مقدمه ليله العاشر
طور النص يخيمات
***

اريدك ياعلي .. تجي اليله الي


زينب تضل ابلا اهل ولي عليها شكد جره
تبجي وتون من الحزن ريتك تجيها حيدره
شافت نحر وطايح قمر ويلي وتشوفه عثره

مصايب ياولي.. تجي اليله ألي

................

لاياصبح باجر ذبح وراس الحسين المرتفع
وعيني انعمت من شاهدت نحرك يعباس انقطع
اعليه ألم حرقو خيم قلبي يخوتي منشلع

اخوتي ولا هلي ..تجي اليله ألي

..................

طول يليل باجر يخيل بصدرك يخويه تنعثر
شكوة قهر تالي سهر عكب الدلال انا انسطر
ليش الوداع اعليه ضباع فوق الهزل امشي بيسر

مأسي انملي .. تجي اليله الي

...................

يبوالفضل حته الطفل من السهم لاماسلم
رمله بولي وليله بعلي كلها اعله ابنها تنهضم
وجسم الغريب بطف تريب وعينك يعباس بسهم

همومي تنغلي .. تجي اليله الي

...............

انا الجنت عندي بخت انده يخوتي الوحدي
هذا حلم بين الزلم وشمر وعليه يعتدي
بحبل انجتف وبيش انوصف ومن الضرب مين ابتدي

بحزن من ابتلي .. تجي اليله الي

.................

حزني انفضح وصعبه انذبح وجم موته بمصابك متت
ماكو سبب وعفت العتب بس الستر اني ردت
صوتي ونين مني شجين بس لا سمع شامت خفت

اخافن انولي .. تجي اليله الي

..................

وحدي انه ومدوهنه وراعي الجفوف اعلنهر
راح الخدر وضعي خطر وينك يعباس تحضر
بهذا الحزن انعى وون عمري مأسي امن الصغر

حزن ماينجلي .. تجي اليله ألي


..........

