مقدمة الليله الاولى
.
.
.
ترخصلك الروح ** يا اغــله مذبوح
يالغافي بعيوني جرح
كل هاي السنين
***
يالتارس ايــامي نــده .. مــن چانت الدنيا ضمه
من ملكتني مجلســك .. جني املكت نص السمه
معيشني سلطان بوكت .. متشــحط انتــه بالدمه
جثه وعطائك ماخلص .. مـن مثلك انطه خاتمه
عود انته مسلوب ** بس تنطي بسلوب
انته اكرم انسان انذبح
مولاي يحسين
***
يالبشمس وجه الشـمس .. منــــك اخــذ هذا الضوه
يالم يكـــن كفـــواً احـد .. بالذبـــح بس انــته وهوه
مستشهد وتنزف ضمه .. ومــن نحــرك الكون ارتوه
مجروح ماشايفلي قـط .. تتــصدق اجــروحه دوه
بصدرك عطر هيل ** ومن سحكته الخيل
اشتموه اهل سابع سمه
يبن الميامين
***
تدريني من ليل اهدعش .. مامر عليه اسم الصبح
عايش نحــر يگطــر دمـه .. معلگ على ذاك الرمح
جروحي اذا بردت احط .. فوگـاها يالغـــالي ملح
الذابحني تنطي بلايه حد .. كــل هذا وانته منذبح
جلت عطاياك ** يالراخص ادماك
مثلك يالمگطع وذر
مايحصل اثنين
***
اليوم اليـمرني ابلا دمع .. ماحـسبه والله من العمر
ايامي من غيــر الحزن .. ما الهـــا قيـمه چن صفر
صدرك وسيع الهالبشر .. بس وسفه بالطف منكسر
ميـــسر عــليه عيشــتي .. وبنــــاتك تـــروح بيسر
گـدامك ايصير ** كل عمري تقصير
مطلوب الك لو ابچي دم
وبرگبتي دين
***
عيشني طفك كل وكت .. ورزقني جمره امن الخيم
بطاري الطفل خليني اغص..كل ما يمر طاري السهم
موتــــني بـــس ياسيـدي .. موتنـي من گــــــد الالم
كل غايتـــي ياغـــــايتـي .. بلـكت تعدني من الخدم
البالطف يذوبون ** هـــمه الــيفوزون
يسموهم بجنة عدن
ذوله السلاطين
***
دليني عنك كل وكت .. يا اتــــرف واصــدق عشگ
وفقني كل ليله التــمر .. بيهـــا احـــس ليـــلة طبگ
حتى اواسي البالخيم .. لجلك يضامي امن احترگ
يالصدرك بطف كؤربله .. بـــذاك الظهر شابع سحگ
وبگـــد الايـــات ** بجسمك جراحات
بكمية اجروحك ابد
ماشافت العين
*
حيدر تركي الكربلائي
.
.
.
ترخصلك الروح ** يا اغــله مذبوح
يالغافي بعيوني جرح
كل هاي السنين
***
يالتارس ايــامي نــده .. مــن چانت الدنيا ضمه
من ملكتني مجلســك .. جني املكت نص السمه
معيشني سلطان بوكت .. متشــحط انتــه بالدمه
جثه وعطائك ماخلص .. مـن مثلك انطه خاتمه
عود انته مسلوب ** بس تنطي بسلوب
انته اكرم انسان انذبح
مولاي يحسين
***
يالبشمس وجه الشـمس .. منــــك اخــذ هذا الضوه
يالم يكـــن كفـــواً احـد .. بالذبـــح بس انــته وهوه
مستشهد وتنزف ضمه .. ومــن نحــرك الكون ارتوه
مجروح ماشايفلي قـط .. تتــصدق اجــروحه دوه
بصدرك عطر هيل ** ومن سحكته الخيل
اشتموه اهل سابع سمه
يبن الميامين
***
تدريني من ليل اهدعش .. مامر عليه اسم الصبح
عايش نحــر يگطــر دمـه .. معلگ على ذاك الرمح
جروحي اذا بردت احط .. فوگـاها يالغـــالي ملح
الذابحني تنطي بلايه حد .. كــل هذا وانته منذبح
جلت عطاياك ** يالراخص ادماك
مثلك يالمگطع وذر
مايحصل اثنين
***
اليوم اليـمرني ابلا دمع .. ماحـسبه والله من العمر
ايامي من غيــر الحزن .. ما الهـــا قيـمه چن صفر
صدرك وسيع الهالبشر .. بس وسفه بالطف منكسر
ميـــسر عــليه عيشــتي .. وبنــــاتك تـــروح بيسر
گـدامك ايصير ** كل عمري تقصير
مطلوب الك لو ابچي دم
وبرگبتي دين
***
عيشني طفك كل وكت .. ورزقني جمره امن الخيم
بطاري الطفل خليني اغص..كل ما يمر طاري السهم
موتــــني بـــس ياسيـدي .. موتنـي من گــــــد الالم
كل غايتـــي ياغـــــايتـي .. بلـكت تعدني من الخدم
البالطف يذوبون ** هـــمه الــيفوزون
يسموهم بجنة عدن
ذوله السلاطين
***
دليني عنك كل وكت .. يا اتــــرف واصــدق عشگ
وفقني كل ليله التــمر .. بيهـــا احـــس ليـــلة طبگ
حتى اواسي البالخيم .. لجلك يضامي امن احترگ
يالصدرك بطف كؤربله .. بـــذاك الظهر شابع سحگ
وبگـــد الايـــات ** بجسمك جراحات
بكمية اجروحك ابد
ماشافت العين
*
حيدر تركي الكربلائي
نزله هلالية 2023
هل محرم والحزن بهلاله
نـرفــع الرايــات لستقباله
........
هل محـرم بالحـزن واللـوعه
والامام المهدي تجري دموعه
عالسبية زينـب المفجـــــوعه
ودمعته بطول الزمن همّــــاله
.......
هل محرم والنبي يبچي ويون
ونشرت املاك السمه ثوب الحزن
ثوب ابواليمّه الذبيح الممتحِن
وفاطمه تبچي وتنوح اگباله
.......
هل محرم يحچي محنة كربله
يالله ياخــدام خل نستقبله
بالمجالس كل عشگنه انرتّله
بالمــــدامـع نبتــدي اعمـــاله
.......
