الامام الهادي ع

لو سم لو ذبح ولدي يودعوني
يوميه عليهم تهمل عيوني
—————-
بكل بلده جرحني وكتي بولادي
واجيت اليوم ابجي لفركة الهادي
بعد حسرة ربيع وحسرة جمادي
بثالث من رجب رد انخطف لوني
————-
انخطف لوني واجيت بكسرة الخاطر
لعاشر ولدي ابجي بمدمعي الحاير
وانه عاشر ابن ذكرني بالعاشر
وذكرت حسين لمن صاح الحكوني
———-
وصلته وعيني شافت جبده مسومه
وعليه انعاد جرح المجتبه ويومه
عمت عيني الولد متغيره رسومه
عله هذا الجرح ياشيعه عينوني
———-
شفت توديعه بس أتمنه ماشفته
لكيت ابنه الحسن ايده اعله خاصرته
وصحت يالهادي حيلي اعليك هدمته
ييمه وناسي بفراكك يصبروني
————
تغسل واندفن وعياله ملتمه
بس حسين ضل ابلا دفن جسمه
يضل أصعب جرح جرحك يبو أليمه
لايوماً كيومه الخيب ضنوني
————
جمره بكلبي وين اليخمد الجمره
واخذت مني ابني الليله سامره
بهذا اليوم احس ضلوعي متكسره
واحس اهل السقيفه اليوم سطروني
———-
سيد معتز الحسيني

              نسالك الدعاء  يازاير العقيله
                         ___
               اريدك من تصلها بدمعة العين
                اليه تدعي وتصلي ركعتين
                واذا ردت الزياره تنقبل زين
                اخذ وياك الها تربت حسين
               تربة كربلاء يم زينب الوسيله
                         __
               سلامي وياك اخذه واخذ العتاب
                  واريدك بالنيابه تقبل الباب
                 وعَله جرح السبي كللها ماطاب
               اذكره اشما يصير كبالي الحجاب
                ياجف الرجاء كللها يالجليله
                            _____
               عله الشباج طوف واخذ المراد
               توجبك مثل مايتوجب الزاد   
              كلها جروح عدنه وانتي الضماد
               واذكر يمها كل اهلك والاجداد
             وابواب السماء لليدعي تنحنيله
                       ___
                عليك الزهره لمن توصل الشام
                 ابد لتجيب يَمها طاري الخيام
                 يم باب الجزع الطم عله الهام
                وصيح بصوت هاي الدنيه ايام
 
                سَيدتْ العزاء والفاجعه الطويله
                         ____
                اكعد بالضريح وعيش الحساس
                  مثل كعدتها لمن راح عباس
                الله مخلي زينب تنطي للناس
                اليدنك يمها باجر يرفع الراس
             
                 يالرايد شفاء حلفلها بالعليله
                           ___
                  طلب اطلبها منك والله حياك
                   رايه بأسم زينب جيب وياك
                    طَوفها يزاير عله الشباك
                   مو تنساني لمن توصل هناك
                 مايبقه العناء من توصل الكفيله
                        __
سيد معتز الحسيني

          اخر سنه بعمري طويله  بيها اركبت ناكه هزيله
                   من تراب السبي لتراب الكبر
                 عندي هاي الفتره مو من العمر
                            __
          من يوم السبي لليوم مدري شبيه مادري
           لمن اذكر العباس ابجي وينكسر ضهري
          تلجمني البكه بعمرج كلولي شبكه ابعمري !
          وانه بكربله المفروض اموت وينحفر كبري
            
      يم النحر لو اني ميته  جان اندفن جسمي بدفنته
               ياهوة شايفله كسر فوك الكسر
               عندي هاي الفتره مو من العمر
                      _____
      عله الله وطاري اخوي حسين عُمر الفركه خلصته
         البقالي من هلي السجاد وكبل الموت فاركته
       احس بدمعي حرمل جان ونار الخيمه حاركته
       واسأل هم اكو مذبوح ؟ يرجع يسال اعله اخته
 
