لیوم الثالث من محرم

وصلنه الکربله والخیمه نصبوهه
ورایات النصر والثوره شدوهه


وصلنه الکربله والروح مکدوره
وخلینه المنازل ضلمه مهجوره
ورایات النصر هلیوم منشوره
ولو مالت ظعینتنه یعدلوهه


هایه کربله البیهه بلایه وهم
البیهه سور اهلنه تالی یتهدم
ونفگد کل غوالینه ویسیح الدم
های ام البله الکل یعرفوهه


وصلنه الکربله ونزلت محاملنه
وتِرحَب ویلی گامت بلرماح النه
یخویه بداعت امنه اعلیک بس ردنه
ریضو بلمحامل لا تنزلوهه


صحت بصوت خویه یابعدعینی
اخاف اهنا تطیح ومن یحامینی
وخصمک یابن امی تالی یسبینی
رجعو اظعونه یاخویه رجعوهه


یلخوان روحی الیوم محتاره
اخاف من الوکت وادموعی هداره
گلبی منمرد وخافی اسراره
بعدکم های اخیتکم یسلبوهه


تمت بعون الله

✍بقلم‌خادمه اهل البیت ع
ام ابوالفضل مقدم📓
قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

لیوم الثالث من محرم


آنه زینب والخدر عنوانی
الیوم اجیت الکربله ویه خوانی


الیوم اجیت الکربله ومدلله
والحیود ویای کلهه امحمله
راسی عالی بزود کل لَمّت هله
وبلبطل نعمین بیده جابنی


الیوم اجیت الکربله وامخدره
بریحت الخوان روحی معطره
والبطل ویّای سبع الگنطره
کافل اظعونی وشریک احزانی


آنه زینب والخدر عنوان الی
آنه بت الطاهره وحیدر علی
یاهو بلله ایگول تالی انولی
لا ستر یبگه ویِهج صیوانی


الیوم اجیت بکل کرامه وبفخر
والنشامه اویای یانعم الگمر
مایمسنی الخوف لا درب الخطر
بجال کل لمّت هلی و ولیانی


من وصلنه الکربله البیهه مِحَن
بیهه نزلنه المحامل والظعن
مدری شناوی علینه یازمن
خاف یغدرنه وتروح اخوانی


الکربله ظعن المحامل من وصل
بکل معزه وهیده هوُدجنه نزل
بیده من علناگه نزلنی البطل
حبنی اعلی الراس وچفه انطانی


تمت بعون الله

✍بقلم خادمه اهل البیت ع
ام ابوالفضل مقدم📓

قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

نعی
لیوم الثالث من محرم


وصلنه الکربله یهلی وصلنه
ونزلت اظعون اهل المحنه
وبجالهم ، عالی خدرنه


جینه بعزم ومدللات
وبجال اهلنه مخدرات
وخیامنه منوره ومزهیات


دگو خیمنه بساحت البر
وجیوش امیه اعلینه تفتر
وحس الگلب بلبین یغدر


شفت الصفوف وروحی ونّت
بلخطر والشوغات حست
ماینفع وسف والعین صبت


روحی تون والون مخطوف
یوم النظرت بعینی الصفوف
بیهه المنایه ارض الطفوف


ونیت والونات بهدای
لایسمعون الصوت ولیای
وتهمل بسکته دموع عینای


عینی بچت والوالی صدلی
حس بیه ابچی وعینی تهلی
والزعَلّچ! یاهو ال یگلی


تبچین خویه شبیچ تبچین
یابعد های اچفوفی الثنین
عدعینچ یزینب شنهو تردین


عینچ تهل وآنه موجود
تفدیچ عینی وهای الزنود
واقسم قسم بلرایه والجود


اقسم یمین وهای عینی
تفدیچ یاخویه سنینی
وتشهد علی یسری ویمینی



تمت بعون الله
✍بقلم خادمه اهل البیت ع
ام ابوالفضل مقدم📓

جدید ۱۴۰۰/۴/۲۰
۲۰۲۱

قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

فزاعیه بحق الاهل( للعلیله)


