باجر بجيت الامام تخلص ايام الغرب

…. . …. . …. . …. . …. . ….

باجر امن المهدي يرفع سيفه
يمشي كل الكون هذا بكـيـفه
مربع امن الناصبي يـرد حيفه

ومربع بيده يرد ثاره

باجر بجيت الامام تخلص ايام الغرب

…. . …. . …. . …. . …. . ….

يـجـي وجايب مرجلة عـبـاســه
والغـريـبه يكلج يــحــز راســــه
وصحنج يكص ايده كلمن جاسه

والشام دموم يبجيها

باجر بجيت الامام تخلص ايام الغرب

…. . …. . …. . …. . …. . ….

غداً يضهر بيده شايل رايه
الشام يتعناها ويدك ثايه
ولضريحج يعتني مشايه

واليوكف ضده يكص راسه

باجر بجيت الامام تخلص ايام الغرب

…. . …. . …. . …. . …. . ….

ال امـيـه دمـاهـم يـبـديـهـا
وراية الحك بـاجـر يـعـلـيـهـا
شيـخه زيـنـب بـاجـر يخليها

شيخيه وتاج اعله الهامه

باجر بجيت الامام تخلص ايام الغرب

…. . …. . …. . …. . …. . ….

بـيـمـنـتـه يوم اليسل فقاره
تمشي كل الدنيه بامر يساره
واحنه كلنه نصير من انصاره

ويّذبح ربع السفياني

باجر بجيت الامام تخلص ايام الغرب


محمود محمد العطواني

حانت ساعتي وعباس ما هوه
بتشييعي تمــنيته الـي عـزوه

ـ
الي عزوه لواه لو رف عل الجنازه
وهنيال اليموت وتحضر اعزازه
والعباس انـه لعباس مـعـتـازه

عطشانه الك يا نهر المروه

ـ
المروه تجيبك هذا كل ضـنـي
اويه السجاد تحضر كون تدفني
تمنيت بحفرتي انتا الـتـلـقـني

وتقرالي اعله كبري سورة الخوه

ـ
الخوه الوكفت بعينك بوكت الماي
ما وكـفـت بموتي لـيـش يـا وفـاي
من كد البواجي انعمت هاي وهاي

وذا متشوف عينك يعني ما تسوه

ـ
ما تسوه الدمع مو راح اجيك هناك
مشتاكـه لوكفتك خويه ولـمـلـكـاك
بــس شلون تشبكني وبلا يـمـنـاك

يا اول كمر فوك الرمح ضَوه

ـ
الرمح ضوه الدرب طول السبي براسه
روحه و رده ضـل ينزف تـره احساسه
شكثر معتازه هسه لشهگة انـفـاسـه

وكبل ما موت يا ريته الي تچوه

ـ
الي تچوه الاخو لو صار هـنـيـالي
وسف ضليت بس الدمعه تبرالي
يـتكـفل دفـنـتـي ردتـه كـفـالـي

ما حسبته ابد فوگ النهر يهوه

ـ
النهر يهوه الشجاع الما يطخ هامه
واخذ مني الردت بجنازتي الـثـامـه
ويا محله النعش لـو انـتـا كـدامـه

تمشي وخاطرك مكسور يل ضنوه

ـ
يل ضنوه شـكـثر معتازتك هـسـه
وانه ادري باخوي الحيد ما يـنـسه
لا كمرت علي حضرتني لا شمـسه

الدنيا ويايه مالت وإلطف شسوه



محمود محمد العطواني

نزله اهوازيه للسيده زينب (ع)


روحي بـعـازت الـخـوان والخوان عافـونـي
اريد اشكيلهم يا لون عگبهم صارت متوني

ـ
يا ساعت مماتي شـلـون للخوان مـعـتـازه
ضل فوك الترب مطروح الردته يشيل الجنازه
وبهذا العمر عـبـاس كـون يـصـيـر عـگـازه

تالي اعله النهر مطروح وانه كباله يسبـونـي
ريد اشكيلهم يا لون عگبهم صارت مـتونـي

ـ
اريدن ولدي والخوان ساعت موتي يم راسي
كون انه عله صدر حسين وآلزم ايد عـبـاسي
كون عيوني تنضر عون لمن اكطع انفـاسـي

ضلت حسره بالدلال بآرض الطف يدفنوني
اريد اشكيلهم يا لون عگبهم صارت متونـي

ـ
يلي مـدلـل الخطار مـحـلـه لـثـامـك بـمـوتـي
مـحـلاك انـتـا والخوان مـن تـشـيـل تـابـوتـي
صحت حيهم يبو الكلفات ريتك تستمع صوتي

يبو محمد اهالي الشام عن ونكم يمنعوني
اريد اشكيلهم يا لون عكبهم صارت متوني

ـ
اريدن للنعش حمال اخوتي الاربعـه المـاتـوا
كواكب وي كمر يا حيف شالوا يا وسف شالوا
ولد ام البنين اسبع وعله الـذلـه ما نـامـوا

