نعی لیلت التاسعه عشر من شهر رمضان
(لیلت الضربه)


طش الخبروالیوم اجانی
انصاب ابوی الدللانی
من طیحته الهم لفانی


طاح الولی والحیل مرهون
و من طیحته غمض العیون
جرحه کلف ما یرهم شلون


جرحه کلف والسیف مسموم
و تخطرت حالت الجیدوم
گلبی وجعنی وصبح مالوم


یا حالته تصعب علیه
من شفته ماضل حیل بیه
یل خفت منهه های هیه


الیوم ابونه امعصب الراس
میطیب جرحه شلون یاناس
یوجع اصوابه وبلگلب جاس


وسفه یبو گلب الحنین
تجهر بعد گلبی بلونین
های الفجیعه جتک امنین


جابو ابونه و راسه مصیوب
من صوبک بویه یمهیوب
یل بیک شاره و دوم مندوب


طایح یوسفه یا ولینه
وبلسیف راسک صایبینه
گلی الفکر اشلون بینه


مابیه حیل احمل الفرگه
یا بوی مثلک وین الگه
البین بلزین ایتنگه


یا بین لا تاخذ بلاحباب
ارچاچ مابینه اعلی الغیاب
عگب الحیاده بیش ننهاب


ننهاب بل زینین چنه
وبوجودهم یزهی نزلنه
طیبین یل کلهم محنه

شالو وشالوهه المحنه

••••••••••••••••••••••

✍بقلم خادمت اهل البیت ع
ام ابوالفضل مقدم
(المجدماویه)
📓

https://www.tg-me.com/joinchat-SrkHMGRjvwqoGy_L

فزاعیه بحق الامام علی ع
لیلت التاسعه عشر من شهر رمضان


یا حیف الوصی هلیوم
بل هامه امصوبینه


یاحیف الوصی ینصاب
ابونه الحید داحی الباب
لجله ادموعنه سچاب
والله الحاله تاذینه

یاحیف والف وسفه
ابونه طبرته کلفه
ما ظنه بعد تشفه
مو هینه تره اعلینه

تفجع حالت الوالی
صعبه دوهنت حالی
ما چانت علی بالی
فَجعَت یوم والینه

یل طایح ابمحرابک
علیک امکدره احبابک
وسفه الطاغی منصابک
کون انشلت ایمینه

یا وسفه یغدرونک
هیبه و یل یهابونک
ما چانوا یلاوونک
وینه الصوبَک وینه

وسفه اتطیح یایابه
انتَ الکلک اهیابه
نارک تسری لهابه
وسط الضلع تچوینه

(تچوینه یل نارک تلهب)

•••••••••••••••••••••••••

✍بقلم خادمت اهل البیت ع
ام ابوالفضل مقدم
المجدماویه
📓

https://www.tg-me.com/joinchat-SrkHMGRjvwqoGy_L

نوحیه بحق لیلت التاسعه عشر من شهر رمضان
(لیلت الضربه)

یبویه طر دلیلی صوت الاصیاح
علمک من لفه و گالو علی طاح


علمک من لفه بیّدلی الحیل
صحت ابصوت حیف اعلیک یاویل
تبچی العین لجلک بویه و اتسیل
وسط اگلوبنه اصواب الجرح لاح


علمک من لفانه هز الاجبال
یصوابک ثجیل وحیل چتال
مو هیین علینه یفجع الحال
یل گطعیت من اگلیبی سباح


یاهو الصوبک و تعده بحدوده
انت یل الک وصفات معدوده
علیک ارواحنه هلیوم ممروده
نسمع ونتّک و اتهیِج الاجراح


یا وسفه اعلی ابونه و یا الف حیف
مطبور اعلی راسه و طبرته ابسیف
بهیده اویه الجرح شدو علی الکیف
او لا یغمض جفنکُم حد الاصباح


عسا الصابک یبویه انشلت ایمینه
تصعب حالتک و الونه تاذینه
ناوی اتشیل شو چنک یوالینه
ما تدری ابملامه نبقه و انیاح

(تدرینه ما نحمل فگدک)

