السلام عليكم ورحمة الله وبركاته
صباح الخير يا شباب

قال رسول الله ﷺ:
"عينان لا تمسهما النار: عين بكت من خشية الله، وعين باتت تحرس في سبيل الله."

في دمعة ممكن تنجيك:
مش دمعة حزن أو تمثيل،
دي دمعة خشية من الله عز وجل، دمعة تقصير، دمعة شوق للقُرب منه.

فلو حسيت إن عينك جفّت.. راجع قلبك.

والعين التانية؟
اللي سهرت تحرس، تدافع، وتَحمي.. في سبيل الله.
ومش بس في الجهاد،
دي كمان في طلب العلم، وفي العبادة، وفي كل سعي لنصرة الدين.
كل عين سهرت في سبيل الله.. مش هتمسّها النار بإذن الله.

فخلي ليك نصيب من واحدة فيهم..
ولو قدرت تبقى من الاتنين ما تتأخرش.

www.tg-me.com/moh_elghaleez

{یَسۡـَٔلُهُۥ مَن فِی ٱلسَّمَـٰوَ ٰ⁠تِ وَٱلۡأَرۡضِۚ كُلَّ یَوۡمٍ هُوَ فِی شَأۡنࣲ}
[سُورَةُ الرَّحۡمَٰن: ٢٩]

"أسد الله" رضي الله عنه
اسمه: حمزة بن عبد المطلب بن هاشم بن عبد مناف القُرشي الهاشمي.
كُنيته: أبو عمارة، وأبو يعلى.
لقبه: أسد الله.
حكاية اللقب يرويها لنا سعد بن أبي وقاص رضي الله عنه: كان حمزة يُقاتل يوم أُحد بين يدي رسول الله صلى الله عليه وسلم بسيفين ويقول: أنا أسد الله.

#أسد_الله
#حكاية_لقب

www.tg-me.com/moh_elghaleez

هـل ممكن أغـش بعلم المراقبين في الامتحان؟🤔

#من_أسئلتكم
#فضفضة_الأحد
#محمد_الغليظ

السلام عليكم ورحمة الله وبركاته
صباح الخير يا شباب

اطمئن..
قال رسول الله ﷺ:
"ما يُصيبُ المؤمنَ من وَصَبٍ، ولا نَصَبٍ، ولا سَقَمٍ، ولا حَزَنٍ، حتى الهمّ يُهمّه، إلا كُفِّر به من سيئاته."

فاصبر واحتسب..
مفيش حاجة عند الله ملهاش أجر.

www.tg-me.com/moh_elghaleez

{یَوۡمَ تَرَى ٱلۡمُؤۡمِنِینَ وَٱلۡمُؤۡمِنَـٰتِ یَسۡعَىٰ نُورُهُم بَیۡنَ أَیۡدِیهِمۡ وَبِأَیۡمَـٰنِهِمۖ بُشۡرَاكُمُ ٱلۡیَوۡمَ جَنَّـٰتࣱ تَجۡرِی مِن تَحۡتِهَا ٱلۡأَنۡهَـٰرُ خَـٰلِدِینَ فِیهَاۚ ذَ ٰ⁠لِكَ هُوَ ٱلۡفَوۡزُ ٱلۡعَظِیمُ}
[سُورَةُ الحَدِيدِ: ١٢]

س: أنا بصراحة غشيت الامتحان اللي فات، وندمان جدًا ومش عايز أعمل كده تاني، أعمل إيه عشان ربنا يسامحني؟

ج: تتوب حالًا!
هتتوب من الغش اللي وقعت فيه قبل كده، وتنوي بجد من قلبك إنك مش هترجع للذنب ده تاني أبدًا.

وتعمل حاجتين مهمين جدًا:
1. تقفل كل باب ممكن يرجعك لطريق الغش تاني..
ومن أهم الأبواب دي صحابك اللي بيشجعوك تغش!
انصحهم وعرّفهم الحق، ولو صمموا يكملوا في الطريق الغلط؛ ابعد عنهم وامشي إنت في الطريق الصح.

2. ماتنساش أهم مُعين ليك في طريقك، الدعاء!
ادعي ربنا يغفرلك ويتقبل توبتك..
ادعي ربنا يثبتك على الطاعة..
ادعي ربنا يهديك ويسددك..
ادعي ربنا يرزقك صُحبة صالحة مُصلحة..

