شوط كربلائي مسلم المطيري

علي للزهره من يشتاگ
مجلس يحي وي قمبر

كلمات الشاعر
محمود محمد العطواني

ميمر


باب البخت ـ وسفه اطبَگت
عالزهره من ـ بيها احتمت

سايل شكد عالزهراء ـ بالعتبه حيدر دَمعه

ـ
باب الفقير الدومه يطرق بيها
نار وحطب جاب اللعين اعليها
فاطم وآن هالكلمة ضل يحجيها

جاب الحطب ـ تبو وتب
نفس الصنف ـ وي بو لهب

وعلِيهم شكد غضبان ـ اليرضه لرضات البضعه

ـ
الجابو حطب همه الحطب لجنهم
وشتمو الكالت خلو عن ابن العم
بعروگهم تمشي النذاله اويه الدم

بهاي الربع ـ شحه السبع
نحسبهم ـ وكسر بجمع

القله القليله الاصحاب ـ الدفنوا الزهره التسعه

ـ
ارد اعرف المنعول شنهي احساسه
لو باب خيبر هذا جا ضم راسه
لو ما وصية طـه جا ما جاسه

وصه النبي ـ يا صاحبي
تحمل افعال ـ الناصبي

وباجر حفيدك بالنار ـ جم جلد منه يشلعه

ـ
وين العشاير يله خل نفرضها
واعلى الفراضه المشكله نعرضها
دوسة بيوت الساده شني يفضها

يهل العَگل ـ يهل العِگل
ما اضن للطلابه ـ فصل

باجر المهدي الموعود ـ يفرض واحنه انسمعه

ـ
يرثا لها يا حال فارس عدنان
باب اليقهره وهوه داحي البيبان
بمكفاه يبين كام طبع الذرعان

يهمل دمع ـ ينعى الضلع
بالزهره حيدر ـ منفجع

امن يشوف بابه الكرار ـ تطبگ عليه السبعه

ـ
وي حيدر يسولف وحزنان الباب
يكله الذنب مو ذنبي ذنب الاصحاب
ومهدينه بل مرصاد لابن الخطاب

يِطَلع الجسر ـ من الكبر
ويكله دمك ـ منهدر

لا مفر من البتار ـ اي وحق جدي وضلعه


✍️ محمود محمد العطواني

لحن غير الميمر لهذه القصيده

اماه ـ كلميني اني الحسن

ـ
يمـه ـ يمه الكبر ميكفي حنيتج
ضلمه ـ ضلمه صفه بعز الصبح بيتج

انه زغير بعدني وفكدج اجبير
جرحج بيه اغمج من الف بير

شلون ابخل بنوحي شلون يمه وانه المعزب
لخلي من ونيني اليوم تهجع كل اهل يثرب
وحك والدي المثل السيف ضهره بموتج محدب
بريعان الطفوله ابنج ولكن بعدج مشيب

والله ـ امن البجي عيوني انعمن
اماه ـ كـلـمـيـنـي انـي الحـسـن

ـ
ليله ـ ما نمت عگبج ناشف اجبيني
شيله ـ تمنت بالشيله تغطيني

يل كبرج زلف عن كل الـكـبـور
عيني امن الدمع جن عين ناطور

تـشـبـه زتـت الخطار زتينه الفرح يمه
اكابر عالفراك شلون دمع العين شيضمه؟
اكلج شغله يام حسين راح احجيها بالهضمه
يمشي ويعثر بلياج ابوي الداس كل ضلمه

وممشاه ـ يعثر بطاري الجفن
اماه ـ كلميني اني الـحـسـن

ـ
چنه ـ ما نغفه چنه اله بحضانج
ضعنه ـ بلياج ضعنه وكثرت احزانج

جبير اخوانه ضاكت بيه دنياه
ذبلان العزيز الـجـان محلاه

الحسن يأم الحسن بالنوح كام يخلص ايامه
بطبته وطلعته مجبور يلكه الباب كدامه
وحيدر شيب راسه هواي وَچر تارس الهامه
قالع باب خيبر ذاك كوه يشيلها اجدامه

فوكاه ـ هموم فكدج وچرن
اماه ـ كلميني اني الحسن

ـ
خَـدي ـ دمعي اعلى خدي من زغر سني
جبدي ـ يا يمه جبدي كام يلجمني

چبدي لضلعج بكل مغرب ينوح
بيج استفتحت يا يمه الجروح

جروح اهل الكساء اهواي لكن جرحج اولهن
سطرة خدج اويه الباب يمه وطيحت المحسن
بس بجفوف ابوي احبال هاي الجانت اكبرهن
وكسرته عن بُعد اميال عگبج كامت تبين

