زينب والعباس 《 ع 》





بعدك كلشي راح يضيع وآني اتكفل ضعوني
مو بيدي اظل يمك تدري ما يخلوني

باجر امشي مسبيه وتدري شبيه ما بيه

وآني اتكفل ضعوني

***

خلافك كلشي راح يضيع ياعباس شأتأمل
سبيه ودمعتي بعيني غريبه و كلشي أتكفل
سياط ولوعة الاحزان ومن عدهم حجي اتحمل
بس يابوالفضل تدري يبعد الروح حال اطفالي عالهزل

اروحن عنك بيا حال سبيه ومدمعي همّال
ياضيم السده ا عليه وتدري شبيه ما بيه
وآني اتكفل ضعوني

×××

راح يروح كلشي بطيحتك عباس وجروح السبي تلجم
ماظل عندي غير ايتامي والنسوان وتدري ارماد المخيم
شتحمل يبعد اختك ينور العين أشيلن بعدك إلياهم
يا عباس حالي خلافكم يا حال بيه الناس ما ترحم

وعيونك يبو الغيره زينب طاحت بحيره
وانت جثه مرميه تدري شبيه ما بيه
وآني اتكفل ضعوني

×××

بديت وياي قصة كافل الاضعان شال هموم عن إخته
وآني وياك عشره سنين اخو دك صدره و إبخته
كبرنه زينب و عباس يا عباس و لكلشي تحملته
بدت رحلة مآسينه نهر والجود بالطف خويه من شلته

بدت قصة مصابي عذابك لو عذابي
وتدري شبيه مابيه
واني اتكفل ضعوني

×××

صفيت بلا اخو بعدك من يتكفل احوالي
انه الفكدت عزيز الروح فكدت جم اخو غالي
أون و حسرة اليا حيف دمعه و نار دلالي
نوح وجامعه ودرب المصايب ذاك والجتال يبرالي

اكثرت بيه المصايب يخويه وانت غايب
صرت بجفاك محنيه تدري شبيه ما بيه
وآني اتكفل ضعوني

×××

يا عباس خويه ارجوك بعد الصار لا تنشدني عن ناري
رماد خيامي سهم العين ياعباس هو اليشرح اخباري
راسك من يروح وياي لارض الشام يعرف خويه اسراري
يالكافل صفيت بحيرتي بفركاك موتك شتت افكاري

رحت عني يالغالي صفت ظلمه الليالي
اخوي اللايذه بفيه تدري شبيه ما بيه
وآني اتكفل ضعوني

×××









《《《《 محسن الجنابي 》》》》

للعليله (( ع ))






نار الفراك يا بويه وجّت وإشتعل حنيني
نار الفراك يمته يبويه بنيتك تجيني

نار الفراك نار الفراك

@@@

بين نار فراككم و المرض هداني هد
مدري شنهي اخباركم كلشي من يمي ابتعد
بس أشم آثاركم وتشكي دمعاتي الوعد
بويه هاي دياركم ما تردون شبعد

ولو مكتوب اليجي بجنح الحمام
يرجّع ويا من عليلتكم سلام

نار الفراك نار الفراك

$$$

روحي وجروحي عليكم والكلب يابويه حن
و اليعذبني يبويه دمعتي لو ليلي جن
حيلي بفراكك هدمته بويه و عيوني عمن
ذكرياتي وَي خواتي لحظه ما مرني الوسن

ليلي و انهاري يعذبني عذاب
حكي من أبجي يفت كلبي الغياب

نار الفراك نار الفراك

$$$

صافنه وهزني حنيني وانعصر كلبي بألم
جن اشوف النار تلعط تاكل ايتام و خيم
جني اشوفن عمتي زينب حايره تلم بالحرم
جفوف مكطوعه و حوافر عين معميه بسهم

جفوف عباس وبعدهن كلشي طاح
ضلوع مرضوضه وعليل بخيمه ناح

نار الفراك نار الفراك

$$$

خيّم إعليه سواد الهم يبويه وكلبي ذاب
أصفن أرسم كربله وضعون ترجع لن سراب
حسرتي تشعل حنيني ودمعتي تروي التراب
نار ما تبرد عليكم طوّل هواي الغياب

