ام البنين (ع) تخاطب الامام المنتظر (عج) كأني بها :



منين اجيبن كمر ثاني
وابقى بي للمهدي اتاني
مثل الوكع فوك النهر
ينطي الجفوف اويالنظر
ابني عباس

___(1)

الله جا سوى بجيش المهدي قائد
لجن خالق بالبشر عباس واحد
ايعز علية المهدي حيل الله شاهد
مالة اخو مثل الكمر ظهرة يساند

وحدة بيدة الراية شايل
جا هسة شالاهة ابو فاضل
حامل لوائة والظهر
ينطي الجفوف اويالنظر
ابني عباس

___(2)

جان صايرلة سند للمهدي وامعين
ابني رفعة راسي هو وكرة العين
لجن ادري الغاية كلها والسبب وين
كلشي يترك ابني الة روحة الحسين

كلشي يترك حتى اني
هيجي علمتة بحناني
لحسين مخلوق الكمر
ينطي الجفوف اويالنظر
ابني عباس

___(3)

جنت اتمنة الكمر يلزم جفوفك
يساندك وايخفف اعليك بظروفك
لجن بس بحالة وحدة ما يعوفك
الة زينب يمة وتنشف دموعك

تدري زينب عندة كلشي
وبغير اخيتة شلون يمشي
لو اختة ويا جا كدر
ينطي الجفوف اويالنظر
ابني عباس

___(4)

اين طالب ثار الحسين اسمعتها
انعصر كلبي واللجم من رددتها
الكمر هسة منين اجيبة شكد كلتها
ياخذ بثارات اخو هيجي ردتها

هناكة تخفك راية بيدة
المستلمها من عضيدة
ويالمهدي للثار انتصر
ينطي الجفوف اويالنظر

___(5)

ادري ماشوفك انه يبن الزجية
بس كبل ماموت الك اكتب وصية
لا ابد لا ترحم بكوم آل امية
الحرمو احسين الترف شربة امية

طايح رمية يصيح عطشان
فاكد اخية وحيل ذبلان
واعلة الكمر ظهرة انكسر
ينطي الجفوف اويالنظر
ابني عباس

______________

الخادم محمد ابو باقر الحجي
2019/2/18

مو مالات اوداع هاي اجفوفي التومي
كون ومجويات وبالطف يخلص يومي
كون اتلاكة هناك
وي امك ونعاك
وبالطف يخلص يومي

___________(1)

اني ام البنين وبالكلب حسرة
يصعب من اودعك مهجت الزهرة
انت الخير كلة وفركتك مرة
كلمة بالسلامة خاطري تكسرة

ما اتحمل يوم ما تنظرلك عيني
خلص عمري وياك يوليدي وتدريني
كون امشي اني وياك
وي امك ونعاك
وبالطف يخلص يومي

___________(2)

كون اوياك امشي وبالطفوف احضر
وكون الخيمة يمك يا ابو الاكبر
ما متعودة اعوفك يبني ما اكدر
انت الروح هاية ولا بعد اكثر

يحسين انت الروح وانت العايش بية
اني اتنفس بيك يا نسمات الرية
تبعد وين الكاك
وي امك ونعاك
وبالطف يخلص يومي

___________(3)

اباب الخيمة اوكف وانظر اطفوفك
واحشم اولادي توكف بأول اصفوفك
وادز عباس اكلة طيح اجفوفك
كون اعلة النهر متكطع ايشوفك

صح غالي العباس بس انت اغلة هواية
سهلة اطيح اجفوف بس صعبة اعلة الراية
فدوة ابني العيناك

وي امك ونعاك
وبالطف يخلص يومي

___________(4)

لو رايد تروح ابدمعة اودعنك
وبنحرك يغالي اني اشمنك
يروحي انت وابد ما ينشبع منك
ماصدك تروح واني اعوفنك

معقولة ابقة هنا وتروح وماشوفك
وي ضعنك ماروح وما احضر بطفوفك
وماقبل يمناك

وي امك ونعاك
وبالطف يخلص يومي

___________(5)

ولو حركو خيامك واوجرو بيها
انة اهناك كلها بجفي اطفيها
واركض بالمعارة اعيالك اويها
من سوط العدة اشكوف وحاميها