••••••••••••••••••••••••

✍بقلم خادمت اهل البیت ع
ام ابوالفضل مقدم
(المجدماویه)
📓

https://www.tg-me.com/joinchat-SrkHMGRjvwqoGy_L

قصیده بحق امیرالمومنین علی علیه السلام
لیلت العشرین من شهر رمضان
▪︎▪︎▪︎▪︎▪︎

یجر یومین اله حیدر بلونین
میشوم الجرح میطیب شو زین


یجر یومین اله و‌ مابطّل الونه
ابونه العافیه شو رایحه منه
حسافه اعلیک یابویه یلمچنه
گضه حیلک بعدحیلی یبوحسین


یجر یومین اله وخلصان کل حیله
گطع گلبی ونینه و بیّد ادلیله
مالی عین اصدله روحی انحیله
رکد حیلی و تلالی الدمعه بلعین


تلالی ادموعی ابعینی واناطرله
عندی احچایه من یگعد اگلله
اگله البیت دونک بویه مایحله
فدوه الگعدتک یمعدل او زین


بَطّل لاتون یابویه واسمعنی
زینب آنه یمک لا تخیبنی
لا ترحل بعد عینی و تسیبنی
اگعد گلی لا لا بویه تبچین


نایم‌ ما تفک عینک تحاچینی
مانی ابنیتک بویه بعد عینی
ذلیله اخلاف عینک لا تخلینی
وین الگه بعد مثلک یلحنین

[احو یلونّک هد حیلی]

••••••••••••••••••••••••

✍بقلم خادمت اهل البیت ع
ام ابوالفضل مقدم
(المجدماویه)
📓

https://www.tg-me.com/joinchat-SrkHMGRjvwqoGy_L

قصیده فزاعیه بحق الامام علی ع
(لیلت العشرین) لسان حال السیده زینب س


شلونه جرح ابونه طاب لو لا
ما نحمل ونینه و جرّت الآاااه

شلونه جرح ابونه ابحاله خبرونی
بطَّل ونتّه لو بعده حاچونی
مالی حیل اصدله تهمل اعیونی
مکسورت گلب و الروح تنعاه


خبرونی اعلی جرحه طاب لو بعده
یا دکتور بلله اعله الولی اتهده
سنده علوساده و الجرح شده
یفت الروح یونینه سمعناه


یون یومین مابطّل الونین
یل وناته ترهن وَدرَت العین
بهیده اعلینه بلله اویاک یابین
جرح اُمنه بعدنه ما نسیناه


یاوسفه اعلی حیدر یا الف وسفه
مطبور اعلی راسه و طبرته کلفه
اوی یلبین و الدنیا صدگ صلفه
منهه الزین وسفه ما حویناه


شیهیده الگلب علوالی شیهیده
عمری اخلاف عمره والله ماریده
ساعت فرگتک یلوالد ابعیده
لو ینسام عمرک چا شریناه

( لاترحل و آنه اتخلینی)