خادم الحسين / محمد الشريفي

نزله يوم (العاشر)
*
*
*


يااباعبدالله يااباعبدالله يااباعبدالله يااباعبدالله

******************


ناوي الشمر لحسيني
يااباعبدالله
وسل سيفه وياذيني
يااباعبدالله

هذا الشمر حز راسه
يااباعبدالله
وبرجله هم من داسه
يااباعبدالله

اصرخ اجيت ابعبره
يااباعبدالله
ليش الشمر حز نحره
يااباعبدالله

شايل يراس احسيني
يااباعبدالله
فاض الدمع من عيني
يااباعبدالله

ومن شال راسه برمح
يااباعبدالله
يعني اخويه منذبح
يااباعبدالله


مذبوح اخويه امن الكفه
يااباعبدالله
جرحه يصب لاماشفه
يااباعبدالله

ومن طايح اعله الغبره
يااباعبدالله
وطبره فوق الطبره
يااباعبدالله

ميت اخوي ابجرحه
يااباعبدالله
ياويلي طفو صبحه
يااباعبدالله

هذا حسينن بالعراء
يااباعبدالله
مذبوح ويلي بكربلاء
يااباعبدالله

زينب تنادي وأخاه
يااباعبدالله
سيدآآ واسيداه
يااباعبدالله

هل من مناصر لينه
يااباعبدالله
بس حرمه يرمينه
يااباعبدالله

ياويلي سوت كربله
يااباعبدالله
خلت شفاكم ذابله
يااباعبدالله

احسين طايح شفته
يااباعبدالله
ضلت وحيده اخته
يااباعبدالله

ميت اخوي امن الضمه
يااباعبدالله
ريت الارض ويه السمه
يااباعبدالله

عطشان اخوي وضامي
يااباعبدالله
وتحترك كل اخيامي
يااباعبدالله

والخيل تسحك جسمه
يااباعبدالله
وبيها يتكسر عظمه
يااباعبدالله

يتقطع امن اسيوفهم
يااباعبدالله
ودارت علينه خيلهم
يااباعبدالله

يتحاوط بعدوانه
يااباعبدالله
وبت فاطمه حيرانه
ياباعبدالله

هجمو علينه ياوحيد
يااباعبدالله
وحسين دامي الوريد
يااباعبدالله

فرت علينه الحومه
يااباعبدالله
بت حيدره مهضومه
يااباعبدالله

نار القلب من تسعر
يااباعبدالله
محد بقه للخدر
يااباعبدالله

وينك يحيدر وينك
يااباعبدالله
الحك يبويه احسينك
يااباعبدالله

حرقو ثيابي اعليه
يااباعبدالله
وريتك تشوف شبيه
يااباعبدالله

شوفي الجره يايمه
يااباعبدالله
ودنيه صارت ضلمه
يااباعبدالله

زينب وحيده بلاولي
يااباعبدالله
ذبحو اخوتي وي هلي
يااباعبدالله

وبعد الخدر امشي بيسر
يااباعبدالله
ومجتوفه ايدي بشمر
يااباعبدالله

يزهره شوفي حالي
يااباعبدالله
مسبيه وي جتالي
يااباعبدالله

ياباعبدالله يااباعبدالله

.............................

خادم الحسين : محمد الشريفي

..........................

مقدمه ليله العاشر
طور يخيمات
***

يدمعات طيحن للخو الغالي يدمعات
من اتشوفه عيني عترب مات
والاصعب عليه ابهل يتيمات

............

زينب تضل ابلا اهل ولي عليها شكد جره
تبجي وتون من الحزن ريتك تجيها حيدره
شافت نحر وطايح قمر ويلي وتشوفه عثره

يكرار ماتدري بخدر زينب يكرار
بثياب العقيله من تشب نار
مااتحمل ايظربون الاصغار

................

لاياصبح باجر ذبح وراس الحسين المرتفع
وعيني انعمت من شاهدت نحرك يعباس انقطع
اعليه ألم حرقو خيم قلبي يخوتي منشلع

هلعيون من بعد الكمر سطرها العيون
وينك ماتجي ضربوها المتون
موحلوه تعوفوني وتموتون

..................

طول يليل باجر يخيل بصدرك يخويه تنعثر
شكوة قهر تالي سهر عكب الدلال انا انسطر
ليش الوداع اعليه ضباع فوق الهزل امشي بيسر

يويلاه يشتمني الي كاتلني يويلاه
لاتطلع صبح نكضيها بل اه
وكل احجايتي وين الي بحماه
...................

يبوالفضل حته الطفل من السهم لاماسلم
رمله بولي وليله بعلي كلها اعله ابنها تنهضم
وجسم الغريب بطف تريب وعينك يعباس بسهم

يوليان معقوله وداع شلون نسوان
باجر من بعدكم تحدي عدوان
اخت مخدره ترضوها تنهان

...............

انا الجنت عندي بخت انده يخوتي الوحدي
هذا حلم بين الزلم وشمر وعليه يعتدي
بحبل انجتف وبيش انوصف ومن الضرب مين ابتدي

يعباس موسهله تعوف اختك يعباس
وانا الي جنت اصرخ ينوماس
ترضاها اروح ابزحمه الناس

.................

حزني انفضح وصعبه انذبح وجم موته بمصابك متت
ماكو سبب وعفت العتب بس الستر اني ردت
صوت ونين مني شجين بس لا سمع شامت خفت


يلخوان تبقى امحبتي بيكم يلخوان
والله عازه عازتكم يلحنان
ووجوه الاحبها قلبي هم حان

..................

وحدي انه ومدوهنه وراعي الجفوف اعلنهر
راح الخدر وضعي خطر وينك يعباس تحضر
بهذا الحزن انعى وون عمري مأسي امن الصغر

هلخيام باجر من تشب بينه هلخيام
وانا الوحدي وتحرقلي ايتام
ماضل ملجأ النه شلون ونام

..........