وي زينب للشام خليهم يسبوني
لو ضربو لعيال اشكفهن بمتوني
بس كون امشي وياك
وي امك ونعاك
وبالطف يخلص يومي

_________________

محمد ابو باقر الحجي

ياليتني كنت تراب
ولا خدك تجوي رمال الغاضرية
نسيا اصير ولاعذاب
من اسمع بصدرك ترضة الاعوجية

غريب ... يا ابا عبدالله

__________(1)

الف وتسعمية جرح من يا جرح ابدي
غير الجروح البيينت هم انت متأذي

فكد الكمر وية العلم
وفكد العقيلة ويالخيم
وبين الاخو وبين الاخت
ما ينوصف ذاك الالم

عن جرحك احجي ياكلام
كسر الظهر اعظم جرح بالطف جرالك
جرح العقيلة والخيام
طاحت خيم صارت غرب هية وعيالك

وحيد ... يا ابا عبدالله

__________(2)

يا ليتني كون وصدك يتكسرن اعضامي
ولا تنلچم لا تنجرح لا تعطش وضامي

كون انسحك مية فرس
ولا حافر بصدرك رفس
كون انخبط عظم ولحم
ولا دمك الحومة ترس

كون وضلوعي مرضرضات
برجليهن ايسحلني اخيول الاعادي
لا توكع وعايف خوات
يتمرمرن لرض الغرب مچتوفة ايادي

سليب ... يا ابا عبدالله

__________(3)

يجرحني يا ذاك السهم لمن وصل كلبك
ضل يسعر بكلبك الم من مهرك ايكلبك

يالمنطي للدنيا كلب
صعبة بسهم من تنظرب
يال اترف انت منالورد
شلون الدمة منك تصب

شلون وجروحك نازفات
وانت الدوة للمنجرح يبن الزجية
شلون ودموعك نازلات
يل ابجي الك من تبجي صعب علية

حبيب ... يا ابا عبدالله

__________(4)

كل طيحة منك عالارض شرد احسب بهاية
فرض وتصير اوية الفرض متكفي بقراية

وشكد كمت وشكد طيحت
اعلة الوجه وشكد صحت
والزينبك رافع ايديك
بلا خنصرك من اشرت

بس اشرت ماكو كلام
نظراتك اتفت الكلب كلش حزينة
تأشرلها رجعي للخيام
تكلك يخوية هجمت اعداكم علينة

تريب ... يا ابا عبدالله

__________(5)

حركو الك كلبك لمن الخيم حركوها
نزلت دمعتك من شفت عيالك يطلعوها

الله يعينك عالالم
طلعن حرم من الخيم
يتراكضن بين الزلم
حتى الطفل لا ماسلم

شتتحمل انت وشتشوف
نسوانك بجفهن حبل يسبوهن اجناب
اصعب واشد من السيوف
اصعب واشد لمن شفت يحدوهن اغراب

