⌨️ Raqamli dunyoda xotin-qizlar ishtiroki va AT sohasidagi imkoniyatlar forumiga taklif etamiz!

Xotin-qizlarning raqamli sohadagi faolligini oshirish, ularni AT yo‘nalishida imkoniyatlar bilan tanishtirish va sohaga keng jalb etish maqsadida “Raqamli dunyoda xotin-qizlar ishtiroki va AT sohasidagi imkoniyatlar” forumi tashkil etilmoqda.

Mazkur forum davomida:

💡 AT sohasida faoliyat yuritayotgan muvaffaqiyatli xotin-qizlar o‘z tajribalari bilan o‘rtoqlashadi;
💼 Raqamli ko‘nikmalarni egallash orqali yangi kasblarni o‘rganish yo‘llari haqida ma’lumot beriladi;
🌍 Xotin-qizlar uchun mavjud grantlar, onlayn kurslar va ish imkoniyatlari haqida batafsil ma’lumot taqdim etiladi.

Forum quyidagi manzillarda o‘tkaziladi:

📍

Nukus — 28-oktabr, soat 14:00
Manzil: Yoshlar ishlar agentligi binosi

📍

Xorazm — 29-oktabr, soat 12:00
Manzil: IT Park Xorazm filliali

Tadbir Raqamli texnologiyalar vazirligi tashabbusi bilan IT Park, Raqamli ta’limni rivojlantirish markazi, Uzinfocom, “GAP” Ayollar IT-klubi hamkorligida o'tkazilmoqda.

AT sohasida o‘z o‘rningizni toping, yangi yo‘nalishlarni kashf eting va raqamli kelajak sari dadil qadam tashlang! Forumda ishtirok eting!

📩Telegram 📱Facebook 📱 Instagram 📺Youtube 🌐 LinkedIn 🐦 X

🛡 Sun’iy intellekt texnologiyalarini joriy qilishning yangi bosqichi

Davlatimiz rahbari tomonidan sohani rivojlantirish bo‘yicha ilgari surilayotgan yangidan yangi taklif va tashabbuslar amalda o‘z samarasini bera boshladi. Bugungi kunda sun’iy intellekt yechimlarini iqtisodiyot, ta’lim, sog‘liqni saqlash va davlat boshqaruvi tizimlariga joriy etish bo‘yicha aniq loyihalar amalga oshirilmoqda.

Mazkur yo‘nalishdagi islohotlar nafaqat mamlakatimizda raqamli transformatsiya jarayonlarini jadallashtirmoqda, balki milliy kadrlar salohiyatini oshirish, yangi ish o‘rinlari yaratish va innovatsion ekotizimni shakllantirishga ham xizmat qilmoqda.

🔠“O‘zbekiston 24” telekanalining “Tahlilnoma” dasturida mamlakatimizning sun’iy intellekt yo‘nalishida milliy va xalqaro maydonda erishayotgan yutuqlari tahlil qilindi.

📩Telegram 📱Facebook 📱 Instagram 📺Youtube 🌐 LinkedIn 🐦 X

⚡️Sun’iy intellekt yangi bosqichda: Prezident Farmoni qabul qilindi

✍🏻 O‘zbekiston Respublikasi Prezidentining “Sun’iy intellekt texnologiyalarini yanada rivojlantirishga oid qo‘shimcha chora-tadbirlar to‘g‘risida” 2025-yil 22-oktabrdagi PF–189-son Farmoni imzolandi.

Farmon sun’iy intellekt texnologiyalarini 2030-yilga qadar rivojlantirish strategiyasiga muvofiq mamlakatimizda zamonaviy texnologiyalarning jadal rivojlanishini qo‘llab-quvvatlash, shuningdek, sun’iy intellektni keng joriy qilish uchun qulay sharoitlar yaratish, ushbu yo‘nalishga qo‘shimcha investitsiyalarni jalb qilish hamda malakali mutaxassislarni tayyorlash tizimini takomillashtirish maqsadida qabul qilindi.

✅ Farmonga muvofiq:

– 2026-yil yakuniga qadar davlat boshqaruvi organlari, ijtimoiy soha va iqtisodiyot tarmoqlarida sun’iy intellekt texnologiyalarini keng joriy qilish bo‘yicha kamida 100 ta loyiha amalga oshiriladi;

– 2030-yil yakuniga qadar zamonaviy sun’iy intellekt infratuzilmasini rivojlantirishga 1 milliard AQSh dollaridan ortiq xorijiy investitsiyalar jalb qilinadi;

– 2026/2027 o‘quv yilidan boshlab umumiy o‘rta ta’lim hamda oliy ta’lim tizimining o‘quv dasturlari va darsliklariga sun’iy intellekt texnologiyalarini o‘qitish bo‘yicha mavzular kiritiladi;

– 2026-yil yakuniga qadar mamlakatda faoliyat yuritayotgan oliy ta’lim muassasalarida 15 ta sun’iy intellekt laboratoriyasi ishga tushiriladi.

