وصلنا لأخر يوم من أيام التشريق؛
أيام لا يُرد فيها الدعاء، تكبير، ذكر، وأجر عظيم لكل الأعمال بإذن الله..

لو كان فاتك كل الأيام اللي فاتت فـ لسه عندك فرصة النهارده؛
ولو كان ربنا وفقك لحُسن العمل والعبادة فـ لا مانع من الزيادة..

فاجعل شعارك فيه لن يسبقني إلى الله أحد؛
واجمع دعواتك لعلها تُقبل اليوم؛
ولا يفوتك شرف الخواتيم.

www.tg-me.com/moh_elghaleez

اوعى الدنيا تخطفك⚠

#من_الحرم
#محمد_الغليظ

السلام عليكم ورحمة الله وبركاته
صباح الخير يا شباب

في ناس مبتضيعش وقت..
الدقايق والثواني عندهم ليها قيمة تانية، في الطاعة والعبادة مابيأجلوش، ومابيكسلوش.

عارفين إن الحياة قصيرة، والفرص محدودة، والأيام بتعدّي بسرعة، فاستغلوها في طاعة الله..

فكانوا طائعين لأمر الله عز وجل في قوله:
"فَاسْتَبِقُوا الْخَيْرَاتِ"

لو أنت مش منهم..
ابدأ من دلوقتي، وجاهد نفسك،
وخلي السعي للخير هدفك في كل خطوة

📍فاستبقوا الخيرات قبل انتهاء الأجل، وقبل أن يُقال:
"ربِّ ارجعون" ولا رجعة!..

اللهم ثبّتنا على الطاعة، ووفّقنا لكل خير.🤲🏻

www.tg-me.com/moh_elghaleez

العشر خلصوا، والعيد عدى، والقلوب كانت عامرة بالطاعات، بالدعاء، بالقرآن، وبالدموع.

نيجي للسؤال المهم دلوقتي:
إحنا هنكمل؟ ولا كانت لحظة وراحت؟

أوقات كتير بنتعامل إن العبادة كانت مؤقتة، مخصوصة لموسم!
بس الحقيقة لأ، العبادة طول السنة..
والمواسم بتكون لزيادة العبادة، مش عشان نتركها بعدها!

ما بعد العيد هو الاختبار الحقيقي للثبات.

ابدأ من النهاردة:

حافظ على ورد ولو بسيط من القرآن 📖

خلّي لك ولو ركعتين قيام والوتر 🌙

استغفر ولو 100 مرة في اليوم

أذكار الصباح والمساء

وطبعا لا خلاف على المواظبة على الفروض في أول وقتها.

وحاول تعيش كل يوم وكأنك في "عشر من نوع جديد"…

الثبات نعمة، وطلب الثبات عبادة.
"يا مُقلّب القلوب، ثبّت قلبي على دينك"

www.tg-me.com/moh_elghaleez

5️⃣نصايح لو أنت في ثانوية عامة👇

#فضفضة_الأحد
#محمد_الغليظ

السلام عليكم ورحمة الله وبركاته
صباح الخير يا شباب

عارفين الجملة اللي بنقولها دايمًا؟
"فلان ده يستاهل الحبس!"
طب اسأل نفسك كده بصدق:
هو أنا أستاهل الحبس؟

يمكن ترد وتقول: لا طبعًا، وبتبقى شايف نفسك أحسن واحد..
بس تعالى نسمع كلام عبد الله بن مسعود رضي الله عنه:
"ما من شيء أحق بطول السجن من اللسان."

تخيل!
إن اللسان هو أكتر حاجة تستاهل الحبس.

الله عز وجل قال:
"مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ"
يعني كل كلمة بتقولها، بتتكتب
خير بيتكتب.
شر بيتكتب.
تهريج، نميمة، غيبة، كذب كله بيتكتب.

فكّر معايا:
كام مرة قلنا كلمة ماكانش ينفع تتقال؟
كام مرة لسانا سبقنا؟
فبجد، لو هتسجن حد... اسجن لسانك، وحاسب نفسك قبل أن تُحاسب..

اللهم طهر ألسنتنا من الغيبة والنميمة، واجعل كلامنا دائمًا فيما يرضيك.🤲🏻

www.tg-me.com/moh_elghaleez

امتحانات الثانوية العامة خلاص هتبدأ الأسبوع الجاي إن شاء الله
وكله دلوقتي بيذاكر وبيراجع وجايب آخره عشان يحقق هدفه!
ولأن الوقت بيبقى ضيق الفترة دي، وكل الطلبة بتركز على مراجعة ليالي الامتحانات..
فإحنا كمان هنركز معاهم وهنراجع أسئلة تهم كل واحد فيهم!