نحيي ايام العزه ونلطم سوه
عالذبيح المات ضامي بنينوه
الماي يجري بالنهر بس ما روه
لا شرب هوّه ولا اطفاله
........
يالله خل نحيي شعائر كربلاء
نلطم عله حسين ونقيم العزاء
شهر عاشور انفرض شهر الولاء
نواسي بي طه الرسول وآله
........
للعـزَه نتهيّئ ونلبس سواد
والمجالس نقره بيها بكل بلاد
عدنه واجب نحيي امره وعتقاد
حسين قائدنه ونظل نقراله
سيد زيد الفحام
_____'___
هل محرم والحزن بهلاله
نـرفــع الرايــات لستقباله
........
هل محـرم بالحـزن واللـوعه
والامام المهدي تجري دموعه
عالسبية زينـب المفجـــــوعه
ودمعته بطول الزمن همّــــاله
.......
هل محرم والنبي يبچي ويون
ونشرت املاك السمه ثوب الحزن
ثوب ابواليمّه الذبيح الممتحِن
وفاطمه تبچي وتنوح اگباله
.......
هل محرم يحچي محنة كربله
يالله ياخــدام خل نستقبله
بالمجالس كل عشگنه انرتّله
بالمــــدامـع نبتــدي اعمـــاله
.......
نحيي ايام العزه ونلطم سوه
عالذبيح المات ضامي بنينوه
الماي يجري بالنهر بس ما روه
لا شرب هوّه ولا اطفاله
........
يالله خل نحيي شعائر كربلاء
نلطم عله حسين ونقيم العزاء
شهر عاشور انفرض شهر الولاء
نواسي بي طه الرسول وآله
........
للعـزَه نتهيّئ ونلبس سواد
والمجالس نقره بيها بكل بلاد
عدنه واجب نحيي امره وعتقاد
حسين قائدنه ونظل نقراله
سيد زيد الفحام
_____'___
Forwarded from الحان الرادود مصطفى الكربلائي
نزلة هلالية 2022
ياشهر الاحزان ارحم گلب مهدينه
............
يا شهر عاشور تدري جرحك يهد حيله
يبچي عالمذبوح جده كل نهاره وليله
عاشر ايامك يفجعه چم جرح يحچيله
للفرج وايام ثاره كل وكت ندعيله
يتنطّـر الثـار. ما تغفه تنزف عينه
ياشهر الاحزان ارحم گلب مهدينه
..........
الف وربعميت عام امن الحزن واللوعه
ياشهر عاشور خده منحفــر بـدمـوعــه
يبچي عالمكسور صدره موجّرات ضلوعه
والاشد جرح السبية عمّته المفجوعه
ماتنعد جروح. ما بينك وما بينه
ياشهر الاحزان ارحم گلب مهدينه
..........
هلالك اليحمل مآسي غربته وآلامه
وين ما يمشي يشاهد كربله گدامه
يذكر حسين ومصابه وشجَرَه بايتامه
للفرج يحسب ليالي وينتظر ايامه
خلصت يعاشور. دمعه ومناحه سنينه
ياشهر الاحـــزان ارحم گلب مهدينه
..........
من يهلّ هلال شهرك ينفجع بجروحه
تذوب مثل الشمعه ويلي بالمصايب روحه
المهدي يگضي الليل دمعه والنهار بنوحه
عالغريب حسين جده دمعته المسفوحه
نحسبله ايام. ننتظره يظهر لينه
ياشهر الاحزان ارحم گلب مهدينه
..........
اكبر واعظم مصيبه منها شيّب راسه
زينب وجمرة سبيها تسعر بانفاسه
الشام وجروح الشماته تجرح باحساسه
تنتظر ساعة ظهوره بالمدامع ناسه
من يظهر انشوف راية نصر بيمينه
ياشهـر الاحــزان ارحم گلب مهدينه
...........
راية العباس بيده يظهر لثاراته
ياخذ بثارات جده وتنتشر راياته
يذبح الذبحوا حسينه والسبوا عمّاته
صولة الكرار حيدر بالحرب صولاته
خدامه انصار. يوم الوعد يلگينه
ياشهر الاحزان ارحم گلب مهدينه
سيد زيد الفحام
_________
ياشهر الاحزان ارحم گلب مهدينه
............
يا شهر عاشور تدري جرحك يهد حيله
يبچي عالمذبوح جده كل نهاره وليله
عاشر ايامك يفجعه چم جرح يحچيله
للفرج وايام ثاره كل وكت ندعيله
يتنطّـر الثـار. ما تغفه تنزف عينه
ياشهر الاحزان ارحم گلب مهدينه
..........
الف وربعميت عام امن الحزن واللوعه
ياشهر عاشور خده منحفــر بـدمـوعــه
يبچي عالمكسور صدره موجّرات ضلوعه
والاشد جرح السبية عمّته المفجوعه
ماتنعد جروح. ما بينك وما بينه
ياشهر الاحزان ارحم گلب مهدينه
..........
هلالك اليحمل مآسي غربته وآلامه
وين ما يمشي يشاهد كربله گدامه
يذكر حسين ومصابه وشجَرَه بايتامه
للفرج يحسب ليالي وينتظر ايامه
خلصت يعاشور. دمعه ومناحه سنينه
ياشهر الاحـــزان ارحم گلب مهدينه
..........
من يهلّ هلال شهرك ينفجع بجروحه
تذوب مثل الشمعه ويلي بالمصايب روحه
المهدي يگضي الليل دمعه والنهار بنوحه
عالغريب حسين جده دمعته المسفوحه
نحسبله ايام. ننتظره يظهر لينه
ياشهر الاحزان ارحم گلب مهدينه
..........
اكبر واعظم مصيبه منها شيّب راسه
زينب وجمرة سبيها تسعر بانفاسه
الشام وجروح الشماته تجرح باحساسه
تنتظر ساعة ظهوره بالمدامع ناسه
من يظهر انشوف راية نصر بيمينه
ياشهـر الاحــزان ارحم گلب مهدينه
...........
راية العباس بيده يظهر لثاراته
ياخذ بثارات جده وتنتشر راياته
يذبح الذبحوا حسينه والسبوا عمّاته
صولة الكرار حيدر بالحرب صولاته
خدامه انصار. يوم الوعد يلگينه
ياشهر الاحزان ارحم گلب مهدينه
سيد زيد الفحام
_________
Forwarded from الحان الرادود مصطفى الكربلائي
#قصيدة_هلاليه
كل محرم بيدي أعلك رايه ..
