أَلَمۡ یَأۡنِ لِلَّذِینَ ءَامَنُوۤا۟ أَن تَخۡشَعَ قُلُوبُهُمۡ لِذِكۡرِ ٱللَّهِ وَمَا نَزَلَ مِنَ ٱلۡحَقِّ وَلَا یَكُونُوا۟ كَٱلَّذِینَ أُوتُوا۟ ٱلۡكِتَـٰبَ مِن قَبۡلُ فَطَالَ عَلَیۡهِمُ ٱلۡأَمَدُ فَقَسَتۡ قُلُوبُهُمۡۖ وَكَثِیرࣱ مِّنۡهُمۡ فَـٰسِقُونَ

س: يا شيخ هو أنا بجد ممكن أنجح بدعاء الوالدين؟

ج: انت عشان تنجح محتاج تاخد بكل الأسباب المباحة المتاحة ليك، ودعاء الوالدين سبب من الأسباب.
ولكن..
مش هو السبب الوحيد اللي تاخد به وخلاص على كدا!

واقرأ معايا القصة دي..
كان فيه رجل معاه الناقة بتاعته، وكان عايز يسيبها في مكان ويروح يشوف اللي وراه..
فسأل النبي ﷺ هل يربط الناقة في المكان، ولّا يسيبها من غير رباط ويتوكل على الله ويروح يشوف اللي وراه؟
فالنبي ﷺ قال له: "اعقِلْها وتوكَّلْ"
يعني اربطها وتوكل على الله.

وده بالضبط اللي مطلوب منك!
تتوكل على الله + تاخد بكل الأسباب المباحة المتاحة ليك،
واللي منها طبعا إنك تذاكر وتجتهد قدر وسعك، واللي منها بردو دعاء الوالدين، وهكذا..

فشد حيلك يا بطل وذاكر واجتهد واستعن بالله
وخلّي بابا وماما يدعولك ويدعولي معاك..

#س_ج_ليالي_الامتحان

ينفع أكون من جوا صالح ومن برا لا؟🤔

#من_الحرم
#محمد_الغليظ

السلام عليكم ورحمة الله وبركاته
صباح الخير يا شباب

{فَلَا تَظْلِمُوا فِيهِنَّ أَنفُسَكُمْ}
أنت في أحد الأشهر الحرم
شهر الله المحرّم..
فـاتقِ الله في نفسك..

ولو معرفتش تزود فيه أعمالك الصالحة،
فعلى الأقل ما تعملش حاجة تاخد عليها ذنب،
لأن الذنب في الشهر ده مش زي أي ذنب!

فـاتقِ الله..
وخلي لنفسك نصيب من تعظيم الشهر، ولو بخطوة بسيطة.

www.tg-me.com/moh_elghaleez

{وَفِی ٱلسَّمَاۤءِ رِزۡقُكُمۡ وَمَا تُوعَدُونَ (٢٢) فَوَرَبِّ ٱلسَّمَاۤءِ وَٱلۡأَرۡضِ إِنَّهُۥ لَحَقࣱّ مِّثۡلَ مَاۤ أَنَّكُمۡ تَنطِقُونَ}
[سُورَةُ الذَّارِيَاتِ: ٢٢-٢٣]

"أبو المساكين" رضي الله عنه..
اسمه: جعفر بن أبي طالب بن عبد المطلب بن هاشم بن عبد مناف القُرشي الهاشمي.
كُنيته: أبو عبد الله.
لقبه: أبو المساكين.
حكاية اللقب: يرويها لنا أبو هريرة رضي الله عنه حيث قال: كان جعفر بن أبي طالب رضي الله عنه يُحب المساكين، يجلس إليهم يُحدثهم ويُحدثونه، وكان رسول الله صلى الله عليه وسلم يُسميه أبا المساكين.

#أبو_المساكين
#حكاية_لقب

www.tg-me.com/moh_elghaleez

السلام عليكم ورحمة الله وبركاته
صباح الخير يا شباب

كتير مننا لما بيكون عنده إنترفيو،
بيتوتّر، بيحضّر، بيراجع، بيلبس كويس..
وبيحاول يهيّأ لنفسه كل الظروف عشان ينجح فيه!

طب و..الخمس مقابلات اليومية؟
الصلاة؟ بتحضّر نفسك ليها إزاي؟

راجع نفسك واسألها بصدق:
هل صلاتك واخدة مكانها الحقيقي في حياتك؟
هل بتصلي بقلب حي؟ بخشوع؟ بوعي هتقابل مين؟

لأن:
الصلاة مشروع عمر، أنت عايش حياتك كلها علشان تضبط صلاتك.

هي مش عبادة وخلاص..
دي الصلة الحقيقية بينك وبين ربك،
وهي أول حاجة هتتحاسب عليها.

فاللهم اجعلنا من المحافظين على الصلاة، الخاشعين فيها، المُقيمين لها كما تُحب وترضى.🤲🏻

www.tg-me.com/moh_elghaleez

{وَمَن یَعۡشُ عَن ذِكۡرِ ٱلرَّحۡمَـٰنِ نُقَیِّضۡ لَهُۥ شَیۡطَـٰنࣰا فَهُوَ لَهُۥ قَرِینࣱ (٣٦) وَإِنَّهُمۡ لَیَصُدُّونَهُمۡ عَنِ ٱلسَّبِیلِ وَیَحۡسَبُونَ أَنَّهُم مُّهۡتَدُونَ}
[سُورَةُ الزُّخۡرُفِ: ٣٦-٣٧]