بعض الطلاب يتسألون اشلون اقراء واشلون ارتب يومي .

🟥 ابني بنتي الجدول (ايام او ساعات) انت الي تتحكم بي حسب ظرفك ووضعك يعني الجدول (لاستيكه) بالي تشوفه مناسب يعني مثلا:

١-ممكن الماده ٨ ايام صارت ٩ ايام طبيعي جدا او ٨ تصير ٧ .

٢-بدل ما استيقظ من نوم ب٧ كعدت ب٩ في احد الايام طبيعي جدا .

🟥على شرط لازم انضباط عالي وعدم تسويف الأمور ومعدل قراءه يومي يترواح من ١٠ إلى ١٢ ساعه .

🟥 وضروري الطالب يهتم باستراحه الظهر (لازم تنام).

🟥 وضروري الطالب ياخذ استراحه أسبوعيه من ٣ إلى ٤ ساعات يغير جو بيه حتى ما يصير عنده ملل .

🟩الخلاصه : ابني بنتي حياتك طبيعيه لا تقلل وتشنج نفسك وتحمل نفسك اكثر من طاقتك سوي الي عليك وانتوا ما قصرتوا بقى توفيق الله سبحانه وتعالى .
وكونوا على ثقه كل طالب ما ياخذ غير فقط الي الله قاسمه له بس لازم ناخذ بالاسباب

🟪ملاحظه مهمه: اهواي راح تكولون نقراء بس دا نحس انه ننسى (هههههه) نفسه جمله الطلاب الي قبلكم بس سوالي اشلون طلعوا (100) يعني معناته فقط هواجس واحاسيس لانه المخ دا يجمع معلومات راح تطلع ان شاءالله في يوم الوزاري .


🟦كل توفيق يارب :
جدول مقترح لتنظيم الساعات خلال المراجعه الوزارية👆👆👆👆👆👆

ومسالة جدا مهمه مهمه ابتعدوا عن السهر يعني لازم ب١١ نايمين .
والخطأ الفضيع الي اغلب طلاب العراق يقعون به ينام بالنهار ويسهر بالليل (خطا ثم خطا ثم خطا ).
صدقوني على هاي الطريقه الكل تنهار بالشهر ٥. واذكروا كلامي .
ناموا ب١١ واكعدوا ب٦ او ٧ صباحا.

شكرا لك دكتورة سارة .
شهادة أعتز بها.