جريح ... يا ابا عبدالله

__________________

محمد ابو باقر الحجي

واويلاه ابا عبدالله حسين ثار الله

_________(1)

اهاتي ودمعاتي يجرلك عشك
كل اهلي وكل ناسي يرحولك صدك

يا فدوة اغديلك افديلك عمر
هالحافي وهالجيتك امشي اعلة الجمر

واويلاه ابا عبدالله حسين ثار الله

_________(2)

تلجمني بجروحي مصيبة كربلة
من اسمع صيحات وركض العايلة

اتمنى وي شخصك اتكطع واطيح
وي اختك هم اختي عالتلة وتصيح

واويلاه ابا عبدالله حسين ثار الله

_________(3)

اتمنى ايسحكني خيول السحكتك
واتمنة ايضربوني كوم الضربتك

وكون انظر نسواني محمرة العبي
ويمشن مسبيات بضعن الزينبي


واويلاه ابا عبدالله حسين ثار الله

_________(4)

اتمنى جن راسي ايشلونة برمح
وانظرهن نسواني وبكلبي جرح

يحديهن چتالي ومشبعني مر
متحفيات اويمشن داسن عالجمر


واويلاه ابا عبدالله حسين ثار الله

_________(5)

لوعاتك اتمنى بكليبي جرن
من تنظر خيماتك نار توجرن

كل كومة وكل طيحة منك عالارض
ياريت وينحسبن فرض من الفرض

واويلاه ابا عبدالله حسين ثار الله

_________(6)

يالعايش وي روحي ويالصاير نفس
شماسوي ماجازي صدرك لنرفس

شما اصرخ لوضجن لوعجن بعد
ماواسي الدمعاتة من دم لا ابد

واويلاه ابا عبدالله حسين ثار الله

______________________

الخادم محمد ابو باقر الحجي
2018/12/20

انت تدري السهم جان ابعينة
لون شافك من صحت بسكينة
جان شك ظهر الكاع
عود صيرو انتو اسباع
انت تدري السهم جان بعينة

_________(1)

هسة صاير زلمة انت وهسة اجيت استرجلت
لمة جان الكمر واكف ما طلعت وبينت
هية المربية ابو فاضل ما تهزها شما صحت
بعدة جفي ما رفعتة ادعي وانتة تراجفت

ال شمس اخطف ضوهة بجفي
بيكم الريح اني اخلها تهفي
وهسة الم كاعي بساع
عود صيرو انتو اسباع
انت تدري السهم جان بعينة

_________(2)

الماي ذب روحة علينة واحنة ما ردنا ابد
تهيل بروحة وتغير صار اطيب من شهد
توسل بجربة اخوية وكلها ضميني لعد
خزرت العباس تكتل روجي يخذف وارتعد

الماي ما مكطوع احنة نكطعة
بكيفنة نيبس ونرد نرجعة

عود صيرو انتو اسباع
انت تدري السهم جان بعينة

_________(3)

العلة صوتة خلة يسكت لا اسكت انفاسة
ياهو السترجل وصيح عاليتيم وجاسة
عالرمح صح راس اخوية لجن بي نوماسة
الزلمة بيكم يبقة واكف لون يفتر راسة

راسة ساكت لان ما ناخينة
كلي خوية وكتلة تعرف بينة
غيرتة فوكي شراع
عود صيرو انتو اسباع
انت تدري السهم جان بعينة

_________(4)

الشام لومة حسين اخوية والرسالة الغاية
لومة صبري الخاطر الله عالجرة وياية
نزل جبرائيل يمي وراد مني احجاية
كلي بس احجاية كولي تحمليت هواية

خفكة من اجناحة يخسف بيكم
اني وكفتة ردت اخزيكم
واليزيد انتو اتباع
عود صيرو انتو اسباع
انت تدري السهم جان بعينة

_________(5)

كيد كيدك يا يزيد وافعل انت افعالك
ما رأيت الا جميلا خل تصل اسماعك
طبع ابائي الشهادة وندري شنهي اطباعك
يا وريث الخزي انت جبتة من ابائك

اني نهجي حيدري واطباعي
يبقى عالي ما تنزل اشراعي
كل حلم عندك ضاع
عود صيرو انتو اسباع
انت تدري السهم جان بعينة

_________________

الخادم محمد ابو باقر الحجي

السيدة زينب (ع) تروي احزانها




ويه الحزن عشرة سوة
اشهك الم لا مو هوة
بجروحي تلجم نينوة
غريبة

______(1)

الفارك احبابة يضل ينطر منية
واني كل اهلي مشو مني سوية
انتظر يمتة الاجل وافرك بدية
يلا يا موتي شبعد احمل اذية

بلوعة والم جبت العمر
يا موتي يلا شتنتظر
بكليبي خل يطفة الجمر
غريبة

______(2)

بعيني بس الطف بقى ما لحظة غايب
يومي يبدي بالحزن ينهي بنوايب
شحجي عنج كربلة وعن المصايب
ودعت كل اخوتي فوك الترايب

يجرحني يا ذاك الالم
ما واحد منهلي سلم
كلهم مشو اهل الشيم
غريبة

______(3)

عيوني ودعنة الضوة بس ضلمة صارن
من مشة مني الكمر ودموعي دارن
شلون اعيش بغير اخو افكاري حارن
بالكلب حيل انلجم لو عالاخو حن

