.

🛑🛑سوف تقوم
قناة الشاعره
سهيله حسين

بنشر قصائد جديده
ان شاء الله
ونعتذر عن الاهمال بسبب الضروف
وان شاءالله التعويض 🤲🤲

.

.
قصيده لأنزال راية السيده زينب(ع)💚


👈*زينب هيه رايه ومايطيحوها
اسيره مجتفه والگوم هابوها*👉



هيبتها العقيله موش بالرايه
العقيله هاي بالهيبه مسمايه
فنه اليوصل الها ويعبر الثايه
بت حيدر علي وكلهم يعرفوها/


صيت الها عبر فوگ النجم وابعد
هاي الهاشميه مأصله من الجد
صرختها تضل علزمن تتجدد
شنهي الرايه وصله خل يوخروها/


متقلل الرايه من كرامتها
ومن ذبو الرايه تزيد عزتها
هيبة حيدره وبهيبة اخوتها
تضل مجلله وبالفخر حاطوها/


يضل الها صدى اعله الزمن يتعله
ميگدرون يمحونه الاخس مله
خطبت يم يزيد وغطته الذله
حجت بت الوصي وفنهم يردوها/


ماتمحي ذكرنه للابد والله
وضل هذا الكلام بفخر يتجله
انهز عرش اللعين وگامت اتسلله
يرجف گام منها وصاح ابعدوها/


تبقه الهاشميه بزود تتباها
شنهي الرايه خلها تطيح تفداها
زينب هيه رايه الزمن علاها
هبت شيعة الكرار حاطوها/


شحده اليوصلج يم عون لو يدنه
محميه ثنيتج واليصل فنه
طيحت رايتج
عد شيعتج محنه
بدماها الزلم هسه يرفعوها/


شيعتكم أسوود واجوج عنايه
رايه تطيح ننصبلج الف رايه
تبقه ام عون بالهيبه مغطايه
وشحد الدواعش لو يگحموها/





💚___💚
✍ خَآدِمَةّ أّلحسيّنِ (ع)
#الشاعره َّسهيله حسين }}



رابط القناة👇👇👇
https://www.tg-me.com/moohamd1963


.

.
قصيده لانزال راية زينب(ع)💚



👈* ماتنقاس بت المرتضى برايه *
* الها بمحكم التنزيل الف ايه *👉


المستهل 👆


رداء اهل الكسا زينب مغطيها
بت المصطفى ياهو اليدانيها
من كل الرجس طهرها باريها
العقيله ام الفخر زينب مسمايه/


اثر بت النبي ماجرو يمحونه
كل الگدرو البيرغ ينزلونه
اذا يطفي حقدهم خل يوخرونه
اسم زينب يساوي مية الف رايه/


من صفين من خيبر حقد بيهم
بحروب المضت حيدر مبـچـيهم
تاريخ النذاله يشهد اعليهم
حجه الرايه ظرب الشيعه الغايه/


مايدرون بلشيعه غضب هادر
عله اجتاف المنايه تدوس وتخاطر
ننصبلج الف رايه وعلي باچر
اجوج ازلام متحزمين عنايه /


لتصدگين ماتوصلج احبابج
نفدي ارواح بس نوصل ندگ بابج
وشحده الخسيس النذل ماهابج
يمنعنه يظن معتوه غم رايه /


من اهلج وصيه الشيعه حفظوها
زينب بالغرب لازم تزوروها
عد كفار زينب لاتعوفوها
نجي لزيارتچ يم عون مشايه /




💚___💚
✍ خَآدِمَةّ أّلحسيّنِ (ع)
#الشاعره َّسهيله حسين }}



رابط القناة👇👇👇
https://www.tg-me.com/moohamd1963


.