والله بويه من المرض ما ظل بيه حيل
ما ابطّل ونّتي ودمعي اليسيل

نار الفراك نار الفراك

$$$

من خيال الطف حزينه وبالي بالهم إنترس
ترهب طيوفي يبويه ونار ناري وكلبي حس
وجع كلبي وكسر ضلعي سهم لو حافر فرس
ظهر يوم العاشر اشعر خنكه إلي وضاك النفس

وكع كلبي من تراوتلي الخيام
نار تلهب صارت الدنيه ظلام

نار الفراك نار الفراك

$$$









{}{}{} محسن الجنابي {}{}{}

للقاسم ( ع )





يجاسم والعرس ما تم يجسام والعرس ما تم

راح الفرح يالغالي و صار النوح يحلالي

يجسام والعرس ما تم

₩₩₩

يجسام حنة الافراح صارت من دمه نحرك
آيبني و شبابك راح يوليدي إثنعش عمرك
مو حكه الكلب لو ناح شايل صبري و صبرك
عرس بين النبل وارماح بليلة عرسك إتحضرك

ووجهك صورته اكبالي وصار النوح يحلالي
يجسام والعرس ما تم

×××

ينار غيابك و يا نار ودماك من النحر جاري
ييمه وتدري بيه شصار و آني بمدمعي و ناري
ما بيه أرد و احتار وأمشي لوحدي لداري
يجاسم للبعد آثار و ايعوضني الباري

راحن فرحي وآمالي وصار النوح يحلالي
يجاسم والعرس ما تم

×××

غيابك يبني بالدلال سوالي جرح أكلف
يبني وما دريت الحال دهري وياي ما أنصف
آيبني الحمل لو مال بعدك يبني شتوصف
وحيده ومدمعي همال من شفتك وذر بالطف

عفتك والدمع هالي وصار النوح يحلالي
يجاسم والعرس ما تم

×××

اثنعش يبني العمر من صار تعوف سنينك وترحل
بكلب امك يظل تذكار الفرح بالحزن يتبدل
نحت بجفاك ليل و نهار يجاسم بعد شتحمل
حرت بعدك شكل للدار بيمن يبني أتكفل

يبني وبيتي ظل خالي وصار النوح يحلالي
يجاسم والعرس ما تم

×××

راح امشي سبيه اليوم و انت امكطع و مرمي
كلبي بطيحتك مالوم شفت يبني النحر مدمي
عيني تظل تشوف رسوم يراود يقضتي و حلمي
يجاسم و الكلب ملجوم كبرت حيرتي و همي

وصورة وجهك إبالي وصار النوح يحلالي
يجاسم والعرس ما تم

×××





♡♡♡ . محسن الجنابي. ♡♡♡

(( خدام ))




إحنه خدام نعيش و احنه خدام
خدمة حسين كرامه وترفع الهام

::::

نخدمك واحنه من الراس عالي
خدمتك بالشرف درب المعالي
نموت ويبقه عدنه حسين غالي

طول الاعوام .شرفنه. طول الاعوام

@@@

حبيب ونهوه دربك ياضوه العين
نظل خدام بأسمك كلنه يحسين
بدربنه يضوي نورك ماطفه سنين

جرح الايتام. طفوفك. جرح الايتام

@@@

اذا نخدم شرفنه بخدمتك زاد
ونريد بكل سنه هالخدمه تنعاد
نحس واحنه نخدمك صرنه اسياد

لا مننضام .و حكك .لا مننضام

@@@

اليروح بدرب ابو السجاد منصور
تحول كل ظلام بخدمته نور
يريت بكل وكت نتمنه عاشور

إنشد الحزام . خدم .وإنشد الحزام

@@@

طريق حسين جنه ويرفع الراس
نظل بهالطريق و عدنه مقياس
وحك نحر الطفل وجفوف عباس

دربك انسام. نشمه .دربك أنسام

@@@

اذا كل الخدم بالدنيه تنهان
خدمتك بالكرامه ترفع الشان
تره العايف طريقه هذا خسران

وعايش أوهام.بعيد. وعايش اوهام

@@@

خسر كلمن يعارض خدمة حسين
يروح بيا طريق و معبره منين
محسوب إعله داعش موعلى الدين

ويه الاصنام .مصيره.ويه الاصنام

@@@

شرف كل مجلس الزهره تحضره
نريد ام الحسن من عدها نظره
الهي بجاه ابنها وجاه نحره

تعلي الاسلام .شرف.وتعلي الاسلام

@@@



◇◇◇ محسن الجنابي ◇◇◇

للعباس ( ع )