••••••••••••••••••••••

✍بقلم خادمت اهل البیت ع
ام ابوالفضل مقدم
(المجدماویه)
📓

https://www.tg-me.com/joinchat-SrkHMGRjvwqoGy_L

قصیده بحق الامام علی ع
(لیلت العشرین من شهر رمضان)

~~~●

جرحه طاب لو بعده یون منّه
مالی حیل اشوفه و لا اسمعنه


جرحه طاب بشرونه علی احواله
گلبی مرتعب او خابت آماله
یون البیت کله و تبچی اعیاله
ما نحمل ونینه والله یوجعنه


بشرونه اعلی ابونه داحی الباب
جرح الراس ینزف بعده لو طاب
حیف البی محنه ابهامته انصاب
و یا وسفه جریح و یجهر الونه


جرحه طاب لو بعده دمه ینزف
غمیجه طبرته و الجرح ماینشف
عمت عینی یلوج امن الوجع یرجف
مالی حیل اصدله و لا اشوفنه


بشرنی یخویه احسین بلوالی
جرحه شلونه گلی دوهن احوالی
علیه انعاب گلبی و انشده بالی
لو بیدی اشیلنّه الوجع عنه


یلوج امن الوجع وبهیده اینادی
تعالو اهنا یگلهم گعدو یولادی
یوصیهم علیّه و یچوی بفادی
یشیل الیوم شو ناوی صدگ چنه


مایبره الجرح و یگول خلونی
یبویه اعلی الوساده اهنا دسندونی
ما فاد الدوه و لا دمعت عیونی
لو ما توُفی عینی بروحی لشرنه


•••••••••••••••••••••••

✍بقلم خادمت اهل البیت ع
ام ابوالفضل مقدم
(المجدماویه)
📓

https://www.tg-me.com/joinchat-SrkHMGRjvwqoGy_L

نعی بحق الامام علی علیه السلام
(لیلت العشرین)
••••••••••••••••••

بشرنه یا دکتور ابونه
جرح الولی گلی اشلونه
ظنّی علیه لا تخیبونه

ابهیده علیه لمن تضمدو
داوو الجرح بس لا تلچموه
یکلف اصوابه موش تاذوه

یومین ما نایم ولینه
ویجهر بعد گلبی ونینه
تصعب الحاله شلون بینه

تصعب الحاله موش هینه
یجهر ونینه الوالی یمنه
خیمتنه یل کله محنه

ثاری الابو خیمت اعیاله
وهیبه صدگ نزمط ابجاله
هلیله والدنه اشحاله

غالی الابو یاناس غالی
هیبت بناته وجبل عالی
دمعی علیه الیوم هالی

لالت دمعتی وغرگت العین
یلچم ابگلبی صوت الونین
لا تون یابویه یلحنین

آه یلونتک ترهن الحیل
لا هودت لا نمت بلیل
ناوی یبویه چنک اتشیل

لا تون یل کلک محنه
و لا ترتحل یابویه عنه
نگضی العمر ویّاک ردنه

کون العمر ویّاک یگضی
ما نحمل الفرگاک تدری
اخلافک بعد بلعمر شلی

بعدک تره خلصان حیلی

•••••••••••••••••••••

✍بقلم خادمت اهل البیت ع
ام ابوالفضل مقدم
📓


https://www.tg-me.com/joinchat-SrkHMGRjvwqoGy_L

فزاعیه للامام علی ع
(لیلت العشرین)

°°°°°°°°°°°°°°°

تون یومین یلوالی
ها یلونتک ونّه


تون یومین یاغالی
علیک انصاب دلالی
ومشدوهه اصبحت حالی
تون و اِلوَن اسمعنه


تون والونه مخفیه
تهد الحیل ماذیه
ما هانت ابد لیه
شبیدی اعلیک یمچنه


یون الحید یا وسفه
ابونه الیحضر الکلفه
قالع خیبر ابچفه
قسیم النار والجنه


یون و الونه تاذینه
تصعب حالته اعلینه
حیف اعلیه امصوبینه
و جرحه کلف حیرنه


تکلف طبرت الهامه
و مدمومه العمامه
اظنهه گربت ایامه
ناوی ایشیل چن عنه


ناوی ایشیل ‌داحی الباب
جرحه لا بره و لا طاب
گلبی یون اعلیه و انعاب
افراگه ما احملنه

