السلام عليكم استاذ، الحمدلله اليوم أمتحنت وجانت الاسئلة متوسطة مو صعبة ولا سهلة كلش، بس ماكو شي ما مر علينا وما شرحنا الحمدلله
حبيت ادزلك رسالة أشكرك بيها وأعبر عن إمتناني تجاهك، بغض النظر عن الدرجة الي راح تجيني فهي بفضلك من بعد فضل الله وإن شاء الله تكون درجة تليق بيك كأستاذي وتليق بجهدك الكبير ويانة
أحب اشكرك على كلشي، الامتحانات اليومية والتراكمية وحُرصك الكبير على الطلاب وتحفيزك النا وكلامك الايجابي الي دائمًا جان يحسسنا بقيمة جهدنا ويحفزنا نبذل جهد اكثر وهاي الأمور البسيطة الي اليوم يلا عرفنا قيمتها شكد جبيرة، صِدقًا جنت اكثر من مُجرد أستاذ ومُدرس
وأني جدًا شاكرة ومُمتنة الك على كُلشي 🤍.

أستاذ اتمنيت اكدر اجيب 100 والله حاولت بكل طاقتي بس ظرفي الصحي ما سمحلي حتجي عالية أن شاء الله بس كلش انقهرت حسيت تعب سنة ضاع
الحمدلله ع كل حال

استاذ هذا الرسم كاتب عليه 2025 من أول يوم اخذناه انت كلتلنه اتوقع يجي ف كتبته والحمدلله اليوم أول ما رحت خليت شكو واحد بالكليه يقراه طلعو يبوسون ايدي

السلام عليكم شلونك استاذ
حبيت اشكرك على جهودك الي بذلته ويانه وعلى حرصك علينا من ناحية الامتحانات اليوميه والتراكميه الي فادتنه كُلش هواي خلال هاي سنه
الله يحفظك ويخليك لعائلتك ❤✨

هلو استاذ شلونك ان شاء الله بخير طبعاً اني شكد اشكرك يكون قليل بحقك وبحق تعبك والنبي بفضلك اني حبيت الاحياء جنت اكرها وجاوبت والقاعه مالتنه والله نصها كامت تبجي واني كلت شنو الاسئله صعبه الله يوفقك وينطيك الصحه والعافيه يارب
افضل استاذ احياء
واحد عراق🫡🤍✨

شلــﯡنڪ استاذ

استاذ شفت الاجوبه نشروهه كله صح ١٠٠٪؜

ونصاً اكيد من ملزمتك

الف الحمدلله والشكر

صباح الخير استاذ
جنة الف الحمدلله مجاوبة
شفتك مرشح رسم الجهاز التناسلي للحشرة وفعلًا اجه
وطريقة شرحك وتلخيصك للمادة خلتها تجاوب بتركيز
يارب يرضيك ويجازيك كل الخير

استاذ احجزلنه مكان بنهاية الملزمه

السلام عليكم استاذي

الحمدلله تم تختيم امتحان الاحياء على ملزمتك، كلش شكرا الك و لجهودك، طالبتك من العام و مغيرت مصدري، ملزمتك و شرحك... الاسئلة جانت كلش واضحة و حلوة و كل الي نوهت عليهن و كلت مهمات اجني، اولهن رسم الحشرات جنت ناوية اعوفه و قريته اليوم الصبح من شفت رسالتك، جدا شكرا الك، ربي يحفظك و يديمك بصحة و سلامة للاجيال القادمة لان فعليا مجال التدريس يحتاج اساتذة كفوءة مثلك 🤍🤍

مرحباً أستاذ
حمدالله زينه صح عندي اغلاط بس جاوبت
بس شكراً أستاذ على تعبك ويانا و على جهدك ☀️☀️

السلام عليكم استاذ ان شاء الله تكون بخير . طبعا استاذ اليوم شفت الاسئله سهله جدآ عندي بس تعليل واحد غلط عليه درجتين والباقي كله صح ان شاء الله متنزل درجتي عن ٩٥ . نشكرك ع تعبك ويانه .ان شاء الله التوفيق للجميع يارب ♥️

السلام عليكم استاذ
طبعاً البارحه يله بديت اقره الاحياء
ومالحكت اكمله مثل ماكلت لحضرتك وحتى الكهرباء احتركت وعاندت وياي بقيت على ضوه التليفون اقره
بس لفتني شي من دخلت لقناتك وطلابك السابقين وحتى حضرتك الكُل مرتاح
وشغله ثانيه ثقتك بنفسك استاذ خلتني اروح ممكمله الماده بس جنت مرتاحه انو تعب هذي السنه ويه حضرتك مراح يروح
وحتى الوراثه مالحكت اقراها
بس جاوبتها استاذ واكو شغلات ولا لحكت اقراهن بس كلهن تذكرتهن
حبيت اشكرك وربي يحفظك ويرزقك الصحه والعافيه

والله استاذي كلش اشكرك ع وكفتك ويانه طول السنه وجنت ويانه اول باول وماقصرت بشي ومثل ما كلت ماده الاحياء، فهميه بحتت ومو حفظ وماقصرت لا بامتحانات ولا بالمتابعه ولا بكلشي وكله بفضلك اني هسه راجعه من. الامتحان وكلش فرحانه لان جاوبت واني طول عمري جنت اجيب درجات بالاحياء قليله بس من صرت عندك طالبهه بالامتحان اليوم بين كلشي دارسته صح جنت اجيب درجات ناصيه بالامتحانات التراكميه بس بالوزاري الحمد لله ومثل ما جنت تكول انو العبره بالخواتيم🧚🏻‍♀️🩶

طبعا سؤال الوراثه الي ورد نفس هذا السوال الي بالمراجعه المركزه نصا ولكن الفرق بصفه بدل لون الأزهار والطول جايب المستدير والمجعد ولكن كحل نفسه بالضبط.

نوع الوراثه الفرع نصا من المركزه👇👇👇👇