما ینفع ضمد بلمنحر اصوابه
شلون الگلبه هان وحرمله صابه

(وتتفایض خلاهه ادمومه)

✍نصره الباجی


عازی ام الولد والیوم ونیله
مهظومه وتون لفراگه ونحیله
تنظر للمهد خالی و تلولیله

(اگعد یولیدی وناغیلی )

✍ام ابوالفضل مقدم


لعبدالله نون و فجعته ویومه
فطموو بلسهم زُمرَت المیشومه
جابوه للمخیم سایله ادمومه

(بلمنحر وسفه امصوبینه)

✍ام یاسین العلویه


ازغییر مات وامه اعلیه حزنانه
ویلی اعلیه نحره انصاب بلزانه
تون اعلیه ومنهه الروح دوهانه

(یولید امک اگعد لیها)

✍نصره الباجی

▪︎▪︎▪︎▪︎▪︎▪︎▪︎▪︎▪︎

تمت بعون الله ..

جدید سنه ۲۰۲۳

باداره واشراف الشاعره ام ابوالفضل مقدم
باشتراک الشاعرات وخادمات اهل البیت ع👆

غیرمبری الذمه من یغیر او یحذف الاسماء وینسب الکلمات له.


قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

فزاعیه لطفل الرضیع ع•°•°•


یفجع یوم الزغیرون مذبوح ابسهم جابوه


احا یمصیبته التفجع
لجله الگلب متصدع
عمه وین خل یفزع
عبدالله بنبل صابوه

✍ام ابوالفضل مقدم


تجری من دمه العیون
فگده مو سهل و یهون
یلمذبوح و ازغیرون
وقطرت مای ماشربوه

✍فاطمه الساریه


ما شربوه ‌ولا قطره
وصابوا بلسهم نحره
و امه صاحت ابعبره
شمطلوب الطفل ذبحوه


امصابه لاجره ولا صار
ما عدهم رحم کفار
الله اعلیهم الاشرار
ازغییر لیش مارحموه


الله ایعین گلب امه
یوم الشاهدت دمه
واعلیه صارت المه
مذبوح الطفل شافوه

✍نصره الباجی


تبچی والگلب عطاب
ولفگده الدلیل انعاب
ازغییر بلسهام انصاب
روحه امفرفحه ردوه

✍فاطمه الساریه


یولیدی ونظر عینای
عگبک ماردت دنیای
اشعملت کربلا ویای
گلبی ابفرگتک جرحوه

✍نصره الباجی

▪︎▪︎▪︎▪︎▪︎▪︎▪︎

تمت بعون الله ..

جدید سنه ۲۰۲۳

باداره واشراف الشاعره ام ابوالفضل مقدم
باشتراک الشاعرات وخادمات اهل البیت ع👆

غیرمبری الذمه من یغیر او یحذف الاسماء وینسب الکلمات له.


قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

نعی بحق عبدالله الرضیع ع•°•°•


احووی یلبعدک ازغیرون
محزوز نحرک یبنی شلون
یومک ییمه یعمی العیون


یومک شدهنی وکدّرالحال
مذبوح شفتک والدمع سال
فگدک یغالی ماهو عل بال

✍ام ابوالفضل مقدم


ابچی علیک وگلبی مجروح
یا ولد یمه لیش مذبوح
دمک جره وعلصدر مسفوح


شذنبک ییمه وتنزف ادموم
و بلنبل یا عبدالله مفطوم
گلبی یون و اعلیک مالوم

✍نصره الباجی


گلبی یون والروح راحت
وبصوت یمه اعلیک ناحت
یاریت ماتت واستراحت


یا ولد یبنی بعدک ازغیر
ذبحوک یمه ذبحت الطیر
سود الیالی بعدک اتصیر

✍ام‌توفیق الچلداوی


یا ولد بعد امک یغالی
مانمت وسهرت الیالی
بعدک ییمه هذا حالی


بلیل افز یمه و انادیک
اهزن بلمهد یبنی ولولیک
یلرحت منی وین الاگیک

✍ام‌یاسین العلویه


یومه شدهنی وشلع گلبی
وعینی انعمت او تاه دربی
لفراگه صبرنی یربی


ابچی عله المفطوم ویلی
گلبی انکسر ونهدم حیلی
و عگبه ابد ما نمت لیلی

✍فاطمه الساریه

▪︎▪︎▪︎▪︎▪︎▪︎▪︎

تمت بعون الله ..

