*قصیده ثگیله یوم الاول من محرم لسان حال السیده زینب ع مع امها الزهراء س*

https://www.tg-me.com/joinchat-SrkHMGRjvwqoGy_L

*هل الهلال ییمه هل الهلال*
*والدمع سال ییمه والدمع سال*
*ادری گلبی ینشلع وبلمصایب انفجع*
*هل الهلاااااال هل الهلاااااال*


هل الهلال ییمه وهلّت احزان الگلب
بشوفته رفَّن عیونی وتهمل وضلت تصُب
حایر ابن امی اشوفه و ناوی لدیار الغُرُب

رفّن عیونی وخفت
خویه لاترحل صحت

هل الهلاااااال


هل الهلال ییمه وبیّن بطلته الکدر
آه یهلال المصایب بیک گلبی ینکسر
وافگدالخوان کلهه وامشی عنهم بلیسر

امشی ودمعی یصُب
مو رضاتی بلغصُب

هل الهلاااااال


هل الهلال ییمه وعینی هملت علوجن
گعدی یمه وباصرینی احتار گلبی وممتحن
روحی حست بلخطر- او ضلت اتلوب وتون

خایفه من هلسفر
ایمیل بحمولی الدهر

هل الهلااااال


آه یهلال الفجایع والمصایب والرزیه
بیک افگد کل اخوتی وابگه حرمه بلا تچیه
وبعد و الاصعب علیه ادخل الدیوان امیه

ابگه حرمه بلا ولی
وبید انذال انولی

هل الهلاااااال

..............تمت بعون الله الکریم
✍
*بقلم خادمه اهل البیت ع*
*ام ابوالفضل مقدم*
📓
_____

https://www.tg-me.com/joinchat-SrkHMGRjvwqoGy_L

قصیده الی المسیر من المدینه الی کربلا*
یوم الثانی من محرم


*شلنه او دعیّنه ادیار اهلنه*
*وضل یهمل علی الوجنه دمعنه*


شلنه اودعّینه ادیارالاحباب
وضلت خالیه وغاطیهه التراب
دور اهل المحنه ودور الاهیاب
بیهه اسنین گظیینه عمرنه


شلنه وحملینه کل الظعون
عفنه ادیارنه وتهمل العیون
هایه طلعتی بس ردّتی شلون
اخافن بلغرب ینطش شملنه


شالو کل محاملنه والعیال
ودعّنه المنازل والدمع هال
حس گلبی بخطر واتکدر الحال
یخویه لا تشیل و رد ظعنه


مشینه یاهلی ولبعید ممشانه
عله الخوان روحی الیوم حیرانه
گصدنه الکربله والموت ویّانه
ویاخذهم طبگ لا ما حسبنه


مشینه او دعیّنه ادیارنه بحسره
وتخنگ بلصدر امکسره العبره
خوفی عله الحیاده اتنام علغبره
و ما یگعد بعد لینه الکفلنه


""""""""""""""""تمت بعون الله
✍
بقلم خادمه اهل البیت ع
ام ابوالفضل مقدم
📓

https://www.tg-me.com/joinchat-SrkHMGRjvwqoGy_L


_

*قصیده للنزول الی کربلاء یوم الثالث من محرم*


*وصلنه ورفرفت ابکربله الرایه*
*نَوَخنه الظعن و ندگت الثایه*


وصلنه الکربله وخیمنه نصبوهه
و رایات النصر والثوره شدّوهه
وبساحت الحومه الثایه دگوهه
ذوله اهل الکلافه وزود وفّایه


ذوله اهلی الحیاده الزامطت بیهم
یبطال النشامه الحلو طاریهم
من طاری الحرایب خایفه اعلیهم
یرحون‌من ادیه شلون واضمایه


تچیه وعون للعازات اریدنهُم
کلهُم طیِب مابیّه افارگهُم
یل ماکو بوفاهُم لا محنتهُم
ردتهم‌ للحمل لو ثگل تچایه


