***
*
**
**
*

خنمشي مشايه .. وي صاحب الرايه

......................................


مشايه نطلع والقمر ويانه هم يطلع
قصبا عله كل ناصبي لاوالله مانرجع
امن زيارتك مولادي احنه تدري  مانشبع
نوصل ضريحك سيدي وبشوقنه ونخضع

ونجيك وفايه .. وي صاحب الرايه

.........................................

وفايه تدري شيعتك وي زينب نواسي
نمشي لضريحك سيدي كل اهلي وي ناسي
رايات مرفوعه تضل ومرفوع هم راسي
وحسين ويانه يظل وعباس بحساسي

ألنه الشرف غايه .. وي صاحب الرايه

.........................................

ايام نمشي مانمل والله تدرينه
وين اليمانعني المشي هذا المنع وينه
حيدر نصيح بهدرب عباس وحسينه
عباس يسقينه العذب بجفوفه وبعينه

امشو وعلي ويايه .. وي صاحب الرايه

.........................................

يلي تعنيتو مشي بزياره احسيني
احباب كلكم بلقلب ومنكم بجت عيني
مشاي مشاي احسب ومااتعب لديني
درب العشق درب المحب هذا الدرب ديني

ونطينه احجايه .. وي صاحب الرايه

.........................................

نبقئ نسير بهدرب محلاه يادربك
انته الأبو ونته الوطن مولاي من حزبك
ونبقئ نحبك للئبد هذا يظل حبك
عشق الحسين اجنني يحسين من قلبك


ينطيك من مايه .. وي صاحب الرايه

....................................

الشاعر: محمد الشريفي

###############

ميلاد النبي الاكرم محمد(ص)

****


ليله تهاني .. بشرة زماني
ليله ميلاد النبي الهادي الاميني

////////////////

وجه المصطفى اليوم يشرق علينه
صلو ياشيعه اليوم لخاتم نبينه
يحفظ قران الدين هوه وعلينه
ملجأ الناس ايصير بيده الامينه

نور النبوه .. بسمه نتروه
ليله ميلاد النبي الهادي الاميني

/////////////

هليله يبده النور بالهادي العتره
صاحب انوار ابدور من بنته الزهره
بسمه انتبارك بيه ونشمه عطره
وبمولد الرسول هليله نقره

فرحتنه تكبر .. يشاركنه حيدر
ليله ميلاد النبي الهادي الاميني

/////////////////

كاعد فرحان اليوم وقرالك انشود
ماعوف آل اهل البيت كل اهلي اشهود
وبكل مولد منهم تلكاني موجود
مولد ابو الزهراء طشينه الورود

صوتي ونشيدي .. يافرحه زيدي
ليله ميلاد النبي الهادي الاميني

//////////

يارب ادوم افراح بطلعت صبحنه
يامهدي يمته نشوف رجعت املنه
وبجيت المحبوب يفرح كلبنه
بحب الولايه دوم نعلم ولدنه

حب الولايه .. لحد النهايه
ليله ميلاد النبي الهادي الاميني

////////////////

محمد الشريفي ✏️

مولد النبي الأكرم محمد (ص )

-----------------------------------

شعت انوار علينه اعياده
والد الزهره هل ميلاده

***

لنبي اليوم الولاده منتشر اجمل ضوه
والسمه هبت هواها والهوه احلا الهوه
من محمد نور جانه حبنه من أجله ارتوه
نحضر اليوم الولاده ونجتمع كلنه سوه

والنبي صار ألاهك راده
والد الزهره هل ميلاده

---------------------------------

نبارك اليله لولاده مصطفى هادي الأمين
رحمه الباري نسمها لنبي ولطاهرين
رحمه نزلت من محمد اي نعم ينصر الدين
نصرو الدين بمحمد وبأامير المؤمنين

عاش الاسلام فضل هلقاده
والد الزهره هل ميلاده

___

الصلاة اليوم ترفع لنبي طه الكريم
منقذ الأمه بحكمته من فضل هذا العضيم
نازل بقرأن دينه وينصره بقلبه الرحيم
علمه من نور الجلاله عالم ويبقى عليم


والكرم بان لجميع احفاده
والد الزهره هل ميلاده

__


طشو اورود وسفرجل ينسعد هذا الحفل
ليله من اجمل ليالي اليوم مولانه نزل
جنه الفردوس هيه والأجه بيها أمل
فرحه حلوه هالمسيه كلها تبقى مانمل

والأجه اليوم علي هم ناده
والد الزهره هل ميلاده

___


ياهلا بحفل السعاده جيت يابوفاطمه
الأرض فرحانه بقدومك والقمر ويه السمه
الف مبروك وتهاني اليوم فرحه هايمه
ندعي من الله تعالى تكون شيعه دايمه

شيعه تبقى عليها عاده
والد الزهره هل ميلاده

___

محمد الشريفي

*مولد الزهراء*
*عليها السلام*

هيه حوريه .. هيه أنسيه
طاهره وحره .. ونتي مرضيه

...............