جدید سنه ۲۰۲۳

باداره واشراف الشاعره ام ابوالفضل مقدم
باشتراک الشاعرات وخادمات اهل البیت ع👆

غیرمبری الذمه من یغیر او یحذف الاسماء وینسب الکلمات له.


قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

هوسات بحق الطفل عبدالله الرضیع ع•°•°•


امه اتصیح یا عبدالله یلغالی
یل موتک ابد ما مَر علی بالی
وماظنیت افز و الگه المهد خالی

(من یومک مانامت عینی)


یمه یلولد یا نبعت الریحان
تموت شلون شیطلبونک العدوان
دلیلک یاعزیزی من العطش لفهان

(الکون اهتز اعلی مصابک)

✍نصره الباجی


آنه ام الولد یل تاه منی الرای
وین الی تشارکنی علی بلوای
ویاهی اتشیل هظمی ولحزن ویّای

(وتعازینی لمصاب اولیدی )

✍نصره الباجی


ابچی اعلی الولد و العین هماله
وابد ماطبگ جفنی وحالتی حاله
و علیه گلبی یون مفطور دلّاله

(ما هاد ایون ضل دلالی)

✍ام ابوالفضل مقدم


یولیدی وعزیزی وزهرت ایامی
ما حسبت یبنی اتموت جدامی
من جابوک الیه امخضب ودامی

(احا یمصابک هد حیلی)


هد حیلی امصابک واجذب الونه
انظر للمهد وولیدی اذکرنه
خاب الامل بیک وخابت الظنه
( يوليدي امصابک ما ذيني)

✍ام توفیق الچلداوی

▪︎▪︎▪︎▪︎▪︎▪︎▪︎

تمت بعون الله ..

جدید سنه ۲۰۲۳

باداره واشراف الشاعره ام ابوالفضل مقدم
باشتراک الشاعرات وخادمات اهل البیت ع👆

غیرمبری الذمه من یغیر او یحذف الاسماء وینسب الکلمات له.
https://www.tg-me.com/joinchat-SrkHMGRjvwqoGy_L

*(نعی للاهل والخوان)*
بقلم ام ابوالفضل الملایه


اشلونکم یل ما تنشدون
یل نایمین و ما تگعدون
من یومکم عمیانه العیون


کل الهله بل مجبلین
اینشدون عنّه وین ماوین
ما ینشبع منهم لذیذین

(لذیذین والوسفه علیهم)

یا ماتعاشرنه ویه اهلنه
ویا ما تسامرنه وگعدنه
اشلون بلموت الفرگنه

(اشلون بلفرگه رضیتوا)

جینه وندگ الباب بهدای
هَمنه ثجیل ایرید حمّای
مامش گعد بلبیت شچای


وین التلّگانی او نگَلنی
وشال الولد مِنّ اعله متنی
اشخیرچ یبت امی نشدنی


وین الحنین الگال اخیتی
رف شاربه وگال اعلی ابختی
تبچین یا خویه دسکتی

(بختی جلیل وما حواهم)

جاس الهظم والیوم اجینه
نشکیلهم هَمّ العلینه
مامن شریچ اشلون بینه


گعدنه ییمه ابعتبت الباب
بحسره وهظُم جرّینه العتاب
اهل المحنه وین غیّاب

محد نهضلی وگال اختنه
مهظومه چنهه جایتنه
دگت الباب و رایدتنه


جینالهُم ما تلَگّونه
مَلو العشره لو نسونه
ماهُم ذکوله الدللونه

(چاوین اهلنه الیاورونه)

......................

