‏اللي تبينه على خشمي وجعله فداك
والطعنة اللي تجيني من يدك جايزة

إن كان هذا تغلي مايغرك غلاك
وإن كان هذا تحدي فـ أنتي الفايزة .

تلدّين العيون و تسرقين القلب و الألباب
‏ يا ليتك يوم قالوا لك كبرتي ما تكبرتي .

‏يا صاحبي عدٍ يهين النفس ما أبيه
ماااا أبيه لو الكبد مشفيةٍ على ماه

و اللي ترا هذا أوله .. ينعاف تاليه
يعافه اللي ما يعيش إلاّ بـ يمناه

و ما قدّر الخالق على المخلوق يأتيه
و أرضى بـ مقدوره عليّ و الحمدلله

حمداً كثيراً طيباً مباركاً فيه
كما يحبه ربي و ربك و يرضاه .

‏المواقف كلبوها تطلب إستسلامي
بس لا يمكن على ماهي تحب أعطيها

ماشيه .. لو المسافه دربها مترامي
لين أشوف أحلامي توّقف على رجليها .

‏عشانك حرّ .. من ماكر حرار و مبتغاك صعيب
تخوض الحرب من شيمه ولا تبغى غنايمها .

ما عرفت الحب لكن شفت فيك سهاده
‏خطوةٍ ترجع عواقبهـا على خاطيهـا

‏والا أنا من جيت لـ الدنيا وفيني عاده
‏أتعض من غلطة الشاطر ولا أسويها .

‏خلصّنا من دروبّ الهوى والقلوب صحاح
ولاني بـ أخايل بارقٍ ما هو بـ صوبي .

‏روحي خجولة طبايع تكره أفاخر
اعيب فيها خجلها خوف من طمسي 

لو إني أحياناً أعشق طبعي الزاخر
بأشياء في هالزمن راحت مراح أمسي

وقور عقلي كثر ما مبسمي ساخر
و ثرثار بالي كثر ما ينفقد همسي

وعيني ملاها بياض القلب عالآخر
" أفرح لغيري مثل ما أفرح لنفسي" .

‏شريت الكرامه و الكرامه رصيد و ظل
تخيّرت منها عمّة الراس و ثيابي

لعل الفلوس اللي يجي من وراها ذل
ما تدخل بمخباتي ولا تدخل حسابي .

لا ضامي من الماء ولا أدوّر الفيّ
‏في خير و في نعمه و مبلول ريقي

‏مشتاق لك .. رغم إني مابي ولا شيّ
‏و هذا هو الشوق النظيف الحقيقي .

مع غيرك أقسى من الحجر وأثقل من الطود
‏ومعاك النسانيس الخفيفة تمرجحني .

‏عزاي على رحابة صّدري إلي كانت
‏توسع الأرض "صارت أشبه بثقب الإبره"
‏- ما عادت صدورنا شماليّه .

نحفظ العهود ونستر السّر مانطريه
‏و نحب الوفاء ⁧ والطيبّ ⁩ حنا معازيبه .

‏" جيتك وبيّ لفحه ضما
‏و أقفيت و كبدي ناشفة " .

‏يا خاطِري جارك الله من الهقوه وخيّباتها .

واحدٍ لامن طرا لي جاب طاريّه المسّـره .

‏هذا انا يا نادل الجّرح القديم
نفس الحزن نفس الشكل عرفتني ؟.