فاطمه الزهراء ربنه هو عضمها
يفرح اللسان من انجيب أسمها
والله لو نندل كبرها ننجمع يمها
والضلامه الحاربوها تغرك ابهمها

الليله من تحضر .. لسورة الكوثر
لفاطمه هيه .. ونتي مرضيه

..............

الما أجه هليله يمنه شلون مو نادم
والله تعبانه حياته الماعرف فاطم
خليلومونه عليها الباغي والضالم
نبقى وياها وتشوف الدنيه والوادم

نورج الطاهر ..بهالمسه ظاهر
كلها حنيه .. ونتي مرضيه

...............

هل أسم يبقى بسجلي واحلا مابيه
مولد الزهره الزجيه احله عيديه
مااعوفج ياضواي وياكمر ليه
وانا عقلي بيها يصبح ميه بالميه

مولد الزهره .. شعت الكمره
راحه نفسيه .. ونتي مرضيه

.............

الطير من عشه تعنه وبالخبر جاني
كلي هليله بشاره صوته هناني
الليله كلشي اينادي زهره وتسمع اذاني
والله مشتاق لحفلها حبها خلاني

الله يرعاكم .. وانا وياكم
انطي بنيه .. ونتي مرضيه

................

وينك احضر يابوصالح تكمل الفرحه
الشيعه لجلك ياأملنه صاحت الصيحه
ارجعنه وخنشوفك حته لو لمحه
راسمك انا ابخيالي وحافظك لوحه

ولقلب ذايب .. لشوفة الغايب
جيته نووريه .. ونتي مرضيه

خادم الحسين
محمد الشريفي
...................

*مولود* امير المؤمنين عليه السلام
****


علي ياعلي علي ياعلي


حبك سكن وجداني علي ياعلي
ياأول بعنواني علي ياعلي
انته الأمل وايماني علي ياعلي
هذا الخبر هناني علي ياعلي
حزن التعب خلاني علي ياعلي
مولودك القواني علي ياعلي

بقلبي حبيته خليته اغله كل بشر
والله ياحيدر مااكدر لغير اسمك يمر
والله واليتك حبيتك لاخر هدهر

علي ياعلي علي ياعلي

...........

ابثالث عشر شع بدره علي ياعلي
لشيعي احله بشره علي ياعلي
ابليلة علي خالنقره علي ياعلي
ابميلاده تحله النبره علي ياعلي
يشايل انته الصخره علي ياعلي
للمؤمن انته عبره علي ياعلي

راحت احزاني وهذا اني بميلاد الولي
بهجت احساسي وي ناسي وفرحانه هلي
الدنيه مبتشره والزهره بجيتك ياعلي

علي ياعلي علي ياعلي

..................

عاشك علي من زغري علي ياعلي
بشرياني هوه يجري علي ياعلي
ماعوفه لاخر عمري علي ياعلي
لو هد عليه دهري علي ياعلي
وساعة وحشتي بكبري علي ياعلي
كل شده حيدر دري علي ياعلي

الليله هالعيدي وتغريدي بسمك يااسد
يم علي الليله تلوليله بحضان المهد
فلق نقراله تحلاله من عين الحسد

علي ياعلي علي ياعلي

.................


كلمن يمانع بينه علي ياعلي
بهذا الحجي شعلينه علي ياعلي
يلتبغضه تدرينه علي ياعلي
يبقى علي والينه علي ياعلي
راياته بين ايدينه علي ياعلي
بحمايتك مهدينه علي ياعلي

ندعي هليله بتعجيله مهدي المنتظر
بساعة اضهوره مستوره بيدينه البشر
امك الزهره بالبشره وترعى الي حضر

علي ياعلي
علي ياعلي


محمد الشريفي✏️

شهاده مولاي موسى بن جعفر عليه السلام
**

طور ملا باسم (لوطير)


مسجون مظلوم مسموم
وشلون ينكاد معصوم

................

