فاكر حرصك على الصلوات الخمسة في رمضان، وخشوعك في صلاة التراويح لما كنت بتبكي وتحس إنك قريب من ربنا..

طيب ليه أول ما رمضان خلص، بدأت تتهاون في الصلاة وكأنك شخص تاني؟!

الصلاة هي أول حاجة هتتحاسب عليها يوم القيامة!
وهي من أهم أسباب الثبات في الدنيا، والنجاة في الآخرة..
فالنبي ﷺ قال: "أولُ ما يحاسبُ بهِ العبدُ يومَ القيامةِ الصَّلاةُ، فإنْ صَلَحَتْ، صَلَحَ سائِرُ عَمَلِه، وإنْ فَسَدَتْ فَسَدَ سائِرُ عَمَلِه."

وربنا سبحانه وتعالى قال: ﴿حَافِظُوا عَلَى الصَّلَوَاتِ وَالصَّلَاةِ الْوُسْطَىٰ وَقُومُوا للهِ قَانِتِينَ﴾

يعني الصلاة محتاجة محافظة مستمرة، مش بس في مواسم الطاعات!

فمهم جدًا تحاوط نفسك بوسائل تساعدك تثبت على الصلاة، ومنها:
✅ فكّر في الصلاة كأنها موعد شخصي مع ربنا، مش مجرد مهمة بتعملها عشان تخلص منها!
وافتكر إن اللحظة اللي بتصلي فيها دي، انت بتكون بين يدي الله مباشرة.

✅ احرص على الصلاة في أول وقتها قدر وسعك، ومتستناش لحد ما تكسل.

✅ حافظ على السنن الرواتب؛ لأنها سور لحماية الفروض الخمسة، والتهاون فيها بيكون هو بداية التهاون في الفروض!
وقد روي عن ابن عمر رضي الله عنهما أنه قال: "كَانَتْ صَلَاةُ رَسُولِ اللهِ ﷺ الَّتِي لَا يَدَعُ رَكْعَتَيْنِ قَبْلَ الظُّهْرِ وَرَكْعَتَيْنِ بَعْدَهَا، وَرَكْعَتَيْنِ بَعْدَ الْمَغْرِبِ، وَرَكْعَتَيْنِ بَعْدَ الْعِشَاءِ، وَرَكْعَتَيْنِ قَبْلَ الصُّبْحِ."


🔻وماتنساش إن الصلاة هي ميزان ثباتك بعد رمضان، لو تهاونت فيها هتلاقي نفسك بتتراجع خطوة خطوة من غير ما تحس!

#الصلاة
#فاعبده_واصطبر_لعبادته ✅

www.tg-me.com/moh_elghaleez

تخيل أنك بالحب ده كده بتعظم ربنا🤝

#كونوا_عباد_الله_إخوانا
#فضفضة_الأحد
#محمد_الغليظ

السلام عليكم ورحمة الله وبركاته
صباح الخير يا شباب

مافيش حد فينا إلا وعنده حاجة نفسه ربنا يحققهاله
وبيفضل يدعي بيها ليل نهار..
واستجابة الدعاء ليها مفاتيح كتير، من أهمها مفتاح الصلاة على النبي ﷺ.
يقول عمر بن الخطاب رضي الله عنه: "إن الدعاءَ موقوفٌ بينَ السماءِ والأرضِ، لا يَصْعَدُ منه شيءٌ حتى تُصَلِّيَ على نبيِّك صلى الله عليه وسلم."

والنهارده الجمعة، فرصة كبيرة تصلي على النبي ﷺ كتير، وتدعي في ساعة الإجابة.

وماتنساش من دعائك المسلمين المستضعفين في كل مكان.

