الدعاء..
سلاح المؤمن، وزاده في سفر الحياة..
ساحة البَوح بأمان، وطلب تحقيق الآمال..
حبل للوصال، وركن متين تتكيء عليه باطمئنان..
طريق الموقنين، المتوكلين، الصابرين، العاملين، الفائزين..

فبالله عليك، أليس لك حاجة عند الله!

يقول النبي ﷺ: "ما من مسلمٍ يدعو بدعوةٍ ليس فيها إثمٌ، ولا قطيعةُ رَحِمٍ؛ إلا أعطاه بها إحدى ثلاثَ: إما أن يُعجِّلَ له دعوتَه، وإما أن يدَّخِرَها له في الآخرةِ، وإما أن يَصرِف عنه من السُّوءِ مثلَها."

فيا من لك حاجة عند الله، أَقبِل إلى ساحة الدعاء وعظِّمه!
عظِّمه بالتحلي بآدابه..
عظِّمه باغتنامك لأوقات استجابته..
عظِّمه بحرصك عليه في كل يوم وليلة..
عظِّمه بجمع قلبك مع لسانك وأنت تدعو..
عظِّمه وأطب مطعمك؛ لتكن مستجاب الدعوة..
عظِّمه بيقينك وحُسن توكلك مع الأخذ بالأسباب..
عظِّمه وأبشر بقول النبي ﷺ: "إنَّ اللهَ حيِىٌّ كريمٌ يستحي إذا رفعَ الرَّجلُ إليْهِ يديْهِ أن يردَّهما صفرًا خائبتينِ."

#الدعاء
#تعظيم_شعائر_الله

www.tg-me.com/moh_elghaleez

رمضان كان سباق طويل، وكنا بنشد في آخره، مستنيين ليلة القدر، وكنا بندعي ب"اللهم إنك عفو تحب العفو فاعفُ عنَّا" وبندعي بكل اللي في قلبنا، واحنا واثقين إن الدعاء فيها مش بيضيع.

بس تعرف إن العشر من ذي الحجة = آخر دقايق من السباق، وإن يوم عرفة هو آخر لحظة في السباق وقبل صافرة العيد!

والنبي ﷺ قال: ”خَيْرُ الدُّعَاءِ دُعَاءُ يَوْمِ عَرَفَةَ، وَخَيْرُ مَا قُلْتُ أَنَا وَالنَّبِيُّونَ مِنْ قَبْلِي: لَا إِلَهَ إِلَّا اللهُ وَحْدَهُ لَا شَرِيكَ لَهُ، لَهُ المُلْكُ وَلَهُ الحَمْدُ وَهُوَ عَلَى كُلِّ شَيْءٍ قَدِيرٌ ".

يعني لو في دعوة نفسك تتحقق..

لو في ذنب نفسك يتغفر..

لو في طلب بتتمناه..

ده وقتها، ده يومها، ده يوم عرفة!

وماتنساش إن ليلة القدر ليلة خفية، مش عارفين إمتى بالضبط، ودعاءك فيها = خير من 1000 شهر.

لكن يوم عرفة معلوم ومعروف وقته..
معاك النهار كله من الفجر للمغرب..
دي مش دقايق عادية!
دي كنوز من الرحمات، والبركات، وإجابة الدعوات..
والدعاء فيها "خير الدعاء"، يعني أعظم وقت تدعي فيه في السنة كلها.

بس خلي بالك ممكن تكون اليوم ده في الشغل..
أو مش فاضي تقعد تدعي بالساعات، أو حتى مش حاسس بالخشوع، فاستعد من دلوقتي.

حضّر قائمة دعاء وقسّمها..
دعاء للدنيا، للآخرة، لأهلك، لشيوخك، لأصحابك، للمسلمين.

مهما كنت مشغول حاول تخصّص وقت قبل المغرب تدعي فيه بتركيز حتى لو وقت قليل.

اوعى السباق يخلص قبل ما تسجّل انتصارك!

الدعاء هو وقود الطاقة في اللحظات الأخيرة للسباق وقبل صافرة العيد!

