الامل ضاع. يزينب. الامل ضاع
وحان الـوداع يزينب. حان الـوداع
خلصت الحلوه بحياتج
وشدي حيل النـايباتج
حان الـوداع يزينب. حان الـوداع


ليلة اموداع يزينب روحي احسها امهاجره
وفزت اجروحي وتگلي.وصل عمري الاخره
باجر أنه بغـربة وأنـتي شلون حالـــچ ياتره
وخـــــــاف تحتاجين إليه. وماتردني المگبرة

شبيها الاوجاع يزينب شبيها الاوجاع
تكــــبر ابساع. يزينب تكبر ابساع
بلحزن تگضي حياتج
. وشد حـيل الـنـايباتج
حان الـوداع يزينب. حان الـوداع

چني اشوف الراح يجري، بعيني رسم الواقعه
وصاركلشي گبالي واضح الخدر والمشرعه
شفت بيرق لبو فاضل ويـِــمه جفه امگطعه
وهايمه انتي بمصابج ولاخوان امصرعه

وشفت عالكاع يزينب. شفت عالكاع
الدمه فاع. يزينب. الدمه فاع
وماكو كل فرصه النجاتچ
. وشد حـيل الـنـايباتج
حان الـوداع يزينب. حان الـوداع


احسين كلما اصدله يمه اتخيله گـبالچ وگع
وسهم المثلث يزينب دخل من صدره وطلع
مدري أون اعليها أنه لو اون من الوجع
يساعدج الله اعله حالچ يمه يمج ينصرع

ومن ثره الگاع يزينب من ثره الگاع
شيلي الاضلاع.يزينب شيلي الاظلاع
ولمي الحسين بعباتچ
شدي حيل النايباتج
حان الـوداع يزينب. حان الـوداع

وبعده اشوف الخيل أجتچ والضعون بلاكفيل
والوطيه اختل وزنها. وگــامت بجدمچ تميل
يمه شوف اجيوش آميه وجعجعت خيل وعويل
وحايرة من بعد اخوتچ شفتچ ودمعچ يسيل


والخطر شاع. يزينب. الخطر شاع
وبعد السباع. يزينب وبعد السباع
وين تخفي امدللاتچ
شدي حيلك النايباتج
حان الـوداع يزينب. حان الـوداع

تصعب الرحله يزينب عله المجتوفه بحبل
وضحكت اوجوه الشماته. اشد من طعن النبل
يمه درب الشام اعرفه ودري بيه ماينحمل
صيري بيه خيمة الخواتج.وبعباتچ سوي ضل

تعبي ماضاع. يزينب. تعبي ماضاع
صيري اشراع. يزينب صيري اشراح
وبعدي صيري ام الخواتچ
وشدي حيل النـايباتج
حان الـوداع يزينب. حان الـوداع


خادم الزهراء ع ابو احمد الطائي

يا الله
السلام عليكم ورحمة الله وبركاته
قناة الملا محمد أبو سجاد الكعبي
لنشر وتلحين القصائد الحسنية
شرفونه في الانضمام حياكم الله
ألهم لا تحرمنا من خدمة الأمام الحسين عليه السلام
https://www.tg-me.com/mngfuy

الامل ضاع يزينب
كلمات ابواحمدالطائي
اداءملا محمدابوسجادالكعبي

وين زينب وينه عباس... يمه
روحي احسه اباخر انفاس.... يمه
الموت احس گرب الي.... وين رحتو ياهلي


توسليت الموت أنتظر الحبايب
روحي مجورحه وعليكم كلبي ذايب
ريتي مشتاگه الهواكم يالاطايب
اسنين ماضگت الفرح بس النوايب

وينكم شو ماتسئلون.... يمه
تعبن من ادموعي العيون.... يمه
وصحت محد ضل ألي.....وين رحتو ياهلي
وين زينب وينه عباس... يمه


احسين يمه الفرح وياكم جفاني
ورحي اخذها الموت ضعنك ماخذاني
لشوفتك يابوعلي مشتاگه اني
ويمه فدوه الروح مـــــــابيها تتاني