اجینه الکربله وجیّتنه ابهومه
وشدّو رایه والثایات بلحومه
یانزلتنه منهه روحی مالومه
ومنهه جاس گلبی وخایف‌اهوایه



هایه کربله هایه الحچو عنهه
های ام البله المحد سلم منهه
نزل بیهه ظعاینّه و محاملهه
علینه گطعو المای وبعد هایه


،،،،،،،،،،،،،تمت بعون الله
✍
*بقلم خادمه اهل البیت ع*
*ام ابوالفضل مقدم*
📓


https://www.tg-me.com/joinchat-SrkHMGRjvwqoGy_L

*الی عید الغدیر بطور( یاسامع الصوت صل علنبی)*

*مبروک مبروک یاحیدر علی*
*مبروک الولایه یا نعم الولی*

🌿🌺🌿🌺🌿🌺🌿🌺

مبروک مبروک یا تاج الفخر
یاهیبت الساده ویا شیخ وگمر
کلمن یوالیک اجه لحفلک حضر
ویصیح لبیک یا حیدر علی

🌹🌹🌹🌹🌹🌹🌹🌹
👏👏👏👏👏👏👏👏

تاج الولااایه یلوگ الهیبتک
والباری خصاّک والی الشیعتک
خسران کلمن یعادی ولایتک
و الصاح بسمک همّه ینجلی

🌷🌷🌷🌷🌷🌷🌷🌷
👏👏👏👏👏👏👏👏

مبروک مبروک تنصیب الامام
یا والی الساده ویا شیخ العمام
الشیعه فرحانه و تغّرد الحمام
یلله یدنیانه فرحی وهلهلی

🌺🌺🌺🌺🌺🌺🌺🌺
👏👏👏👏👏👏👏👏

وین الیخاوینه ویوالی حیدره
شیخ العرب هذا زود و مفخره
ارض وسمانه الیوم کلهه منوره
مفروض علناس حبک یاعلی

⚘⚘⚘⚘⚘⚘⚘⚘
👏👏👏👏👏👏👏👏

یامحله هذا العید یاعید الغدیر
انجدد البیعه الک وانت الامیر
انتَ یا اول ولی و انتَ الاخیر
غیرک فلا نهوا وبس انت الولی

🌼🌼🌼🌼🌼🌼🌼🌼
👏👏👏👏👏👏👏👏

تمت.
✍
*بقلم خادمه اهل البیت ع*
*ام ابوالفضل مقدم*🌹
📓


https://www.tg-me.com/joinchat-SrkHMGRjvwqoGy_L

*مربعه للعلیله بنت الحسین علیه السلام*

*عینی ابچی بدمه للفارگونی*
*شالو و ابعدو و آنه نسونی*


عینی ابچی بدمه ولالا تبطلین
شالو کل هلچ صارو بعیدین
انسی ذیچ لمتنه و السنین
وانسی العشره ویّه العاشرونی


اِبچی والدمع سهمچ یلعیون
یل شالو بعد هیهات ایردّون
بعد لا ترتجین وگطعی لظنون
بعید ابعید شالو و اترکونی


حلم نرجع بعد و ترد الایام
ماترجع بعد حتّی بل احلام
من یوم المشو سهرانه مانام
ومن کثر البچی راحن عیونی


شالو کل هلی لبعید لبعید
یصعب یافگدهم کلش امچید
ما یفرح بعد گلبی وَ لَیهید
هیچ الله ویجون اِیفرحونی


هیچ الله ویجونی کل الاحباب
وافرح وارکضلهم وافتح الباب
اصیحن یا هله بجیّت الغیاب
وگولن مانسونی اهلی واجونی


تمت بعون الله...
✍
*بقلم خادمه اهل البیت ع*
*ام ابوالفضل مقدم*
📓


قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

فزاعیه لمسلم بن عقیل ع یوم الخامس من محرم*

*هذا منین ماخذ های الفنون*
*طب کوفانهه واتزلزل الکون*

*( خل یدناه العایل وینه)*


هذا منین ترعب خزرت عیونه
و زلمّ الگابلته ما یلاوُونه
شجاع ومن عمامه ماخذ افنونه
وکلهه اترددت منّه یخافون

