كل الترحيب بالاخوه والاخوات الذين انتمو لقتاتي اتمنى ان تنال اعجابكم
اخوكم الشاعر محسن الجنابي

كل عام وانتم بخير وعافية مبارك عليكم وعلى جميع المسلمين واعاده الله بالصحة والسلامة
اتمنى ان يكون عيدا سعيدا عليكم وعلى جميع عوائلكم ومتعلقيكم
اخوكم الشاعر محسن الجنابي

1.مشكول الذمة كل شاعر يحذف الليستة قبل اتنتهي ثلاث ساعات من وقت نشرها
2.تم حذف اكثر من 30 قناة بسبب حذف الليستة قبل انتهاء ثلاث ساعات

دستورهای سفارشی

لزيادة عدد متابعين قناتك على التلجرام ما عليك سوى التواصل مع👇👇👇👇👇
@ahmed_alziwar0

الهي بحق محمد وآل محمد
شافني بشفاك وداوني بدواك
يارافع الضر عن ايوب
وراد بصر يعقوب
نسألكم الدعاء جزاكم الله خيرا
اخوكم الشاعر محسن الجنابي

ياعلي بيوم الغدير$ ياعلي بيوم الغدير
صرت عل عالم أمير $ ياعلي بيوم الغدير
يوم اعلنها النبي$توجك انت الولي وصرت عل عالم أمير $ ياعلي بيوم الغدير
#################
يوم نزلت أيه بكتاب السمه
نصت بتتويج حماي الحمه
وصه بيه وللخلافه سلمه
نصبك ربك وزير$ ياعلي بيوم الغدير
################# اثنعش اولهم علي قائد امام
هذا نص وابد مابي كاف لام
واليخالف طلع من روح الاسلام
وينتهي لأسوء مصير$ياعلي بيوم الغدير
#################
بحيدر وماغيره منصوص الكتاب
رفع ايده وشهد من عدهم جواب
واليضده النار اله بيوم الحساب
ولا شفيع ولانصير$ ياعلي بيوم الغدير
#######$#########
بتاج من الله تتوج حيدره
فخر يابوحسين دنيه وآخره
للشرع والدين اكبر مفخره
ما إله ند ونظير# ياعلي بيوم الغدير
################
كمل دين المصطفه بآية سماء
يامحمد بلّغ بهذا الولاء
العلي بس لعلي خصه بهل نداء
ودله كل صاحب ضمير $ياعلي ياعلي بيوم الغدير
#### محسن الجنابي ###

دستورهای سفارشی

عندما تزرع شخصا في شرايين دمك
ماهو العقار الذي ممكن ان ينزعه منك

ونحن على اعتاب المحرم
اللهم ارزقنا ووفقنا لخدمة الحسين عليه السلام
اللهم الهمنا حقائق نكتبها لنبيين للعالم مامدى مظلومية آل محمد ص

الأخوه والأخوات الذين انظموا لقناتي حياكم الله شرفتوني واتمنى ان تنال كتاباتي اعجابكم
أسأل الله أن يوفق الجميع لخدمة سيد الشهداء عليه السلام
اخوكم الشاعر محسن الجنابي

ايام الحزن بانن ولاحن
حجر كلب العده مارق ولاحن
الدمع والاه والحسره ولي حان
النعي ع الصار بارض الغاضريه

(نعي للعليله)
عليله وحدي اتفكر عله الباب
واتاني مته تلفي الغياب
تره بغيابهم حته الكلب شاب
مامعقوله مايدرون بيه
###########
يبويه هلبت اتودي مراسيل
لاصبحي صبح لا اهجع بليل
تدريني عليله وجسمي انحيل
وعيني اعله الدرب تشبح اربيه
#########
تره سيل الدمع يحسين سلواي
بلكت طارش اليلفيلي عناي
المن يبويه ابث شكواي
عليله وحدي وناري سريه
##########
لشوف وجوهكم ياهلي حنيت
يوحشني بعدكم ياهلي البيت
اوديلك عتب جا ليش ماجيت
يبويه ولا وصل مرسال اليه
## محسن الجنابي ###
نسالكم الدعاء

يحادي اضعونهم ريض / صحت وان
مشيتو ياهلي عني / صحت وين
رحيلي وياكم اتمنه / صحَّت وين
لجن عفتوني تسعر نار بيه
############
الدمع وعتابي ماينفع لحالاي( لوضعي)
يل عفتوني مهمومه لحالاي( لوحدي)
اجيب منين يابويه لحالاي( لحيلي)
حيل وامشي لارض الغاضريه
### محسن الجنابي###

