يمحراب الحزن والليل والدمعه
يسالوفة مصايب تغفه ع الوجعه
يبسمار وضلع ياباب يادخان
يصوت الله ورحمته الوافيه الوسعه
ياعمر الورد ياجنة الفردوس
ياايد اعله بابج ظالمه ادفعه
العرش والفاتحه والتين والتكوين
اعله ضلع الكوثر وعل هل اتى تنعه
من كسرو حروف القارعه والليل
ابتناهم طه مايدري بفعل ربعه
هو الكالهم باجر تجون هناك
وعني الكال يهجر ينهجر وضعه
ودعت الوديعه ابينكم يصحاب
اشو بس غمضت رد كلمن لطبعه
قلمي محسن الجنابي

مقدمه للزهراء ع
_____
اول كسر يا فاطمه انتي بدفعة الباب
مو ضلعج المصيوب كلب المصطفه انصاب
×××××××××××
ضلعج فاطمه آلام السمه
تجري دموع عرش الباري لونينج
باب المصطفه باب العاطفه وين اهل السقيفه فاطمه ووينج
ظل بس الدمع مكسورة ضلع
باجر هم تصير الكسره بحسينج
ويدور الزمن اي يم الحسن
الله اليحكم ابين الدعي وبينج
_
باجر يشوف العالم السووه الاصحاب
مو ضلعج المصيوب كلب المصطفه انصاب
××××××××××××
آيات الحزن عن ضلعج تون
بسم الدين صورة عصرة الزهره
زينب والحسن ودموع الجرن
لمهم عالحسين العينها بنحره
نار وتشتعل اباب اشرف نزل
وفوك النار عين ام الحسن حمره
بيد الناصبي الماهاب النبي
جنها بمصحف الله جانت الصطره
_
الكايل وإن شنهي السبب من يدفع الباب
مو ضلعج المصيوب كلب المصطفه انصاب
×××××××××××××
بسمار الالم بدم ضلعج رسم
طف وكربله وخيام واسبايه
ونار الفاجعه ظلت طابعه
بزينب عن حرك خيمتها الحجايه
المحسن من وكع عرش الله انفجع
وباجر من نحر عبدالله دم مايه وعن كسر الضلع بالطف تنسمع
ضلوع حسين خيل التسحك اهوايه
_
اسهام ورماح واعوجيه وفوك الاتراب
مو ضلعج المصيوب كلب المصطفه انصاب
××××××××××××
ياروح النبي ليش الناصبي
راد يحرّف القرآن واياته
جان شيدّعي بلاخوف ووعي
ما ورَّث محمد هاي دعواته
شب نار بحطب والباب التهب
ياراس السقيفه وياعصاباته
ليش المرتضه الناس المبغضه
تناست موقفه اتناست بطولاته
_
مو خوفا وحيدر سكت حاسب هالحساب
مو ضلعج المصيوب كلب المصطفه انصاب
××× محسن الجنابي ×××
١٤٤٤هج م ش

للزهراء ع
____
احسب واعيد ابالي_ بيت امي اصبح خالي
شلون اكدر انساج_ اخذيني وياج
بيت امي اصبح خالي
××××××××××××××
يالرايحه بليل ودمع يايمه شيظل بيه
تدرينه مو وكت البتم صعب اليتم طاريه
شمحلاها اشوف من الصبح وجهج البي حنيه
يالجنه نسمات الهوه من يطب وصط الريه
_
امي وفديتج روحي_ بيج ابتديت جروحي
صرت اكعد انعاج_ اخذيني وياج
بيت امي اصبح خالي
×××××××÷×÷÷÷×
من اصد عالباب اختنك من تندفع تاذيني
جن كمت اشوفنها جرح يلجملي كلبي وعيني
صوره اعله بسمار ارسمت ضلع امي ويبجيني
كل لحظه احس من تندفع نار البعد تجويني
_
تجويني نار فراكج_ من اصد يمه لبابج
تعبني فركاج_ اخذيني وياج
بيت امي اصبح خالي
×××××××××××××
ليل اليمر مابي ضوه من بعد وجهج يمه
هي الحياة بلايه إم أشبه بليلة ظلمه
شو رحتي يالكلج وفه عفتيلي كلبي بهمه
آهات فكدج والحزن بيه اصبحت ملتمه
_
ملتمه بيه احزاني_ وفراكج شراواني
مَصبر بلاياج_ اخذيني وياج
بيت امي اصبح خالي
××××××××××××
جنت اسمع امي ويه الفجر
ويه الصلا تدعيلي
تسبيح قرآن ودمع
وعن كربله تحجيلي
هسه المجان البي تمد
سجاده ظل يبجيلي
ماانسه وجه امي ابد
راحت وهدت حيلي
_
ويه الفجر ماسمعه_ صوت العزيزه انودعه
يلغالي طرواج_ اخذيني وياج
بيت امي اصبح خالي
××××××××××××××
حضرت روحي اعله الحزن
من هسه راح اتعوود
من نار من كسرة ضلع
لا كلبي بعدج يبرد
من هسه اشد لكربله
هموم ومصايب تنشد
باجر حرك باجر كسر
وما يمي يايمه أحد
_
من يحركون اخيامي_ واتمحن بأيتامي
وبمحنتي انخاج_ اخذيني وياج
بيت امي اصبح خالي
_ محسن الجنابي ____
١٤٤٤هج ك ح