بت حيدر علي يا حيف بموتي الغربه شالوني
اريد اشكيلهم يا لون عگبهم صارت مـتـونـي

ـ
يا سبع الگناطر كوم اخيتك ضلت بحيره
جنازتها تريد الثام ويـنـك يا ابو الـغـيـره
مسبيه عگب عيناك بحقك كلش جبيره

يا كفالي هاي الكوم بجفوفـك يـذكـرونــي
اريد اشكيلهم يا لون عگبهم صارت متوني

ـ
حيهم يا اخوي الـعـود يالطولك يـرد روحـي
اريد اتشارك انه وياك واسمع نوحك ونوحـي
اريدنك تشوف الشيب وتحسب بيهن جروحي

عگب ذاك الخدر يا خوي مسبيه يسموني
اريد اشكيلهم يا لون عگبهم صارت متوني



محمود محمد العطواني

لمولاي موسى ابن جعفر (ع)


اسد بغداد يستقبل المشايه

ـ
يم كاضم الغيض التعب محلاته
يحمينه الكمر وفياي ريـشـاتـه
ياهو العنده حاجه يجيب حاجاته
وهنا هم حبيب يعدها خطواته


والحاجات ترد مكضيه

ـ
كلمن عده عله وبل دوه تـحـيـر
بهل ايام بس خل ينخه ابن جعفر
بس يحلف المسموم بالـمـنـحـر
تشفه العله والله يم ابن حيدر


والمعلول هنا يتعالج

ـ
بغداد انشدوها عن قصر هارون
راح تكول صار الصيت للمسجون
تكصد موسى ابن جعفر زلم يمشون
لارض الكاضميه صلاله ميتيهون


كبته تصيح اهلاً يالزاير

ـ
هذا الشيعوه ودمه بـجـفـوفـه
هم بالغربه مسلم جنه بالكوفه
نهر موسى ابن جعفر دجله بجروفه
صاحت شيعته للموت منعوفه


شلون نعوف الكاضم وسفه

ـ
علينه اجداد اضنهم ما يعرفونه
وعوفو المشي يا شيعه يحاجونه
واحنه البعث ما كدروا يمنعونه
مجانين الحسين احنه يسمونه


وام حسين حيهم صاحت



محمود محمد العطواني

اهوازي
لمولاي موسى ابن جعفر (ع)


حيهم يا نسل عدنان چفو الدله و المـوگد
عدكم بالغرب صنديد حيف بسلسله مگيد

ـ
اسرجوها الاصيل ذيج حيهم يا نسل هاشم
بسجن اللا رشيد هناك مات امسمم الكاظم
يل ما منكم انتو بيوم واحد على الذل نـايـم

موسى اعله الجسر يا حيف يا بزرت علي موسد


ـ
وين الساده هذا اليوم الاخضر وينه بـيـرغـهـم
عميد الساده الف يا حيف راح وشال من عدهم
عراضه خـلـهم يـسـون ويـنـصـبـون جـادرهـم

عدهم ثار يم هارون وهذا الثار ما يبرد

ـ
لعنت الله على هارون مخلي الضوه بـطـامـوره
باجر تِصلي بيه النار امن المصحف سجن سوره
ايـرتـل بـيـها جبرائيل ومـن عـدهـا اخـذ نـوره

والكاظم يشع بالنور وارثها مِن اب وجد

ـ
فاكد خيمته بـهـل يوم الله يـسـاعـد الـضـامـن
يكلك يا عزيز الـــروح فـكـدك عـل وجـه بـايـن
ومعصومه ذبحها الشوك ولدروب اليجي تعاين

الله يعينها بفركاك والله يعين ابو محمد

ـ

گيد الكاظـم يذكره بگيد المشت مسبيـه
سجنه اعليها كضا نوح سواه جن حسينيه
تره ابغداد نوحه يزيد ودمعته كـربـلائـيـه

والسم من وصل جبده ويلي اعله النحر ردد



محمود محمد العطواني

مسجون النور بطاموره ومكسور الجنحان
وبالگيد جفوفه مگيديها يا وسـفـه القران

نعمي اعليّ الـعـيـون
نبجي اعله المسجون

…
خلص عمره تره مـن الشمس محروم
عايش بالغرب وبـيـا ذنـب مـسـمـوم
مـجروح الكلب عل كـاظـم ومـلـچوم
ودمع الشيعه ينزل هل مسيـه دمـوم

سـجـانـه الـمـا يـسوه ترابه يا وسفه ويا حيف
وفركاه يلچم كلب الشيعي ويذبح ذبح السيف

فركاه صعبه يــهــون
نبجي اعله المسجون

…
على جسر الرصافه تواعدو ويا
وكل احبابه طلعت حتى تتـلكا
عد الشيعه ذاكه اليوم يا محلا
يـشـتـمون رادو ريـحـة الزهرا