كلشي احمله لاالفراگ.... يمه
بروحي نار وگلبي مشتاگ.... يمه
اعليكم امشيه علي .....وين رحتو ياهلي
وين زينب وينه عباس... يمه


ذاب گلبي من اثر جرح التركته
و نوحي مااگدر يبو فاضل اسكته
البيت اضلم من صباح البي هجرته
جيب زينب خل تردلي وردلي انته

مته رجعتكم يكفال. يمه
دهري مو زين وعليّ مال يمه
وهمي ماضن ينجلي... وين رحـتو ياهلي
وين زينب وينه عباس... يمه

غربه أختك والــــــنوايب دولبتني
ويابو فاضل وليت الظالم ولني
روح يم احسين اخبره وگله يبني
مثل مازتيته خل يرجع يزتني

الفرگه صعبه وانه مليت.. يمه
وحايره وبيكم تنخيت... يمه
گلبي بالهم مبتلي... وين رحـتو ياهلي
وين زينب وينه عباس... يمه

انتظركم ياهلي لو اشيل نعشي
وروحي اخليها باأمل لو اگلها اتمشي
شاب هرش الگلب يبني وشاب رمشي
غبشي يخيول الهواشم ليه اغبشي

مااريدن عــازت الناس .. يمه
وين ولـدي الترفع الراس... يمه
ميته والدمعة تهلي... وين رحـتو ياهلي
وين زينب وينه عباس... يمه



خادم الزهراء ع ابو احمد الطائي

يا الله السلام عليكم ورحمة الله وبركاته
قناة الرادودالملامحمدأبوسجاد الكعبي
لنشر وتلحين القصائدالحسنية والمجالس
فضلا وليس امرا شرفونه بالانظمام بالقناة
وان شاءالله اكون في حسن النوايا تحياتي
لكم
ليكم الرابط @mngfuy
https://www.tg-me.com/mngfuy

رثاء لإستشهاد السيده زينب عليها السلام

خويه عباس...مو وعد منطيني
خويه عباس...گلت متخليني

وانه بالغربه ‏وحيده
‏وينك أنت يالصميده

گلت متخليني
&&&&
انه هذااليوم اظنن تكضي الاسنين
عمري شمعه وأحترگ من نار الأونين
يابو فاضل ساعه اصيح وساعه يحسين
وبمدامعهه أعله خدي خطت العين

اه لحسيـن وعضيده
وينك انت يالصميده

كلت متخليني
&&&&
يبو الغيره ليش عايفني غريبه
وانه حرمه وحيل اذتني المصيبه
وجرح گلبي يالگمر أنت طبيبه
ريتك أتمرني وتشاهدهه الحبيبه


أختك الليله وحيــده
وينك انت يالصميده

گلت متخليني
&&&&
والله ياخويه الگلب ماتطفى ناره
الك يسعر كل وگت ليله ونهاره
خلص من عده الصبر طال انتظاره
كون روحي طير وترف عالمناره

گلبي ما تسمع رعيده
وينك انت يالصميده

گلت متخليني
&&&&
يالگمر تدريني مشتاگه الحنانك
الدنيا غابه وروحي محتاجه الأمانك
گرب موتي وأنعه فارغ ضل مكانك
يبوفاضل ردت بالتشيع أذانك

صحت والونه شديده
وينك انت يالصميده

گلت متخليني
&&&&
يا كفيلي گوم و اترك نوم اللحود
بالجنازه يالگمر كون أنت موجود
تشيل نعشي فوگ ظهرك يا ابو الجود
حتى لو مگطوعه چفينك ولأزنود

هالطلب خويه اريده
وينك انت يالصميده

گلت متخليني
&&&&
‏بقلم خادمة أهل البيت/
‏فاطمة أحمد

🔻 ‏قناتي على ‏التلجرام؛
فاطمية الهوى

يا الله السلام عليكم ورحمة الله وبركاته
قناة الرادودالملامحمدأبوسجاد الكعبي
لنشر وتلحين القصائدالحسنية والمجالس
فضلا وليس امرا شرفونه بالانظمام بالقناة
وان شاءالله اكون في حسن النوايا تحياتي
لكم
ليكم الرابط @mngfuy
https://www.tg-me.com/mngfuy