www.tg-me.com/moh_elghaleez

يارب يارب يارب
اللهم يا سامع النداء يا مجيب الدعاء
اللهم صل وسلم وبارك على سيدنا محمد
اللهم عافيتك أوسع لنا
اللهم ارزقنا العافية في ديننا ودنيانا
اللهم ارزقنا العافية في الدنيا والآخرة
اللهم اعف عنا واغفر لنا وارحمنا
اللهم لا تؤاخذنا إن نسينا أو أخطأنا
اللهم لا تحملنا ما لا طاقة لنا به
اللهم اكتب لنا حج بيتك
اللهم ارزقنا المتابعة بين الحج والعمرة
اللهم ارزقنا الحلال ولا ترزقنا غيره
اللهم اكفنا بحلالك عن حرامك وبفضلك عمن سواك
اللهم اشرح صدورنا وتولى أمورنا
اللهم ارزقنا حفظ القرآن واجعلنا من أهله وخاصته
اللهم احفظنا بالقرآن واجعلنا هداة مهتدين
اللهم ذكرنا منه ما نسينا وعلمنا منه ما جهلنا
اللهم اهدنا واهد بنا واجعلنا سببا لمن اهتدى
اللهم استعملنا ولا تستبدلنا
اللهم انفعنا وانفع بنا
اللهم ارزقنا العلم النافع والعمل الصالح
اللهم اجعلنا مقيمين الصلاة ومن ذرياتنا
ربنا وتقبل دعــاء 🤲🏻
اللهم اشف مرضانا ومرضى المسلمين
اللهم ارحم موتانا وموتى المسلمين
اللهم ارزقنا الجنة وأجرنا من النار
اللهم صل وسلم وبارك على سيدنا محمد
ارفعوا أيديكم بالدعاء واسألوا الله من واسع فضله
ولا تنسونا من صالح دعائكم

#دعاء #آخر_ساعة #الجمعة

www.tg-me.com/moh_elghaleez

حبوا للناس الخير

#كونوا_عباد_الله_إخوانا
#فضفضة_الأحد
#محمد_الغليظ

السلام عليكم ورحمة الله وبركاته
صباح الخير يا شباب

تخيل معايا لو واحد تعبان، وعنده أعراض مش عارف سببها ولا علاجها..
فقرر إنه يدخل على النت ويكتب الأعراض ويختار بنفسه العلاج المناسب!

طبعا ده شيء مش معقول ومش مقبول!
لأنه ببساطة ماعندوش العلم اللي يخليه يختار الدوا الصح.

طب والحل؟
يروح لطبيب متخصص، يشخص حالته، ويكتبله العلاج المناسب.

ونفس الفكرة بالضبط لو محتاج تستفتي في أمر له علاقة بدينك..
لازم تسأل عالم متخصص، يسمع سؤالك ويفهمه كويس، ويقولك الفتوى المناسبة لحالك.

يقول الله تعالى: {فَاسْأَلُوا أَهْلَ الذِّكْرِ إِن كُنتُمْ لَا تَعْلَمُونَ...}

www.tg-me.com/moh_elghaleez

#رسالات_أبي_الحويني
#وآثارهم

www.tg-me.com/moh_elghaleez

الصيام عبادة عظيمة متاحة طول السنة
واللي يواظب عليها هياخد ثواب كبير جدًا بإذن الله!

قال النبي ﷺ: ”إنَّ في الجَنَّةِ بَابًا يُقَالُ له: الرَّيَّانُ، يَدْخُلُ منه الصَّائِمُونَ يَومَ القِيَامَةِ، لا يَدْخُلُ منه أحَدٌ غَيْرُهُمْ...“

تخيل باب مخصوص في الجنة مش هيدخله غير اللي كانوا بيصوموا الفرض ويُكثروا من صيام النوافل، فهل ممكن تفوت الفرصة دي!

وربنا سبحانه وتعالى شرعلنا صيام نوافل كتير على مدار السنة منها:
✅️️ صيام 6 أيام من شوال..
قال رسول الله ﷺ: "مَن صامَ رَمَضانَ ثُمَّ أتْبَعَهُ سِتًّا مِن شَوَّالٍ، كانَ كَصِيامِ الدَّهْرِ."

✅️️ صيام يومي الاثنين والخميس..
قال رسول الله ﷺ: "تُعْرَضُ الأعمالُ على اللهِ يومَ الاثنينِ والخميسِ، فأُحِبُّ أنْ يُعرضَ عملي وأنا صائمٌ."

✅️️ صيام الأيام البيض (13، 14، 15 من كل شهر هجري)..
النبي ﷺ قال: "إذا صُمْتَ من الشَّهرِ ثلاثًا، فصُم ثلاثَ عَشرةَ، وأربعَ عَشرةَ، وخَمسَ عشرةَ."