بـس اتاخر حـيـل اعـليهم والشيعه اتانيّ
هاي مصيبه بكلب الشيـعي تلجم واتاذيّ

واحـبـابـه يـنـوحـون
نبجي اعله المسجون

…
مسجون الـهـلال ومـا يـمـرنه الـعـيـد
ومن موسى اهتفت هذا الدهر شيريد
حرمو من هله وكضه الـزمـان ابـعــيد
تشيعيه الرافضه وينزف دمه امن الايد

بيوم الجمعه تريد الشيعه تملي بطوله العين
وجاهم تـابـوته يـشـيـلـونـه اربع حـمـالـيـن

مــا نـحـزنله شـلـون
نبجي اعله المسجون

…
معصومه المسيه تلطم اعله الراس
الله يعـينـها الفكدت اعـز الــنــاس
دموع اطـيـح منها شما تجر انفاس
ومالت مثل ميلت جدها عل عباس

والضامن بس الله يعينه وفوك الكاظم مال
فكد الوالد لا مـا يـرحـم وايـعـذب الـدلال

واولاده يــــنــــادون
نبجي اعله المسجون

…
هم بالغربه يشبه عمّته البل شـام
وجلمات الشماته بكلبه كلها سهام
بس احبابه اجته وتخدم الــخــدام
لكن عمته محد يمها هـــذا الــعام

الله يساعد كلب المهدي وي كل هذا الصار
ومـن نـار الباب وخـيماته كـلبه مـوجر نـار

اويـه الـسـر المكنون
نجبي اعله المسجون


محمود محمد العطواني

ثــار الله الــمــنــتــضــر ثار الله
وجده ردتله الشمس بعد الصلاه

،،،🤍،،،🤍,,,🤍،،،🤍،،،🤍,,,🤍,,,

١٥ شـعـبـان صـار الـمـنـتـقم
وصاحت الاكوان منك والنعم
بجيتك الانذال بــاجــر تـنهزم


هذا عالي وبالارض محد علاه

ثــار الله الــمــنــتــضــر ثار الله
وجده ردتله الشمس بعد الصلاه

،،،🤍،،،🤍,,,🤍،،،🤍،،،🤍,,,🤍,,,

بأجمل الاطوار غنت كربله
هله بهل مولود يا مية هله
نّور الاكوان شـيـخ الـمرجله


نّور بجيته ارض ربنه وسماه

ثــار الله الــمــنــتــضــر ثار الله
وجده ردتله الشمس بعد الصلاه

،،،🤍،،،🤍,,,🤍،،،🤍،،،🤍,,,🤍,,,

هذا هنياله الذي بحبه حضه
داره من الخير حاشاه ما فضه
هذا يا هل ناس جنه المرتضى


بالفضائل هذا واصل مستواه

ثــار الله الــمــنــتــضــر ثار الله
وجده ردتله الشمس بعد الصلاه

،،،🤍،،،🤍,,,🤍،،،🤍،،،🤍,,,🤍,,,

نهني نرجس بيه ويــه العسكري
واسمه من اقراه يــنسر نـاضـري
سـيـد الاكوان فــارس حـيـدري

اسمه يفرح بي جا كلمن قراه

ثــار الله الــمــنــتــضــر ثار الله
وجده ردتله الشمس بعد الصلاه

،،،🤍،،،🤍,,,🤍،،،🤍،،،🤍,,,🤍,,,

لا محال يصيح كلبك لا مـــحــال
يوم جيتك عـيـد ابـنـاء الـــحــلال
بس ضهورك ليش يـا مـولاي طـال


العطش لاسمك سيدي محد رواه

ثــار الله الــمــنــتــضــر ثار الله
وجده ردتله الشمس بعد الصلاه

،،،🤍،،،🤍,,,🤍،،،🤍،،،🤍,,,🤍,,,

اي وحگ قتال مرحب وابن ود
اغله من الكون هذا المـنـولـد
نــزل جـبـرائـيـل ويــوزع ورد

ووكف ميكائيل ويردد وراه

ثــار الله الــمــنــتــضــر ثار الله
وجده ردتله الشمس بعد الصلاه

،،،🤍،،،🤍,,,🤍،،،🤍،،،🤍,,,🤍,,,

يوسف و عيـسـى الــه كالو نـقـيـم
محفل بـهل يوم وويانه الـكـلـيـــم
غير هذا المهدي ذو الشأن العضيم

بعد هذا المهدي حجتنه شحلاه

ثــار الله الــمــنــتــضــر ثار الله
وجده ردتله الشمس بعد الصلاه



محمود محمد العطواني

صـلاوات . صــلاوات .. نـاديـنه
اجه اليوم . اجه اليوم .. مهدينه

..
يا هلا وكل الـهـلا بهـيـبة هله
اليوم معلوگه الشموع بكربله
اليوم فرحانه الحمد والبسمله