ضلت حياتي بلا كمر
واكع ضواي اعلة النهر
رافكني من بعدة القهر
غريبة

______(4)

الخنكة ابد ما تنوصف هالخنكة بية
حسين خلاني ومشة بالغاضرية
انعصر بالهم لون تسأل رقية
تكلي اريدن والدي وتجر بدية

وكليبج الله يساعدة
طفلة وزغيرة وفاكدة
بحبال اديها مكيدة
غريبة

______(5)

وبضعن درب السبي خلصت حياتي
تاكل بروحي اكل يا ذكرياتي
راكبة فوك الهزل يا نايباتي
بهيمة تجويني الشمس حمرة عباتي

ما انسة موقف غربتي
تخنكني كلش عبرتي
بالغربة ماهمة اخوتي
عريبة

______(6)

اه يا شام الغدر تذبحني شامي
شما اسولف عالقهر يخلص كلامي
تشمتو بي بسبي وحركت خيامي
كلها تتشفة بخوي احسيني ضامي

ما تننسي هالمظلمة
منهم حجي ما اهظمة
سبو ابوية وفاطمة
غريبة


___________________

الخادم محمد ابو باقر الحجي

يا كافل اضعون الورد ... وينك
مو كتلي رايح هسة ارد ... وينك
طول رحيلك يا خوية وينك
وينك .... وينك

__________(1)

كوة تمشي بخطوتك
حيل تمرد نظرتك
يمي ضلت ريحتك
جرحك ايزيد رايح ابعيد

عايف اختك والامام
وبالخيم ينطر حمام
يالرحت وبلا سلام
محسبة تعود شايل الجود

منتظرة يمتة اتعود وافرك بالجفوف
كلش بعدت اهواي وعيوني متشوف
وينك ... وينك
ارجعلي طالت غيبتك ... وينك

يالفركتك مثل الجمر ... وينك
جا يمتة بعيوني تمر ... وينك
ارجع دخيلك يا خوية وينك
وينك .... وينك

__________(2)

التفت يسرى ويمين
واسأل اعليك الحسين
ما تشوفة خوية وين
بلكي لن جاي تاخر هواي

ما هدالي خوية بال
بعدك اني حالي حال
باقية بكلمة تعال
خلصت الروح مني لتروح

كل ما بطيت هناك اكصيد للحسين
حيل ابتعد عباس ما شافتة العين
تشوفة ... تشوفة
عن عيني شو غاب الكمر ... تشوفة

ما احمل اني فركتك ... وينك
حنت عيوني الشوفتك ... وينك
ايدي بأدينك يا خوية وينك
وينك .... وينك

__________(3)

لوجه اخيك باوعت
رحت يمة واسرعت
كتلة شنهي تغيرت
شصاير شبيك خوية احاجيك

ركض ذب اعمامته
لنة صاعد مهرتة
قلقة حيل بروحتة
يبجي من راح مدري اشصاح

عالمهرة مسرع حيل ما كظ العنان
يبجي ويصيح بصوت وكليبة بركان
شحالة ... شحالة
لمن مشالك منتهي ... شحالة

معقولة ما شفتة اجة ... وينك
ماتسمعة لمن حجة ... وينك
متشوفة عينك يا خوية وينك
وينك .... وينك

__________(4)

لحظة ابو اليمة رجع
منحني وكلبة انوجع
لجن بس ونة انسمع
حالة يا حال كلشي ما كال

كتلة وينة كافلي
خوية رد اجواب الي
منكسر حيل وعلي
لخيمتك راح بكل الم صاح

جر العمود اوطاخ والخيمة طاحت
كلي مشة العباس والخوة راحت
طايح ... طايح
كافل اضعونج والخدر ... طايح

ما كتلي اروح وما ارد ... وينك
بي الالم مارد مرد ... وينك
كل حيلي حيلك يا خوية وينك
وينك .... وينك