بیت العِز صفه خالی

وین اهله مشوکلهم

💔💔
ضلمه البیت دون اهله
العیشه بدونهم ذلِه
الخلو بلگلب عِلّه
مایشفه ولایرهم


بتکم یلفرگتوهه
ویاکم ماخذیتوهه
وبلِذّله ترکتوهه
طول الیل تنعیهم


تعدی الیل بلوحشه
تِمد فراش وتفرشه
وتِخَدر چایهم غبشه
تتخیل وتتوهم


تگعد صافنه وتبچی
ویّه حالهه تحچی
وهمهه للفجر تشچی
تشعر بلالم والهم


تگعد والدمع یجری
مارجعوا طلع فجری
بلله شلون یادهری
ماواحد اجه منهم


عتاب بدمع خطیته
بجنح الطیر خلیته
لبوی حسین طرشیته
گتله ارجوک خبرّهم


گلهم وینکم یحباب
بتکم گاعده بلباب
وتنطر جیت الغیاب
ماکو اخبار شو منهم


بیهه بیوتکم ذکره
وضلت بلگلب حسره
جرح الفرگه ماتبره
مشو یاصوب منواهم


انظر وامسح الدیران
بیهه ریحّت الخوان
ویلا یلدهر خوّان
بعدنی لیش من عدهم



تمت بعون الله

✍بقلم خادمه اهل البیت ع
ام ابوالفضل مقدم📓
قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

فزاعیه للعلیله


بت حسین عافوها

های الغالیه بتُهم
💔💔

بت حسین عافوها
وبلدیران وحدوها
مانشدو ولا جوها
وحدّهه بمنازلهم


بلدیران وحَدّهه
تون محد یباشرهه
وما واحد نشد عنهه
چاماهی ابنیتُهم


ضلت خالیه الدیران
شال حسین والخوان
وبیهه واجّه النیران
ویرجعون ماظنهم


ماواحد اجاها وگال
بتنه شلونهه بیاحال
غدر بیهه الدهر لومال
واُهمه بعید ماخذهم


علیهم دم تصب عینی
یل وحدی امخلینی
بعدهم ضاعت اسنینی
یطارش روح خبرهم


بویه البیت ضل خالی
شایل وین یلوالی
اصفن وانظر الحالی
واذکر ذیچ گعدتهم


لیلی من یجی ویِچّل
بحرگه دمعتی تنزل
یفراگ الاهل یکتل
اوی یلبین طشرهم


اهلی وین منواهم
دهری وین وداهم
وبیا گاع خلاهم
وطشر ذیچ لمتهم


تمت بعون الله

✍بقلم خادمه اهل البیت ع
ام ابوالفضل مقدم📓

قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

قصیده للعلیله


ماریدن نظر عینی واشوفن
بس ویّه الاهل ابگه واعیشن


ماریدن نظر عینی یهل ناس
عگب احسین ابوی وعمی عباس
فرگاهم هلی شیبلی الراس
خلونی وحیده وبس انوحن


شلی بعشیتی الگشره بلیاهم
اهلنه عزاز یاوسفه فگدناهم
طشرهم‌زمانی بعید وداهم
ومن حمل ظعنهم گمت احومن


شلی بعیشتی وعمری اخلاف اهلی
وشلی بظیم هلدنیا بعد شلّی
علیهم یاعیونی دوم بس هِلّی
هِلّن بلدموع و لا تبطلن


مابیه اشوفن خالیه الدار
لاضلت احبه ولا بقه یار
روحی معلعله وموجره بنار
ویاریت الاجل یگرب واموتن


ملیان الگلب اهموم واعتاب
عینی امساهره وتناطر الباب
شجاکم یاهلی طولتو الغیاب
علَیِ موساعه چن اعوام ایفوتن


بلله یاهلی شلون ترضون
وبحال المریضه ماتنشدون
جفیتوهه صدگ وبساع تنسون
عگبکم وین ادیرن وین اروحن




تمت بعون الله

✍بقلم‌خادمه اهل البیت ع
ام ابوالفضل مقدم📓


قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

قصیده للعلیله


مومن مرض ونیت اون اعلی الاهل

والفرگه یاهلناس ابد ماتنحمل

💔💔💔

مو من مرض ونیت ولاعندی الم
بفراگکم یهلی تره گلبی انصدم
یاحیل ماضل حیل بیّه و انهدم
وعیونی ماتاخذ منام من الوجل


لاجفنی شاف نوم لا ساعه انطبگ
والحیل وَشلّ ،،عل جفونی یاخلگ
ماینجرع افراگهم والله صدگ
ولَحد یلوم الیبچی بفگد الاهل


من یوم شال وغرّب ظعن الاحباب
مشبوحه ًضلت عینی تناطرالباب
بغیابکم گلبی تِفَطّر وشاب
وشلون بیّه شلون لو مال الحمل