خادم الحسين / محمد الشريفي

السلام عليك ياسيدي ومولاي يااباعبدالله
عظم الله لكم الاجر بهذا المصااب الجلل

(طور) جريمه قتل
***

قلبي بقه لجرح،،ونتم صفيتو ذبح
وعيوني متألمه،،ابجي وون لصبح

~_~_~_~_~_~_~_~_~_

قلب زينب ينوح من اهموم الرزيه
تنادي يخوتي اريدنكم بديه
مجبوره اصفك اضل هاي المسيه
وينك كفيلي يبو جفوف السخيه


اقسم قسم بنبي،،يبقه حجاب العبي
ومصابي ينزف دمه،،ابجي وون لصبح

------------------

طحتو يخوتي ونه بحاله صعبه
عفتوني وحدي ونه بديره غربه
يجيني شمر صوطه ضربه اعله ضربه
انده كفيلي اريد احجي اوي قلبه

الها يجيها الشمر،،ويلي يطك بلخدر
سوط الشمر ألمه،،ابجي وون لصبح

-------------------

ابجي عله حسين ونضره يجري نحره
يذبحه ويرفسه ويكسروله صدره
ابجي وصيحن دخيلج اه يزهره
يقطعونه يمه اخويه وذره وذره

صعبه مصيبه هلي،،اصرخ ونادي علي
مصيبه تضل مؤلمه،،ابجي وون لصبح

---------------------

مسبيه اضل انه مجتوفه اديه
لحكو لختكم وختكم سبيه
ضرب وسلب حالي وهموم وأذيه
ولااقدر انظر يضربون رقيه

حرقو عليه الخيم ،، محد بقه للحرم
دنيه علي مضلمه ،، ابجي وون لصبح

--------------------

وحدي انا حايره بغربه هيمه
اجتج يزينب مأسي وضليمه
يسطرني بعدك نذل ياهظيمه
يتيمه تنادي يخويه شكد اليمه


شافت عيوني النحر،،وليش انكتل عنهر
تبجي عليه السمه،،ابجي وون لصبج

------------------


عتابي يخوتي اريدن بالنهايه
محد بقالي وريدنكم حمايه
يتامه عليه ومشينه سبايه
ماكو جفوفك يخويه وماكو رايه


وينك يخويه تحضر،،اختك بقت بالخطر

عفته بقه بدمه،،ابجي وون لصبح

--------------------
خادمكم/محمد الشريفي
___________

لسان حال زينب ع طور قصيده باسم (يبوسيف النار)
**

هدمتلي الحيل
ولانمت الليل
تره انته العين يبوفاضل


يبوفاضل عله اغيابك
انا مشتاقه لعيونك
تكلي زينب اشلونج
وانا اسئلنك اشلونك
وحيده والله ماتدري
ولاشي انا من دونك
ولايرمش جفن بعدك
يخويه وداعه اجفونك

وانا اسئل ليش
يذبحونه الجيش
خذاك انته البين يبوفاضل

...............

اجيتك لنهر صعبه
اشوف اجفوفه وتحسر
وعمود براسك العبدي
عله الهامه من انطر
سهم شفته خذاها العين
وصريع ودامي المنحر
توقع عشريعه شلون
جرح اعضم جرح اكبر

منو يحمل هاي
يموت اعله الماي
اجيبلي منين يبوفاضل

..............

بعد راحت ولاترجع
يبوفاضل بعد عشره
يروح الوالد وانته
وبعدني بحزني عزهره
دهرنه القاسي مايرحم
من طبره وحقد صطره
وعضيدي يويلي حسين
بالخيل انسحك صدره

على هذا الحال
علي يلحلال
وين الكا وين يبوفاضل

..............

خادم الحسين: محمد الشريفي

شهاده سيدتي رقيه عليها السلام
*****
*****


انا رقيه .. وامشي سبيه
راسك بديه .. ويلي عليه

..............

بويه يغالي تدري الليالي
بعدك ولاليل اعليه حلالي
عيني اعلطيفك دوم اعلبالي
حرموني منك يااغله والي

بعدك يتيمه .. وابقى بضليمه
شفت البليه .. ويلي عليه

................

ريت الابوه ترجع ثواني
حتاجيت اشمك واحضن حناني
هجرك عماني وبيده لواني
جتالك احسين بهيمه خذاني

مانمته ليلي .. جرحو دليلي
وادم شجيه .. ويلي عليه

............

