إوعى تنام قبل ما تتسحر وتحتسب إن ربنا يغفر لك ذنوبك.

یَـٰۤأَیُّهَا ٱلَّذِینَ ءَامَنُوۤا۟ إِن تَنصُرُوا۟ ٱللَّهَ یَنصُرۡكُمۡ وَیُثَبِّتۡ أَقۡدَامَكُمۡ

س: أنا الحمد لله بذاكر وجايب أخري بس مرعوووووب من النتيجة، ومش عارف أعمل إيه؟

ج: اطمن..
طالما توكلت على الله، واجتهدت وأخدت بالأسباب المباحة المتاحة ليك = إنت كدا عملت اللي عليك.

إنت مش مطلوب منك تضمن النجاح..
لكن مطلوب منك تجتهد وتسعى لتحقيقه.

النتيجة يدبرها ربنا عز وجل بحكمته
ربنا يعلم ما لا تعلم، ويعلم ما يُصلحك
وبيدبر الأمور للعباد بحكمة، وكل قضاء الله خير.

فطمن قلبك، وما تفكرش في النتيجة
سيبها على الله، واجتهد في تحقيق هدفك

وأبشر خيرًا يا بطل!

#س_ج_ليالي_الامتحان

اوعى تمشي من هنا زي ما جيت⚠

#من_الحرم
#محمد_الغليظ

السلام عليكم ورحمة الله وبركاته
صباح الخير يا شباب

من نفس الباب اللي ضعف إيمانك منه، اعكسه..إيمانك بإذن الله يزيد!

لو ضعف إيمانك بسبب معصية؟
➤توب.. ترجع.

بسبب قلة طاعة؟
➤طِيع.. ترجع.

بسبب قلة علم؟
➤ اتعلّم.. ترجع.

بسبب شواغل الدنيا؟
➤فرّغ نفسك للطاعة.. ترجع.

اعكس الحاجة اللي نزلتك،
هتلاقي بإذن الله نفسك طلعت..

www.tg-me.com/moh_elghaleez

یَـٰۤأَیُّهَا ٱلَّذِینَ ءَامَنُوۤا۟ أَطِیعُوا۟ ٱللَّهَ وَأَطِیعُوا۟ ٱلرَّسُولَ وَلَا تُبۡطِلُوۤا۟ أَعۡمَـٰلَكُمۡ

حواري رسول الله" رضي الله عنه..
اسمه: الزبير بن العوام بن خويلد بن أسد بن عبد العزى بن قصي بن كلاب بن مرة بن كعب بن لؤي بن غالب.
كُنيته: أبو عبد الله.
لقبه: حواري رسول الله ﷺ.
حكاية اللقب: يرويها لنا جابر بن عبد الله رضي الله عنه حينما كانوا في غزوة الأحزاب ونادى النبي ﷺ في المسلمين قائلًا لهم: "مَن يَأْتِينِي بخَبَرِ القَوْمِ؟" قَالَ الزُّبَيْرُ: أنَا، ثُمَّ قَالَ ﷺ: "مَن يَأْتِينِي بخَبَرِ القَوْمِ؟" قَالَ الزُّبَيْرُ: أنَا، فَقَالَ النَّبيُّ ﷺ: "إنَّ لِكُلِّ نَبِيٍّ حَوَارِيًّا، وحَوَارِيَّ الزُّبَيْرُ."

وحواريَّ الزبير: أي هو ناصري، وخاصتي من أصحابي.

#حواري_رسول_الله
#حكاية_لقب

www.tg-me.com/moh_elghaleez

السلام عليكم ورحمة الله وبركاته
صباح الخير يا شباب

مهم جدًا إنك تعرف انت بتغلط ليه؟
عشان تواجه نفسك، وتوجّهها، وتصلّحها.

و السر في كلمتين:
إما ضعف علمك... أو ضعف عقلك!

وده بيّنه لينا ابن القيم رحمه الله، وقال:

"ما أخذ العبد ما حرم عليه إلا من جهتين:
إحداهما: سوء ظنه بربه، وأنه لو أطاعه وآثره لم يعطه خيراً منه حلال.
والثانية: أن يكون عالماً بذلك، وأن من ترك لله شيئاً أعاضه خيراً منه،
لكن تغلب شهوته صبره، وهواه عقله.
فالأول من ضعف علمه، والثاني من ضعف عقله وبصيرته."

فبالله عليك..
ما تستسلمش للاتنين دول علشان تنجو بنفسك بجد
وترضي ربنا سبحانه وتعالى.