اليوم صفكه 🤍 للنعشكه 🤍 والفرح غطانه
وتره اليفرح 🤍 راح يربح 🤍 هل مسيه ويانه

بالحسين . بالحـسين .. هـنينه
اجه اليوم . اجه اليوم .. مهدينه

…
بـجــيـتـك يا خـاتـم الاثـناعشر
الشعيه كلها اليوم تشعر بالفخر
فايز الفرحان والـسـاكـت خسر

بصوت صحنه 🤍اليـوم كـلنه 🤍 يا هلا بل غالي
والــعــلامـه 🤍 الابـتـسـامـه 🤍 عل وجوه تلالي

هــلا بــي . هــلا بــي .. متانينه
اجه اليوم . اجه اليوم .. مهدينه

…
اجه اليشبه حيدره كول وفعل
وابن ذاك الاسد يا ناس الشبل
وراح يحكم مثل حيدر بالعدل

هـلا بجيته 🤍 الينقذ امُته 🤍 الوصه بيها الخاتم
بكيفه كلشي 🤍 وراح يمشي 🤍 بامره كل العالم

والاســلام . الاســلام .. كر عينه
اجه اليوم . اجه اليوم .. مهدينه

…
يوسف واحدى عشر كوكب سجد
لابو صالح هل مسيه امـن انـولـد
وعيسى راح يـصـيـرلـه بـاجر سند

شيخ هاشم🤍 وامه فاطم 🤍 فرحت بميلاده
جنــه كافل 🤍 هيبة شايل 🤍 جنه عم الساده

ضوه الكون . ضوه الكون .. غالينه
اجـه اليـوم . اجـه اليوم .. مهدينه

…
كربله وسامره وي ارض الغري
فرحت بمـيـلاد ابـن العسكري
معدل وصنديد فارس حـيدري

بيوم جيته 🤍 گليب عمته 🤍 طـايـر بـافراحه
يا حلاته 🤍 ومن غلاته 🤍 شايخ اعله الساحه

العرش بي . العرش بي .. يهنينه
اجـه اليوم . اجه اليوم .. مهدينه



محمود محمد العطواني
🤍🤍🤍🤍🤍🤍🤍

السعوديه _ القطيف

كلمات // محمود محمد العطواني
اداء الرادود // سلمان المغلق

اجه اليوم مهدينه

👇الرابط👇
https://youtu.be/hE3e9R7dfXY?si=ZsPeXbhHWNK5nOUt

https://youtu.be/bbfX6H-rui0?si=iT4cFa8aYb4eNZ7t
==========================
صـلاوات . صــلاوات .. نـاديـنه كلمات الشاعر محمود محمد العطواني أداء الرادود المبدع ناصر الحمدان

دلالي بعدك مجروح ـ لايگ عليّ بويه النوح
وبشوفتك تشفه الروح ـ بويه بويه

ـ
تكسر خاطر الشمات ـ صارت حالتي بعدك
عليله من بعد عيناك ـ وصار َدواي بس يمك
النجف هنيالها واللهَ ـ چيف اترابها اشتمك
رحت وضلمت دنياي ـ يل جان الضوه ايرسمك

عطر الله غطاه اتراب ـ وكلبي عليه مات وذاب
يل عطرك بريتي يفوح ـ بويه بويه

ـ
مامش لذه يا دنياي ـ بيج بروحة الوالد
والفارگ عزيز شلون ـ باجر لمن ايـعـايد
كل عام ويتامه احنه ـ يعايد هيجي لو رايد
سوده يا هدوم العيد ـ باجر كشخة الفاكد

اتعيد بعد كلي شلون ـ من عگب طولك ام عون
والدمع عل خد مطروح ـ بويه بويه

ـ
رحت وروحتك بالروح ـ خلت بالضهر كسره
ردلي وخل يرد الشوف ـ احلفك بويه بالزهره
چَواني بلهيبه اچفاك ـ وبدلالي حــط جمره
يل جنت ابصلات الليل ـ تنطي النور للكمره

يل جنت مصدر للنور ـ والله انتا مو مال اكبور
والصبح بعدك مذبوح ـ بويه بويه

ـ
بداعت بتك لـبـتـك ـ ترجع يل شلت عنها
تستاحش هواها الهاب ـ كلما تبتعد مـنـها
واصل حتى جبرائيل ـ بعدك ضل صدى ونها
الضحكه والفرح بچفاك ـ يل صنديد عافنها

وجه السعد لمن مات ـ ماتن اوياه الضحكات
والفرح ماضل مسموح ـ بويه بويه

ـ
يل ما تبطي عل ينخاك ـ جا ما تسمع النخوه
ما تدري بحياتي تصير ـ بعدك بويه ما تسوه
ردن اهدومي والعباس ـ من ادموعي يتروه
خلصت الدروب اعليك ـ خطوه تعثر بخطوه