ارد ابقى وياك وخليني عندك
شوف الجرالي تحجيلي ردك
تدري رقيه ضلموها بعدك
اركض اجيتك وماشفته خدك

ريتك تلمني .. ونوب تحضني
محد األيه .. ويلي عليه

...............

انطر تردلي جيتك هديه
بيوم الي رايح لهاي المسيه
وحته التراجي ماتبقى بيه
جابولي راسك شفت المنيه

كثر البواجي .. سلبو تراجي
وبلا حميه .. ويلي عليه

////////////

خادم الحسين محمد الشريفي

‏مقطع صوتي من محمد الشريفي

‏مقطع صوتي من محمد الشريفي

(قصيده)(مسموم) لستشهاد الامام الحسن (ع)
طور (امساك) ملا باسم الكربلائي


مسموم مسموم ويلي علحسن سمته جعده
مسموم مسموم رايح للكبر ماأله رده

_____________

هذا الكريم المنعرف تالي يموت بهل وضع
لونه اختلف من ألألم سم واضن مابنجرع
شحجي وشسولف علحسن مات وبقينه بدمع
يرجع علينه هل حزن بس الونين ونستمع

محروم محروم من العايله هليله حده

____________

مسموم ويلي علحسن وشحال هسه وضعه
يبجي اعله فركه وعل الألم ومن عينه نزلت دمعه
وحسين وياه هم كعد واسه اخيه وينعه
ياخويه يم كبرك تظل بس الدموع وشمعه

هليوم هليوم رايح بولكرم منهو يرده

_____

يرحل ابوي وترحل ياروحي انته وعيني
امودع الله بروحتك بعدك تروح اسنيني
يصعب عليه اموادك ياخويه اضن تدريني
ضهري نكسر منك تره وموت الكفل ياذيني

مألوم مألوم ضهري ينكسر وشلون ارده

_______________

ليش انجرع سم الألم ويرحل اخوي وذخري
وليش انقدر من الأهل جعده كسرتي ضهري
فعلت نكر فعلت قدر وشلون يقضي صبري
راح الاخو حالي صعب وشسوه بعده دهري

مضلوم مضلوم من سم القدر متقطعه جبده

______________

هذا الأجل مني قرب والحاله تصعب اكثر
وحسين من بعدي يظل جرحه يطيل ويكبر
موت الابو وموت الاخو صاير وضعهم اخطر
طبرت علي وكسر الضلع جبد ويسم ومنحر

مهضوم مهضوم يرحل للكبر ويلاقي جده

_____________


اخر وداع اوي الاخت اخت الكفيل الحره
كافلها يبقه يمها ومايقبل اعله خدره
لاكن تجيلج كربله ينقطع جفه و نحره
وحسين يدناله الشمر والخيل تسحك صدره

ملموم ملموم متوذر احسين وطفل عنده


_______________

الشاعر /محمد الشريفي
-----------------------------

***
*
**
**
*

خنمشي مشايه .. وي صاحب الرايه

......................................


مشايه نطلع والقمر ويانه هم يطلع
قصبا عله كل ناصبي لاوالله مانرجع
امن زيارتك مولادي احنه تدري مانشبع
نوصل ضريحك سيدي وبشوقنه ونخضع

ونجيك وفايه .. وي صاحب الرايه

.........................................

وفايه تدري شيعتك وي زينب نواسي
نمشي لضريحك سيدي كل اهلي وي ناسي
رايات مرفوعه تضل ومرفوع هم راسي
وحسين ويانه يظل وعباس بحساسي

ألنه الشرف غايه .. وي صاحب الرايه

.........................................

ايام نمشي مانمل والله تدرينه
وين اليمانعني المشي هذا المنع وينه
حيدر نصيح بهدرب عباس وحسينه
عباس يسقينه العذب بجفوفه وبعينه

امشو وعلي ويايه .. وي صاحب الرايه

.........................................

يلي تعنيتو مشي بزياره احسيني
احباب كلكم بلقلب ومنكم بجت عيني
مشاي مشاي احسب ومااتعب لديني
درب العشق درب المحب هذا الدرب ديني

ونطينه احجايه .. وي صاحب الرايه

.........................................