      سيف الشمر ماحز وريدي  بس الدمه لسه اعله ايدي
               من اشوفه ثنعطش طبره تنذكر
                عندي هاي الفتره مو من العمر
                      _____
        خلصت كربله وجرحي بطولي الشافته الودام
           وايام العمر صارت تشبه شمعت القاسم
       كل لحضة اشوف حسين فوك الغبره ضل نايم
         صح ماميته من رديت بس مابيه شي سالم
     حته النفس يبجي عليه  زينب جنت هسة السبيه
               مثل عصره امي ضليت انعصر
               عندي هاي الفتره مو من العمر
                         _____
          من بعد الكمر وحسين لحد يسال شلوني
          يومية اشوف الموت صوره وصوت بعيوني
          رديت اعله كاع الشام بس بلون مو لوني
     وصلت اني اوصلني الموت وردت خواني يصلوني
     وين الاهل شو ماشفتهم  صعبه الغرب تدفن اختهم
               شلون اكول الغايب اوياه العذر
                عندي هاي الفتره مو من العمر
                           __
       بحياتي وموتي ميته هواي ولاريحه اخو يمي
       من الشام لرض الشام المصايب نشفت دمي
        تابوتي يريد حسين العفته اعله الثره مرمي
        هيجي ويحضر العباس وبالرايه يلف جسمي
       كون الكمر كدامي اشوفه  ويحضر الي هوة وجفوفه
              من يجيني اعتابي يتحول صبر
              عندي هاي الفتره مو من العمر
                           __
سيد معتز الحسيني

                زوار قافله تجر قافله
               زوار بيها ريحة كربله
               زوار كصدت لأم الهله
                     زوار  زوار
                  ———————-              
                    خبر عاجل
              وهذا مضمون الخبر
              ختم بجفوفه الكمر
               كل جوازات السفر 
                    خبر عاجل
               جم ابو موكب طلع
                 هوه وزلامه فزع
                 يلطم اباب الجزع
                    خبر عاجل
       
   تجمعت كل المواكب وابد ماهمها التعب
واربعين حسين ثاني صار عدها بنص رجب
       
            زوار ايدها بيد الخدم
           زوار  رفعت لزينب علم
            زوار اهل غيره ومرجله
                  زوار  زوار
               ———————-
                   للحنينه
             زغار وكبار اعتنت
             واكو ناس تداينت
           المهم عدها سافرت
                    للحنينه
            استشهد البعده ورد
              حته الزياره ترد
             انطينه آباء او ولد
                    للحنينه
   ردت بدمنه الزياره وحك عباس الفحل
   وترحلين الكتب الها هوه واتباعه رحل
            
          زوار  زارت بوكت القصف
          زوار  حيرت اهل الوصف
          زوار  صوت بالشام اعتله
                   زوار  زوار
              ———————-
                   مو غريبه
            صرخت الحب تعتلي
              يم گبر لبوة علي
             والصحن من يمتلي
                   مو غريبه
              بكل لغه يمها النعي
             وابد ماخاب السعي
             عله عناد ابن الدعي
                   مو غريبه
  من رقيه لحد كبرها مشي تشيعها الخدم
   واللي محتركه خيمها فاتحتها ابلا خيم
            زوار اتنگبت للنايحه
           زوار  اهل ونه وفاتحه
          زوار دموعها تضل هامله
                    زوار  زوار
              ———————-
                  ابمنطقتها
            تاخذ الناس الصور
            ليوم عشرين بصفر
           موكب وخدمه وسهر
                  ابمنطقتها
              تنزل املاك السمه
              وتنزل أمها فاطمه
             للخدم تنطي اوسمه
                   ابمنطقتها
   رجال حيدر خوش فزعه فزعت لام الحزن
    رداً اعله السوط لطمت بالزناجيل المتن

            زوار خير من الله العدد
             زوار اجه حته البمهد
           زوار  والأسامي مسجله
                    زوار  زوار
              ———————-
                الخدم ترجع 
             والوكت مسرع يمر
            وگلمت العوده جمر
             تضل زينب تنتضر
                الخدم ترجع
             يسد بيبانه الصحن
              تبقه زينب يازمن
              ابلا اهل وبلا وطن
                 الخدم ترجع
            
