یَـٰۤأَیُّهَا ٱلنَّاسُ إِنَّا خَلَقۡنَـٰكُم مِّن ذَكَرࣲ وَأُنثَىٰ وَجَعَلۡنَـٰكُمۡ شُعُوبࣰا وَقَبَاۤئِلَ لِتَعَارَفُوۤا۟ۚ إِنَّ أَكۡرَمَكُمۡ عِندَ ٱللَّهِ أَتۡقَاكُمۡۚ إِنَّ ٱللَّهَ عَلِیمٌ خَبِیرࣱ

"ترجمان القرآن" رضي الله عنه..
اسمه: عبد الله بن العباس بن عبد المطلب بن هاشم بن عبد مناف القُرشي الهاشمي.
كُنيته: أبو العباس.
لقبه: ترجمان القرآن.
حكاية اللقب: أن ابن عباس كان غزير العلم، راجح العقل، وكان من أعلم الصحابة بتفسير القرآن الكريم حتى قال عنه عبد الله بن مسعود رضي الله عنه: "نِعمَ تُرجَمانُ القرآنِ ابنُ عبَّاسٍ."
وكان ذلك ببركة دعاء النبي ﷺ له حيث دعا له: "اللَّهُمَّ فَقِّهْهُ في الدِّينِ."

#ترجمان_القرآن
#حكاية_لقب

www.tg-me.com/moh_elghaleez

كيف أثبت في زمن الفتن؟

#من_أسئلتكم
#محمد_الغليظ

السلام عليكم ورحمة الله وبركاته
صباح الخير يا شباب

لو سألتك:
إيه أعظم كرامة ممكن ربنا سبحانه وتعالى يكرمك بيها؟

الإجابات ممكن تختلف..
واحد هيقول: الفلوس الكتير.
والتاني: الصحة الكويسة.
وغيره: الذرية الصالحة أو المنصب العالي.

وكل ده نِعم عظيمة من ربنا..
لكن، أعظم الكرامة بجد:
إن ربنا يكرمك بالهداية، ويثبتك على اللي بيحبه ويرضاه.

قال ابن تيمية رحمه الله:
"وإنما غاية الكرامة لزوم الاستقامة، فلم يُكرِم الله عبدًا بمثل أن يُعينه على ما يُحبّه ويرضاه، ويزيده مما يُقرّبه إليه، ويرفع به درجته."

فبالله عليك..
اطلبها من ربنا بقلب صادق:
"اهدنا الصراط المستقيم"

www.tg-me.com/moh_elghaleez

{وَلَا تُخۡزِنِی یَوۡمَ یُبۡعَثُونَ (٨٧) یَوۡمَ لَا یَنفَعُ مَالࣱ وَلَا بَنُونَ (٨٨) إِلَّا مَنۡ أَتَى ٱللَّهَ بِقَلۡبࣲ سَلِیمࣲ}

[سُورَةُ الشُّعَرَاءِ: ٨٧-٨٩]

الوقت جرى، وعدت الأيام، وبكرا الختام
وبصرف النظر نتيجتك هتكون إيه
أنا عايز اقولك إن مرحلة الثانوية مش هي دي النهاية!
فإوعى توقف حياتك كلها عليها
اجتهد واسعى عشان تحقق أهدافك بالحلال
وتوكل على الله في كل تفصيلة في حياتك
وارضى بقضاء الله وقدره مهما كان
واتعلم واعرف عن ربنا أكتر؛ عشان قلبك يطمن أكتر
وماتنساش إن أهم هدف في حياتك إن ربنا يرضى عنك ويدخلك الجنة بفضله.

ربنا يهديك ويسددك ويوفقك في حياتك كلها يا بطل.

#س_ج_ليالي_الامتحان

إيه ده هو أنت منهم؟

#فضفضة_الأحد
#محمد_الغليظ

السلام عليكم ورحمة الله وبركاته
صباح الخير يا شباب

يا شباب..
خليك حلو الكلام، حلو الصمت.
اتعلّم تتكلم كلام حلو، يليق بواحد مؤمن.

دلوقتي بقى طبيعي تسمع شتايم خارجة من أي حد في الشارع أو المواصلات أو حتى على السوشيال!
وكأن الكلام الوحش بقى شطارة!

بس اسأل نفسك:
لما تشتم، هتبقى أرجل؟
🚫 لا
لما تشتم، هترضي ربنا؟
🚫 لا
لما تشتم، هتترقّى في شغلك؟
🚫 لا
طيب لما تشتم، هتبقى محترم في عين اللي حواليك؟
🚫 لا
طب لو ما شتمتش، هل المعلومة مش هتوصل؟
أكيد هتوصل.. بس بأدب.