*(بیکم هیبه واسباع انتم)*

هذا منین رج الکون بفعاله
هد اعلی الزلم والسیف حیاله
هذا بن الهواشم واهله عیاله
علی الذله ابد لا ما یسکتون

*(ما یدناهم المو گدهه)*

هذا منین ماخذ های هدّاته
ترجف منه ضلت کلهه شمّاته
تکتل نضرت عیونه ویخزراته
چاوین الزلم خلهم یلاگون

*( یلاگونه وین اهل الطگ)*

وین الزلمه بیهم خل یلاگی
هذا ابن النشامه العال یفنی
ویا چف بیهم الیگدر یلاوی
علیه بسهام من بعید یرمون

*(یگطع راسه والعایل بی)*

✍
بقلم خادمه اهل البیت ع
ام ابوالفضل مقدم
📓


قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

فزاعیه عتاب زینب ع لابی الفضل العباس ع


*آنه اختک یخویه شلون تنسانی*
بعدک یا زمانی وین ودّانی

▪︎▪︎▪︎▪︎▪︎

آنه اختک یخویه امدلله بجالک
یا عباس یل ماکو منَ امثالک
ما حطیتنی خویه علی بالک

(هضمونی یاخویه اخلافک)


مابیهم رحم اعداک هضمونی
آنه اختک المسبیه یسمونی
زینبکم ترانی بحیره تدرونی

(ومحتاره بعیالک الضلت)


محتاره بعلیل وحرم واطفال
ومگیدین ایدینه خویه بحبال
ما ینشال حملی وبعدک المال

(انهض یاخویه وحمل اختک شیله)


ماذینی یخویه یوم فرگاک
و چتاله شماتتهم الی اعداک
احوم منین اجیبک وین الگاک


(ایبارینی المثلک وینه )


وین الگاک یاخویه یعباس
خلافک بلهضم زینب ینوماس
و طبینه لعد دیوان الارجاس

( للمهیوبه... ترضاهه شلون)



..............تمت

✍بقلم خادمه اهل البیت ع
فاطمه ام عباس شاخی

✍✅تصحیح الشاعره ام ابوالفضل مقدم


https://www.tg-me.com/joinchat-SrkHMGRjvwqoGy_L

*مربعه للولد*

*ربیت الولد او زین ربیته*
*گلت یکبر اولیدی واگعد ابیته*


ربیت الولد اوزین کبرته
گلت یکبر اولیدی وافرح ابزفته
شو خان الوعد والموت یابخته
خذاه شلون منی وفارگیته


ربیت الولد ابزین تربیه
الغیره براسه تفتر حیل حاویه
ابو طول الحلو الحلوه معانیه
یابختی الجلیل الما حویته


تمنیت الولد یکبر وعرسله
ونلتم الحبایب نمشی نخطبله
اعدل داره خیه وحنه احطله
شلون شلون
لا من عرسلته ولا نی حنیته


یا یمه الولد تچایت امه
ومن اگلیبهه ایزیح هظمه
محلا من یجیهه و من تظمه
ولک یا موت عنهه شلون بعدیته


ربیتک ییمه و اتعبت اشکثر
تنسه شلون تعبی یمه والسهر
کون الیه و مو الک نوم الگبر
لو ینباع عمرک چان انه اشریته


*الموت ایسومک وآنه الشرّایه*


✍
*بقلمی المتواضع*
*ام ابوالفضل مقدم*
📓



https://www.tg-me.com/joinchat-SrkHMGRjvwqoGy_L

*اللهم صل علی محمدوال محمدوعجل فرجهم*

*للوالده الحنونه*
*مربعه ،،فزاعیه*
ترهم القصیده للطورین


*اجینه یم هله گعدی تلگینه*
*یم عشرت الحلوه لا تعوفینه*

😭😭😭😭😭😭

گعدی یم هله بیتچ صفه ضلمه
یمه اوداعتچ ما نحمل الهظمه
ردی الصوت گولی یا هله یُمه
وگلب ابنییتچ لا لا تکسرینه