والـ اه ـ منها تستوحش عدن
اماه ـ كلميني اني الحسن

ـ
زينب ـ اماه زينب تكسر الخاطر
تنحب ـ تنحب تره وما تعرف تكابر

الصار عليج بيها يصير ضعفين
وراح تحير بين النار وحـسـيـن

يمه اعليها راح تصير كل امصايب العيله
تلحك سكنه من النار لو تِطِفي بجدم ليله
لو تتلاحك المعلول بالخيمه وتتجيله
لو حسرتها فوك حسين چي ما تكدر تشله

ويلاه ـ تضل غريبه بلا وطن
اماه ـ كلميني اني الحسن


✍️محمود محمد العطواني

يا يمه حك رباي ـ لسكينه جربة ماي

اوصيك بوصيه وكون تسمعني
ماريدن جتف منك يــشـيعنـي

ـ
ها يا يمه يا عباس ـ تعبي اعليك ما ريده
من عدك اريدن هاي ـ وانت فارس البيده

اريدن هاي منك يا ضوه العين
مو تجوه لكبرتي تجوه لحسين


اعليك ارضه يا عباس ـ لمن اشيل الراس

اريد اتباها بسمك يل كمر يبني
ماريدن جتف منك يـشـيـعنـي

ـ
جفوفك مـا اريـدنـهـا ـ تهل تراب فوكايه
اريد جفوفك يطيحن ـ كبل ما توكع الرايه

صح هوه الـولـد لــلـكـبـره مريود
اهم من عمري لاجن يولدي الجود

لازم تـوصـل الماي ـ شي ابده من شي هاي

اريدن ترتوي زينب وتذكرني
ماريدن جتف منك يشيعنـي

ـ
عزيزه عليك واعرف هاي ـ بس ماردين بموتي
عـيـنك يـمـه يا عـبـاس ـ تـدمـع فـوك تابوتي

