للأمام الباقر عليه السلام

يالتسـئـل عليّـة انحــب للمنيّـة
مانشفت دمعتي. عالراحت سبيّة
..................

آنه ابن زين العباد الباقر اسمي
دم رسـول الله مُحـمّـــد والله دمي
دمعي ما سال عله حالي ولا لهمّي
لزينب المسبية عمتي نار هضمي

يالتنـشــد جوابي. آهاتي وعذابي
لزينب من خذوها. تنظر ال اميّة
...........

آنه مو هالليله موتي موتي بالشام
من شفت عمتي سبيّة ابين ظلّام
بالحبل مچتوفه هيه وكل الايتام
والشماته عيونها ترميها بسهام

گلبي بنار محروگ. من مرّوها بالسوگ
هاي ام الخدر هاي. صاحو خارجيه
..............

والمصيبه الأعظم واصعب عليّة
زينب يدخلوها ديوان آل اميّة
ضل يسبها يزيد ويسب الزچية
وزينب تعاتب ابن حامي الحميّة

وينك ياكفيلي. ياستري ودليلي
عباس بغيابك. من ينغر اليّة
..................

الباقر المظلوم آنه وهــذا حالي
تجري عالخد دمعتي بطول الليالي
صورة الطف دوم مرسومه عله بالي
شفت راس حسين جدي برمح عالي

عاشرت المصيبه. ورافگت الغريبه
يبقه بگلبي ياناس. جرح الغاضريه
..................

الرايد يواسيني خل يذكر مصابه
حسين جدي السلّبو حتى ثيابه
ومن يروح لكربله ويسجد ابابه
هناك خل يذكرني من يشتم ترابه

آنه الباقر ابنه. تارس روحي حزنه
كلكم يالتزورون. ذكروني بتحيّة
...............

بعيني شفت حسين خيل ادوس جسمه
وشفت من راسه الشريف يسيل دمه
بالبقيع هنانه جسمي وروحي يمه
كل مصاب يهون لمصاب ابواليمه

ما انسه الجراله. بمصابه وعياله
يومه لا جره وصار. بدهور البرية

سيد زيد الفحام
________

يالستئل عليه انحب للمنيه
كلمات المبدع سيدزيدالفحام أداء الرادودمحمدابوسجادالكعبي٢٠٢٢
حصريا الاستشهاد الامام الباقرعليه السلام
7/7 / 2022

الامام مُحَمّد الجواد عليه السلام

من على سطح المنيه
توجّهت للغاضريه
سلامي للحُسين ابا عبدالله
.............

آنه ياناس الجواد جروح عندي
عالسطح وحدي الوج وذاب چبدي
بدار غربه لا اهل مسموم وحدي
تذكّرت غربة حبيبي حسين جدي

عايش بجرحي لگيته
جدي هذا وما نسيته
سلامي للحنين. ابا عبدالله
...............

بدار امّ الفضل هاي الناصبيه
سمّموني وماسئل واحد عليه
چبدي ذاب وصدري ضاگ امن الاذيه
ومنعو الماي اشرب بهاي المسيه

بالعطش مر عله بالي
مثل حال حسين حالي
وحيد بلا مُعين ابا عبدالله
.................
شابهت جدي الحسين بغربة الدار
حسين وحده وانه وحدي بلايه انصار
بچبده وبچبدي نفسها تسعر النار
لسَّه بشفافي وشفافه جروح وآثار

لكن اهون آني ادري
ما مشت خيل عله صدري
عله مصابه حزين. ابا عبدالله
.................

تاسع اهل البيت آنه وعمري مظلوم
شاب عشريني يشيعه ومتت مسموم
المعتصم سمني بسمومه وطحت مهضوم
بدار غربه ومن بنيني واهلي محروم

بالعمر چن علي الأكبر
لكربله اشتاگيت اكثر
وصيح بدمعي وين ابا عبدالله
...............

شيعتي آنه الجواد بدمعي ناديت
گبل موتي لكربله اوصل تمنّيت
ارد ازور حسين جدي الليله حنّيت
وي نسيم الهاب شوگ ودمعه ودّيت
رابح اليوگف ابابه
يسجد ويشتم ترابه
شفيع المذنبين ابا عبدالله
................