نبقئ نسير بهدرب محلاه يادربك
انته الأبو ونته الوطن مولاي من حزبك
ونبقئ نحبك للئبد هذا يظل حبك
عشق الحسين اجنني يحسين من قلبك


ينطيك من مايه .. وي صاحب الرايه

....................................

الشاعر: محمد الشريفي

###############

لحسين مشايه .. وماتوقع الرايه
هيهات هيهات

...............

بيوم اربعينك كلها تتعنه
نقصد ضريحك جنة الجنه
منعوف دربك ياعلي صحنه
بحضرة منارك كل سنه تلمنه

ونجيك وفايه .. وماتوقع الرايه
هيهات هيهات

...............

اهلا وسهلا من يشرفوني
كواكم الله يلتقصدوني
ولي مشه ماخيب اضنوني
موكربلا مسكنهم اعيوني

ومنثني الحجايه .. وماتوقع الرايه
هيهات هيهات

...................

يلا يشيعه انروح للغالي
ويه زينب نماشيها ونوالي
انوي سفرتك وابد لتبالي
ومن تمشي راسك ينرفع عالي

يلجيتو عنايه .. وماتوقع الرايه
هيهات هيهات

..............

الله يعودك زاير احسينك
ايبارك الله ابوجهك وعينك
يلي خدمته ابفترته اسنينك
بيوم الحشر يلزملك ايمينك

ومن تعرف بهايه .. وماتوقع الرايه
هيهات هيهات

..... ........
خادم الحسين
محمد الشريفي

﷽
📝 زيارة الأربعين

اَلسَّلامُ عَلى وَلِىِّ اللَّهِ وَحَبیبِهِ اَلسَّلامُ عَلى خَلیلِ اللَّهِ وَنَجیبِهِ اَلسَّلامُ عَلى صَفِىِّ اللَّهِ وَابْنِ صَفِیِّهِ

اَلسَّلامُ عَلىَ الْحُسَیْنِ الْمَظْلُومِ الشَّهیدِ اَلسَّلامُ على اَسیرِ الْکُرُباتِ وَقَتیلِ الْعَبَراتِ اَللّهُمَّ اِنّى اَشْهَدُ

اَنَّهُ وَلِیُّکَ وَابْنُ وَلِیِّکَ وَصَفِیُّکَ وَابْنُ صَفِیِّکَ الْفاَّئِزُ بِکَرامَتِکَ اَکْرَمْتَهُ بِالشَّهادَةِ وَحَبَوْتَهُ بِالسَّعادَةِ وَاَجْتَبَیْتَهُ

بِطیبِ الْوِلادَةِ وَ جَعَلْتَهُ سَیِّداً مِنَ السّادَةِ وَقآئِداً مِنَ الْقادَةِ وَذآئِداً مِنْ الْذادَةِ وَاَعْطَیْتَهُ مَواریثَ الاْنْبِیاَّءِ

وَجَعَلْتَهُ حُجَّةً عَلى خَلْقِکَ مِنَ الاْوْصِیاَّءِ فَاَعْذَرَ فىِ الدُّعآءِ وَمَنَحَ النُّصْحَ وَبَذَلَ مُهْجَتَهُ فیکَ لِیَسْتَنْقِذَ

عِبادَکَ مِنَ الْجَهالَةِ وَحَیْرَةِ الضَّلالَةِ وَقَدْ تَوازَرَ عَلَیْهِ مَنْ غَرَّتْهُ الدُّنْیا وَباعَ حَظَّهُ بِالاْرْذَلِ الاْدْنى وَشَرى

آخِرَتَهُ بِالثَّمَنِ الاْوْکَسِ وَتَغَطْرَسَ وَتَرَدّى فى هَواهُ وَاَسْخَطَکَ وَاَسْخَطَ نَبِیَّکَ وَاَطاعَ مِنْ عِبادِکَ اَهْلَ

