دده عدالت اورتاساری تئل هاواسی

عاشیق عبدالعلی قاراچی هاواسی

سونابولبوللر الناره عبداله یوا

سحروز خئیر گونوز آیدین 🌺❣

اوزونه دویونجان باخمامیشام من،
گؤزلرین اوزومده قالاندان بری.
اورییم سنله‌دیر، عشقیم سنله‌دیر،
عشقین اورییمه دولاندان بری.

کؤنول سئومه‌یه‌نی سئوه بیلمرم
کؤنلومه یاد دئییل نه شادلیق، نه غم
کدره دوشمنم، سئوینجه همدم،
سن منیم همدمیم اولاندان بری.

قار-بوران گؤرمه‌سین بو باهار عشقیم!
مین ایل سئومک اوچون یئنه وار عشقیم.
کولک‌لر نغمه‌م دیر، دریالار عشقیم،
محبّت سازینی چالاندان بری.

بیرجه سؤز اینجیدیر قلبیمی هر دم
اوتانیرام اونو آچیقجا دئیم
آی اوغلان! آخی توی حسرتینده‌یم،
نیشان اوزویونو آلاندان بری...

#ممد_آراز

ياد اولسون عزيزيم سنه عشقيم قاریشان گون

پالچيخ دووار آلتيندا غميلن تانیشان گون

سن دن سورا من بوردا خزل لر شاهی اولدوم

اؤد سالدی غميم عالمه قلبيم آلیشان گون

تَر باسدی منی ايستی نفس سينَه مَه دولدی

سن سيز ئورگيم سينه مين ايچره چالیشان گون

بير دفعه آنام سود وئريب اآغزیم داد آپاردی

دادلاندی ديليم بيرده سنی لن دانیشان گون

ايندی داريخیر اِئو منيچين مَنده كوچه ايچين

اِئودن كوسر اولدوم كوچه نيزلن باریشان گون

كؤنلوم داريخیب هاردا قالوب بيلميرم آخر

قلبيم ده اؤلان حسّی لن عقليم آتیشان گون

کؤنلوم قوشو قاناد چالماز سنسیز بیر آن، آزربایجان!
خوش گونلرین گئتمز مودام خیالیمدان، آزربایجان!

سندن اوزاق دوشسم ده من، عشقین ایله یاشاییرام
یارالانمیش قلبیم کیمی، قلبی ویران آزربایجان!

بوتون دونیا بیلیر سنین قودرتین‌له، دؤولتین‌له-
آباد اولوب، آزاد اولوب مولکو-ایران، آزربایجان!

بیستونِ انقلابدا شیرین وطن اوچون، فرهاد!
کولونگ وورموش اؤز باشینا زامان-زامان آزربایجان.

وطن عشقی مکتبینده جان وئرمه‌یی اؤیرنمیشیک،
اوستادیمیز دئمیش: «هئچ‌دیر وطن‌سیز جان،» آذربایجان!

قورتارماقچون ظالیم‌لرین الیندن رئی شومشادینی،
اؤز شومشادین باشدان-باشا اولوب آل قان، آزربایجان!

یارب، نه‌دیر بیر بو قدر اورکلری قان ائتمه‌یین؟!
قولو باغلی قالاجاقدیر نه واختاجان آزربایجان؟

ایگیدلرین ایران اوچون شهید اولموش، عوضینده-
درد آلمیسان، غم آلمیسان سن ایراندان، آزربایجان!

اؤولادلارین نه واختادک تَرکی-وطن اولاجاقدیر؟
ال-اله وئر، عوصیان ائله، اویان، اویان، آزربایجان!

یئتر فراق، اودلاریندان اود الندی باشیمیزا
دور آیاغا، یا آزاد اول، یا تامام یان، آزربایجان!

«شهریار»ین اوره‌یی ده سنینکی‌تک یارالی‌دیر
آزادلیق‌دیر سنه ملهم، منه درمان، آزربایجان...!

#شهریار

هئچ بیلمیرم نئجه دئییم، نه دئییم،
من چاشمیشام، اینجیین سن، کوسن سن.
بو گؤروشدن خبرسیزدی اورییم،
ائله‌ بیل کی، نه من منم، نه سن سن.