✅️️ صيام يوم عرفة (9 ذو الحجة) لغير الحاج 🕋
النبي ﷺ قال: "صِيامُ يومِ عَرَفَةَ، إِنِّي أحْتَسِبُ على اللهِ أنْ يُكَفِّرَ السنَةَ التي قَبلَهُ، والسنَةَ التي بَعدَهُ."

✅️️ صيام يوم عاشوراء (10 محرم)..
النبي ﷺ قال: "صِيامُ يومِ عاشُوراءَ، إِنِّي أحْتَسِبُ على اللهِ أنْ يُكَفِّرَ السنَةَ التِي قَبْلَهُ."

ومن الخطوات اللي ممكن تعيننا نثبت على الصيام طول السنة:
👈🏻 ابدأ تدريجيًا:
فلو مش متعود، جرَّب تصوم يوم في الأسبوع، وبعدها زوّد.

👈🏻 شجَّع أصحابك وأهلك يصوموا معاك:
عرَّف اللي حواليك فضل صيام التطوع، وشجَّعوا بعض.

👈🏻 احتسب الأجر عند الله:
الصيام يُطهر القلب، ويُزيد التقوى؛ فاستمر عليه بنية القرب من ربنا.

رمضان مش آخر محطة للصيام ✖️
كمل الطريق قدر وسعك، واستعن بالله ✅

#الصيام
#فاعبده_واصطبر_لعبادته ✅

www.tg-me.com/moh_elghaleez

لا تثق في نفسك⚠

#من_الحرم
#محمد_الغليظ

السلام عليكم ورحمة الله وبركاته
صباح الخير يا شباب

مهما كانت حياتك صعبة، ومليانة ابتلاءات

أبشر خيرًا
بكرا الجنة تنسيك!

يقول النبي ﷺ: "يُؤْتَى بأَشَدِّ النَّاسِ بُؤْسًا في الدُّنْيا مِن أهْلِ الجَنَّةِ، فيُصْبَغُ صَبْغَةً في الجَنَّةِ، فيُقالُ له: يا ابْنَ آدَمَ، هلْ رَأَيْتَ بُؤْسًا قَطُّ؟ هلْ مَرَّ بكَ شِدَّةٌ قَطُّ؟ فيَقولُ: لا واللهِ يا رَبِّ، ما مَرَّ بي بُؤْسٌ قَطُّ، ولا رَأَيْتُ شِدَّةً قَطُّ."

فاجتهد في كل عمل يقربك من الجنة.

www.tg-me.com/moh_elghaleez

احذر أن تكون من الذين هجروا القرءان بعد رمضان!

قال الله تعالى: ﴿وَقَالَ ٱلرَّسُولُ يَٰرَبِّ إِنَّ قَوْمِي ٱتَّخَذُوا هَٰذَا ٱلْقُرْءَانَ مَهْجُورًا﴾

ومن صور هجر القرءان، هجر تلاوته!

فلو توقفت عن وِرد التلاوة بعد رمضان، وحطيت مصحفك على الرف 👈 ارجع فورا، وإوعى تستسلم للكسل، والفتور، والشيطان اللي عايز يبعدك عن منبع الهدى والنور.

وعشان تقدر ترجع وتستمر لازم تاخد بالأسباب، ومنها:

✅ ابدأ بشكل تدريجي، وحط لنفسك ورد يومي بسيط، بس ثابت..
حتى لو صفحة واحدة، المهم إنك تستمر عليه؛ لأن النبي ﷺ قال: "أَحَبُّ الأعمالِ إلى اللهِ أدْومُها وإن قَلَّ."

وبعد ما تثبت فترة، ابتدي زود في الوِرد بتاعك بالتدريج.

✅ اقرأ أو اسمع تفسير الآيات اللي في وِردك اليومي؛ عشان تقدر تربط القرءان بحياتك وتحس بأثره عليك، وده هيشجعك تستمر.

✅ متخليش يوم يعدي عليك من غير كلام ربنا..
فلو مش قادر تقرأ وِردك لأي سبب؛ اسمعه بتركيز.

✅ شارك حد من صحابك وحط جدول معاه، وشجعوا بعض تستمروا.