جن علينه الليل يا عباسنه
يبو فاضل والعده حراسنه

@@@

جن علينه الليل يحزام الظهر
فوك شاطي العلكمي امكطع وذر
يا ونين أيتامنه التشبع قهر

الضيم من بعدك يخويه جاسنه

###

ليل يرهب يبن ابوي و لا خيم
وتدري ياعباس مستحيه الحرم
وينكم يهل الوفه ويهل الشيم

خويه هاي الناس ماهي ناسنه

$$$

هاي وادم لا شعور ولا وفه
نسو زينب لنها بت المصطفه
للشرع والدين عدها تخالفه

لا هي دين الله لا بأجناسنه

&&&

خويه ليل وصعبه واطفال ونسه
شلون ليله من الهظم ما تنسه
غربه و جماله العده كلبه قسه

واحنه بيت الوحي وتدري إحساسنه

***

جن علينه الليل ليل النايبه
و الخيم بالنار أمست لاهبه
والجثث عالغبره خويه إمسلبه

وين يالبيك الحمه ونوماسنه

&&&





■■■ محسن الجنابي ■■■

للقاسم ( ع )





واقسماه واقسماه واقسماه


¥¥¥

يبني وينك وين عرسك يبني صار
يا زمان العله امك ليش دار
ظلت بحسره و ألم ليل و نهار
بس انوح عليك و اني بكلبي نار

واقسماه واقسماه واقسماه

¥¥¥

و ين يا لب الكلب وين الشباب
وسفه متكطع وذر فوك التراب
لا تعودني ييمه اعله الغياب
تدري ما بيه عليك و كلبي ذاب

واقسماه واقسماه واقسماه

¥¥¥

صرت يوليدي ازهر بعمر الورود
وفرحتي ماتنوصف جيت الوجود
ليش يبني لوحدي لبيتي أعود
دمعتي و وناتي أبدن ما تهود

واقسماه واقسماه واقسماه

¥¥¥

حضرت حنتك و لعرسك أريد
صار حنات العرس دم الوريد
يا وحيدي وياحبيبي ويا شهيد
صار يبني الفرح عن امك بعيد

واقسماه واقسماه واقسماه

¥¥¥

طفه شمع الفرح ما بين السيوف
عالتراب اموذر بأرض الطفوف
بعيني طولك صدك مابعدن أشوف
إخيال وجهك جاسم بروحي يطوف

واقسماه واقسماه واقسماه

¥¥¥





♤♤♤ محسن الجنابي ♤♤♤

ليلة الوداع




الليله يا عالم مصيبه كلمن يودع حبيبه

مدري ابجي ليا وضع مو بعد ما ننجمع


كلمن يودع حبيبه

₩₩₩

جلجل الليل وبدت روحي بحزنها
صرت اشوفن كل أم تودع إبنها
ريت هاي الليله لا تلفي عسنها
باجر إجم إم يظل خالي حضنها

الليله مو مثل الليالي باجر فراك الغوالي

جم كلب بي ينصدع مو بعد ما ننجمع
كلمن يودع حبيبه

₩₩₩

آني ما عندي كلب لبن إمي أودعه
من يكلي اتصبري الراح شيرجعه
خاف لو باجر نده محد يسمعه
و حده بلا ناصر و كلبي يفجعه

باجر بيا عين اشوفه شلون عالغبره أعوفه

واشم نحره المنكطع مو بعد ما ننجمع
كلمن يودع حبيبه

₩₩₩

شلون أودع كافلي و حامي الضعينه
شراح أكله شلون باجر و بسبينه
لو يجاوبني شيردج للمدينه
و الله يا زينب كلف سبيج علينه