وطبعًا أكيد مش هتنسى تدعي ربنا ينجحك في الامتحانات..
وإوعى كمان تنسى تدعيلي معاك يا بطل.

#س_ج_ليالي_الامتحان

www.tg-me.com/moh_elghaleez

أقوى دليل على التدين👌

#من_الحرم
#محمد_الغليظ

السلام عليكم ورحمة الله وبركاته
صباح الخير يا شباب

لو مش قادر تزود طاعاتك أو تكتر أعمالك..
اعمل اللي تقدر عليه، حتى لو قليل.
بس خليه بنية صالحة، مش مجرد عادة أو واجب وخلاص.

واستحضر نيتك في كل حاجة..
لإن النية لوحدها ممكن تفتحلك أبواب من الخير ما كنتش تتوقعها.

www.tg-me.com/moh_elghaleez

{فَٱسۡتَمۡسِكۡ بِٱلَّذِیۤ أُوحِیَ إِلَیۡكَۖ إِنَّكَ عَلَىٰ صِرَ ٰ⁠طࣲ مُّسۡتَقِیمࣲ (٤٣) وَإِنَّهُۥ لَذِكۡرࣱ لَّكَ وَلِقَوۡمِكَۖ وَسَوۡفَ تُسۡـَٔلُونَ}
[سُورَةُ الزُّخۡرُفِ: ٤٣-٤٤]

"سيف الله" رضي الله عنه
اسمه: خالد بن الوليد بن المغيرة بن عبد الله بن عمر بن مخزوم القُرشي المخزومي.
كُنيته: أبو سليمان.
لقبه: سيف الله.
حكاية اللقب جاءت في قصة غزوة مؤتة حيث أطلع الله عز وجل نبيه ﷺ على استشهاد قادته الثلاثة فيها فقال ﷺ: "أخَذَ الرَّايَةَ زَيْدٌ فَأُصِيبَ، ثُمَّ أخَذَ جَعْفَرٌ فَأُصِيبَ، ثُمَّ أخَذَ ابنُ رَوَاحَةَ فَأُصِيبَ، حتَّى أخَذَ الرَّايَةَ سَيْفٌ مِن سُيُوفِ اللهِ، حتَّى فَتَحَ اللهُ عليهم."
وكان هذا السيف هو خالد بن الوليد رضي الله عنه.

وقال أيضًا ﷺ: "نِعمَ عبدُ اللهِ خالدُ بنُ الوليدِ؛ سيفٌ من سيوفِ اللهِ."

#سيف_الله
#حكاية_لقب

www.tg-me.com/moh_elghaleez

ناوي تعمل إيه في الصيف؟🙂

#فضفضة_الأحد
#محمد_الغليظ

السلام عليكم ورحمة الله وبركاته
صباح الخير يا شباب.

النهاردة مش بس الجمعة..
النهاردة تاني يوم في السنة الهجرية الجديدة 1447 هـ

السنة دي مش ورقة في التقويم،
دي باب لصفحة جديدة..

الهجرة ما كانتش مجرد انتقال من مكة للمدينة،
دي كانت نقطة تحوّل في طريق الدعوة والإيمان.

مفيش أعظم من إنك تبدأ السنة دي بهجرتك أنت..
من الغفلة للذكر، من التقصير للطاعة، من التردد للثبات.

ومتنساش تحيي جمعتك بكثرة الصلاة على الرسولﷺ.

www.tg-me.com/moh_elghaleez

{ٱلۡمَالُ وَٱلۡبَنُونَ زِینَةُ ٱلۡحَیَوٰةِ ٱلدُّنۡیَاۖ وَٱلۡبَـٰقِیَـٰتُ ٱلصَّـٰلِحَـٰتُ خَیۡرٌ عِندَ رَبِّكَ ثَوَابࣰا وَخَیۡرٌ أَمَلࣰا}
[سُورَةُ الكَهۡفِ: ٤٦]