        بالسلامه تصيح لمن ترد كلها للأهل
     وعام كامل ندري بيها اتاني الزياره تضل
          زوار  ترجع بفيض الدمع
          زوار  الوحشه تگضيها شمع
            زوار  سنه تضل متأمله
                  زوار  زوار
              ———————-
سيد معتز الحسيني

*[ تابوت فاطمتي ]*

أداء: الملا #أحمد_الخيكاني
كلمات: الشاعر #السيد_معتز_الحسيني

https://youtu.be/EDyp3hMpTi0

إحياء ليالي شهر جمادى الأول لسنة 1445 هـ - 2023 م
ليالي إستشهاد موﻻتنا أم اﻷئمة اﻷبرار الصديقة الطاهرة البتول الزهراء فاطمة صلوات الله عليها وآلها
الليالي الفاطمية الثانية
هيئة أم أبيها عليها السلام - العراق - البصرة - شط العرب

مونتاج: مصطفى العتابي
مکساج: حسن يونس
مخطوطة: حيدر الزمان
تنفيذ: شاريو للإنتاج الحسيني
النشر الشبكي: علاء بركات العاملي

               ليلك وليل هدعش نفس الجرح سويه
              والسجن يشبه طشت شايل كلب رقيه
               ياغريب اذكر هلك كل ما شفت اذيه
                               ____
         طف كربله بحزانك   شفت الشمر سجانك
        بس ماشفت حافر فرس داس بصدر خوانك
        شفت الدمع بعيونك  دم يابس اعله متونك
        يالمنسبي وابلا سبي مجتوف ويضربونك
        نفس الهوه بأنفاسك  والدم يهل من راسك
        من جم سنه وحدك عشت لااهلك ولاناسك
          بينك وبين الاهل قصه حزن طويله
         وبنتك اتاني بقت جن فاطمه العليله
         منين ماصدلك جرح يرسملي غاضريه
                       _____
      جروحك ابد متعوفك  وحلمت شمسنه تشوفك
      ذكره اعله حيطان السجن كاتب نعي بجفوفك
  
      يمشي العطش بجروحك  ماتنسة ابد مذبوحك
       ساعه اعله جدك من تون ساعه تون لروحك
        بضرب الضهر تتحير  تتبجي وتضل تتذكر
        يم النهر جدك عثر وضهره اعله اخيه تكسر
       ادري من طف كربله شيبك ترس لحيتك
          والسبي اول سبب لو كربت منينك
          مثل عمتك دمعتك لمن تهل سبيه
                     ___
       كلما يطول غيابك  اهلك تحن وأصحابك
       باب الوفيه ام الكمر بفركاك صارت بابك
        سجنك شبيه العاشر  من الخيم للحافر
        شفتك عليل وعلتك جوت ادين الباقر
        دمعك اذا يتلاكه   مثل الرمح والناكه
       متعلمه عينك عالسهر ماتكدر اعله فراكه
       جفنك وليل السجن بيهن حجي وملامه
         من يمر طاري الخيم بيدك تلم يتامه
         تتبدي تتخيل جمر بس ياجمر منيه
                      _____

      بكل سجن عندك ذكره  دمعه اعله جدك حمره
       والعمره ماضالم بشر بالسجن يخلص عمره
       بس الله يسمع صوتك  حكك دعيت لموتك
          اربع حماميل اقبلت يشيلونك بتابوتك
         بس تخلص من ايامك  مليت من الامك
        وشكد صور كبل الاجل صارت اضن كدامك

        اذكرت جدك من وكع وعيونه عالحبيبة
        والشمر لمن اجه صاحت صرت غريبه
         اثنعطش طبره عالنحر وياك اعد بديه
                    ____
        فوك الجسر يالكاظم  يمك تنوح الوادم
         لا والمهم تشيعت واندفن جسمك سالم
   