زماني المارحمني /والطف وياي
بضوه امي بزغر عمري/ والطفه وياي
اجه الباب وضلعها / والطف وياي
عله امتوني وقست دناي بيه
_محسن الجنابي__

(تجليبة وكت )
اجلبنك يليلي والدهر دوار
عله ساعه يهب وصط النهار اعصار
ماينشاف كلشي تصير ظلمه الدار
كلمن ياخذ من العاصفه انصيبه
××××××
تجليبة وكت والناس بيهه تحير
كون ادير بالك من تحط وتطير
الفكر ينعظ لون يركبله فوك ابعير
صم اذنك وبيتك فتنه لتصيبه
××××××
صم اذنك وسد حلكك الدنيه اشكال
وين تروح بس تسمع كلت والكال
لاتصبح سمج مابين عجلة فال
ياهو اللي يجي يجرب ألاعيبه
××××××××
باجر ينكشف ويبيين المستور
باجر هالوكت مثل الرحى من ايدور
ياهو اللي حرامي وياهو الناطور
ونعرف منهو هذا وشنهو ترتيبه
××××××××
قلمي / محسن الجنابي

موشح للعباس ع
كمر هاشم آني واوكف عالخيم
ياهو يوصل لعد صيوان الحرم
×××××××××××××××××
من ابوطالب اصول المفخره
مايصل واحد لحره امخدره
اليوم ارد ايام واقع حيدره
اليدنه من فقار حيدر ماسلم
×××××××××××
اليوم اوفي وهاي ساعات الوفاء
اله القنهم درس في كربلاء
ارد اروي كربله بفيض الدماء
أني اليسموني شيال العلم
××××××××××××××
اليوم اراويهم شنو معنى الثبات
من اطب للمشرعه بنهر الفرات
مالهم من سيفي فر ولا نجاة
شلون لو عباس وبسيفه انتقم
××××××××××××××
حد اسوي للمراجل بالحرب
خلهم يشوفون حيدر من يطب
ريح عاتي وبالمنايه من يهب
وتذكر الاجيال صولات وشيم
××××××××××××××
لخدر زينب واني عباس الكفيل
بشر مايدنه ابد لامستحيل
شحده يكرب للخدر ياهو اليعيل
عزمي من حيدر اذا اقسم قسم
### محسن الجنابي ###
١٤٤٣هج ح ز

عجب لامستحه دنياي/ لاميت
بسماي وجنها غيم هموم / لاميت
لا خلتني حي بنفس / لاميت
اعله شهكه ايغرب الجناز بيه

موشح لأم البنين
_____
هنا يبن حذلم يناعي حسينها
ماتنشدك فاطمه اعله ابنينها
×××××××××××
جاوب وخليها تسمع للجواب
شجايبلها من خبر عن يامصاب
تناشدك تدري كلبها شلون ذاب
واسمع يفسر الجبال اونينها
×××××××××
ونها يكسر خاطر المابي رحم
احجيلها اعله حسين عن راعي العلم
تدري ام وحيلها اعليه انهدم
فاجده٠٠اعله حسين الله يعينها
×××××××××
فاكده ولاهمها فكد الاربعه
جثث كلهم عله الغبره امكطعه
خبر عن حسين رادت تسمََعه
اتكلك احجيلي ودمعها بعينها
××××××××××
ماتنشدك عن كمرها من وكع
بالها اعله حسين خافنه انصرع
سولفلها والكلب تدري انصدع
وظلمه صارت بعد وجهه سنينها
÷××××××××××
شوفها بحال الذي يبجي الصخر
على حسين تناشدك مو عالكمر
الهمها مو جفين طاحن عالنهر
همها وفّه بوكفته امبشرينها
## محسن الجنابي ###
١٤٤٤هج م ا