انتظرونا إن شاء الله كل سبت وإثنين وأربعاء الساعة 5 م
مع #س_ج_ليالي_الامتحان

هتفرحوا بالتخرج ازاي؟🤔

#فضفضة_الأحد
#محمد_الغليظ

السلام عليكم ورحمة الله وبركاته
صباح الخير يا شباب

مفيش حد فينا يقدر يعدّي عليه يوم كامل من غير ما ياكل ولا يشرب!
لازم ياكل ويشرب.. لأن لو ده ما حصلش
هيقع من التعب والضعف، ومش هيقدر يكمل..

وده بالظبط حال قلب كل واحد فينا، ولكن مع ذكر الله عز وجل..

عشان كده..
الإمام ابن تيمية رحمه الله،
مرة صلى الفجر في جماعة، ثم جلس يذكر الله جل في علاه،
لحد امتى؟
إلى قرب منتصف النهار!
ثم قال:
"هذه غدوتي، ولو لم أتغذّ هذا الغذاء، لسقطت قوتي."

زي ما بتحافظ على جسمك، لازم تحافظ كمان على قلبك بذكر الله.

اللهم اجعل قلوبنا عامرة بذكرك، وثبّتنا على طاعتك.🤲🏻

www.tg-me.com/moh_elghaleez

دايما بعد مواسم الطاعات الشيطان بيكون ليه
(هجمة مرتدة)
يحاول يبعدك عن الطريق،
يوقعك في ذنوب ومعاصي،
يرجعك للكسل والفتور من تاني،
بعد ما كنت بتجتهد وتجيب آخرك!
فخليك منتبه للخطة دي وما تديلوش الفرصة
استعن بالله وجاهد نفسك وحافظ عليها،
كمّل في طريق القُرب بـ الفرائض- النوافل - أذكارك - وردك من القرآن ..
وأي عبادة أو باب خير جديد كنت فتحته ما تقفلهوش
استمر ولو بالقليل وخليك دايما فاكر قول النبي ﷺ لما سُئل عن أحب العمل إلى الله فقال:
"أدومه وإن قل".

www.tg-me.com/moh_elghaleez

الصديق - الفاروق - ذو النورين - أبو تراب
أسد الله - سيف الله المسلول - أبو المساكين
حِب رسول الله - صاحب سر رسول الله - حواري رسول الله
ترجمان القرآن - أمين الأمة - الطيِّب المُطيَّب
ذو العصابة الحمراء - ذو البجادين

15 لقب ب 15 حكاية

انتظرونا إن شاء الله كل أحد وثلاثاء وخميس مع
#حكاية_لقب

www.tg-me.com/moh_elghaleez

أنت مدرك أنت مين؟🤔

#من_الحرم
#محمد_الغليظ

السلام عليكم ورحمة الله وبركاته
صباح الخير يا شباب

النهارده يوم مش عادي..

النهارده الجمعة..
يوم من أعظم أيام الأسبوع، يوم اجتمعت فيه البركات والفضائل، وميزُه الله عز وجل عن باقي الأيام..

قال رسول الله ﷺ:
"خير يوم طلعت عليه الشمس يوم الجمعة؛ فيه خُلق آدم، وفيه أُدخل الجنة، وفيه أُخرج منها، ولا تقوم الساعة إلا في يوم الجمعة"

فماتفوتش الفرصة..
• صلّي على النبي ﷺ
• اقرأ سورة الكهف
• سبح واذكر ربك كثيرا
• أكثر من الدعاء في ساعة الإجابة؛ ولا تنس إخوانك فالدعاء فيها لا يُرد بإذن الله

تقبل الله منّا ومنكم صالح الأعمال.