✍ *ام ابوالفضل مقدم*

😭😭😭😭😭😭

جینه یم هله گعدی یونستنه
یل ویّاچ یمه تحله گعدتنه
عافتنه ومشت لا وین خلتنه
مانحمل افراگ شلون تجفینه

✍ *ام یاسین العلویه*

😭😭😭😭😭😭

یم عشرت الحلوه وحلوه ملگتهه
لذیذه و مانمل من ذیچ گعدتهه
شالت و المحنه اویاهه شالتهه
خلتنه بحزن والظیم غاطینه

✍ *نصره الباجی*

😭😭😭😭😭😭


وین الگه الحنینه واگعد اویاهه
یم چلمت هله یل حلو ملگاهه
هد حیلی وگظانی یوم فرگاهه
بعید بعید شالت واگطعت بینه

✍ *ام‌یاسین العلویه*

😭😭😭😭😭😭


اجینه للحنینه و مالگیناها
یم حچی المعدل مانسیناها
شالت وین عنّه وضیعیناها
فرگتهه چوتنه وحیل مابینه

✍ *فاطمه مقدم*

😭😭😭😭😭😭

بیتچ یم هله خالی ویبچینی
اصیح اعلیچ یمه ما تسمعینی
شلون الهانلچ من یتمیتینی
وبلفرگه رضیتی شلون یحنینه

✍ *ام فاطمه طرفی*

😭😭😭😭😭😭

یمه البیت یوحش ضل بلیاچ
یل خذتی الگلب والروح ویاچ
عمانی وهد دلیلی یوم فرگاچ
لا تبطین یمه ردی اعلینه

✍ *ام دعا مقدم*


😭😭😭😭😭😭😭😭


تمت الحمدلله القصیده باداره واشراف
✍ *الشاعره ام ابوالفضل مقدم*
مع الخادمات الحسینیات
ام یاسین العلویه
نصره الباجی
فاطمه مقدم
ام فاطمه طرفی
ام دعا مقدم

غیر مبری الذمه للیمسح رابط القنات او اسماء الخادمات ✋

*نسال الله التوفیق والنجاح فی کل عمل خیر لخدمت محمدوال بیت محمد الطیبین الطاهرین*


قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

*فزاعیه للاربعین والرجوع الی کربلاء*


*زینبکم اجت یخوان یوم الاربعینیه*

*ردّت بلحزن والروح محنیه*
*زینبکم اجت یخوان...........*


زینبکم اجت گوموا تلگوها
بدیار الغرب ها یل ترکتوها
متغّیر رسمهه لو تعرفوها
های الراحت اویه الگوم مسبیه
زینبکم اجت یخوان.............


اجت تنهض تطیح وحیل مابیهه
نحیله من الهظم والظیم ماذیهه
عدهه اعتاب ویّه الچان ناسیهه
شالت وین من راسک الحنیه
زینبکم اجت یخوان............


گعدو بس بعد من نومت التربان
اجت زینب تعاتب والگلب وجعان
ناحلهه الهظم و امغیره الالوان
ومنکم تعتذر ماجابت ارقیه
زینبکم اجت یخوان............


محنیه اجیت ابصدری العبره
وماصدگ یخویه خلصت العشره
فک بابک دشوف اشلون متغیره
فرگتک غیرتنی فرگتک هیّه
زینبکم اجت یخوان............


گعدو یانشامه شوفو احوالی
عسانی کون میته ویاکم اشوالی
عگبکم‌ لالی سلوه ولا بگه والی
وتچوی نارکم بلروح مسریه
زینبکم اجت یخوان............


عجب صوتی ولاهزکم والاعتاب
ها یل نایمین ابوسط التراب
محد گاملی ولحد فتح باب
ولا گالو اختنه وحنّو اعلیه
زینبکم اجت یخوان .......