✅ ادعي ربنا يثبتك، وادعي بدعاء النبي ﷺ: "اللهمَّ إني عبدُك، وابنُ عبدِك، وابنُ أَمَتِك، ناصيتي بيدِك، ماضٍ فيَّ حكمُك، عدلٌ فيَّ قضاؤُك، أسألُك بكلِّ اسمٍ هو لك سميتَ به نفسَك، أو علَّمتَه أحدًا من خلقِك، أو أنزلتَه في كتابِك، أو استأثرتَ به في علمِ الغيبِ عندَك، أن تجعلَ القرآنَ ربيعَ قلبي، ونورَ صدري، وجلاءَ حزني، وذَهابَ همِّي."

🔻 وماتنساش إن القرءان مش مجرد كتاب بتقرأه في رمضان وبس!
ده منهج و دستور وقانون لحياتك كلها.

#القرءان
#فاعبده_واصطبر_لعبادته ✅

www.tg-me.com/moh_elghaleez

إزاي أحاسب نفسي ؟
#مقتطفات
#رحلة_إلى_الله
#أبجديات_Online

السلام عليكم ورحمة الله وبركاته
صباح الخير يا شباب

اللي باقي من شهر شوال مش كتير

والنبي ﷺ قال: "مَن صامَ رَمَضانَ ثُمَّ أتْبَعَهُ سِتًّا مِن شَوَّالٍ، كانَ كَصِيامِ الدَّهْرِ."

فلو لسه ماصمتش ال 6 أيام، يدوبك تبدأ من بكرة علطوووول.

www.tg-me.com/moh_elghaleez

#رسالات_أبي_الحويني
#وآثارهم

www.tg-me.com/moh_elghaleez

الدعاء والذكر "مفاتيح للثبات وسر من أسرار القوة بعد رمضان"

يقول الله تعالى في الحديث القدسي: "يا عبادي كلُّكم ضالٌّ إلَّا من هديتُه، فاستهدوني أهدِكُم..."

ويقول النبي ﷺ: "مَثَلُ الذي يَذْكُرُ رَبَّهُ والذي لا يَذْكُرُ رَبَّهُ، مَثَلُ الحَيِّ والمَيِّتِ."

فاطلب الهداية من الله، وامشي في طريقها..
وحافظ على حياة قلبك بكثرة الذكر..

ودي مجموعة من الأسباب لو قدرت تنفذها وتحافظ عليها في يومك؛ هتقدر تثبت وتستمر على الدعاء والذكر بإذن الله:

✅ حافظ على أذكار الصباح والمساء والنوم؛ لأن النبي ﷺ علّمها لينا عشان تحمينا طول اليوم.

✅ خلي لسانك دايمًا رطب بذكر الله:
سبحان الله، الحمد لله، لا إله إلا الله، الله أكبر، لا حول ولا قوة إلا بالله، دي أذكار بسيطة لكنها كنوز!

✅ أكثِر من الصلاة على النبي صلى الله عليه وسلم.

✅ ادعي كتير بالثبات؛ فالنبي ﷺ كان من أكثر دعاءه "يا مقلب القلوب، ثبّت قلبي على دينك."

✅ احرص إنك تدعي ربنا في أوقات الإجابة:
بين الأذان والإقامة، بعد كل صلاة مفروضة، آخر ساعة من يوم الجمعة، عند الفطر لو كنت صايم، في السجود...
وغيرها كتير 👈🏻 ابحث عنها واتعلمها.

🔻 الخلاصة: خلي الدعاء والذكر عادة يومية في حياتك!

#الدعاء_والذكر
#فاعبده_واصطبر_لعبادته ✅

www.tg-me.com/moh_elghaleez

ما تسيبش مكانك✋

#من_الحرم
#محمد_الغليظ

السلام عليكم ورحمة الله وبركاته
صباح الخير يا شباب

طول ما انت عايش في الدنيا
خليك عارف إن الجزاء من جنس العمل

يعني هتعمل خير؛ هتحصد خير
هتعمل شر؛ هتحصد شر

قال رسول الله ﷺ: "مَن سَتَرَ مُسْلِمًا، سَتَرَهُ اللهُ في الدُّنْيَا وَالآخِرَةِ."

وقال أيضا ﷺ: "مَن تَتَبَّعَ عَوْرَةَ أَخِيه المسلمِ، تَتَبَّعَ اللهُ عَوْرَتَه، ومَن تَتَبَّعَ اللهُ عَوْرَتَه، يَفْضَحْهُ ولو في جوفِ بيتِه."

www.tg-me.com/moh_elghaleez