••••••••••••••••••••••

✍بقلم خادمت اهل البیت ع
ام ابوالفضل مقدم
📓

https://www.tg-me.com/joinchat-SrkHMGRjvwqoGy_L

فزاعیه للامام علی علیه السلام🏴


صدگ راعی المحنه حمل وشال
سد عینه حسافه و عاف العیال


صدگ راعی المحنه غمض عیونه
هذا البشدد و الکلفه یردونه
شجاع و بلمرایل دوم ایوصفونه

(یندبونه لو صارت شده)


حسافه اتشیل یاحیدر یکرار
یاوالی الیتامه و حامی الجار
محرابک یون و خالیه الدار

(محراااابک ایون وخالی)


یازینب الطمی و حزنی الیله
شال الیوم ابونه الیعدل المیله
علی فگده تنوح وتبجی العیله

(البی هیبه اشلون ایشیل)


شال البی المحنه وغمض العین
حمّل بلظعن لا وین لا وین
حسافه البین یاخذ وین مازین

(احو یلبین و لچماته)


حسافه البین یتخییر بلاحباب
خلانه نون من بعد الغیاب
شالو من وکت سکنوا بلتراب

(تچوینی یا نار احبابی)

•••••••••••••••••••••

✍بقلم خادمت اهل البیت ع
ام ابوالفضل مقدم
📓

https://www.tg-me.com/joinchat-SrkHMGRjvwqoGy_L

نعی بحق امیر المومنین ع (لیلت الوفات)🏴


شال الولی و ایسنه منه
لاچن بگت بلگلب ونه
الموت حتم و افترگنه

شال الولی و ایسنه گوه
غصبن علینه موش رضوه
ما تنسی العشرته الحلوه

غالی الابو اشلون ننساه
غصبن علینه فارگیناه
للعازه و الضیجات ردناه

موش الابو للضیج مریود
وهیبه صدگ لو شخصه موجود
شایل یوسفه و بعد میعود

شال الابو و البیت عافه
ومفگود شخصه یاحسافه
عونه الگعد یَمّه وشافه

عونه الگعد ویاه ساعه
حنین یل حلوه اطباعه
عزیز ما یسهل اوداعه

شایل یمن کله محنه
ومثله بعد هیهات نلگه
ذلینه یل رایح دگله

بعد وین نلگه العاشرونه

ما تنّسی یل عاشریناک
طگنه الهظم والیوم ردناک
بلدار گعدینه و ذکرناک

ذکرناک یاخیمت نزلنه
یزهی الشمل محلانه چنه
نگظی العمر ویّاک ردنه

کون العمر یگضی اویاهم
لذیذین یا محله حچاهم
البین یا وسفه خذاهم

زینین و الوسفه علیهم

•••••••••••••••••••••

✍بقلم خادمت اهل البیت ع
ام ابوالفضل مقدم
📓

https://www.tg-me.com/joinchat-SrkHMGRjvwqoGy_L

فزاعیه لیوم الاستشهاد الامام علی ع

🏴🏴🏴🏴🏴🏴🏴🏴🏴🏴🏴

شال المرتضی هلیوم و الایتام حزنانه


شال المرتضی الیله
و الایتام تنعیله
عاف البیت و العیله
تنعی اعلیه دیرانه


تبچی الدار و اولاده
وحزنت لجله الساده
حال الوالی اتراده
شال الیوم رجوانه


بعده البیت ماردناه
عزیز الروح فارگناه
دیرانه ابحزن تنعاه
منّه الیوم خلوانه


شایل وین ابوالحمله
تون اعلیه الیوم اهله
فگده للگلب عله
عگبه وین ملفانه


عگبه مالنه تچوه
ابونه العشرته حلوه
فارگنه الدهر گوه
و ما خلاه ویّانه


اخلافه بهظم ضلینه
عگب الحید والینه
فگده حیل ماذینه
شال ابحزن خلانه

(یل فگدک نار و یچوینه)

•••••••••••••••••••••

✍بقلم خادمت اهل البیت ع
ام ابوالفضل مقدم
📓


https://www.tg-me.com/joinchat-SrkHMGRjvwqoGy_L

قصیده للامام علی ع لیلت الاستشهاد🏴


شال المرتضی و ماتمم اصیامه
