.
للعـباس (؏) * 💚
فــزآعـي  * 💚



👈* شايل جربته العباس *
* والـشاطـي تـعـناله * 👉


المستهل 👆


تعنه ويهدر بزوده
والرايه عله زنوده
ياهو اليوصل حدوده
وفنه اللي تدناله /


وصل للمشرعه اعنايه
شجاع وبيه الكفايه
النهر گوطر عله مايه
وكسر جيمة الخياله /


يگول اليوم افنيها
وزينب لازم ارويها
والكفار ابچـيها
يهدر والغضب شاله /


العرج الهاشمي طگ بيه
الحومه تخاف من طاريه
فنه اللي تدنه اعليه
وكلها تعرف افعاله /


هدهدت اسد غضبان
جوده شايله ومليان
رايح بيه للرضعان
حاطوا بيه الخياله /




👍👍 تم
ديــوآن ثالث عشر



💚___💚
✍ خَآدِمَةّ أّلحسيّنِ (ع)
#الشاعره َّسـهِــيِّــلَـهِ حـسـيِّـنِ }}



رابط القناة👇👇👇
https://www.tg-me.com/moohamd1963


.

.

للقاسم (؏) * 💚
ثـگــيـلـه  * 💚
وزن ثلاث دگات كربلائي * 💚
لحن/يبن امي علتربان عفتك رميه * 💚




👈 * هليله شفنه شموع بالغاضريه *
* القاسم تزفه الگوم واهله رميه * 👉


المستهل 👆



عرس الولد هليوم واهله مذابيح
واعله الرماح الروس تلعب بهاالريح
وام المعرس ليش بلمعركه تصيح
واحد ولدها تنوح وامه خطيه /



القاسم نزفه اليوم گومن يزينب
وصية الحسن ملزوم ومنيته تگرب
وام الولد كلسا اتشمه وتنحب
شلون العرس يحسين بالغاضريه /



شلون العرس يحسين ياهو اليزفه
وكل اهله مذبوحين هلحاله كلفه
عوف الامر ياخوي يبن امي تگگـفه
عوف العرس يحسين واستر علييه /



وصاني اخوي بهاي وانتي تعرفين
وصية الحسن يم عون علراس والعين
حضري سكينه اليوم كفي ولتبـچـين
أنفذ وصية ابوه گبل المنيه /



زينب تحضر اشموع وامه تحنيه
ولبسه حسين هدوم عرسه ويهنيه
وسكنه بدمع وبنوح وتباوع اعليه
نعرس واهلنه شلون فوگ الوطيه /




👍👍 تم
ديــوآن ثالث عشر



💚___💚
✍ خَآدِمَةّ أّلحسيّنِ (ع)
#الشاعره َّسـهِــيِّــلَـهِ حـسـيِّـنِ }}



رابط القناة👇👇👇
https://www.tg-me.com/moohamd1963


.

.
للقاسم  * 💚
فــزآعـي  شده  * 💚



👈* شلون العرس بلحومه //يعريس *
* واهلك بلحرب نومه * 👉


المستهل 👆


امك عجنت الحنه  //يعريس
تريد الولد يتهنه  //يعريس
تالي العرس بلجنه  //يعريس
امه  بلخيام محضره هدومه *



سكنه لبسيناها  //يعريس
وشموعك علگناها  //يعريس
والحنه عجناها  //يعريس
تالي للحرب زفتك مقسومه *



عماتك بـچـن من دم  //يعريس
يگولن خاف مايسلم  //يعريس
لاح بظهر المطهم  //يعريس
شبه جده علي من هد عله گومه *



ارماح العده اتلگنه  //يعريس
والنبلات حاطنه  //يعريس
سيوف اعداك وذرنه  //يعريس
هد اعله الكفر والهده ميشومه *



سيوف اعداه وذرنه  //يعريس
والعمات شافنه  //يعريس
شافن بيده الحنه  //يعريس
ينوحن ليه ويبـچـنه  //يعريس
تدگ الوالده وتنوح منذومه *





👍👍 تم
ديــوآن ثالث عشر


💚___💚
✍ خَآدِمَةّ أّلحسيّنِ (ع)
#الشاعره َّسـهِــيِّــلَـهِ حـسـيِّـنِ }}



رابط القناة👇👇👇
https://www.tg-me.com/moohamd1963


.

.
للأڪـبر * 💚
ثـگــيـلـه  * 💚



👈* وي الاكبر يروحي ماتموتين *
* وياه اتواسدي ونامي عله الطين *👉


المستهل 👆


كون وياك يالاكبر گضت روحي
ولااضل بعذابي ولوعتي ونوحي
ييمه اعليك تنزف ضلت جرحي
شلي بلعمر يبن الميامين /



عگب ذاك الشباب وهيبته وطوله
اضل عدله ييمه موش معقوله
اون اعليك مني الروح مسلوله
ولــچ  موتي يروحي ولاتضلين /



بـ؏ــد شلي بحياتي ياعلي يبني
ربيتك ييمه ارباك شيبني
وتالي بكبر سني يبني تذبني
شلنه بلعمر عگب الرياحين  /



شلي بعين مانظرك بعد بيها
خلها تنعمي يلولد تاليها
امك عگب عينك من يباريها
شبيه المصطفى ياشبل الحسين  /



حلوه صولتك بلكون تتمايل
گبل امك ييمه يلولد شايل
عساني خلاف عينك يلولد ماضل 
انت ووالدك صرتو بعيدين  /




👍👍 تم
ديــوآن ثالث عشر



💚___💚
✍ خَآدِمَةّ أّلحسيّنِ (ع)
#الشاعره َّسـهِــيِّــلَـهِ حـسـيِّـنِ }}



رابط القناة👇👇👇
https://www.tg-me.com/moohamd1963


.