راح اموت الليله وحدي لكن الروح
لكربله لحسين جدي محزنه تروح
مثل جسم حسين جسمي يبقه مطروح
ارد اواسي الظل بلا تغسيل مذبوح

بالشمس مطروح سهله
صدري مامكسور مثله
قطيع الودَجَين ابا عبدالله

#سيد_زيد_الفحام
_______________________________________

من على سطح المنيه كلمات سيد زيد الفحام أداء الرادودمحمدابوسجادالكعبي مجلس الاسبوعي٢٠٢٢ جديد ١٤٤٤ هجري
٢٠٢٢/٧/٢١

الرضيع_محرم 1444
ليله (٩) عبدالله الرضيع ع رئيسيه

رايح يالولد وين
رد بداعة حسين
مهدك يذبح الروح
خالي وانته مذبوح

اه ييمه اه ييمه
____
يبني يالولد ليش البعد طال
رايح وين كلي حالي مو حال
اعاين عالمهد بس دمعي همال
يم المكبرة ابني حمل وشال

يمه بداعت ارباك
ليش السهم صابك

اه ييمه اه ييمه
____
يمه سهم الصاب نحرك صوباني
ليش قاسي وي ابني يازماني
ريت بعدك يالولد موتي خذاني
اه من دهري وعلي وليه ولاني

اوننا ليل وانهار
موتك هدم الدار

اه ييمه اه ييمه
____
افز بلليل واصرخ من يجي الليل
بعد عبد الله يمة ايريدله الحيل
ييمه الحد منيتي ابقى بالويل
اظل الطم عليك ودمعتي تسيل

ما تكفيني الدموع
كون اكسرها الضلوع

اه ييمه اه ييمه
____
الف ويلاه اصيح بعالي الصوت
عبدالله الرضيع اصغير عالموت
كبلك ريت انام ابوسط تابوت
الما شاهد مصابك يمه مبخوت

تالي بنبله ذبحوك
مثل الطير خلوك

اه ييمه اه ييمه
____
يعبدالله نخيتك تحجي وياي
يبني بغيبتك امك بلا راي
يا شمعة وتضوي ليل دنياي
تالي كبال عيني مات سلواي

نبله حرمله العار
لاحت نحر الازغار

اه ييمه اه ييمه
_
الشاعر _ابو منتظر الموالي

رايح ياولد وين كلمات ابومنتظرالموالي
أداء الرادودمحمدابوسجادالكعبي

شيب عمرها بروحت كمرها
والهدصبرها شبل الزچيه
ــــــــــــــــــــــــــــــــــــــــــــــ
تنظر بدمعه وحزن ام البنين
عين تنظر عالكمر وعين لحسين
ابلوعه تنظر الولدها وتهمل العين
آه يفراك الأحباب وتعب السنين
تودع ضعنها وخالي حضنها
ساهر جفنها صبح ومسيه
ــــــــــــــــــــــــــــــــــــــــــــــ
يمه من حان السفر وصار الرحيل
يمه احس ضهري انحنه ومالي حيل
يمه كل خطوه جرح آه وعويل
أعيوني ذبلهه السهر ودمعي يسيل
تدعي الهم يسهل سفرهم
واليه يردهم من الغاضريه
ــــــــــــــــــــــــــــــــــــــــــــــــ
ادري الموادع صعب بين الحبايب
امنين اجيبك ياصبر والگلب ذايب
ابقه ادور بالأثر فوگ الترايب
عيني مشبوحه الدربهم هالأطايب
وحشه أصبح داري بگلبي تسعر ناري
وبحالي الله الداري وفرگ بديه
ــــــــــــــــــــــــــــــــــــــــــــــــــ
يمه من جاني الخبر وبأذني سمعته
خبر موتك من وصل وجهي لطمـتـه
زادت اجروحي عليه ودمعي سكته
شاب راسي من المصيبه وگلبي اخذته
روح انه ابلا جسد من فگدتك يالولد
الحظن أمك ماترد فوك الوطيه
ـــــــــــــــــــــــــــــــــــــــــــــ
يمه من حانت وفاتي والأجل حان
امنيت كل والده ابهذا الزمان
كون تحضرها ولدها ابدمعه وحزان
وأني ولياني ضحايه ابلايه أجفان
وسفه كلهم عالثره ونعشي محد يحضره
وحشه يمه المگبره صارت عليه


خادم ام البنين عليه السلام
ابو سجاد الذهبي كتبته

الرادودمحمدابوسجادالكعبي
شيب عمرها ورحت كمرها كلمات ابوسجادالذهبي28/ 7/ 2022حصريامجلس عزاء جديد

25
ياشهر الالم عذبت حالي
خذت وياك مني كلشي غالي

شكثر بچيت العيون
خذت شبان الضعون
خذت وياك مني كلشي غالي

^*^*^*^*^*^*^*^*^*^*^*^*^*^*^*^*^
ليش ياشهر المصيبة تحمل هموم
انته تدري بقلب زينب حيل ملجوم
بالحزن تجرع مصابك وسط هالكوم
يوم شافت عالثرة طايح المظلوم

