Yosh energetiklarimiz MDHdagi nufuzli xalqaro musobaqaning final bosqichida munosib ishtirok etishdi

O‘tgan yildan buyon MDH Elektr energiya kengashining Ijroiya qo‘mitasi mutasaddiligida “Ekologik neytral texnologiyalarga asoslangan kam uglerodli rivojlanish” mavzusida yosh energetiklar xalqaro musobaqasi o‘tkazib kelinmoqda.

2024-yilning 2-may kuni yurtimizda MDH davlatlari yosh mutaxassislar ligasi “CASE-IN” xalqaro musobaqasining milliy bosqichi bo‘lib o‘tdi.

Kecha, 28-may kuni “MDH yoqilg‘i-energetika kompleksining raqamli transformatsiyasi: amaliy yechimlar” mavzusida o‘tkazilgan tanlovda “IES” AJ “Sirdaryo IES” filiali yosh “INNOVATORLARI”, “ENERGO+” jamoasi hamda “O‘zatom” agentligi “Future and Challenge” jamoalari Moskva shahrida bo‘lib o‘tgan “CASE-IN” final bosqichida munosib ishtirok etib, diplom va qimmatbaho sovg‘alar bilan taqdirlanishdi.

Telegram | Facebook | Instagram | YouTube

Surxondaryoda suyultirilgan gaz to‘ldirish shoxobchasi yana ikkitaga ko‘paydi

Sherobod tumanida 39 ming 379 ta va Oltinsoy tumanida 39 ming 370 ta iste’molchiga xizmat ko‘rsatadigan yangi suyultirilgan gaz to‘ldirish shoxobchalari ish boshladi.

Sherobod va Oltinsoy tumanlari suyultirilgan gaz iste’molchilariga bugunga qadar Muzrabot, Boysun va Denov tumanidan 30-40 km masofa bosib, gaz to‘ldirib yetkazilar edi. Endi ushbu masofalar qisqarib barcha qiyinchiliklar ortda qoldi.

Yangi ishga tushirilgan shoxobchalarning bir kunda 20-30 tonna, bir oyda esa 600-800 tonna suyultirilgan gazga to‘ldirilgan gaz ballonlari belgilangan muddatda iste’molchilarga yetkaziladi.

Yana bir ahamiyatlisi, ikki tumanda jami 19 kishi ish bilan ta’minlandi.

Telegram | Facebook | Instagram | YouTube