نزله للمهدي
___
يايوم يالغايب تظهر
____
عن ياثار وعن يانار _عن يادم تشهر
ياباب وياخيمه ودار _ ياضلع ومنحر
وانت ابن الهادي المختار _ وبسيفك تكدر
ليث وجدك حامي الجار _ يرهب لو كبّر

وينك يبن ليوث الغاب_ ياخيمه احتركت ياباب

يالغايب ينتظر يومك باشبل القسور
يايوم يالغايب تظهر
××××××××
دار امك والبيها شصار _ والباب اتوجر
بين الحايط والبسمار_ والنار التسعر
ماصاحت وين الكرار_ لوصاحت يحضر
ولوجرد بيده الفقار_ ماواحد مافر

دم وضلوع وباب ونار_ يومك تنتظره الاحرار

من تطلع ثاراتك تطلع والبيرغ احمر
يايوم يالغايب تظهر
××××××××××××××
والتله وآلام الشام _ واطفال البالبر
تدري السووه الظلام_ كطعو يامنحر
وجفين الكافل والهام_ لعباس من انطر
سحك ايتام وحرك اخيام_ وبذاك المنظر

وزينب تنظر راس حسين_ ثاراتك يالغايب وين

وأنصاره الظلت بالحومه وجسمه اللي اتوذر
يايوم يالغايب تظهر
×××××××××××××
وهاي سنين البيها تشوف_ طغيان اهل الشر
ناس التنكر للمعروف_ والباغي اتأمر
مو كالعاده ولامألوف_ منها الله اليستر
ضاكت واصبح شي مكشوف_ والعقل اتحير

بجاه الزهره ادعي الرحمان_ طال اغيابك يا سلطان

يالبيك الآمال انعقدت وي فجرك لو طر
يايوم يالغايب تظهر
××××××××××××××××
محسن الجنابي ١٤٤٥ هج ح ز

للسبي
___
انه يحسين المشت عنك سبيه
انه خويه العافتك بالغاضريه
خل اسولف ويه راسك بلكي اهيد
تدري ياخويه الدرب كلش بعيد
أنه خويه العافتك بالغاضريه.
$$$$$$$$$$$$$$$$$$$$$$$
منين اسولف وابدي قصه تشيب الراس
بيه اني وبيهه انت وبيهه عباس
خاف ماتحمل حجي يلكلك احساس
من اكلك ع الدرب وشسوت الناس
تدري يحسين الاميره$
لنها من عكبك اسيره
بالحبل مجتوفه ودوهه ليزيد
تدري ياخويه الدرب كلش بعيد
أنه خويه العافتك بالغاضريه
$$$$$$$$$$$$$$$$
حسين خويه حسين كون اشرحلك الحال
ايتام خويه اعله الهزل مجتوفه بحبال
حيره منهو يتجي لوبيهه الحبل مال
واني خويه اصفن عليهه ودمعي همال
لوحبل عت اليتيمه #صعبه ياخوي وهضيمه
شرد اسوي خويه كلي وشيفيد
تدري ياخويه الدرب كلش بعيد
أنه خويه العافتك بالغاضريه
#############
ليلي اون وعاد ليه احسب ليالي
ياجرح انسا ومايشغلي بالي
مدري جرح المشرعه والجود خالي
لو جروح ضلوعك التاخذ خيالي
ياجرح تنسه الغريبه $تاكل بروحي المصيبه
واني كل ساعه الفكر بيه يعيد
تدري ياخويه الدرب كلش بعيد
أنه خويه العافتك بالغاضريه
###################
غربه وجروح السبي لوتدري بيهه
يااخت يحسين حبل الهم بديهه
لو نذل طك فاطميه ويدنه ليهه
بهاي شنهي تسوي زينب وبسبيهه
نار وتشب بدليلي #تذكرت غيرة كفيلي
نار تسعر مهجتي وجرحي يجيد
تدري ياخويه الدرب كلش بعيد
وانه خويه العافتك بالغاضريه
###################
جسمك امكطع وذر واني انزف هموم
كلبي ظل بين اليسر والفركه ملجوم
اي يخويه العافتك ماشافت النوم
شلون مسبيه ويه راسك تمشي كل يوم
راسك وحبلي وعذابي #هنه يحجن عن مصابي
كربله ودرب السبي وراس العميد
تدري ياخويه الدرب كلش بعيد
وانه خويه العافتك بالغاضريه
########محسن الجنابي######