العید اجبل علینه و گربت ایامه


شال المرتضی و غمضهن اعیونه
یا حید الصمیده الکل یهابونه
حیف اعلی الوصی بتراب ایدفنونه
و ماطابت حسافه طبرت الهامه


شال البی محنه و ابتعد عنه
خلانه ابحزن و الهظم کاتلنه
شلنه بلعمر اخلافه چا شلنه
صرنه من عگب عیناه ایتامه


شایل وین یابویه یداحی الباب
مذلوله عفتهه ابنییتک یا یاب
و المثلک یوسفه اینام جوه اتراب
یا حیف الوکت شخصک المادامه


حرامات اعلی وجهک غابت ارسومه
المثلک بلترب وسفه صبح نومه
یروحی اعلیک بویه الیوم مالومه
احن الشوفتک و الیل ما نامه


اون اعلیک یل عایفنی بهمومی
بعدک ماحله بعیونی کل نومی
من کونه گبل یومک خلص یومی
محتامه علیک الروح محتامه

(تچوینی یا نار الفرگه)

••••••••••••••••••••••

✍بقلم خادمت اهل البیت ع
ام ابوالفضل مقدم
📓

https://www.tg-me.com/joinchat-SrkHMGRjvwqoGy_L

*فزاعیه بحق السید ابراهیم الرئیسی(ره) و السائرین الشهداء💔🏴*


قُلْ لَنْ يُصِيبَنا إِلاَّ ما كَتَبَ اللَّـهُ لَنا هُوَ مَوْلانا وَ عَلَى اللَّـهِ فَلْيَتَوَكَّلِ الْمُؤْمِنُونَ

﴿الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ ۝ أُوْلَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُوْلَئِكَ هُمُ الْمُهْتَدُونَ﴾

عظم الله اجورنا و اجورکم بهذی الفاجعه المولمه💔

"""""""""""""""""""""""""""""""""""""""""""""""

ما نرضه الحیاده اتشیل ، یا وسفه فگدناهم
هیبه للوطن یبگون و العازات ردناهم


مانرضه العزاز اتشیل و اتغرّب
ذوله ارجال هیبه البلحرب ترهب
بلمجلس فخر گعداتهم تِعجب
یا وسفه علیهم ضیعیناهم


یا وسفه علی الزینین یا وسفه
یسباع الوطن یل تگظی الکلفه
هیبه یل اسمهُم من یُمر یکفه
تذوب ارواحنه لو یُمر طرواهم


تذوب الروح صعبه الفاجعه اعلینه
اعزاز اکبار راحت ما ترد لینه
کل ایران حزنان و تهل عینه
یصعب ما یهون و یچوی فرگاهم


یا وسفه اعله کل غالی فگدناه
و مو واحد نگول ایهوون فرگاه
وین الوین خییر ضیعیناه
و اتراب الحد یا حیف غطاهم


حیف البین یاخذ وین مازین
یعمی افراگهم یل بچّه کل عین
ازغار اکبار کل احنه محزنین
نضل للموت ما ننساه ذکراهم

(یردووونه الحد و المجلس)

...........💔🏴💔..........

✍بقلم الخادمه

ام ابوالفضل مقدم(المجدماویه)


.......................●○●
https://www.tg-me.com/joinchat-SrkHMGRjvwqoGy_L

فزاعیه
*بحق السید الرئیسی*

🏴🏴🏴🏴🏴🏴🏴

السید شال و العلّام یردونه
علیه متکدره و الناس محزونه


السید شال و العلّام متکدره
تبچی اعلیه کلهه و تنحب ابعبره
ناره بلضلع و الروح مستعره

(لهابه یل نارک تچوی)


شایل یا وسف یل بیه الکفایه
بو حچی المعدل بی شطر آیه
یستاهل عراضه و بیرغ و رایه

(احا یل یومه امبچینه)


وین اترید یا مهیوب یمچنه
یل یومک صدمنه وحیل فاجعنه
تون ارواحنه و یسیل مدمعنه

(شلون امغرب یل بیک الهیبه)


شلون اتشیل و احنه ازماطنه بیک
رییس و الریاسه لایگه اعلیک