{وَٱصۡبِرۡ نَفۡسَكَ مَعَ ٱلَّذِینَ یَدۡعُونَ رَبَّهُم بِٱلۡغَدَوٰةِ وَٱلۡعَشِیِّ یُرِیدُونَ وَجۡهَهُۥۖ وَلَا تَعۡدُ عَیۡنَاكَ عَنۡهُمۡ تُرِیدُ زِینَةَ ٱلۡحَیَوٰةِ ٱلدُّنۡیَاۖ وَلَا تُطِعۡ مَنۡ أَغۡفَلۡنَا قَلۡبَهُۥ عَن ذِكۡرِنَا وَٱتَّبَعَ هَوَاهُ وَكَانَ أَمۡرُهُۥ فُرُطࣰا}
[سُورَةُ الكَهۡفِ: ٢٨]

يارب يارب يارب
اللهم يا سامع النداء يا مجيب الدعاء
اللهم يا حي يا قيوم برحمتك نستغيث أصلح لنا شأننا كله ولا تكلنا إلى أنفسنا طرفة عين
اللهم صل وسلم وبارك على سيدنا محمد
اللهم لك الحمد على ما أنعمت به علينا
اللهم لك الحمد على سترك المرخي علينا
اللهم لك الحمد كله ولك الشكر كله
اللهم لا تؤاخذنا إن نسينا أو أخطأنا
اللهم لا تحملنا ما لا طاقة لنا به
اللهم اكتب لنا العافية في أبداننا وقلوبنا وحياتنا
اللهم ارزقنا العافية في ديننا ودنيانا
اللهم ارزقنا عافنا في أسماعنا وأبصارنا وقوتنا
اللهم اشرح صدورنا وتولى أمورنا
اللهم ارزقنا الحلال الطيب
اللهم ارزقنا التوفيق والحكمة
اللهم ارزقنا البصيرة
اللهم ارزقنا من واسع فضلك ورزقك
اللهم إنا نسألك الكفاية
اللهم ارزقنا الرضا
اللهم اكفنا بحلالك عن حرامك وبفضلك عمن سواك
اللهم اشرح صدورنا للقرآن
حفظا وفهما وعملا وتلاوة
اللهم علمنا ما ينفعنا وانفعنا بما علمتنا
اللهم ارزقنا سعة في قلوبنا وصدورنا وبيوتنا ودنيانا وقبورنا
اللهم أصلح ذات بيننا
اللهم ارزقنا صحبة الصالحين الناصحين
اللهم اصرف عنا السوء وأهله
اللهم اصرف عنا شرار خلقك
اللهم أعنا على ذكرك وشكرك وحسن عبادتك
اللهم وفقنا لما فيه الخير لنا
اللهم وفقنا لرضاك
اللهم ارزقنا بر والدينا
اللهم لا تحرمنا رحمتك في الدنيا ولا الآخرة
اللهم ارزقنا الجنة وأجرنا من النار
اللهم اجعلنا مقيمين الصلاة ومن ذرياتنا
ربنا وتقبل دعاء 🤲🏻
ارفعوا أيديكم بالدعاء واسألوا الله من واسع فضله
ولا تنسونا من صالح دعائكم

#دعاء #آخر_ساعة #الجمعة

نظف كل حاجة🤝

#من_الحرم
#محمد_الغليظ

السلام عليكم ورحمة الله وبركاته
صباح الخير يا شباب

بصراحة..بعد كل اللي بنشوفه حوالينا، من موت مفاجئ، وأحداث بتقلب حياتنا في لحظة..
لازم تقف وتسأل نفسك السؤال اللي بجد:
"لو ده آخر يوم في عمري، أنا جاهز أقابل ربنا؟"

خلاص مفيش وقت للهزار،
اللي عنده طاعة يزود، واللي مفرّط يلحق، واللي تايه يرجع..

حاسب نفسك قبل ما تتحاسب، وتوب بجد، توب بقلب صادق، ومتستناش بكرة… لأن يمكن مفيش بكرة!

اللهم اجعلنا من التائبين العابدين، وثبتنا على طاعتك حتى نلقاك.

www.tg-me.com/moh_elghaleez

في وسط هذا الصخب.. في عالم يملؤه الحروب والمجاعات والظلم والقهر..
تذكر حديث النبي ﷺ:
"من أصبحَ معافًى في بدنِه، آمنًا في سِربِه، عندَه قوتُ يومِه، فكأنَّما حيزت لهُ الدُّنيا بحذافيرِها"

كم من نعم تحيط بك وأنت لا تشعر؟
احمد الله على عافيته، واسأله بكل ما أوتيت من قوة أن يديم عليك نعمته..
وأن يتنعم بها كل مسلم في كل مكان،
وأن يعافي إخواننا من كل بلاء ويجعل لهم فرجا قريبا ومخرجا.

www.tg-me.com/moh_elghaleez