للسبي

أُمنياتي      ارجع وشوفك
أُمنياتي      اندب حروفك
ياحبيبي حسين
انته نور العين
امنياتي ......
ْ
ْ
اكلك والدمع بالعين مدرار
حنين انت وعليه من الهو تغار
بيك آنه اسولف ليلي ونهار
اخوي ابوجه نوره الله يشع نار
ابمماتي    مالحضه اعوفك
امنياتي  اندب حروفك
يا حبيبي حسين
انت نور العين
ْ
ْ
عَميه من ادخلج كربله كون
بترابج اشوف حسيني مدفون
وراحت لجله مني حتى العيون
وعليه هالحرم وطفالي يبجون
اشتياقي.  بالطيف اشوفك
امنياتي  اندب حروفك
يا حبيبي حسين
انت نور العين

ْ
ْ
اجيت الكربلاء وعالي نحيبي
تمنيتك يخويه أتنظره شيبي
مثل ماخذني رجعني نصيبي
وفظى تنادي يبني يا حبيبي
ابصلاتي  كل يوم اطوفك
امنياتي  اندب حروفك
يا حبيبي حسين
انت نور العين
ْ
ْ

يخويه من السبي هالعيله ردت
العذر منك رقيه ويانه ماجت
وفظى تعتذر و الدمعه هلت
بطفالك يخويه والله بارت
ابعباتي  ريحة جفوفك
امنياتي  اندب حروفك
يا حبيبي حسين
انت نور العين

ْ
ْ

لطفوفك يخويه العيله حنها
اجينه وفظى ويانه بحزنها
يم كبرك يخويه عالي ونها
تصيح بني وحبيبي امه جنها
والجرالي    مرني كسوفك
امنياتي  اندب حروفك
يا حبيبي حسين
انت نور العين
كلمات
الملا احمـــد الســــــالمي
اللهم عجل لوليك الفرج
..............

قصيدة لأربعين الحسين ع

من اليسر رديت
والشوفتك حنيت
كونك عدل ياريت عباسي عباس

〰️❍❥❃ ꧁🔹꧂❃❥❍〰️

لاكيني ياخويه بعجل عونك اريد
واني من هذا التعب حيلي يبيد
كبرني ياخويه الوكت كبرني حيل
وانت تدري هالدرب عنك بعيد
بنار البعد وجيت
من اليسر رديت
والشوفتك حنيت
كونك عدل ياريت
عباسي عباس

〰️❍❥❃ ꧁🔹꧂❃❥❍〰️
تعبني ياخويه الدرب تعبني حيل
شوفني انواع المحن عيشني ويل
ماتنسي عشرتنا الوياك جانت
وانه كل خطوة تعب شوكي يزيد
من شوگي الك سليت
من اليسر رديت
والشوفتك حنيت
كونك عدل ياريت عباسي عباس

〰️❍❥❃ ꧁🔹꧂❃❥❍〰️
جيت وبدمعي الك اعثر وكوم
بجاني من دم الدمع ابنك يمضلوم
يحسين ماانسى الجره وانته غالي
وانا عشرين بصفر يمكم اليوم
واعله الكبر ونيت
من اليسر رديت
والشوفتك حنيت
كونك عدل ياريت عباسي عباس

〰️❍❥❃ ꧁🔹꧂❃❥❍〰️
ردينه ياخويه لچن ماهي رقيه
ماتحمل الصار وجره ازغيره هيه
شافت الراس بطشت ولنهاماتت
والمواجع ولالم ياخويه بيه
مر الصبر جرعيت
من اليسر رديت
والشوفتك حنيت
كونك عدل ياريت عباسي عباس

〰️❍❥❃ ꧁🔹꧂❃❥❍〰️ ‏

جيتك يعباس وجبت هاي الحرم
لفيت اجر محنينه الك زاد الالم
وجمره ماتطفى ابد فكد الاخوو
وبعيني ياخويه احس وجع السهم

حزام الحزن شديت
والشوفتك حنيت
كونك عدل ياريت عباسي عباس
〰️❍❥❃ ꧁🔹꧂❃❥❍〰️

​​#بقلــم احـمـد الــسالمي

ساعد الله قلبك ياصاحب الزمان بحبيبك الحسين وعظم الله اجرك وعجل فرجك للأخذ باالثأر ايها المنتظَر الموعود

وينك يراعي البيت من السفر رديت
مكسور الكلب من ذاك الدرب
وينك يراعي البيت
_____________

