علشان تعيش فرحة العيد على سُنّة النبي ﷺ

العيد مش بس لبس جديد وضحكة جميلة… العيد عبادة، وسُنن لو حافظت عليها تاخد أجر وفرحة في قلبك:
1. الاغتسال قبل صلاة العيد

2. لبس أحسن الثياب والتطيب، لكن مع الانتباه: المرأة تبتعد عن التبرج أو الاختلاط.

3. تأخير الأكل لحد ما ترجع وتبدأ بأكلك من الأضحية

4. الإكثار من الذكر والتكبير
> الله أكبر، الله أكبر، الله أكبر، لا إله إلا الله، الله أكبر، الله أكبر، ولله الحمد

5. الذهاب لصلاة العيد ماشيًا إن أمكن

6. صلاة العيد.. لا تفوّتها!

7. الرجوع من طريق غير الذي ذهبت منه

8. ذبح الأضحية بعد الصلاة، مش قبلها

9. التهنئة بالعيد

10. إظهار الفرح والسرور

خلي عيدك سُنّة.. علشان ربنا يبارك لك في كل لحظة فيه.
عيدكم مبارك.

www.tg-me.com/moh_elghaleez

انتهى عرفة، ولكن العشر لم تنتهي!
قال رسول الله ﷺ: "إنَّ أفضلَ الأيَّامِ عندَ اللَّهِ يومُ النَّحرِ"
أمامنا يوم عظيم، ولا زال هناك دعوات وتسبيحات وأعمال صالحة كتير؛
فلا تبرحوا أماكنكم..
إنما هي ساعات قلائل، والله سبحانه أعلم بأي ساعة يكون فيها قبولك وعتقك!
فلا تضيعوا على نفسكم الأجر فيفوتكم شرف الخواتيم؛
ولا تجعلوا مباحات العيد تمنعكم من ختام العشر.

www.tg-me.com/moh_elghaleez

يارب يارب يارب
اللهم يا سامع النداء يا مجيب الدعاء
اللهم صل وسلم وبارك على سيدنا
اللهم لك الحمد أن بلغتنا عرفة
اللهم تقبل منا دعائنا فيه
اللهم اجعلنا ممن عتق فيه
اللهم ارزقنا الحج العام القادم وكل عام
اللهم ارزقنا المتابعة بين الحج والعمرة
اللهم اغفر لنا ذنوبنا وإسرافنا في أمرنا
اللهم اغفر لنا تقصيرنا
اللهم استرنا واستر أعيننا عن عيوب المسلمين وزلاتهم
اللهم ارزقنا العافية في ديننا ودنيانا
اللهم ارزقنا العافية في الدنيا والآخرة
اللهم اعف عنا وارزقنا العفو
اللهم ارزقنا طيب العيش في الدنيا والآخرة
اللهم ارزقنا حياة طيبة
اللهم يسر علينا حياتنا
اللهم ارزقنا الجنة بغير حساب ولا سابقة عذاب
اللهم اشرح صدورنا وتولى أمورنا
اللهم ارزقنا حفظ القرآن واجعلنا من أهله وخاصته
اللهم احفظنا بالقرآن واجعلنا هداة مهتدين
اللهم اكفنا بحلالك عن حرامك وبفضلك عمن سواك
اللهم ارزقنا الحلال ولا ترزقنا غيره
اللهم علمنا ما ينفعنا وانفعنا بما علمتنا
اللهم ارزقنا العلم النافع والعمل الصالح
اللهم استعملنا ولا تستبدلنا
اللهم أصلحنا وأصلح بنا
اللهم ارزقنا صحبة الصالحين الناصحين
اللهم اصرف عنا شرار خلقك
اللهم عافيتك أوسع لنا يارب
اللهم اجعلنا مقيمين الصلاة ومن ذرياتنا
ربنا وتقبل دعاء 🤲🏻

ارفعوا أيديكم بالدعاء واسألوا الله من واسع فضله
ولا تنسونا من صالح دعائكم

#دعاء #آخر_ساعة #الجمعة

خلص عرفة وخلصت العشر ..
ده وقت مناسب نسمع فيه الدرس ده
ثم أما بعد
#محمد_الغليظ

https://m.youtube.com/watch?v=KWcBFZMS5qY&pp=0gcJCdgAo7VqN5tD

السلام عليكم ورحمة الله وبركاته
صباح الخير يا شباب

إحنا دلوقتي في أيام التشريق
(يوم 11 و12 و13 من ذي الحجة)

النبي ﷺ قال عنها:
"أيام أكل وشرب وذكر لله"

يعني:
❌ ماينفعش نصوم فيها
✅ والمطلوب نعيشها بطاعة وفرحة وذِكر

الأيام دي من أفضل أيام الذكر والتكبير،
فـ كبّر، سبّح، استغفر، وادعي ربنا بصدق

تقدر كمان:
▪️ تكمل وردك لو بدأته
▪️ تبدأ ورد جديد لو لسه ما بدأتش
▪️ تبرّ أهلك وتصل رحمك
▪️ تراجع نيتك وتثبت على الطاعة بعد العشر

