اللهم صل على محمد وال محمد

بمولدك سيد البشر= انهني بيك المنتظر
يامحمد يامحمد
###############
انت اشرف سيد اعله الكائنات
انت اقدس نور طل اعله الحياة
يانبي الرحمة وسفينه للنجاة
بالكرم ايدك نهر= انهني بيك المنتظر
يامحمد يامحمد
###############
يبو الزهره مولدك شع بالسماء
يستجاب الله بجاهك كل دعاء
بيك وبحيدر علي يروح البلاء
اجمل آيات وصور= انهني بيك المنتظر
يامحمد يامحمد
##############
وصفك ربك المنان الكريم
يامحمد انت ذو الخلق العظيم
رحمة الله ونعمته وخيره العميم
الكون بالفرحة ابتشر= انهني بيك المنتظر
يامحمد يامحمد
##############
بجاه ميلادك ايعجل للظهور
سيدي ظلمه صفت كل العصور
بالامام المهدي نورك هو نور
النور نورين وظهر= انهني بيك المنتظر
يامحمد يامحمد
#### محسن الجنابي ###

مات التصبر بانتظارك ايها المحيي الشريعه
فانهض فما ابقى التحمل غير احشاءٍ جزوعه
كم ذا القعود ودينكم هدمت قواعده الرفيعه
تنعى الفروع أصوله واصوله تنعى فروعه
( سيد حيدر الحلي)

ينتابك الألم ويعتريك الحزن
مهموم ومصدوم ومتألم ٠ لااحد يلون لك مارسمت رغم عطائك
كيف تنظر إلى السماء وانت بلا جناح
- كل ماترغب به هو ان تعيش لاجل من يستحق لانه فعلا يستحق
- اجمل مافي روحك انها عند غيرك
- لاتقدر ان تبني مدينة فلاطون الفاضله كي تعيش بها بسلام
لكنك تستطيع ان تبني سلام بمعونة من هو اقرب لقلبك لتعيش في قلبه
( اعجبتني)

لا تناقض نفسك وتحجي الخلاف
وانت تدري وتفتهم شنهي الغلط
الكلام اذنوب في بعض الأمور
دير بالك حط عله حروفه النقط
سولف الزينات والممكن تصير
اجم بشر من زلة لسانه فحط
( محسن الجنابي )

كاع بلا مطر حالي
وتفطر كل شبر بيه

بدن من ضلعج جروحي
وبديت بعلتي ونوحي
اعله باب الدار# طف ونار
وبديت بعلتي ونوحي
@@@@@@@@@@
رسم بسمارج سنيني اليتم والغربه والاحزان
جرح يتبع جرح وآني صرت للنايبه عنوان
الم بسمارج بمتني منهدها وشبت النيران
يايمه ويومج اذاني* الباب وبسمار شراواني
وضلعج صار* طف ونار
وبديت بعلتي ونوحي
@@@@@@###@@
آنه ام الحزن والهم بعد يتبعني جم امصاب
هذا اول جرح بيه و بابج يفتح اجم باب
وباجر يمه بالكوفه ابوي ودمه بالمحراب
لو جبد الحسن بالسم تتكطع وذر تنصاب
من بعدج شتشوف اعيوني*
ام الاحزان ايسموني
بهمي احتار*طف ونار
وبديت ابعلتي ونوحي
@@@@@@@@
ودعتج وانه بيا حال عليّ عمر اليتم يصعب
اشسوه ابروحي اوداعج هموم ومدمعي ينصب
يمن ضلعج حنه اضلوعي وراج اجم ضلع يلهب بعدني باول سنيني ونوايب دهري صبن صب
فراكج يمه شسوه ابحالي* راح ايودعني اجم غالي
والبسمار*طف ونار وبديت ابعلتي ونوحي
@@@@@@@@
باجر يمه يالزهره شيصير ابكربله بيه
باجر من يطيح احسين وتمشي عياله مسبيه
كفيلي من يضل عالكاع واشوف اجفوفه مرميه
ترى نارج ييمه اهناك بخيامي تشب هيه
باجر لو رادو يسبوني * اشفتي احزان اتشوف عيوني
من الاقدار* طف ونار وبديت ابعلتي ونوحي
@@@@@@@@@
مثل ضلعج حمل كلبي نار وبيه تتوجر
بسمارج سياط اتصير الم بمتوني من تسعر
ييمه وبيت احزانج اخيام احتركت ابخدر
مصرع محسنج يمه بنحر عبدالله يتصور
نار تشب دارج وخيامي* اجم ضلع ومنحر جدامي اعليه اندار *طف ونار وبديت ابعلتي ونوحي
@@@@@@ محسن الجنابي @#@

اللهم صل على محمد وال محمد وعجل فرجهم

اتمنى تسمعون القصيدة 👆

يامن يعلم السر والعلن
اللهم لطفا بعبدك الضعيف

الحياة دائرة مغلقه لانستطيع الخروج منها الا يوم الوداع الأخير