#قصيده #لطفلة#الحسين عليه السلام

بويه زركه متوني/ من الظرب اذوني
من اعاتب انخزر / رحمه ماعنده الشمر
بويه شكثر هضموني/ من الظرب اذوني

┄┉❈❥❀❥❈┉┄

طفله بالصوط انظرب والله ظليمه
بويه ظربوني وصحت وسفه وهضيمه
بويه تشرح قصتي دموعي السجيمه
تدري فركة اهلي يابويه اليمه
حبيبي ريت تشوفني/ بويه ليش تعوفني
بيا درب مشوني/ من الظرب اذوني

┄┉❈❥❀❥❈┉┄

بويه تدري انت بحياتي ما تهنيت
وايه عماتي وخواتي للسبي مشيت
طويل درب السبي منه تاذيت
سلبو مني التراجي شكثر ونيت
بكل دقيقه انسطر/ رحمه ماعنده الشمر
شكثر وشكد لوعوني/ من الظرب اذوني

┄┉❈❥❀❥❈┉┄

بويه شحجيلك بعد عن الخرابه
باب مابيها كعدنه عله الترابه
بويه بالصوط انظرب لو صحت بابه
بويه ماعدنه عشيره التنغرنه ولاكرابه
الكل بسبينه معيدين/ وحنه نمشي مقيدين
بويه يحسين هضموني/ من الظرب اذوني

┄┉❈❥❀❥❈┉┄

بويه ترفه جفوفي ماتحمل حبل
بويه تعبانه ويعت بيه النذل
الوذن بعمتي ومن يمها انسحل
اصرخ بلوعه ودمع عيني يهل
ريتك تشاهد احوالي/ بويه بعدك شجرالي
راح ضي عيوني/ من الظرب اذوني

┄┉❈❥❀❥❈┉┄
تمت بعون الله بقلم الخادم الملا عباس
الطليباوي

يا الله السلام عليكم ورحمة الله وبركاته
قناة الرادودالملامحمدأبوسجاد الكعبي
لنشر وتلحين القصائدالحسنية والمجالس
فضلا وليس امرا شرفونه بالانظمام بالقناة
وان شاءالله اكون في حسن النوايا تحياتي
لكم
ليكم الرابط @mngfuy
https://www.tg-me.com/mngfuy

يانسيم الـهوه الهاب
بلگت أشوف الاحباب
گلهم اذاني الغياب. گلهم اذاني الغياب


يانسيم احباب كلبي مر عليهم
وگلهم أمهم حيل مشتاگه الحجيهم
گلهم اعيوني عمت من گد بجيهم
وحيلي مايحملني اوگدر اجيهم

وبلحزن گلهم اتعيش
ليش هذا الهجر ليش
ذاب هرش الكلب ذاب.
گلهم اذاني الغياب



كلش مـاريد بحياتي بس يجوني
ليــل ونهار ابتله گلبي بشـجوني
فدوه ذكرهم اذا احبابي نسوني
وگلهم بظهري انحنه من مافاركوني


ياهوى مُرلي.الضعون.
وحچي يمهم عالعيون
شلون طاحن عله الباب.
گلهم اذاني الغياب

هوايه اعرف لي خاطر انه عدهم
ومن توصللهم خبر ايحن كلبهم
گلهم اتاذت بعدهم حيل أمهم
وحلم گمت اتحلم بشمت عطرهم

كلبي بجفآهم احتار
وچن سجن صارت الدار
كلش بعد اهلي ماطاب
كلهم اذاني الغياب

تدري لو يدرون ولدي الصار بيّه
منك أسرع ياهوه يردون اليه
أنت بس اعليك طَب الغاضريه
وصيح أمكم تنتظر يهل الحميه
وباجر بعينك اتشوف
ولدي المضويه الطفوف
ويمهم اشرح هالمصاب.
و گلهم اذاني الغياب

ولدي لو عدلين ادريهم نشامه
وألي يطون الدرب، طوي العمامه
اوعلي مايهده ولايغفه بمنامه
احسين لو يدريني أون ون الحمامه
ولودرو تبچي الجفون
اعزازي حتمن يردون
ذوله تربات ابو تراب. كلهم اذاني الغياب