يتامة حسين يبجون
خذت شبان الضعون
خذت وياك مني كلشي غالي
^*^*^*^*^*^*^*^*^*^*^*^*^*^*^*^*^
اشتكيلك يا محرم من يجي الليل
يرتفع صوت الحراير دمعة والويل
يا شهر يرعب رقية صوت هالخيل
والضعن كله يتامة ايريدله الحيل

ألم غطاها المتون
خذت شبان الضعون
خذت وياك مني كلشي غالي
*^*^*^*^*^*^*^*^*^*^*^*^*^*^*^*^*
انه حرمة ابلايه والي راحو اهلي
للمنية وما يجوني شكبرة صبري
يا محرم خلص عمري اه يدهري
ابقى بالحسرات انحب ويه قهري

راحو ما يرجعون
خذت شبان الضعون
خذت وياك مني كلشي غالي
*^*^*^*^*^*^*^*^*^*^*^*^*^*^*^*^*
قلبي ياشهر بغياب حسين مكسور
اه يا كسرت دليلي بيوم عاشور
بدت وي جرعة مصابي قصه نحور
والكفلني اعله النهر واكع ومعذور

سهم بعينة مطعون
خذت شبان الضعون
خذت وياك مني كلشي غالي
*^*^*^*^*^*^*^*^*^*^*^*^*^*^*^*^*
اشوكت يا شهر حزني يرجع الثار
ويرجع ايقاتل حبيب وكل الانصار
لون يضهر ابو صالح ينطي الأنذار
المهدي قائد للعداله ابوجه الاشرار

بغيابة قلبي محزون
خذت شبان الضعون
خذت وياك مني كلشي غالي
*^*^*^*^*^*^*^*^*^*^*^*^*^*^*^*^*
تمت بحمد الله وبرعاية محمد وال محمد
خادم الحسين #ابو منتظر الموالي

الرادودمحمدابوسجادالكعبي ياشهر الالم عذبت حالي كلمات ابومنتظرالموالي
ليلة الأولى من محرم امس السبت ١٤٤٤هجري٢٠٢٢ في دار ملامحسن الكناني
٣٠ / ٧ / ٢٠٢٢

للخدام _محرم 1444
يالتخدم حسين وتون ابيوم عاشور
بالخدمه احذرك لا تصير هواي مغرور

من تروح اقرايه
اخذ عبرة وغايه
يالتخدم حسين يالتخدم حسين
==========
==========
اخذ عبرة لو نويت اتصير رادود
اتعض من الي ضحى بعينه وزنود
ديربالك تكبر وتتعدى الحدود
تدري يمك كل كتر حسين موجود

امشي دوم ابرايه
اخذ عبرة وغايه
يالتخدم حسين يالتخدم حسين
____
كون من تبجي وتواسيها الزجيه
اعرف اشرادت الزهرة بكل مسيه
تريد شيعه حيدرة اتعيش القضيه
ترة شعره بينك وبين ال اميه

هاي منها احجايه
اخذ عبرة وغايه
يالتخدم حسين يالتخدم حسين
____
هذا مو معناته تتركها المجالس
لجن المعني تصير اشلون عابس
عاف اهله وصار الدين الله حارس
العقيده العنده ما تخضع منافس

اقرة عنه اروايه
اخذ عبرة وغايه
يالتخدم حسين يالتخدم حسين
____
مثل ما تحضر المنبر امشي بأمرة
كون ايدك تلطم وايد اعلى فقرة
لون جنت اتريد من حسين نضرة
اتواضع وتلكه حياتك بس تنصره

مو فقط مشايه
اخذ عبرة وغايه
يالتخدم حسين يالتخدم حسين
____
وابد لاتنسى الحبيب المهدي وياك
دوم يدعي للخدم وشلون ينساك
مستجابه الدعوة منه لجن يتناك
يمتى تدعي بالفرج ابصدق يلكاك

مو فقط بحجايه
اخذ عبرة وغايه
يالتخدم حسين يالتخدم حسين
____
خادمكم _ ابو منتظر الموالي

يالتخدم حسين وتون كلمات ابومنتظرالموالي الرادودمحمدابوسجادالكعبي مجلس عزاء ليلة ٢ محرم الأحد ٣١/ ٧ / ٢٠٢٢

