أهنئكم بحلول عيد الآضحي المبارك سائلاً المولى عز وجل أن يتقبل منا ومنكم صالح الأعمال وأن يعيده علينا وعليكم أعواماً عديده وأزمنةً مديده وأنتم تتمتعون بأتم الصحة والعافيه ..
وكل عام وأنتم بخير

نحنُ أُمّةٌ، لا يطيبُ لنا عيشٌ دونَ الحسين.

🌷 رسول الله صلى الله عليه وآله :

(عليكَ بمَودّةِ عليِّ بنِ أبي طالب .
والَّذِي بَعَثَنِي بِالْحَقِّ نَبِيّاً ، لَا يَقْبَلُ اللهُ مِنْ عَبْدٍ حَسَنَةً حَتَّى يَسْأَلَهُ عَنْ حُبِّ عَلِيِّ بن أبي طالب ).

- بحار الأنوار - العلامة المجلسي - ج ٣٩ - ص ١٦٠

احاديث في حق امير المؤمنين عليه السلام ❤️
ــــــــــــــــــــــــــــــــــــــ

.قال رسول الله (صلى الله عليه وآله):

إن الله عزّ وجل يباهي بعلّي بن أبي طالب كل يوم على الملائكة المقربيّن . 

📚ينابيع المودة ص٢٧٢ ح٢
ــــــــــــــــــــــــــــــــــــــ
. قال رسول الله(صلى الله عليه وآله):  

خلق الله من نور وجه عليّ بن أبي طالب سبعين ألف ملك يستغفرون له ولشيعته ولمحبّيه إلى يوم القيامة .

📚 بحار الأنوار ج٢٣ ص٣٢٠ ح٣٥
ــــــــــــــــــــــــــــــــــــــ
.قال رسول الله (صلى الله عليه وآله):

(لو إجتمع النّاس على حبّ عليّ بن أبي طالب لما خلق الله عزّ وجلّ النّار).

📚بحار الأنوار ج٣٩ص٢٤٩ ح١٠
ــــــــــــــــــــــــــــــــــــــ
. قال النبي (صلى الله عليه واله):

مَن سرّه أن يحيا حياتي، ويموت مماتي، فليتول من بعدي عليّ (عليه السلام)

📚كنز العمال 6/217 - الطبراني.

#اشهد_ان_علياً_ولي_الله

متباركين ❤️

هوسات للامام علي ع

شنكتب يا شعر ونگوله الحيدر
أبغيره مايصح للجنه اي معبر
ويميزنه علي الخير من الشر
(بيته الجنه الحب الوالي)



علي ولو مو علي ماتعله رايتنه
وعلي لو ماعلي جا ماكو لمتنه
أبحبه نقصد التوحيد غايتنه
(والدين بحيدر تكميله)
كلمات
احمد السالمي

عجل فما للعاشقين سواك حب

المهدي سر الحياة

اللهم عجل لوليك الفرج

الزمن انواره من حسين عشنه وشفنه انواره
الكرامه البينه تضحيته انطاهاالنه بحرك داره
منصور بكطع نحره عجيبه كلها اسراره
اليضده يموت الف مره عليل وماغسل عاره

ومن بين عينيك شمسُ الحياة
أضاءت لنا روحنا يا حُسين.

عزائك كل سنه يحسين
كتبناه بضمايرنه

،،،،،،،،، 

مثل عابس الك يحسين بالمجلس نذب اهدوم
واحنه بهالعشگ مولاي ترفعنه على هالگوم
لامونه شكثر عـذال أبحبك مايـهمنه اللوم
تحزمنـه بعـلگ أحمـر وصبغنا هدومنـه بـدمــوم
الما يحضر الك مجلس كل عمره يضل مندوم
وحتى بالمهد لحسين على وجها الحزن مرسوم
ومن الله صبح حبنه
كتبناه بضمايرنه
،،،،،،،،،

خدام ونضل لحسين رددنــه بـهالحـچايـه
وآه يحسين ومصـابـه بدمنـه إلها شـــرايـه
تعاهدنـه مثل عابـس ابجنونه اينصرك الغايه
وكل شايب حبيب يصيـر مثـله أحنـه وفايه
للخادم صـرت يحسين يعطش وانت له مايه
يالحبك جبير هواي بحر بي واحنه گشايه
ورضعنه حبك من امنه
كتبناه بضمايرنه

،،،،،،،،، 

وحگ حيدر علي الكرار ذاك اللي حمه جاره
چانون الگـلب يحسين  تسعر ماطفت ناره
اليحبك من يهل عاشور ألك مجلس فتح داره
مانتـرك لطمـنه هـذا لو ضدنـه الـف غـاره
المجلس بي نقوي الدين عجيبه كلها اســراره
الحارب هالمجالس هاي ذليل وماغسل عاره
وحنا حبك العدنه
كتبناه بضمايرنه
،،،،،،،،،،،

العهد يافـاطمه معهود ابد ماأنسه المذبوح
ونبجيله بچي المفطوم اليحب يفدي الحبيبه الروح
ومأجور اليحب احسيـن امن الله هالعشــگ مسـموح
من الذر ننوح اعليه جفن العين اله مجروح
وماننسى البچاله الكون  يبچيله الفلك وينـوح
وعالغبره بقى ايام عزيز الله بقى مطروح