تلكاني يراعي البيت وعزبلي بوجه مبشر
عزبلي اكعد اكبالي ونسيني الشمس والحر
شوفني وجه عباس كبالي خله واني انسر
ونسى اهمومي بخواني رغم كل الجره من الشر
تنسينى هم دنياي.. لو صرت خويه وياي
نسيانك صعب من ذاك الدرب
وينك يراعي البيت
_________


تلكاني يخويه حسين احبك وانته المعشوك
سمعني هلا بزينب ونسيني ركوب النوك
وهلا بت فاطمه كلي انسه طبتي للسوك
هلا باختي الاحبها هواي كلبي يبرد المحروك

ياهلا بزينب صيح.. اهمومي كلها اطيح
عشت انا الرعب.. من ذاك الدرب
وينك يراعي البيت
_________

تلكاني عزيز اختك لتخليني حيرانه
امن شوفك والله ياخويه انسه اني تعبانه
جمر يسعر ترى بكلبي اميه انطيني عطشانه
وبجفوفك اريد الماي الجفك روحي ولهانه

ولهانه خويه عليك.. بالدم يغالي شريك
حسيت بحرب.. من ذاك الدرب
وينك يراعي البيت
_________

يبن امي اكعد اكبالي اشرحلك اريد الحال
اسولفلك يخويه حسين سوالف ماتمر عالبال
احملتهن بالكلب مرات من عدهن تزول اجبال
امن اشكيلك ترد روحي وينشف دمعي الهمال

اغله انت من الروح.. ياخويه يالمذبوح
نسيانك صعب.. من ذاك الدرب
وينك يراعي البيت
_________


اتّعبك ادري احزاني امن حجيها وسولفلك
لجن ماعندي يبن امي اسولفله بشر مثلك
حزين وكلبه المجروح مثلي هم ترى شبلك
سامحني حبيب اختك محمد انت كل اصلك

يمك يجي الحيران.. يابسملة قرآن
و اتزيح الكرب من ذاك الدرب
وينك يراعي البيت

كلمات احمد السالمي
2025/7/19
_________

نعي الزينب بالسبي

لاتنسون السبيه زينب بدمعات
تعبها المشي وطفال عطشانه

فكر بالحبيبه الي يحبه احسين
نامت لو بتعبها تبجي سهرانه

با تت بالبراري ام الخدر لو بيت
استراحت لو بحرمها الحره تعبانه

لومن الشماته تسمع الكلمات
شوفوهن شفاف احسين ذبلانه
و عيله بلا خيم باتو
اشد ضيم التعب شافو
على الغبره الاخو عافو
أبحرم وطفال زينب حيره حيرانه
كلمات
الملا احمد السالمي
————————

العقيده والثقه بدمعاي ... ياريت
وايام الشمر بالشام   ...... ياريت
عدل يبن الزجيه تشوف...ياريت
يضربوها بحقد بنتك رقيه
احــــــمد الســـــــالمـي
༻༺༻༺

(رجوع السبايا)
•
يحسين اخبرك    اني العقيله
يم كبرك اليوم  دمعي اسيله

💠

اجت من اليسر زينب_ مغير كل معانيها
الدرب كله تكصده بشوك بخوها كل محاجيها
مشتاكه الحبيب الروح _ الحبيب الي يباريها
وصلت عالكبر طاحت_وبدت تحجي ماسيها
ياخويه صرت شلون جني عليله
و يم كبرك اليوم  دمعي اسيله


💠

على كبرك بجت زينب _أوياها الشمس ناحت
من گد السهر متشوف _على كتر النهر راحت
حبيبي يا حسين تصيح أعليك العافيه طاحت
تشكيله الجره اعليها_حزن ماشافته الشافت
وهالحزن والنوح مالي حيله
يم كبرك اليوم دمعي اسيله

💠

اصعب كلمه من الناس المنعدها نفذ صبري
وين الي كفل زينب _ سبيه ويانه هاليدري
وانه خويه ياعباس _ من هاي خلص عمري
رافكني الحزن والنوح _وعبره تاكل بصدري
ياخويه الخدر جان انت كفيله
و يم كبرك اليوم دمعي اسيله

💠

اصعب موقف المرني يراودني وشغل بالي
انه بت رسول الله وبنت الصيته ضل عالي
وتاليها الشمر ياحيف يتمرجل على اعيالي
مصيبه ماجرت بحد الااميره تنسبي تالي
التنسبي يا حيف اشرف العيله
و يم كبرك اليوم دمعي اسيله