كل لحظة فيها فرصة، وكل ذكر فيها أجر مضاعف
هي أيام مخصوصة، الله عزوجل قال عنها:
"واذكروا الله في أيامٍ معدودات"

خلّي الأيام دي ذكرى خير في صحيفتك..

www.tg-me.com/moh_elghaleez

اليوم يوم القَرِّ، ثاني أعظم أيام الدنيا!
قال رسول الله ﷺ: إنَّ أفضلَ الأيَّامِ عندَ اللَّهِ يومُ النَّحرِ، ثمَّ يومُ القَرِّ"

فرصة جديدة من الله عز وجل لنا؛
فإن كان فاتك الأيام العشر ويوم عرفة فلا يفوتك فضل يوم القَرِّ..
فتجهز للتوبة وحُسن العبادة
ولا تبرح محراب الدعاء..
لعل الله بفضله يفتح عليك في هذا اليوم ويتقبلك في زُمرة عباده الصالحين.

www.tg-me.com/moh_elghaleez

ما تستناش لآخر وقت⚠

#من_الحرم
#محمد_الغليظ

السلام عليكم ورحمة الله وبركاته
صباح الخير يا شباب

العيد فرصة..
فرصة نرجّع الود، ونكسر الخصام.

صلة الرحم مش بس زيارة،
صلة الرحم تبسُّم، رسالة، مكالمة قصيرة.. بس ممكن تُصلح كتير!

واللي بينك وبينه خصام؟
خد الخطوة، حتى برسالة، وتأكد إن أجرك عظيم عند الله.

ومتنساش إن لسه الطاعات مستمرة..
الأذكار، الدعاء، تلاوة القرآن، والتكبير بعد كل صلاة..
كلهم ليهم طعم مختلف في الأيام المباركة دي.

كمّل الطريق.. وابني على اللي فات من طاعات العشر،
وخلي القرب عادة مش لحظة.

www.tg-me.com/moh_elghaleez

ما زلنا في أيام عظيمة، أيام عيد للمسلمين..
كل يوم جديد = باب تتقرب بيه لله عز وجل وتفتح بيه صفحة جديدة..
قال رسول الله ﷺ: "أيَّامُ التَّشريقِ أيَّامُ أَكْلٍ وشُربٍ وذِكْرٍ للَّهِ عزَّ وجلَّ"
فاستغل ما تبقى من هذه الأيام لتنال الفضل ولا يفوتك الأجر؛
وتذكر أنك في يوم من الأيام التي لا يُرد فيها الدعاء..
يعني عندك بدل الباب اتنين!
فإلزم أذكارك وأورادك، واجعل للدعاء نصيب من يومك؛
وأسأل الله أن يوفقك لفعل الصالحات وأن يتقبل منك.

www.tg-me.com/moh_elghaleez

حاجات هتكشفك🤝

#من_الحرم
#محمد_الغليظ

السلام عليكم ورحمة الله وبركاته
صباح الخير يا شباب

النهاردة آخر يوم من أيام التشريق،
واللي النبي ﷺ قال عنها:

"لَمْ يُرَخَّصْ في أيَّامِ التَّشْرِيقِ أنْ يُصَمْنَ، إلَّا لِمَن لَمْ يَجِدِ الهَدْيَ".

ومع إن النهاردة بيوافق أول أيام البيض،
إلا إن الصيام فيه مش جائز إلا لحاجه خاصة،
زي اللي ماعندوش هدي في الحج.

وماتنساش..
إحنا لسه في شهر الله الحرام – ذو الحجة
والحسنات فيه بتتضاعف

فلو هتبدأ صيام، أبدأ من بكرة 14-15-16،
أو حتى أي 3 أيام من الشهر الحرام،
وخد أجر صيام الدهر كله إن شاء الله.

جاهد ألا تفتر همّتك، ربك كريم،
وكل عمل صالح في الأيام دي ليه أجر كبير.

اللهم اجعل لنا في كل يوم نصيب من طاعتك،
واغفر لنا ما مضى، وبارك لنا فيما هو آت.🤲🏻

www.tg-me.com/moh_elghaleez

وصلنا لأخر يوم من أيام التشريق؛
أيام لا يُرد فيها الدعاء، تكبير، ذكر، وأجر عظيم لكل الأعمال بإذن الله..

لو كان فاتك كل الأيام اللي فاتت فـ لسه عندك فرصة النهارده؛
ولو كان ربنا وفقك لحُسن العمل والعبادة فـ لا مانع من الزيادة..

فاجعل شعارك فيه لن يسبقني إلى الله أحد؛
واجمع دعواتك لعلها تُقبل اليوم؛
ولا يفوتك شرف الخواتيم.

www.tg-me.com/moh_elghaleez

اوعى الدنيا تخطفك⚠

#من_الحرم
#محمد_الغليظ

السلام عليكم ورحمة الله وبركاته
صباح الخير يا شباب

في ناس مبتضيعش وقت..
الدقايق والثواني عندهم ليها قيمة تانية، في الطاعة والعبادة مابيأجلوش، ومابيكسلوش.