إختي من تتنخه بيه لو مشت باجر سبيه

خلي هسه اجري الدمع مو بعد ما ننجمع
كلمن يودع حبيبه

₩₩₩

إنحنت ليله اعله ابنها تهمل دمعها
و رمله للقاسم بدت تعلك شمعها
يا شباب التنسه باجر لو فجعها
يا ثمر دنياها و اليحني ظهرها

يا شباب بعز شبابه يا كلب يحمل مصابه

كلب امه المنفجع مو و بعد ما ننجمع
كلمن يودع حبيبه

₩₩₩

يمه يا عبد الله اسمع يا ضناها
تكله يا سلوه حياتي ويا مناها
لو سهم غادر ركبتك اعتناها
وبثجيل الهم على إمك حناها

باجر النبله تفطمك وهم يزيد الهم عله إمك

شلون سهمك ينشلع مو بعد ما ننجمع
كلمن يودع حبيبه

₩₩₩







■■■ محسن الجنابي ■■■

رقيه ( ع )




علمنحر غفيت متيتمه صفيت

بويه بس حاجيني هاي آني رقيه


₩₩₩

بويه هاي آني العزيزه الما تعوفك
ابجي يم راسك عدل ميت اشوفك
بويه ياشمس الله مو وكته كسوفك
بروحي ياكعبه خيالي خل اطوفك

من نحرك أنين رجعلي الحسين

غرغر بعيني الدمع يبن الزجيه
بويه بس حاجيني هاي آني رقيه

@@@

بلا ابو شلون ابقه لو طالت حياتي
تشتعل نيران كلبي بذكرياتي
بجاه نحرك يمك تصادف وفاتي
و لا أظل بلا حنانك و بأساتي

ما بيه اعيش أتهنه آني بيش

بويه يم راسك تمنيت المنيه
بويه بس حاجيني هاي آني رقيه

@@@

بويه بس لحظه إكعد و عاينلي حالي
شوف عكبك و ين يا عزي و دلالي
إكطعت درب السبي بذيج الليالي
كون أسولفلك جرالي شما جرالي

بحبال المسير وبعيوني أدير

وآني بويه مجتفه و مالومه اديه
بويه بس حاجيني هاي آني رقيه

@@@

أمشي وعيوني اعله رمحك احجي وياه
لو تعثر راعي رمحك أصرخ بآه
خاف يلجم بويه نحرك آيويلاه
كون أنزل عنه راسك و أمسح دماه

واشبع يمه نوح واحسبله الجروح

وهو يحسب جم جرح لفراكه بيه
بويه بس حاجيني هاي آني رقيه

@@@

بويه يتلفتلي راسك هيج أحسه
وآني اخاف من الهوه العالي يمسه
انظر اعله شفافه اشوفن بيه همسه
جن يكلي ها رقيه بويه شنسه

بالج هذا ليل وما عدكم كفيل

وانتي طفله ورايحه وياهم سبيه
بويه بس حاجيني هاي آني رقيه

@@@





/// محسن الجنابي \\\

موشح





من ارتفع قرآن فوك اعله الرمح
بده الراس يرتل بآياته

@@@

حروف قرآن ونزل منها الدمه
آيه أهل الكهف بلسان السمه
تشرح وتفسيرها سيوف وضمه

والملائك تنحب لمأساته
###

بالحمد إياك نعبد نستعين
آيه التطهير و الفتح المبين
انفتح باب السمه ونزلت ياحسين

ثبت الدين بصبر وكفاته
$$$

نار نمرود الشمر تحرك خيام
الدين بحسين انعلن برد وسلام
لوله دمك لا شريعه ولا مقام

وسيف عباس وكفو بصولاته
&&&

راسك المرفوع آيه بسمله
جنها في يوم الغدير التكمله
يا محمد هذا نص و رتله

أبد لا تخشه العدو و حملاته

****

لوله ما يرتفع راسك عالرمح
الدين أظلم وأبد ما شاف الظلم
بيك منهاج الرساله يتضح

لملمت يحسين كل اشتاته
::::

