اليله اجددلك عهد يحسين اجيت ابهل الراي
ناذر دمعتي بلاه ثمن رايد الك شربت ماي
ارزقني دمعه وونين ^^^ ابجي عليكم يحسين
يااباعبدالله........ يااباعبدالله
*
مذنب جبت كاضي العمر وبين سواد اذنوبي
اقبلني مولاي اعتذر ادري تفشل اعيوبي
انته الأمان الكل بشر وانته تضوي ادروبي
كل الخلك حبهم جذب وانته الصدك محبوبي

رديت وانته الحنين****ارزقني دمعه وونين
****

يشتم هوااك المختنك ويرجع عطر بنفاسه
ريحت ضريحك سيدي ماتنعرف مقياسه
منك يرد تارس عشك و بلغيره ينضح راسه
والزار كافل زينبك هذه شتوصف احساسه
دليني بجروحك وين///ارزقني دمعه وونين
**
مجلس عزائك موطني وبيتي صبح عنوانه
ياثار الله ورحمته الفاتح لك بيبانه
جويني بنيران الخيم روحي الك لهفانه
خليني احسن بلمشن علجمر يا مولانه
شما تبجي ما توفي العين**ارزقني دمعه وونين

*

قانون الك صار الذبح وعليك بس انته يلوك
يلمنطي عبدالله بسهم و للباري وجهته ابشوك
منهو يرضاهه من الخلك تمشي بناته بنص سوك
امجتفات ابلاه ولي والدنيا متروسه حلوك
شما سوي ما وافي الدين///ارزقني دمعه وونين
*
ضامي تموت من العطش حته حنه بجفاك نعيش
انجازيك بيمن سيدي انته النهر وحنه الكيش
نشرب الماي ونذكرك يلتنطي ما كايل ليش
لو ردت اضحي بلعمر وياكم انقاس ابيش

ابدي وياكم امنين///ارزقني دمعه وونين
***

شور

يابو صالح       يابو صالح
**
كوم وفزع الوادم*وخله أشمك الريه
عايش كلي ابياحال*وعندك حرمه مسبيه
يلمهدي الهجرة مكروه*لل ينتظر ليليه
مليت وسوالف ضاله أبالي
تعال اتنفسك خليني يلغالي
****
كالو مسجد السهله* هناك تلكه الابشاره
تعنيت انه ادور اعليك* ياهو السامع أخباره
امعزب ندري بيك الضيف *بيتك جينه خطاره
عوفه الغيبه يلمهدي وتلاكانه
العين الما تشوفك كون عميانه
****
عايف بيتك ومبعد* شعندك ساكن الهيمه
حالف  شنهي ماترتاح *جنك تذكر الخيمه
خيرك تارس الوادم*ابرغم ماهجرك وضيمه
بعدك عنه مايراد وعيونك
ياهو كالك يلمهدي اشلونك
*********
كل جمعه تمر مولاي*احسن تبعد اعلينه
وصبرلك صبر أيوب* وما مئلك يمهدينه
حضرلك دمع كل يوم*خلن نبجي علبو سكينه
أظهر ظلم هاي الناس عاميهه
يلمعدل ترد والعالت اسبيهه
*******
الناس الما تحب حسين*الهسه تسهر ابليلك
وعبدالله امنذاك اليوم* ماي لهسه يشكيلك
يمته الفرج يامولاي* أخافن ينهدم حيلك 
   تظهر يمته  و تكعد تصليله
بين جفوفك عبدالله و تناغيله
****.

....
علكيفك يلتشيع زينب بهيده
أخافن تعثر وبيه السبي تعيده
عن اخوته زينب صارت ابعيده
يدفنه ابو فاضل جانت اتريده
وتريد ولياهه..... وتريد ولياهه... زينب هل مسيه
.......
عاشت من بعد خوانه ابغربه
وشافت كل مصايب هلسبي ودربه
الله يساعد السجاد وكلبه
من يشوف بيه أشيع الغربه
ومحد وياهه... ومحد وياهه... زينب من اهلهه
........
ام عون علكيفك من تشيعهه
هاي ام الخدر عباس طلعهه
ما ناطق اسمهه ولا أمسمعهه
امس ابكربله صبن مدامعهه
ونموت وياهه.... ونموت وياهه.... كون اليوم  كلنه
.........
ياهو يرضه منكم تنسبي اخته
ويمه تنذبح كل هله و عايلته
جاه ليش علزينب شو صفت سكته
ماتت بت علي وكل ضيم شايفته
ولا تخلوهه.... ولا تخلوهه..... شيعوهه الجنازه
......
تهضم حيل ياوادم هل الجنازه
راعي هل نعش يتفكد اعزازه
غير العنده اخوه اتبين ابعازه
وزينب للكفلهه حيل محتازه
كومو دفنوهه...... كومو دفنوهه.... ظلت هل الغريبه