(ماردناهه والعیشه بذل)


تمت بعون الله

✍بقلم خادمه اهل البیت ع
ام ابوالفضل مقدم📓


قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

*قصیده للاربعین*


*زینب حشمت عباس ماتگعد یوالیها*
*یحدیهه الشمر وامچتفه ایدیها*


اجت متلهفه وماگاطعه الیاس
بعدهی تعتب علیکم یعباس
خویه افراگکم شیبلی الراس
وماینشال جور المَر تره اعلیها


زینب حشمت وینک یبوالغیره
یل خلیتنی متحیره ابحیره
مشیت ویه الغرب من دیره لدیره
وعینک غمضت ماتنشد علیها


اجت زینب تجر ادموعهه بحرگه
یل میتین بیکم ماهی امصدگه
حسرتهه بگلبهه وبیهه مختنگه
محنیه اجتکم حیل مابیها


اجت بهمومهه تتمایل وتعثر
طاحت علوجه وینک یلمشکر
مچتوفه ایدیهه اتگوم ماتگدر
ماتگعد تلاحِگهه وتحامیها


ماتنهض یخویه تلحگ اعلینه
وتفُک الحبل گصص تره ایدینه
تَعبّنه الدرب کل حیل مابینه
ماتنهض ظعینتنه تلگاها


اجیت انشد واحشم یاکفیلی
یل خله جمر وسطت دلیلی
فجعنی ابفرگته وهدملی حیلی
چفوفه الچانت المحد یلاویها

*( ماگام الحید ایلاگینی)*

تمت بعون الله

✍بقلم خادمه اهل البیت ع
ام ابوالفضل مقدم📓


قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

*نواعی عند رجوع الظعون الی کربلاء یوم الاربعین*

@لما رجعت العقیله زینب ع بلظعون معه النساء والاطفال الی کربلاء یوم الاربعین
عند الرجوع کانو قلیلین من الطفال معه السیده الزینب ع
لن بقیتهم قدماتو من شدت العطش والحراره والتعب والعذاب وضرب السیاط من ال امیه لعنت الله علیهم
اجت زینب وهیه علی ظهر الناگه
وکانت بینهه وبین القبور مسافه کثیرا
لکن عبر هاذی المسافه جعلت تشم رائحه طیبه ،رائحت الاخوه💔،
لقد تجدد الحزن والاساء وجعلت تبکی و تنادی وا اخاااه واااه مظلوما
ودگول،

اشمن ریحت الخوه تفوح
وردتلی بیه الحیل والروح
وطیبت بیه ذیچ الجروح

مشتاگه روحی وجایتهم
وطالت الفرگه وماشفتهم
گلولهم جتهم اختهم

@صاحت اخی حسین '' اخی عباس این انتم
لماذا هذهی الارض فارقه ؟
وینکم یلچنتو تارسین های الگاع بزودکم😭
لیش هسه محد منکم😭
رادت تنزل من علی الناگه، ماگدرت لنهه عالیه وطبعا عالیه وتحتاج ان حدَ یلزم ایدهه وینزلهه🥺
الللللله 💔،،،،،،، اتذکرت ذیچ الایام والعباس من کان هوه ایصعدهه وینزلهه😭

صااااحت!