ياناس معقول ينكاد بحبال
صيحات مضلوم لدوم تنكال
وسنين مسجون وشلون احوال
لمصاب مولاي بدموع همال

احزان بحزان لليوم
وشلون ينكاد معصوم

.................

هليوم مولاي ياريت محروس
وسنين مسجون ماشاف اشموس
بيدين ثعبان ياناس محبوس
وبيوم جمعه ينشال عروس

من بيت وناس محروم
وشلون ينكاد معصوم

...................

هارون ملعون واحقاد هناس
مفروض التاج خلو عراس
لوجان موجود هليوم عباس
جاصار بلحال هارون ينداس

لوجان حيدر شعلوم
وشلون ينكاد معصوم

..............

بحماك ننخاك يلبيك امراد
ننطيك حاجات نلكاك سداد
نيات بخلاص ينطيه للراد
تمنعون بينه نمشي وعناد

انصار موسى لدووم
وشلون ينكاد معصوم

..................

هليوم احباب تبجيك وتزور
شباج امراد والراد ايدور
كل عام ننعاك ياتاج يانور
ولعاف يومك لدوم مسطور

ويدوم بحزان وهموم
وشلون ينكاد معصوم

__
محمد الشريفي ✏️

مولد الامام المنتظر (عج)

*
*

يايوم نشوفك يامولاي
وسنين مناطر كلمه جاي
هليله حاظر انته اوياي
يمهدي

__

هاك اخذ الخبر هليله من عندي
مااحلا التهاني ابمولد المهدي
وين الي منعني واكف ابضدي
ماعوفه حبيبي هذا اله ردي

ياسلطان وتاج انته ونور
ولي حبك هذا مسرور
شعلينه بليبغض ولمغرور
يمهدي

.....................

هاي الشيعه والله اليوم فرحانه
بجيتك ياأملنه تروح احزانه
نعقد محفلك وزهره ويانه
اعيوني لشوفتك اي والله ولهانه

هليله خلتبقى الافراح
والطير ابميلادك هم صاح
ارجعلي خليني ارتاح
يمهدي

.....................

معشوقي وحبيبي اليوم هل عطره
نبارك لهدعش ولهادي العتره
فرحانه النبوه ابفرحه الزهره
يايوم الاشوفك محله هالنظره

يايوم اتشوفنه ملكاك
يامسكن ياديره نلكاك
والشيعه برجاك وبحماك
يمهدي

محمد الشريفي✏️

*مولد الامام الحسن المجتبى
عليه السلام*


ياشيعه وي حيدر نتبارك نتبارك
وبالفرحه وي فاطم نتشارك نتشارك

................

هليله ماأجمل هالبشره
وأول ابن صاير لزهره
ياربي باركله من عمره
وبجفوفه مايبخل للفقره

مسروره للمولد انظارك انظارك
وبالفرحه وي فاطم نتشارك نتشارك

....................

بخمصطعش تشرق انواره
ربنه الذي اعطاه اسراره
لاوالله ماخيب زواره
والحاظر الليله خطاره

وكل العجب يصبح بسرارك بسرارك
وبالفرحه وي فاطم نتشارك نتشارك

.................

كل الفخر والجود من عنده
لا والله مايظعف بشده
حيدر علي الوالد والعمده
اوصافه وحساسه من جده

ومضيفك يرحب وي داراك وي دارك
وبالفرحه وي فاطم نتشارك نتشارك

.................

مولودك اشمحلاه باذاني
هذا الحفل صاير رباني
بكل مولد العصمه تلكاني
يعني محبتهم عنواني

لم الحسن كولو امبارك امبارك
وبالفرحه وي فاطم نتشارك نتشارك

..................

محروس ياربي امنالحسد
وزهره شددتلك هالمهد
مثل الحسن ماصاير ابد
بأفضل شهر يعني انولد

ضلمه وأجتنه انوارك انوارك
وبالفرحه وي فاطم نتشارك نتشارك

/////////

✏️محمد الشريفي

/////////

نزله لستشهاد الامام علي عليه السلام


علي راح امصابك اشكبره
ولجراح منهو للفقره


رايح يحيدر هلمسه عجبه
اي والله وفراكك اشد صعبه
ياقلب يتحمل فقد قلبه
لحيدر علي ياموت شطلبه

اسف كون رايح الكبره
ولجراح منهو للفقره

.................