صورتك سكنت بالعين ـ وانه حرت بين وبين
بين الرحت والـ لتروح ـ بويه بويه

ـ
ها يا ضحكتي وعـيـنـاي ـ ها يا هــبـتي وقـوتي
صحت بحسره يل مطبور ـ ريتك تستمع صوتي
كبل تـابـوتـك المشـيـول ـ كون انشال تـابـوتـي
يا بويه شحلاته يـصـيـر ـ كبلـك يا علي مـوتـي

ليش ارحلت يالصنديد ـ جا بيمن اتلكه العيد
ومن عيني طولك ممسوح ـ بويه بويه

علي علي علي علي علي يا علي

ـ
علي الاسم الاعضم ـ علي لا ما يـنـضـم
علي الهيبه الضيغم ـ بالحرب ما يرحم

علي دومه الـعـالـي ـ علي كـلش غـالـي
علـي راحـت بـالـي ـ بـحـبـه يا هنيـالـي


هذا الاسم من ينذكر الهم ينجلي
علي علي علـي عـلـي علي يا علي


ـ
علي النور الساطع ـ علي البدر الطالع
علي صيته الشايع ـ ولا حشاه مو رابع

علي بـ طه اتـكـفـل ـ عـلـي هـوه الاول
علي مصحف منزل ـ ذل زلم بس ما ذَل


تخشع سمانه بهل اسم من ينـتـلـي
علي علـي عـلـي عـلـي علي يا علي


ـ
علي راعي الشيمه ـ علي فّي بالهيمه
علي للحك خيمه ـ وبالقحط هم غيمه

علي ايه وسوره ـ علي العرش ايزوره
علي الكون ايدوره ـ كشخة المعموره


والـجـنـه لـمن تنسئل منهو الولي
علي علـي عـلـي عـلـي علي يا علي


ـ
علي رازق واهـب ـ علي سيفه الضارب
علي عالشر غاضب ـ امنتف اكبر شارب

علي حـيـل الـبـاري ـ علي بالـدم سـاري
عـلـي وانـه الـقـاري ـ اسمه من صياري


هذا النداء امن الصغر ضل يعتلي
علي علـي عـلـي عـلـي علي يا علي


ـ
علي مربع حيفه ـ علي شاطر سيفه
علي كلشي بكيفه ـ الوحي بداره وضيفه

علي احزام الهادي ـ علي باسمه انادي
علي ولجلك فادي ـ يالعزيز اولادي


هوه انه غيرك يل فحل جا منهو الي
علي علـي عـلـي عـلـي علي يـا عـلـي


ـ
علي ذخر الشيعه ـ علي امره انطيعه
علي لا مـنـبـيـعه ـ واله نهدي البيعه

علي اليصبح جاره ـ عـلـي ايبَـرد نـاره
علي واحنه انصاره ـ الميت و حّي زاره


لمن يدفنوني افتخر يمـه هـلي
علي علي علي عـلـي علي يا علي



محمود محمد العطواني

نزله اهوازيه للامام علي (ع)

الجانت شوفتك تسگي ذابل من عكب عينك

ـ
رد يا والدي اعله العيد ضل جم يوم يل غالي
بعدك كلي اعيد شلون وانتـا بطولك اهـلالـي
كل عام ودموع العين بعدك بـويـه تـبـرالـي

ميت من بعد عيناك واليحيـنـي جـفـيـنـك
الجانت شوفتك تسگي ذابل من عكب عينك

ـ
يل صنديد احلفك بيش لحباببك تـرد سـالـم
تدري بروحتك هل يوم كسرت كل بني هاشم
ابو الاكبر عليك يـنـوح ويا لوعة ابو الـقـاسـم

ليش تشيل يل كرار رد يا خيمة حـسـيـنـك
الجانت شوفتك تسگي ذابل من عكب عينك

ـ
طحت وطيحتك يل شيخ طاح وياها كل حيلي
عكبگ ضـلـمـت دنـيـاي ومصباحي شبه ليلي
شاب وشيبت بـچـفـاك ويا عمري سبگ جيلي

من بعدك دموعي تسيل وينك يل رحت وينك
الجانت شوفتك تسگي ذابل من عكب عينك

ـ
عميد الساده شال اليوم وچفه الحسن دلاته
وضلت تـنسمع عـبـاس لذاك الصوب وناته
راح الـجـان روح الـروح وراحت ذيج ضحكاته

وترجع النه يل كـرار سـالـم جـا مـتانـيـنـك
الجانت شوفتك تسگي ذابل من عكب عينك

ـ
بعدك بويه أنه حسين راحي يصفگ براحي
يل غالي وگبل عاشور هجرك صار ذباحي
عدويي اغيابك الچتال ولا ما ينفع اسلاحي