هیبه اسمک کفو و نعمین طاریک

(یلسید یل زودک عالی)


سید و ابن سید یا کفو منهُم
یا سود العمایم و النبی جدهُم
یهل الطیب وسفه البین ماخذهُم

(یا وهّامه و الزود الهم)

🏴🏴🏴🏴🏴🏴🏴

✍بقلم الخادمه
ام ابوالفضل مقدم ( المجدماویه)

●●●●●●●●●●○

https://www.tg-me.com/joinchat-SrkHMGRjvwqoGy_L

قصیده لبدایت محرم. ترهم الی کل المجالس
مجالس اهل البیت ع و الفواتح•°•°•


بس لحسین یحله النوح
و الماتم ینصبونه


بس لحسین‌ مبچانه
الضحه بروحه و اخوانه
لجل الدین و اسلامه
و یشفع لو تندبونه


کل شیعی جرت عینه
و کل البچی الوالینه
بلمحشر ینجینه
و الیندب یحضرونه


کل حمل الثگل یرخه
بسم احسین لو تنخه
لو جاسک هظم یطخه
و کل همک یشیلونه


اشگد ماتهل دمعتنه
ما فادت المیتنه
بس لحسین تنفعنه
بلمحشر ینجّونه


ما فاد البچی اویاهم
ابعید ابعید منواهم
شالو ما لحگناهم
صحنه و ما یسمعونه

(ماجوره زینب و الزهره)


✍بقلم‌ الشاعره وخادمه اهل البیت ع🏴
ام ابوالفضل مقدم(المجدماویه)

📓


●●●●●●●●●●●

https://www.tg-me.com/joinchat-SrkHMGRjvwqoGy_L

قصیده ثکیله للهلال•°•°•


هلن یلعیون 2
هلّ الشهر شهر السبی
هلن یلعیون

---------------------

هلن یلعیون یعیونی هلن
ذکرن سبیچن او لا تبطلن
من عگب الخوان للغرب تمشن
من البچی کون یعیونی تعمن
تنهظم اشلون 2
حرمه المثلی امخدره
تنهظم اشلون


من هل شهر عاشور کل الحزن جاب
من شفته یا هلناس منه الگلب ذاب
بی فگد الاحنان بی فگد الاحباب
و باچر ضمایه تموت تبگه اعلی التراب
بیهم یسحگون2
موته ابحوافر خیلهُم
بیهم یسحگون


هل الشهر و بااان و الدمع غدران
گلبی لچمنی الیوم و انظر للخوان
خوفی علی الحیود و ایام الاحزان
ماتنحمل یا ناس فرگت الاحنان
اعمن یلعیون 2
گبل الفگد و النوح
اعمن یلعیون


جار الهظم و الجور بین علینه
من شفنه الهلال هل بی درینه
ینظر علینه احسین و ادمعت عینه
ناده علی الخوان حضرو الظعینه
یلله علی الهون2
شیلو المحامل هلمسه
یلله علی الهون


تمت بعون الله🏴

✍بقلم‌الشاعره و خادمه اهل البیت ع
ام ابوالفضل مقدم(المجدماویه)
📓

●●●●●●●●●
.............

https://www.tg-me.com/joinchat-SrkHMGRjvwqoGy_L

ثگیله للهلال•°•°•
الطور ( مد و ترجیع)

هل الهلاااااااااال 2
و الدمع ساااااال 2


هل الهلال ییمه و هلت العین
و الدمع سال ییمه علی الخدین
خوفی افگد اخوانی الشیاهین
و ابقه وحیده وتیسرنی الملاعین
گوم الانذااااال 2
و الدمع سااال 2


هل الهلال ییمه و انخطف لونی
عینی تنظر للغوالی و تهمل اجفونی
خوفی لن افگد اخوتی و تالی یسبونی
و ابگه میسوره و ذلیله و ما یمّرونی
حملی لو مااااااال2
و الدمع سااااااال2


اشلون من عگب الاهل ابگه یتیمه
و آنه زینب یا هظیمه و یا هظیمه
ابگه بدیار الغرب ماعندی خیمه
مالی والی و الگلب کثران ظیمه
یفجع الحااااال2
و الدمع ساااال2


یا هظیمه اعلی الدلال و ذیچ الایام
ابلیله وحده و یوم صارت کلهه بحلام