صاحت ودگت حیل علراس
ماتگعد تنزلنی یعباس
وین الحنان وضاک الحساس


جیتک یخویه الیوم جیت
یل بیک خویه اتوزمیت
اگعد وشوف شلون ردیت


جیتکم وثجیل هظمی
وانشد علی حالت ابن امی
یل چان هوه شریک همی


نزلیت وامشی خطوه خطوه
وبجدمی اجر یحسین گوه
من الهظم گلبی امچوه


اجیتکم و امچتفه
بلمت یتامه امکلفه
وروحی تحن متلهفه


من الهظم متحیره
ومن الیسر متغیره
اگعد یسبع الگنطره


اگعد ینایم مستریح
اختک واجیت انهض واطیح
یل بلکبر نایم ذبیح


یحسین اگعد یاعیونی
یل خیبت خویه اظنونی
ماتگعد علی تسال شلونی


شلونی یبعد اختک شلونی
من الهظم راحن عیونی
ومن الضرب زرگه متونی


دگعد وشاهد حالتی
یوم انزلت من ناگتی
چا ماگمت حییت الی


اگعد یمن بیک المروه
شوف الزمن بیه اشسوه
یجرنی العدو یاخویه گوه


یلبلگبر نایم دگوم
های انه زینب جیت هلیوم
چامعرفت صوتی یجیدوم


حگک الصوتی ماعرفته
کل الهظم بعیونی شفته
وحرام چان‌الیل نمته


یل مستریح اهنا ونایم
وختک شابعه اخلافک هظایم
یل کلفیتوهه بیتایم


یابت علی جبرچ علی الله


تمت بعون الله

✍بقلم خادمه اهل البیت ع
ام ابوالفضل مقدم📓

قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

*قصیده للاربعین*

*اجت عمت ولدکم حیل مابیهه*
*محنیه الظهر و الظیم ماذیهه*


زینبکم اجت گعدو یفاعیه
یل بیکم عزم وحیود نشمیه
نمتو مادریتو بلجره اعلیه
ماگلتو اختنه وین تالیهه


اجت عمت ولدکم تعتب اعلیکم
ماجاس العتب یخوانهه بیکم
هظم المار بیهه بلله یرضیکم
یل تسوه العتب شو ما گمت لیهه


اجت زینب تمیل ترید تچایه
من جور ومرار البین شکایه
تعتب والعتب الصاحب الرایه
بیک الزامطَت شلون ناسیهه


اجت والحیل من ظیم الیسر خلصان
نحیله من المصایب والجسم تعبان
ومن کثر الهظم حیل الگلب وجعان
تِفل اهمومهه جتکم یهالیهه


تهد الحیل حال الفاجعه اچبیره
بعد ضاک الخدر زینبکم ایسیره
عجب البی عزم ماشالته الغیره
یکافل خدر اخیتک گوم رد بیهه


*(اگعد لیها یزماط اختک)*

تمت بعون الله

✍بقلم خادمه اهل البیت ع
ام‌ابوالفضل مقدم📓

۱۴۰۰/۶/۲۵



قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

*رجوع الی کربلاء*


*اجیت الیوم عنایه یلاحباب*
*صدگ نومه یخوتی حدر التراب*


اجیت الیوم واتمایل بلهموم
تمنیتک عدل یاخویه واتگوم
اگعد شوف گلبی شلون مالوم
ومن ظیم الجرالی محمل اعتاب


اجیت الیوم عنایه الک جیت
اشوفنک یبعد اختک تمنیت
شلون ارجع یخویه وخالی البیت
بعد یاهو الیلاگینی علی الباب


لهفانه علیک الروح یحسین
خویه الشوفتک مشتاگه هلعین
اگعد یابن امی خویه یحنین
دمع العین لسه علیک سچاب


اگعد شوف حالی یابن امی
اتمایل یخویه اثجیل همی
جرعت الظیم کله وصار سهمی
وامفَصل علیّه وصار الی ثیاب


خویه اخلافکم ماشفنه راحه
وگلبی مابطل لحظه نیاحه
لتظنون زینب مستراحه
وراسی من الیسر مو من کُبُر شاب


اجیت الیوم متعنیه للگبور
اعثر بلجدم وگلیبی مکسور
یل دگیت صدرک خویه مشکور
یل ذبیتنی اعلی غربه واجناب


تمت بعون الله

✍بقلم خادمه اهل البیت ع
ام ابوالفضل مقدم📓



قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

*قصیده للاربعین عند رجوع زینب ع الی کربلاء*


*اجت زینب تصیح بصوت مهضومه*
*علی الخوان والحسرات مضمومه*


ردّت بلحزن وتصیح یخوانی
اخافن ماتعرفونی یولیانی
ترآنی امرمره ومغیره الوانی
وروحی من الحزن والاه مالومه