فخليك حلو الكلام، ومتشتمش.

قال ﷺ:
"ليس المؤمن بالطعّان، ولا اللعّان، ولا الفاحش، ولا البذيء."

www.tg-me.com/moh_elghaleez

"أمين الأمة" رضي الله عنه..
اسمه: عامر بن عبد الله بن الجراح بن هلال بن أهيب بن ضبة بن الحارث القرشي الفهري المكي.
كُنيته: أبو عُبيدة.
لقبه: أمين الأمة.
حكاية اللقب: يرويها لنا حذيفة بن اليمان رضي الله عنه حيث قال: جاءَ العاقِبُ والسَّيِّدُ صاحِبا نَجْرانَ إلى رَسولِ اللهِ ﷺ، يُرِيدانِ أنْ يُلاعِناهُ، قالَ: فقالَ أحَدُهُما لِصاحِبِهِ: لا تَفْعَلْ؛ فَواللهِ لَئِنْ كانَ نَبِيًّا فَلاعَنَّا، لا نُفْلِحُ نَحْنُ ولا عَقِبُنا مِن بَعْدِنا، قالا: إنَّا نُعْطِيكَ ما سَأَلْتَنا، وابْعَثْ معنا رَجُلًا أمِينًا، ولا تَبْعَثْ معنا إلَّا أمِينًا، فقالَ ﷺ: "لَأَبْعَثَنَّ معكُمْ رَجُلًا أمِينًا حَقَّ أمِينٍ"، فاسْتَشْرَفَ له أصْحابُ رَسولِ اللهِ ﷺ، فقالَ: "قُمْ يا أبا عُبَيْدَةَ بنَ الجَرَّاحِ"، فَلَمَّا قامَ، قالَ رَسولُ اللهِ ﷺ: "هذا أمِينُ هذِه الأُمَّةِ."

#أمين_الأمة
#حكاية_لقب

www.tg-me.com/moh_elghaleez

هل كثرة الشك في نفسي إني من المنافقين
وسوسة من الشيطان الرجيم؟ 🤔

#من_أسئلتكم
#محمد_الغليظ

{وَٱضۡرِبۡ لَهُم مَّثَلَ ٱلۡحَیَوٰةِ ٱلدُّنۡیَا كَمَاۤءٍ أَنزَلۡنَـٰهُ مِنَ ٱلسَّمَاۤءِ فَٱخۡتَلَطَ بِهِۦ نَبَاتُ ٱلۡأَرۡضِ فَأَصۡبَحَ هَشِیمࣰا تَذۡرُوهُ ٱلرِّیَـٰحُۗ وَكَانَ ٱللَّهُ عَلَىٰ كُلِّ شَیۡءࣲ مُّقۡتَدِرًا}
[سُورَةُ الكَهۡفِ: ٤٥]

علامة استجابة الدعاء🤝

#فضفضة_الأحد
#محمد_الغليظ

"زرع اليوم .. حصاد الغد"
وعشان أطفالنا هما الغد والمستقبل؛
حلم عمل ليهم دورة جديدة🥳

دورة "بذور مسلم"🌱
عشان نغرس في قلوبهم الصغيرة العلوم الشرعية، ونسقيهم بالآداب والمعاني، فينمو بداخلهم الإيمان وحب الله.🤍🌿

ماذا سنغرس في دورتنا؟
- بذور العقيدة.
- بذور الفقه.
- بذور التزكية.
- بذور الآداب والأذكار.
- بذور معاني أسماء الله الحسنى.

هنشرح ليهم كل ده وأكتر بأسلوب بسيط وممتع يناسب أعمارهم؛
وطبعًا كالعادة هنتشارك معاهم الأنشطة والألعاب والهدايا على مدار الدورة.🤩

الدورة لعُمر: ٥ لـ ٨ سنوات.
مدة الدورة: ٣ شهور (مرتين أسبوعيًا أونلاين وأوفلاين)

انضموا لينا عشان نزرع في صغارنا بذور العلم والإيمان، ونراقبها تنمو على مدار الأيام 🌿

للاستفسار والحجز، ابعت لنا على رسائل الأكونت ده 👇🏻

https://www.facebook.com/share/1XSFHJCHiV/

السلام عليكم ورحمة الله وبركاته
صباح الخير يا شباب

ما تخليش ذنب يمنعك من طاعة!
خصوصًا لو ذنب قديم وعدّى عليه وقت.