حسين آيحسين يا درب النجاة
يا بره و ياسين يا سر النجاة
أيقضت هالامه من بعد السبات

صوت لائك هالأجه بميقاته
&&&

لا و لا اعطيكمو مثل الذيل
ما ابايع ما ابايع مستحيل
بنهج جدي المصطفه وعندي الدليل

رفض يخضع من إبائه وذاته
$$$





《《محسن الجنابي》》

للقاسم ( ع )



جثتك فوك الثره يبني ليش إموذره
بأمك وتدري شجره يالولد


&&&

يبني مكتوب اعله امك يطول وياها الحزن
ما دريت شصار بيهه تنوح عالجثه و تون
رايحه عنك سبيه و انت ظال بلا دفن
بصبري وجروحي الخفيه وكلبي بالهم يمتحن

عنك امشي ميسره كلبي داوي بمجمره
بأمك وتدري شجره يالولد
!!!!

يمه حسبالي ازفك و افرح بيوم العرس
و حنتك هالحضرتها وتارسه جفوفي ترس
تالي حناك دماك يبني يا بعد النفس
ياحلم ضاع من اديه يموت حلمي ويندرس

دمك السال و جره وحنتك متحضره
بأمك وتدري شجره يالولد
###

اغفه و بنومي افزن يمه و إنت كبالي
الموت غافلني و اجاك شسوه يمه بحالي
يبني يا جاسم فكدتك و انمرد دلالي
شلون ارديوليدي صعبه وبيتك الظل خالي

يمه جنت إمناطره وهسه صرت إمحيره
بأمك وتدري شجره يالولد
+++

أمشي وايديه اعله كلبي هذا يمه صوابي
تضيع يالغالي من اديه ماحسبت حسابي
يا حلاتك من جنتلي يمي و ادك بابي
يا زمن شعتب شسولف ما يفيد إعتابي

جرحي ما هاد وبره والعليه إمكدره
بأمك وتدري شجره يالولد
::::

جبت عمري و بيك اناطر تكبر تباريني
صرت احله ما بعيني و شوفتك ترويني
اثنعش يبني بلحظه وحده راحن من سنيني
لا عرس لا فرحه ظلت بس دمع عاميني

نار كلبي إمسعره حالي فكدك غيره
بأمك وتدري شجره يالولد
؟؟؟






《《 محسن الجنابي 》》

للقاسم < ع>




تعال وشوف حالي يا ضوه عيوني
من عرسك يجاسم ليش حرموني

@@@

يبني يا ثمر كلبي ينور العين
من دمك أحني شيبي والجفين
جنه لزفتك يا جاسم متانين

وأتأمل يجون أهلك يهنوني
×××

جنت متأمله تكبر يبني يا جسام
وعن امك تشيل حمول هالأيام
أشو ضاع الأمل و اتبدل بأوهام

وحال الموت يبني دونك ودوني
###

حال الموت عن عرسك وتاه الراي
يا زهره سنيني و يا أمل دنياي
عكبك يا شبل حتمن يطول بجاي

وبضعن السبي باجر يمشوني
***

سهر ليلي برباك وفكري ظل محتار
وخفت من دهري يبني ولعبة الاقدار
يوليدي الخفت من عنده تالي صار

تعال وشوف حالي وغربتي ولوني
+++

سهم فركاك بالدلال خليته
وشمع عرسك يجاسم ليش طفيته
يذخري من الحسن لسنيني ضميته

تاليهه بشبابك يبني فجعوني
:::::

فجعوني بشبابك يالعذب طرواك
شينسيني جرحي شلون يبني أنساك
يالمكطع وذر يالمتخضب بدماك

أواسي الزهره بيك وبيك تواسيني
؛؛؛؛

بحضن عمك يجاسم وإنحنه يشمك
و بأيده الحنينه يمسح بدمك
عله صدره مثل ابنه علي ضمك

نيتكم وحيد آنه تخلوني
"""



○○○ محسن الجنابي ○○○

[{ لعلي الاكبر < ع> }]


يمه يل الأكبر بعد العيون
كلي بفراكك اهجع شلون

صار كل وكتي حزن ما غمض ليله الجفن

اهجع شلون
!!!