للسبي
___
انه يحسين المشت عنك سبيه
انه خويه العافتك بالغاضريه
خل اسولف ويه راسك بلكي اهيد
تدري ياخويه الدرب كلش بعيد
أنه خويه العافتك بالغاضريه.
$$$$$$$$$$$$$$$$$$$$$$$
منين اسولف وابدي قصه تشيب الراس
بيه اني وبيهه انت وبيهه عباس
خاف ماتحمل حجي يلكلك احساس
من اكلك ع الدرب وشسوت الناس
تدري يحسين الاميره$
لنها من عكبك اسيره
بالحبل مجتوفه ودوهه ليزيد
تدري ياخويه الدرب كلش بعيد
أنه خويه العافتك بالغاضريه
$$$$$$$$$$$$$$$$
حسين خويه حسين كون اشرحلك الحال
ايتام خويه اعله الهزل مجتوفه بحبال
حيره منهو يتجي لوبيهه الحبل مال
واني خويه اصفن عليهه ودمعي همال
لوحبل عت اليتيمه #صعبه ياخوي وهضيمه
شرد اسوي خويه كلي وشيفيد
تدري ياخويه الدرب كلش بعيد
أنه خويه العافتك بالغاضريه
#############
ليلي اون وعاد ليه احسب ليالي
ياجرح انسا ومايشغلي بالي
مدري جرح المشرعه والجود خالي
لو جروح ضلوعك التاخذ خيالي
ياجرح تنسه الغريبه $تاكل بروحي المصيبه
واني كل ساعه الفكر بيه يعيد
تدري ياخويه الدرب كلش بعيد
أنه خويه العافتك بالغاضريه
###################
غربه وجروح السبي لوتدري بيهه
يااخت يحسين حبل الهم بديهه
لو نذل طك فاطميه ويدنه ليهه
بهاي شنهي تسوي زينب وبسبيهه
نار وتشب بدليلي #تذكرت غيرة كفيلي
نار تسعر مهجتي وجرحي يجيد
تدري ياخويه الدرب كلش بعيد
وانه خويه العافتك بالغاضريه
###################
جسمك امكطع وذر واني انزف هموم
كلبي ظل بين اليسر والفركه ملجوم
اي يخويه العافتك ماشافت النوم
شلون مسبيه ويه راسك تمشي كل يوم
راسك وحبلي وعذابي #هنه يحجن عن مصابي
كربله ودرب السبي وراس العميد
تدري ياخويه الدرب كلش بعيد
وانه خويه العافتك بالغاضريه
########محسن الجنابي######

ثلاثيه للانصار
__
انصار ونرخص ارواح لبن الزجيه
مايهم ويه حسين عدنه المنيه
_____
جينه بعهد للموت بسم الله والدين
انصار ابو السجاد ولعهده ماضين
من عالم الاصلاب انصار الحسين

بس لاتروح بيوم زينب سبيه
××××××
مادامه خط الموت اعلينه مرسوم
خليها ويه حسين موتتنه هاليوم
موعدنه بالطف صار بالدنيه محتوم

مانذل لو ننصاع لبن الدعيه
××××××
مانذل لبن زياد ونصافح ايده
لأخر نفس وياك يبن الصميده
لو الف موته نموت هاي البعيده

لو صرنه بيها اوصال فوك الوطيه
××××××
عالفطره حبيناك هالفطره للموت
هذا اختيار الروح عالتصعب تفوت
عالحب يبو السجاد مايعله كل صوت

انطينه هالارواح لجلك هديه
××××××
احنه انولدنه لهاي زلم المنايه
عن علم عن ايمان من البدايه
موقفنه ويه حسين خير البرايه