يـالـحيرت ريتي ويـاك بين الهوه وما بـيـنـك
الجانت شوفتك تسگي ذابل من عكب عينك


محمود محمد العطواني

رحـت وروحـتـك ذبـحـت دليلي
ودمعي عليك ضل تارس شليلي

ـ
رحت وروحتك هدت تره حيل
بل يا حيف يخلص بعدك الليل
دمعي اعليك صاير يشبه السيل

عين تكل للآخره ادموع سيلي

ـ
المثلك للشبگ لا مو للفراك
دمعتي جفاك صارت تشبه الراك
توك ميت انتا وليك مشتاك

وسابك شيب راسي هوايه جيلي

ـ
اذا راح العزيز الدنيه شتفيد
جوه الكاع يا حيف الاجاويد
رد ابساع ضل جم يوم للعيد

احلفك بيش يل غالي وتجيلي

ـ
النجف من اخذتك ما حسبت احساب
الشباب البعدك يصيرون شــيــاب
شيفيد الليل اذا مــنــه الكمر غاب

بعدك صار بس هجرك جيبيلي

ـ
فدائي الهجره هَجره يفت الكلوب
وشلي بدنياي وانه بهجره مصيوب
خلافه امن الدمع والنوح متعوب

انه بلا حيل بعدك رد يحيلي

ـ
وعلي بدلالي جرح افراكك اجبير
مثلك ابجي راح اعليك بـالـبـيـر
شيبت بفركتك وانه الازغــيـر

منو اليشبهني بحزاني ومثـيـلـي

ـ
كون دموعنه ترد كلمن يروح
جا نكضي العمر يل غالي بس نوح
كبل عاشور انه بفركاك مذبوح

ما كفيت من نوحي وعـويـلـي
ودمعي عليك ضل تارس شيليلي


محمود محمد العطواني

كعديه نجفي

يل من حجي ابوك الراس شيب
بـالــطـور الـتحبه اعليك ننحب

بالطور العراقي .. انوح ونوحي باقي

..

الك واجب عيني تهمل .. يا قدوتي ويا امامي
يوم فكدك يابو موسى .. مثل يوم المات ضامي
ومن ارض يعشكها كلبك .. للبقيع ابعث سلامي

يا مرجع الحك والعلم
يا جعفر الهيبه الشهم
مامش مثل اسمك اسم . واسمك ولا مثل الاسامي

فوگ النجمه ونضاهي الثريه
چي نتسمه باسمك جعفريـه

امن النار اسمه واقي .. انوح ونوحي باقي

..

يبن ذاك الجان مرجع .. للشجاعه وللاشاوس
للعلم مرجع صفاتك .. وانتا دستور المدارس
واول حسينيه بيتك .. صار مرجع للـمـجـالس

اي وحك سبع الكنطره
باب العلم صح حيدره
بــس انتا مفتاحه تــره .. وموش من كيفي انه قايس

خصـمـك يعـترف لوما العامان
وحقك جا هلك سيدي النعمان

يـٰمن ليك اشتياقي .. انوح ونوحي وباقي

..

سيدي لازم نعرج .. عل طفوف وعل مصيبه
ونذكر المسحوك صدره .. وسلبو هدومه الخضيبه
الجعفري بهاي المسيه .. الك ولجدك نحيبه

يهـمل ابد ما ينكطع
الكم يساداتي الدمع
والكلب بيكم منفجع . ولزينب الضلت غريبه

احنه بـكل مـسيه يهل دمعنه
وكل اليوم احنه عاشوراء عدنه

بعبرتي اختناقي .. انوح ونوحي باقي

..

من شفت نيران دارك .. وركضة اطفالك امامك
تذكرت ذيج الفجيعه .. بيوم ما ذبحوا عمامك
ويوم صاحوا ياخو زينب .. نار وجينه بخـيـامـك

الله يـعينك ســيــدي
ومنين جرحك يبتدي
واليحدي عماتك ردي .. بس لجن ماحرگوا اجدامك


الله يـعـينهن حـركـوا خيمـهـن
وبـصـف الـنهـر طـايـح علمهن

وضعنهن عوزه ساقي .. انوح ونوحي باقي

..

انت ابن دار الرسالة .. و وسط بيت العتره رابي
لو ردت اكتب صفاتك .. مـا يكفيلك كتابي
وانه لا ما رايد اعتب .. على الما يسوه عتابي

ما اعتب على الناصبي
الـهدم بـقيـع آل النبي
وباجر يحقق مطلبي .. مهدينه غصبان عل واهابي

الصادق بــاجـر نـعـلـيـهـا گبته
والــمــا يــرضـه نكطعها رگبـته

المهدي هناك الاقي .. انوح ونوحي باقي


محمود محمد العطواني

يا اَبا عَبْدِاللهِ يا حُسَيْنَ بْنَ عَلِيٍّ، اَيُّهَا الشَّهيدُ يَا بْنَ رَسُولِ اللهِ يا حُجَّةَ اللهِ عَلى خَلْقِهِ يا سَيِّدَنا وَمَوْلانا اِنّا تَوَجَّهْنا وَاسْتَشْفَعْنا وَتَوَسَّلْنا بِكَ اِلَى اللهِ وَقَدَّمْناكَ بَيْنَ يَدَيْ حاجاتِنا يا وَجيهاً عِنْدَ اللهِ اِشْفَعْ لَنا عِنْدَ اللهِ،