گلولهم چا یمته لینه یلفون
فراگهم یصعب ودرلی العیون
موعادت الاحباب هیچی یجفون
تیوون .لوله اظنون نگطع و الامل


بعدشلی بحیاتی وعمری واسنینی
اخلاف الحملو لبعید وناسینی
وکلیوم الیمر یتزاید ونینی
یاریت تاخذنی المنیه وبعجل


تمت بعون الله
✍بقلم خادمه اهل البیت ع
ام ابوافضل مقدم📓

ثگیله للعلیله


علیله والگلب ذاااااب
عله شوفت الاحباااااب



علیله وگلبی متروس .آهات وعتایب
ابوی العافنی لیش. وچالیش الحبایب
اعتب واشکی الحال .مریضه وگلبی ذایب
وحیده بگیت یاناس .عنی وین الاحباب


علیله وگلبی ملچوم .ولچماته شدیده
من اهلی المشو لیش. وخلونی وحیده
سکنو ذیچ الدیار .وآنه اهنا بعیده
علیکم یاهلی دوم .دمع العین سچاب


علیله وهمی اثجیل .همّی المامثیله
وگلبی امحّمل اعتاب. اجبال الماتشیله
ماجونی هلی لیش .ولا گالو علیله
انوحن لیل وانهار. ترضولی یلطیاب


مریضه شلون ترضون. وعفتونی ومشیتو
بسرعه یاهلی لیش. چابیّه جفیتو
ماگلتو وحیده .ولا عنی انشدیتو
واتنطر تجونی .عیونی مناطره الباب


علیله وعندی اعتاب. علی اهلی العایفینی
من حمل ظعنهم ......ومنهم عازلینی
علیهم دوم همّال .ویصب دمع عینی
نسیتونی صدگ لیش. یهلی شنهو السباب


علیله ودمعی یجری. ومابَطّل فرد یوم
وشیغمضهه العیون. وگلبی امحمل اهموم
علی شوفت الاحباب روحی امفرفره اتحوم
انتظرن یجونی واسمع دگت الباب



تمت بعون الله


✍بقلم خادمه اهل البیت ع
ام ابوالفضل مقدم📓


قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

قصیده ( رده )للعلیله



حگهه الباقیه اعلیله
((لو تبچی وتهل العین))💔😭


حگهه الباقیه اوحیده
تنوح وتبچی بهیده
وعنهه احبابهه بعیده
وحگهه من تسیِل العین


یاهو ایلومهه من اتنوح
مریضه والگلب مجروح
ایسیبهه الولی ویروح
تصیح بصوت بویه احسین


اصد للدار تعمینی
وماینشف دمع عینی
واتسله علی ونینی
عمتنی فرگت الماشین


حگهه الفاگده الولیان
تضل طول العمر باحزان
تون وتعاتب الدیران
حزینه ومالهه امعین


بگیت اوحیدتی یاناس
حزنی وحالی ماینقاس
ذلیله وهبطیت الراس
واهلی شالو بعیدین


شالو لیش عافونی
بهّم وقهر خلونی
لانشدو ولا جونی
جفونی لو صدگ ناسین


علیهم ابچی لیل انهار
وعلیهم مادریت اشصار
ولامنهم اجتنی اخبار
بسچ روحی لتعتبین


لتعتبین ماینفع
الشایل مابعد یرجع
اعتابچ مابعد یسمع
کفی ولا بع اتحنین


تمت بعون الله

✍بقلم خادمه اهل البیت ع
ام ابوالفضل مقدم📓

قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

قصیده
عن لسان حال اللعلیله

بطور (خطار اجانی ویاهلا بجیته)


اهلی مشو والوحدی خلونی
حَمّل ظعنهم وآنه عافونی

ضلیت یم الباب منتظره
گلبی علی الاحباب شیصبره

یهلی....💔


ونّی ذَلّنی افراگهم اهلی شعمل بیه
حمره الجمره تچوی بگلبی نارهه اسریه
اهدهَ شهدهَ لچنت انتظرهم مالهم جیه
حیره چبیره چانت بگلبی و عندی اُمنیه

اویاهم اروح وینحمل ظعنی
واحسین ابوی ویاه یاخذنی

بس الحسبته صار الی دونی
وابدار غربه اهنا یوحدونی

یهلی .....💔


یومی نومی کِلّه انحرم ولا طبگ جفنی
شوکته ویمته یوم انعزل من الاهل ظعنی
احچی وابچی وحگی اذا لو مابطل ونی
اعلیله اذلیله ًضلیت ولا واحد نشد عنی

