يااباعبدالله

اشلون نفرح ونته مذبوح
وجسمك امطرز من الجروح
وثارك لهسه ابلايه طلاب
اشلون ابطل كلي النوح

جسمك امطشر ماكو دفان
ساترنه ضلك ونته عريان
وراسك يلالي فوك الرماح
وعله الايتامه يقره قران

يحسين خيرك تارس الكاع
جاه ليش تسحك خيل كلساع
طولك يهيبه و ذاك ياحيد
ابحلك السيوف اتوزع وضاع

اتموت زينب ضلت كل يوم
وبجفاك ما مر بيهه النوم
حكه الخوه اشوفه مذبوح
وفوك المصيبه مسلب اهدوم


يلحيرت حته اليدفنون
حدر الترايب حطك شلون
جسمه بحصيره حسين ينشال
مو حكه تعمه عليه العيون

ياعين تفرح كلي ياعين
هو انته واحد عدنه يحسين
يلحيرتنه امنين ننعاك
امصابك جبير ونبدي امنين

ياام القمر 💔

ثكيل
نامي يسر الفاتحه*ما قصريتي البارحه
مشكوره يم البنين
                         ولدج صفو وأي حسين
نامي يسر الفاتحه
**
اتعنيتج انه أم حسين ومحنيه من اضلوعي
اعليج اهد بيدي اتراب وجري عليج ادموعي
باجر اجفوف عباس يم الله اطب موضوعي
وياذنب اكله السويت وطفو يربي شموعي

باجر نطب انه وياج***  تنعيني وانه انعاج

مديونه الج انه بدين
ولدج صفو وأي حسين
نامي يسر الفاتحه
***
يم ضويه بخلافي الدار مشكوره يم أولادي
ما قصريتي انتي ابهاي يلوفه منج بادي
محتاره اجازيج اشلون اهناكه يم الهادي
يم كبرج انه اتعنيت ياغله من افوادي

من تبچي ليچ ادموعي***  تلجمني حيل اضلوعي

مايرحم الفقره البين
 ولدج صفو وأي حسين
نامي يسر الفاتحه
*******
أبنچ وگف بالطف امس عباس ناصب خيمه
ال زينب اخته وينتفض غيره وترافه وشيمه
تبده يم زينب خجل وعن الشمس فيه غيمه
ناداها منج اعتذر خافن نبات ابهيمه

اشمحلاتة ابنچ عباس **يم اختة ماشال الراس

لمصابة خل تبجي العين
ولدج صفو وأي حسين
**
يواسوج بفراك الولد وانتي الحسين أبالج
تمنيتي لو لحضه يرد ويرجع يهل كبالج
شيبتي بفراكه الاهل الله يساعد حالج
ولدج صفو كلهم سوه وتغيرت احوالج

من كالو احسينج مات **اتعثر بيج الجلمات

اعيونج تناظر لاوين
ولدج صفو وأي حسين
نامي يسر الفاتحه
***
جانت امنيتج هل الوكت تحضر الولد اليله
وعباس يشيل النعش وكل ولدچ اتچيلة
وحشه الجنازة بلاه أهل عللمو أهله اثجيله
يكسره الخاطر منظرج ودمعچ ينگع الشيلة

لا ولد يمج تنعاج ** يم البنين الله اوياج

محتاج نعشج جفين
ولدج صفو وأي حسين
نامي يسر الفاتحه
**

لحن القصيده

عظم الله لكم الأجر بذكرى وفاة ام القمر💔💔

هاي ايام العزيزه ابلايه اهلهه
واليريد يعينهه يبجي لحزنهه
(مابقه شي مولاتي وترتاحين)
💔😭😭😭

هاي ايام العزيزه ابلايه اهلهه
واليريد يعينه يبجي لحزنهه
شوفت العباس جان اخر حلمهْه
من يرد اعليه ويرف بعلمهْه

لليام العزيزه....
هل دمع المصيبه
عل ضلت غريبه
بلا خوه عجيبه
غريبه زينب..... غريبه زينب..... غريبه زينب
****
ماشافت الحره بعمرهه ليله راحه
بفراك امهه بعينه اضلم صباحه
حسين هيج كلب مهضوم بجراحه
وكضه كل عمر العقيله بس نياحه

عاشت العقيله...
بهموم ونوايب
شافت العجايب
وباتت ابخرايب
***
من ياوكت زينب الغربه تمشي بيهه
خمسين عام اعللهزل اصبح سبيهه
أمصاب اخوه حسين ما خله عليهه
من كربلاء للشام ما بطل بجيهه

وبهاي المصيبه....
محتاره الفواطم
بفراك الهواشم
ما رد منهه سالم
****
بلشام مكسوره كلب ظلت تناطر
ياحسره الماله اهل تكسر الخاطر
مابين شماته بقت زينب تكابر
راحت ايام التصيح اخوته حاظر

بلشام الغريبه...
ماضلهه والي
ولامن عدهه غالي
شو مجتوفه تالي
***
استأجر السجاد وادم للجنازه
وزينب الخوانهه اليله محتازه
ليش هذه النعش ماحضر اعزازه
بلشام كلب الحره بهمومه توازه