وكلبي يخفك لو سمع بقرايه ..
هلال شهرك من يهل .. يشّيب بحزنه الطفل
وكلبي يخفك لو سمع بقرايه ..
............................
شما أدك زنجيل أحس روحي تذوب ..
وأنفض بكل دكه عن صدري الذنوب ..
وغير الاسود أبد مايحلالي ثوب ..
حسين شمس الله الفلا شافت غروب ..
كل سنه لعاشور يجدد حزن ..
لمٌن الرادوود يقره وياه أوٌن ..
دمع عيني ينهمل .. يشيب بحزنه الطفل
وكلبي يخفك لوسمع بقرايه ..
.................................
نسأل الله نعمة الخدمه تدوم ..
خدمة حسين وعلي تزيح الهموم ..
مثل ما رمضان واجب بي نصوم ..
صدورنه بشهر اللطم تجري دموم ..
كل محرم تنزل دموع الوفه ..
وجفني بالعاشر أبد لا ماغفه ..
من اللطم لا ما أمل .. يشيب بحزنه الطفل
وكلبي يخفك لو سمع بقرايه ..
................................
اليوم أفلاك السمه تعلن حداد ..
والكواكب والكمر لبسن سواد ..
هذا شهر حسين هل علينه عاد ..
حسين عَبره حسين عِبره للعباد ..
وزينب بحبل السبي مرهونه ..
والخدر عالكمر دار عيونه ..
والله ياناس الحبل .. يشيب بحزنه الطفل
وكلبي يخفك لو سمع بقرايه ..
........................
استقبلت شهر المآسي والعذاب ..
وعشت مأساة العقيله والرباب ..
وخدالحسين التعفر بالتراب ..
وأبو الغيره الوزٌع أجفوفه ثواب ..
والهواشم ظلت بلا والي ..
شما اشوفن نار تتراوالي ..
وسط كلبي تشتعل .. يشيب بحزنه الطفل
وكلبي يخفك لو سمع بقرايه ..
..........................
بهالشهر أحزاني و آهاتي تطول ..
لأن دامي ومنذبح روح الرسول ..
وجسمه عاري وتسحك بصدره الخيول ..
آه يحسين ومصابه أصرخ وأكول ..
والاصابع تسعه صارن بيده ..
وخنصره المكطوع ياهو يعيده ..
العشره ماظن تكتمل .. يشيب بحزنه الطفل
وكلبي يخفك لو سمع بقرايه ..
............................
اله مرفوع العزاء بهالشهر ..
وحاضر ويانه الامام المنتظر ..
عن مجالسنه ولا مره أعتذر ..
والمدامع حفرن على الخد نهر ..
نعيش وياه بمرارات المصاب ..
نكله أظهر سيدي كافي غياب ..
غيبتك ما تنحمل .. يشيب بحزنه الطفل
وكلبي يخفك لو سمع بقرايه ..
........................................
حيدر مطر العبادي
كل محرم بيدي أعلك رايه ..
وكلبي يخفك لو سمع بقرايه ..
هلال شهرك من يهل .. يشّيب بحزنه الطفل
وكلبي يخفك لو سمع بقرايه ..
............................
شما أدك زنجيل أحس روحي تذوب ..
وأنفض بكل دكه عن صدري الذنوب ..
وغير الاسود أبد مايحلالي ثوب ..
حسين شمس الله الفلا شافت غروب ..
كل سنه لعاشور يجدد حزن ..
لمٌن الرادوود يقره وياه أوٌن ..
دمع عيني ينهمل .. يشيب بحزنه الطفل
وكلبي يخفك لوسمع بقرايه ..
.................................
نسأل الله نعمة الخدمه تدوم ..
خدمة حسين وعلي تزيح الهموم ..
مثل ما رمضان واجب بي نصوم ..
صدورنه بشهر اللطم تجري دموم ..
كل محرم تنزل دموع الوفه ..
وجفني بالعاشر أبد لا ماغفه ..
من اللطم لا ما أمل .. يشيب بحزنه الطفل
وكلبي يخفك لو سمع بقرايه ..
................................
اليوم أفلاك السمه تعلن حداد ..
والكواكب والكمر لبسن سواد ..
هذا شهر حسين هل علينه عاد ..
حسين عَبره حسين عِبره للعباد ..
وزينب بحبل السبي مرهونه ..
والخدر عالكمر دار عيونه ..
والله ياناس الحبل .. يشيب بحزنه الطفل
وكلبي يخفك لو سمع بقرايه ..
........................
استقبلت شهر المآسي والعذاب ..
وعشت مأساة العقيله والرباب ..
وخدالحسين التعفر بالتراب ..
وأبو الغيره الوزٌع أجفوفه ثواب ..
والهواشم ظلت بلا والي ..
شما اشوفن نار تتراوالي ..
وسط كلبي تشتعل .. يشيب بحزنه الطفل
وكلبي يخفك لو سمع بقرايه ..
..........................
بهالشهر أحزاني و آهاتي تطول ..
لأن دامي ومنذبح روح الرسول ..
وجسمه عاري وتسحك بصدره الخيول ..
آه يحسين ومصابه أصرخ وأكول ..
والاصابع تسعه صارن بيده ..
وخنصره المكطوع ياهو يعيده ..
العشره ماظن تكتمل .. يشيب بحزنه الطفل
وكلبي يخفك لو سمع بقرايه ..
............................
اله مرفوع العزاء بهالشهر ..
وحاضر ويانه الامام المنتظر ..
عن مجالسنه ولا مره أعتذر ..
والمدامع حفرن على الخد نهر ..
نعيش وياه بمرارات المصاب ..
نكله أظهر سيدي كافي غياب ..
غيبتك ما تنحمل .. يشيب بحزنه الطفل
وكلبي يخفك لو سمع بقرايه ..
........................................