مانزل مانختار خط آل اميه
××× محسن الجنابي ××××
١٤٤٥ هج م ش

للمهدي
_
الفتنه بينه ووجرت نيرانها
طال ليلك يبن سيد اكوانها
___

كوم طفيها يبن حامي الحمه
الفتنه باسم الدين صارت مضرمه
سايمين اعليك امك فاطمه
اختلفت وتاهت علينه الوانها
^^^^^^^^^^^^^^
تاهت وظلمه صفت كلها الدروب
حاجبتنه اعليك مولاي الذنوب
شوكت واحدنه يبو صالح يتوب
ونفهم آيات العدل تبيانها
×××××××××××
ندري بالفتنه تشبها اهل الغدر
نار ماتطفي علينه وتستعر
يمته سيفك يبن حيدر ينتصر
تكوم بيدك كلها تلوي اعنانها
××××××××××
يمته بيك الفرج يايوم الظهور
بياسنه وياشهر من هاي الشهور
تخمد الفتنه التشبها اهل الفجور
كشّرت اهل البغي نيبانها
××××××××
طالت الغيبه لجن مانعترض
وين يبن الحبه ايمان وفرض
يمته تصفه وتنطوي ليك الارض
وين ياعدل السمه وميزانها
××××××××
الدنيه تضحك سيدي لاهل الفتن
والشريف اليستحي اتكسره المحن
زيج غيمك ياشمس يبن الحسن
واكشف المستور عن ميدانها
×× ×××××××××
اكشف المستور والماينكشف
هاي وادم تحجي مو وجهين الف
عن مصايبها الذي ماتنوصف
مره صاحب مره من عدوانها
×× محسن الجنابي ×××

ل (ام البنين ع)
انه ام عباس تدريني_ يبن خذلم دحاجيني
مانشدك على عباس_ عن حسين تاج الراس
يبن خذالم دحاجيني
×××××××××÷××××××
أشوفن بالمدينه الناس ملتمه
وصوت الناعي ينعه حسين ابو اليمه
كلت شنهي الخبر خل امشي وافتهمه
بلكي اللي تكوله الناس متوهمه
_
ياناعي شجره لحسين× خبرني عفتهم وين
وين اهل الفخر والباس_ عن حسين تاج الراس
يبن حذلم دحاجيني
××××××××××××××
وصلت الناعي بس كلبي احسَّن طاح
عليش الوادم اتعج بالمدينه صياح
وجهك ها يبن حذلم حزن بي لاح
سولفلي تراني كلبي مامرتاح
_
واحجيلي يناعيهم_ بالله وشجره بيهم
عليمن تبجي هاي الناس_ عن حسين تاج الراس
يبن حذلم دحاجيني
××××××××××××××
يكلي عظم الله اجرج بجعفر
وعبدالله واخوه اعله الثره اموذر
وعله عباس اكلج صار المكدر
بنينج اربعه ماواحد القصَّر
_
يناعي انشد على الغالي× كلي وارحم بحالي
نار البيه ماتنقاس× عن حسين تاج الراس
يبن حذلم دحاجيني
×××××××××××××××
مو كلبي تفطر وانهدم حيلي
انشدك عن ابو السجاد احجيلي
ماتدري بغيابه مانمت ليلي
فدوه الاربعه بس كونه يلفيلي
_
يكلها بكربله مذبوح× وراسه اعله الرمح ويلوح
وجسمه بالخيول انداس× عن حسين تاج الراس
يبن حذلم دحاجيني
+++++××××××××××
رحت يم زينب أسألها واواسيها
حره والحزن غيّر معانيها
صحت يحسين وينك ها يواليها
صاحت خويه ياعباس اوافيها
_
عن عباس كليلي_ وفه لو قصّر احجيلي
غيره ومرجلة واحساس× عن حسين تاج الراس
يبن حذلم دحاجيني
×××××××××××××××
تكلي يمه ابو فاضل وفه ويَ حسين
انطه العين دونه وكطع الجفين
راعي الرايه ماقصر فده للدين
ولو ماطيحته مارحنه مسبيين
_
لمن طاح عل غبره_ لحسين انكسر ظهره
راعي الغيره والنوماس_ عن حسين تاج الراس
يبن حذلم دحاجيني
×××× محسن الجنابي ×××××
عليّ جف القدر بالحزن_ يوماي
اكضي بحسرتي والآه_ يوماي
حنيت ضلوعي آ يحسين_ يوماي
واجاري همومي بدموعي السريه