💠

زينب للكمر كصدت تحجيله الجره والصار
تكله خويه ياعباس من بعدك اخوك احتار
يحارب وحده بالميدان علي دارت يمين ايسار
طاح من المهر عطشان وحر الكاع مثل النار
ابن النبي مذبوح كلش ثجيله
ويم كبرك اليوم دمعي اسيله
كلمات
الملا احمد السالمي
(تم تغير فيها)
اللهم_عجل_لوليك_الفرج
💠

للمشـــــايـــه : تراث
ْ
هاي الناس والعالم كـصدت كـربـله بـعبره
مشـايه الك يحسين تواسـي زينب الحره
.
.
بســــــم لله مشينه سـار وآيحسين ويتامه
نشـــارك بالحــزن زينب وعلي السجادبالامه
وشــــك الروس معناها زينب ضـربت الهامه
وهمـنه احنه نـواسـيها مـوهمنـا تـرى القامـه
خســـران اليريد بزور كـلمن ينـشـر اعــلامـه
تكثر كل سنه الخدام اليضدنه خابت احلامه
يحسين العمر منذور
مهما بينه جار الجور
انحبك للابد مولاي  عهد منطينه للزهره
.
.
احــــــسين الدين وتبعناه علمنه رسول اللـه
لاطــف صــــاير ولانار واسمعنه النبي ينعاه
من بيته طـــلع للناس يبجي وبـــجه الويـاه
حنا الشيعه من حـيدرخـبر هذا ترى سـمعناه
وكتبنا هالعهد بالدم واللــه حسين ماننســـاه
وعينه نحب ابو السجاد حبنا بفطره حبيناه
الضريحه كل سنه ماشين
بعقائـــدنه حسيـن الديـن
العهد بينه يضل للموت ماننسى ابو العتره
.
.
خدام ونضيـف الناس الاجت لحسـين مشــايه
المعـــزب ابو السـجـاد شيــــخ ورافـــع الـرايـه
كل موكـب خـدم لحسين النـاس تحـبه وفـايـه
حســـين الي رفــع للنــاس كـرامـه وثبت الثايه
وحنا بهالمــشي انـريـد ننــــصرك عدنه هالغايه
اليعوفك ميت بلا موت يعطش وانت اله مايه
اليعطش يرتوي بسمك
حياة الكون من دم
يمروي البحر بدماك  ومن فظلك اخذ كبره
.
.
اصحاب الكساء خمسه ربنه خـالق اكــــوانه
محمد والوصي حيدر الولي عند الله عنوانه
الحسن وياهم ولحسين البسمهم الله رجوانه
كلهم ذوله ياهالناس المحمد هـمه شــــريانه
وعطشان الحسين يموت تالي شفته ذبلانـه
ومارحموا اهل بيته بسـلب تتـشـفه عـدوانه
وحنه نسعي ننصرهم
ودمنـه فـدوه الدمهم
غالين بغلات الروح شنجازي الفده عمره
ْ
ْ
نمشي ويمشي ويانه ندري بدمعه مهدينه
ومثل انصار ابو اليمه تسعين العمر بينه
ونسمع صوت ابو اليمه بنصره جن ينادينه
ولبينه النداء ابشوگ طلعنه الكربله مشينه
نتعب بالمشي ونريد نواسي الانطه جفينه
ومانتعب مثل زينب ولانبجي بجي سكينه
شنواسي المشت للشام
زينب والحرم ويتام
عليل وبس علي السجاد  صبور ومانفذ صبره
كــلمات الملا احمـــــــد الســالمي
....

ملاحظه بالأخير
..
يذكر أصحابُ السير أنّ يزيد -لعنه الله- قد أمر بسبايا الإمام الحسين(عليه السلام) فأقمن بدرج المسجد، حيث توقّف الأسارى لينظر الناس إليهم كتعبيرٍ عن شماتته بهم.
وإذا بشيخٍ قد أقبل، فدنا من نساء الحسين(عليه‌ السلام) وعياله، وقال: الحمد لله الّذي قتلَكم وأهلَكَكم وأراحَ العباد (البلاد) من رجالكم، وأمكَنَ أمير المؤمنين منكم.
يقول السيّد عبد الرزّاق المقرّم: ههنا أفاض الإمام السجّاد(عليه ‌السلام) من لطفه على هذا المسكين المغترّ بتلك التمويهات، لتقريبه من الحقّ وإرشاده إلى السبيل. وهكذا هم أهلُ البيت(عليهم ‌السلام) تُشرق أنوارُهم على من يعلمون صفاء قلبه وطهارة طينته واستعداده للهداية.
فقال له علي بن الحسين(عليه ‌السلام): يا شيخ هل قرأتَ القرآن؟. قال: نعم.
قال: فهل قرأت هذه الآية: (قُلْ لا أَسْئَلُكُمْ عَلَيْهِ أَجْراً إِلَّا الْمَوَدَّةَ فِي الْقُرْبى)؟.
قال الشيخ: قرأتها. قال (عليه ‌السلام): فنحن القربى يا شيخ،
...
الملاحظه : الامام يخاطب هذا الرجل الذي اهتدى على يده بـ ( الشيخ) يعني هذا الشامي من الطفوله الى ان بلغ عمر الشيب هو يسب بعلي وال علي ومن زغره متربي على بغض علي وال علي ، السيده زينب والعلويات طبو على هيج ناس في مثل هذا اليوم
..
لا حول ولا قوة الا بالله العلي العظيم
عظم الله اجرك يا صاحب الزمان