خادم الزهراء ع ابو احمد الطائي

يا الله السلام عليكم ورحمة الله وبركاته
قناة الرادودالملامحمدأبوسجاد الكعبي
لنشر وتلحين القصائدالحسنية والمجالس
فضلا وليس امرا شرفونه بالانظمام بالقناة
وان شاءالله اكون في حسن النوايا تحياتي
لكم
ليكم الرابط @mngfuy
https://www.tg-me.com/mngfuy

هاي زينب والگبر گدامها
اشافت الحره ابهذيچ ايامها
…… .
اشافت الحره بعمرها والحياة
والتحبهم ذبحوهم عالفرات
قدمت قربان حته بالبنات
چم عزيزه الچويه تحت اجدامها
……
اشاهدت بيامها غير المرار
وعاشت اوياها صراخات الزغار
خلصت ايامها نار ويه نار
نار باب ونار وسط اخيامها
………
عاشت اللوعات وسنين المصاب
تمشي والايام وياها ابعذاب
ذبحوا ايام الطفوله والشباب
الدنيا ترمي وماخطت بسهامها
…… .
منين ماتندار طگات السنين
عاشرت نوح المصايب والونين
اتحملت اول مصيبه عالجنين
لحد ماخضر حزن بحلامها
……
بليلها چانت لياليها مناح
تسهر تلولي الدمع حد الصباح
شافت الروس العزيزه عالرماح
وشاهدت من ال اميه اجرامها
… ..
بروحها صوت البواچي والالم
عينها اترفرف مثل رفت علم
تدري بالخوان مامنهم سلم
وقعت صك الحزن ببهامها
… ..
علي الحاج الصبيحاوي.....الناشر رحيل القوافي الفاتحه إلى روح امي العزيزة

يا الله السلام عليكم ورحمة الله وبركاته
قناة الرادودالملامحمدأبوسجاد الكعبي
لنشر وتلحين القصائدالحسنية والمجالس
فضلا وليس امرا شرفونه بالانظمام بالقناة
وان شاءالله اكون في حسن النوايا تحياتي
لكم
ليكم الرابط @mngfuy
https://www.tg-me.com/mngfuy

لاتسوالاشتراك بالقناة👆👆👆👆👆🤲🤲🤲

انه وامي      نسولف بدمعاتنه
وتفقنه      نحچي كل مأساتنه

امي مگسورة ظلع مكتول ابنهه
وانه زينب باليسر يايمه ونهه

انه زينب * انه زينب
*******************
انه وامي عشنه لكن صرنه وحده بنايبه
جرح يحچي بالمصايب وانه مت مسلبه
مايشد جرح المصيبه والمدامع ساچبه
المن احچيها المواقف خلص عمري معاتبه

انه وامي...انعيش بس حسراتنه
صرنه..... ابهموم وحزن لوعاتنه

اشسوت بحالي المحن وجر حزنهه
*****************
امي من كثر المحنه العافيه بسمج ترد
دفعة الباب وظلعهه كسرت الخاطر بعد
امي باب الله وجنانه قل هوه الله احد
من اجلها الله خالق كلشي بدنيا ورد

 احنينه امي. بالهضم مجروحه
وانه روحي....عالرمح مذبوحه

نار بيه اتشب حزن حسره بمتنهه
****************
چم مصيبه الحچي بيها مانشف مجره الدمع
اشرح الباب وظلعهه فزعة اشرار وجمع
امي لاذت من هضمهه وانه حس كسر ظلع
انه ودعت الزجيه ونطفه خيط
الشمع

ودعتهه.....عمري باقي اشلونه
وي اخوتي..فتح دهري اعيونه

اجروحي تنزف والدمع يحفر جفنهه
*****************
امي ماتت بالورد وسط الحد بديارها
وانه بشام اندفن  دار الغرب شب نارها
والشمس كسفت خجل ماتطلع بأنوارها
هاي بت المرتضى شوف الهضم بخبارها