۞﷽۞

🔊 شـو هضمـو العلـوية
🎙️الملا كريم الشمري
✏️الشاعر محمد توفيق الجياشي
🔷 موكب غربة صاحب الزمان . السماوة 🔶 مجالس المشايه المقدسة
📍مدينة القـاسم
🏴 شهادة موسى الكاظم 1442 هــــ
🎛️ إعلام موكب غربة صاحب الزمان


التليجرام  | Telegram 🔻
https://www.tg-me.com/ARGUMENT313

الفيس بوك | Facebook 🔻
https://www.facebook.com/hhhhhhghhghfhffhghfhfh/

الانستاگرام | Instagram 🔻
https://instagram.com/mawkib_algharbih?igshid=1ffjq8kxzheap

تهدمت والله اركان الهدئ

اوداعت الله ياعلي هليله تنكال
مامصدك حيدره علمتونه انشال

  ميت وتنزف بعدك
انته المتت لو ولدك
ياعلي... ياعلي
...................................
حسينك انه ياعلي تحاجيني ريت
روحي محتاره بغيابك مادريت
انته طايح بويه لو انه الهويت
روحي طلعت مدري روحك تيهيت

كبالي طايح ما مصدك عيوني
والاحبهم بويه شو عافوني

يلحيرتني ابضمدك
انته المتت لو  ولدك
ياعلي.... ياعلي
.................................................
شمحله ذيج المه من نلتم عليك
روحي اضيعه ورد الكاهه بيك
يلترد الشمس رد انبوس اديك
صدك مانسمع بعد نبرت حجيك

ليش ساكت بويه متحاجيني
شلون تكضي بغيبتك اسنيني

وحسين واحد عندك
انته المتت لو ولدك
ياعلي.. ياعلي
..........................................................
كلشي بعدك صرت احسه بيه مات
وبيتك العامر صبح للذكريات
جنت اتمنه وبعد ماكو امنيات
حضنك الدافي نرد ليه ونبات

روحي تطلع خله شلي بروحي
ياعلي بعدك شيداوي اجروحي

دم راسك علخدك
انته المتت لو ولدك
ياعلي.. ياعلي
........................................................
ابابك الأيتام بويه امجمعين
انته من بعد الله الهم المعين
أجو بوجوه الحزن ومطنين
اصيح ياحيدر علي وتلطم العين

ابابك الأيتام كله اتاني
منين اجيبن  اله حيدر ثاني

كلها تصرخ وتودك
انته المتت لو ولدك
ياعلي.... ياعلي
..........................................................
الموت وي حبابي فاتح بويه باب
شيبت بعدك ونه بعز الشباب
بويه كلبي من المصايب حيل ذاب
انه دافن روح ليه وي التراب

ياجبير الما تشيلك عيني
هاي اول مره اتخليني

اللباري ادعي يردك
انته المتت لو ولدك
ياعلي... ياعلي
..............................................................

هااا... هاااا.. هااااا
وألون الماي اتبخر
...
من احروره جف عباس

ادك بابك اجيت ابوجهي هل الاسود
ونته ادريك يامولاي ما تطرد
الذنب يحسين اخذني وكمت انه ابعد
وسفه لو لعد غيرك نويت اكصد
يامولاي ...... إجيتك طامع ابعطفك
يامولاي......... طهر روحي ابجفك
يامولاي... يااباعبدالله
💔💔💔

استقبال محرم
...