قال الإمام الحسين ع

إن هذه الدنيا قد تغيرت وتنكرت وأدبر معروفها، فلم يبق منها إلا صبابة كصبابة الإناء وخسيس عيش كالمرعى الوبيل. ألا ترون أن الحق لا يعمل به وأن الباطل لا يتناهى عنه، ليرغب المؤمن في لقاء الله محقا، فإني لا أرى الموت إلا سعادة ولا الحياة مع الظالمين إلا برما

لحن ملا باسم يبو فاضل گطع بيه زماني


رقيه ام الحزن كلش حزينه
تصرخ ياعلي ريتك تجينه


على اتراب الارض طايح ابويه
ولاحامي البعد يلحك عليه
صحت وينك يجدي هلمسيه
ذبحو كل هلي ودارو علينه


طفله انه واشوفنهم يضربون
اشوف بعيني خواني يطيحون
صحت تدرون بتمن انه تدرون
بت شيخ العرب حاكم مدينة


سبيتونه وعلي باجر خصمكم
الحقيقه احنا وتعرفونه بكتبكم
امي فاطمه هيه ترى امكم
وكتاب الله وصيته هي بينه


تذبحون اليحبه الهادي شمه
من الله حسين الكم هاي نعمه
وبت خير البشر هيه ترى امه
تذبحونه وتسلبونه شبدينه


رقيه انا يتيمه والعجب هاي
وحسيني يذبحونه بلا ماي
يسبوني وراسه يمشي وياي
وبحبال الحقد گصو ادينه

كلمات الملا احمد السالمي

الى زوار الحسين ع

نستقبلكم نستقبلكم
يازوار حسين بدمعه

ــــــــــــــــــــــ

ياهلاً بالكاصد للطف
خدامك احنا ونتشرف
ونريد اعليكم نتعرف
والدنا نخدمكم خلف
خل نخدمكم
خل نخدمكم
ضيفونه يالكلكم فزعه

ــــــــــــــــــــــ

بروحه الخادم الكم عزب
لتعوفونه يبقى معذب
يشعر جن مذبوح مسلب
لو عفتوه كلبه يضل يلهب
نترجاكم
نترجاكم
وياكم نتكابل ننعه

ــــــــــــــــــــــ

كل معصوم يحب مسراكم
يالمشايه احنا وياكم
لحسين وزينب ممشاكم
وبكل دعوه ماننساكم
ياهنياله
ياهنياله
كل واحد واسها البضعه

ــــــــــــــــــــــ

انا واهلي وكل اولادي
اه يحسين بصوت انادي
بالدم نبجي الروح الهادي
والماحبكم احنا انعادي
حبيناكم
حبيناكم
يبجي وينعه الخادم وضعه

ــــــــــــــــــــــ

خدام حسين اتعنينه
من البيت والكم جينه
هالموكب الكم سوينه
عليكم زينب مرو بينه
يالممشاكم
يالممشاكم
للجنه هذا بكل جمعه

ــــــــــــــــــــــ

قال الصادق يا اصحابي
اني مسجلكم بكتابي
وللمشايه فاتح بابي
والكم اهديها اثيابي
انتو ويانه
انتو ويانه
انطيع وصوت الهادي انسمعه

كلمات
الملا أحْمَدُ ٱلسَّالِمي
ــــــــــــــــــــــ

نعي زينب تشكي لحسين

ها يحسين اجيـتك والحرم وياي
تلكاني وخل اسولفلك على بلاواي
وعلى بنتك رقيه المااجت وياي
حيل اقست يخويه وداعتك دناي
خلتني يتيمه وفاكده الشجاي
مرّ عندي يخويه صار حتى الماي

-
ايامه السبي ماتنوصف مـره
صحت يحسين خويه الف مـره
شفت جسمك ومابي راس مره
ومره بلا جسم راسك بديه
كلمات
الملا احمد السالمي
---------------