النبي ﷺ قال:
"يَضْحَكُ اللَّهُ لِرَجُلَيْنِ يَقْتُلُ أحَدُهُما الآخَرَ كِلاهُما يَدْخُلُ الجَنَّةَ"
قالوا: كيف يا رسول الله؟
قال: "يُقْتَلُ هذا فَيَلِجُ الجَنَّةَ، ثُمَّ يَتُوبُ اللَّهُ علَى الآخَرِ، فَيَهْدِيهِ إلى الإسلام، ثُمَّ يُجاهد في سبيل الله، فيُستَشهَد."

تخيّل!
راجل كان بيحارب في صف الكفار، وبيصد عن سبيل الله!
بس تاب.. فدخل الإسلام، وجاهد، وبقى شهيد!

ذنب الماضي ما كتفهوش.. ما خلهوش واقف مكانه.

فـ انت كمان، ما تخليش ذنبك يوقفك عن الطاعة.
ربنا بيغفر، وبيبدّل السيئات حسنات

قم، وتُب، وابدأ من جديد..

www.tg-me.com/moh_elghaleez

قُلۡ هَـٰذِهِۦ سَبِیلِیۤ أَدۡعُوۤا۟ إِلَى ٱللَّهِۚ عَلَىٰ بَصِیرَةٍ أَنَا۠ وَمَنِ ٱتَّبَعَنِیۖ وَسُبۡحَـٰنَ ٱللَّهِ وَمَاۤ أَنَا۠ مِنَ ٱلۡمُشۡرِكِینَ

إيه الصفات الأساسية اللي ما اتنازلش عنها في اختيار الزوج الصالح؟🤔

#من_أسئلتكم
#فضفضة_الأحد
#محمد_الغليظ

السلام عليكم ورحمة الله وبركاته
صباح الخير يا شباب

هل تتخيل إنك في يوم تؤذي النبي ﷺ؟
أو تؤذي ربنا سبحانه وتعالى؟
صعب تتخيلها، صح؟!
طيب اسمع الحديث ده:
قال النبي ﷺ:
"مَنْ آذى مسلمًا فقدْ آذانِي، ومَنْ آذانِي فقدْ آذى اللهَ"

ممكن أفكّرك بحد؟
صاحبك أو زميلك في المدرسة، أو الجامعة، أو الشغل..
اللي بتتريق عليه، وبتِهزر معاه بالإيد،
وتصغّره قدّام الناس، وبتقلّل منه،
وإنت بتعمل كده، أو بتشوف صاحبك بيعمل كده معاه، وبتضحك عادي..

وهو بيكون زعلان، أو ساعات بيضطر يضحك كأنه عادي
بس..
مفيش حد بيكون مبسوط وهو بيتقلل منه!

هل تعلم إن دي أذيّة؟
وإنها في رقبة كل اللي شارك فيها؟
حتى اللي ضحك، أو سكت، أو شاف وساب؟

فبالله عليك..
تُب، ولا تعد، واسترضيه اليوم.

www.tg-me.com/moh_elghaleez

وَمَن یَتَّقِ ٱللَّهَ یَجۡعَل لَّهُۥ مِنۡ أَمۡرِهِۦ یُسۡرࣰا

"الطيِّب المُطيَّب" رضي الله عنه..
اسمه: عمَّار بن ياسر بن عامر بن مالك بن كنانة العنسي.
كُنيته: أبو اليقظان.
لقبه: الطيِّب المُطيَّب.
حكاية اللقب: يرويها لنا علي بن أبي طالب رضي الله عنه حيث قال: كنتُ جالِسًا عندَ النَّبيِّ ﷺ فاستأذَنَ عَمَّارُ بنُ ياسرٍ، فقالَ النَّبيُّ ﷺ: "ائذَنوا لَه، مَرحبًا بالطَّيِّبِ المُطيَّبِ."

والطيِّب المُطيَّب: أي الطاهر المُطهَّر.

#الطيب_المطيب
#حكاية_لقب

السلام عليكم ورحمة الله وبركاته
صباح الخير يا شباب

كتير مننا ممكن يروح يزور مريض أو واحد صاحبه من باب الأصول أو رد الجميل،
وأحيانًا بيكون مجرد "إثبات حضور"!

بس كدة هو بيضيع على نفسه فرصة عظيمة جدًا..
فرصة إن مَلَك يدعيلك!

قال رسول الله ﷺ:
"مَن عادَ مريضًا، نادى مُنادٍ من السماءِ: طِبتَ، وطابَ ممشاكَ، وتبوأتَ من الجنة منزلًا"

فـ جدد نيتك لما تزور مريض أو بتعود مريض،
وخليها خالصة لله..
علشان تفوز بالدعوة العظيمة دي..

www.tg-me.com/moh_elghaleez