اتعلّم.. وتغلّب بعقلك على شهوتك.

www.tg-me.com/moh_elghaleez

{مُّحَمَّدࣱ رَّسُولُ ٱللَّهِۚ وَٱلَّذِینَ مَعَهُۥۤ أَشِدَّاۤءُ عَلَى ٱلۡكُفَّارِ رُحَمَاۤءُ بَیۡنَهُمۡۖ تَرَىٰهُمۡ رُكَّعࣰا سُجَّدࣰا یَبۡتَغُونَ فَضۡلࣰا مِّنَ ٱللَّهِ وَرِضۡوَ ٰ⁠نࣰاۖ سِیمَاهُمۡ فِی وُجُوهِهِم مِّنۡ أَثَرِ ٱلسُّجُودِۚ ذَ ٰ⁠لِكَ مَثَلُهُمۡ فِی ٱلتَّوۡرَاةِۚ وَمَثَلُهُمۡ فِی ٱلۡإِنجِیلِ كَزَرۡعٍ أَخۡرَجَ شَطۡـَٔهُۥ فَـَٔازَرَهُۥ فَٱسۡتَغۡلَظَ فَٱسۡتَوَىٰ عَلَىٰ سُوقِهِۦ یُعۡجِبُ ٱلزُّرَّاعَ لِیَغِیظَ بِهِمُ ٱلۡكُفَّارَۗ وَعَدَ ٱللَّهُ ٱلَّذِینَ ءَامَنُوا۟ وَعَمِلُوا۟ ٱلصَّـٰلِحَـٰتِ مِنۡهُم مَّغۡفِرَةࣰ وَأَجۡرًا عَظِیمَۢا}

[سُورَةُ الفَتۡحِ: ٢٩]

س: يا شيخ يوم الخميس آخر يوم في الامتحانات وناويين نخرج ونخربها بصراحة، بقالنا سنة مكبوتين وعايزين نتبسط!

ج: هو ماينفعش نتبسط من غير ما نخربها؟!
يعني لازم يكون في الخروجة حاجات حرام علشان نتبسط؟!

سبحان الله!
تخيل معايا كدا إنك جبت هدية لواحد صاحبك
ولما قدمتهاله أخدها وحتى كلمة الشكر ماقالهاش!

موقف صعب وحاجة تضايق جدًا طبعًا،

ولله المثل الأعلى..
ربنا عز وجل اللي أنعم عليك بنعم لو قعدت عمرك كله تعدها مش هتعرف..
ربنا عز وجل اللي عطاك من فضله من غير ما تطلب..
ربنا عز وجل اللي حفظك من حاجات كتير من غير ما تشعر..

فين حق ربنا عليك؟!
فين شكر النعم؟!

الشكر مش بس إنك تقول الحمد لله بلسانك،
الشكر بيكون باللسان والقلب والجوارح..

قلبك يستشعر نعم الله ويحس بقيمتها بجد، ولسانك ينطق بالحمد، وجوارحك ما تعصيش ربنا.

الخلاصة؛ اخرج واتبسط وطلع كبتك..
ولكن بالحلااااال، ومن غير ما تعصي ربنا عز وجل.

وصدقني ناس كتييير بتعرف تتبسط بالحلال..
وصدقني بردو طعم الحلال أحلى، وفرحته أحلى، ولمته أحلى.

وربنا يحلي أيامك بالحلال يا بطل.

#س_ج_ليالي_الامتحان

www.tg-me.com/moh_elghaleez

ما تقولش ما كله بيغش ⚠

#فضفضة_الأحد
#محمد_الغليظ

السلام عليكم ورحمة الله وبركاته
صباح الخير يا شباب

في ناس..
رصيد حسناتها لسه شغّال حتى بعد الموت!

النبي ﷺ قال:
"إذا مات ابن آدم انقطع عمله إلا من ثلاث:
صدقة جارية، أو علم يُنتفع به، أو ولد صالح يدعو له."

فكّر واسأل نفسك..
هل سايب عمل صالح يكمل بعدك؟

لو آه.. ربنا يزيدك ويثبتك بفضله وكرمه
ولو لأ.. فابدأ النهاردة ولو بحاجة بسيطة، تزيد بيها أجرك.