.
حواريه بين السيده زينب(ع)
وشيعتها لنزول الرايه 💚


👈*لاتبجون علرايه وتغثوها*
*ماتحمل هظم زينب تعرفوها*👉


المستهل 👆👆


شنهي الرايه زينب هيه رايتنه
زينب علم زينب هيه شمعتنه
بت الزاجيه ومفخرة ايمتنه
العقيله الهاشميه بفخر سموها/


لاتبچون علرايه يشيعتنه
من الله تضل هاذي كرامتنه
انكتبت علعرش محفوظه رفعتنه
ميگدرون هلرفعه يزيلوها/



عاميهم حقدهم والگلب اسود
واحنه صيتنه اعله الزمن يتجدد
اسم جدهم بسابق عهد بلمرتد
وهسه احقادهم ياشيعه عادوها/



يشيعه الف رايه واثقه تنصبون
شذاذ الگاع ذوله وصدگو يندثرون
ياشيعة علي بس انتم التبقون
وي المهدي رايتنه تعلوها /



خل تنزل الرايه انتو موجودين
علينه گلوبكم متلهفه بكل حين
لملوم الارض ذوله تره مغربين
زينبكم كريمه وابد يمحوها/



مرسال من اخوتج واصلج يم عون
شيعة علي بصحنج لازم يلطمون
راسج مانزل يابت علي يگولون
لتهمج الرايه يوم زالوها/



چانو يظنون الرايه تكسرنه
من نزلوها وگفتهم تخوفنه
اجينه بزود لم الفخر جيتنه
اجوها اسباع لم الهيبه يحموها/



مانبجي يزينب لاوحق جدج
نطلب اذن من نصول من عندج
شحده اليوصلج واليگرب لحدج
وحقج گاعهم بيهم يگلبوها/



💚___💚
✍ خَآدِمَةّ أّلحسيّنِ (ع)
#الشاعره َّسهيله حسين }}



رابط القناة👇👇👇
https://www.tg-me.com/moohamd1963


.

.
قصيده لتنزيل راية
السيده زينب(ع) *💚


👈*وحشه گبتج من طاحت الرايه*
* مثل راية كفيلج علمسنايه *👉


المستهل 👆👆


مثل راية كفيلج يوم طيحوها
البيرغ واليمين الكفر گطعوها
هاي العمله ثاني مصاب سووها
الشيعه تنكسر كل ظنهم الغايه/



ميكسرون شيعتكم يمهيوبه
وتبقه گبتج بالشام منصوبه
زلزال بارضهم تطلع الحوبه
والباطل اله صولات ونهايه/



شوفي شلون ربـچ راح يفنيهم
زلزال  بأرضهم هسه يمحيهم
وتدور الدايره يازينب اعليهم
والتاريخ يذكر هاي الروايه/



من اجسادهم تشبع وحوش الگاع
حماتج يلعقيله محزمين اسباع
واحدهم لدينه الروح والدم باع
شيعه وللمكارم دوم عطايه/



هسه المهدي يظهر واحنه ننتظره
حدر رايته نلتم كلنه بالحضره
ياخذ ثار اهلج وامج الزهره
وجيشه شيعته والشيعه وفايه/



شما رادو يزينب خلهم يسوون
نهايتهم گريبه صبحت يم عون
حدر راية الباطل دوم يجتمعون
ماننسه العدو جايبكم اسبايه/



تاريخ الحقد يالزاجيه يفتر
يمحي اثارهم مهديكم اليظهر
هذوله احفاد ذاك الكافر الابتر
اليرمي اسهام شر ترجعله الرمايه/




💚___💚
✍ خَآدِمَةّ أّلحسيّنِ (ع)
#الشاعره َّسهيله حسين }}



رابط القناة👇👇👇
https://www.tg-me.com/moohamd1963


.

.
قصيده لأنزال راية
السيده زينب(ع) 💚



👈*رايتج يم عون مضمومه ضخر*
* بيها يتقدم المهدي المنتظر *👉


المستهل 👆


رايتج بلگاع ماطاحت ابد
ويه بيرغ كافلج هذا عهد
تبقه مضخورات لايام الوعد
يرفرفن بيدين صاحب الامر/



بيها يحضر يوم مهدينه ويثور
والعدل يننشر وايام السرور
وشيعتج تتعنه وبصحنج تزور
والظلام يبدده نور الفجر/



الج رايه بگلب كل شيعي غيور
صدى صوتج يقرع بكل الدهور
يوم ذليتيهم اصحاب الفجور
موقفج خالد يبت سيد البشر/



انتي رايه انصبت بكبة الزمن
دومج ترفين خيرات وأمن
جارت اعليج المصايب والمحن
جبل انتي انخلق من هيبه وصبر/



انتي متقييمج رايه ولا علم
انتي اسطوره يبت سيد الأمم
انتي تصنعين للدنيا هم
بصبرج ابنيتي قلاع من الفخر/




💚___💚
✍ خَآدِمَةّ أّلحسيّنِ (ع)
#الشاعره َّسهيله حسين }}



رابط القناة👇👇👇
https://www.tg-me.com/moohamd1963


.