        مو مثل جدك عاري  تغسل ابدمه الجاري
       جسمه بقه ابلايه دفن وبحاله يدري الباري
        يبدي الجرح من يومه  ماسلم خيط هدومه
      جسمه تكطع وانثر بكل شبر وسط الحومه
         جرحه خلالك جرح ماينتهي بمماتك
        شايل حسينك جنت دمعه بردن عباتك
          لحد يعوف الدمع دمعك كتب وصيه
                    _____
سيد معتز الحسيني

                 عايش غريب  وسط السجن
                    وافراج اريد من الحزن
                       __
           لاصحبه يمي ولااهل محد يجيني
          عندي حياطين اربعه يسمعن ونيني
        بين الهضم بين الضرب خلصت سنيني
           تفسر الحجر لمن تهل دمعة حنيني
                    الله كريم  صاح الجفن
                  وافراج اريد من الحزن
                       __
             بين السجون اتنقلت والدم بديه
           ياويلي والسندي شكثر شَوفني اذيه
             خلاني اتمنه يجي يوم المنيه
         ساعه انضرب ساعه انشتم يهل الحميه
               لا مايطيب   جرح المتن
                وافراج اريد من الحزن
                       __
           لبنتي احن بكل وكت والفظ اسمها
          وافراجي ياساعه يجي خاطر اشمها
            وين الهواشم مااجت يمي زلمها
        كل لحظه تخلص بالسجن يذبح المها
                 كافي عذاب  كافي اون
                 وافراج اريد من الحزن
                       __
           خلصني يارب السمه ادعي بصلاتي
          وتابوتي اذا حان الاجل تصبح عباتي
          كل جمعه اصيح بدمعتي كرب مماتي
         شلي بحياتي وبالسجن خلصت حياتي
               ذابل صفيت مثل الغصن
                وافراج اريد من الحزن
                       __
          سم الجبد اهون علّي من هذا حالي
           وايامي مابيها صبح خلصت ليالي
            انه الجنت يم الاهل اغله الغوالي
            ياوسفه دارت دنيتي ومحد بقالي
                  لاضل صديق  لاضل ابن
                   وافراج اريد من الحزن
                       __
            شحجي وبعد هذا الالم عندي مصيبه
             ياويلي مثلي جنازتي تبقه غريبه
              جسر الرصافه ينسمع لجلي نحيبه
              وجرحي يحير بشوفته حته طبيبه
                  الشيعه شتكول وكت الدفن
                   وافراج اريد من الحزن
                       __
سيد معتز الحسيني

      
               راحت ايام السجن صارت زياره
              وليلك المضلم صبح كبه ومناره
                         __
            جنت صاحب مبدء وثوره وعقيده
            شفت بيك حسين والزهره الشهيده
             مَجتف وجان اليصلك تكسر ايده
             الحاربك خلي الحكم هسه يفيده
            وانت حر وادري تكفيك الاشاره
             وليلك المضلم صبح كبه ومناره
                         __
              حر اشوفك والسجن يشهد عليه
              بس رفعت ايدك بنيت الكاظميه
               من متت صلت عليك الغاضريه
              وعمك العباس اجه ياخذ تحيه
                  بالملايين اعتنت هاي الغياره
                وليلك المضلم صبح كبه ومناره
                         __
                    يااسد بغداد ياباب السلامه
                الرشيد انته والك تحله الزعامه
               خضت وحدك سيدي حرب الكرامه
                  وغصبا عليهم نلت تاج الامامه
                 وي الاهك تاجرت بعظم تجاره
                وليلك المضلم صبح كبه ومناره
                         __
              جانت توزع عطر سَجدت صلاتك
              وصلت لسابع سجن ريحت عباتك
               هسه يله استوعبت دعوة مماتك
               جنت تدري لو متت تبدي حياتك
                  ماحله لغيرك ابد تاج الاماره
                 وليلك المضلم صبح كبه ومناره
                         __
             جنت وحدك وابد ماعندك حبايب
             وهسه عندك مشي وزوار ومواكب
               بكثر ماكلبك حمل هم ومصايب
              عوضك الله وصرت من العجايب
             رابح بسجنك ولا شفت الخساره
             وليلك المضلم صبح كبه ومناره
                         __
               ياهو مثلك بالكرم ماكو مثيله
           يابو طلبه وصاحب السجده الطويله
              احنه غيرك ابد ماعدنه وسيله
              (والذنوب هواي جفتها ثجيله)
             واليحبك بالحشر بيك افتخاره
            وليلك المضلم صبح كبه ومناره  
                      __
              