حيدر مطر العبادي
Forwarded from الحان الرادود مصطفى الكربلائي
#هلاليه
هلال احمر عمه اشوفن بالسمه
ولونه مو كالعاده جن لون الدمه
شنهو راح يصير عمه
اهلالنه املطخ ابدمه
هالسنه
-------------------------------------------
سؤال اشگد صعب هذه وحيرني تره اجوابه
شجاوبهه وهو المگصود ابوهه وذبحه وصوابه
شگللهه ابوج ايموت ابدمه يصبح اخضابه
شگللهه الحجي مجمور الغالي يفارگ احبابه
ابصدري غصه ولحجي بريجي عثر
منين ماريد ابدي خانگني النحر
ولهوه يصعب اشمه
اهلانه املطخ ابدمه
هالسنه
-------------------------------------------
شگلهه ولحجي مذبوح وحاذر بالكلام اهواي
اگلهه عمج العباس اجفوفه اطيح يم الماي
اگلهه الذبحه من مگفاه ابوج وحيل توجع هاي
حرت ولحيره كتلتني سؤال الطفله شل اعضاي
حرت من ياصوب احجي الفاجعه
وهيه طفله وماجزت عمر اربعه
اگبالهه حزني المه
اهلالنه املطخ ابدمه
هالسنه
---------------------------------------------------
شسولف وبدي من ياصوب طفله اتريد مني اجواب
اگلهه بعد جف حسين تالي ايصطرج السلاب
اگلهه التراس اعيونج دمه يختلط بتراب
تالي اترافجين الروس على ارماح ومشي ويه اغراب
حيره بيه وتقره طف ابصفنتي
وگمت اكابر يمهه وكتم ونتي
وگلبي متگبع ابهمه
اهلالنه املطخ ابدمه
هالسنه
------------------------------------------------
إهلال الكدر مرنه وطفله سألت اعله اللون
اگلهه من يروح حسين يرجع فارغ الميمون
اگلهه ايطيح بين الخيل اسكت ماعرفت اشلون
فاض الحزن من وجهي ومن عيني هملت اعيون
الدمعه تفضح شكو سر ضمه الكلب
وسري صدر حسين ميدان الحرب
شمس تاخذ منه رسمه
اهلالنه املطخ ابدمه
هالسنه
----------------------------------------------------
گلتلهه يضي الشوف قصه وصعب محجاهه
بيهه تنسبي نسوان وطبول السبي اوياهه
وبيهه كافل الاخته يمشي وتفگد احماهه
وجثث تتناثر اعله الگاع تبقى املطخه بدماهه
تالي هاي القصه ياعمه صعب
من اميرات اعله هزل وي غرب
اهناك تتفسر الجلمه
اهلالنه املطخ ابدمه
هالسنه
--------------------------------------------
علي سليم الحسناوي
هلال احمر عمه اشوفن بالسمه
ولونه مو كالعاده جن لون الدمه
شنهو راح يصير عمه
اهلالنه املطخ ابدمه
هالسنه
-------------------------------------------
سؤال اشگد صعب هذه وحيرني تره اجوابه
شجاوبهه وهو المگصود ابوهه وذبحه وصوابه
شگللهه ابوج ايموت ابدمه يصبح اخضابه
شگللهه الحجي مجمور الغالي يفارگ احبابه
ابصدري غصه ولحجي بريجي عثر
منين ماريد ابدي خانگني النحر
ولهوه يصعب اشمه
اهلانه املطخ ابدمه
هالسنه
-------------------------------------------
شگلهه ولحجي مذبوح وحاذر بالكلام اهواي
اگلهه عمج العباس اجفوفه اطيح يم الماي
اگلهه الذبحه من مگفاه ابوج وحيل توجع هاي
حرت ولحيره كتلتني سؤال الطفله شل اعضاي
حرت من ياصوب احجي الفاجعه
وهيه طفله وماجزت عمر اربعه
اگبالهه حزني المه
اهلالنه املطخ ابدمه
هالسنه
---------------------------------------------------
شسولف وبدي من ياصوب طفله اتريد مني اجواب
اگلهه بعد جف حسين تالي ايصطرج السلاب
اگلهه التراس اعيونج دمه يختلط بتراب
تالي اترافجين الروس على ارماح ومشي ويه اغراب
حيره بيه وتقره طف ابصفنتي
وگمت اكابر يمهه وكتم ونتي
وگلبي متگبع ابهمه
اهلالنه املطخ ابدمه
هالسنه
------------------------------------------------
إهلال الكدر مرنه وطفله سألت اعله اللون
اگلهه من يروح حسين يرجع فارغ الميمون
اگلهه ايطيح بين الخيل اسكت ماعرفت اشلون
فاض الحزن من وجهي ومن عيني هملت اعيون
الدمعه تفضح شكو سر ضمه الكلب
وسري صدر حسين ميدان الحرب
شمس تاخذ منه رسمه
اهلالنه املطخ ابدمه
هالسنه
----------------------------------------------------
گلتلهه يضي الشوف قصه وصعب محجاهه
بيهه تنسبي نسوان وطبول السبي اوياهه
وبيهه كافل الاخته يمشي وتفگد احماهه
وجثث تتناثر اعله الگاع تبقى املطخه بدماهه
تالي هاي القصه ياعمه صعب
من اميرات اعله هزل وي غرب
اهناك تتفسر الجلمه
اهلالنه املطخ ابدمه
هالسنه
--------------------------------------------
علي سليم الحسناوي
Forwarded from الحان الرادود مصطفى الكربلائي
#هلاليه
كلها يحسين بمحرم شدت احزام
نحسب احساب الخدمتك كمنه كل عام
******
احنه حبيناك مو لجل غايه
وسيدي للموت احنه وفايه
كل سنه بعاشور نرفع الرايه