الشِّقاقِ وَالنِّفاقِ وَحَمَلَةَ الاَوْزارِ الْمُسْتَوْجِبینَ النّارَ فَجاهَدَهُمْ فیکَ صابِراً مُحْتَسِباً حَتّى سُفِکَ فى

طاعَتِکَ دَمُهُ وَاسْتُبیحَ حَریمُهُ اَللّهُمَّ فَالْعَنْهُمْ لَعْناً وَبیلاً وَعَذِّبْهُمْ عَذاباً اَلیماً اَلسَّلامُ عَلَیْکَ یَابْنَ رَسُولِ

اللَّهِ اَلسَّلامُ عَلَیْکَ یَابْنَ سَیِّدِ الاْوْصِیاَّءِ اَشْهَدُ اَنَّکَ اَمینُ اللهِ وَابْنُ اَمینِهِ عِشْتَ سَعیداً وَمَضَیْتَ حَمیداً

وَمُتَّ فَقیداً مَظْلُوماً شَهیداً وَاَشْهَدُ اَنَّ اللَّهَ مُنْجِزٌ ما وَعَدَکَ وَمُهْلِکٌ مَنْ خَذَلَکَ وَمُعَذِّبٌ مَنْ قَتَلَکَ

وَاَشْهَدُ اَنَّکَ وَفَیْتَ بِعَهْدِاللهِ وَجاهَدْتَ فى سَبیلِهِ حَتّى اَتیکَ الْیَقینُ فَلَعَنَ اللهُ مَنْ قَتَلَکَ وَلَعَنَ اللهُ مَنْ

ظَلَمَکَ وَلَعَنَ اللَّهُ اُمَّةً سَمِعَتْ بِذلِکَ فَرَضِیَتْ بِهِ اَللّهُمَّ اِنّى اُشْهِدُکَ اَنّى وَلِىُّ لِمَنْ والاهُ وَعَدُوُّ لِمَنْ

عاداهُ بِاَبى اَنْتَ وَاُمّى یَابْنَ رَسُولِ اللَّهِ اَشْهَدُ اَنَّکَ کُنْتَ نُوراً فىِ الاَصْلابِ الشّامِخَةِ وَالاْرْحامِ الْمُطَهَّرَةِ

لَمْ تُنَجِّسْکَ الْجاهِلِیَّةُ بِاَنْجاسِها وَلَمْ تُلْبِسْکَ الْمُدْلَهِمّاتُ مِنْ ثِیابِها وَاَشْهَدُ اَنَّکَ مِنْ دَعاَّئِمِ الدّینِ

وَاَرْکانِ الْمُسْلِمینَ وَمَعْقِلِ الْمُؤْمِنینَ وَاَشْهَدُ اَنَّکَ الاْمامُ الْبَرُّ التَّقِىُّ الرَّضِىُّ الزَّکِىُّ الْهادِى الْمَهْدِىُّ

وَاَشْهَدُ اَنَّ الاْئِمَّةَ مِنْ وُلْدِکَ کَلِمَةُ التَّقْوى وَاَعْلامُ الْهُدى وَالْعُرْوَةُ الْوُثْقى وَالْحُجَّةُ على اَهْلِ الدُّنْیا

وَاَشْهَدُ اَنّى بِکُمْ مُؤْمِنٌ وَبِاِیابِکُمْ مُوقِنٌ بِشَرایِعِ دینى وَخَواتیمِ عَمَلى وَقَلْبى لِقَلْبِکُمْ سِلْمٌ وَاَمْرى

لاِمْرِکُمْ مُتَّبِعٌ وَنُصْرَتى لَکُمْ مُعَدَّةٌ حَتّى یَاْذَنَ اللَّهُ لَکُمْ فَمَعَکُمْ مَعَکُمْ لامَعَ عَدُوِّکُمْ صَلَواتُ اللهِ عَلَیْکُمْ

وَعلى اَرْواحِکُمْ وَاَجْسادِکُمْ وَشاهِدِکُمْ وَغاَّئِبِکُمْ وَظاهِرِکُمْ وَباطِنِکُمْ آمینَ رَبَّ الْعالَمینَ.