عارفين إن الحياة قصيرة، والفرص محدودة، والأيام بتعدّي بسرعة، فاستغلوها في طاعة الله..

فكانوا طائعين لأمر الله عز وجل في قوله:
"فَاسْتَبِقُوا الْخَيْرَاتِ"

لو أنت مش منهم..
ابدأ من دلوقتي، وجاهد نفسك،
وخلي السعي للخير هدفك في كل خطوة

📍فاستبقوا الخيرات قبل انتهاء الأجل، وقبل أن يُقال:
"ربِّ ارجعون" ولا رجعة!..

اللهم ثبّتنا على الطاعة، ووفّقنا لكل خير.🤲🏻

www.tg-me.com/moh_elghaleez

العشر خلصوا، والعيد عدى، والقلوب كانت عامرة بالطاعات، بالدعاء، بالقرآن، وبالدموع.

نيجي للسؤال المهم دلوقتي:
إحنا هنكمل؟ ولا كانت لحظة وراحت؟

أوقات كتير بنتعامل إن العبادة كانت مؤقتة، مخصوصة لموسم!
بس الحقيقة لأ، العبادة طول السنة..
والمواسم بتكون لزيادة العبادة، مش عشان نتركها بعدها!

ما بعد العيد هو الاختبار الحقيقي للثبات.

ابدأ من النهاردة:

حافظ على ورد ولو بسيط من القرآن 📖

خلّي لك ولو ركعتين قيام والوتر 🌙

استغفر ولو 100 مرة في اليوم

أذكار الصباح والمساء

وطبعا لا خلاف على المواظبة على الفروض في أول وقتها.

وحاول تعيش كل يوم وكأنك في "عشر من نوع جديد"…

الثبات نعمة، وطلب الثبات عبادة.
"يا مُقلّب القلوب، ثبّت قلبي على دينك"

www.tg-me.com/moh_elghaleez

5️⃣نصايح لو أنت في ثانوية عامة👇

#فضفضة_الأحد
#محمد_الغليظ

السلام عليكم ورحمة الله وبركاته
صباح الخير يا شباب

عارفين الجملة اللي بنقولها دايمًا؟
"فلان ده يستاهل الحبس!"
طب اسأل نفسك كده بصدق:
هو أنا أستاهل الحبس؟

يمكن ترد وتقول: لا طبعًا، وبتبقى شايف نفسك أحسن واحد..
بس تعالى نسمع كلام عبد الله بن مسعود رضي الله عنه:
"ما من شيء أحق بطول السجن من اللسان."

تخيل!
إن اللسان هو أكتر حاجة تستاهل الحبس.

الله عز وجل قال:
"مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ"
يعني كل كلمة بتقولها، بتتكتب
خير بيتكتب.
شر بيتكتب.
تهريج، نميمة، غيبة، كذب كله بيتكتب.

فكّر معايا:
كام مرة قلنا كلمة ماكانش ينفع تتقال؟
كام مرة لسانا سبقنا؟
فبجد، لو هتسجن حد... اسجن لسانك، وحاسب نفسك قبل أن تُحاسب..

اللهم طهر ألسنتنا من الغيبة والنميمة، واجعل كلامنا دائمًا فيما يرضيك.🤲🏻

www.tg-me.com/moh_elghaleez

امتحانات الثانوية العامة خلاص هتبدأ الأسبوع الجاي إن شاء الله
وكله دلوقتي بيذاكر وبيراجع وجايب آخره عشان يحقق هدفه!
ولأن الوقت بيبقى ضيق الفترة دي، وكل الطلبة بتركز على مراجعة ليالي الامتحانات..
فإحنا كمان هنركز معاهم وهنراجع أسئلة تهم كل واحد فيهم!

انتظرونا إن شاء الله كل سبت وإثنين وأربعاء الساعة 5 م
مع #س_ج_ليالي_الامتحان

هتفرحوا بالتخرج ازاي؟🤔

#فضفضة_الأحد
#محمد_الغليظ

السلام عليكم ورحمة الله وبركاته
صباح الخير يا شباب

مفيش حد فينا يقدر يعدّي عليه يوم كامل من غير ما ياكل ولا يشرب!
لازم ياكل ويشرب.. لأن لو ده ما حصلش
هيقع من التعب والضعف، ومش هيقدر يكمل..

وده بالظبط حال قلب كل واحد فينا، ولكن مع ذكر الله عز وجل..

عشان كده..
الإمام ابن تيمية رحمه الله،
مرة صلى الفجر في جماعة، ثم جلس يذكر الله جل في علاه،
لحد امتى؟
إلى قرب منتصف النهار!
ثم قال:
"هذه غدوتي، ولو لم أتغذّ هذا الغذاء، لسقطت قوتي."

زي ما بتحافظ على جسمك، لازم تحافظ كمان على قلبك بذكر الله.

اللهم اجعل قلوبنا عامرة بذكرك، وثبّتنا على طاعتك.🤲🏻

www.tg-me.com/moh_elghaleez