ليله الانصار

احنه كلنه مجننين
مثل عابس ياحسين
بينه تندار فزعت انصار __
....................
صرنه عابس يبو اليمه من فزع بالحومه
انريد نفزع عالخدامه جنه عاد بيومه
من فزع لحسين انطه نحرة وي دمومه
وكع مادون ابو اليمه وماصحه من نومه

سكت من عنده الونين
مثل عابس ياحسين
بينه تندار فزعت انصار
≡≡≡≈≈≈≈≈≈≡≡≡
ينقل التاريخ عنه ويحجي عن صولاته
والعدو كدام عابس ينحني الخزراته
ميت وفدوة لحبيبي ايردد ابكلماته
فدوه لحسين ابو اليمه كلبي وي دكاته

هذا درب العاشكين
مثل عابس ياحسين
بينه تندار فزعت انصار
≡≡≡≈≈≈≈≈≈≡≡≡
شهر سيفه بيوم عاشر يطلب ابثار الولي
كال زينب لايهمج ابشري وادللي
انه خادم يالأميره يابنت حيدر علي
اتروح فدوة يالعقيله كل حياتي وكل هلي

عدنه من عدكم يقين
مثل عابس يا حسين
بينه تندار فزعت انصار
≡≡≡≈≈≈≈≈≈≡≡≡
من سمع زينب تنادي منهو ينصر اخوتي
كال خادم بنت حيدر اقبليها خدمتي
عابس انه ورايد افزع ارد اموت ابهمتي
اوكف ابطف المنيه وتكفولي بمحنتي

ربي هوه المستعين
مثل عابس يا حسين
بينه تندار فزعت انصار
≡≡≡≈≈≈≈≈≈≡≡≡
اخر انفاسه وينادي خادمك يالوالي
هذه عابس بالمعارة ناده فدوة عيالي
حب ابواليمه امامي دوم يجري ابالي
غالي عندي حسين غالي وانه احب الغالي

ما نكف هذا الحنين
مثل عابس ياحسين
بينه تندار فزعت انصار
≡≡≡≡≡≡≡≡≡
خادم الزهراء _ ابو منتظر الموالي

كتبت بساعه واحده في تاريخ ٢٠٢١/٨/١٤
بفضل محمد وال محمد

احنه كلنه مجننين مثل عابس ياحسين كلمات ابومنتظرالموالي الرادودمحمدابوسجادالكعبي ليلة ٢ من محرم الحرام الأحد ٣١ / ٧/ ٢٠٢٢حصريا مجلس عزاء

العليله_محرم 1444
ماتت الروح من نويت الكربله
زاد الجروح فكدك ويه العايله
وانته تدري صعبه
عله المريضه الغربه
بويه يحسين بويه حسين
____
ظلت الدنيه غريبه من بعدكم ياهلي
ابفكدكم جرح كلبي ابمصابه مبتلي
انه طفله وهم عليله صوت وني معتلي
مابقى خوان عندي وين ابويه وكافلي

ريت راحت روحي
يا ضماد اجروحي
بويه يحسين بويه يحسين
____
بويه ضيم الدنيا كلها اتنفس ابأنفاسي
بالحزن عشت المصيبه وي زماني القاسي
جنتو يابويه وضوايه انتو بس حراسي
هسه من فكد الاحبهم ايدي تلطم راسي

منهو يبجي ويايه
عندي ضيم هوايه
بويه يحسين بويه يحسين
____
وين رايح ياخو زينب العليله اتنادي
خذني وياك ابسفركم مرض بيه بادي
اتأزمت من فاركتكم ارد اعوف ابلادي
ارجعو للدار وحشه وحققولي امرادي

بويه دنيه ظلمه
مرض طفله وحرمه
بويه يحسين بويه يحسين
____
جنت اتاني من رحلتو نرجع المتنه
تالي ما تالي مصيبه بيكم الجمعتنه
صرنه ايتام اوارامل نبجي الوحدنه
ونه والحسرة وحزنها غيرهن ماعدنه

بويه خلًص عمري
ريت ذبحو نحري
بويه يحسين بويه يحسين
____
سكنه وي باقي خواتي احوالهن متغيرة
بالطفوف اشصار بيهن حزن مااتصورة
والفجعهن يوم عاشر دم رضيع ومنضرة
والرمح جمراته تصعب عالعقيله الطاهرة

ما تو اهل الرحمه
ريت عيني تعمه
بويه يحسين بويه يحسين
__
الشاعر _ابو منتظر الموالي

ماتت الروح من نويت الكربله
كلمات ابومنتظرالموالي ليلة ٣ من محرم ليلة العليلة أداء الرادودمحمدابوسجادالكعبي
مجلس عزاء٢٠٢٢هجري١٤٤٤ يوم الاثنين
١/ ٨ / ٢٠٢٢

قصيدة في رثاء ام البنين عليها السلام


عن ألم مأساتها
سولفن دمعاتها
ياهي مثل ام البنين وتحصل منين ؟
قدمت أربع شباب لنصرت حسين
سولفن دمعاتها
...................