يبني من يومك يالاكبر عايش وياي الجرح
لا تظن أنسه مصابك والفرح لا ما يصح
جني كل لحظه بغيابك يبني احس بيهه أنذبح
بالسهر و النوح ليلي و آه لو جاني الصبح

يبني خل بيه غيابك فاركتني بعز شبابك

يومي اكضي بس اون ما غمض ليله الجفن

اهجع شلون
@@@

من بعد وجهك ييمه تالي عمري شأنتظر
يالرحت وبعز شبابك صعبه ساعات التمر
يا أمل دنياي ريته و ضمني وياك الكبر
ياحزن عاش ويه روحي واطلب من الله الصبر

بس دمع عمري كضيته يمه وجهك فاركيته

بفكدك عيوني عمن ما غمض ليله الجفن

أهجع شلون
###

يلوذر شفتك يالأكبر يبني شيلمك بعد
منشده بالي واسولف وي خيالي بهالوعد
يا غصن طاح اعله طوله لأمه شيرده الولد
كلبي لاجمني يالاكبر من جنت طفل بمهد

يا أمل روحي شتاني من بعد عملة زماني

رسومك الما ينسن ما غمض ليله الجفن

أهجع شلون
$$$

يا جرح يبره بغيابك يا حزن أتحمله
شلي بالدنيه وشجاني وكلبي من بعدك شله
غير نوحي و همي بيه راح اظل متعلله
لو يصح بيدي ييمه جان اظل بكربله

ينجمع لحدي ويه لحدك بدنيتي جا شلي بعدك

كون وياك اندفن ما غمض ليله الجفن

أهجع شلون
&&&

ليلي وجروحي وحسبتي كلبي لهمومه صفه
تستعر نار المواجع جمره ابدن ما طفه
ما اظن ليله بغيابك جفني يوليدي غفه
صحت مثل حسين عودك يبني عالدنيه العفه

مظلمه و توحشني داري تسعر بفركاك ناري

ظلمه و شموعي طفن ما غمض ليله الجفن

اهجع شلون
€€€


☆☆☆محسن الجنابي☆☆☆

( موقع بدمائي )


موقع بدمائي عهدي كربلائي
طبعي ما اساوم لسيدي ولائي
◇◇◇

من طبع عباس لو كطعو إديه
بدمي عاش حسين وارض الغاضريه
ما نسيت الدار لا ضلع الزجيه
لا يسر زينب الأخذوها سبيه

بالدمع اذكره وبالكلب انظره
تبقه بيه حسره كربلا ندائي
♤♤♤

اربعطعش قرن المضن لا ما نسيته
ما كو مثل حسين محبوب وحويته
قصة الطف بيت احزاني البنيته
بيه كل عاشر ضلع بالهم حنيته

احساسي طف حبيبي ما وكف نحيبي
من الدمع نصيبي بجودك لوفائي
○○○

بيه عاشت كربله واخذت خيالي
بالمهد من زغري طبعي وهذا حالي
شم ا تكول الناس ابدن ما ابالي
اول و آخر حبيبي حسين غالي

عايش وي روحي يشفي كا جروحي
وللتحبه روحي أعلن إنتمائي
◇◇◇

يلي تسأل شو تحب حسين أكله
إنطيني مثل حسين خل اعشك محله
تدري طبع حسين يرفض كل مذله
خل يكول الناصبي و شيكول خله

آني هذا حالي للحسين أوالي
عاشك الغوالي بعباس إقتدائي
◇◇◇

أهوه طاري حسين من اول سنيني
شوكي وآمالي صفت يمه وحنيني
يا مصاب حسين نزل دمع عيني
أختنك بالعبره من ذكرا تجيني

الحسين أميري خالد بضميري
بالحشر مجيري جنتي و جنائي


\\\ • محسن الجنابي • ///

بعد المصرع


تدري بينه شصار والخيم والنار
من ولونه الكوم وإنت عالغبره
₩₩₩

لون شايف حالي خويه من اوصلت لينه الزلم
بين ألم بأطفالي شردت بين اطفي بالخيم
محد يجاوب شصيحن ناس ما بيهه رحم
وآني ما جن زينب آني ولا اخت راعي العلم