تبجي الملأك من بعد حيدر
نفارك علي لاوالله مانكدر
من بعده منهو كلي يتكرر
شاطر زلمهم قالع الخيبر

اجه الموت ينازع ابعمره
ولجراح منهو للفقره

.................

دهرك جرحنه ورايد اغيابك
دهرك حرمنه وفرق احبابك
هاي الهظيمه ونعرف اسبابك
بالغاضريه اطلع اعقابك

يدنياي انصفي مره
ولجراح منهو للفقره

..................

جم خاطر اغيابك كسر لينه
عيني بدمعها من بعد عينه
وهذا القلب ميبطل اونينه
من بعدك الدنيه تره شينه

فقدنا الصاير انه شجره
ولجراح منهو للفقره

...................

هاي اليتامه تكسر الخاطر
سمعو ابوهم باجر ايسافر
بفاركك ابزينب الم صاير
ارجع يبويه باجر العاشر

يويلاه راحت العشره
ولجراح منهو للفقره

///////////////

✏️محمد الشريفي

استشهاد مولاي أمير المؤمنين علي (عليه السلام)


موتك فجعنه يطفه شمعنه
منك منعنه يابوحسين

.................

فركتك والله صعبه وتصعب اعلينه
نريدك دوم تبقى يا علينه
القدر حان وعله الموت اشبدينه
القلب من غيبتك ضل ابونينه

ريت المنيه اي والله بيه
لجل السبيه يابوحسين

.....................

جرح راسك جرحنه وننظر الحالك
اذا ترحل جرح زينب فجع بالك
الف وسفه الأجه ابسيفه وتعنالك
اليتامه وكل ملأك ربنه تنعالك

سيف الجريمه يفجع يتيمه
تشوف الظليمه يابوحسين

...................

يتامه اباب حيدر تسأل اشلونه
ابصلاته ابضربت السيف انكلب لونه
بشهر رمضان حيدر غمض اعيونه
بدفن حيدر حياة الشيعه مدفونه

هاي النهايه بدم الولايه
تبدي الخفايه يابوحسين

....................

انا زينب يبويه وعيني مذروفه
حنانك بويه بس لاعيني متشوفه
بعد حزنك حزنه ابكربله انعوفه
كفيلي للعطاشه قطع اجفوفه

حزن المصايب اي ونته غايب
بجرح الحبايب يابوحسين

..................

الحسن بعدك جرع سم وصعب حاله
الحسين الي جرح قلبه عله اعياله
اتباع الي ابن ملجم عله افعاله
الصعب بويه راس حسين شمر شاله

بعد الزجيه حامي الحميه
نشوف البليه يابوحسين

///////////////

✏️محمد الشريفي

السلام عليكم ورحمة الله وبركاته!
ان شاءالله تعالى
قريبا!
سيتم نشر قصائد محرم الحرام 1445

لاتنسونه من الدعاء!

اخوكم محمد الشريفي

ليله العباس (عليه السلام)

**

يختي اخونه راح
جسمه انترس بجراح يم الشريعه
راسه انجسم نصين
ويلي السهم بالعين يختي الوديعه
يسلم عليج ايريد .. زوريني من ابعيد
يختي الوديعه

..................

صحت صيحة لَـمن صاح ابقطع جفه
كفيل الهاشميه منغدر وسفه
اريد اوصله اركض معتني ابلهفه
جرح راسك يخويه ويلي مايشفه

هاي التهد الحيل
ويلي اعالفكد ويل صعبه وثكيله
ياخويه قلبي احتار
بعدك تشب النار بثوب العقيله
خويه العذاب ايزيد.. زوريني من ابعيد

..................

شفت زينب تنوح وتذرف المدمع
تكلي راح العضيد اوتقطع
رحت للمشرعه حيلي بده يركع
يخويه صعبه اريدك للخيم ترجع

وينج يسكنه الحال
ماظل بعد كفال يسقي العطاشه
كفه وفه العباس
اي والله رفعه راس خيبني حاشه
للخوه ينطي اوريد.. زوريني من ابعيد

..................