بلغربه الحبيبه...
    جان اخر املهه
      يشيعونه نعشهه
       بجفوف الكفلهه
***

للحن القصيده❤️

يااباعبدالله

عظم الله لكم الأجر بذكرى أربعين مولاتي العقيله عليها السلام

(للسان حال مولاتي زينب عليها السلام)
هب شوكي وحنيني..... اليله بربعيني...... ياهو الي يجيني
من اخواني ليه
بلشام انتظرهم......  مشتاكه لصورهم.... بلغربه اختهم
ما سئلو عليه
هلي............. تعبني الشام و دربه
هلي.......... زينبكم وسط الغربه
                  هلي.   هلي
**
أعيوني علدرب..... متروسه عتاب الخوه
بنص شام وغرب....كلبي من الشوك اتلوه=

وصل يوم اربعيني ولا اخو المرني
ولا جني اختهم وانشدو عني
ضليت انه وحدي امحيره بلشام
محد مر عليه و عاني أبوني

هلي.... اعيوني للشوفتكم تربه
هلي....زينبكم وسط الغربه

                هلي....... هلي
****
الخاطر منكسر.... شنهي العطل خواني
العشتلهم عمر... شو محد منهم جاني=

الميت بربعينه الوادم اتمرله
بس زينب كبرهه ياهو يوصله
لبست انه الحزن وانه بصغر سني
من امدلله تالي السبي وهزله

هلي...ابلا خوه الدنيا صعبه
هلي.... زينبكم وسط الغربه
هلي..... هلي
**
كافل زينبه.....عباس الما مر بيه
وأنه اتمله...... هل اليوم يمر عليه=

كل عمري انه جبته بعيني اباريهم
كلت ابموتي انه يمي ألئكيهم
جانت امنياتي وحده من عدهن
يمي كبري يحضرون و احاجيهم

هلي..... لمنيتي محد لبه
هلي..... زينبكم وسط الغربه
هلي..... هلي...
***
مامرني الفرح...... كضه عمري ويه احزانه
من مثلي نجرح.... كلبه بفراك اخوانه=

طلعت من المدينه امشي بحماهم
وكلما درت عيني اكبالي الكاهم
اميره ابين اخوتي جنت ياوادم
تمنيت اشكثر مئت انه وياهم

هلي... مذبوح اكبالي الاحبه
هلي.... زينبكم وسط الغربه
هلي.... هلي
*
زينب وحدج.....اقنع روحي وما تقنع
ميردون الج.... بطلي من عتاب ومدمع=

عيشني بحنانه وفاركاني حسين
العليه من يمر يسلني حالج زين
مشتاكه انه يرجع وينشد عالحال
بعدك ارد كله ماغفت هل العين

هلي... نار ابكلبي ملتهبه
هلي.... زينبكم وسط الغربه
هلي.... هلي
*

درب حسين.....
****
درب حسين رايد صح قرارات
كون تريده تترك الملذات
زغير ابعين ناسك ارضه اتعيش
بس اجبير يم احسينك اتبات

ضملك.... دمعه.... اطفي نارك.... باجر لون صار حساب
بينك وما بين حسينك..... دمعك خله يصير ا جواب
حسين...اضلوعه....يدوس الحافر.... وصدره اساوه ويلتراب

عنه شما بعدنه///فاتح بابه لنه///شكد شايل محنه

***
احس تيهت دربي امشي لاوين
لون يومي مضه وما اذكر حسين
خليهه انته روحك دوم وياه
ولا تبرد دمعتك خله بلعين

حسينك... عاري...... بذيج الهيمه... وتتفرج اعليه الناس
ولا خوان.. الضلت... عنده..... وكاسر ضهره خو عباس
دارت... كل... الوادم بلطف.... و ضل كوه يجر النفاس

ومن هاي المصيبه//مشت زينب غريبه//ياوادم عجيبه
*
خلي حسين عندك اول الراي
من تعطش اذكره بشربت الماي
بحسره وحركه كون ادموعك اطيح
عل ضل بلصحاري ابلايه الفياي

اسم حسينك... من يترتل... كون ابكلبك بيه اتعيش
بالك اتغرك... هل الدنيا.... هاي الدنيا دنيه طيش
كلبك خلي.... دوم ابحركه.... علضل وحده بنص الجيش

ما ضئلتله خوان//ضل مولانه عطشان// وبخيامه دوت نار
*
من هاي المجالس بالك اتمل
وذكره هل المصيبه ودمعك يهل
زينب وينه وين الدواوين
امس بلسوك طبت فوك هزل

شكبر جرحه... اليفكد حبيبه.... و كباله يمشي الذباح
وروس خوانه... يمه تالي..... بس تلالي فوك أرماح
هم تكدر.... تغمض عينه....المذبوح اخو هم يرتاح

لا واحد اجاهه///ولا رايه وراهه///تشكي المن ضماهه

📜: درب حسـين💔


✍️ الشاعر محمد توفيق
🔷 هيئة العقيلة زينب عليها السلام
🔹عزاء إستقبال شهادة أمير المؤمنين صلوات الله عليه
٢٠٢٣-١٤٤٤هـ
🔸مكساج :: سجاد نايف
👐اللَّهُمَّ عَجِّلْ لِوَلِيِّكَ الفَرَج
https://www.tg-me.com/kareemshammarei