✅O‘z o‘rnini topgan matonatli dizayner

1994-yil. Bir qarashda oddiy yildek tuyuladi. Ammo o‘sha yili dunyoga kelgan bir inson keyinchalik o‘z jasorati, mehnati va irodasi bilan ko‘pchilikka ilhom bo‘lib kelmoqda. Bu inson – Abror Sobirov.

🛡 Abror bolaligidan juda qiziquvchan, ijodkor, har narsada go‘zallik izlaydigan bola. Har bir chiziq, har bir rang uning ko‘zida ma’no kasb etadi. Uning orzusi — dunyoga o‘z ijodi orqali ta’sir o‘tkazish, odamlarni ilhomlantira oladi.

😜 Abrorning imkoniyati cheklangan bo‘lishiga qaramay, u hech qachon “cheklov” degan so‘zni tan olmagan. Irodasi, mehnati va ishtiyoqi bilan u bu to‘siqlarni birma-bir yengib kelmoqda.

☄️ 2022-yili Abror o‘z orzusining navbatdagi pog‘onasiga yetdi – u Toshkent axborot texnologiyalari universitetini tamomladi. Bu uning hayotidagi yangi davrning boshlanishi bo‘ldi.

👨‍💻 2024-yil mart oyidan boshlab u Unicon Soft MChJ jamoasiga qo‘shildi. Bu yerda u grafik dizayner sifatida o‘z salohiyatini namoyon etmoqda. Abror yaratgan har bir ish nafaqat go‘zal, balki hissiyotga boy. U uchun dizayn bu shunchaki ish emas. Bu – dunyo bilan muloqot qilish usuli.

➡️ Bugun Abror ko‘pchilik uchun namuna. Uning hayot yo‘li – kuch, sabr va o‘zini ishonch bilan topgan insonning yo‘li. U imkoniyati cheklangan bo‘lishiga qaramay, bizga doim insonning irodasi hech qachon cheklanmasligini eslatib turadi.

📺 “O‘zbekiston 24” telekanalining “Oʻzbekiston vaqti bilan” dasturi orqali Abror Sobirov haqida lavha efirga berildi.

📩Telegram 📱Facebook 📱 Instagram 📺Youtube 🌐 LinkedIn 🐦 X