مدري اطفي اخيام مدري الم ايتام
بيمن آني احتار وانت عالغبره
£££

النار خويه الحاوطتنه وخيل اجت من كل كتر
امذعره النسوان جانت لامها إحجاب و خدر
و اليتامه شلون حالهه بين دخان و جمر
مدري من النار تشرد مدري من سوط الشمر

انظر لهالحال الخيم لو الاطفال

يبن حامي الجار وانت عالغبره
===

سياط و النيران بينه و لا محامي و لا ولي
طفله شردت يم جثثكم تصيح الحكو ياهلي
وطفله لاذت بيه تصرخ عمه زينب حاولي
وآني اصد للنجف وانده بويه وينك يا علي

بويه يا حيدر عاين المنظر

ياعلي الكرار وانت عالغبره
@@@

سلبو كلشي يخويه شفنه من عدهم عجب
حته ترجيه رقيه و يا متنها اللي انضرب
جم طفل هام اعله وجهه وشي الفر من اللهب
العطش و النار و الحر و بين ويانه التعب

وبالي يم عباس لا يشوف الناس

تسلب وتختار وانت عالغبره
###

كول اجه الليل بظلامه وامسه ياخويه المسه
جنت امس للخدر حارس الليله ياهو اليحرسه
بس ونين اسمع يخويه اطفال ايتام ونسه
آه يا دهري الولاني و ليلي وياي شقسه

شكثر بيه جروح يا عفاها الروح

لا اهل لا دار وانت عالغبره
&&&


《《 محسن الجنابي 》》

السلام عليكم ورحمة الله وبركاته
لا اجيز حذف اسم الشاعر
نسالكم الدعاء

اخواني خدمة اهل البيت ع
للاستعلام او الاستفسار عن اي قصيده او طور يمكنكم مراسلتي على الصفحه الشخصيه للفيس بوك الشاعر محسن الجنابي

للقاسم ( ع)



حنتك وي الدمع يبني يجسام
وإنطفت مثل الشمع ياذيج الايام

ضاع كلشي ويه المصاب ياحلم حدر التراب

* آيجسام * آيجسام *
!!!!!

ياحلم ضاع من اديه يبني ويه مصابك
عفته بارض الغاضريه وي هلك واحبابك
الحنه وي دمك سويه يمه صار إخضابك
منهو يبني يرد عليه لو أدكن بابك

دمعي يترس عيني ضيعتها سنيني

وكلبي من حسراته ذاب يا حلم حدر التراب

* آيجسام * آيجسام *
@@@

أسمع بروحي ييمه همسه من همساتك
تزيد بالدلال همه يا كبر مأساتك
حنه العريس دمه إندفنت بلوعاتك
آخ لوجرحك أشمه واعتنق طبراتك

جيتلك يوليدي واثر حنه بأيدي

يمه كلبي وراسي شاب يا حلم حدر التراب

* آيجسام * آيجسام *
####

يا حلم روحي ييمه بوجهك يطوف الخيال
جن اكلك ها يجسام إرجع لحضني و تعال
يمه ما بيه اعوفك هذا ما جان إعله بال
شلون بمك و بكلبها رد على هذا السؤال

شلون ارد يالغالي ألكه وين آمالي

مو وكت هذا الغياب يا حلم حدر التراب

* آيجسام * آيجسام *
$$$$

يمه يا يمه بغيابك عمري أكضي بالحزن
يا وطن روحي شبابك شلون ارد بلا وطن
موذر و دمك خضابك كون وياك أندفن
صوبت كلبي بمصابك يمه و عيوني عمن

شلون أصبر روحي وشيسكت نوحي

أثر بروحي المصاب يا حلم حدر التراب

* آيجسام * آيجسام *
^^^^

شفتك مكطع ييمه وغادي عالغبره وذر
من إجاك حسين عمك دنك وباس النحر
جن يكلك يبني جاسم من الحسن عندي ذخر
وأختنك بالعبره يمك عمك ودمعه انحدر