#رمضانك_المُصغّر

www.tg-me.com/moh_elghaleez

لا تفتر عن الذِكر📿

#أيام_العشر
#محمد_الغليظ

السلام عليكم ورحمة الله وبركاته
صباح الخير يا شباب

فيه عادات بسيطة ممكن تغيّر يومك، وتظبط حياتك كلها!
وتخيل؟!
تبقى قاعد في مكانك، ومع ذلك ربنا يكتبلك أجر حجّة وعمرة تامّة، تامّة، تامّة!

قال رسول الله ﷺ: "مَن صلى الفجرَ في جماعةٍ، ثم قعد يذكر الله حتى تطلع الشمس، ثم صلى ركعتين، كانت له كأجر حجّة وعمرة تامّة، تامّة، تامّة."

يعني إيه؟
يعني لو بدأت يومك بصلاة الفجر في جماعة، وقعدت تذكر ربنا لحد الشروق، وبعدها صليت ركعتين بس..
ربنا يكتبلك الأجر العظيم ده بإذنه، كأنك حجيت واعتمرت، وأنت في مكانك!

الناس اللي نفسها تحج ومقدرتش، أو اللي حجت وبتتمنى تنال الأجر تاني..

دي فرصة عظيمة ربنا مدهالنا كل يوم الصبح!

ابدأ يومك كده، وهتشوف الفرق في قلبك، وفي يومك كله بإذن الله.

اللهم ارزقنا الأجر التام، والقبول الكامل، ووفقنا لما تحب وترضى.


www.tg-me.com/moh_elghaleez

الصدقة..
بابٌ لمغفرة الذنوب، وطلب رضا علَّام الغيوب..
بابٌ لكسب الحسنات، ومضاعفتها مرات ومرات..
بابٌ لجلب البركات، والخير، والرحمات..
بابٌ لإسعاد قلبك، وإسعاد قلوب فقراء المسلمين..
بابٌ يبعدك عن النار، ويقربك من الجنة..

فبالله عليك، ألا تريد الجنة!

يقول النبي ﷺ: "اتَّقوا النَّار ولو بشِقِّ تمرةٍ..."

فيا من أردت الجنة ونعيمها، أَقبِل إلى باب الصدقة وعظِّمها!
عظِّمها بجعلها خالصة لله وحده..
عظِّمها بالحرص عليها ولو بالقليل..
عظِّمها بإخراجها من الحلال الطيب..
عظِّمها بإخراجها مما تحب..
عظِّمها بإخراجها في صورة حسنة؛ لتسعد بها القلوب..
عظِّمها واستودع أجرها عند الله، وأبشر!
فعنده سبحانه لا تضيع الوائع أبدا..
يقول النبي ﷺ: "مَن تَصَدَّقَ بعَدْلِ تَمْرَةٍ مِن كَسْبٍ طَيِّبٍ، ولَا يَقْبَلُ اللهُ إلَّا الطَّيِّبَ، وإنَّ اللهَ يَتَقَبَّلُهَا بيَمِينِهِ، ثُمَّ يُرَبِّيهَا لِصَاحِبِهِ، كما يُرَبِّي أَحَدُكُمْ فَلُوَّهُ، حتَّى تَكُونَ مِثْلَ الجَبَلِ."

#الصدقة
#تعظيم_شعائر_الله

www.tg-me.com/moh_elghaleez

رمضان خلص، وفطرنا وكان العيد بعد مغرب يوم 30

بكينا على الفُرقة، وقلنا "هتوحشنا يا رمضان"

وبعدها جاه عيد الفطر، وفرحنا بالعيد..
وبكاء امبارح اتحول لضحك، ولعب، وسرور حاولنا ندخله على أهالينا وأطفالنا وجيراننا، تعظيم لشعائر ديننا.

أما عيد الأضحى، فرحة مختلفة وأجرها أكبر وأعظم!

وعشان كدا هفكرك بحاجات مهمة عن العيد قبل ما يجي..

عيد الأضحى عاشر أيام العشر، يعني عيد في خير الأيام إلى الله، والأعمال الصالحة فيها أحب إليه سبحانه.