عليّ عينك تهل لا يبن الطياب
اريدنها بمثلث كـون تـنـصاب

عينك انه يالحيد ـ منها دمع ماريد

اريدن منذبح زينب تبشرني
ماريدن جتف منك يشيعني

ـ
ماريدك انه وياي ـ تنزل يمه للحفره
اردينك ثلث تيام ـ طايح كون عالغبره

انه بفاتحتي واكف يبني ما اريد
اريـدك طـايـح ولا راس لا ايـد

سالم الي لتعود ـ يوليدي ضحي زنود

اريدن فعلك لفاطم يقربني
ماريدن جتف منك يشيعني

ـ
بّر الام شرط عباس ـ وتباريني مـاريـدك
اريدك تمسح الاثار ـ يوليدي السبع بيدك

يا صـنـديـد هـا يـا زلِـمَـة الـزيـن
ارضه اعليك لمن يرضه الحسين

وللغيره اسمك تاج ـ تتوصه ما يحتاج

اريدن بـاجـر بلا ايد تشبـكـني
ماريدن جتف منك يشيعـنـي


محمود محمد العطواني

يأم البنين ـ يأم البنين

ـ
منج سبع تنعام ـ يمخلفه خوش زلام ـ يا هيبت آل احزم

يام اربع اولاد

جوه ام حسن بشواي ـ يام الي ذل الماي ـ خلاه يتيه الراي

يام شيخ العناد

ثلثين الولد كالوها للخالّ
وهاشم ما يخلف بس الثگالّ

الكفيل حروفه ـ تخوف الكوفه

ـ
بت الكرم والجود ـ تطلك فقط بحيود ـ بس التوفي وعود

والقدوه عباس

هيبه وزلم وسباع ـ منهم تخاف الكاع ـ يطلعونه حك الضاع
رفعوا الج راس

ولدج من زغرهم جانو كبار
عدهم ما يجلجل ليل عل ثار

خدمتي الساده ـ وطلگتي بقاده

ـ
النا شكثر خدام ـ اَلباجي واللطام ـ بس انتي من ايام

حيدر تخدمين

بديتي عل اولاد ـ مولاتي والاحفاد ـ بس اسم ابو السجاد

يستاهل حسين

بكلمت يمه منه تفرفح الروح
ودج خدمته تضل كد عمر نوح

كفو وهنيالج ـ المدح يحلالج

ـ
مثلج منو بهل كون ـ الحمدُ الج يقرون ـ حاجتهم يطلبون

تضيها بالحال

بيج احنه مرزوقين ـ كل شده تنذكرين ـ وانتي الي متقصرين
يا بزرت رجال

يا بت الحموله والله حياج
نبني انشالله جم منبر حذاج

نضل نبجيلج ـ وصحن نبنيلج

ـ
خل تعرف الاجيال ـ حك وشرط ينكال ـ بس للوفه تمثال

اسم ام البنين

ربت ولدها شلون ـ يا خويه لتكولون ـ كدامـه لا تمشـون


سيدكم حسين

يمه حسين نعمت وتنشكر كون
بخلاص اليخدمه وهوه ممنون

انه الخدامه ـ واشيل الهامه

ـ
يأم البنين ـ يأم البنين


محمود محمد العطواني

ميمر كربلائي لمولاتي ام البنين (ع)

هم عالمه ـ هم فاهمه
هم بت اصل ـ هم فاطمه

صح هيه موش الزهراء ـ تشبها لكن هيه

ـ
صح كلمن ومنزلته هيه واقسام
والساده وما تنقاس ويه الخدام
بس الله عوض حيدره ابت حزام

حكمه وصبر ـ عفه وخدر
جوه ام حسن ـ بشجم شبر

والفرق بين الاثنين ـ بدويه مو علويه

ـ
مو صدفه هيه ومو تشابه اسماء
ام الكمر مستنسخه امن الزهراء
نقطة ذكر بالبسمله جوه الباء

نور العُله ـ فيّ بالفله
والزهره هيه ـ البسمله

وكلش تعزها الزهراء ـ هاي المره النشميه

ـ
ارجع واكولن ماكو جداً مقياس
بس يحكم علينه العقل والاحساس
لولا علي مامش كُفئ لام عباس

اجزم تره ـ هاي المره
الزهره بس ـ امزغره

و ورثتها من الزهراء ـ العفه والحّنيه

ـ
صح هيه لا متسد مكان الزهره
بس اصحبت ام للحسين الحره
وتطحن لابو محمد كهوته المره

صح فاطمه ـ وصح عالمه
بس كالت انه ـ الخادمه

يم العطش تصبح جود ـ جانت تصير آميِه

ـ
كالتله يا حيدر يقرة عيني
لو رايد بهذا العمر ترضيني
ابـ فاطمه يا غالي لتسميني

هذا الاسم ـ بي ينهدم
حيل العقيله ـ وتنلجم

ولو تنقهر كلبي يلوع ـ وبالهوه تغص الريه

ـ
هم كبه لا ما عدها هيه وحضره
بهذا الامر متساويه اويه الزهره
هذا الوفاء المنه ناخذ عبره

عبره وقيم ـ اي يل خدم
بالخدمه هيه ـ اول علم

خدمة ابا عبد الله ـ وقامت اله لطميه


محمود محمد العطواني

اهوازيه لمولاي علي الهادي (ع)

عاشر شمعه بهل البيت دك صدرك على مصابه
كــل الـفـقـره حـزنـانـيـن ويـلـطـمـون يـم بـابـه

ـ
حـال الـعسكري بهل يوم يكسر خاطر الـخـاطـر
مهدوم المضيف الجان اسـم الهادي بـي عامـر
مثل الهادي بالعربان كــل هـاي النسه عـاجـر

هذا بوكته لا هيهات جابت مثله جيابه
كـل الفقره حزنانين ويلطمون يـم بـابـه

ـ
بوجه الهادي مرسومات نور الـبـاري وسـراره
لجد المهدي يحله النوح هذا الماطفت ناره
لـيـش اليوم بالـديوان مـحـد حـيـه خـطـاره

يكضي الحاجه بس انخاه تشفه الـعله بترابه
كـل الـفـقـره حزنانين ويـلـطـمـون يـم بـابه

ـ
سـيـد محّمد الـمـألـوم سـبـع الـديـره عـنـوانـه
يـون سـبـع الـدجـيـل الـيـوم ويـاه ونـت خـوانـه
يبجي اعله التقي المسموم بخيره الفقره شبعانه

الهادي الـنسبه القرأن ما نسبوا النسابه
كـل الفقره حزنانين ويلطمون يـم بـابـه

ـ
كــل شيعي وموالي اليوم يعازي فاطمه الـزهـره
وهيه بدورها ام حسين تبجي الهادي بالحضره
جـابـت يـمـنـت الـعـبـاس حـتـى تـزور سـامـره

وذكرت بالبجي المضلوم الي مسلبه ثيابـه
كـل الفقره حـزنـانـيـن ويلطمون يـم بـابـه

ـ
هم بالغربه نفس حسين لاچن حاضي تغسيله
لا صدره نسحك بالخيل لا مسبيه اله الـعـيلـه
الكواكب والقمر والكون كـل الـدنيه تـبـجـيـلـه

الف يا ويلي عل مسموم لجله عيوني سچابه
كـل الفقره حـزنـانـيـن ويـلـطـمـون يـم بـابـه


محمود محمد العطواني

علي اول مسلم وما صار ،، قبله
ومسـقـط راسـه للاسلام ،، قبله
بحلگ جبريل اسمه صار ،، قبُله

يقبل بيها عرش اصل البريه

،،،،،،،،،
عيوني انتا ابو التاريخ ،، قرأن
وكلت يا كلـبي بالكرار ،، قر ان
هوه الانجيل وبـمـغـزاه،، قران

والتورات تسبيح الزجيه

،،،،،،،،،،،،
احب حيدر وحبه صار ،، مذهب
ولّغيره بساعة الشدات ،، مذهب
عطره بريتي ابـد ما راح ،، مُذ هب

والمتشهكه هاي شلون ريه

،،،،،،،،،،
محمود محمد العطواني

( فزاعيات ) لمولاتي زينب

بت ام حسن دفــانــها
اولا واحد امن اخوانها

ـ
يليوث هاشم نعشي معتاز
هاشمي منكم يمشي جناز
يالماثنيوا بطك الـچـراز
جنكم بطيتوا هنا يالـعـزاز

معتازه
لمتون الكافل معتازه

ـ
منهو يصل لمعزب الزاد
ويكله ها يا خال الولاد
ها يالحسن يل كلك عناد
بالنعش حاير علي سجاد

الحك عينه
حاير بالشام الحك عينه

ـ
منهو اليوصل نشدتي لعون
يكله نعش امك عايز متون
وي خالك اركب على الميون
تلحكون اضن لو ما تلحكون

تشيعوني
اوله امن الغربه تشيعوني

ـ
يا بويه ها يا ليث الليوث
كلبي بفركتك حيل مغثوث
من دمعي خدي بويه محروث
ناديت اغثني اهنا يبو الغوث

احضر بيها
سلمان احسبني احضر بيها

ـ
ياهو اليمر بديار عدنان
ويصيح من يم بيت الاحزان
يهل الشوارب ذيج الثخان
ما يصح منكم ليه دفان

محتاجه
فزعتكم ليه ومحتاجه

ـ
عباس يا شيال حملي
وين ابعدت يالجنت ضلي
بالدنيه بعدك خويه شلي
يا هبتي ويا كشخة اهلي

تلكاني
جيتك متعوبه تلكاني

ـ
خـوانـي ها يا زين الزلام
شمرة عصه عن كربله الشام
زحمه الجنازه بلايه اللثام
اعتب على الثلثينه لحزام

دفنوني
من دون انكابك دفنوني


محمود محمد العطواني

( نزله اهوازيه ) لمولاتي زينب ع

عجل يا مماتي بساع لـلـعـبـاس مشتاكه
الاشوفه منين ما اندار ما اكدر على فراكه

ـ
وينك يا مـمـاتـي اليوم اجبل مني لا تبعد
ما ضل عيني بيها دموع دمعي بعيني ما يركد
كل الساده مذبوحين ما مذوبح بس سـيـد

وي دموعي ما يناقس نهر العلكمي وراكه
الاشوفه منين ما اندار ما اكدر على فراكه

ـ
اريد البعده صار حسين ضهره يشبه كرابه
اتمناه يجي جـنـاز بـيـه ويـلـبـس انـكـابـه
ما يكدر يجي ومعذور عني عَطله صوابه

ما ضل شي واشوفه هناك يم الزهره نتلاكه
الاشوفه مـنـيـن ما اندار ما اكدر على فراكه

ـ
بعد كل المصايب ذيج الهضمه هنا تهد حيلي
الهضميه موتي يم شمات ومحد راح يبجيلي
وكلش كبره عني بعيد الاتمناه يتجيلي

مر فركاه كمر عدنان ميحس بي الما ضاكه
الاشوفه مـنـيـن ما اندار ما اكدر على فراكه

ـ
اليهون عليه الموت اشوف الكمر وخوانه
ما نكدر تره يكولون يا زينب عل متانه
مشتاكين موتي بساع خل نشوفج ويانه

ذبل صبري انه كتلهم عليكم طاحن اوراكه
الاشوفه مـنـيـن ما اندار ما اكدر على فراكه

ـ
هم لا صوت لا تشيـع تطلع راح الجنازه
اثاري موتت المشتاك تشبه موتت اعزازه
بس نعش امي عنده متون وانه متون معتازه


اريد متون البدونه تصعب صعدت الـنـاكـه
الاشوفه مـنـيـن ما اندار ما اكدر على فراكه


محمود محمد العطواني

https://youtu.be/K9eJiJjaWNs


اداء || الـرادود سـجاد الـدايــنــي
كلمات ||محمود محمد العطواني

وا كاضما وا ويلا

ـ
كصته جانت زركه من كثر السجود
وزركه هم جفوفه من ضب القيود
مات مسموم بسجون اللا رشيد
اعليه ينوح اليوم كل هذا الوجود

هذا الشيعوه ودمه بـجـفـوفـه
هم بالغربه مسلم جنه بالكوفه

على جسر الرصافه ـ انترك وبكل صلافه

وا كاضما وا ويلا

ـ
مات ما شيف حبايب لا شموس
شوكه جان لوجه سلطان النفوس
لهفته لمعصومه يشبكها يريد
مات بالحسره وحك ذيج الرؤس

كضم غيضه لجن ما كدر لشواكه
الرضا غالي عليه يا مصعب افراكه

الرضا يا ضيم فركاه ـ حتى احنه جربناه

وا كاضما وا ويلا

ـ
فدوه لو تنعمي لمصابه العيون
عمره خلص بالضلام وبالسجون
شوكه من يخنكة لحفاده الزغار
تطبك السبعه عليه طبك الجفون

الله يعينه ضيم مجلجل بكلبه
شوكه لولده جفه وجفه للغربه

من الغربه شيب ـ لعد شحال زينب

وا كاضما وا ويلا

ـ
بالسجن وحده يشاهد بالضلام
دفعة الباب وحرك ذيج الخيام
وجده ابو السجاد وحده بلا معين
يشوفه عالغبره ذبيح بكل منام

يقارن ويه يروحه الخيل و السحكه
ويــه الـبـاب ذاكـه وقـوة الـطـبـكـه

ويفز كل يوم حلمان ـ يشوف حسين عطشان

وا كاضما وا ويلا

ـ
بالصلاه لو راد يقنت بالجفوف
منضر يكطع الكلب بيده يشوف
عشر اصابع ينضر بهذا العدد
الخيول العشره البارض الطفوف

واصابع يمنته امن يشوفها يذكر
محبس جده ذاك وكصة الخنصر

يفز من كلمة الماي ـ اثر بي تارك هواي

وا كاضما وا ويلا



محمود محمد العطواني

( ميمر كربلائي ) لمولاي موسى ابن جعفر


للكاضم بهذا اليوم ـ كل العكل مذبوبه

ـ
اي وحك عباس او وحك جفينه
للكاضم ادلال البخت جفينه
ومن المدامع والحسن جفينه

اباب المضيف الدلات ـ فوك الجمر مكلوبه

ـ
هالروح من حب فاطمه شيعِتها
والشيعه بالنور ام حسن شعَتها
تعزيها بالكاضم اجيت شيعتها

نرسل تعازينه اليوم ـ للراضيه المحبوبه

ـ
المذنب صلاته ما تصل مع صومه
ومن الذنب هل روح ما معصومه
بس الي يتنخه بابو مـعـصـومـه

ميقصر ابن الخيرين ـ يغفرله كل ذنوبه

ـ
ما ضل ذِكر للسَممه ولا كبه
وتاريخه محد يوصله ويكلبه
وكَبر ابن جعفرنه بوساعة كلبه

ماضل ذكر ليه هارون ـ الكاضم تره بي حوبه

ـ
الدمعه اله جن لولوئه و مرجانه
وهوه اليحليّ والله لو مِر جانه
بس سَمعِه اللعنه اعلى ابن مرجانه

ميعوفك بمر هيهات ـ الكاضم ابد مو ثوبه

ـ
هذا حفيد الي كرب من صوبه
مجنون يمكن لو خرج من صوبه
لجله مواكبنه شكثر مـنـصـوبـه

الشيعه اله بهل ايام ـ ادك عالصدر منكوبه

ـ
نيران شوكي لحضرته لساعه
من اخـر ازياره اله لساعه
حلفته بالوكفت اباب لساعه

عمته وامشيها اعليه ـ رايد ازور انوبه

ـ
نتعنه مشايه وعزمنه انشده
للما تركنه بيوم حرنه ابشده
مشايه لجله الحيل خل انشده

بلكت اسامينه هناك ـ يم فاطمه مكتوبه


محمود محمد العطواني

اسد بغداد يستقبل المشايه

ـ
يم كاضم الغيض التعب محلاته
يحمينه الكمر وفياي ريـشـاتـه
ياهو العنده حاجه يجيب حاجاته
وهنا هم حبيب يعدها خطواته


والحاجات ترد مكضيه

ـ
كلمن عده عله وبل دوه تـحـيـر
بهل ايام بس خل ينخه ابن جعفر
بس يحلف المسموم بالـمـنـحـر
تشفه العله والله يم ابن حيدر


والمعلول هنا يتعالج

ـ
بغداد انشدوها عن قصر هارون
راح تكول صار الصيت للمسجون
تكصد موسى ابن جعفر زلم يمشون
لارض الكاضميه صلاله ميتيهون


كبته تصيح اهلاً يالزاير

ـ
هذا الشيعوه ودمه بـجـفـوفـه
هم بالغربه مسلم جنه بالكوفه
نهر موسى ابن جعفر دجله بجروفه
صاحت شيعته للموت منعوفه


شلون نعوف الكاضم وسفه

ـ
علينه اجداد اضنهم ما يعرفونه
ويكولونه مـتـفـشـيـه كـارونـه
واحنه البعث ما كدروا يمنعونه
مجانين الحسين احنه يسمونه


وام حسين حيهم صاحت



محمود محمد العطواني

#هـنـوا الـزَكِـيـةَ أيــهُــا الانـصَـارِ
والـمُـرتَـضَـى ومُـحَـمَـد المُختاَرِ

اذ شهرُ شـعـبـان بّـهِ فـلـحـبـذا
بالـِــيـاسِـمَـيـِن تُـزَيِـن الامـصـارِ

فـّــدَار احــزان الــزَكِـيــةَ زُيــنّـا
وطـافَ جّـبـرائِـيـل حــوُل الــدارِ

هيا اشِعلُوا تَلك الشمِوع وصَفٰقُوا
وَجَــب الـسَـرور بـمـولـدّ الاسـرارِ

شاَع السُرور بشَهرَ شعَــبان الــذيِ
قــد حّـلِـت فـيـهِ عـزفـةَ الـمـزمـارِ

لـعـمـرَيَّ مـن شهراً بـهِ قد نُورت
ارض الالـــهِ بــمــولــدّ الاقــمـارِ

هَـيِـا افّـرَحوا يا شعب آل مُـحَـمِـدٍ
وصَلّوا عـلــى طــٰه ابــا الاطــهـارِ

#محمود_محمد_العطواني
#شهر_شعبان_المعضم
#متباركين

دار احزان فاطم صار دار افراح
وتزين الليله بـشـمـع وبـقـداح
وتصفگ الشيعه والنجم مرتاح

وشمس الله تلالّي 🤍 والبدر العالي 🤍 بميلاد الغالي

عيد الله بميلاد الغالي

،،،🤍،،،🤍,,,🤍،،،🤍،،،🤍,,,🤍,,,

طشو الواهليه وزيدو بالصفكه
وادعو الباري خل يعجل الملگه
والميكول يضهر باجر انسحكه

من يضهر باجر 🤍 يرد ثار العاشر 🤍 الما يصبح ناصر

اندوسه الما يصبح ناصر

،،،🤍،،،🤍,,,🤍،،،🤍،،،🤍,,,🤍,,,

بميلاد اليضوي وشمعه بالهندس
مريم وي خديجه واسيا تهوس
الزجيه وياهن وكاللها يا نرجس

طلگاتج هايه 🤍 قران وآيه🤍 للمذهب رايه

مولودج للمذهب رايه

،،،🤍،،،🤍,,,🤍،،،🤍،،،🤍,,,🤍,,,



محمود محمد العطواني