محرم 1447هـ
الشاعر محمود محمد العطواني

يل كل خيري منك : لا تبعدنـي عـنـك
خادم وارفع الراس : تارس كلبي حزنك

:::: :::: :::: ::::

يا حبيبي الاولي الما اكدر انساك
يومي ما يكمل اذا ما لازم انعاك
والله ماحس بالثوني التكضي وياك
انتا اول غالي عندي وكلشي جواك

زغِير وتوني صف اول لجن كد ما احبك
قبل ما اسمي اكتبنه يابو الاكبر اكتبك

وملجأ روحي صحنك : لا تبعدنـي عـنـك
خـادم وارفـع الـراس : تارس كلبي حزنك

:::: :::: :::: ::::

عاده بيها اتمسكت من ذيج الايام
لّون ما اسمع قصيده اعليك ما انام
وعاده عندي من وراها هوايه انلام
كبل شـهـرين لـمـحرم البس حزام

تلوم شكد خلك بـيـه لـچنها مـا تهمني
المهم عندي يبن فاطم رضاتك انتا عني

بداعت طيحت ابنك : لا تبعدنـي عـنـك
خادم وارفـع الـراس : تارس كلبي حزنك

:::: :::: :::: ::::

انتا يل خـيـرك مـلاني وتارس العين
لو اعـوفـك كـلـي اجيبن مثلك منين
انـه لوما اعرفه دربك جا ضعت وين
عمري خلصته واكولن فدوه لحسين

عرفت الحب معانيه تره بسـاعـت عـرفتك
وملك كمت اشعر بروحي يمولاي بخدمتك

وما تنساني اضــنك : لا تبعدنـي عـنـك
خادم وارفـع الـراس : تارس كلبي حزنك

:::: :::: :::: ::::

خوفي اذا مـا انـقـبـل يـمـك يوفاي
وانه اذكرك سيدي وي شربت الماي
والله واعرف غيري عندك كلش هواي
بس لجن ما عندي غيرك والله مولاي

اذا مـن ربـعـك تعدني بـعد ما ابقه ضايع
وانه اعرف عنك امن ابعد تدليني المدامع

اقبلني اويه ضعـنـك : لا تبعدنـي عـنـك
خادم وارفـع الـراس : تارس كلبي حزنك

:::: :::: :::: ::::

سـيـدي اكـثـر شـي يـنـزل مـني الدموع
الناعي من يذكرها سحكت ذيج الضلوع
والمصيبه صوت ضلعـك جـان مسموع
وزينب امن الخيمه ضـلت عكبك تـلـوع

اذا عل هزله وتذكـرك تـره الحادي يـجـيـهـا
يويلي بسوطه يضربها تره ويـكـطع بـجـيـهـا

وينوح الها جـفـنـك : لا تبعدنـي عـنـك
خادم وارفـع الـراس : تارس كلبي حزنك



الشاعر محمود محمد العطواني

ربع حسين كلنه بس لجن احنه
نصنه انطيح يمكن لو يغربـلـنـه

:::-:::-:::-:::-:::-:::-:::

خدام الحسين بهل زمان هواي
اكو بيهم ‏رياء مـشـتتين الراي
وبيهم على النيه واصفه من الماي

من ياهمه احنه الزهره تحسبنه


:::-:::-:::-:::-:::-:::-:::

اكو هوايه خدم بس مال قال وقيل
بأشاره ابليس جرهم حتى مو زنجيل
واكو خدام بيهم نور جـبـرائـيـل

وعلى الخدمه الرُسل يا ناس حسدنه

:::-:::-:::-:::-:::-:::-:::

خل انراجع الخدام بل تصنيف
اكو شاعر يذل الحره بالتوصيف
وهيه الجنها عباس السبع ومخٍيِف

شنكل للكمر لو راد ينشدنه

:::-:::-:::-:::-:::-:::-:::

اعله شور ارد اسولف بس لجن يا شور
المهذب ما اقصده واقصد الممذور
يل خاقاني عل خدمه صدك مشكور

ونتمنه الخدم تاخذ عبر منه

:::-:::-:::-:::-:::-:::-:::

واكو رادود يقره ويشترط توثيق
وميهم مجلسه بأسم الحسين يليق
والمهدي التكبر يسلب التوفيق

التكبر ما يصّعد لا يــنـزلنه

:::-:::-:::-:::-:::-:::-:::

تره التوثيق هم مطلوب هل ايام
وبهاي المجالس يُلزم الاعلام
نبين بي ضلامة زينب البل شام

بس لازم نراعي الكال ما عدنه

:::-:::-:::-:::-:::-:::-:::

شمكثرها المواكب هسه والهيئات
الله يزيدها يا عمي بس مرات
التنافس بينهم يخلق المو زينات