وكمان بيجي بعد خير يوم طلعت عليه الشمس، يوم عرفة!
يوم العتق والمغفرة للمسلمين كلهم، مش بس للحجاج.

يعني العيد هنا مش بس فرحة!
ده تتويج لاجتهاد، ومسك الختام للعشر!

وما تنساش: الله عز وجل لا يضيع أجر المحسنين.
فكل لحظة بتجتهد فيها = محفوظة
وكل دمعة، كل دعاء، كل نية طيبة = بتترفع!

فخلي عيدك مختلف، مش بس لبس جديد، ولمة حلوة..
لكن قلب نضيف، حسنات كتير، وصُحبة صالحة معاك.

وافتكر إن اللي بيجتهد في الطاعة، العيد عنده بيبقى طعمه مختلف؛ لأن فرحة قلبه مش فرحة عادية!

فإوعى تضيع كل حسناتك في ليلة العيد في لهو ومعاصي، بعد ما ربنا وفقك تطيعه وتكسب حسنات كتير، هتبقى زادك الحقيقي في الآخرة إن شاء الله.

جاهد نفسك واستغل كل دقيقة في أيام العشر اللي باقية؛ عشان عيدك يكون سعيد بجد، ويبقى ختامه مسك ببداية انطلاقة إيمانية جديدة في طريقك لله.

#رمضانك_المُصغّر

www.tg-me.com/moh_elghaleez

الصدقة برهان🌱

#أيام_العشر
#محمد_الغليظ

السلام عليكم ورحمة الله وبركاته
صباح الخير يا شباب

عارف إن الدنيا بقت سريعة، والناس بقت عايزة تعمل كل حاجة بسرعة، وتاخد أجر كبير بأعمال بسيطة..

طيب اقرأ معايا الحديث ده 👇

قال رسول الله ﷺ: "عمرةٌ في رمضان تعدِلُ حجَّة"
وفي رواية: "حجة معي"!

تخيّل!
تعمل عمرة في رمضان، يبقى لك أجر حجة مع النبي ﷺ!

طبعًا هتقولّي:
رمضان لسه، وإحنا فين ورمضان فين!!

هقولك:
لو معاك، اعزم النية من دلوقتي!
حطها في خطتك: السنة دي هعمل عمرة في رمضان إن شاء الله.

ولو لسه مش معاك..
ابدأ حوّش، واعزم على الأمر
حتى لو الطريق صعب، اجتهد، وخلّي النية حاضرة.

وصدقني لو كنت صادق؛ ربنا هييسرلك الطريق، ويمكن يوصلك لحاجة ماكنتش تتخيلها!

وحتى لو ماوصلتش، الله عز وجل هيأجرك على السعي والنية؛ لأنه يرى قلبك، ويعلم حالك.

فمتبخلش على نفسك..
وخلّي من دلوقتي نيتك: عمرة في رمضان؛ علشان تحج مع النبي ﷺ.

اللهم ارزقنا صدق النية، وقبول العمل.

www.tg-me.com/moh_elghaleez

من عرف ربه؛ أحبه، وعظَّمه..
ومن عظَّم ربه؛ عظَّم شعائره..
ومن عظَّم شعائره؛ كان ذلك علامة على تقواه..

قال الله تعالى: {ذَٰلِكَ وَمَن يُعَظِّمْ شَعَائِرَ اللهِ فَإِنَّهَا مِن تَقْوَى الْقُلُوبِ}

فعظِّم شعائر دينك في نفسك، وأهلك، ومجتمعك..
عظِّمها بقولك وفعلك..
عظِّمها، ففيها النجاة في الدنيا والآخرة بإذن الله.

#تعظيم_شعائر_الله

www.tg-me.com/moh_elghaleez

رمضان كان 30 يوم وعدا بسرعة، والعشر من ذي الحجة هيخلصوا أسرع بكتير.

فهل عباداتك بردو هتخلص؟!

أنا جاي أقولك إن اللي بعد أيام العشر هو الحقيقي!

لأن اللي هيكمّل بعد ما كل الناس تهدى، هو ده الصادق فعلًا.