__________(5)

بالضعن جينة سوى
تالي وحدي بنينوى
يالجنت مثل الهوى
بجفي احبال اسمي ينكال

وياك جنت امدللة
هسة صرت امعلعلة
مرمرتني كربلة
كلبي مجروح سلت الروح

هيمة وحبل وازلام غربة الي يحدون
لا رحمة لا نوماس بينا يشمتون
صاحو ... صاحو
وينة كفيلج ما يجي ... صاحو

يجرح حجيهم بي الم ... وينك
وبالهيمة نكعد مو خيم ... وينك
ارد اشتكيلك يا خوية وينك
وينك .... وينك

___________________

محمد ابو باقر الحجي

تعالي يم حسن لية تعالي
شوفي كربلة شسوت بحالي
غريبة ... من بعد ذاكة الدلال

__________(1)

يمة فاركتة الضواية من مشة عني الكمر
كلي ارجع خوية اني طول ومامش خبر
يمة واباب المخيم واكفة وطال النظر
لن اشوف حسين اجاني منحني منة الظهر

كتلة وينة ... جر عمود لخيمتة
ابو سكينة ... بجة وذب اعمامتة

منظر الشفتة صعب
حسين كاعد عالترب
صاح زينب بنت ابوي
راح يحدونج غرب

هضيمة يم حسن يمة هضيمة
بعد عين الكمر شفت الظليمة
غريبة ... من بعد ذاكة الدلال

__________(2)

قدمت لحسين اخوية بيدي يا يمة الجواد
بصدرة شميتة وصحتلج جزة يازهرة المراد
شفتة يمة حسين حاير نوبة رايح نوبة راد
كلي متحير يزينب بالخيم وعداية غاد

كلي اروحن ... تبقة عيني عالخيم
من اطيحن ... ادري ما بيهم شيم

عالخيم يتراكضون
يمج هنانة يجون
كوة اكوم اني واطيح
تربي اعليج العيون

اصيحن عوفو اخيامي وعيالي
صريخ اطفالي اسمعة خوية عالي
غريبة ... من بعد ذاكة الدلال

__________(3)

يمة طاح حسين اخوية ولن اجو يتراكضون
وجرو نار بخيامي وباليتامة ايجرجرون
صايحو يمة علينة وبينة بس يتشمتون
وينة كافلجن ينادي ما يجي ويتضاحكون

وين اخوتج ... هالسؤال ايرددة
ما يجونج ... بس جثث متمددة

مرد كلبي بهالحجي
غرك اعيوني البجي
راحو اخواني ومشو
بعد بيمن ارتجي

مشو كل اخوتي يا يمة عني
بعدهم بس دمع وتعالة وني
غريبة ... من بعد ذاكة الدلال

__________(4)

يمة بين اعداي اراكض رايدة للتل اروح
ويلي لحسيني نظرتة ريت ابد مابية روح
طايح مسلبة ثيابة ما عرفتة منالجروح
دايسة الخيل اعلة صدرة والحوافر بي تلوح

يمة ابنج ... بايكين اعمامتة
شرد اكلج ... مطبرينة بهامتة

يمة شمسوية الخيول
مدبجة بصدة وتجول
ابد ما جنة الحسين
لا وحكج يالبتول

الجثة موذرة ومسحوكة كلها
وكلشي ما يبين يمة منها
غريبة ... من بعد ذاكة الدلال

__________(5)

يمة ناديتة وكلتلة لية الحك يا حسين
هجمو اعداك واجوي وين اروحن خوية وين
شفتة شال ايدة وتحرك كوة يتوچة الحنين
يمة طاح شاون طيحة عالوجه مو عالادين

اه من طاح ... كلة يتراجف غدة
كوة من صاح ... عوفو خدري يالعدة

بعدة يحجي وهمة اجو
جي صريع استفردو
بحجر وبسيف ورمح
يمة ابنج وذرو

تعالي وشوفي اوليدج تعالي
طايح بالمعارة وجسمة عاري
غريبة ... من بعد ذاكة الدلال

__________(6)

توجهت صوب الشريعة للكفلني كمت اصيح
اركض بخطواتي اعثر نوبة اكومن نوبة اطيح
لن وصلتة وشفتة يمة امدد ابطولة وجريح
مكطعين اوصالة كلها اويلجم لومرة ريح