✍*بقلم خادمت اهل البیت ع*
*ام ابوالفضل مقدم*
📓

https://www.tg-me.com/joinchat-SrkHMGRjvwqoGy_L

سلامی واحترامی وتحیاتی لجمیع المتابعین والمشاهدین الکرام
عذراً للجمیع فتره طویله مو ناشره من قصائدی
بسبب الظروف الخاصه والعامه

انشاء الله بحول الله وقوته
باقرب وقت راح انزل کلما هوه جدید حسب طلباتکم
فی حق اهل البیت علیهم السلام
و الاهل الام الاب الخوان الشباب الحبایب و الاخوات و ..........


اسالکم الدعاء بلصحه والعافیه لی و لوالدیی و التوفیق فی خدمت اهل البیت ع

*هوسات فی حق چبیر اخوان او عشیره(شیخ)*

بقلم الشاعره ام ابوالفضل(مقدم) المجدماویه
(عندَ رحیل الجد شیخ عبدالله الحنش مجدم)



اشعدهه العمام الیوم ملتمین
ومنصوبه الچوادر بلسلف صوبین
وعلی الشایل المنهُم دم تهیل العین

*(و اتنوح الدّله ابدیوانه)*


حزین الیوم دیوانه ،، یبو دیوان و امصَدّر
اصیل وحاوی الزینات وعلی کلفات یل یگدر
حسافه اعلیه یلی ایموت یحید الابد ما قصّر

*(ابچفیته یفرش ویعذّب)*

👑👑👑👑👑👑

✍*بقلم الشاعره والملایه ام ابوالفضل مقدم*

https://www.tg-me.com/joinchat-SrkHMGRjvwqoGy_L

*قصیده گعده للام*
بقلم ام ابوالفضل الملایه

بععععععععععد
*مثلچ وین نلگه یل حنینه*
*مانحمل اغیابچ ردی لینه*


مثلچ وین نلگه و ابحنانچ
حلوه عشرتچ یُمه وصفاتچ
عگبچ بلهظم ضلن بناتچ
مانحمل فرگتچ مو بیدینه


مانحمل فرگتچ موش سهله
یل ویّاچ بس الگعده تحله
خَلّه بل گلب فرگاچ علّه
گعدنه اباب دارچ او بچینه


طبیت وصحت وینچ ییمه
بیتچ خالی یُمه الیوم ضلمه
بعد یاهی التشیل الگلب هظمه
و یاهی البَعَد چا تنشد علینه


بَعَدنه ابعازتچ یَمه بَعَدنه
منچ یل حنینه ما شبعنه
نمر اعلیچ بل ایام چنه
شلتی لیش و احنه اتفارگینه


بعد هیهات یَمه نلگه مثلچ
تعَودنه علیچ و ما نمّلچ
شلچ بلتراب الحار شلچ
عفتی البیت وادیارچ حزینه


ردی یم هله یل حلو ملگاچ
ضعنه یل حنینه اخلاف عیناچ
جویه ارواحنه یل ماحویناچ
صعبه فرگتچ اشلون بینه

ماتسوه العشره ابلیاهه''''

✍
*بقلم خادمت اهل البیت ع*
*(ام ابوالفضل مجدمی( مقدم)*
📓

https://www.tg-me.com/joinchat-SrkHMGRjvwqoGy_L

قصیده لمولاتنا فاطمه الزهراء ع ( الوالده)
فزاعیه ، مربعه ترهم القصیده •°•°•


حیف ام المحنه ضیعیناها
شالت من وکت و الموت وازاها


شالت من وکت وبحسره خلتنه
فرگتهه ثجیله و حیل صدمتنه
نامت بلتراب ازغار عافتنه
و یکلف ما یهون احو یفرگاها

✍ام ابوالفضل مقدم


فرگاها کلف و الروح خلصهه
شما اصد للمچان العین تذکرهه
طیبه الذات امی و ما املنهه
ولا انسه الحنان و لذّت ارباها

✍ام یاسین العلویه


عافتنی و مشت خلتنی اوحیده
مهظومه بگیت وهظمتی امچیده
العمر اخلاف امی والله ماریده
اوی یلبین منی لیش اخذاها

