.


🛑🛑 سوف نقوم بلنشر 🛑🛑
للامام علي للامير ؏ 👇👇



.

.

* للأمـير (؏) * 💚
* ثگيله + خفيفه * 💚




👈* اگصد لبو حسين وأوگف ابابه *
* وأطلب حاجتي وأقبل اعتابه *👉


المستهل 👆


كلشي ماردت بس يشفع الموله
اطب لحضرته ودمعاتي مهموله
واصيحن ياعلي مواليكم اوگفوله
احضره سيدي لو نزل بترابه /



ردت منه الشفاعه صاحب الهده
دنيا وآخره لذنه تره بسده
ونجيلك ياعلي لو طحنه بشده
وندري مايسد عينه عله احبابه /



بيك انلوذ سيدنه ويمولانه
احضرنه ياعلي لو حان ممشانه
دنيا وآخره نرجاك ويانه
مواليكم يطلبك ساعة احسابه /



بيك احنه تسمينه يبو النغره
شيعة علي احنه وخدم للزهره
والخادم اكيد أتچيه وتحضره
وتحط يوم القيامه بيمنته اكتابه /



نمشي مأمنين وعلي ويانه
يباري اضعونه ويحضر بممشانه
حامي الجار ابد ميعوف جيرانه
برملته نندفن جيرانه واحبابه /






___
#✍لَخَآدِمَةّ أّلحسيّنِ (ع)
#سـهِــيِّــلَـهِ حـسـيِّـنِ }}

___
( غٌير مَبِريِّ أّلَذمَهِ مَنِ يِّحذّفِّ أّلَأَّّسمَ
أّو يغٌيّرهِ أّوِ يِّنِسبِ أّلَقِصيِّدِهِ لَنِفسهِ   )

___
💚 مَلَأّحضّهِ ...
أّلَأّخَوِهِ أّلَروِأّدِيدِ مَنِ يِّصعبِ علَيِّهِ ذّګر أَّّسمَ أّلَشٍأّعرهِ انسبو القصيده ب أسم
#أّلـهـآشـمـي }} 💙


رابط القناة👇👇👇
https://www.tg-me.com/moohamd1963

.

للأمـير (؏) * 💚
فزاعي * 💚



👈* شيعه وبيك متسمين *
* ياحيدر يوالينه *👉



المستهل 👆



شيعي وحيدري اسمي
وحيدر يمشي بدمي
وآنه بحيدره محمي
ورث هذا من اهالينه /



حبك ورث من اهلي
اخذته من هلي قبلي
يحيدر لو ثگل حملي
الطايح انت التعينه /



انت تعين كل محتار
ياحيدر علي الكرار
وانت التحمي من النار
وانت اللي تنجينه /



بالله وبيك متمسكين
تشفع النه يوم الدين
انت الوالي يابوحسين
بالمسره تبارينه /



گال المصطفى المختار
اليحبك ماتمسه النار
بالله وبيك يلكرار
بالمحشر تصد لينه /



يوم الواقعه نريدك
توقع اكتابنه بيدك
بجاه المصطفى عضيدك
بالمحشر تحامينه /





___
#✍لَخَآدِمَةّ أّلحسيّنِ (ع)
#سـهِــيِّــلَـهِ حـسـيِّـنِ }}

___
( غٌير مَبِريِّ أّلَذمَهِ مَنِ يِّحذّفِّ أّلَأَّّسمَ
أّو يغٌيّرهِ أّوِ يِّنِسبِ أّلَقِصيِّدِهِ لَنِفسهِ   )

___
💚 مَلَأّحضّهِ ...
أّلَأّخَوِهِ أّلَروِأّدِيدِ مَنِ يِّصعبِ علَيِّهِ ذّګر أَّّسمَ أّلَشٍأّعرهِ انسبو القصيده ب أسم
#أّلـهـآشـمـي }} 💙


رابط القناة👇👇👇
https://www.tg-me.com/moohamd1963

.