يشم عطر الحسن بيك منحني ويبجي عليك

يا حسرتي اعله الشباب يا حلم حدر التراب

* آيجسام * آيجسام *
&&&

اغفه و جروحي يغالي تنغز بوسط الكلب
لو شفت يوليدي حالي بفركتك كلش صعب
آني ما نام الليالي دمعي بغيابك يصب
وحدي وما عندي وآلي وروحي جمره وتلتهب

يلهب بروحي الحزن ليل ونهاري أون

راحت آمالي سراب يا حلم حدر التراب

* آيجسام * آيجسام *
""""


/// محسن الجنابي ///

للعباس ( ع)



وين رايح يلعفت روحي غريبه
وين رايح كلبي شيطفي لهيبه

آني وجروح الليالي يالجنت عزي ودلالي

وين رايح
!!!!!!

دنيتي بلايه أمل ظلت بلياك
تدري بس بدمعتي أتسله بجفاك
خويه وي جرح الزمن يلجمني طرواك
بفركتك ما بيه روح إمكابله إعداك

خويه والراح شيرده كلبي بعدك من يسعده

وتدري المفارك حبيبه وين رايح
@@@

خويه تدري بغربتي شيكضي ليلي
سهم عينك عالنهر مرد دليلي
كافل انت ومن رحت منهو كفيلي
يالحضرتك وانت ما تحضر رحيلي

الدنيه توحشني بغيابك أنسه روحي ولا مصابك

صعبه والراح شيجيبه وين رايح
####

يل جنت روحي بعد وين ألكه روحي
بخاطري أشعر حزن كل لحظه يوحي
مو جرح واحد غدت تكثر جروحي
ظل يسليني الدمع وأغفه أعله نوحي

شكد كسر بيه زماني بطيحتك ضيع أماني

وفكتدك أكبر مصيبه وين رايح
$$$$

يل رحت من عندي جا شلي بحياتي
خويه جنه بصايتك آني و خواتي
دمعي و أحزاني عليك و ذكرياتي
خويه كون بكربله صارت وفاتي

واندفن بالغاضريه وما اطب ديوان اميه

وابقه يم جرحي وطبيبه وين رايح
^^^^

بروحتك جمر الحزن شنهي اليخمده
مثل ضامي ودمعتي ماي و تبده
كلشي راح بدنيتي ليه شيرده
زينب و عباس ما بيهه إعله بعده

بعدك شيشفي جروحي ولا هده بذكراك نوحي

كلبي شيسكت نحيبه وين رايح
&&&&


*محسن الجنابي*

للعباس


على الراس من أصد وأشتكيله حالي
أنه وياك بالسبي عاين الجرالي

أتلفت وناس الغرب وضع السبي تدري صعب
ما عندي والي بالدرب محتاره والمدمع يصب
على الراس
!!!!!

آنه اختك غربو بيه سبيه
خويه وقيود العده صارن بديه
تدري لو ما تدري بيه شصار بيه
يلي عفتك بس جسد بالغاضريه

يا راس إلتفت بس شوف يا إخت
بلآه تنتحب على الراس
@@@

خويه غطاني الحزن بس دمعي جاري
خطوه خطوه وياها أون ليلي ونهاري
ظل يباريني الرمح لو بي أباري
مدري يا طفله وطفل بيمن أداري

أحتار يازمن ما شين والضعن
وأطفال تنضرب على الراس
####

إلتفتلي وشوف حالي شلونه حالي
سوت بزينب عجب هاي الليالي
عفته خويه اعله النهر عزي ودلالي
أرد أسألك وانت جاوب عن سؤالي

بيا دين تنذبح والراس عالرمح
معقول يا سبب على الراس
$$$$

يل على رمح العده شوف اليتامه
بيهم من إقيود اميه أجم علامه
أدري حجيي يجرحك يا بو الشهامه
شرد أسوي وجلجل الليل بظلامه

احتار والدمع أجري بيا وضع
انعاك واحتسب على الراس
^^^^

خويه أترجاك لتصد لرقيه
من ضربها الاجنبي وطاحت عليه
تلجم احساسك سياط الناصبيه
وأني ادري بغيرتك يبن الزجيه

ملجوم بيك أحس أرجوك والتمس
بهداي إنتحب على الراس
&&&&


؛؛؛؛محسن الجنابي؛؛؛؛