وادعي دايمًا إن ربنا يرزقك عملًا صالحًا متقبلًا بإذن الله.

www.tg-me.com/moh_elghaleez

یَـٰۤأَیُّهَا ٱلنَّاسُ إِنَّا خَلَقۡنَـٰكُم مِّن ذَكَرࣲ وَأُنثَىٰ وَجَعَلۡنَـٰكُمۡ شُعُوبࣰا وَقَبَاۤئِلَ لِتَعَارَفُوۤا۟ۚ إِنَّ أَكۡرَمَكُمۡ عِندَ ٱللَّهِ أَتۡقَاكُمۡۚ إِنَّ ٱللَّهَ عَلِیمٌ خَبِیرࣱ

"ترجمان القرآن" رضي الله عنه..
اسمه: عبد الله بن العباس بن عبد المطلب بن هاشم بن عبد مناف القُرشي الهاشمي.
كُنيته: أبو العباس.
لقبه: ترجمان القرآن.
حكاية اللقب: أن ابن عباس كان غزير العلم، راجح العقل، وكان من أعلم الصحابة بتفسير القرآن الكريم حتى قال عنه عبد الله بن مسعود رضي الله عنه: "نِعمَ تُرجَمانُ القرآنِ ابنُ عبَّاسٍ."
وكان ذلك ببركة دعاء النبي ﷺ له حيث دعا له: "اللَّهُمَّ فَقِّهْهُ في الدِّينِ."

#ترجمان_القرآن
#حكاية_لقب

www.tg-me.com/moh_elghaleez

كيف أثبت في زمن الفتن؟

#من_أسئلتكم
#محمد_الغليظ

السلام عليكم ورحمة الله وبركاته
صباح الخير يا شباب

لو سألتك:
إيه أعظم كرامة ممكن ربنا سبحانه وتعالى يكرمك بيها؟

الإجابات ممكن تختلف..
واحد هيقول: الفلوس الكتير.
والتاني: الصحة الكويسة.
وغيره: الذرية الصالحة أو المنصب العالي.

وكل ده نِعم عظيمة من ربنا..
لكن، أعظم الكرامة بجد:
إن ربنا يكرمك بالهداية، ويثبتك على اللي بيحبه ويرضاه.

قال ابن تيمية رحمه الله:
"وإنما غاية الكرامة لزوم الاستقامة، فلم يُكرِم الله عبدًا بمثل أن يُعينه على ما يُحبّه ويرضاه، ويزيده مما يُقرّبه إليه، ويرفع به درجته."

فبالله عليك..
اطلبها من ربنا بقلب صادق:
"اهدنا الصراط المستقيم"

www.tg-me.com/moh_elghaleez

{وَلَا تُخۡزِنِی یَوۡمَ یُبۡعَثُونَ (٨٧) یَوۡمَ لَا یَنفَعُ مَالࣱ وَلَا بَنُونَ (٨٨) إِلَّا مَنۡ أَتَى ٱللَّهَ بِقَلۡبࣲ سَلِیمࣲ}

[سُورَةُ الشُّعَرَاءِ: ٨٧-٨٩]

الوقت جرى، وعدت الأيام، وبكرا الختام
وبصرف النظر نتيجتك هتكون إيه
أنا عايز اقولك إن مرحلة الثانوية مش هي دي النهاية!
فإوعى توقف حياتك كلها عليها
اجتهد واسعى عشان تحقق أهدافك بالحلال
وتوكل على الله في كل تفصيلة في حياتك
وارضى بقضاء الله وقدره مهما كان
واتعلم واعرف عن ربنا أكتر؛ عشان قلبك يطمن أكتر
وماتنساش إن أهم هدف في حياتك إن ربنا يرضى عنك ويدخلك الجنة بفضله.

ربنا يهديك ويسددك ويوفقك في حياتك كلها يا بطل.

#س_ج_ليالي_الامتحان

إيه ده هو أنت منهم؟

#فضفضة_الأحد
#محمد_الغليظ

السلام عليكم ورحمة الله وبركاته
صباح الخير يا شباب

يا شباب..
خليك حلو الكلام، حلو الصمت.
اتعلّم تتكلم كلام حلو، يليق بواحد مؤمن.

دلوقتي بقى طبيعي تسمع شتايم خارجة من أي حد في الشارع أو المواصلات أو حتى على السوشيال!
وكأن الكلام الوحش بقى شطارة!

بس اسأل نفسك:
لما تشتم، هتبقى أرجل؟
🚫 لا
لما تشتم، هترضي ربنا؟
🚫 لا
لما تشتم، هتترقّى في شغلك؟
🚫 لا
طيب لما تشتم، هتبقى محترم في عين اللي حواليك؟
🚫 لا
طب لو ما شتمتش، هل المعلومة مش هتوصل؟
أكيد هتوصل.. بس بأدب.

فخليك حلو الكلام، ومتشتمش.

قال ﷺ:
"ليس المؤمن بالطعّان، ولا اللعّان، ولا الفاحش، ولا البذيء."

www.tg-me.com/moh_elghaleez