نلطم ولجلك ننصب اقرايه
هاي الايام وغلاتك اجمل ايام
كلها يحسين بمحرم شدت احزام
*
خادمك يحسين دوم تدعيله
ومن يميل الكون جفك ايشيله
المهدي ويانه الليله شد حيله
وصاح ابو الموكب جيبو زنجيله
وصار رادود القصيده الليله جسام
كلها يحسين بمحرم شدت احزام
****
سيدي تعبك هوه راحتنه
كون تتقبل منه خدمتنه
كل سنه بسمك تعله صيحتنه
والمجالس هاي هيه ربتنه
اليوم جم عابس صحت بمحبتك هام
كلها يحسين بمحرم شدت احزام
**
اشما تمر اسنين احنه نبقه وياك
صحنه لو للموت والله ما ننساك
يا عمود الدين بدمنه بايعناك
انته مبدئنه وخاسر العاداك
بيك حكه خادمك من يرفع الهام
كلها يحسين بخدمتك شدت احزام
*
حلوه خدمتنه ونفتخر بيها
وتتعب الرجلين ما نخليها
لجلك الارواح احنه نفديها
والمئاتم هاي دوم نحييها
وتدري يحسين اليحب ما يكدر اينام
كلها يحسين بمحرم شدت احزام
*
هالسنه يحسين كلها متحضره
هذا الي ايعزيك وذاك الك يقره
مجلسك مولاي ينحسب ثوره
ورحبت بالناس فاطمه الزهره
احنه خدام ونظل للموت خدام
كلها يحسين بمحرم شدت احزام
*
تمت
تحسين الخفاجي
كلها يحسين بمحرم شدت احزام
نحسب احساب الخدمتك كمنه كل عام
******
احنه حبيناك مو لجل غايه
وسيدي للموت احنه وفايه
كل سنه بعاشور نرفع الرايه
نلطم ولجلك ننصب اقرايه
هاي الايام وغلاتك اجمل ايام
كلها يحسين بمحرم شدت احزام
*
خادمك يحسين دوم تدعيله
ومن يميل الكون جفك ايشيله
المهدي ويانه الليله شد حيله
وصاح ابو الموكب جيبو زنجيله
وصار رادود القصيده الليله جسام
كلها يحسين بمحرم شدت احزام
****
سيدي تعبك هوه راحتنه
كون تتقبل منه خدمتنه
كل سنه بسمك تعله صيحتنه
والمجالس هاي هيه ربتنه
اليوم جم عابس صحت بمحبتك هام
كلها يحسين بمحرم شدت احزام
**
اشما تمر اسنين احنه نبقه وياك
صحنه لو للموت والله ما ننساك
يا عمود الدين بدمنه بايعناك
انته مبدئنه وخاسر العاداك
بيك حكه خادمك من يرفع الهام
كلها يحسين بخدمتك شدت احزام
*
حلوه خدمتنه ونفتخر بيها
وتتعب الرجلين ما نخليها
لجلك الارواح احنه نفديها
والمئاتم هاي دوم نحييها
وتدري يحسين اليحب ما يكدر اينام
كلها يحسين بمحرم شدت احزام
*
هالسنه يحسين كلها متحضره
هذا الي ايعزيك وذاك الك يقره
مجلسك مولاي ينحسب ثوره
ورحبت بالناس فاطمه الزهره
احنه خدام ونظل للموت خدام
كلها يحسين بمحرم شدت احزام
*
تمت
تحسين الخفاجي
Forwarded from الحان الرادود مصطفى الكربلائي
مقدمة الليله الاولى
.
.
.
ترخصلك الروح ** يا اغــله مذبوح
يالغافي بعيوني جرح
كل هاي السنين
***
يالتارس ايــامي نــده .. مــن چانت الدنيا ضمه
من ملكتني مجلســك .. جني املكت نص السمه
معيشني سلطان بوكت .. متشــحط انتــه بالدمه
جثه وعطائك ماخلص .. مـن مثلك انطه خاتمه
عود انته مسلوب ** بس تنطي بسلوب
انته اكرم انسان انذبح
مولاي يحسين
***
يالبشمس وجه الشـمس .. منــــك اخــذ هذا الضوه
يالم يكـــن كفـــواً احـد .. بالذبـــح بس انــته وهوه
مستشهد وتنزف ضمه .. ومــن نحــرك الكون ارتوه
مجروح ماشايفلي قـط .. تتــصدق اجــروحه دوه
بصدرك عطر هيل ** ومن سحكته الخيل
اشتموه اهل سابع سمه
يبن الميامين
***
تدريني من ليل اهدعش .. مامر عليه اسم الصبح
عايش نحــر يگطــر دمـه .. معلگ على ذاك الرمح
جروحي اذا بردت احط .. فوگـاها يالغـــالي ملح
الذابحني تنطي بلايه حد .. كــل هذا وانته منذبح
جلت عطاياك ** يالراخص ادماك
مثلك يالمگطع وذر
مايحصل اثنين
***
اليوم اليـمرني ابلا دمع .. ماحـسبه والله من العمر
ايامي من غيــر الحزن .. ما الهـــا قيـمه چن صفر
صدرك وسيع الهالبشر .. بس وسفه بالطف منكسر
ميـــسر عــليه عيشــتي .. وبنــــاتك تـــروح بيسر
گـدامك ايصير ** كل عمري تقصير
مطلوب الك لو ابچي دم
وبرگبتي دين
***
عيشني طفك كل وكت .. ورزقني جمره امن الخيم
بطاري الطفل خليني اغص..كل ما يمر طاري السهم
موتــــني بـــس ياسيـدي .. موتنـي من گــــــد الالم
كل غايتـــي ياغـــــايتـي .. بلـكت تعدني من الخدم
البالطف يذوبون ** هـــمه الــيفوزون
يسموهم بجنة عدن
ذوله السلاطين
***
دليني عنك كل وكت .. يا اتــــرف واصــدق عشگ
وفقني كل ليله التــمر .. بيهـــا احـــس ليـــلة طبگ
حتى اواسي البالخيم .. لجلك يضامي امن احترگ
يالصدرك بطف كؤربله .. بـــذاك الظهر شابع سحگ
وبگـــد الايـــات ** بجسمك جراحات
بكمية اجروحك ابد
ماشافت العين
*
حيدر تركي الكربلائي
.
.
.
