قصيده للسبي ( ركض زينب)

ركض زينب ركضوهه عالتراب
حافيه ونوموهه بديار الخراب
@@@@@@@@@@@
ركض زينب ركضت بين الزلم
تحزمت ليتام اخوهه بالعلم
مره بس بجيشهم ماتنهزم

بت علي من اليضدهه ماتهاب
ركض زينب ركضوهه عالتراب
@@@@@@@@@@@@@
لاتذل  بسياط  لتهم   بسبي
خوفهه جان وحرصهه عالعبي
مايذلوهه بشتم بت النبي

زينب الهاظمهه بس جان المصاب
ركض زينب ركضوهه عالتراب
@@@@@@@@@@@@@
زينب الطف كلبته بسحك الصدر
مابجت وبعينهه غيمت مطر
شصبراهه من اجه يون المهر

سكتت بدلالهه بات العتاب
ركض زينب ركضوهه عالتراب
@@@@@@@@@×@@×
زينب لقصر الاماره من مشت
دنكت روس الزلم من اخطبت
براس اخيهه سكتوهه من حجت

بسوط راسه انضرب سيد الشباب
ركض زينب ركضوهه عالتراب
@@@@@@@@@@@@
وكفت بوجه ابن مرجانه النذل
تهدده وبجفوفهه جان الحبل
اعليج ماثگلان يازينب حمل

وانتي بت حيدر علي داحي الباب
ركض زينب ركضوهه عالتراب
@@@@@@@@@@@
مو اسيره ومو سبيه بت علي
ايخسه كلمن كال زينب تنولي
كلي اخويه خويه بعدي تحملي

وانه لجل عيونه متحمله العذاب
ركض زينب ركضوهه عالتراب

الشاعره رسل الابراهيمي من ديوان الثوره الزينيه

https://www.tg-me.com/+YYosLSOp1HtiYjYy

فزاعيه حول استشهاد الإمام الكاظم


عمامه عله الجسر      چاوين راعيهه

تذكرني بهذيچه        الهوسو بيهه



عمامه عله الجسر جاليش مركونه

الكاظم هل مسيه غمض عيونه

الساده وين ابنهم خل يشيلونه

جنازتهم حسافه ما اجو ليهه




بچفافي الخضر خلهم يشيلوها

اليوم الجعفريه اليوم عازوها

جنازتهم غريبه ما يحضروها


اليوم الجعفريه اليوم عزيهه




عمامه عله الجسر خل تحضر الساده

وين الهاشميه وينهه أولاده

وين أهل الشجاعه وأهل العباده

جنازه عله الجسر وبعيد اهاليهه




مثل جده الحسين اعمامته الخضره

طاحت من وكع راعيهه عل غبره

سلباهه الشمر وزينب اتنضره

خلي اعمامت المهيوب خليهه




صاحت والكلب منهه اشتعل ناره

مثل زينب بگت معصومه محتاره

بس مارايحه ولامشت بيساره

ولاضربو متنهه ولا مشتميهه



لخادمه الزهراء      العلوية ام جعفر


https://www.tg-me.com/+YYosLSOp1HtiYjYy

https://vm.tiktok.com/ZM6xEuMXB/

فزاعيه حول استشهاد الإمام الكاظم
عمامه عله الجسر      چاوين راعيهه

*القصيدة من ديوان عبرات وأنين في رثاء الطاهرين الجزء السابع*
*فزاعيه مع هوسات للسيدة زينب (عليها السلام)*
❥━──➸➽❥❂❥━──➸➽❥❂
*الهوسه اتلوك بس لختك يعباس*
*مهيوبه وعفيفه وترفع الراس*
❥━──➸➽❥❂❥━──➸➽❥❂
الهوسه تلوگلچ يا بت الاكرام
ابوچ البلملاحم أسد ضرغام
تحملتي عذاب أشكال والالام
واخوچ البشجاعه كله نوماس
❥━──➸➽❥❂❥━──➸➽❥❂
مهيوب وشجاع وخوش صنديد
اخوچ الباع دمه وحارب ايزيد
منچ يالعقيله الدهر شيريد
خلاچ الزمان بدون حراس
❥━──➸➽❥❂❥━──➸➽❥❂
خلاج الزمان بدون والي
شبعتي اهموم من ضيم الليالي
دمعج مانشف للموت هالي
شفتي حسين مرمي انذبح وانداس
❥━──➸➽❥❂❥━──➸➽❥❂
شفتي حسين نايم عالوطيه
ويوم العصرو الزهرة الزچيه
وطبرة حيدره يالهاشميه
وصرتي بالصبر يالحره مقياس
❥━──➸➽❥❂❥━──➸➽❥❂
انتي البالصبر ماكو اعله منج
يزينب والمصايب دولبنج
شفتي الدار ظلمه وخاب ضنج
فگدتي اشچم شهم بالكون فراس
❥━──➸➽❥❂❥━──➸➽❥❂
*بقلم ✍🏻 شاعرة اهل البيت ع*
*العلوية مريم النور نسألكم الدعاء الفاتحه إلى روح اختي ولامواتكم غير مبري الذمة من يمحي الاسم او يتلاعب بالكلمات...🍃