يالاسمك صبح همنه
كتبناه بضمايرنه
،،،،،،،،،،،

الطريقك ياحسين بشوگ تربي العين سـچابه
أومو مره عدد مرات يمـوت اليفـگـد احبـابـه
المهدي بالحزن عايش حزنه لكـربـله اسبــابـه
نبض كلبه وحرار الدم تســعر نـاره لهـابــه
وعينه تبچي من أدموم و مادگ الفرح بابه
واحنـه بالفـرج نـدعـي عليـنه طـول غيـابـه
ندعي بالفرج صرنه
كتبناه بضمايرنه
..كلمات. احمد السالمي..
،،،،،،،،،،،

موشح للعاشر

اويــــلاه.  اويــــلاه
اويــــلاه  اويــــلاه
ْ
عثرت وصاحت يخي عينك ألي
حسين شافاها وبچه أهلاً هلي
ايگلها يازينب أصبري اتحملي
طـه يمي ينحب وحيدر علي
اويــــلاه.  اويــــلاه
اويــــلاه  اويــــلاه

••━━━━━••

يمه زينب گعدت وتنحب نحيب
يا غريــب ويا ذبيح ويا ســليب
حسين ياطه انذبح هذا الحبيب
الدنيا مخلوقه أله هسـه غريب
اويــــلاه.  اويــــلاه
اويــــلاه  اويــــلاه

••━━━━━••

وصلت حسين بدمع زينب بچت
خلت ايـد اعله النحـر وتـوجهت
ربي اقبل هالذبح لاللـــه حچـت
شكوت المهموم الك ربي شكت
اويــــلاه.  اويــــلاه
اويــــلاه  اويــــلاه

••━━━━━••

يم اخوها زينب تشوف اللي صار
حرگـت اخيمها وحرمها بلايه دار
بويه ياحيدر علي ياحامي جـــار
تحضر حسينك تجي لوتطفي نار
اويــــلاه.  اويــــلاه
اويــــلاه  اويــــلاه

••━━━━━••

بليلة الحادي عشر قصة اويه ليل
منها زينــب يا علـي راح الدليـل
بالحرم حارت والاطفال وعليل
لو تـضمد المنذبـح دمه يسـيل
اويــــلاه.  اويــــلاه
اويــــلاه  اويــــلاه
✍خـادم الـحسيـن ع
احمـد الســالمي
••━━━━━•

وي ذكرك على كلبي..يمر هم
يسعر مافتر ساعه .....يمرهم
وبجوده الكفل أخته.يمر هم
اويسگينه ولو گطرة اميه
✍احمـد السـالمـي
༻༺༻༺

مشتاگ الك مشتاگ   يانبض دلالي
يالمهدي وين الگاك  يالغايب الوالي

ويــــــــــنك.. نادى الگلب عطشان
ويــــــــــنك.. حتى الـورد ذبــلان
يـــامهــــدي
......................

موبيدي الحچي مولاي العذر منك لون غلطان
حبي من الگلب طالع واحسك انت لي شريان
على اسمك يدگ گلبي  يارحمة ولي الرحمان
واسمك حرمته قرآن اليلفظه يعوذ الشيطان

ديــــــــــنك.. من غيبتك خجلان
ويــــــــــنك.. حتى الـورد ذبــلان
يــامهـــــدي
⊰---------------⊰

بدعاء الندبه نتوسل بيدك صارمك اشهر
غايب غيبتك موجود لحاجات الخلگ تسهر
اگبور اتهدمت مولاي  عجل النه ماتظهر
مكشوفه نوايه الناس حقوده وبالحقد تجهر

عيــــــــــنك.. مكتفيــــه بالقـرآن
ويــــــــــنك.. حتى الـورد ذبــلان
يـامهـــــــدي

⊰---------------⊰

يالمهدي ينور الله نحبك سيدي وننخاك
المراقد تنبني ونزور ويموت الحاقد العاداك
حُجاج البقيع انصير بأمانك نگصد وبحماك
وتحبه اللي حضر مجلس ولَجَدك سيدي واساك

حسيـــــنك.. عايش بكل وجدان
ويــــــــــنك.. حتى الـورد ذبــلان
يــامهـــــدي
⊰---------------⊰

لازم للزمن معصوم حديثه المصطفى گاله
مني واسمه هم اسمي يمهدي وانته من آله
يمليها الأرض عدلاً ويحبني اللي أله واله
الشجاع اللي طبر مرحب ابوه وكل صنم زاله

يميــــــــنك.. القـاتــله الـطغيـــــان
ويــــــــــنك.. حتى الـورد ذبــلان
يــامهـــــدي
⊰---------------⊰

يمهدي ياحياة الكون  مسانه العطش ياماي
لاتگطع بعد هيهات نموت بغيبتك مولاي
حسين بكربله يلمنه وهنياله الأجه مشاي
تجمعنه بضريح حسين تعال وانطي النه الراي

سنيـــــــنك.. تبچي بگلب ولهان
ويــــــــــنك.. حتى الـورد ذبــلان
يــامهـــــدي

ڪــ ـــلمات
الـ مــــــلا احمـ ـــــد الســـــ ــالمي
⊰---------------⊰

وأقترب محرم 🖤 💔

ولَنا معَ الدَمعّة تَجديد عَهد معَ الحُسَين"💔