لاچنی بتهم لا اهُم اهلی
ضلت مدامع عینی بس تِهلی

خلونی اجر اونینی خلونی
وابلحظه وحده اهلی انسونی

یهلی......‌💔


اجریه اسریه ضلت ابگلبی داویه الجمره
ویِهلیِ لهلی ادموع عینی وحگه من یجره
الفاگد واحد میهونله وکل عمره بلحسره
شحاله حاله الیفگد اهله وینسه العشره

عفرین گلبه الیفگد العیله
هاذ آنه حالی آنه العلیله

کل اهلی راحو وآنه خلونی
ومحد نشد اعلیه اشلونی

یهلی......💔


وحدی شعندی غیر المذاکر مابگت عندی
دمعی وشمعی کله طفه وضلیت انه وحدی
هَمّی سهمی صایر الی وایدی علی خدی
شالو راحو کلهم هلی ولیمن بعد ابدی


لا ضلت احبیبه ولا والی
شال العزیز الچان الی غالی

ضلیت اصیحن مایسمعونی
لا مرو اعلیه ولا جونی

یهلی.....💔

💔😭💔😭💔😭💔😭💔

تمت بعون الله

✍بقلم خادمه اهل البیت ع
ام ابوالفضل مقدم📓

قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

قصیده للاهل
لسان حال العلیله

عَوِد یازمن ایام اهلنه
نتریاهم الهسه بعدنه


عَوِد یازمن ایام الاحباب
تره عنت علیه اوجوه الاطیاب
سکنو بلحود وجوه التراب
ویاهم بلعجل خلص وکتنه


چثیره اهموم آیهلی حملنه
وضیعنه العزیز الچان یمنه
یل شال وبعد مایرجع النه
وگطعنه الیاس من عنده واملنه


وحدی گاعده وبلبیت اعانی
اتَریَه یجونی اهلی واتانی
شطالبنی علیهم یازمانی
تطشرنه من اهلنه وانفرگنه


لوترجع علیّه اوجوه الحنان
یتسرّهَ الگلب لوچان حزنان
اذب السود یهلی والبس الوان
بس المات مایرجع سمعنه


خایب یازمن گلبی مردّته
وضیعت النحبّه والنودّه
ابچی اعله الولی الماله ردّه
میرجعون بعد الراحو النه

🏴🏴🏴🏴🏴🏴🏴🏴

................تمت بعون الله...........

✍بقلم خادمه اهل البیت ع
ام ابوالفضل مقدم📓
قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

قصیده للاحباب
لسان حال (العلیله)


ودینه عتب بی دمع العیون

گطعوا لیش اهلنه وماینشدون


ودینه عتب لهل المحنه
مینشدون بینه لیش اهلنه
طالت غیبت الفرگه وحِزنّه
ومنکم یاهلی خابت الظنون


ودینه عتب بید الیرحلون
ایعتبون العلینه مایسئلون
گطعوا کل وصلهم مایمرون
وحزن افراگهم ودّر العیون


خطیت العتب وایهل دمع عینی
واصد لدیارهم وحشه وتبچینی
وکلیوم الیمر یتزاید اونینی
عجیبه لیش اهلنه مایحنون


نسیتونی صدگ وهای هیه
ولا گلتو ابنیتنه خطیه
یل شلتو فرد شیله نویه
ماظنیت بیکم هیچ تجفون


اعدّی الیل بلحسرات والونه
مُر افراگ اهلنه شلون اجرعنه
وخالی مچانهم اشلون اشوفنه
صدگ هیچ الاهل بساع یجفون



تمت بعون الله
✍بقلم خادمه اهل البیت ع
ام ابوالفضل مقدم📓

قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

قصیده للعلیله

طور ( واسیاط السبی) مجرد سطر حافظه
لرادود علی الدلفی
((وطبعا لها عدت اطوار القصیده))
-----------------------

شالو کل هلی اهل المرجله
وآنه الوحدی وسکنوا کربله


اهلی حملوو بظعون الهجر
جفنی ماغفه مفتشه للفجر
عینی مساهره ادعی وانتظر
احفظ کل هلی ربّی من البله


شالو کل هلی وعینی مساهره
بکل طرف النزل خلوا خاطره
صوره اعلی الحیاط بیهه ذاکره
صعبه یادهر والفاگد هله