https://www.tg-me.com/+YYosLSOp1HtiYjYy
قناة نشر المجالس

https://vm.tiktok.com/ZM6Q2c5WJ/

*الهوسه اتلوك بس لختك يعباس*

فزاعيه. وقفلها هوسه
لوفاة السيده زينب ع



تون اليوم. زينب وين اهاليها
ميته بالغرب شو مادرو بيها


تون الغاليه محد اجه يمها
لاواحد يواسها و يكلمها
مكان الراس حيل الحره المها

(بمصاب حسين يذكروها )



تتذكر على خيها شجره والصار
مهظومه عليه والكلب يلهب نار
فوك الضيم والالام والاكدار

(بحسين وراسه يفجعوها)



اجت يمها المنيه ومحد وياها
ياوسفه الزمن بالغربه وازاها
اجت ليها المنيه ووين رجواها

(وتريد احباب يدفنوها )



؛
تريد حسين واخوانه يحضرون
يشيلون النعش ليها ويشيعون
ياوسفه تموت مغربه ام عون

(والغربه شلون يدفنوها)



يدفنون الحنينه شلون الاغراب
هاي ام خدره وبت داحي الباب
ضل بس الدمع عالوجنه سجاب

(جاليش الغربه الشالوها)




عمت عيني على بت الميامين
لايمها حضر عباس وحسين
ضلت ناحله والدمعه بالعين


(وتريد اخوتها يودعوها)


ام زينب السعداوي. ناصريه

https://www.tg-me.com/+YYosLSOp1HtiYjYy

https://vm.tiktok.com/ZM6Q9Kd5k/
فزاعيه. وقفلها هوسه
لوفاة السيده زينب ع

#قصيده تجليبه للأمام العباس عليه السلام🍃🚩🍃

جيبو بيرغ العباس بمتوني اشدنه
عجز مني الطبيب وجيت اكصدنه
🚩🚩🚩🚩🚩🚩
جيبو بيرغه ولرايه عكدوهه
خل تنخه التريد مراد ينطوهه
وحلفوه بخدر زينب وشدوهه
ينطي مراد عاجل بس ندبنه
🚩🚩🚩🚩🚩🚩
ينطي مراد ولله ولنعم منه
اسد حيدر علي الكرار المجنه
بطل ومخيف وتخاف الزلم منه
معرف بل شجعاعه من صغر سنه
🚩🚩🚩🚩🚩🚩
شجاعه ومرجله ولغيره حربيه
نعم هذا الشبل ابنج يبدويه
سطرهه الركاب تنومسي بيه
خله الكاع حمره بدم بني ميه
🚩🚩🚩🚩🚩🚩
اريد انخاك ولونات اجربيه
وبسم ام البنين اليله امشيه
تفرج هموم لبكلبي يوليه
حرت ياباب اكصد اله وتعنه
🚩🚩🚩🚩🚩🚩
عندي مشكله وتحيرت بيه
حرت مولاي المن اتجه بيه
كالولي كمر عدنان يكظيه
كفو ونعمين باسمه الحاجه مكظيه
🚩🚩🚩🚩🚩🚩
جارت دنيتي وهمومنه هوايه
بس انتو الوسيله ولله الغايه
تدعولي بفرج عاجل يوفايه
كل غركانه بذنوبه تنجونه
🚩🚩🚩🚩🚩🚩