للقاسم ع
____
يا اجمل حلم وعيوني تنتظره
يجاسم ليش متوذر عله الغبره
ليش اعله الثره تنام واروحن يمه للشام
يجاسم ليش متوذر عله الغبره
###########-###-
طِبَع بعيوني رسمك من صرت لليوم
صباح وليل حته بيقضتي وبالنوم
شفت بيك الحسن يبن الحسن مرسوم
زهيت بدنيتي وامنيتي ليه ادوم
ضميتك لتوالي سنيني# تكبر يوليدي اداريني
العمرانت يجسام# واروحن يمه للشام
يجاسم ليش متوذر عله الغبره
################
طفل وبليلي اساهر انظر عيونك
واميزك عل كمر جي لونه من لونك
ورد يلعطره فايح من يشمونك
لربيعك دنيتي انثرها من دونك
حصَّنتك يبني بنظراتي# وارويك الغالي بدمعاتي
يزهرة صبر الأيام # واروحن يمه للشام
يجاسم ليش متوذر عله الغبره
################
كبر بيه العمر وانت امل دنياي
اشوف الخير بيك اوليدي خيرك جاي
يانسمة فجر تشبه برودة ماي
صرت احيه اعله نبرة صوتك بسلواي
اتسله بصوتك يلغالي# كلشي البيك ايعيش ابالي
اعوفن شم الانسام# واروحن يمه للشام
يجاسم ليش متوذر عله الغبره
###############
وصلت لكربله ولمحملي حطيت
تشيد البيت بيدك ياعمود البيت
اثاري الموت تانيك والك تانيت بدمك شيب راسي الشيَّب اتحنيت
عمرك يبني الشيَّب راسي# بكطعة نحرك كطع أنفاسي
وراحت ذيج الاحلام# واروحن يمه للشام
يجاسم ليش متوذر عله الغبره
################
رماني سهام دهري وللكلب لاحه
من يومك ييمه وماشفت راحه
من يوم المنيه وذاك مصباحه
راح اكضي العمر باحزان ونياحه
فجعتني الدنيه بجم غالي# هدتني وكطعت آمالي
بدال الامل آلام# واروحن يمه للشام
#### محسن الجنابي ###

للمهدي
_
الفتنه بينه ووجرت نيرانها
طال ليلك يبن سيد اكوانها
___

كوم طفيها يبن حامي الحمه
الفتنه باسم الدين صارت مضرمه
سايمين اعليك امك فاطمه
اختلفت وتاهت علينه الوانها
^^^^^^^^^^^^^^
تاهت وظلمه صفت كلها الدروب
حاجبتنه اعليك مولاي الذنوب
شوكت واحدنه يبو صالح يتوب
ونفهم آيات العدل تبيانها
×××××××××××
ندري بالفتنه تشبها اهل الغدر
نار ماتطفي علينه وتستعر
يمته سيفك يبن حيدر ينتصر
تكوم بيدك كلها تلوي اعنانها
××××××××××
يمته بيك الفرج يايوم الظهور
بياسنه وياشهر من هاي الشهور
تخمد الفتنه التشبها اهل الفجور
كشّرت اهل البغي نيبانها
××××××××
طالت الغيبه لجن مانعترض
وين يبن الحبه ايمان وفرض
يمته تصفه وتنطوي ليك الارض
وين ياعدل السمه وميزانها
××××××××
الدنيه تضحك سيدي لاهل الفتن
والشريف اليستحي اتكسره المحن
زيج غيمك ياشمس يبن الحسن
واكشف المستور عن ميدانها
×× ×××××××××
اكشف المستور والماينكشف
هاي وادم تحجي مو وجهين الف
عن مصايبها الذي ماتنوصف
مره صاحب مره من عدوانها
×× محسن الجنابي ×××

اليساوونه بعلي هم مثله كون يصير
من يحمل السيف ويحمل الرايه
وهم يكدر يواجه بالحرب شجعان
مثل ماعلي واجه وادرك الغايه
حجي التاريخ ماصخ ماعليه اعتاب
المصحف ثابت وبيه لعلي اولايه
اقره المائده بال خمسه والخمسين
سادس جزء بي وامثبته الايه
عوف الكتب روح لسورة الاحزاب
من بلغت حناجر سيفه كفايه
من كامت الوادم ترجف من الخوف
الضمت روسها ماتنعد اهوايه
بيمن كفى الله الناس ذاك اليوم
من صاح ابن ود وين اهل الحجايه
ياهو بروح ابوك اتسمه داحي الباب
هم كلي فلان البي الف سايه
تره حجي النفاهه هواي بي تسطير
ما يشبه إملاكه سيوف الامنايه