فخلي من أهدافك اللي بتسعى لتحقيقها في أيام العشر، إنك "تهتدي"
فالله سبحانه وتعالى قال: ﴿وَالَّذِينَ اهْتَدَوْا زَادَهُمْ هُدًى وَآتَاهُمْ تَقْوَاهُمْ﴾.

فلو سعيت للهداية واهتديت؛ ربنا هيزيدك من فضله، وهتقدر تكمل، وتزود، وتثبت بإذن الله.

وافتكر إن مواسم الطاعة هي محطات بتشحن فيها إيمانك؛ عشان تكمل طريقك لله، مش عشان تقف بعدها.

فاستغل نفحات الله بإنك تجدد بها إيمانك لباقي السنة.

#رمضانك_المُصغّر

www.tg-me.com/moh_elghaleez

بكرة يوم مش عادي
سيب كل اللي في إيدك وهات قلبك وتعالى
شوف الفيديو ده واسمع بتركيز عشان نستعد لبكرة إن شاء الله

www.tg-me.com/moh_elghaleez

النبي ﷺ قال: "خير الدعاء دعاء يوم عرفة، وخير ما قلت أنا والنبيون من قبلي لا إله إلا الله وحده لا شريك له له الملك وله الحمد وهو على كل شيء قدير".

وقال ﷺ: "صِيَامُ يَوْمِ عَرَفَةَ، أَحْتَسِبُ عَلَى اللهِ أَنْ يُكَفِّرَ السَّنَةَ الَّتِي قَبْلَهُ، وَالسَّنَةَ الَّتِي بَعْدَهُ"

وأخبرنا أنه "ما من يوم أكثر من أن يعتق الله فيه عبدا من النار من يوم عرفة، وإنه ليدنو ثم يباهي بهم الملائكة فيقول: ما أراد هؤلاء؟".

بكرة يوم مش عادي إوعى يضيع منك.

www.tg-me.com/moh_elghaleez

السلام عليكم ورحمة الله وبركاته
صباح الخير يا شباب

خلاص، جينا لوقت الجد!

النهارده #يوم_عرفة

اليوم اللي ممكن حياتك بعده تتغير بجد!

هتعمل إيه طيب؟
عيش يوم عرفة كما يحب الله ويرضى في بلدك، لعل الله يجعلك تعيشه على عرفات العام القادم..
فاثبت لله إخلاصك وجديتك 🤲🏻

📝 طب إزاي تعيش النهارده صح؟ 👇🏻

1️⃣ التوبة 👈🏻 بس قبلها هنحدد إيه غلط عايزين نبطله، سواء كانت أخطاء رافضها المجتمع أو بيحبها، وحدد من له حقوق عليك..
يعني هنتوب من كل حاجة 👈🏻 هتدخل تتوضى وتلبس حلو وحط عطر وهيأ نفسك للوقوف أمام الله "فالله ينصب وجهه لوجه عبده عند الصلاة " وصلي ركعتين بنية التوبة، وادعي كتير وانت ساجد.

2️⃣ الصيام 👈🏻 النبي ﷺ قال: "صيامُ يومِ عَرفةَ إنّي أحْتسبُ على اللهِ أن يُكفّرَ السنَةَ التي بعدهُ، والسنةَ التي قبلهُ."
فاحتسب صومك وتحمل طول الصيام والحر.

3️⃣ تحفظ سمعك وبصرك ولسانك 👈🏻 النبي ﷺ قال: "إِنَّ هَذَا يَوْمٌ مَنْ مَلَكَ فِيهِ سَمْعَهُ وَبَصَرَهُ وَلِسَانَهُ غُفِرَ لَهُ."
فمتسمعش حاجه غلط، وغض بصرك..
ولو في البيت اقفل السوشيال ميديا، وأمسك عليك لسانك..
⚠️ النهارده يوم (من غير فيس بوك) 📵

4️⃣ الذِكر 👈🏻 حدد الأذكار اللي هتقولها وعددها إيه، وماتنساش النبي ﷺ قال: "...خَيْرُ مَا قُلْتُ أَنَا وَالنَّبِيُّونَ مِنْ قَبْلِي: لَا إِلَهَ إِلَّا اللهُ، وَحْدَهُ لَا شَرِيكَ لَهُ، لَهُ الْمُلْكُ وَلَهُ الْحَمْدُ، وَهُوَ عَلَى كُلِّ شَيْءٍ قَدِيرٌ.»