✍ام ریسان العلویه


فرگاها صعب ما بیّه احملنه
خلتنی نحیله و اجذب الونه
ًًشالت وین ما نشدت بعد عنه
محتام الگلب و ایرید ملگاها

✍نصره الباجی


محتام القلب للعاشریناها
شالت بلعجل لاوین منواها
طیبه الوالده و الروح تهواها
عشرتهه لذیذه و عیب ننساها

✍ام‌توفیق الچلداوی


ما ننسه الربه و لا ذیچ عشرتهه
یم گلب الحنین وحلوه ملگتهه
وین الگه مثل طیِب و محنتهه
شمعه و الدهر یا حیف طفاها

✍ام ابوالفضل مقدم

▪︎▪︎▪︎▪︎▪︎▪︎

تمت بعون الله ..

جدید سنه ۲۰۲۳

باداره واشراف الشاعره ام ابوالفضل مقدم
باشتراک الشاعرات وخادمات اهل البیت ع👆

غیرمبری الذمه من یغیر او یحذف الاسماء وینسب الکلمات له.


قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

فزاعیه بحق السیده الزهراء علیها السلام•°•°•


امشنه الزینب الحره نعازیها
ماتت والدتها وحیل مابیها


امشنه انروح و انقیم العزا اویاها
اندگ اصدورنه ونبچی اعله مبچاها
زغیره و الفراگ اشلون اذاها
نهلانه و ترید الّی یداریها


نهلانه امنهد یومچ یعلویه
زغیره والمصایب دارت اعلیه
و حگ ضلعچ ییمه حیل مابیه
ردّی یم حسن حالی دشوفیها

✍نصره الباجی


شدّی لطمت الزهره دشدیها
وعازی ام الحزن بلنوح عازیها
عنها شالت امها و ما تجی لیها
تصعب ماتهون الفرگه  تاذیها

✍ام یاسین العلویه


من یوم المشت  الروح نهلانه
صار افراگ و آنه ابقیت حزنانه
نامت بالگبر  و الدار  خلوانه
ترفه و  الترب خرّب معانیها

✍ام ریسان العلویه


تصیح ابصوت یما وین عفتینی
ذلیله من بعد  عیناچ تدرینی
خذینی اویاچ امشی لا تخلینی
و روحی بلتراب ویاچ خلیها


شدّنه اللطم و النوح زیدنّه
للتسوه لطمنه وتسوه دمعتنه
های ام الحسن تستاهل الونه
ونحزن کله سنه انقیم العزه اعلیها

✍ام ابوالفضل مقدم

▪︎▪︎▪︎▪︎▪︎▪︎▪︎

تمت بعون الله ..

جدید سنه ۲۰۲۳

باداره واشراف الشاعره ام ابوالفضل مقدم
باشتراک الشاعرات وخادمات اهل البیت ع👆

غیرمبری الذمه من یغیر او یحذف الاسماء وینسب الکلمات له.


قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

قصیده مواسات لسیده زینب ع
بحق مولاتنا فاطمه الزهراء علیها السلام•°•°•



های ام الحسن شدنهه لطمتهه
و بدموع الحزن عازن ابنیتهه


عازن زینب ابدمعچ علی الزهره
مکسوره الضلع و الکسر مایبره
للزهره نون و نسچب العبره
های البلخلگ  ماجرت قصتهه


علی قصتچ ییمه حیل نهلانه
صادمنی الدهر و العین عمیانه
حزنانه علیچ  الروح حزنانه
بنیتچ ناحله و الفرگه  هدّتهه
 
✍نصره الباجی


خل نبچی و نون و العین نعمیهه
علی المسطور خدهه و الجره اعلیهه
تون من الظلع و الظلع ماذیهه
و نار الباب شبّت بی و حرگتهه


نبچی اعلی الزچیه وما بگه حیل
شالت وین  عدهه  ایتام  یاویل
ماخذهه ابعجل جنازهه ابلیل
لا بت   لا ولد  حاضر ابدفنتهه

✍ام ابوالفضل مقدم


نعازی ام الخدر و نلطم اویاها
نواسیها اعلی امها و ظیم بلواها
من دون الخلگ البین جافاها
نون للموت لضلت ابحسرته