سيد معتز الحسيني

              كل عام وانت بخير يامهدينه
                      ————
             بالولايه مولدك طش هيله
             والفرح فرحان هاي الليله
          اليوم ضهر حسين ينشد حيله
       
            بجيتك يالمهدي كرت عينه
                     —————
             وياك نفرح حلم يامحبوبنه
             لجيتك جوري فرشنه دروبنه
             كافي من تمطر تحن گلوبنه
            لشوفتك يبن الضوه حنينه
                     ——————
            جم بحر ياموسى راد يشوفك
           جم نذر يحلم يحني جفوفك
           هواي ناس تريد بس نعوفك
            ومانعوفك كل وكت نادينه
                       —-———-
             غايب ومحد يلاوي ذراعك
              مر يملاچ الهَوه بصناعك
          جم بحر يحلم يشوف شراعك
            نصلي يمته وأنته التئم بينه
                     ____
             اليوم مفتوحه الفرح بيبانه
             وشعيتك من الكلب فرحانه
             السهره تحله لو جنت ويانه
              ضل مكانك خالي ياوالينه
                      —————
             البعيد اعله النضر ينسونه
             جذبه هاي ، اليبعد يتانونه
              بمولدك يم الكمر يلگونه
           ليوم جيتك جم علك شدينه
                      ————-
              سيد معتز الحسيني

اجاني أربعينك واجاك اربعيني
              اجيتك تراني واريدك تجيني
            جنت يمك سبيه  ذبيح احضر اليه
                       اجاك اربعيني
                       —————-
          مسبيه اجيتك للكبر ذيج المسيه
        ومجرحه من اليسر يحسين أديه
        وادري لچمتك من كلت ماتت رقيه
       اجرحني واحضر منسحك يبن الزجيه
            تعال وحجاره يخويه بجبينك
           ومثل ذاكه وني اريدن ونينك
          يجرح الغاضريه  ذبيح احضر اليه
                       اجاك اربعيني
                      —————
        بالف وتسعمية جرح تحضر اريدك
         وبأربع أصابع يالاخو تشبكي بيدك
      احضرني ضهرك منحني لفركة عضيدك
         وأثار طبرات ثنعش خويه بوريدك
 
            لوني لجمتك يخويه برجعتي
             اريد بحضورك تنزل دمعتي
         عفت جثتك رميه  ذبيح احضر اليه
                     اجاك اربعيني
                       —————-
        جيتك يخويه بدمعتي ودمع السبايه
        ياخويه ومغيره الشمس لون العبايه
         احضرني وبگلبك سهم مابي نهايه
          ماتلكه جابر من تجي لاتلكه رايه

            يناشدني جابر اريده بحسرتي
              واكله اخوتي نسوني بغربتي
         غريبه الهاشميه  ذبيح احضر اليه
                      اجاك اربعيني
                       —————-
      هونك يخويه بمشيتك وأحضرني حافي
      بالك يفز واعله الصدر عبدالله غافي
       نستني ضربت شفتك طعم العوافي
      والضربه ماخلت حچي يحسين دافي
            احن لكلامك واريدك تگلي
          يعمري يزينب يگلبي ويه اهلي
         فتحت ثنين أديه  ذبيح احضر اليه
                       اجاك اربعيني
                       —————-
         ياخويه موتي بكربله ردته ونساني
         وبديرة الغربه ذكر اسمي واجاني
         جم مره بعدك يالاخو دهري سباني
          ومن الشتم يابو علي سديت اذاني
            انه بأربعيني اسولف مصايب
           يخويه بغيابك كعدت بخرايب
        صحت يابو الحميه  وذبيح احضر اليه
                       اجاك اربعيني
                       —————-
سيد معتز الحسيني