بدرب حسين خل نتجنب الفتنه



الشاعر محمود محمد العطواني

وصية خادم


يـمـه ذكـرنـي :: مـن يـمـر شـهـر الحسين
امن اللطم محروم :: هل سنه مامش ونين
جانت امنيتي : احضر عزاءه
بعشرة محرم :: لكبري بدموعج تجين
يـمـه اذكـرنـي :: من يمر شهر الحسين

:::؛:::

يل نذرتـيني :: بـهـل شـهر خادم اكون
بالكبر هسه :: والـتـرب مـالـي العيون

كلبي يصرخلج :سمعي نداءه
دمــع ثـوبـيـلي :: هل شهر لمن يحين
يـمـه اذكـرنـي :: من يمر شهر الحسين

:::؛:::

دمعتي تلالي :: كل سنه بجيت الهلال
علـيي شتموها :: من بعد ذاك الدلال

بالطف اخوها : سلبو رداءه
والكـمـر طايح :عـل نـهـر وبلا ادين
يـمـه اذكـرنـي :: من يمر شهر الحسين

:::؛:::

بالكـبر يـمـه :: والـچـفن ابيض تراا
وسفه ما لابس :: اسود بنص العزاء

وويه صدكاني : اندب دمائه
اوكف وياهم : بالعزه بنوح وانين
يـمـه اذكـرنـي :: من يمر شهر الحسين

:::؛:::

كبري يم حيدر :: ورايد اشكيله بدموع
هل سنه لجاسم :: ما شعلت انه الشموع

بكبري دوم اسمع : حيدر بكائه
عليي بالعاشر :: ضل تره بلايه معين
يـمـه اذكـرنـي :: من يمر شهر الحسين

:::؛:::

من غسلوني :: ما ردت غِسلي يصير
وجثة الغالي :: بلا غِسل فوك الحصير

ومن عكب جتله : سلبو نسائه
رجوتي جانت :: ابجي اله طول السنين
يـمـه اذكـرنـي :: من يمر شهر الحسين

:::؛:::

وسفه بالموكب :: هل سنه مالي مكان
ترابي المبلل :: عل دمع شاهد عيان

وامشي مشايه : لطف كربلائه
واقره من امشي :: الفاتحه لام البنين
يـمـه اذكـرنـي :: من يمر شهر الحسين

:::؛:::

ما يهم عرسي :: والمهم هذا مصاب
صدري موش احمر :: والجفن ذاري التراب

حسيني ما اكدر : ابجي برثائه
بالحشر لكن :: ابجي من يحضر يقين
يـمـه اذكـرنـي :: من يمر شهر الحسين



الشاعر محمود محمد العطواني

جانه شهر الدمع والفاجعة
الشيعي خلي يحضر مدمعة

--

بكل فخر صوتي اعتله - بشهر ابو الاكبر هله
رايد اسمع مقتله - بدمعتي

وداعت الرد الشمس ـ بالكلب مشتاك احس
واسود يصير اللبس - كشختي


اسود لجل العتره الثوب
واسمي بدفترهم مكتوب

ها ها
وهنياله المسجلين اسمه


عليي جثته سليبه مكطعة
الشيعي خلي يحضر مدمعة


--

يلا شدوها الحزم - هل لطم بس للزلم
ناده حيدر والنعم - يشيعه

ويانه تحضر فاطمه - بالعزاء محزمه
والدمع يكطر دمه - فجيعه

مفجوعه وتلطم عل راس
وتبجي اعله جفوف العباس

وا ويلي عل كافل صاحت


والنبي اعله الخدر ناح ونعه
الشيعي خلي يحضر مدمعة

--

باجر المدمع يصب - والمواكب تنصب
ويقره لطميه الكلب - لامامه

باجر يسيل الدمع - للجفوف وللضلع
وبالمجالس ننجمع - نشامه

ويغرد صوت الرادود
ومتوسط بالنص شادود

اللطامه وياه متحزمه


تسهل امره تره ام الاربعه
الشيعي خلي يحضر مدمعة

--

انه شيعي وللعضم - عل مجالس منفطم
يشهد اعليه اللطم - افاخر

حزني وادم لامته - وكلبي صاح بكسرته
حسين بالطف سحكته - الحوافر

شصار بزينب ما يدرون
لمن رد خالي الميمون

وعليها دمعاتي يسيلن

وللكفيل الوكع عل مشرعه
الشيعي خلي يحضر مدمعة

--

حسين احبنه شكثر - هذا المحلي العمر
هذا عشكي امن الزغر - حبيبي

جنه احسن كربله - وانه صيتي شكد عله
جي صرت خادم اله - نصيبي

هنيالي ومحسوب اعلي
هذا اليكسرني بطاري

يسموني خادم هنيالي

وصوت من السماء السابعة
الشيعي خلي يحضر مدمعة



الشاعر محمود محمد العطواني