اجيت انحب يزينب يختي عينيني
انكسر ضهري وعله اغيابه انعمت عيني
جمر حرق الخيم من هسه يجويني
دزيدي ابونتج ونه عله اونيني

يختي لمن رديت
بغيبت اخويه اعميت رايحلي غالي
جرحه جرحني اهواي
مثل العطش للماي منهو بقالي
بعدك بقيت اوحيد .. زوريني من ابعيد

.................

العتب مسموح يخويه من تشب نيران
اظن تدري الخيم بيها نسه ورضعان
اخوك احسين انكسر ظهره ويظل حيران
المصيبه سحكو اضلوعه وبقه عطشان

ياخويه وعدك وين
محد بقه لحسين ريتك تجينه
يابالفضل شنشوف
هدت علينه اصفوف وحنه اشبدينه
زينب قمرها اتريد .. زوريني من ابعيد

......................

اريدن اعتذر من طاحت الرايه
انقطع جفي لعطشكم ماجبت مايه
وعله زينب يويلي ابحرق الي عبايه
وصحت خويه اعتذاري بهايه الحجايه

طحت واجت ظلام
وسفه تشب اخيام وتبجي رقيه
اركض طحت وبجيت
بعدك عذاب الكيت شفت البليه
ليك ورفعت الأيد .. زوريني من ابعيد

.......

خادم الحسين
محمد الشريفي✏️
.......

نزله محرم

**

عاشورك بدمع يروينه
عاشورك بدمع يروينه

//////////////

هذا جرح الحسين اعظم هالمصايب
تالي وسفه خدك يصبح عترايب
شهرك شفنه هم بيه انواع العجايب
زينب من بعدهم تدخل بالخرايب

والعاشق منشغل بونينه
عاشورك بدمع يروينه

/////////////

بشهرك والله تدري منفارك لطمنه
شهرك من يجينه بلمجلس تلمنه
هايه لليمانع ياحيدر هتفنه
من يومك يعباس منزل علمنه

بلهمه للعزم تنطينه
عاشورك بدمع يروينه

///////////

ياشهر المصايب بيك انفجعت الناس
جرحك ياشهر بي قطع جفوفه عباس
والأكثر يألم سهم وهشمت الراس
مايترك عضيده شايل غيره وحساس

بالغيره بولفضل يسقينه
عاشورك بدمع يروينه

///////////////

حسين وضهره مكسور ياشهر البليه
زينب تبجي وتنوح وهم تصبح سبيه
هاي امصايب اهواي وي دمعه رقيه
كل ليله التمرنه ونتنه خفيه

مابينه امن التعب مابينه
عاشورك بدمع يروينه

//////////////

عيني بشهر بيه تبقى تذرف العين
واويلي عالاكبر من يشوفه الحسين
امقطع بلبواتر راح اوليده هزين
اللطم انا عراس واللطم بيدي الاثنين

من يلطم بثنين ايدينه
عاشورك بدمع يروينه

...........................

خادم الحسين
محمد الشريفي ✏️

للعليه (عليها السلام)

***


عله الباب اجيت ومالكيتك
ولعتاب دموعي تشتكيلك

...............

يبويه شلون كلي ابهالقضيه
يانوم اليمرني ابهالمسيه
اخذني وياك مثل اختي رقيه
عليك ابداعت امك رد عليه

هظيمه وثكيله يامشيتك
ولعتاب دموعي تشتكيلك

...............

اناطر جيتك وعيوني تربي
اكولن بلكت ايرد ادعي ربي
على الغيبه يبويه شاب قلبي
عفت ايدك يغالي هذا ذنبي

يرد كون يلاهي من دعيتك
ولعتاب دموعي تشتكيلك

.................

رحت وسفره بويه شكد طويله
ردتها اوياكم الروحه الثكيله
عله الاسباب من كلتو نحيله
عله الغيبه اصير انا العليله

غيابك جرحني وي منيتك
ولعتاب دموعي تشتكيلك

...................

علي واحد يعود شكد تمنيت
لجن بدار وحدي والله مليت
ترجعون و عليه يفرح البيت
عله الاخبار هاي ابشكي ضليت

بالدموع انوح ومانسيتك
ولعتاب دموعي تشتكيلك

...................

ردت ياعمه اني وي سبيكم
ردت بالحسره ودمعه اجيكم
ردت جفي مثل حرقت اديكم
عله الصار وعمت عيني عليكم

يردون عليه ومن بجيتك
ولعتاب دموعي تشتكيلك

__

خادم الحسين
محمد الشريفي✏️

مقدمه لمحرم

*

نبديلك العزاء
لجرح كربلاء
دمعاتنا .. دمعاتنا
لجرح كربلاء

...............