موشح لأم البنين
_____
هنا يبن حذلم يناعي حسينها
ماتنشدك فاطمه اعله ابنينها
×××××××××××
جاوب وخليها تسمع للجواب
شجايبلها من خبر عن يامصاب
تناشدك تدري كلبها شلون ذاب
واسمع يفسر الجبال اونينها
×××××××××
ونها يكسر خاطر المابي رحم
احجيلها اعله حسين عن راعي العلم
تدري ام وحيلها اعليه انهدم
فاجده٠٠اعله حسين الله يعينها
×××××××××
فاكده ولاهمها فكد الاربعه
جثث كلهم عله الغبره امكطعه
خبر عن حسين رادت تسمََعه
اتكلك احجيلي ودمعها بعينها
××××××××××
ماتنشدك عن كمرها من وكع
بالها اعله حسين خافنه انصرع
سولفلها والكلب تدري انصدع
وظلمه صارت بعد وجهه سنينها
÷××××××××××
شوفها بحال الذي يبجي الصخر
على حسين تناشدك مو عالكمر
الهمها مو جفين طاحن عالنهر
همها وفّه بوكفته امبشرينها
## محسن الجنابي ###
١٤٤٤هج م ا

مقدمه لأم البنين
_____
لو صب دمعي حكي ولاتلوموني
مو بالاربعه بحسين عزوني
____
مصاب الام ببنها يزيد بيها النوح
واني مصابي بجه اهل العرش واللوح
التفكد مثل ابو السجاد حكها تنوح
الشمس والاربعه بالاه عافوني
×××××××××
دوهني وذهلني امصاب ابو السجاد
كل لحظه عليَّ كربله تنعاد
جني ويه الحزن والدمعه الي ميعاد
ونّي زاد بيه وغيِّره اللوني
××××××××××
غيرني الجره واتغيرت دنياي
من كالولي طاح حسين يم الماي
كضيت سنيني مهمومه وذهيلة راي
موش الاربعه ام النوح سموني
××××××××
سموني الحزينه الفاجده لحسين
الضايع كلشي منها بفكدت الطيبين
راح حسين مني منين اجيب منين
اتسله بغيابه بدمعة عيوني
×××××××××××
اعطش وانسحك وضلوعي تتهشم
واتمنه انجوي بنيران المخيم
لوبس العزيز يرد إلي ويسلم
وحته الاربعه ماريد يلفوني
### محسن الجنابي ###
١٤٤٤ هج م اس

كعده ل زينب ع
____
لاحرك اخيامج لاسوط لاضرب امتونج
شماسوو تبقين الصوت لاميسكتونج
زينب واسمج رايه_ صوت الحك والغايه
لاميسكتونج
×××××××××××××
هيبه بالتاريخ واسمج مثل هيبة علي وإسمه
جبل ماهزته العاصف شلون بالله تهزه نسمه
لبوه من الاسد حيدر خذت من حكمته وعلمه
_
ماسكتج قيد النذل_ عباس انتي المايذل_ والوكف ضدج ينذهل
انتي حيدر علي بعزمه
_
وكفتي ايزيد الطاغوت٠زينب عد حده
مثل امج والحك تحجيّ اليلويج شحده
من تحجين إحجايه_ صوت الحك والغايه
لاميسكتونج
××××××××××××
لسانج الكمَّل رساله بالطف حسين ابتداها
مَرَه وصوت الشام يخرس آيه انتي بمحتواها
شمس طلعت عالحقيقه وفضح كل باطل ضواها
_
ماضمتج غيمة غدر_ لاهمج جيوش وقصر_ بيَّنتي ارباب الكفر
مثل مابيَّنها طه
_
اصنام الشام الجابوج موقف حيرهم
جن بيدج فاس ابراهيم كسَّرتي اكبرهم
_
راويتيهم آيه_ صوت الحك والغايه
لاميسكتونج
×××××××××××××
يامره المثلج اسيره وقائده وكسرت خشمهم
لاحبل لاقيد همها امجتفه وسحكت زلمهم
ذلهم العباس بالطف وهي بعد الطف تذلهم
_
تربات طه وحيدره_ ماظن تجي مثلج مره_ رغم المصايب والجره
بيدج انتي اصبح امرهم
_
متأسره وبيديج القيد ماذليتي الهم
وكفه وسجلها التاريخ اصرارج ذلهم