✍ام یاسین العلویه


نبچی اعله الزچیه ونون وی بتهه
عافتهه و مشت بلظیم خلتهه
بعد چاوین تلفی وین گعدتهه
لوصار العصر توحش یحجرتهه

✍ام‌ریسان العلویه


نون للزاچیه و انعلّی الونه
نسچب بلدمع وبحرگه عبرتنه
یمصاب الجرا ماشفنه ابد منه
نحزن کل سنه و نبچی المصیبتهه

✍ام‌توفیق الچلداوی

▪︎▪︎▪︎▪︎▪︎▪︎▪︎

تمت بعون الله ..

جدید سنه ۲۰۲۳

باداره واشراف الشاعره ام ابوالفضل مقدم
باشتراک الشاعرات وخادمات اهل البیت ع👆

غیرمبری الذمه من یغیر او یحذف الاسماء وینسب الکلمات له.


قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

*قصیده ثگیله لسان حال السیده زینب ع لفقد امها الزهراء علیها السلام*


یمه یمه  فاطمه     وین اخذاچ الزمان
یمه یمه  فاطمه    بعدچ افگدت الحنان

ردی لیه
یا زچیه
ما الی  غیرچ  امان


یمه یمه ردی لیه  لا تخلینی ابعذاب
ماتهون الفرگه صعبه ویصعب اعلیه المصاب
یتمیتینی و مشیتی او نمتی ابذاری التراب
ازغیره ماگلتی ابنیتی اشلون تتحمل غیاب

عگب عینچ
خالی بیتچ
و اذکرچ  بکل مکان


ردّی یا نبع المحنه گلبی اخلافچ حزین
ردّی یم چلمت الطیبه ردّی یل کلچ حنین
یل گضینه ایام حلوه ویاچ یمه و السنیین
وین غربّتی و نسیتی العشره ذیچ وما تجین

شلتی  عنه
و  انهظمنه
والوکت بلشعره خان


عگبچ ابعینی ضلیمه الدنیا ما بیهه ضوه
روحی مخنوگه بغیابچ یما یا نسمت هوه
چنتی لهمومی شریکه وچنتی لجروحی دوه
وسفه ما دامت العشره و بعد ما نرجع سوه

ماکو رجعه
اعلیچ انعه
والحزن اعلیه بان


بانت ایام الرزیه و العمر بلهَم بده
من زغر سنی فگدتچ یتمونی اهل الرده
بعدچ ابگه بلهظیمه و مایرحمونی العده
انده ومحد یردلی و ماتسمعون النده

وین انطی
وجهی واشکی

یاهو البگلبه حنان


تمت بعون الله ...

✍بقلم الشاعره وخادمه اهل البیت ع
ام ابوالفضل مقدم (المجدماویه)


https://www.tg-me.com/joinchat-SrkHMGRjvwqoGy_L

فزاعیه بحق مولاتنا الزهراء علیها السلام•

نون ویّاچ  زینب  من تونین
علی الزهرا الزچیه ام الحسین


نون ویّاچ و الونه تهد حیل
علی الکسرو ضلعهه وحیلهه انحیل
مسقوطه الجنین احوی یا ویل
تستاهل علیهه نعمی  العین


الله ایعین گلب الطاهره الحره
علی امصاب الزچیه فاطمه الزهره
حگهه اتهل دمعهه وتسچب العبره
ما تلگه مثلهه لا بعد وین


یمصاب الزچیه اعظم امصاب
صعبه ضربت البسمار و الباب
یابنت النبی یا بنت الهیاب
ما رحموچ  لا رحموا الجنین


نون ویاچ یا زینب علی الصار
نهل ادموعنه و الدمع مدرار
ما هابوا شخصهه گوم الاشرار
و لا هابو ابوهه و لا ابوحسین


تصیح ابصوت یمه ردی النه
طیبه الذات  شیالت هظمنه
مثلچ مالگینه و لا حصلنه
احنه بعازتچ لا لا تبعدین


ردی یا نجیبه  وین شلتی
ابلیل اظلم ییمه  اندفنتی
رحتی ابعید یما و مارجعتی
تاذینی فرگتچ بیهه تدرین

تمت بعون الله .