#التماس_دعاء
#اللهم_عجل_لوليك_الفرج

مولد النبي الأكرم محمد (ص )

-----------------------------------

شعت انوار علينه اعياده
بشره ساره نبي ميلاده

***********

لنبي اليوم الولاده منتشر اجمل ضوه
والسمه هبت هواها والهوه احلا الهوه
من محمد نور جانه حبنه من أجله ارتوه
نحضر ليوم الولاده ونجتمع كلنه سوه

والنبي صار ألاهك راده
بشره ساره نبي ميلاده

---------------------------------

نبارك اليله لولاده مصطفى هادي الأمين
رحمه الباري نسمها لنبي ولطاهرين
رحمه نزلت من محمد اي نعم ينصر الدين
نصرو الدين بمحمد وبأامير المؤمنين

عاش الاسلام فضل هلقاده
بشره ساره نبي ميلاده

___________

الصلاة اليوم ترفع لنبي طه الكريم
منقذ الأمه بحكمته من فضل هذا العضيم
نازل بقرأن دينه وينصره بقلبه الرحيم
علمه من نور الجلاله عالم ويبقى عليم


والكرم بان لجميع احفاده
بشره ساره نبي ميلاده

__________


طشو اورود وسفرجل وشموع وهلحفل
ليله من اجمل ليالي ليوم مولانه نزل
جنه الفردوس هيه والأجه بيها أمل
فرحه حلوه هلمسيه كلها تبقى مانمل

والأجه اليوم علي هم ناده
بشره ساره نبي ميلاده

___________


ياهلا بحفل السعاده جيت يابوفاطمه
الأرض فرحانه بقدومك والقمر ويه السمه
الف مبروك وتهاني اليوم فرحه هايمه
ندعي من الله تعالى تكون شيعه دايمه

شيعه تبقى عليها عاده
بشره ساره نبي ميلاده

___________

لشاعر /محمد الشريفي

_
_
__

قصيده لمولاتي الزهراء عليها السلام


طاحت الورده الحنينه
ماتت الزهره الحزينه
يلهج الساني بسمها
صعبه والفركه شعضمها

..............

اه امن الحزن ولي عليه جره
شايل نعشها وحالي موحيدره
ليش الورد تالي يدفنه ثره
موسهله اودع قلبي بلمكبره

ليله مااحمل وداعج
يعني مايرجع زمانج
ليله مااعضم ألمها
صعبه والفركه شعضمها

....................

وشلون افاركها وهي بهلعمر
وهيه عمرها اثمنطعش يادهر
وحته صبر من عندي ماضل صبر
كل همي يسهل بس وجه منسطر

هذا حالي يازماني
مااضن يرجع حناني
دنيه من ترمي سهمها
صعبه والفركه شعضمها

.................

طايح محسن وزايد عليه الالم
ودنيه صعبه من تصيب بسهم
ريت الحصل ياربي يطلع وهم
ولاانضر ام بيتي جسم منهشم

يم حسن ريت المنيه
موالج تصبح اليه
طايح الليله نجمها
صعبه والفركه شعضمها

................

حيدر واكول اشسوه بي الزمن
كلشي ولاترحين يم الحسن
بعدج عيوني تروح ويه الجفن
هذا الوداع وتبقى بس المحن

والله موسهله عليه
بيدي ادفنج يزجيه
لحضه مافارق رسمها
صعبه والفركه شعضمها

.................

خادم الحسين
محمد الشريفي

قصيده لمولاتي ام البنين
****
****
****

ام البنين وتهمل العين .. دفنوني يم الغالي احسين

............

لاجم قلبها فجعه احسين
تقضي عمرها بدمعه العين
ماهمها موتت هلميامين
ودها قبرها بالحرمين

ويبقى نهجها للمحبين .. دفنوني يم الغالي احسين

...............

صاحت لهلها لاتشيعون
لمن تشوف الغالي لعيون
للغالي انا قلبي مرهون
يدفني بيده ومن تنوحون


موتي اريده بهلغوالين .. دفنوني ين الغالي احسين

................