5️⃣ قراءة القرآن 👈🏻 انت ومقدرتك حزب أو جزء أو اتنين بعد كل صلاة..
المهم إنك تحاوط يومك بكلام ربنا.

6️⃣ الصلاة 👈🏻 حافظ أنها تكون على وقتها مع السنن، وصلي بخشوع وحسِّن هيئتك فيها.

7️⃣ الصدقة 👈🏻 فالصدقة تطفيء الخطيئة.

8️⃣ الدعاء 👈🏻 فخير الدعاء دعاء يوم عرفة..
ادعي بكل حاجة، والتمس كل أوقات الإجابة..
وقبل الدعاء ماتنساش الثناء على الله وعز وجل وبعدها الصلاة على النبي ﷺ وبعدها ادعي براحتك، واختم دعاءك بالصلاة على النبي ﷺ.
وكمان وانت بتدعي قسِّم دعواتك عشان متنساش حاجة..
- دعوات الآخرة.
- دعوات للدنيا.
- دعوات لمن تحب.

- دعوات للآخرة:
نفسك تكون إنسان صالح.
إنسان متدين قريب من الله.
نفسك تخشع في صلاتك وتحسِّن إقامتها.
نفسك تحفظ كلام ربك وتفهمه وتعمل به.
نفسك ربنا يستعملك لنصرة دينه.
نفسك ربنا يهديك ويأخذ بقلبك إليه.
نفسك في قلب سليم.
نفسك ربنا يتوب عليك من المعاصي أو من معصية معينة مش قادر تسيبها.
نفسك تُرزق بحسن الخاتمة.
نفسك قبرك يبقى روضة من رياض الجنة.
نفسك تدخل الجنة بغير حساب ولا عذاب.
نفسك تشوف النبي ﷺ وتُحشر معه.
نفسك تشوف الله جل جلاله.
نفسك في الفردوس الأعلى.

- دعوات للدنيا:
ادعي بالتفصييييل، واطلب كل اللي انت عايزه..
نفسك تتجوز، نفسك تتخرج، نفسك تنجح، نفسك تتفوق. نفسك تنجب من البنين والبنات.
نفسك في صحبة صالحة.
عندك مشكلة في شغلك، في دراستك، في عملك.
عندك أزمة مالية أو أسرية.
متخانق مع زوجتك أو زعلانة من زوجك.
خايف على عيالك ونفسك ربنا يحفظهم وتأمن حياتهم ومستقبلهم.
نفسك تكون حياتك أفضل أو تحسِّن من مؤهلاتك أو وظيفتك.
نفسك ربنا يشفيك.
خايف من حاجة، بتتمنى حاجة.

- دعوات لمن تحب:
هات قلم وورقة ويلا اكتب أسامي صحابك، وقرايبك، وأهل الفضل عليك، وأهل الحقوق عليك، ومن وصاك بالدعاء..
خلي ليهم وقت مخصوص ادعيلهم وقلبك متعلق بالله أنه يحقق لهم اللي يتمنوه، وأنه يغفر لهم، ويجمعكم في الجنة.
ومتنساش تدعي لمن مات ولم يُدرك اليوم مثلك.
وتدعي للمسلمين ولأمة الإسلام.
وأن يُفرج عن إخوانك المستضعفين في المشارق والمغارب، وأن يفتح لهذه الأمة وأن يُفرج كربها.


🌥️ النهارده هات آخرك في الدعاء، واجتهد لغاية آذان المغرب، وخد أجر إفطار صائم ولو بتوزيع التمر على أهل بيتك.

وآخر حاجة 👇👇
✨ (((محمد الغليظ))) --> متنساش تدعيلي.

www.tg-me.com/moh_elghaleez

يوم عرفة"
حيث الرحمات والعفو..
ذنوب تُمحى لعام مضى وآخر قادم..
دعوات تُرفع من قلوب يُحركها الخوف ورجاء رب كريم..
اجتهاد لاغتنام كل لحظة في عبادة وطاعة..
سجدات تزدحم بسؤال الله من خير الدنيا والآخرة..