.

قصيده لصحن مولاتي زينب(ع)
الخالي من الزوار * 💚



👈*وحشه حضرتج مابيها زوار*
*يمنعون اليزورج ذوله الاشرار*👉
عليهم نگلب الكون//
وحقج ما يگدرون//
نجي ونلطم بصحنج ليل ونهار*
وحشه حضرتج مابيها زوار*👉



وحقج لو مراجعنه يقبلون
نجيهم آل اميه ونگلب الكون
وخل شيعة علي شوف شيسوون
نطفي احقادهم نشعلهم بنار /



عمت عين الوكت ماانصف وياج
عد اهل الحقد ياحيف خلاج
والمفروض بين اهلج وولياج
يصير بكربله مرقدج شنيار /



بصف عباس كون المرقد يصير
شجره وشيعتج مثل العصافير
عليج مچلچه شيعتج متطير
عمت عين الزمان وياج غدار /



صحنج دوم عامر باليزورون
مامتعوده فارغ من اليجون
الشيعه بحضرتج دايم يطوفون
دايم مرقدج مليان خطار /



من زيارتج مانمل تدرين
ونوصلج سلام من الميامين
ونتفگد رقيه بت الحسين
ياحيف الوكت يازينب اندار /




💚___💚
✍ خَآدِمَةّ أّلحسيّنِ (ع)
#الشاعره َّسهيله حسين }}



رابط القناة👇👇👇
https://www.tg-me.com/moohamd1963


.

💚#قناة الشاعره سهيله حسين💚:
.
قصيده للشيعه تطلب الجهاد
لنصرة زينب(ع) 💚



👈* اعلنو جهاد للشيعه يهبون *
* خلي بإآل أمييه تگلب الكون*👉



خلي المرجعيه تعلن الفتوه
تستاهل ام عون الثوره والنخوه
وكل اعمارنه لبت الوصي فدوه
خل شيعة علي بيها يحيطون/
اعلنو جهاد🎤



خل توگف الشيعه بمرقد الحره
فنه اليوصل الها والنبي اننحره
نسويها مجازر لو نذل يجره
من ذوله الكفر ليها يگربون /
اعلنو اجهاد🎤



هيه الموته وحده وخلي نگضيها
يم صحن العقيله نموت نفديها
ولا هاي الدواعش ماتصل ليها
هذوله ارجاس للحضره ينگسوون/
اعلنو جهاد🎤



شدينه حزمنه نتاني احچايه
شلون ابن الزنيم ينزل الرايه
ام عون بمحكم التإويل الف آيه
الاسلام بصبرها چاان مرهون /
اعلنو جهاد🎤



زينب آيه والباري معليها
معركة الكرامه هيه ترويها
هذيج الملحمه متجسده بيها
بت المصطفى ماتذل وتهون /
اعلنو احداد🎤



بت زهره الزجيه والوصي ابوها
اهلها اعله المكارم دوم ربوها
عنها راية العباس نزلوها
حسين وكافلج گامو يرجفون /
اعلنو جهاد🎤



رادت تنفجر ذيج الگبب بيهم
زعلو لمن زينبهم تنخيهم
انهظمت بت علي وصاحت بساميهم
حسين وابو فاضل ماتحضرون/
اعلنو حداد🎤




💚___💚
✍ خَآدِمَةّ أّلحسيّنِ (ع)
#الشاعره َّسهيله حسين }}



رابط القناة👇👇👇
https://www.tg-me.com/moohamd1963


.

ما اكثر المحافظات العراقية التي تود ان تسكن فيها او تزورها بأستمرار، اختر واحدة 👇🏻👇🏻

لو ظهر الامام المهدي عجل الله تعالى فرجه، فهل انت فعلا مستعد لنصرته؟