بقلم خادمه الزهراء علیها السلام
✍ام یاسین العلویه.........

باداره واشراف و التصحیح الشاعره وخادمت اهل البیت ع
✍ام ابوالفضل مقدم

https://www.tg-me.com/joinchat-SrkHMGRjvwqoGy_L

قصیده مربعه
لسیدتی ومولاتی فاطمه الزهراء علیها السلام


یمه یا زهراء لاتخلینی
محمل الفرگه اویاچ دخذینی


عنی لترحلین یمه یازهره
لا تعوفینی ابنوح و ابحسره
بلضلع والروح تسعر الجمره
و ماتطفه نارچ بیّه تچوینی

لا تخلینی وحدی ابحیره
فرگتچ متهون و آنی ازغیره
حظنچ الدافی ما الی غیره
یم المحنه یا بعد عینی


یمه لتشیلین محمل اغیابچ
ردّی یم حسین شوفی اولادچ
الحسن ینحب و یبچی لفراگچ
ولحسین ایصیح لیش عفتینی


بعدچ ابنیتچ صبحت اذلیله
تبچی الفرگاچ و روحهه انحیله
و الدمع غدران من دمه اتسیله
اتنادی یایمه لا تجافینی


اتنادی یم حسین ردی اعلیه
لا تخلینی ابهای الدنییه
من عگب عیناچ اشبع اذیه
ابگه اوحیده ودهری یوُلینی

تمت بعون الله

✍بقلم خادمه اهل البیت ع
نصره الباجی

باداره واشراف والتصحیح الشاعره و خادمه اهل البیت ع
✍ام ابوالفضل مقدم

https://www.tg-me.com/joinchat-SrkHMGRjvwqoGy_L

فزاعیه بحق ام البنین باب الحوائج•°•°•

های ام البنین الیوم اندبیهه
هلّی دمعتچ و توسلی بیهه


های ام البنین الکل یعرفوها
تگظیهه الشداید بس یندبوها
های البل وفه دایم یوصفوها
معروفه بکرمهه الحاجه تگظیهه

✍ام‌ ابوالفضل مقدم


معروفه ابکرمهه و بابها عنوان
و الدگ بابهه لا ما یضل حیران
باب الحاجه های و ما تسد بیبان
ماتصعب علیهه الکلفه جربیهه

✍نصره الباجی


های ام الوفه های ام بطل عباس
الضحی ابکربله الحید ابو نوماس
نعمین و کفو منچ یتاج الراس
انتی باب للحاجه و تسهلیهه

✍ام یاسین العلویه


های ام البنین الحاضره الشده
الینخاها ابد حاشاها مترده
های ام الفده بعیونه و ابزنده
تنطی امراد و الحاجه تعرفیهه

✍ام‌توفیق الچلداوی


اجیت ابحاجتی وبخالصه النیه
مریضه و داگه  بابچ یبدویه
بداع الی مشت للشام مسبیه
منچ طالبه العله تشافیهه

✍نصره الباجی


اجیتچ یا کریمه و دمعتی بعینی
مریضه و طالبه  منچ تشافینی
مالی اعتاب بس ارجوچ نظرینی
یا مولاتی نظره و روحی فرحیهه

✍ام ریسان العلویه


اِندب والندَب ما خیبت ظنه
های ام الکرم های ام المچنه
راضعته وفه و غیره کفو منه
درّه الجابته و معروف طاریهه

✍ام ابوالفضل مقدم

...........................

تمت بعون الله ..

جدید سنه ۲۰۲۳

باداره واشراف الشاعره ام ابوالفضل مقدم
باشتراک الشاعرات وخادمات اهل البیت ع👆

غیرمبری الذمه من یغیر او یحذف الاسماء وینسب الکلمات له.


قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

قصیده بحق ام البنین ع(لسفره و الحوائج)•°•°•


جینه السفرتچ یم العزوبیه
نرید امراد من چفچ یبدویه


یم عباس اجیت الیوم شچایه
متعنیه المجلسچ اعگد الرایه
انطینی امراد ها یلبیچ الکفایه
ابجاه حسین و اولاده وغوالیه

✍نصره الباجی


جینه السفرت ام‌ عباس جیناها
تنطی امراد  و  وفایه سمعناها
الینخه بزودهه مترده حاشاها
و الیندب طلبته الیوم مگضیه

✍ام ابوالفضل مقدم


اجینه السفرتچ یم البطل عباس
نحلفچ بلحسین وراعی النوماس
متعنیه اعلی بابچ گاصده هلناس
تتوسل اجتچ های المسیه

✍ام ریسان العلویه


ماخاب  النخاها و اعتنه لیهه
بید ام الوفه الحاجه تکضیهه 
های ام السبع معروف طاریهه
دوم امجربه و بلکلفه منخیه

✍ام یاسین العلویه


یم عباس اجیت ابروح مالومه
احلفچ بلعضید و قصته و یومه
وزینب من مشت للشام مهظومه
بردی نار گلبی التسعر البیه

✍ام دعاء مقدم


اجیت و سایله ابابچ وندبنچ
ارید امراد بولادچ احلفنچ
محتاره یحره و طالبه منچ
تگضین الشدد و اهموم العلیه

✍ام توفیق الچلداوی


های ام السبع بلغیره موصوفه
ومعروفه بکرمهه دوم معروفه
یم گلب الحنین و روح معطوفه
های ام البنین التنشد ای هیه

✍ام ابوالفضل مقدم

....یا وفایه والزود الهه

▪︎▪︎▪︎▪︎▪︎▪︎▪︎

تمت بعون الله ..

جدید سنه ۲۰۲۳

باداره واشراف الشاعره ام ابوالفضل مقدم
باشتراک الشاعرات وخادمات اهل البیت ع👆

غیرمبری الذمه من یغیر او یحذف الاسماء وینسب الکلمات له.


قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

جلوه لسیده فاطمه الزهراء سلام الله علیها⚘🏵
طور الاهوازی   ((هلله      هلله))


الیله  فرحتنه  زهیه
ابعید میلاد الزچیه۲

ابعید میلاد الزجیه ۲

                              🌹🌹🌹🌹🌹🌹🌹🌹


الیله مولود الجلیله        هلله هلله
الیله سهرتنه طویله         "   "
احله فرحه واحله لیله      "   "
فرحه من الله  و هنیه     ابعید میلاد الزچیه

                                   🌼🌼🌼🌼🌼🌼


فرحه من الله و‌هدایه       هلله هلله
فاطمه بلسوره آیه
باب للحاجه و عطایه
هلّت انوار البهیه      
ابعیدمیلاد الزچیه

                                   🌼🌼🌼🌼🌼🌼


هلت انوارچ علینه         هلله هلله
واشرقت الفرحه بینه
بصوت عالی هلهلینه
نهنی طه و البریه
ابعید میلاد الزجیه

                                   🌼🌼🌼🌼🌼🌼


الیله افراح و امانی        هلله هلله
ننشر و نبعث تهانی
ورد و الیاس ابصوانی
کلهه فرحت هلمسیه
ابعید میلاد الزجیه

                                   🌼🌼🌼🌼🌼🌼


کلهه فرحانه و تکول       هلله هلله
یا هلا بنور البتول
انهنی حیدر و الرسول
مرحبا ابهای الهدیه
ابعید میلاد الزجیه

                                   🌼🌼🌼🌼🌼🌼


مرحبا ابنور و ضواها      هلله هلله
شَعّت الارض و سماها
فاطمه و محله صفاها
طاهره الزهره و نقیه
ابعید میلاد الزجیه

((نتبارک للعتره  الیله))⚘⚘⚘


تمت بعون الله ..

جدید
✍بقلم الشاعره وخادمه اهل البیت ع
ام ابوالفضل مقدم(المجدماویه)

غیرمبری الذمه من یغیر او یحذف الاسم و الرابط

https://www.tg-me.com/joinchat-SrkHMGRjvwqoGy_L
hatb://telegram
me/um abolfazl