جیت محمله وهمومی ثگلانه
محد شو نهظلی وشکل اردانه
نعتب والعتب مافاد ولیانه
سدی باب عتبچ ها یمظلومه


شحچیلک یخویه وشرد اسولفلک
علی ظیم الیسر شلون اوصفلک
الدنیا ویای دارت من شلت عنک
وروحی من مرار البین ملچومه


خویه شبیک ماتگعد یبعد اهلی
یوم المال بیّه وارتخه حملی
بعد اخلاف عینک بلعمر شلی
وانتَ مستعز یاخویه بلنومه



اگعد یل نمت ومستریح اهنا
وحگک مابطل ابچای لا والله
المثلک یاهو گلبه ایطاوعه وینساه
وتفجع حالته و ماینسی یومه


اجیت الیوم اگعد گوم حاچینی
ردلی الروح خلهه تبطل اونینی
حلوه اویاک خویه چانت اسنینی
من فرگاک گلبی زادت اهمومه


((اگعد یبن امی وحاچینی))


تمت بعون الله

✍بقلم خادمه اهل البیت ع
ام ابو الفضل مقدم📓


قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

*ثگیله رجوع زینب ع الی کربلاء*


*من الیسر زینب اجت یمک یعباس اگِعِدَت*
*رجعت معاهه العایله ومحنیه لیکم عوُِدَت*



من الیسر زینب اجت واتگله یاحادی الظعن
مرنه علی اگبور الاهل گلبی علیهم انطعن
ارد اخبر الوالی الجره واشکیله اهمومی المظن
هموم السدت لیه وجرت ماجِرَت لحد وسدت


مشتاگه خویه الشوفتک جیت ولگیتک بلگبر
جیت اشتکیلک حالتی واعلی الجرالی بلیسر
یاخویه جبت العایله بس عن رقیه اعتذر
نص الدرب ناحت وماتت وبیهه یاخویه احِتِرت


احتاریت خویه بلوعتی چاماگمت یابوعلی
وکلساعه یضربنی العدو واندب وماعندی ولی
بضلع الزچیه احَلِفَک ترضالی یبن امی انولی
وترضالی اطب دیوان امیه وشفت راسک بلطشت


واتوجهِت صوب النهر جیتک یکافل یاگمر
بسمک انادی یاشهم کلما یطگ بّیه الشمر
ها یل گلتلی بذمتی ودگیت صدرک للخدر
وینک یخویه من صحت عباس یوم الّی انسِبِت


شو ماگمت حییتلی های آنه زینب وارجعت
اگعد وشاهد حالتی یل بیک دوم ازمط چنت
خلیتنی بین الغرب کلساعه انسب وانشمت
چالیش یاراعی الشیم گطعیت بختک ونمت


................................

تمت بعون الله

✍بقلم خادمه اهل البیت ع
ام ابوالفضل مقدم📓


قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

ابوذیه لسان حال مولاتی الزهراء(س)بفگد الرسول(ص)



الیودّع خلّه مایرتاح ینلام

ابلیل و لو یفتر النوح ینلام

چذب یلگال جرح الابو ینلام

یضل مادام یجری النفس بیه

خادم الزهراء(س)علی السیلاوی


یهدی ثوابها الی روح خادم الحسین(ع)والدی الع

*قصیده لاربعین الابو*

*سوینه اربعینک وایسینه*
*ماترجع بعد وتعود لینه*


ایسنه وگطعنه اظنون منک
ما ترجع بعد یابویه ظنک
بعد ما نتلاگه ولا نحظنک
محتوم الاجل بویه اشبدینه


ماترجع یبویه وطال الفراگ
وتدرینه الحنانک بویه نشتاگ
نبچی والبچی یجرح وحراگ
چا یمته تحن بویه و تجینه