تاه ايزيد برايه_ صوت الحك والغايه
لاميسكتونج
×××××××××
انطيتي للشام بإبائج درس وارض الشام تشهد
اتتي لامو خارجيه انتي من عترة محمد
خذتي من راس ابوفاضل بالعزم صار الج مسند
_
اطيتي للعالم درس_ صوت العدل ماينحبس_ ولاعلم للحك ينتكِس
وبيج دم الطف تخلّد
_
صوتج جان ودم حسين خلدها الثوره
كبرج وين ووين ايزيد من يندل كبره
جي لنج وفايه_ صوت الحك والغايه
لاميسكتونج
## محسن الجنابي ##
١٤٤٤ هج ح ج

رثاء
_____
نيابةً عن مقلتي
وعن عظيم حسرتي
ساكتفي بصورة الحبيب
عن ألمي عن مدمعي
الجياش والغريب
في زحمة العناء والألم
وفي حروفِ لوعة القلم
يخطو بيَ الظلام
في دربه العجيب
فألتقي الردى
لكنه اكتفى٠٠
بأخذِه الحبيب

للامام الكاظم ( ع )



                   نعزي   المنتظر   بالكاظم  الليله
                  لجده المصطفه كل همه يشكيله      


                                                 ¥¥¥  

على جروح الزمن و بلوعة الاحزان
موسى الكاظم بكل فتره عد سجان
من سجن  لسجن شاف المرار ألوان
                
                         وقيود  الظلم  موسه تهد حيله

                                              ¥¥¥

بنهج سر  الامامه الما رعتهه  الناس
بسلاسل غيض هارون وبني العباس
مثل    زين   العباد   بمحنته  ينقاس

                        وتالي اهل السجن للكاظم إتشيله

                                               ¥¥¥

بطوامير  الظلم  و مسرده  البيبان
و هارون  بحقد  لاغيره  لا وجدان
باب الكاظم لكل حاجه ظل عنوان

                        لو  ضاك  الوكت  اتعنه  و امشيله

                                                 ¥¥¥

على جسر الرصافه الوالي ظل مطروح
مثل  جرح    حسين    البالعرا    مذبوح
بكلب   المنتظر   صارن    جثير   جروح

                        الليله المهدي دم المدمع إيسيله

                                                   ¥¥¥

جرح  الباب  والطف و سجن  بغداد
وجرح سبي العقيله ومحنة السجاد
شوكت يبن  الحسن يتحقق الميعاد

                       و بيدك   يالعدل  تتعدل  الميله

                                                   ¥¥¥

لهب يبن الحسن كلب الغيور بنار
عله كبر العقيله الحاطته الاشرار
ليهسه  بمتنهه  إمن  السياط آثار

                         يمته الغايب الحاضر يفض ليله

                                                    ¥¥¥







                                  ☆☆☆  محسن الجنابي  ☆☆☆

ياحسين ''' وانت مولد رحمة الله الواسعه
لو مَ دمك '' جان كل اديان ربك ضايعه
ياحسين' ' اتصورت بالعرش نور
وغطه نورك بالسماء السابعه
انت من كبل الارض نور اعله نور
وكل بحار النور منك نابعه
كبل شعبان وكبل هجره ومسيح
هذا بس تقويم واحنه نتابعه
كبل شمس الله وكمر ماكو ونجوم
وكبل ما كل كوكب الله الصانعه
انت آية ضوه وصورة كبرياء
يعني مصدر لامع الكل لامعه

وصل بيه الحزن تدري لهاماي
ولاصاحب يحط عني لهاماي
الناس الجنت ياعالم لها ماي
شجاهم واكسرو فد نوب بيه
(شخبوطاتي)

لاترسم فرح وجروحك الوان
نفسها الريشة تصبغ رسمك اسود
ولاتكتب حرف للكان ماكان
شما تشعلها نار الكلمه تبرد
حلم روحك رماد ونومك اوهام
لحظه ومن تفز بي كلشي يخمَد