ترفع قميصك هالمسه امك يمظلوم
وتنادي يااهل السمه من الماي محروم
ووليده من هذا الشهر ابسهم مفطوم
قلبي اعالزينب عالجره من امصايب اهموم

قلبي عله الذبيح
بالعاشر واصيح
صرخاتنا .. صرخاتنا
لجرح كربلاء

.................

لولاد ابو السجاد دمعي اليوم اسيله
امصايب ابهذا الشهر كلش ثكيله
ايساعد الله ياخلق قلب العقيله
كل طفله من هذا الشهر تبجي ونحيله

وي طيحت الكفيل
دمعاتي خالتسيل
لوعاتنا .. لوعاتنا
لجرح كربلاء

.................

شهر البلا وبيك الجره زينب غريبه
من قطعو اجفوفه الكمر هاي المصيبه
وحسين من طاح الكمر جثته سليبه
نحره انقطع دمه جره وشيبه خضيبه

يالوعة المصاب
نايم عالتراب
وناتنا .. وناتنا
لجرح كربلاء

.................

من شفنه من هذا الشهر بمصاب الاكبر
ويه جاسم العريس جسمه من توذر
رمله اعله ليلى من تون الله وكبر
والعاشر ابيوم الذبح قلبي ايتفطر

من تجري الدماء
تبجيلك السماء
رايتنا .. رايتنا
لجرح كربلاء

////////////

خادم الحسين
محمد الشريفي ✏️

نزله لبوفاضل عليه السلام

___

أجه عباس حجت ناس أذن هذا علي
زينب اتشوف بالطفوف نزل عزوة هلي

.......................

زينب اتحيي سبع القنطره
هذا تربايه محد يعبره
راس ابن ود الليله يشطره
هذا ساقي العطاشه ومفخره

نازل الليث عله الجيش وصوته يعتلي
زينب اتشوف بالطفوف نزل عزوة هلي

///////////

جاكم الموت تكلكم زينب
خويه عباس تره من يغضب
ياخذ الماي يجي ومايتعب
كلشي يسهل عليه مايصعب

هذا صنديد اجه يريد يقول المايلي
زينب اتشوف بالطفوف نزل عزوة هلي

////////


من وصل للفرات اضفافه
اليجي يرجف وصل لطرافه
ايموت يمه تره الي شافه
هذا عباس اخو والوافه

جفه والعين فده احسين نطاهن للولي
زينب اتشوف بالطفوف نزل عزوة هلي

///////////

من عليها تطبها وتذل زلمها
حرب السيوف تظل شهمها
جمع الروس عليهم ذبها
وجثث خويه بيدك لمها

اليجي ولشاف اجه وخاف يويله ويبتلي
زينب اتشوف بالطفوف نزل عزوة هلي

/////////

لقلبي جرحك تره يتقطع
زلم تشرد تره من تطلع
عاش كفالي مني تسمع
خويه بعداك تكص ماتشفع

ابسلت السيف ارد حيف يخيتي ادللي
زينب اتشوف بالطفوف نزل عزوة هلي

//////////

اليوم خيبر اجي وفنيها
يحجي عباس ولاخليها
ارض الطفوف اجي وطويها
شمر عينك تره اطفيها

صاحب الراي تره الماي يصير اليوم الي
زينب اتشوف بالطفوف نزل عزوة هلي

//////////

وعدي باقي وبقت لحجايه
رايه بيدي تظل هرايه
جودي جبته وجبت ويايه
زينب اتكول شربنه مايه

رايه الجود بالزنود اخليها علي
زينب اتشوف بالطفوف نزل عزوة هلي

...............
خادم الحسين
محمد الشريفي ✏️

نزله ( *الانصار*)

**

هذا هتاف الانصار هيهات من الذله

/////////////

انصارك احنه اليوم اي كد الحجايه
تشهد علينه حسين ماتوقع الرايه
عابس حبيب وجون صحبتنه وفايه
ولزينب احنه اجنود جبنه النهر مايه

هذا هتاف الانصار هيهات من الذله

///////////

ياصحبت العشاق خلينه نتحزم
هاي المناحر هاي تتلون امن الدم
لومانموت اوياك نكضي العمر بالهم
لطاعه يامولاي وانته الابو والعم