يمة عينة ... نبتو بيها السهم
يمة ادينة ... مكطعات شكد الم

قبلت چفة ومشيت
من بعد طولة انحنيت
يجرجر بروحي الحزن
عالالم حيل انتچيت

اخوتي ضيعتهم يمة اخوتي
بعد المن احشم وانطي صوتي
غريبة ... من بعد ذاكة الدلال

_____________________

الخادم محمد ابو باقر الحجي
2019/6/2

صلى الله عليك يا عباس

________(1)

يلي اسمك عندي احلى احجاية
هاك روحي اعكدها وية الراية

من فدوة اروح الغيرتك
من حيدرة كل شيمتك
مولاي رايد نظرتك

صلى الله عليك يا عباس

________(2)

يا هوة الرية العذب نسماتة
انت صاير بالكلب نبضاتة

كل العشك يمك سجد
مثلك ولا شايف احد
كلبي بمحبتك انعكد

صلى الله عليك يا عباس

________(3)

يا كمر يضوي وينورك زاهي
بيك رب العالمين ايباهي

كل الملائك سبحت
وبسمك حجت وتباركت
صلت عليك وسلمت

صلى الله عليك يا عباس

________(4)

يا عشك عذري وسكن دلالي
غالي حيل بحبك شما غالي

يجويني حبك واحترك
يخفك دليلي بالعشك
بجنون احبك من صدك

صلى الله عليك يا عباس

________(5)

الكمر منك هو ياخذ نورة
والشمس منك تجيب احرورة

لون السمة من بسمتك
كل غيمة بيها حيتك
اخذت مطر من جربتك

صلى الله عليك يا عباس

________(6)

شما اسولف بيك ابد مو كافي
شرد اوصفك وصفي ابد مو وافي

عنك عجز حتى الوصف
جائز دليل واعترف
لسمك اصلي الكل حرف

صلى الله عليك يا عباس

________(7)

الف هنيالة الترزقة بنظرة
يصير سلمان اي وحك الزهرة

يا بختي اصيرلك عبد
يمك اضل ما ابتعد
لو نظرتك لية تصد

صلى الله عليك يا عباس

________________

الخادم محمد ابو باقر الحجي
2019/5/2

لمن ردنة انروح بتك كام تنوح
تصيح بصوت كلش عالي
راح انعوف حسين الغالي
حسين الغالي

___________(1)

يا هيبتنة وستر الخدر
ردنة انعوفك بس ما نكدر
بنتك يم اوصالك تفتر
وتجر بيدك يابو الاكبر

تكلك كوم وياي يا روحي وسلواي
انت الروح وانت الوالي
كوم وياي وارحم حالي
حسين الغالي

___________(2)

حكها زغير الطفلة وتعتب
المن تمشي وصار المغرب
بنص الخيمة النار وتلهب
وظلمة الحومة وكلش ترهب

تركض وصلت ليك ياخوية تحاجيك
تحجي وياك ومتحاجيها
شوف شصار بنيتك بيها
حسين الغالي

___________(3)

ما متعودة تظل اوحيدة
تنام بحظنك مو بالبيدة
وين حسين شكد اتعيدة
شخصك بس يا خوية تريدة

كلما كلها نروح يمك تبقة تنوح
تكول شواي انتظريني
هسة ايكوم وياي حسيني
حسين الغالي

___________(4)

ضلت يمك وشكد دارت
تريد اتشبكك بس احتارت
بصدرك كومة اسهامك صارت
كعدت يمك تبجي وكالت

حضنك رايح ليش جابوية احضن بيش
حاضن حيل سهمك واني
سهمك ليش ما خلاني
حسين الغالي

___________(5)

تشيل اوصالك كام تلمك
نوبة تقبلك نوبة تشمك
توسدت ايدك نامت يمك
تكلك لا ما ابعد عنك

لا ماتغمض عين بس يمك يحسين
لا ماروح ابقة هنانة
الة تروح بوية ويانة
حسين الغالي

_________________

الخادم محمد ابو باقر الحجي 2019/6/30