يارب يارب يارب
اللهم يا سامع النداء يا مجيب الدعاء
اللهم صل وسلم وبارك على سيدنا محمد
اللهم لك الحمد ملء السماوات والأرض وملء ما شئت من شيء بعد
اللهم إنا نسألك خير المسألة وخير الدعاء
اللهم إنا نسألك الجنة وما يقرب إليها من قول وعمل
اللهم إنا نسألك العون والسداد والتوفيق
اللهم إنا نسألك الحلال الطيب
اللهم إنا نسألك سعة الرزق
اللهم إنا نسألك العفو والعافية في الدنيا والآخرة
اللهم إنا نسألك العافية في أمورنا كلها
اللهم إنا نسألك العافية في الدين والدنيا
اللهم إنا نسألك العافية في البدن والقلب
اللهم إنا نسألك صلاح الحال والبال
اللهم إنا نسألك مصاحبة الصالحين الناصحين
اللهم إنا نسألك أن تفتح علينا في القرآن
اللهم إنا نسألك البر والتقوى ومن العمل ما ترضى
اللهم إنا نعوذ بك من النار وما قرب إليها من قول وعمل
اللهم إنا نعوذ بك من الفقر والكفر
اللهم إنا نعوذ بك من الكسل والمِحن
اللهم إنا نعوذ بك من ذنب لا يغفر وقلب لا يخشع ودعوة لا تستجاب
اللهم إنا نعوذ بك من شرار خلقك
اللهم إنا نعوذ بك أن تكلنا إلى أنفسنا أو إلى الناس
اللهم صل وسلم وبارك على سيدنا محمد
ارفعوا أيديكم بالدعاء واسألوا الله من واسع فضله
ولا تنسونا من صالح دعائكم

#دعاء #آخر_ساعة #الجمعة

هل ممكن أصلي وأنا في العربية مسافر؟🤔

#من_أسئلتكم
#فضفضة_الأحد
#محمد_الغليظ

السلام عليكم ورحمة الله وبركاته
صباح الخير يا شباب

مفيش حد فينا مش بيدعي من قلبه ربنا يباركله في رزقه ويزيده..

ومن أعظم الأرزاق:
شهر الله المحرم، شهر أعمالك الصالحة فيه ليها وزن وحساب تاني عند الله عز وجل

ومن أحب الأعمال فيه الصيام،كما قال النبي ﷺ:
«أفضل الصّيام بعد رمضان شهرُ الله المحرم»

فـصوم فيه على قد ما تقدر،
ومتنساش تعرف غيرك،
وتتعاهدوا على تعظيم حرمة الشهر،
وعلى تجنب الذنوب، والإكثار من الطاعات..

www.tg-me.com/moh_elghaleez

أَلَمۡ یَأۡنِ لِلَّذِینَ ءَامَنُوۤا۟ أَن تَخۡشَعَ قُلُوبُهُمۡ لِذِكۡرِ ٱللَّهِ وَمَا نَزَلَ مِنَ ٱلۡحَقِّ وَلَا یَكُونُوا۟ كَٱلَّذِینَ أُوتُوا۟ ٱلۡكِتَـٰبَ مِن قَبۡلُ فَطَالَ عَلَیۡهِمُ ٱلۡأَمَدُ فَقَسَتۡ قُلُوبُهُمۡۖ وَكَثِیرࣱ مِّنۡهُمۡ فَـٰسِقُونَ

س: يا شيخ هو أنا بجد ممكن أنجح بدعاء الوالدين؟

ج: انت عشان تنجح محتاج تاخد بكل الأسباب المباحة المتاحة ليك، ودعاء الوالدين سبب من الأسباب.
ولكن..
مش هو السبب الوحيد اللي تاخد به وخلاص على كدا!

واقرأ معايا القصة دي..
كان فيه رجل معاه الناقة بتاعته، وكان عايز يسيبها في مكان ويروح يشوف اللي وراه..
فسأل النبي ﷺ هل يربط الناقة في المكان، ولّا يسيبها من غير رباط ويتوكل على الله ويروح يشوف اللي وراه؟
فالنبي ﷺ قال له: "اعقِلْها وتوكَّلْ"
يعني اربطها وتوكل على الله.

وده بالضبط اللي مطلوب منك!
تتوكل على الله + تاخد بكل الأسباب المباحة المتاحة ليك،
واللي منها طبعا إنك تذاكر وتجتهد قدر وسعك، واللي منها بردو دعاء الوالدين، وهكذا..

فشد حيلك يا بطل وذاكر واجتهد واستعن بالله
وخلّي بابا وماما يدعولك ويدعولي معاك..

#س_ج_ليالي_الامتحان

ينفع أكون من جوا صالح ومن برا لا؟🤔

#من_الحرم
#محمد_الغليظ