.
للأڪـبر * 💚
فــزآعـي * 💚



👈* بلمعركه الاكبر وگع *
* وبگلبه صار صوابه *👉


المستهل 👆


صابوه بنبله بلگلب
وضلت دماياته تصب
هلفارس شلون انغلب
انشلت ايده الصابه /



يحسين يابويه نده
وحسين للصوت انتبه
واعله الولد باله انشده
مسرع ركض ليه جابه /



جابه وحطه بلخيم
و ألتمن اعليه الحرم
وكبر الصايح واللطم
ودموعهن سچـابه /



ام علي الله يعينها
شافت ولدها بعينها
ومدوهنه مخلينها
ونيرانها لهابه /



شنهي المصيبه الما جرت 
بگلوبنه حيل اثرت
خلتنه مدمعنه يكت
وارواحنه مرتابه /



ياليلى الج كل الاجر
الله ينطيج الصبر
للعافج بهذا العمر
للماكو مثل اشبابه /




👍👍 تم
ديــوآن ثالث عشر


💚___💚
✍ خَآدِمَةّ أّلحسيّنِ (ع)
#الشاعره َّسـهِــيِّــلَـهِ حـسـيِّـنِ }}



رابط القناة👇👇👇
https://www.tg-me.com/moohamd1963


.

.

.

للبيعه 💚
🤝مولاي واميري ياعلي🤝 💚




👈زاد هظمي وبالمصايب مبتلي *
وبالغدير ابصم وابايع ياعلي *👉



ياعلي الكرار تحضر شدتي *
وي رسول الله سجل بيعتي *
ياعلي عندك دواي وطيبتي *
وشدتي باسمك يحيدر تنجلي /👏



انه ادري بيك تنحل الشدد *
يوم ماينفع المال ولا ولد *
بالحشر مولاي بس انت السند *
وسد عن النيران من تغلي غلي /👏



ياقسيم الجنه والنار وشفيع *
انت الوالاك ياحصن المنيع *
واليضدك ياعلي والله يضييع *
وبالمحاسب غاد بالهم يبتلي /👏



يضيع كلمن ينكر البيعه ويخون *
هناك يوم الحشر اخسر مايكون *
يشرب الويلات من كاس المنون *
الما يبايع للوصي هوه الولي /👏



انه ابصملك واجدد بيعتي *
وعهدي يتجدد وآنه بحفرتي *
انت ياباالحسن سوري وعزوتي *
يوم يتجدم جوارك محملي /👏




💚___💚
✍ خَآدِمَةّ أّلحسيّنِ (ع)
#الشاعره َّسـهِــيِّــلَـهِ حـسـيِّـنِ }}



رابط القناة👇👇👇
https://www.tg-me.com/moohamd1963


.

.

للبيعه 💚
🤝بيعتي غديريه🤝 💚



👈يارسول الله سجل بيعتي *👏
وبعلي الكرار تحله فرحتي *👉👏



المستهل 👆



وي رسول الله ابايع وافتخر *
واعترف بالمرتضى سيد البشر *
والله وبدمي اوقع هالأمر *
وبأسم ابو الحسنين تعله صرختي /👏



انه شيعي والولايه مطلبي *
انه مسلم علووي مذهبي *
ابلا علي الكرار يادنيا اذهبي *
علي يسندني بساعة طيحتي /👏



من اطيح بضيج غيره ماأليي *
محله اسمه من انادي ياعلي *
هوه مولاي وشفيعي ومنهلي *
بالحشر يحضرني هذي رجوتي /👏



كل رجائي بالحشر يوگف شفيع *
لو نساني المرتضى خلافه اضيع *
هوه سوري ومنهلي وسدي المنيع *
بساعة العسره ينشف دمعتي /👏



بمحكمة عدل الأله ووكفته *
المحامي اهناك هوه لشيعته *
اعترفنه بالغدير ابيعته *
حب ابو الحسنين ورثي وعزوتي /👏



ورث من اهلي اجتني محبتك *
واعترف يوم الغدير ابيعتك *
تخسه روحه ياعلي الماوالتك *
غاد وبيوم المحاسب تنولي /👏




💚___💚
✍ خَآدِمَةّ أّلحسيّنِ (ع)
#الشاعره َّسـهِــيِّــلَـهِ حـسـيِّـنِ }}



رابط القناة👇👇👇
https://www.tg-me.com/moohamd1963


.