سوینه اربعینک والدمع سال
ومنک ایسینیه والحزن طال
ماضل حیل بینه ولا بگه حال
شیردک بعد یل شلت لینه


ایسنه وکطعنه الیاس منه
المیت مایرد لا های ظنه
بویه بعازتک صحنه بعدنه
صدگ شایل وماترجع علینه


ماترجع صدگ او های هیه
ولا تنشد بعد لا بیک جیه
خلافک من یجی وینشد علیه
نمشی ویاک لوله ایصح بدینه


مانحمل الفرگه ولو بدینه
اویاکم للمگابر چا مشینه
ولو ضاگ الخلگ اتسامرینه
علیکم حگنه لو صحنه وبچینه

..........

✍ *بقلم خادمه اهل البیت ع*
*ام ابوالفضل مقدم*



https://www.tg-me.com/joinchat-SrkHMGRjvwqoGy_L

*نعی للام فی حق الزهراء علیها السلام*


یل شایله لاوین تردین
عندچ ابنیه وموش تبطین
ردّی علیه ' لا تبعدین


ردّی یمن یهواچ گلبی
عگبچ تره ماشوف دربی
انطر جییتچ والعین تربی


یل شایله یمته تجِینه
یل شوفتچ عنّت علینه
مثلچ احنینه مالگینه


اخلافچ تره ماکو محنه
لا من ولی ولا من اهلنه
ردّی بعازتچ یُمه بعدنه


تِردّیِن یایمه تمنیت
یوحش وضلمه اخلافچ البیت
لو یصح بیدی اویاچ شدّیت


لو یصح بیدی ویاچ اروحن
ولا اضل بغیابچ انوحن
وخالی النزل منچ اشوفن


فرگتچ مُرّه وما رِدِتهه
وفیتچ چبیره بیش اسدهه
یا من لذیذه او ما املهه


یامن لذیذه و روحی تهواچ
عشرتچ حلوه وعیب ننساچ
یصعب علینه یوم فرگاچ


یافرگتچ تصعب علینه
شلتی بعد و تفارگینه
یل مانشدتی لیش بینه


لا جیتی لا نشدیتی عنه
جاس الهظم بینه وهظمنه
جینه وعلی بابچ گعدنه


جینه وگعدنه ابعتبت الباب
وبهدای جرینه العتاب
خلافچ ییمه مامش احباب


روحی تعالی یمن تهواچ روحی😭


..............تمت

✍
*بقلم خادمه اهل البیت ع*
*ام ابوالفضل مقدم*
📓


قنات خاصه لجمیع النایبات
لشاعره وخادمه اهل البیت✍ام ابوالفضل مقدم (المجیدماویه)
https://www.tg-me.com/joinchat-SrkHMGRjvwqoGy_L
hatb://telegram
me/um abolfazl

نعي السيده زينب ع اتخاطب أبي الفضل
بعد الرجوع من السبي



كـون الــگـبـر عـبـاس بـي بـاب
ويــمـك يلـمـنـي لــمـت احـبـاي
هسه اعرفتهه بطـول الاغـيـاب
يـالبـعـد اخـوهـه عـيـب تـنهاب


عـگـبـك صـرت لـلنـاس فـرجـه
وعنـك مـشيـت بـنـاگـه عـرجـه
شلـي بـحـيـاتي وبـعـد شـرجـه
وادري الحچي المثلك يحرجـه


مـحـد رحـمـني وسـمـع شـكواي
ذاب الــدلـيــل بــنـومــتـك هـاي
صـارت شـمـاته الـتـمـشـي ويـاي
عـگبـك يـخـويـه ومـاي عـيـنـاي


حـرمـت عـلـيـه نـومـت الـلـيـل
اطـبـك جـفـن واتـذكـر الخـيـل
انــحـب ورتـّـل الـنـوح تـرتـيـل
وأنـدب عـلـي حـمـاي لـدحـيـل

*----------------------*-------------------*
✍خـادم الـحسيـن
الشاعر رعد الجريخي