ترخصلك الروح ** يا اغــله مذبوح
يالغافي بعيوني جرح
كل هاي السنين
***
يالتارس ايــامي نــده .. مــن چانت الدنيا ضمه
من ملكتني مجلســك .. جني املكت نص السمه
معيشني سلطان بوكت .. متشــحط انتــه بالدمه
جثه وعطائك ماخلص .. مـن مثلك انطه خاتمه
عود انته مسلوب ** بس تنطي بسلوب
انته اكرم انسان انذبح
مولاي يحسين
***
يالبشمس وجه الشـمس .. منــــك اخــذ هذا الضوه
يالم يكـــن كفـــواً احـد .. بالذبـــح بس انــته وهوه
مستشهد وتنزف ضمه .. ومــن نحــرك الكون ارتوه
مجروح ماشايفلي قـط .. تتــصدق اجــروحه دوه
بصدرك عطر هيل ** ومن سحكته الخيل
اشتموه اهل سابع سمه
يبن الميامين
***
تدريني من ليل اهدعش .. مامر عليه اسم الصبح
عايش نحــر يگطــر دمـه .. معلگ على ذاك الرمح
جروحي اذا بردت احط .. فوگـاها يالغـــالي ملح
الذابحني تنطي بلايه حد .. كــل هذا وانته منذبح
جلت عطاياك ** يالراخص ادماك
مثلك يالمگطع وذر
مايحصل اثنين
***
اليوم اليـمرني ابلا دمع .. ماحـسبه والله من العمر
ايامي من غيــر الحزن .. ما الهـــا قيـمه چن صفر
صدرك وسيع الهالبشر .. بس وسفه بالطف منكسر
ميـــسر عــليه عيشــتي .. وبنــــاتك تـــروح بيسر
گـدامك ايصير ** كل عمري تقصير
مطلوب الك لو ابچي دم
وبرگبتي دين
***
عيشني طفك كل وكت .. ورزقني جمره امن الخيم
بطاري الطفل خليني اغص..كل ما يمر طاري السهم
موتــــني بـــس ياسيـدي .. موتنـي من گــــــد الالم
كل غايتـــي ياغـــــايتـي .. بلـكت تعدني من الخدم
البالطف يذوبون ** هـــمه الــيفوزون
يسموهم بجنة عدن
ذوله السلاطين
***
دليني عنك كل وكت .. يا اتــــرف واصــدق عشگ
وفقني كل ليله التــمر .. بيهـــا احـــس ليـــلة طبگ
حتى اواسي البالخيم .. لجلك يضامي امن احترگ
يالصدرك بطف كؤربله .. بـــذاك الظهر شابع سحگ
وبگـــد الايـــات ** بجسمك جراحات
بكمية اجروحك ابد
ماشافت العين
*
حيدر تركي الكربلائي
Forwarded from الحان الرادود مصطفى الكربلائي (Ml. Mustafa)
للخدمه
..
اباب الحسينيه شكر
صلي ركعتين
عاشور اجه وعندك عمر
بي تخدم حسين
واليحضر بمأتمه
تباوع عليه فاطمه
...
من بين هلال الحزن
كل گلب بضلوعه سجد
الما يفتهم معنه العشگ
ما ينتظر جيته ابد
مرك محرم قل هو
ليس له كفواً احد
ثلاثين يوم اعله البچي
ما يكفن وردنه بعد
جم ميت اتمنه يجي من بين الگبور
يحضر مجالس تعزيه ايام عاشور
مجلس بسابع سمه
تباوع عليه فاطمه
...
خسران عمره الما حضر
لو ساعه وحده بمجلسه
يا ناس ناسيله فرض
كلمن لعاشوره نسه
مو هوه بمجلس فاطمه
هذا الهوه النتنفسه
هذا الرماد البالخيم
بصدورنه نتحسسه
لو گلت وين اول عزه صاير بالايام
بأول عزه زينب بدت ما بين الخيام
من حرگو امخيمه
تباوع عليه فاطمه
...
لو ساوموني اعله البچي
بثْواب حج ما بدله
مجلس عزاي اعله النحر
يسوه الفرض والنافله
شهر المحرم خط فتح
بين العيون وكربله
تنزل ذنوبي من المتن
ويه الدموع الهامله
لو سامح الله بالحشر امشي لجهنم
ما تشفع هناك الصلا لو ما محرم
ما يخسر اليخدمه
تباوع عليه فاطمه
...
يمبيض وجوه الخدم من اهل النوايا الصافيه
بكلوبنه جمرة عشك مثل الخيم ما طافيه
يالاربعينك من يجي ايلبسنه ثوب العافيه
من النجف ولكربله تمشي خدامك حافيه
يالكربلائك مو ارض تنعد سماوات
حته اعله عرش الله الك مرفوعه رايات
زايرك ما اعظمه
تباوع عليه فاطمه
...
آيا شهر وبعاشرك
شمس الله طاحت عالثره
خامس امام من اثنعش
واثنعش طبره بمنحره
زينب تقبله اعله النحر
وضلوعه كلها مكسره
من لزمت ايده ما لگت
بين الاصابع خنصره
شيّكفي نلطم عالصدر شتكفي الدموع
وحسين نايم عالترب مكسور الضلوع
وجروحه تنزف ضمه
تباوع عليه فاطمه
...
خادم الحسين ( عليه السلام)
كرار حسين الكربلائي
( ابو كميل)
..
اباب الحسينيه شكر
صلي ركعتين
عاشور اجه وعندك عمر
بي تخدم حسين
واليحضر بمأتمه
تباوع عليه فاطمه
...
من بين هلال الحزن
كل گلب بضلوعه سجد
الما يفتهم معنه العشگ
ما ينتظر جيته ابد
مرك محرم قل هو
ليس له كفواً احد
ثلاثين يوم اعله البچي
ما يكفن وردنه بعد
جم ميت اتمنه يجي من بين الگبور
يحضر مجالس تعزيه ايام عاشور
مجلس بسابع سمه
تباوع عليه فاطمه
...
خسران عمره الما حضر
لو ساعه وحده بمجلسه
يا ناس ناسيله فرض
كلمن لعاشوره نسه
مو هوه بمجلس فاطمه
هذا الهوه النتنفسه
هذا الرماد البالخيم
بصدورنه نتحسسه
لو گلت وين اول عزه صاير بالايام
بأول عزه زينب بدت ما بين الخيام
من حرگو امخيمه
تباوع عليه فاطمه
...
لو ساوموني اعله البچي
بثْواب حج ما بدله
مجلس عزاي اعله النحر
يسوه الفرض والنافله
شهر المحرم خط فتح
بين العيون وكربله
تنزل ذنوبي من المتن
ويه الدموع الهامله
لو سامح الله بالحشر امشي لجهنم
ما تشفع هناك الصلا لو ما محرم
ما يخسر اليخدمه
تباوع عليه فاطمه
...
يمبيض وجوه الخدم من اهل النوايا الصافيه
بكلوبنه جمرة عشك مثل الخيم ما طافيه
يالاربعينك من يجي ايلبسنه ثوب العافيه
من النجف ولكربله تمشي خدامك حافيه
يالكربلائك مو ارض تنعد سماوات
حته اعله عرش الله الك مرفوعه رايات
زايرك ما اعظمه
تباوع عليه فاطمه
...