هذا هتاف الانصار هيهات منه الذله

////////////

شفنه المنايه اوياك شفناهه هالجنه
عيشه وبدونك هاي اي والله ماردنه
تدرينه بلملكات خدامك احسبنه
زلم المعارك هاي منعوفك ابمحنه

هذا هتاف الانصار هيهات منه الذله

/////////////

عابس يصيح ابصوت دمي فده الغالي
روحي الك يحسين يااغله من حالي
جنني حب احسين مايخله من بالي
لامو فقط سبعين هايه اله اعيالي


هذا هتاف الانصار هيهات منه الذله

///////////////

يازينب احنه اوياج بشري يبت حيدر
نكدر نجيب الماي يالحره الج نكدر
من ننزل ابعاشر عينج تشوف اكثر
فدوه الج خنموت بس سالم الخدر

هذا هتاف الانصار هيهات منه الذله

////////////////

خادم الحسين
محمدالشريفي

*ليله الانصار* (٦) محرم

**


دمنه من كتب .. صحبتنه ذهب
ونترك كل اهلنه .. نرفعلك علمنه
دمنه من كتب دمنه من كتب
................

لحسين اشكثر كلبي لهف جيت اعتنيله
يعني لو وقع بطف رحت يمه واشيله
هذا انا ابن ظاهر اجي النصر العقيله
واحنه مانعوف امصايب احسين الثكيله


يبن الطاهرين .. انته ياحسين
ونعوم ابزلمنه .. نرفعلك علمنه

///////////////

يااول عشق واخر عشق احنه عرفنه
يانعمه الولي وانته الابو ابخيمه تلمنه
انصارك صبحنه ويانعم بيها شملنه
ونقدم جهدنه وبالحشر انته اءملنه

بيدينه لواء .. تشهد كربلاء
منك ونعرفنه .. نرفعلك علمنه

///////////////

ولزينب نصير الها كفو يوم المعارك
هايه الهاشميه بت علي وبيها نتبارك
غالي عدنه شوفت وجه الحسين المبارك
ماردنه العمر ردنه نموت احنه ابجوارك


نكعد يمه ننحب.. وي عمتنه زينب
بمصايب حزنه .. نرفعلك علمنه


//////////////////

لحسين النحر لامو لجل حب الشهاده
ونترك كل اهلنه ونلتحق بجمل سعاده
واقبالك نموت وهالقلب حصل مراده
موسهله تره احسين انذبح جسمه ابوساده

بلسان وضمير .. بس انته الأمير
ونشوفك عزمنه .. نرفعلك علمنه

/////////////

يحسين احنه كدامك تشوف وكلها تطلع
وكبالك نطيح وتنظر شلون انتقطع
كلمة ياحسين اعله اليموت ابصوته تسمع
واعله امصايب الحره العيون اعليها تدمع

ونعلم الشمر .. لعيون الخدر
وبهايه فخرنه .. نرفعلك علمنه

///////////////

خادم الحسين
محمد الشريفي

نزله للعباس عليه السلام

**

غضب ثار نازل الكافل
اجه ايريد يشطر العايل

................

يتبختر امن الخيمه من جاهم
بجه الزلم اي والله خلاهم
شبه النسه بالخزره سواهم
وبكيفه وين ايريد وداهم

اخو احسين هذا بوفاضل
اجه يريد يشطر العايل

..................

جاب النهر من فزعته اسكينه
يقطع ركبته اليوصل احسينه
يشرد اذا واحد نظر عينه
هذا البطل بجفوفه يسقينه

فلا صوت هوه بس قائل
اجه يريد يشطر العايل

..............

بالمشرعه ابمهره ويه بتاره
خله الزلم بالشرده محتاره
وبغيرته اعليهم شعل ناره
نهر الفرات ابجفه من داره

للخيام النهر واصل
اجه ايريد يشطر العايل

..................

نازل عليهم بالركب يقطع
بشري يزينب وهيه من تسمع
ماريده منج ينزل المدمع
سيفي عليهم والله مايشفع

عله الجيش والعلم شايل
اجه ايريد يشطر العايل

...............

وين الي يكرب ياكفو منه
خل العساكر بيها اثر ونه
وينه اليوصل ولكمر عدنه
لسكينه قطع يسره وليمنه

فلاريد دمعج الهامل
اجه يريد يشطر العايل


/////////////

خادم الحسين
محمد الشريفي