انته الحسين وكفئ..... يااباعبدالله
...........
قم ونادي ياحسين كربلاء
ابتده عاشور خل يبدي العزاء
واحسينا واحسينا واسليب
داميآ النحر مخضب بلدماء
حسين ضل اوحيد يوم العاشر
وفوك صدره ضل يدوس الحافر
انته الحسين وكفئ.... يااباعبدالله
؟؟؟؟؟
لمثله كون الوادم اليله تموت
وياللثارات الخيم نسمع الصوت
حيل دك علصدر علضل غريب
الخيل اعلحسين كلساعه تفوت
شد عزائك لا تضل متخاذل
فشله من حسين وابو فاضل
انته الحسين وكفئ... ياباعبدالله
؟؟؟
شما تكول الوادم خليه تكول
حسين مرجعنا ولا عنه نزول
هلمجالس قائمه لحد الضهور
عدنه غايب ماضهر بعده يصول
ياليتنا كنا معك مو جلمه
الما فهم حسين صوج ابفهمه
انته الحسين وكفئ.... يااباعبدالله
؟؟؟
مو عجيبه اليعشكه حد الجنون
درس صار وخلده عابس وجون
الطم علراس وي سيل الدمع
ماكو مثل حسين بلدنيا حنون
اليحب حسين مات ابعشكه
مثل حب حسين ابد ما تلكه
انته الحسين وكفئ... يااباعبدالله
؟؟؟؟
ياهو مثل حسين حزو منحره
تسع اصابع بيده وماهو خنصره
جسمه ما ضل بي كتر مابي جروح
حسين رد  محني الضهر من الكنطره
هل مجالس منفعه وقدسيه
من الحسين اتعلم الحريه
انته الحسين وكفئ... يااباعبدالله
....
خادمكم

(شور)
لسان حال مولاتي الرباب ع تخاطب عبدالله الرضيع ع
عبد يمه...... عبد يمه
?????
عشرتي وياك ست أشهر مالحكت اودعنك
واسمع للبلابل صوت ما اسمع صد ألونك
شمالك ياغصن ريحان بارد يبني شو حظنك
رأسك ما اشوفه اوياك عاشرت الرمح جنك

شمالك عاشرت رمحه/// عبد ماطالت الفرحه
.... عبد يمه
     **
اظمنك وخاف اعليك مني الوادم اشمك
يلمخلوط هيل وياس شنهي الزعلك بمك
سولف يابزر تعبي من فدوه رحت لسمك
شني البدلك ونويت تعز عله امك اضمك

مو مالت ذبح يبني// عبد حاجيني ذا تحبني
عبد يمه...... عبد يمه
.......
ليش ابفرحتي احزن موحكي افرح ابولدي
محسوده من اشمن بيك هوه جم طفل عندي
ما خلوني افرحن بيك كلهه اتجمع ضدي
وكاروك صبح ارماد وجتالك غده يحدي

حاجيني عبد يمه//// صوتك عني لا ضمه
عبد يمه..... عبد يمه
........
يلمونس صفنتي وياك شيجبركسرت الخاطر
يبني من رحت لليوم امك ضالة اتناطر
كل يوم اليمر انساه وكولن ينجبر باجر
وكولن ابنيي مامذبوح ماهو ابركضت العاشر

يرد بينه زمن ياريت//عبد يم اخته جاه خليت
عبد يمه....... عبد يمه
...................
يشمامت أبوك حسين اتخاون دمعتي وني
احلم ادعي افز ولكاك يبني نايم ابحضني
يعبدالله ولأني الشيب كلهه ابروحتك مني
مثل نسمت هوه الغركان باكو شوفتك يبني

يلمدلل خلص عمري// كله ابروحتك يبني
عبد يمه... عبد يمه
........
خادمكم

فزاعي
يعباس انه اختك كوم حاجيني
ترضاهه يخويه بسوط يوليني
دليني علكبرك خويه دليني
بعدك ماشفت ياخويه ابعيني
وشمالهه الوادم.... ماترحم غريبه
....
موش ته التحب ياخويه النومه
وينك يبن ابوي الحلوه اعلومه
اجيتك فاكد ومن ضيمي ملجومه
يعباس الشماته تارسه الحومه

وموش له النومه... عباس واعرفه
......
يعباس لحك اختك حركوو الخيمه
يخويه اطفال عندي تارسه الهيمه
هاي سكينه تصرخ وينه ابو الشيمه
ماينحمل خويه هل سبي وضيمه
والمالهه والي.... يخويه وين تمشي
.......
يخويه السوط مايرحم ابنياتك
هذني امدلالات حسين خياتك
حركوهه يخويه كوم خيماتك
شحلاهه من ترف بلهوه ريشاتك
وماتعينوني..... كمت اصرخ وصيحن
..............
من همي السده ياخويه  متعوبه
حسين اكبالي شفته سلبو ثوبه
شفته هامت اخيي بحجر مضروبه
عباتي من الركض ياخويه متروبه
سحكته الخياله.... يخويه فوك صدره
....
... خادمكم

أزغير عللرمح عبدالله مو كده
الشاله بهل رمح كل غيره ما عنده
يجي كبالي ويهوس بلرمح شفته
يوصل يمي ابراس ابني ويرده