آيا شهر وبعاشرك
شمس الله طاحت عالثره
خامس امام من اثنعش
واثنعش طبره بمنحره
زينب تقبله اعله النحر
وضلوعه كلها مكسره
من لزمت ايده ما لگت
بين الاصابع خنصره
شيّكفي نلطم عالصدر شتكفي الدموع
وحسين نايم عالترب مكسور الضلوع
وجروحه تنزف ضمه
تباوع عليه فاطمه
...
خادم الحسين ( عليه السلام)
كرار حسين الكربلائي
( ابو كميل)
Forwarded from الحان الرادود مصطفى الكربلائي (Ml. Mustafa)
ميمر // لاستقبال شهر محرم الحرام
وگفة زلم ياخدام شدو العزم للخدمه
.........
اگبل محرم ياخَدَم شدو الحيل
شهر الذبيح الداست بصدره الخيل
ميهمنه بالمايقبل وقال وقيل
عدنا المهم بس حسين امره عله كلشي انقدمه
........
وگفتكم تسر الگلب ياخدام
ماظل بعد شي عن محرم ايام
خل نثبت احنه عله العهد هذا العام
ونكسر خشم كلمن گال. ماكو بمحرّم خدمه
.........
ذِلّه المنع هيهات منا الذِلّه
نخدم ابوالسجاد حاشه انخذله
خل يسمع المايقبل احنه انگلّه
ما نترك حسين انموت لآخر نفس نلتزمه
.........
ندرك مخاطر هالوباء ونفهم
لكن عزاء، حسين اغله واعظم
فدوه العمر لحسين خل نتألّم
هاي المجالس ياناس ما بيها بس الرحمه
..........
كل المجالس للعَزَه هيّئوها
خدام ابوالسجاد لتعوفوها
من هسه اعلام الحزن نشروها
ليّهمكم القال وقيل كل الحچي نفتهمه
..........
اهل الشماته بهالوضع فرحانين
غايتهم بمنع العزه نعوف حسين
هيهات عدنه عقول ونفكّر زين
نعرف نوايا العذّال والباطل احنه نهزمه
.........
يالله استعدّو للطم والعزيات
وعله المجالس نشرو سود الرايات
اول محرم تبدي كل الهيّئات
نعمه المجالس والله لنفرّط بهالنعمه
سيد زيد الفحام
2020
________________________
وگفة زلم ياخدام شدو العزم للخدمه
.........
اگبل محرم ياخَدَم شدو الحيل
شهر الذبيح الداست بصدره الخيل
ميهمنه بالمايقبل وقال وقيل
عدنا المهم بس حسين امره عله كلشي انقدمه
........
وگفتكم تسر الگلب ياخدام
ماظل بعد شي عن محرم ايام
خل نثبت احنه عله العهد هذا العام
ونكسر خشم كلمن گال. ماكو بمحرّم خدمه
.........
ذِلّه المنع هيهات منا الذِلّه
نخدم ابوالسجاد حاشه انخذله
خل يسمع المايقبل احنه انگلّه
ما نترك حسين انموت لآخر نفس نلتزمه
.........
ندرك مخاطر هالوباء ونفهم
لكن عزاء، حسين اغله واعظم
فدوه العمر لحسين خل نتألّم
هاي المجالس ياناس ما بيها بس الرحمه
..........
كل المجالس للعَزَه هيّئوها
خدام ابوالسجاد لتعوفوها
من هسه اعلام الحزن نشروها
ليّهمكم القال وقيل كل الحچي نفتهمه
..........
اهل الشماته بهالوضع فرحانين
غايتهم بمنع العزه نعوف حسين
هيهات عدنه عقول ونفكّر زين
نعرف نوايا العذّال والباطل احنه نهزمه
.........
يالله استعدّو للطم والعزيات
وعله المجالس نشرو سود الرايات
اول محرم تبدي كل الهيّئات
نعمه المجالس والله لنفرّط بهالنعمه
سيد زيد الفحام
2020
________________________
جزء من القصة – فائزي
الوادم يبويه بكربله جـــــارت علينه
و بدر الهواشم ياعلي ما يدري بينه
* * *
من يـــــــوم قرر السبط للكـوفه ممشاه
أقريت بعيونه الحچــــــي رايدني وياه
و عباس واگف كالأسد ويرفرف إلواه
حسيت بي كل الخطر هذا مشينه
* * *
ودعت بدمـــــــوع الحزن طفله عليله
و محمد أخـــــــوي الذي مامش مثيله
و أم البنين الطاهـــــره الطيبه الجليله
ودعت أهلي و ديرتي و عيني حزينه
* * *
يا علـــــي بالهيبه طلعت و تسير الضعون
و الأخوه تمشي بفد گلب و الرچبي يربون
الهــــم دعيت إبهلسفــــــر بلچن يسلمــون
يا ذخر حماي الحمه و أمي الحنينه
* * *
يبــــاري عباس الضعن و يسگينه بالماي
أم البنين الربته و عليك وفـــــــــــــــــاي
ما عافني طول الدرب يمشي عله ممشاي
يگول إختنه مخدره بخدمتهه جينه
* * *
بهذا السفر يا با الحسن و صلتنه أخبار
مسلم و هانــــي أجسادهم بالكوفه تندار
لم أهل بيته ابن النبي و بيّن اللــي صار
مسلم يجرونه بحبل ما باع دينه
* * *
يا خوتي الكوفه اغدرت و هذا البرهان
يردون و الله چتلتــــي و سبية النسوان
خلـــــي يفارگنه بوكت طالب السلطان
و اللي يريد الآخره يلتحق بينه
* * *
و تفرقت عنه الزلــــــــم ايسار و يمين
بس ظلـــو أهل الآخـره واحد و سبعين
گالـوله يـــــرخص دمنه لجلك يلحسين
وياك أحنه للأبد بيدك حچينه
* * *
حاصــــرت أعدانه الرچب و بگلبي همه
و الطفل يبچــي و للحرم مـا رعو حرمه
لا ماي يحصل للطفـــــل و أنشدهت أمـه
يا ويلي شيسكت الطفل زايد ونينه
* * *
و لمن بدوهه المعــــــركه عانيت الأهـوال
شفت الأصحـــاب تساگطت خابت الآمــال