اليساوونه بعلي لو نبي لو قرآن
لو نفسه علي يتساوه وي رايه
لو بي أيه نزلت لو انشقله البيت
لو آخا محمد قارنه بهايه

لو موجود وصفه بهل اتى تلكا
لوايده اعله وجهه وايحفظ مايه

ياحسين ''' وانت مولد رحمة الله الواسعه
لو مَ دمك '' جان كل اديان ربك ضايعه
ياحسين' ' اتصورت بالعرش نور
وغطه نورك بالسماء السابعه
انت من كبل الارض نور اعله نور
وكل بحار النور منك نابعه
كبل شعبان وكبل هجره ومسيح
هذا بس تقويم واحنه نتابعه
كبل شمس الله وكمر ماكو ونجوم
وكبل ما كل كوكب الله الصانعه
انت آية ضوه وصورة كبرياء
يعني مصدر لامع الكل لامعه

موشح وفاة السيده زينب ع
____
وين يالغايب وتوصل شامها
عمتك زينب وهاي ايامها
~~~«««««~
هاي ايام المواكب والدمع
كل سنه صوت الخدامه ينسمع
اتغير بهالمره مولاي الوضع
والمواكب مو هذيچ اعوامها
~~~
ردت الغربه اعله زينب ياغريب
لاتعازي التوصل. الها ولاحبيب
بطلعتك منها الجرح يشفه ويطيب
وتوصل لمرقدها وي خدامها
~~~م
مثل ما ظلت وحيده. بكربله
بالنوايب والحزن. متحمله
شلون يبن العسكري بهالمعضله
چنها بالطف ولهيبه خيامها
~~««~
چنها بالطف وانسبت بيد الشمر
ردت اعليها السلاسل واليسر
زينب الماخلّصت حته بگبر
ميته واترادفت بيها آلامها
~~~~~
ميته والشامت اسياطه املوحه
يصيح محد. يوصل بلا مستحه
گلوب زوار العقيله امجرحه
بكسره ردت مثل حال ايتامها
~~~~
يمته يبن الحسن يأذن بالفرج
ربك وتشفي بطلعتك هالمهج
والنداء من السمه المهدي خرج
وينكشف وجه الحقيقه الثامها
~~««««««~~~~
محسن الجنابي 1446 ح ز

حياكم الله خدام الحسين ع
للتواصل مع خادمكم على التلغرام 07817265617

طبعًا كلكم تعرفون إن مُحَرّم قرّب، 🖤
ومثل كل سنة نحتاج مصدر موثوق نأخذ منه:
– ستوريـات عاشورائية مؤثرة
– تصاميم حزينة بدقة عالية
– خلفيات وبروفايلات خاصة بمُحَرّم
– وكل ما يتعلق بـ عاشوراء والإمام الحسين (ع)

🥀 ولهذا السبب، جبتلكم قناة روعة ومرتبة
تقدم كل هذا وأكثر بجودة عالية:
https://www.tg-me.com/ahmed_alatabbi
https://www.tg-me.com/ahmed_alatabbi

تابعوها واستعدوا لـ موسم الحُزن والولاء 🖤

عنّ ارقيّه أُوگف سَل ابُوها
اشكِثر نور ابوَجِهها سلّه ابُوها
الترَاچي الّي بذِنها سلّبُوها
وبچَت مابطِّلَت حَد المِنيّه

مجموعة القصائد الحسينية لشهر محرم الحرام ١٤٤٧ هـ
للشاعر لقمان لعيبي البدران
على قناة  التليگرام .

https://www.tg-me.com/lukmanbdran1970

ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4  سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.

وإرسل قناتك هُنا : @ahmed_alziwar0

--------------------------------------------------

قناة تعليم الرواديد الالحان
https://www.tg-me.com/ahmed_alziwar1

اذا ادور قصائد سهلة الحفظ وجميلة المعنى ادخل هنا ما راح تندم


🔗 اضغط هنا للانضمام
📡 https://www.tg-me.com/alhagamy78sattar