مو سهل جرح الأبن لو فارگ امّه
تشعر بدنياها وحشه وحيل ظلمه
شحال گلب ام البنين يفور دمّه
من مصايب كربله بي الف لچمه
چم جرح اذّاها
تبچي دم خلّاها
والده وفگدت ولِدها برمشة العين
قدمت أربع شباب لنصرت حسين
سولفن دمعاتها
..................

خدمت حسين شكثر هاي الوفيّه
عالمه بفضله وفضل امّه الزچيّه
والدليل بهاي يوم الغاضريّه
نذرت العباس لعيونه هديّه
تگلّه ياعبّاسي
يُمّه ارفع راسي
ضحّي للمظلوم روحك ونطي چفين
قدمت أربع شباب لنصرت حسين
سولفن دمعاتها
...................

احچي عن ام البنين الماكو منها
تبچي عالمذبوح ما تبچي عله ابنها
ظلّت تنوح وتون من غاب عنها
تسهر بالآمــها وتـغـفــه بحـزنها
ياحُسين تنادي
فدوتك أولادي
والده وكل التّحبهم خذهم البين
قدمت أربع شباب لنصرت حسين
سولفن دمعاتها
..................

بعد ابو السجّاد ما عاشت عمرها
تلث سنين وماتت الحره بقهرها
وسفه من اولادها محّد حضرها
تمنّت العبّاس يدفنها بگبرها
من بعد شبّانها
ماتت باحزانها
بكربله ضحّت ولِدها نصرت الدين
قدمت أربع شباب لنصرت حسين
سولفن دمعاتها
.....................

الليله ام عباس ماتت شيّعوها
بعازت الأولاد ظلّت ما اجوها
وانه اقسم فاطمه لو ناشدوها
تكول روحي يم ابوالاكبر خذوها
يامن تسألوني
بكربله تلگوني
ديَن مطلوبه زيارة واوفي بالدين
قدمت أربع شباب لنصرت حسين
سولفن دمعاتها

سيد زيد الفحام
_____

الرادودمحمدابوسجادالكعبي عن الم ماساتها سولفن دمعاتها كلمات سيد زيد الفحام ليلة ام البنين ٥ من محرم ٢٠٢٢حصريا١٤٤٤

من نويت اعلى السفر
كلبي يابوية انفطر
الف ياوسفة وهظيمة
صارت بنيتك يتيمة
ارجع ارجع
###########
اه يا ساعة الفركة شكثر تحمل من الم
يا هظيمة انغدر مسلم راح صكار الزلم
والله يابوية بغيابك جنة حيلي منهدم
بوية ارجع بالسلامة تندبك كل الحرم
يااعز من النظر
كلبي يابوية انفطر
ارجع ارجع
###########٣٣
بويه يامسلم نخيتك ارجع من اتسافر
صارت بنيتك حميدة تكسر اكبر خاطر
شلون لو هجمو علينة ال امية ابعاشر
صعب يوم الغاضرية عمي رايد ناصر
مسنة بابوية الخطر
كلبي يابوية انفطر
ارجع ارجع
###########
لون تسئلني رقية عمي شنهي اخبارة
تكلي مسلم مايجينة بعدة اظلم دارة
شرد اجاوبها بغيابك اصبحت محتارة
والزمن يابو حميدة بينت اخطارة
ايزمجر اعلينة الشمر
كلبي يابوية انفطر
ارجع ارجع
############
والله محتارة بغيابك من رحت يالغالي
شلون اكضيها الليالي والحزن يبرالي
انت تدري شكد عزيز وشوفتك تحلالي
بنيتك جنها غريبة لون تنظر حالي
راح اموت من القهر
كلبي يابوية انفطر
ارجع ارجع
#############
بوية احجيلك مصيبة من دخلنة الكربلة
يوم حركوه للمخيم شردوها العايلة
وانة وي سكنة نعاين الظلم من حرملة
كمنة نصرخ يالعقيلة وينة راعي المرجله
وين عباس الكمر
كلبي يابوية انفطر
ارجع ارجع
############
تمت بعون الله ورعايت سيد الكائنات محمد واله الاطهار
كلمات خادمكم ##ابو منتظر الموالي
.
.