سن دئدییین من دئییلم، بدن‌دی،
اؤتری‌دی دویغوسو دا، حیسّی ده
اورک یوخسا، او بیلمیرم ندندی،
بیرلشدیریب آییراجاق بیزی ده.

بو دونیادا بیر دونیام وار ناراحات،
من اؤزوم ده ناراحاتام نه واختدی.
قولوم اوستده سن یاتیرسان بو ساعات،
اورییمده باشقاسی وار، اویاقدی...

#نریمان_حسن‌زاده

عدالت دلی داغلی اورتاساری تئل هاواسی و گوزل دیکلمه

بیاض گول ابراهیم تاتلیسس

عاشیق منصور نیکزاد دوبیتی هاواسی

شور ماهنسی

ازلدن منیله گئتمدین یولا

کرپیجین اویمادی داشیما دونیا

من ساغا اویاندا سن اویدون سولا

نلر گتیرمدین باشیما دونیا؟



دوشمان قاباغیندا باغلاتدین منی

شیش قویوب اوجاغا داغلاتدین منی

هاردا خوشون گلدی آغلاتدین منی

بیر دونوب باخمادین یاشیما دونیا

اوزوم کاسیب اولدوم ایشلریم چتین

طالعیم هر یاندان کم گتدی بوتون

سنین سویوخ سوزون سویوخ صیفتین

نه میننت قالدی کی قیشیما دونیا؟



آتام بو یئرلرده قوراردی کومه

کیملردن سوزولدن گور چاتدین کیمه

قارا یئللر ووردو ساغ صیفتیمه

هاچان سورمه چکدین قاشیما دئنیا؟



یئتیم اوشاق کیمی آغلادیم آستا

دایاندیم یالواردیم اوز توتان دوستا

مئشه لر سولوبدو باغچالار یاسدا

بیر یاتاق وئرمدین قوشوما دونیا



ایتیردیم غملرین حسابین سایین

لذتین گورمدیم باهارین یایین

هئی منه ایچیرتدین زهر هلایین

بیر شکر قایتمادین آشیما دونیا



اولونجه سینه می ایله دین هدف

بیر دفعه دردیمی ایله مدین دفع

نه دوشماندا قئیرت نه دوسدا شرف

قئیرتسیزلر چیخدی توشیما دونیا



من تقییم نه مجنونام نه لیلی

بو دوشگون قوجایا کیم سالار میلی

اولدوم خدمتیندن گئتدیم گیلئیلی

بیر ایشین گلمدی خوشوما دونیا.

محمد تقی تقی زاده

Müxtar hatami:
آی آشیق نینیرم هیجرانی غمی,
منه سئوینجدن ووصال دان دانیش..
نینیرم حسرتی، نینیرم بمی,
هارای چک زیل اوخو کامالدان دانیش..

سؤيله بو دونیانین نئچه دیر یاشی,
سؤيله بو اوزویون نئچه دیر قاشی,
سؤيله خومار گؤزدن آخماسین یاشی,
او داغلار گؤزلى مارالدان دانیش..

حیات یاشاماقدیر اؤلمکدن دئمه,
کول اولوب، کؤز اولوب سؤنمکدن دئمه,
عهدینی باغلاییب دؤنمکدن دئمه,
عشقیدن، سئوگیدن، خیالدان دانیش..

منه خزل دن یوخ، چیچکدن اوخو,
آرخامدا حاق آدلی کؤمک دن اوخو,
آنام پیشیردیی چؤرک دن اوخو,
آتامین قازانجی حالالدان دانیش..

منی کئچمیشیمه قایتاران آشیق,
منه بابالاردان پای قالان آشیق,
اوتوروب زیروه ده ساز چالان آشیق,
منه ائل دن، اوبادان، ماحالدان دانیش..

سنه سؤز وئرميشم آی گؤزل صنم,
ظن ائتمه سؤز وئريب سؤزومدن دؤنم,
شاعيرلر ايچینده خسرو خان منم,
دوداغدان، یاناغدان، داماغدان دانیش...

خسرو سرتیپی

کونول

Telli Borçalı canlı efirdə meyxana dedi…

تئلی بورچالی 🎤
گوزل مئیخانا دئیر

🌸🌺🌸🌺🌸🌺🌸