❕Farmonga koʻra, sun’iy intellekt texnologiyalarini joriy qilishda institutsional bazani takomillashtirish bo‘yicha davlat organlari xodimlari, tadbirkorlik subyektlari, xorijdagi vatandoshlar va chet ellik mutaxassislardan iborat tarkibda Raqamli texnologiyalar vazirligi huzurida Maslahatlashuv kengashi tashkil etiladi.

🔔 2025-yil yakuniga qadar sun’iy intellekt yo‘nalishida amalga oshirilayotgan loyihalar, dasturlar va startaplar va bepul onlayn kurslar haqidagi ma’lumotlarni aks ettiruvchi “ai.gov.uz” milliy portali ishga tushiriladi.

📌2026-yil 1-yanvardan boshlab yoshlarning sun’iy intellekt texnologiyalariga qiziqishini yanada oshirish va rag‘batlantirish maqsadida O‘zbekiston Respublikasi Prezidentining sovrini uchun “Sun’iy intellekt yo‘nalishida eng yaxshi startap” (President AI Award) tanlovi o‘tkaziladi.

🔠 Shuningdek, yoshlarning sun’iy intellekt texnologiyalariga qiziqishini oshirish va startap ekotizimini yanada qo‘llab-quvvatlash maqsadida “Umummilliy sun’iy intellekt xakatoni” yo‘lga qo‘yiladi.

✅ Qoraqalpog‘iston Respublikasi Vazirlar Kengashi, viloyatlar va Toshkent shahri hamda tuman (shahar) hokimliklarida raqamli texnologiyalar hamda sun’iy intellekt texnologiyalarini rivojlantirishga mas’ul bo‘lgan maslahatchi lavozimi joriy etiladi.

Batafsil: 👉 https://digital.uz/oz/news/view/96074

📩Telegram 📱Facebook 📱 Instagram 📺Youtube 🌐 LinkedIn 🐦 X

❤️ “Haj va Umra yagona portali” ishga tushirilishi bo‘yicha

🇺🇿 Oʻzbekiston Respublikasi Prezidentining 2025-yil 21-apreldagi PF-68-sonli “ Fuqarolarning vijdon erkinligi huquqi kafolatlarini yanada mustahkamlash hamda diniy-maʼrifiy sohadagi islohotlarni yangi bosqichga olib chiqish chora-tadbirlari toʻgʻrisida”gi Farmonini bajarish maqsadida hamda Oʻzbekiston Respublikasi Prezidenti Administratsiyasi va Oʻzbekiston Respublikasi Raqamli texnologiyalar vazirligining tegishli koʻrsatmalariga asosan, “Xaj Umra” yagona portalini ishlab chiqish boʻyicha ishlar "UNICON.UZ - Fan-texnika va marketing tadqiqotlari markazi" tomonidan amalga oshirildi.

Portalni yaratishdan maqsad:
➡️ hajga boruvchilarga qulaylik yaratish, shaffoflikni ta'minlash va navbat shakllanishida inson omilini bartaraf etish;
➡️ “Haj” safariga boruvchi fuqarolarning yagona elektron navbatini shakllantirish va ariza berishni elektron shaklga o‘tkazish;
➡️ hajga doir ma’lumotlarni yig‘ish va rasmiylashtirish bilan bog‘liq jarayonlarni raqamlashtirish.

Aholimiz uydan chiqmasdan masofadan navbatga yozilish imkoniyati yaratildi, tashkilotlarga ovora bo‘lib borish, hujjatlar yig‘ish va qog‘ozbozlik kabi turli byurokratik jarayonlarga barham berildi.

Talabgor fuqaro 2 xil usulda ya’ni Yagona interaktiv davlat xizmatlari portali www.my.gov.uz va haj-umra.gov.uz sayti orqali elektron navbatga yozilishi mumkin.

O‘zbekiston Respublikasi  Din ishlari bo‘yicha qo‘mitasining “Call markaz”ga 77 882-18-58 yoki 99 882-18-58 telefon raqamlari orqali savollaringizga javob olishingiz mumkin.

📩Telegram 📱Facebook 📱 Instagram 📺Youtube 🌐 LinkedIn 🐦 X