امي ماتت. ليش تخفي أسرارها
من شفتهه.. الدار شبت نارها

امي ماتت بالهضم طايح ابنهه
*****************
اردا عاتب يازماني هاك اخذ مني العتب
ظلت دموعي جريه دارنه جمعو
حطب
شلون يادهري عجيبه اكضي بديار الغرب
انه شفت حسين ضامي ماشرب ماي العذب

يا عذابي.. ..يمه احضري ويانه
يمه شوفي. حسين جف لسانه

شاهدت زينب عجايب من محنهه
****************
تمت بعون الله وبركاته
ش.....يوسف الفتلاوي

يا الله السلام عليكم ورحمة الله وبركاته
قناة الرادودالملامحمدأبوسجاد الكعبي
لنشر وتلحين القصائدالحسنية والمجالس
فضلا وليس امرا شرفونه بالانظمام بالقناة
وان شاءالله اكون في حسن النوايا تحياتي
لكم
ليكم الرابط @mngfuy
https://www.tg-me.com/mngfuy

ام البنين عليها السلام

حدّبت بمصابكم شيّبت بغيابكم
يا بنيني. يا بنيني
................

يالمشيتو وباقي بعيوني اثركم
ماكو رجعه گلبي ايّس من سفركم
رحتو عني وظلّت ابّالي صوركم
راسي شيّب من رجع ليّة خبركم

دم بچيت ابّابكم شيّبت بغيابكم
يا بنيني. يا بنيني
................

الوالده حگها عله ابنها تبچي وتنوح
يكتل فراگ البنين ويجرح الروح
شلون لو عالغبره سمعت عنه مذبوح
تبچي دم بمصيبته وتتنفّس جروح

سلني عطر ثيابكم. شيّبت بغيابكم
يا بنيني. يا بنيني
................

يا بنيني الاربعه الكم سلامي
عفيه ماقصّرتو وي تاجي وامامي
ارفعتو راسي فدوه نفّذتو كلامي
عليكم ابچي واكثر عله الطاح ضامي

اسوّه بيه صوابكم. شيّبت بغيابكم
يا بنيني. يا بنيني
................

من مصاب حسين يبقه مصابكم دون
صح جرحكم يچوي گلبي لكن يهون
حسين اعظم منكم ومن عندي تدرون
مصابه هد حيلي وفجعني وغيّر اللون

صاب گلبي الصابكم شيّبت بغيابكم
يا بنيني. يا بنيني
................

بمكم المفجوعه ماظل قوه لا حيل
اكثر عله حسين حگهه دمعتي تسيل
منهو منكم يابنيني داسته الخيل
وذر من جمسه الحوافر گامت تشيل

گاعده بعتابكم شيّبت بغيابكم
يا بنيني. يا بنيني
................

ثنعش طبره ابنحر ابوالسجاد طبروه
ويلي ريحانة مُحَمَّد ضامي ذبحوه
بالخيول الاعوجيّه شلون داسوه
برمح عالي گبال زينب راسه شالوه

تيتّمت احبابكم شيّبت بغيابكم
يا بنيني. يا بنيني
................

آنه امكم فاطمه المجروح گلبي
عگب ابواليمه اموت دعيت ربي
چني اسمع صوت يم عباس طلبي
صحت ريت حسين هذا اليوم قُربي

عارفه باسبابكم شيّبت بغيابكم
يا بنيني. يا بنيني
................

گبل لا تغمض عيوني لنّه يمي
حسين ابوالسجاد شفته وزال همي
گتله ياموت اخذ روحي صار حلمي
روح ابوالسجاد هاي تصيح بسمي

اندفن بترابكم شيّبت بغيابكم
يا بنيني. يا بنيني

الشاعر
#سيد_زيد_الفحام

يا الله السلام عليكم ورحمة الله وبركاته
قناة الرادودالملامحمدأبوسجاد الكعبي
لنشر وتلحين القصائدالحسنية والمجالس
فضلا وليس امرا شرفونه بالانظمام بالقناة
وان شاءالله اكون في حسن النوايا تحياتي
لكم
ليكم الرابط @mngfuy
https://www.tg-me.com/mngfuy