ارفع سلامي لفاطمه الزهره
هاي العضيمه الطاهره الحره
ام الحسين المنكسر ضهره
الها اريده النوح والعبره

ومقصره انا وياها بدين ..دفنوني يم الغالي احسين

................

اخر وداعي يااولو ألاطهار
ماانسى ذاك الفارس الكرار
وندعي يجينه المنتظر بثار
ويكسر ضلع كلمن شعل بنار

هو الي يصلح هلقوانين .. دفنوني يم الغالي احسين

......
خادم الحسين
محمد الشريفي
......

*مولد الزهراء*
*عليها السلام*

هيه حوريه .. هيه أنسيه
طاهره وحره .. ونتي مرضيه

...............

فاطمه الزهراء ربنه هو عضمها
يفرح اللسان من انجيب أسمها
والله لو نندل كبرها ننجمع يمها
والضلامه الحاربوها تغرك ابهمها

الليله من تحضر .. لسورة الكوثر
لفاطمه هيه .. ونتي مرضيه

..............

الما أجه هليله يمنه شلون مو نادم
والله تعبانه حياته الماعرف فاطم
خليلومونه عليها الباغي والضالم
نبقى وياها وتشوف الدنيه والوادم

نورج الطاهر ..بهالمسه ظاهر
كلها حنيه .. ونتي مرضيه

...............

هل أسم يبقى بسجلي واحلا مابيه
مولد الزهره الزجيه احله عيديه
مااعوفج ياضواي وياكمر ليه
وانا عقلي بيها يصبح ميه بالميه

مولد الزهره .. شعت الكمره
راحه نفسيه .. ونتي مرضيه

.............

الطير من عشه تعنه وبالخبر جاني
كلي هليله بشاره صوته هناني
اليله كلشي اينادي زهره وتسمع اذاني
والله مشتاق لحفلها حبها خلاني

الله يرعاكم .. وانا وياكم
انطي بنيه .. ونتي مرضيه

................

وينك احضر يابوصالح تكمل الفرحه
الشيعه لجلك ياأملنه صاحت الصيحه
ارجعنه وخنشوفك حته لو لمحه
راسمك انا ابخيالي وحافظك لوحه

ولقلب ذايب .. لشوفة الغايب
جيته نووريه .. ونتي مرضيه

خادم الحسين
محمد الشريفي
...................

*مولد*
*امير المؤمنين*
*عليه السلام*



علي مولانه مولانه مولانه
كلها فرحانه فرحانه فرحانه

................

نبارك لحامي الحمه
اليوم فرحه هايمه
فرحو ياأهل السمه
الماعرف حيدر عمه

عايش اويانه ويانه ويانه
كلها فرحانه فرحانه فرحانه

.................

هذا ابن خير العمل
لنبي الليله نزل
حيدر الأول يظل
يعني يحله هلحفل

يحمي قرئانه قرئانه قرئانه
كلها فرحانه فرحانه فرحانه

.............

تدري منهو الي انولد
هذا يحضر بشدد
هو أول بلعدد
علي يبقى للأبد

والله يرعانه يرعانه يرعانه
كلها فرحانه فرحانه فرحانه

.............

بعشك حيدر مبتلي
ابقى احبك ياولي
ماألي غيرك علي
اغله من ناسي وهلي

وينه عادانه عادانه عادانه
كلها فرحانه فرحانه فرحانه

..........

الماأجه بهذا الفرح
والله خاسر ماربح
القلب هليله انشرح
وغزر اويانه المرح

هناك تلكانه تلكانه تلكانه
كلها فرحانه فرحانه فرحانه

..............

الوحي نازل بلخبر
الطير من عشه ابتشر
جبل من أجله اندحر
هذا زوج ام الدرر

حلوه دنيانه دنيانه دنيانه
كلها فرحانه فرحانه فرحانه

...................

يلي ماعندك أمل
اكصدلنه بالحفل
حضك اتشوفه انعدل
اجرك الليله انقبل

راحت احزانه احزانه احزانه
كلها فرحانه فرحانه فرحانه

.................

خادم الحسين
محمد الشريفي

‏مقطع صوتي من محمد الشريفي