بلله یاخلگ شلون اهجع واهید
واهلی حملوا لدیار البعید
دنیا بلا اهل ماتسوه وتفید
فرگاهم صعب والله ومشکله


شلون اهجع واهید بلله یازمن
شالو کل هلی من هاذ الوطن
آیا حسرتی من شفت الظعن
وصوتی مانفع شما صحت وعلِه


آ یا وحشتی لیلی من یچل
بِت ابلا اهل من حگی اذِل
شلی بدنیتی وماضلی امل
وبیت المختلی من یتحمله


فگد اهل النزل مایرهم ویطیب
آیا حسرته الفاگد حبیب
مایبره الحزن اویا یکبرویطیب
وحیله ینهدم مایستحمله


تمت بعون الله

✍بقلم خادمه اهل البیت ع
ام ابوالفضل مقدم📓

قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

قصیده للاهل
( لسان حال العلیله)


وحشه ادیارکم یهلی وخلیه

وضل مکانکم یوحش علیه


ضلمه البیت والله دون اهله
وماترهم العشره بدونهم ذله
الخلو بلگلب یاناس الف عله
ونار افراگهم تچوی وسریه


تزهی الدار بس بوجود راعیهه
یگعد بیهه وبجلساته یضویهه
دارک لیش یابویه امخلیهه
ضلمه اخلاف عینک توحش اعلیه


سور البیت بویه اخلافک اتهدم
وعگبک یاشملنه ما بعد یلتم
تجی نسمت عطرکم بویه بیهه اشتم
گطعتو لیش بیّه ومالکم جییه


وحشه ادیارکم شلون تنطب
وتهظمنی من اصدهه وناری تلهب
العشره ماتهون وحیل تصعب
لاتبطون وتگطعون بیه


یهلی اخلافکم البیت مایسوهَ
ماینطب وحِش والروح ماتهوهَ
خلصت وانتهت ایامنه الحلوه
ویاکم حملت یهل الحمیه


تمت بعون الله


✍بقلم خادمه اهل البیت ع
ام ابوالفضل مقدم📓

قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

قصیده للاهل
لسان حال الفاگده العلیله


خلونه انتسامر لا تشیلون

‌‌‌ آیهل المحنه وین تردون
😭🥺🥺💔

ریضو بلظعن آ یهلی تانونی
صدگ ترحون وآنه اهنا تخلونی
اویاکم لیش بویه ماتحملونی
اگبال اعیونی اشوفنکم تحملون


ارید احچی واعاتب اهل المروه........

ریضولی اسویعه اگعد ویاکم
تره ماینحمل یایوم فرگاگم
شلون العاشرتکم گلبی ینساکم
محملین الظعاین وین ترحون


شلون ابگه وحیده بهای الدیار
علیله وناحله ودم عینی هدار
بعد لا یمی والی الضل ولا یار
یل ماشین همِینّه ترجعون


بویه احسین لیش محمل العیله
وآنه ویاک ماتاخذنی انحیله
مکسورت الخاطر ابگه واذلیله
تخلونی وعلیّه ماتمرون


یابویه شجاک وغیرَک عنی
تخلینی ذلیله بنوحی وابونی
بیکم چان کل آمالی وظنی
گطعتو اظنون گلبی وماتحنون


حِده ظعن المحامل وآنه ضلیت
مکسورت گلب بضعونی ردیت
آیا وحشتی من طبت البیت
وحیده ابغربتی واتهل العیون


تمت بعون الله

✍بقلم خادمه اهل البیت ع
ام ابوالفضل مقدم📓

قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

قصیده لسان حال العلیله بنت الحسین علیه السلام


حَمّل ضعاینهم هلی واصفج بیدیه

خلونی وحدی بلنزل وعینی ربیه


حَمّل ضعاینهم هلی اگبال عینی
الگظِّیت ویّاهم عشرتی وکل سنینی
ضلیت یبرالی الدمع یهلی او ونینی
وبضلوعی نیران الفگد تچوی وسریه


ونّیِت من شال الظعن وسار عنی
ضلیت اجر ونه علی ونه وزاد حزنی
من یومهم شالت فرحتی وخاب ظنی
وامکسره بصدری عبرتی شلون بیّه


انفاسی ابخنگه اجرهه وانظر الباب
حسبالی ابلحظه تجی وتطب الاحباب
عینی ربیه وانتظرهم واحسب احساب
بشوفتهم اعیونی تسر اهل الحمیه