ابعینی راح انظر لخوتی وحرگ الخیام
کلهه نومه و آنه اتکفل بلایتام
شفت الاهوااال2
و الدمع سااال2


●●●●●●●●●●

✍بقلم الشاعره و خادمه اهل البیت ع
ام ابوالفضل مقدم(المجدماویه)
📓
..................

https://www.tg-me.com/joinchat-SrkHMGRjvwqoGy_L

نوحیه للهلال اول یوم محرم•°•°°

هل و بان شهر الشوم
شهر النوح و الونه


یا شهر الکدر و النوح
منّه کل گلب مجروح
مهمومه و تون الروح
هذا الخایفه منّه


شهر النوح و العبره
فگد الوالی و الحسره
مصاب الماجرا یجره
جور و هظم بی شفنه


جور و هظم راوانی
اون‌ کلساع خلانی
یوجع فگد خوانی
ما بیّه احملنه


صاب البین دلالی
طگنی و مارحم حالی
بِل ما چانت ابالی
وین الغالی افگدنه


یا شهر الفراگیه
بلله هونک اعلیه
ما احمل اوداعیه
اخوی اشلون اودعنه

(یاذنی یفراگ الخوه)


✍بقلم الشاعره و خادمه اهل البیت ع
ام ابوالفضل مقدم(المجدماویه)
📓

●●●●●●●●●

https://www.tg-me.com/joinchat-SrkHMGRjvwqoGy_L

نعی للهلال•°•°•


هل الهلال و هالت العین
عشره وتصب الدمع صوبین
خوفی علی احیود الشیاهین


شفت الهلال و باد حیلی
و نیران وجّت ابدلیلی
تعالی ییمه و لاحگیلی


تعالی یایمه تعالی
شوفی یزهره الیوم حالی
دمعی علی الوجنات هالی


گلبی رجف من شفت الهلال
نار اسعرت وسطت الدلال
حیلی رکد و اتکدر الحال


حیلی رکد و الروح ناحت
تعالی ییمه اعلیج صاحت
مدری مذله ، مدری خافت


تعالی ییمه و مرّی بیه
شیلی الهظم خففی اعلیه
ناری تره تدوی و سریه


هلبت تحنین و تجینی
و شلون حالچ تنشدینی
انه ابعازتچ یا بعد عینی


هلیوم روحی امکدره
و ایلوم بیه المادره
جوری علی احد ماجره


ماشفت راحه بکل حیاتی
اتیتمیت آنه و خواتی
وتمنیت من زغری مماتی


جاس الهظم و الیوم بیّن
وعیونی من الصبح هلن
گبل الموادع کون یعمن

علی الزینین لعمیچن اعیونی

●●●●●●●●
✍بقلم الشاعره و خادمه اهل البیت ع
ام ابوالفضل مقدم(المجدماویه)
📓

☆☆☆☆☆☆☆☆☆☆☆

https://www.tg-me.com/joinchat-SrkHMGRjvwqoGy_L

قصیده لاول یوم من محرم•°•°•


هل شهر الحزن والنوح
زینب شدی احزامچ


یا شهر الحزن من‌بان
شب وسط الگلب نیران
گربت فرگت الخوان
و یکلف فگد ولیانچ


هل الشهر یا زینب
یلله شدی المعصب
و کلمن‌فاگده تنحب
ذکری فرگت احبابچ


زینب حظری الونه
باچر فگد المچنه
چفه ینگطع منه
یاهو البعد یبرالچ


تهیل العین سچابه
لجل احسین و امصابه
یوجع الاخو اصوابه
فگده ایدوهن احوالچ


شدی احزام یا حره
للوعات و الحسره
لحسین و گطع نحره
وحرگ الگلب و اخیامچ


من غصباً یشیلونچ
یَمّه ما یخلونچ
من البچی ایمنعونچ
و محد یسمع اعتابچ


یا زینب المهظومه
والییچ گرب یومه
وکفالچ الجیدومه
عگبه تکثر آلامچ


گلبچ الله الیعینه
باچر من تفگدینه
و لو تنگطع چفینه
انسی الحلوه ایامچ

......................

✍بقلم الشاعره و خادمه اهل البیت ع
ام ابوالفضل مقدم (المجدماویه)
📓
●●●●●●●●

https://www.tg-me.com/joinchat-SrkHMGRjvwqoGy_L