بدمعي والنوح ييمه بدمعي والنوح
شفته مذبوح اخوي وشفته مذبوح
××××××××××××××
اريد احجيلج واشرحلج الحال
ييمه حسين شفته امكطع اوصال
وحيد بعيني شفته والدمع سال
دمه مسفوح _ اخوي ودمه مسفوح
×××××××××××××××
يمر ليل الحزن والهم عليه
عفاني شلون امشي وروح بيه
تمنيت ويه اخوتي للمنيه
وتطلع الروح_ اهيم وتطلع الروح
××××××××××××××
عزيزج يمه عمدن داسنه الخيل
وحرت باطفالي لمن جلجل الليل
اعله اخوي من الهظم ماظل بعد حيل
كلبي مجروح _ اذكره وكلبي مجروح
××××××÷÷÷÷÷÷××
بجيت ولاعذول لدمعي شافه
همج والناس ماعدهه مخافه
وكع ومن العطش ذبلانه اشافه
عفته مطروح_ عضيدي عفته مطروح
×××××××××××××÷
اطلعت من خيم الليل بسكونه
رحت بين الجثث لحسين اخونه
لكيتج يمه يل زهره الحنونه
دمعج يلوح_ اشوفن دمعج يلوح
××××××××××××××
اخوي ومن وكع حزو وريده
اشوفج يمه ماجنج بعيده
صفينه بلا حسين ولاعضيده
المن نروح_ عكبهم المن نروح
××××××××××××××
عفاي بلا كلب من كربله امشيت
وعفت عباس ذاك البي تنخيت
اجيت ويه الكفيل وبيش رديت
امحمله جروح _ مشيت امحمله جروح
### محسن الجنابي ###

للعباس ع
عباس خويه تره عيالك ولوها
حركو اخيامي فرهدوها وسلبوها
############
شحجيلك وتدري بعد عينك يغالي
وصلت اعداكم للخيم فرّت اعيالي
وشلون ليلتها لون شاهدت حالي
وحال اليتامه والحرم من روعوها
############
ادريك طايح علنهر وانده يعباس
اِتعودت ماعندي غيرك يبو النوماس
شلون هل ليله تحامي عيالك الناس
وانته اعله نهر العلكمي جثه ورموها
#############
انده يحماي الخيم من وجت النار
ياهو اليطفيها ويلم ايتامي الازغار
تدري وحيده ومالي حيل وبيمن احتار
بالنار لو باطفالك إللي سحكوها
#############
يلمرمي خويه اعله النهر ماتدري بيه
ماني غريبه ودارت العسكر عليه
آيلمصيبه امصيبتي بالغاضريه
لن غيركم خويه الحرم يتكفلوها
############
بيه شعمل خويه الدهر بعدك يكفال
لني وحيده بكربله ومتكفله بعيال
حاجيني باصرني يبو الغيره اعله هلحال
اختك يكافل من بعد عينك سبوها
####محسن الجنابي ###

يامصاب حسين ألمت النبي
باجر تشب نار بخيام وعبي
باجر يكولون للشام السبي
وللمصايب زينب ايكودونها
××××××××××××××
آه ياليل اهدعش مالك مثيل
بيمن يلوذون اهل حامي الدخيل
لاخيم لاحامي عدهم لا كفيل
باجر ايتام النبي يروعونها
××××××××××××××
شلون ليل اليمر بايتام وحرم
شلون ليل بلا زلم وبلا خيم
يا ألم مر اعله زينب يا ألم
دم دمع تجري العقيله اعيونها
×××××××××××××××
للسبي من يمشي حداي الضعن
والسياط اعله المتون ايروعن
بالعيون الحرم بس يتباوعن
والجثث خيل العده يسحكونها
×××××××××××××××
آه ياباجر ضمه وحر الهجير
اه ياباجر مصاب المايصير
آه ياباجر عله زينب جبير
شامت وظالم يسوك اضعونها
×××××××××××××××
باجر خيام النبي تمسي رماد
وتلبس اسود باجر السبع الشداد
يظل ويه الحرم بس زين العباد
والحرم لبن الدعي يسبونها
××××محسن الجنابي ××××