ظعن المحامل شال وسفه وسار بلّیِل
وصفگیت راح براح علزینین یاویل
ماینحمل افراگهم هَدملی الحیل
شالو بعید وسکنو ارض الغاضریه


یل حملیتو البیت ضل حزنان ینعی
ویجری علیکم مابطل سیّاب دمعی
ومظلم علیّه البیت ها یلچنتو شمعی
وخلیتو لیل انهار دمعاتی جریه



تمت بعون الله

✍بقلم خادمه اهل البیت ع
ام ابوالفضل مقدم📓

قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

نعی لیوم الرابع من محرم



یامحله لمتهم اهلنه
وبوجودهم یزهی نزلنه
لیش الدهر منهم بعدنه


انه جویعده وگامو یحملون
اهل المحنه وین یردون
وما حملونی ویّه الظعون


حطیت حملی ویه حملهم
آنه العزیزه وآنه بتهم
عافونی الوحدی بنزلهم


تبعت الظعن وارکض وراهم
اعزاز الگلب امشی ویاهم
ماتنحمل ساعت جفاهم


شلّی بحیاتی بعد شلّی
وسار الظعن وابعدو اهلی
واشبیچ چایاهو الیگلی


حسبالی یلفونی الغیاب
وکلیوم اناطر دگت الباب
بلکت تجی وتعود الحباب


کثر ظیمنه چاوین اهلنه
واعتب علی البیهم محنه
اخلافهم والله متحنه


شال الظعن وسار لبعید
وروحی تون وماتهیید
وبچیی او ونینی مایفید


بسچ یروحی کفی العتاب
لا ترتجین وسدی الباب
گطعی الامل متعود الحباب


تمت بعون الله


✍بقلم خادمه اهل البیت ع
ام ابوالفضل مقدم📓
قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

یوم الخامس من محرم
(لمسلم بن عقیل) علیه السلام


ارید ابچی واحن صبح ومسیه

الیوم اول بدر راح من ادیه


الیوم اول بدر غاب من البدور
والفگده الگلب ناحل و مکسور
ودمع العین لجله الیوم منثور
راح الچان ابن عمنه وتچیه


تچیه الچان النه الیوم غایب
وجارتنه بعد عینه المصایب
دگن حیل وابچن یاحبایب
علی الراح وبعد مارد علیه


ارید ابچی و اون طول الیالی
ومایبطل دموع العین هالی
علی مسلم الراح ومااجالی
راح الچان هیبه وبی حمیه


ارید اعتب الدنیا الخانت ویانه
وخذت بیهم طبگ زینین ولیانه
یاگلب الیشیله جور بلوانه
بحیره وعوز اهلنه مادرو بیه


فگدنه اعزاز والدنیا تولتنه
ومابین الغرب والله تحیرنه
ویمصیبت ابو طاهر الشدهتنه
چثته من القصرللگاع مرمیه



تمت بعون الله

✍بقلم خادمه اهل البیت ع
ام ابوالفضل مقدم📓
قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

فزاعیه لمسلم بن عقیل علیه السلام


لبوطاهر نِشد وانعَصُب الهامه

علی الخلصت عشرته وخلصت ایامه


تلوگ اعلیه ویستاهل العصابه
مرمی من القصر وماذی اصوابه
شیِجَبر الگلب علوالی امصابه
لاضل حیل بیه وروحی محتامه

(وشیصبر الروح علی افراگه)


التمن والطم شرکه وجماعیه
ننصب علولی هلیوم تعزیه
ویستاهل دمع عینی وبواچیه
وعلی ولیداته دگن ضلو ایتامه


ایگولون الولی من القصر طاح
وواقع علارض وادمومه سیاح
صارت بلمخیم ضجّه واصیاح
وین اهله مشو چا عنه واعمامه

( البی هیبه چاوینه الیوم)


سفیر احسین ابوطاهر یعرفونه
یل عمه علی شلون ایغدرونه
وخشنه احبال بلشارع یجرونه
ویهوسون جدامه بلعمامه


صدگ طایح ولینه وبیرحفروله
وین اهله وعمامه مایحظروله
مافزعوا بنی هاشم یلحگوله
زین الزین وسفه البین مادامه


(وین الگاه امضیعه الوالی)


دگن للنجیب الضل غریب الدار
وآنه اهنا الوم ومادریت اشصار
ما ندری اشجراله والگلب محتار
وگلبی بلجرهَ مصدوع بآلامه


تمت بعون الله

✍بقلم‌خادمه اهل البیت ع
ام ابوالفضل مقدم📓


قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl