ليلة الامام العباس (ع)
يا عباس من سيفك ردت راده

اداء // ملا علي مـحـمـد رضـا
كلمات // محمود محمد العطواني

[مؤسسة البلاغ النعيريه]

كوم يـمتـعـب طـوايـف شـامها
شوف زينب شنهي لاح اجدامها

ـ
يا جبير لـيـوث هاشم بالـحـرب
واسمك بكلب العده مخلي الرعب
كوم شوف ام عون بيمن تنضرب

تنضرب بالسـوط عـكـب ازلامـهـا
شوف زينب شنهي لاح اجدامها

ـ
بت وليُ الله حـيـف بـلا ولـي
والضعن ميگود بيد الجاهلي
ليش ما تحضرها من تندب علي

وترعب الشام وتـنـكس اعـلامـهـا
شوف زينب شنهي لاح اجدامها

ـ
الحدها كبر امها حده بيها الشمر
ومن عكب عباس دخلت جم قصر
غربه وي شمات وسياط وجمر

وراس اخوها اعله الرمح كدامها
شوف زينب شنهي لاح اجدامها

ـ
صاحتك يل حيد يل ساكن غري
كوم شوف شلون صاير منضري
سكنه يا صنديد كسرت خاطري

يوم ركضت عكب حرك اخـيامـهـا
شوف زينب شنهي لاح اجدامها

ـ
شوف دمع ام عون يهمل ما نشف
ويلي ضلت سلف يشمرها لـسـلف
كوم وانـفـض عنك اتراب الـنـجـف

وخلي هاي الگوم سـوده ايـامـهـا
شوف زينب شنهي لاح اجدامها

ـ
كوم يا قتال مرحب وابن ود
حسين ثلث ايام ضل بلا لحد
وانذبح جسام البعمر الورد

ورمله ماتت عكبه كل احلامـهـا
شوف زينب شنهي لاح اجدامها

ـ
هل مصاب الصار ما بعده مصاب
آل هاشم كضوا شـيـاب وشـبـاب
وعل رمح رفعوا دلـلـول الـربـاب

والعده بكلب العقيله اسهامهـا
شوف زينب شنهي لاح اجدامها

ـ
يلي عل ينخاك حاشه وما بطيت
ليش ما تحضر الي بيوم انتخيت
خاف ما تدريني يل غالي انسبيت

انسبت علويتك وراح احزامها
شوف زينب شنهي لاح اجدامها



محمود محمد العطواني

نزله

السيده زينب الكبرى (ع) تخاطب يزيد لعنه الله



ما صنع اللهِ بنا الى جميلا

ـ
خلي هاي ابالك اسمع يا يزيد
نبقه ضدك لو نرد امن الجديد
انتا هم سامع قبل لان الحديد
وماتوا شيوخ اخوتي لا مو عبيد

اطلقكم جدي لهُ كنتم عبيدا
ما صنع اللهِ بنا الى جميلا

ـ
احنه اهل البيت اوله بكل اجر
عادي لو حفاي نركض عل جمر
والله لا انتا ولا حتى الـشـمـر
شما تذبحونه يضل عالي الذكر

خادمنا في اهلهِ شخصاً جليلا
ما صنع اللهِ بنا الى جميلا

ـ
وحك ذاك المن هجم صوته ارتعد
بنص جنودك صاح يا حيدر مـدد
وحك عبدلله الرضيع ويه المهد
عكب اخوي حسين ايامك عدد

ان ذاك النار تدخُلها ذليلا
ما صنع اللهِ بنا الى جميلا

ـ
امده الدنيه الزهتلك يا نذل
دارت وبجفوفي شديت الحبل
وموش هودج ناكتي عرجه وهزل
تخسه بس ما مال بام عون الحمل

في شموخي ابقى من دونِ كفيلا
مــا صـنـع اللهِ بـنـا الـى جميلا

ـ
فك اذانك يا ابن هند استمع
تخسه ينزل منه كدامك دمع
ومنه يضهر واحد هديب وسبع
وياخذ بثار الخيم ويه الضلع

يأخذُ الثار لمن اضحى قتيلا
ما صنع اللهِ بنا الى جميلا

✍️محمود محمد العطواني

ابن هند ابن بمجلسه
ودخلن اعليه النسه
صّدك بروحه ونسه

هاي بت ذاك الأبي
من نسل صه النبي

::
تكله يا نسل الرده
زينب انه وصامده
احوال ربعك شهاده

منهو بينه المنسبي
هاي بت ذاك الأبي

::
حتى لو بيدي الحبل
تخسه الك لا ما اذل
ما يرك بيه الحمل

عندي جيش امن العبي
هاي بت ذاك الأبـي

::
انه لبوة فاطمه
ربات حماي الحمه
لساني يشبه صارمه

بل كلافه اشبه ابي
هاي بت ذاك الأبـي

::
يا عديم المرجله
نصي صوتك شو عله
لا وحك البسمله

حسين احلفه بمعصبي
هاي بت بذاك الأبي

::
حسين لو مو بس نحر
يفزع ويمحي القهر
ويفزع وياه الكمر

لا مفر يل نـاصـبـي
هاي بت بذاك الأبي

::
انتَ ابن الطلقاء
وانه اصل الكبرياء
مو غريبه وهل سماء

موطني وبيها احتبي
هاي بت بذاك الأبي

::
قصرك وهذا العرش
بيه ما حرك رمش
انت ذباب الجرش

وانه بت طه الـنـبـي
هاي بت بذاك الأبي

::
هاي راية كافلي
بس احلفها بعلي
الشام تفنه وتبتلي

عرجه حار الطالبي
هاي بت ذاك الأبي

::
شوف قبضة ساعده
رغم كل ذاك السده
فدوه اندار ليده

دوم تفعل مطلبي
هاي بت ذاك الأبي

::
خولي اسئله وحرمله
عن فعايل كـربـلـه
عل الكمر محد عله

ساعة الشد معصبي
هاي بت ذاك الأبي

::
والله من غم الزمن
يوم خله اخت الحسن
لا عشيره ولا وطن

فوك تل الـزيـنـبـي
هاي بت ذاك الأبي


محمود محمد العطواني

(فزاعيات)

لسان حال الامام السجاد (ع) وهو يخاطب ابيه (ع)


عكبك بويه انه اتمنيت ما جابتني جيابه

ـ
رفعوا راسـك وتيـهنـه شـمـس الله
وشعرك كله دم ما سلم بي خصله
يأول شيخ كـتـلوا مـا خذوا فصلـه

بغنايم عيلتك تفخر السلابه

عكبك بويه انه اتمنيت ما جابتني جيابه

ـ
نرفع راس الگليط وفـرحـوا هـوايـه
وعجيد الگوم طاح وصاحت الرايه
وفرايض صـبـحـت صارت الودايـه

شلون تصير شاخوا جرش ذبابه

عكبك بويه انه اتمنيت ما جابتني جيابه

ـ
يـل ودعــت ربـعـك ضـيـف وازتـه
لَزك راسك ودمك عل الرمح شفته
الشمر من نزله بكـل قـوتـه ويـعـته

ويتنومس صفه الما يعرف انسابه

عكبك بويه انه اتمنيت ما جابتني جيابه

ـ
يبويه الذل الصعب ما ينحمل ضيمه
وجًنت بنصها لمن حـرگـوا الـخـمـيـه
وعمتي تلم خواتي وچهبت الـهـيـمـه

تعثر بالجمر والنار لـهـابـه

عكبك بويه انه اتمنيت ما جابتني جيابه

ـ
اجيت لدفنتك بـس حـايـر شأدفن
صدرك منسحك بس ضهرك مبين
عضم راسك يطخ سن الرمح ويـرن

وصحت بعالي صوتي حسين يا يابه

عكبك بويه انه اتمنيت ما جابتني جيابه


محمود محمد العطواني

الدافن بيده عزازه ـ يخلص عمره جنازه

مو اليوم يموت زين العابـديـن
ميت السجاد من اهد الحسين

ـ
دافن سلف ـ دمعه نشف ـ ويذكرهم بكل مغربيه
يا حسرتـه ـ بدفن اخوته ـ وعمه وابوه بالغاضريـه

ويلي كد فص خاتمه لا ما سلم
بجسم ابوه وعطنه بي لو بي سهم
كوه يمشي وحركوا عليه الخيم
وسيد البطحاء ديوانه انهدم

الله يساعد حيله ـ وبس عمته اتجيله

حيل ما عنده ويشاكف بالادين
ميت السجاد من اهد الحسين

ـ
والمنذبـــح ـ فـوك الرمح ـ اهل الرسايل رافعينه
وفوگ الهزل ـ ودمه يهل ـ من كثر گيده الشادينه

كصته جانت زركه من كثر السجود
وزركه هم جفوفه مـن ضـب القيود
عيونه عل غالي صفت كل وحده جود
يساعده الله من دفن بــيــده الزنـود

الدافن كلبه بأيده ـ يضل يموت بهيده

شحالته الدافن عزيز ام البنين
ميت السجاد من اهد الحسين

ـ
كضه العمر ـ نوح وصبر ـ ويوميه تنضرله الشماته
يضل ينجلم ـ كلما يشم ـ دخان يتذكـر خـــواتـــه

صفت ذيج متونهن عابر سـبـيـل
الجاي والرايح صفه بسوطه يعيل
فوك علته عله حطـوا بـالـعـلـيـل
وسهم عمه طايح بنص الــدلـيــل

يچوي الحادي احساسه ـ كدامه يهز راسه

ونبله صابت عينه ضل بلايه عين
ميت السجاد من اهد الـحـسـين

ـ
يمصيبته ـ برقيتـه ـ يوم الي حضنت راس ابـــوهــا
كلبه انكسر ـ فوك النحر ـ ميته اطلعت من وخروها

شيذكر شينسه شيسولف وشيكول
فات للشام وتلـكـوه بـالـــطــبـول
و والده الـطـايـح ابـن بنت الرسول
ولا ضـلـع فوتت مـن صدره الخيول

لمن شاله لكبره ـ بيده تلمس صدره

ومنضره يتفسر بكثر الـونــيــن
ميت السجاد من اهد الحسين

ـ
عزريل اجه ـ واعليه بجه ـ وبجسمه ما شاهدها روحه
الرب كال اله ـ بطف كربله ـ يم والده يـشـد جـروحه

روحه يـم حـسـيـن تلـكـاهـا تـنـوح
هسه يم صدره وتضمـد بـالـجـروح
سنينه ضل عايشها جسمه بلايه روح
بعطره عطر حسين ضل عالي ويفوح

من ضل سالم نحره ـ طلعت روحه بحسره

مات واثار الحجر فوك الجبين
ميت السجاد من اهد الحسين


محمود محمد العطواني

ميمر كربلائي للمشايه

يهوه الكلب ـ هذا الدرب
يا محله جادر ـ منصب

قد دقت الساعه الان ـ حي على المشايه

ـ
من الزغر جدمي تحب درب حسين
بي امشي أنه مدلل وانحط بالـعـيـن
ومحله المواكب بالدرب عل جهتين

يمطر شيم ـ صوت الخدم
بالعرب اهلاً ـ والـعـجـم

دربه ولا بي تفريق ـ كل احنه فرد الغايه

ـ
كل احنه اجينه وانجمعنه بدربه
واحدنه بالـمـشـايـه فرفح كـلـبـه
جي عدنه موعود بي نشوف الكبه

وتحضرت ـ وتحزمت
منك اجر ـ ثق ما ردت

منك اريدن مشاي ـ وفقني سنة الجايه

ـ
بـالـصـور ينفـخ عــالــدرب اسـرافـيــل
بوق المشي دكـ نمشي جن ماي يسيل
وكل عمره كضاه يمشي لحسين الميل

ميل العصر ـ يمشي ويفر
واباله اكو ـ غايه وامر

يمشي الزمن للموعود ـ يضهر يشيل الرايه

ـ
مثل اليضيع ويلكه اهله امن ابعيد
نتعنه الك نتشابگ ويـاك انــريــد
دربك حلاته جن حلات التجويد

مشاي الك ـ حتى المَلك
يمشي ويجود ـ مقتلك

ترابك تره يا مولاي ـ كشخه للمصلايه

ـ
تنمل تره العادات اذا تتكرر
الوادم تمل منها وبعد ما تحضر
بس دربك الما بي نقص لا يكثر

دربك بعد ـ شابع مدد
لا والله ما ينمل ـ ابد

وكل عام يابو السجاد ـ دكينه بالطف ثايه

ـ
مشايه لجلك يابو الاكبر جينه
شما نتعب يشد العزم مهدينه
وذيج المناير يا هله تنادينه

كل هله ـ وميت هله
مشايه كلكم ـ مرجله

والعلكمي اهلاً صاح ـ وبينه يرحب مايه



محمود محمد العطواني

للمشايه

هلا بيك ـ هلا بيك ـ هلا بيك ـ يل زاير

ـ
شدو الحزام ـ يخدام ـ مـثـل هـمـتـكـم
انتو تدرون ـ اخو ام عون ـ اخوته يعدكم

خدامه ـ يعدنه جن خوانه
والهامه ـ نعلي لو عدانه

كلنه خوان بالحسين تلمنه الخـدمـه
خدام حسين يهل ناس حلاته الزلمه

ـ
هـا يـزايـر ـ جــوادر ـ الك مـتـحـضـره
تبدي وياك ـ من الباب ـ لحد الحضره

مصفوفه ـ موكب بصف موكب
ملهوفه ـ تخدم الناس تحب

وهاي شياب للحسيـن تـراهـا مـحـزمـه
وحتى جبريل مواكب نصب فوك السمه

ـ
ميَت اهلاً ـ وسهلاً ـ عزيزه الخطوه
بالحشر هاي ـ يمشاي ـ خدمتك تسوه

محلاها ـ فاطمه تحَيِنه
وياها ـ بالحشر تروينه

ننصب هناك مواكب گبل كل زايـر
ونحسب ايام والحسين نتاني بجابر

ـ
انترست الكاع ـ بالسباع ـ اجت مشايه
وكبل الكبار ـ هل زغار ـ تعلي الرايه

واليتعب ـ مـحـد يـتـجـيـلـه
ياخو زينب ـ يكول ويشد حيله

والخدم هاي تسوي لمشيهم واهس
بـنـيـه بيضه يشبهوها نـيـة عـابـس

ـ
حتى للطير ـ اكو الخير ـ يعالم وافر
آلي يمشون ـ يشبعون ـ ونشبع الطاير

عزوبيه ـ ما طلبناها احنه
البدويه ـ عل كرم علمَتنه

حـگـنـه يا ناس نفاخر وحك الخاتم
ومـنـه والله تـعـلـم سـخائـه حـاتـم


✍️محمود محمد العطواني

هذا الحسن ـ شيخ الكرم
بس دلتــه ـ تضاهي الهرم

هذا الحسن هذا الحسن
ـ

هذا الحسن من ينذكر طاريه
اجــلالاً ادنـكـلـه الـعـزوبـيـه
ودلاله حاشه بيوم ما مجـفـيه
ولو تنجفي تميل الكره الارضيه

يــا هـاونــه ـ كل ما يدگ
اهل الشرك ـ بي تنسحگ

هذا الحسن هذا الحسن

ـ

يل للكرم سويت صـيـت وسـمـعـه
ونلكه البخت بمِضِيفِك امن نضيعه
تتلكه ضيفك ركض مـثـل الـفـزعـه
وقــانــون العزوبيه انــتــا مـشـرعـه

عـنـدك كـرم ـ ما ينوصف
وعندك بخت ـ بي ينغرف

هذا الحسن هذا الحسن

ـ

ضيفك وحي امن الزغر بيه تهلي
يبن الذي يعـزب وهـوه يـصـلـي
غيره منو محبسه مـنـطـي كـلـي
كد ما كريم وياي شايل حـمـلـي

وهذا الشبل ـ مــن الاسـد
بكلبي نصب ـ خيمه و وتد

هذا الحسن هذا الحسن

ـ

يل علمت عباس من عـنـادك
وانطيت كل الناس من مرادك
محشي بدراهم يل تقدم زادك
ولجل ابو اليمه عزبت بـاولادك

يل قاسمك ـ وجه الشمس
عـزبـتـه بهدوم ـ الـعــرس

هذا الحسن هذا الحسن

ـ

ما فرغ بيتك يـوم مـن الـخـطـار
خيرك الواصل دوم حد لسابع جار
ويعزب بـحـيـلـه ابو الراس الحار
حاتم الطائي كبال صيتك محتار

من موگدگ ـ غارت صَقر
نــارك تــره ـ تـسـر النضر

هذا الحسن هذا الحسن

ـ

عندك كرم وهواي بي جم عبِره
ما ترضه الك مولاي نرفع حضره
وتكول زحمه شلون من الزهره
ولهسه كلبك بي صواب العصره

يا لوعتي ـ ويا لوعتك
اللهَ يساعد ـ حالتك

هذا الحسن هذا الحسن


محمود محمد العطواني

تراثنا ـ عزاً لنا

ـ
اللطم لجل الحسين و ولده والساقي
مـن جَـهـنـم بـيـوم الـحـشـر واقـي
الشوط الـكـربـلائـي بـكـل وكت باقي


((زينب لفت يم الحسين ـ لجن كابعه بالهم
تكله يا ضوه عيوني ـ عليمن هل فزع ملتم))


اطوارنا ـ عزاً لنا
تراثنا ـ عزاً لنا



ـ
وحگ ذاكه الرجع من النهر مكسور
بلا هاي القصايد ما يصح عـــاشـور
والتجليبه يا محلاته هــذا الـــطـور


يبني الضيعتني بضيعتك مني
دوهني زماني بيك دوهــــني

ـــــ
دوهـنـي زماني وتاه مني الراي
يلب حشاي يالمنگطع من حشاي
يـماي  العين عگبك نزل بيها الماي
ظني چان بيك وخيبت ظني
ــــــــــــــــــــــــــــــــــــــ


اهاتنا ـ عزاً لنا
تراثنا ـ عزاً لنا



ـ
اللطم عند الروافض حاشه ابد ما شح
اليصح بس الصحيح وغيره ابد ما صح
وقصايدنه شحلاها بـطـور الـمـــوشـح


زلزل العالم مصابك يا وحيد
يا جريح ويا ذبيح ويا شهيــد
ـــ
اه ما والله يبن الـــمــصــطـفه
الجرحك البجبودنه يحصل شفه
ومشعل مصابك فلا ساعه طـفـه

وبحشه الاسلام للمحشر وجيد


ابائنا ـ عزاً لنا
تراثنا ـ عزاً لنا


ـ
شبلنه امن الزغر يحضر حسينيات
امه امن المهد تقرالـه لـطـمـيـات
بطور اهل النجف يهوه الثلث دكات


((لمن توجه للنهر حـامـي الـضـعـيـنـه
جم طفله ضلت جم طفل تربيله عنيه
يا ريت يسراه سالمه وتسلم يمينه

خاف القدر ميرجعه لخيمة عضيده))


امجادنا ـ عزاً لنا
تراثنا ـ عزاً لنا

ـ
بـعـاشـور بـمـحـرم ذبـحـوا عـزازي
وبدينه احنه العقيله وفاطمه نعازي
بدار الشيعي تسـمـع طـور الـهـوازي


((يا دار الاهل يا دار يا صوب ارحلوا عنج
شالوا والمسير ابعيد ما يبطل بعد ونج ))


الحاننا ـ عزاً لنا
تراثنا ـ عزاً لنا


محمود محمد العطواني

رجوع الظعن الى المدينة

رد الظعن مو ذاك الاول .. واسمع بواچي وصوت مقتل
گوه اعرفت نسوانه .. وزينب اجت تعبانه
واسمع بواچي وصوت مقتل
............
من يوم عافوني ومشو .. ظليت اتاني يرجعون
ومن البچي اعليهم بعد .. ما ظلت بوجهي عيون

غالين راحو عني غالين
ضعن الحسين وحتى الحسين
ماشين وين اعزازي ماشين
ظلت عليهم شابحه العين

حسيت سفرتهم طويله .. خلوني انوح ويه العليله
موت السفر عنوانه .. وزينب اجت تعبانه
واسمع بواچي وصوت مقتل
.............

راح الضعن بس من رجع .. ازغرهم يكض صفاح
كد ما عليه اتغيروا .. جان الفضل بيدي وطاح

والليل لـونـه بـيـهم اندار
مشيبين ردوا حتى الزغار
توجع جدمهم كلمة النار
بوجناتهم شمسوي الحجار

منه بهوادج مو تعدو .. ليش بهزايل لينه ردو
تعب الدفن خوانه .. زينب اجت تعبانه
واسمع بواچي وصوت مقتل
.........

ردولي ردت مندفن .. كلهم اتراب وحسرات
كل ما بالوجوه امتعن .. ما اعرف العلويات

والاكثر انه اعليها ونيت
يوم لضعنهم من تعنيت
وجا وينها ام عون انه سئليت
ثاريني من زينب تعديت

بعيوني احشم دورن وياي .. ياهيه زينب هاي مو هاي
متغيره كالت انه .. وزينب اجت تعبانه
واسمع بواچي وصوت مقتل
……..

ردولي ما بيهم ضوه .. ميت ضواهم عالماي
واجدامهم تنزف دمه .. چوتهن النار هواي

گمت احچي وي زينب بالدموع
طافين اجيتو طفية اشموع
وين الضوه الوياچ مرفوع
گالتلي مات وراسه مگطوع

بيديهه دم شويه منه .. شميته ريحة هيل چنه
گتلهه شو ما جانه .. وزينب اجت تعبانه
واسمع بواچي وصوت مقتل
.............
گمت اقره بعيون الفضل .. عبدلله ماهوه يگول
جا ليش حتى اصيار امس .. بالطف ذبيح ومكتول

حسبته يرجع لينه كبران
نكبر سويه نصير صحبان
ليش بضعنهم ما إله امچان
حاچيني عمتي يا ام الاحزان

جا وينه ابن عمي وتنيني .. ردت انه اكحل بشوفه عيني
وبمهده خالي امچانه .. زينب اجت تعبانه
واسمع بواجي وصوت مقتل
.............
اظلم صبح بيت الأهل .. غياب كلهم غياب
كل رجعه ما الهم صفه .. وحشه بغياب الاحباب

والبيت وبلياهم شلون
مثل الوجه بس فاگد عيون
والچانو ويانه يگعدون
راحو بعد لا ما يرجعون

لليفگد احبابه دعينه .. الله يعينه الله يعينه
ويعينهه الحزنانه .. وزينب اجت تعبانه
واسمع بواچي وصوت مقتل
.............


الشاعر علي عبدالله المفرجي
والشاعر محمود محمد العطواني

ميمر كربلائي

منك اجر لا ما اريد ـ منك اريد العوده

ـ

كالوا شني يجازيك مولاك حسين
الهم كلت بس حاجه متصير ثنين
يوفقني سنة الـجـايـه اخدم همين

هل خدمه والله بكل عام ـ يا هل خلگ مريوده

ـ

لا سلطه رايد منه انـه ولا شـهـره
بس رايد اطلب هل طلب من نحره
احيي اربيعينه الجايه واول عشره

واعليه امشي الذبوح ـ ومكطعات زنوده

ـ

من خلصت شهرينه كالوا كافي
وكلالي بس امن البجي المتعافي
ما يدري دمعي اعليك بيه يشافي

ما عنده عرفه المسكين ـ عقليته هم محدوده

ـ

مو موسم حسين ويخلص وانساا
وانـه الـذي مـنطـي وعـد للـزهـرا
كلمن تبع رزقه وانـــه رزقي ويــــا

لا والله مو بس شهرين ـ ايامي كلهن سوده

ـ

بـالـك تـتـيـهـك دنيتك وتغرك
وعن الحسين وهذا دربه تجرك
كلما تذكره بدمعه يعضم اجرك

خل روحك بروح حسين ـ طول العمر مشدوده

ـ

هسه نعرفه الي يضل والـيـكـلـب
ولحسين دمعاته صدك من تصب
وغير الاجر والعوده لا مـا يـطـلـب

وباجر دمعته اعله حسين ـ يوم الحشر مشهوده

ـ

منهو الصدك ايامه كلهن عاشور
ومنهو الذي عن مجلس حسين يدور
شهرين حـزنـه والـفـرح عشر شهور

ومنهو الذي دموع العين ـ يوميه تسكي خدوده

ـ

لا تنسه روحك والحزن يل تسمع
عمرك انذره للعـطـش واتـكـطـع
طول السنه باللوعه ابقه مـبـركع

وصدك دمعتك لحسين ـ يوم الحشر مردوده


محمود محمد العطواني

لرسول الله (ص)

تدري بتك بويه شنهي اخبارها
فزعت اعليها العصابه بـنارهـا

ـ
بعده بيه صوابك الما ينجرع
وفزعوا اعليه الي ما بيهم سبع
اعليه يا بويه اندفع ذاك الجذع
وفوك كسري اعليك كسرولي الضلع

ومني يا بويه العده اخذت ثارها
فزعت اعليها العصابه بـنارهـا

ـ
صحت وا ويلاه اه يا والدي
حيره من يا سوط وياك ابتدي
تدري بيه اخلافك شسوه الردي
الكال عنك تهجر اعلي يعتدي

بويه ريحانتك حــركــوا دارها
فزعت اعليها العصابه بـنارهـا

ـ
علينه تدري الضيم بويه شكد سده
والمصايب هـــاي مــن اهل الـرده
الله لا يـنـطـي سـقـيـفـــة سـاعـده
منها ذبح حسيـن وعــيـالــه ابـتـده

والهزل والسوك من افـكـارهـا
فزعت اعليها العصابه بـنارهـا

ـ
بموتتك يا حيف هل دين انعدم
واعله اهل البيت جم غادر هجم
تصيح ربعك يال ثـارت الـصـنـم
نحرك الباب وغداً نحرك خــيــم

والوصيه الگيدت صـكـارهـا
فزعت اعليها العصابه بنارها

ـ
ويه اكل اذان ابـقـه اعليك احن
بفركتك ضل دوم يرهملي الحزن
ومنعت الانذال بويه اعليك اون
الله لا يـنـطي ابو كـلـمة (وأن)

والسياط اعله الـمـتن اثـارهــا
فزعت اعليها العصابه بـنارهـا

ـ
ويلي صحت بصوت يا بعد النضر
بين باب وحايط ولـيـدي انـعـصـر
ومن بـعد عـيـنـاك يبرالي الـقـهـر
وراح الحكك هيه حسبت جم شهر

وسر كبر بتك بقه امن اسرارها
فزعت اعليها العصابه بـنارهـا


محمود محمد العطواني

زواج النبي الاكرم وخديجة الكبرى



قصة عشگ محلاها محلاها محلاها
قصة خـديـجـه وطــٰه وطــٰه وطــٰه

ـ

اليوم عرس المصطفى اويه ام الزجيه
وفاطمه امن الباري اله اعـضـم هديه
حنو جفوف الـوفـه بـهـاي المـسـيـه
هــاي ام الـمـؤمـنـيـن الحـقـيـقـيه

رب العرش يقراها يقراها يقراها
قصة خديجه وطــٰه وطــٰه وطــٰه

ـ

النجم هاي الليله يتلامع بـريـجـه
اليوم فرحان الله واملاكه وحجيجه
الخاتم الليله يـزفـونـه لـخـديـجـه
الكبرى صارت للرسول اعضم رفيجه

ام الحسن معناها معناها معناها
قصة خـديـجـه وطــٰه وطــٰه وطــٰه

ـ

بالارض والجنه منصوبه المحافل
والورد من يثرب لحد مكه واصل
عابر لحد الشمس صوت الهلاهل
الانـس فرحانه والـجـن والـبلابـل

حاشه الزمن ينساها ينساها ينساها
قصة خـديـجـه وطــٰه وطــٰه وطــٰه

ـ

امس حتى الزهره هم فرحانه بيهم
وكـل مسية تـجـي تقـبـلها اديـهـم
ورد ضل ينثر بني هـاشـم حجيهم
مـثـل هاي الفرحه ما مرت عليهم

اجمل عشك مغزاها مغزاها مغزاها
قصة خـديـجـه وطــٰه وطــٰه وطــٰه

ـ

واجب الليله الطرب ويه الاغاني
وللامام المنتضر نبعث تـهـانـي
اعلينه تنعاد اويه تحقيق الاماني
وافرح اني وياك يا حجة زمـانـي

ساعي الطرب غناها غناها غناها
قصة خديجه وطــٰه وطــٰه وطــٰه


محمود محمد العطواني