لطميه لرحيل الحسين ع إلى كربلاء ع


شدي الارحال يزينب شدي الارحال
جمعي العيال يزينب جمعي العيال
يله نمشي الكربله
لمي خويه العايله
شدي الارحال يزينب شدي الارحال
................
شدي احزامج يزينب واستعدي للبلاء
ولبسي ثوب الصبرخويه هذا امررب السماء
لابد اتشوفين جسمي اموذر بطف كربلاء

خلها تمشي القافلة
لمي خويه العايله
شدي الارحال يزينب شدي الارحال
.................
هلت الدمعه وتكله اكطعت كلبي ياحسين
خويه حملت الغوالي وين رايح كلي وين
التفتت وصاحت بعبره وين عباس الحنين

الضعن انته اتكفله
لمي خويه العايله

شدي الارحال يزينب شدي الارحال
....................
شايل البيرغ واجاها كولي ياضنوة علي
خويه وشتردين كولي وعالخوج ادللي
لوطحت فوك الشريعه ياهو الي يردني لهلي

الدمعه صبت هامله
لمي خويه العايله

شدي الارحال يزينب شدي الارحال
...................
حملت سكنه ورقيه والرباب وليله
وصدت لصوب العليله الدمع دم تسيله
وين ياعمه الرحيل وشايلين العيله

عمه زينب شايله
لمي خويه العايله

شدي الارحال يزينب شدي الارحال
................
لمت العيله العقيله وشايله صوب الطفوف
وتدري ابن امها يريده الموت وتوذره السيوف
خويه ريت العين عميه وكبل يومك ماتشوف

شلون يومه اتحمله
لمي خويه العايله

شدي الارحال يزينب شدي الارحال

.✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب الجزء الخامس الماسي العلويه

https://www.tg-me.com/mjals2

قناة نشر مجالس