عمدن يكصد ايغثني
شلع كلبي ابراس ابني
حسين..... حسين
.
. الخ✍️✍️

  شور
ياسيدي.... يااباعبدالله
ياسيدي.... يااباعبدالله
.....
بسم الله اول جرح
راس الحسين عللرمح
ويلاه يعملت كربله
بيج ابو الاكبر ينذبح

ياهو مثله ابكربله
تركض عياله  بلفله
وعاري جسمه عللرمل
وعينه للصوب العايله

ياعلي

اول بشر.....حتارو ابمضمونك
اول بشر.... ميت يهابونك
اول بشر..... ماكدر يوصفونك

ياسيدي.... يااباعبدالله
.....
انته ابو الدمعه الصدك
يلعلمتنه  عللعشك
وياك يخلص هل العمر
ابرد ورد بيك احترك

مو حكه عابس لو هوه
وعلن جنونه ابنينوه
حبك يبو الاكبر كبر
وكمت انا اشمه  ويلهوه

ياعلي

بيك الجنون.... والمثل يم عابس
بيك الجنون... للدارس وما دارس
بيك الجنون.... للحبابك انته الحارس
ياسيدي..... يااباعبدالله
.......
جويني من النار الخيم
انطيني من جرحك ألم
ارزقني دمعه للكربله
عليك انه ابراعي العلم

سهل يمولاي الدرب
لمجلس عزاءك من اطب
موتي وحياتي مجلسك
ياحله من ماي العذب

ياعلي

في كل زمان... سيدي اقرالك
في كل زمان.... ابجيلك وانعالك
في كل زمان.... بيتي الكلب يحللك

ياسيدي..... يااباعبدالله
.....
شما يمر بيه الزمن
مانسه زينب والضعن
من مشن غربه عللهزل
وشكثر شافن من محن

تمشي الامير عللهزل
وكل حرمه مشدوده بحبل
عباس جان للهن سند
راح الدلال وي الكفل

ياعلي

زينب بقت..... عينه علعيالهه
زينب بقت..... تللم ابطفالهه
زينب بقت.... من بعد كفالهه

ياسيدي...... يااباعبدالله
.....
دين وعقيده هل للطم
يحسين يا احله اسم
انته حياتي ودنيتي
امنيتي اشوفك تبتسم

عندي انه صار من المهد
وياك ماخذ هل العهد
خادم الك اكضي العمر
وانسئ مصابك لا وعد

ياعلي

يا حسين.... يمشي الاسم ابروحي
يا حسين... فرحتي وي نوحي
يا حسين..... انته طبيب اجروحي

ياسيدي.... يااباعبدالله
.........

نزال +شور
عند حسين بلطف زلم اسباع
ترجف خيل منهم ضلت وكاع
بيهم يفرح حسين..... حي الله السبعين
عند حسين بلطف زلم اسباع
.....
عند حسين خوش ازلام مهيوبه
كلافه مكمله وما بيه كل عوبه.
ياهو الي تنشده حسين محبوبه
حده اليوم يوصل للخيم صوبه

واحدهم شهم للموت شراي
بنص جيش ال اميه يفرض الراي

هذوله كره العين.... حي الله السبعين
عند حسين بلطف زلم اسباع
....
يم الخيمه وكفو صدر دكوله
انته تكول وحنه نفذ الكوله
مانرجع وحك عباس كلوله.
نخلي كربله هليوم مذهوله

سبعينك تعادل الف سبعين
جم حسين عدنه واحد حسين

جن اصكور شاهين..... حي الله السبعين
عند حسين بلطف زلم اسباع
.....
حي الله الهواشم طبو عليهه
هذوله اربات حيدر منهو يدنيهه
معروف الهواشم سبك طاريهه
الرجوله والشجاعه تئنسب ليهه

مثل حيدر علي لو صار الزماط
تلكه الجيش كلهه مكمط اكماط

طبكوهن الصوبين.... حي الله السبعين
...
صاحو صوت كل العالم اسمعه
هذه حسين ياهو اليكدر يمنعه
نموت ونحيه لو ميت الف رجعه
من اكلوبنه لا محد ايطلعه

لاهيات والله نعوفك هناك
نحيه نموت حنه كلنه وياك

علخط الموت ماشين..... حي الله السبعين
.....
حارت ال ميه امنين مشردهه
زلم حسين طبت موت طبتهه
تاهتت بيهه هاي الكوم حسبتهه
رادت عطوه من حسين وصلتهه

كاع الطف زغيره الشرد انشاف
بس الذب اهدومه منهم انعاف

وتشهده الميادين...... حي الله السبعين

........