يوم عرفة، يوم إقبال على الله بالقلب والجوارح..
من صيام، وصلاة على وقتها
صدقة خالصة، وزيارة مريض
شهود جنازة، ونوافل متنوعة.

عش اليوم عبدًا لله..
والتمس كل أبواب الخير ولا تترك نصيبك منها، عسى الله أن يتقبل ويجعلك من الفائزين.

www.tg-me.com/moh_elghaleez

قال رسول الله صلى الله عليه وسلم: «خَيْرُ الدُّعَاءِ دُعَاءُ يَوْمِ عَرَفَةَ، وَخَيْرُ مَا قُلْتُ أَنَا وَالنَّبِيُّونَ مِنْ قَبْلِي: لَا إِلَهَ إِلَّا اللهُ، وَحْدَهُ لَا شَرِيكَ لَهُ، لَهُ الْمُلْكُ وَلَهُ الْحَمْدُ، وَهُوَ عَلَى كُلِّ شَيْءٍ قَدِيرٌ.»

#يوم_عرفة

www.tg-me.com/moh_elghaleez

خلاص، ساعات قليلة وهيخلص "يوم عرفة"!

لو اليوم جري منك، ولسه ما أنجزتش حاجة..
سيب كل حاجة دلوقتي!
الفرصة لسه في إيدك.

ما تبصش للساعة اللي راحت..
بص للِّي فاضل!

لسه قدامك وقت، تستغفر، تدعي، تكبّر
الدعاء دلوقتي لا يُرد بإذن الله.

افتح مصحفك، ارفع إيدك لله وادعوه، كبّر ولا تنسَ خير ما دعا به الرسول ﷺ والنبيين: "لا إله إلا الله وحده لا شريك له، له الملك وله الحمد، وهو على كل شيء قدير."

الأبواب لسة مفتوحة، أَقبِل على الله..

ما تضيعش آخر لحظات من أعظم يوم في السنة.

اللهم تقبل منا ومنكم صالح الأعمال.

www.tg-me.com/moh_elghaleez

حافظ على حسناتك⚠

#أيام_العشر
#محمد_الغليظ

علشان تعيش فرحة العيد على سُنّة النبي ﷺ

العيد مش بس لبس جديد وضحكة جميلة… العيد عبادة، وسُنن لو حافظت عليها تاخد أجر وفرحة في قلبك:
1. الاغتسال قبل صلاة العيد

2. لبس أحسن الثياب والتطيب، لكن مع الانتباه: المرأة تبتعد عن التبرج أو الاختلاط.

3. تأخير الأكل لحد ما ترجع وتبدأ بأكلك من الأضحية

4. الإكثار من الذكر والتكبير
> الله أكبر، الله أكبر، الله أكبر، لا إله إلا الله، الله أكبر، الله أكبر، ولله الحمد

5. الذهاب لصلاة العيد ماشيًا إن أمكن

6. صلاة العيد.. لا تفوّتها!

7. الرجوع من طريق غير الذي ذهبت منه

8. ذبح الأضحية بعد الصلاة، مش قبلها

9. التهنئة بالعيد

10. إظهار الفرح والسرور

خلي عيدك سُنّة.. علشان ربنا يبارك لك في كل لحظة فيه.
عيدكم مبارك.

www.tg-me.com/moh_elghaleez

انتهى عرفة، ولكن العشر لم تنتهي!
قال رسول الله ﷺ: "إنَّ أفضلَ الأيَّامِ عندَ اللَّهِ يومُ النَّحرِ"
أمامنا يوم عظيم، ولا زال هناك دعوات وتسبيحات وأعمال صالحة كتير؛
فلا تبرحوا أماكنكم..
إنما هي ساعات قلائل، والله سبحانه أعلم بأي ساعة يكون فيها قبولك وعتقك!
فلا تضيعوا على نفسكم الأجر فيفوتكم شرف الخواتيم؛
ولا تجعلوا مباحات العيد تمنعكم من ختام العشر.

www.tg-me.com/moh_elghaleez