#تمت✍
الشاعره : اسيره الاحزان💔
مريم العبوديه


https://www.tg-me.com/+YYosLSOp1HtiYjYy

https://vm.tiktok.com/ZM6Ca4J1M/
جيبو بيرغ العباس بمتوني اشدنه

كلمات الشاعرة أم هجران العمارجية

للبطل وديت خط اعتابي
لیش نايم ما حضر بمصابي
*

للبطل وديت خطي ودمعتي
ردته بس ايشيل بيده اجنازتي
يا مصيبه وما مثلها مصيبتي
ولا مثل همي ولا دولابي
*
لامثل ضيمي ولا هم جبير
ضلت اعيوني لبو فاضل تدير
وماكو عد البين ذمه ولا ضمير
صوباني وما يطيب اصوابي
****

صوباني اصواب بضلوعي الدهر
عيني مشبوحه وتصد اعله النهر
ويه اخوتي اليوم مشتهيه السمر
وينهم اخلهم يجون احبابي

*
وينهم اخلهم يجون من الحرب
حیل مشتاگه ويحن ضل الكلب
عيني مشبوحه وتصد اعله الدرب
لا رجع عباس لا دك بابي
**

لا رجع عباس لا عني سأل
کون نتلاكه ونلم ذاك الشمل
يا حسافه اعله النهر تالي انكتل
وبالدموع امبللات اثيابي

****

من دمع عيني الثياب امبلله
كون يدفني العليل بكربله
حتى ابو اليمه يكلي ياهله
يشيل تابوتي ويهيل اترابي

*

يحفر اترابي ويوسدني الغريب
اشلون اشوف اصواب دلالي يطيب للنوايب نار بفادي ولهيب
والمصايب قسمتي وكتابي
****
https://www.tg-me.com/+YYosLSOp1HtiYjYy

https://vm.tiktok.com/ZM6CvEG38/
للبطل وديت خط اعتابي
لیش نايم ما حضر بمصابي

الدكتور العلل يانا س

جيت اليوم شچايه

جيت اليوم يالكاظم
ودمعي عالوجن ساجم
اسمع صرخه الوادم
اتنوح او ليك عنايه


اجتك هالمسه الشبان
وتقرالك شعار الوان
هليله كدر واحزان
تگول او شايله الرايه


رايه عمك العباس
جابوها تراها الناس
يالمثلك فلا ينقاس
او جوك اليوم مشايه




مشايه الدموع اتسيل
ماتعرف نهار او ليل
تسرع ليك حيل حيل
وتبقه ليك وفايه


اجيتك ياشهم اني
ابجي وشايله احزاني
دهري اهواي اذاني
لا ماانصف او يايه


الكاظم يااسد بغداد
جيتك عندي انه امراد
اريدك تحفظ الويلاد
وكل الحظرتك جايه


واريدنك تشافيني
يالكاظم يضي عيني
دهري حيل ماذيني
هايه طلبتي هايه



تمت بحول الله وقوته
اهدي عملي هذا الى الحجه عج

العلويه ام غيث الالذبحاوي


https://www.tg-me.com/+YYosLSOp1HtiYjYy
قناة نشر المجالس

https://vm.tiktok.com/ZM6XXVqkJ/

الدكتور العلل ياناس
جيت اليوم شچايه

#الفزاعيه_بديوان_أقل_الوفاء_في_مصائب_كربلاء_الجزء_٢٩_.


فزاعيه للأمام الكاظم عليه السلام


وين ابو الرضا هاليوم
للشدات يكضيهه
❥━──➸➽❥💔❥━──➸➽❥💔
كل شده بكت يمه
ايحلهه صاحب الهمه
بجاه ابو الرضا اوسمه
ولا مايعتذر بيهه
❥━──➸➽❥💔❥━──➸➽❥💔
يكضي حاجت المظلوم
وبجاه الرضا المسموم
يا باب الكرم هاليوم
حاشا ماتخليهه
❥━──➸➽❥💔❥━──➸➽❥💔
وينه حاضر الشده
والمات بسجن وحده
احلفه بالحسن جده
الكل حره انته واليهه
❥━──➸➽❥💔❥━──➸➽❥💔
للمسموم اريد انخاه
عندي مشكله اترجاه
يحلهه ابو الرضا بيمناه
والعله يشافيهه
❥━──➸➽❥💔❥━──➸➽❥💔
اندبنه واريد امراد
اطلبه من سبع بغداد
يحفض جمله الأولاد
امنلعدوان يحميهه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://www.tg-me.com/+YYosLSOp1HtiYjYy
قناة نشر المجالس

https://vm.tiktok.com/ZM6XVF5av/

وين ابو الرضا هاليوم
للشدات يكضيهه