عابس و جـون و عوسجه وي كل الأبطال
كل نشمي جاد إبمهجته ينصر إحسينه
* * *
يا بــــــويه و الأكبــــــر شفت جسمه توذر
و جســــــــام شبل المجتبه بالطــــف تطبر
و عباس حمــــــــــاي الضعن شبلك يحيدر
واگع بصوب المشرعه و گطعو يمينه
* * *
و عــــــاينت لحسين إنحنه ظهره و تجسم
أبن أمـــــــــي ظل إلوحــده و عدوانه تلتم
لا رمه ذلـــــه و لا ضعف بس ريت يسلم
تشبه أفعاله بالوغه صولة علينه
* * *
سهم المثلث عاينت مــــــــن چبدته صاب
نصين جاســـــــــم چبدته و إلمهجته عاب
لا من هله واحد بگــه و لا من الأصحاب
يا ريت ما شفت الشمر يذبح ولينه
* * *
نيران شبــو عالخيم صاحـــــو الفرهود
و چـــم طفل شارد بالعـره تايه و مفگود
لا واحــــد يباري الحـــــرم لا عنه يذود
بسياط ضربونه العده و مسلبينه
* * *
للشــــــــام مسبيه رحـت و الجفن مــا نام
عالهزل أركب يا علــــــي من غدر الأيام
مـــن عگب حمــــــال اللوه تبارينه ظلام
تنخه بولينه يا علي ظلت اسكينه
* * *
بالشام أعياد وفـــــــرح و تدگ الطبـــول
طبو خــــــــــوارج للبلد هاتفهم يگـــــول
ما درو راس أبن النبــي عالرمح محمول
كلهه شماته أهل الجهل من تصد لينه
* * *
ما بين لوعـــــــــات و ألم جابـــونه ليزيد
و راس الحسين إبطشت و الحـــــرم متهيد
متشمت بچتــــل الولـــــــي و إلجملته يعيد
هاليوم إيعادل بدر بيه تشفينه
* * *
علاء العبودي
5/5/2008
الوادم يبويه بكربله جـــــارت علينه
و بدر الهواشم ياعلي ما يدري بينه
* * *
من يـــــــوم قرر السبط للكـوفه ممشاه
أقريت بعيونه الحچــــــي رايدني وياه
و عباس واگف كالأسد ويرفرف إلواه
حسيت بي كل الخطر هذا مشينه
* * *
ودعت بدمـــــــوع الحزن طفله عليله
و محمد أخـــــــوي الذي مامش مثيله
و أم البنين الطاهـــــره الطيبه الجليله
ودعت أهلي و ديرتي و عيني حزينه
* * *
يا علـــــي بالهيبه طلعت و تسير الضعون
و الأخوه تمشي بفد گلب و الرچبي يربون
الهــــم دعيت إبهلسفــــــر بلچن يسلمــون
يا ذخر حماي الحمه و أمي الحنينه
* * *
يبــــاري عباس الضعن و يسگينه بالماي
أم البنين الربته و عليك وفـــــــــــــــــاي
ما عافني طول الدرب يمشي عله ممشاي
يگول إختنه مخدره بخدمتهه جينه
* * *
بهذا السفر يا با الحسن و صلتنه أخبار
مسلم و هانــــي أجسادهم بالكوفه تندار
لم أهل بيته ابن النبي و بيّن اللــي صار
مسلم يجرونه بحبل ما باع دينه
* * *
يا خوتي الكوفه اغدرت و هذا البرهان
يردون و الله چتلتــــي و سبية النسوان
خلـــــي يفارگنه بوكت طالب السلطان
و اللي يريد الآخره يلتحق بينه
* * *
و تفرقت عنه الزلــــــــم ايسار و يمين
بس ظلـــو أهل الآخـره واحد و سبعين
گالـوله يـــــرخص دمنه لجلك يلحسين
وياك أحنه للأبد بيدك حچينه
* * *
حاصــــرت أعدانه الرچب و بگلبي همه
و الطفل يبچــي و للحرم مـا رعو حرمه
لا ماي يحصل للطفـــــل و أنشدهت أمـه
يا ويلي شيسكت الطفل زايد ونينه
* * *
و لمن بدوهه المعــــــركه عانيت الأهـوال
شفت الأصحـــاب تساگطت خابت الآمــال
عابس و جـون و عوسجه وي كل الأبطال
كل نشمي جاد إبمهجته ينصر إحسينه
* * *
يا بــــــويه و الأكبــــــر شفت جسمه توذر
و جســــــــام شبل المجتبه بالطــــف تطبر
و عباس حمــــــــــاي الضعن شبلك يحيدر
واگع بصوب المشرعه و گطعو يمينه
* * *
و عــــــاينت لحسين إنحنه ظهره و تجسم
أبن أمـــــــــي ظل إلوحــده و عدوانه تلتم
لا رمه ذلـــــه و لا ضعف بس ريت يسلم
تشبه أفعاله بالوغه صولة علينه
* * *
سهم المثلث عاينت مــــــــن چبدته صاب
نصين جاســـــــــم چبدته و إلمهجته عاب
لا من هله واحد بگــه و لا من الأصحاب
يا ريت ما شفت الشمر يذبح ولينه
* * *
نيران شبــو عالخيم صاحـــــو الفرهود
و چـــم طفل شارد بالعـره تايه و مفگود
لا واحــــد يباري الحـــــرم لا عنه يذود
بسياط ضربونه العده و مسلبينه
* * *
للشــــــــام مسبيه رحـت و الجفن مــا نام
عالهزل أركب يا علــــــي من غدر الأيام
مـــن عگب حمــــــال اللوه تبارينه ظلام
تنخه بولينه يا علي ظلت اسكينه
* * *
بالشام أعياد وفـــــــرح و تدگ الطبـــول
طبو خــــــــــوارج للبلد هاتفهم يگـــــول
ما درو راس أبن النبــي عالرمح محمول
كلهه شماته أهل الجهل من تصد لينه
* * *
ما بين لوعـــــــــات و ألم جابـــونه ليزيد
و راس الحسين إبطشت و الحـــــرم متهيد
متشمت بچتــــل الولـــــــي و إلجملته يعيد
هاليوم إيعادل بدر بيه تشفينه
* * *
علاء العبودي
5/5/2008