               انه الذي   " سمتني امي حيدره "
                         _____
              حيدر اني اسمي مثل الرايه
               عمامه سيفي وتربه ومصلايه
              من اسولف طبعي راعي حجايه
                  من اعارك بيه تنزل ايه
             انه قائد انه واحد  ثاني ماعندي
           كلي حارب ابو طالب وانه في مهدي
            ابن زلمه  هذا اسمه اليوصل لحدي
          
                     ضهر النبي الزمته
                      حاشاني ماعفته
                       سالفتي سالفته
                    راس الخصم دسته
             انه الذي  "مثل رياحً صرصره"
                            ____
                حيدر اني ومااعوذ امن اني
                شيوخ اهلي ومافرغ ديواني
               ربعي احبهم مابعت صحباني
                انه الاول وغيري ينعد ثاني
            انه جوهر انه منبر  كلمتي احسبها
         سيفي حاضر والمخاطر تهوه صاحبها
            انه شاعر  والعساكر صوره اكتبها
                    طبع النخل بيه
                  ميه انه من ميه
                   كلماتي قدسيه
                    قدراتي الالاهيه
                 
             انه الذي  "اضرب رقاب الكفره "
                      
                         _____
                 حيدر اني الخليفه العادل
                الحق يبين بيه من الباطل
               هذا طبعي تعودت مااجامل
                وهذا طبعي ابد مارد سائل
            انه شايف انه عايف انه ابن زمزم
             عالي هامه واليتامه تكلي الملثم
           سيفي اسله واليصله يعني مايسلم
           
       
                     حيدر انه الانزع
                  بكيفي الشمس ترجع
                     الحك الانه المربع
                     يوم الحشر اشفع
         
             انه الذي " ادعى كليثً قسوره "
                          ____
              حيدر اني وبفخر احجيها
              عشت بايع الدنيا ماشاريها
              بأذن الله الموته انه احييها
             روحي خضره والعشك ماليها
    
          انه عاشك من افارك اتعب واذبل
          بالترافه وبالكلافه انحسب اول
          انه غالي انه عالي وانه المعدل
                  ليلة قدر قدري
                سر العرش سري 
                 انه الدمه اليجري
                حد مطلع الفجري
             
         انه الذي  " اضرب بين الفقره "
                    _____
سيد معتز الحسيني

      بين اجاني ومااجاني  امن الضلع للطبرة اتاني
          الله كاتب للحبايب ملتقى بعد الممات
         والتقينة بس بجينة والسبب بالذكريات
                 ___
          من بعد فركه انسمع بيها ونيني
         الليله ابو حسين وابو بيتي يجيني
          يمته اشوفه وبين بوجهي حنيني
           ادري تشفة طبرته بلمسه يميني
     من اهد بيتة وحنانه  فارغ بكلبي مكانه
    ودم طبرتة من فركتة ماتت شكد امنيات
    والتقينة بس بجينة والسبب بالذكريات
                    ___
         كبال باب الجنه محسن ابني كاعد
          مامصدك راح يغفه بحضن والد
          بعد كسر ضلوع عيني ماتشاهد
          نعيش بالجنه سويه ابكلب واحد
     محسن يتاني رجعته  ومن رجع حيدر شبكته
     بعد فكدي وحفر لحدي ميتة بعيونة الحياة
       والتقينة بس بجينة والسبب بالذكريات
                 __
         شفته والشيب انمسح بثنين اديه
          وكلي مشتاك لحنانج يالزجيه
           شلونهم ولدي سألته ورد عليه
         لسه يبجون اعله ضلعج كل مسيه
         نارج وناري جوتهم  والمصايب كبرتهم
        بالمدامع والمواجع ضلت اولادج تبات
        والتقينة بس بجينة والسبب بالذكريات
                      _____
       كتله سولفلي اعله بيتي شلونه بعدي
        شلون الايتام الاحسهم مثل ولدي
        من اهد كسرت ضلوعي وانه وحدي
       خل ابشرك طابت السطره اعله خدي
فدوه خليني ابقة يمك  مرة احضنك مرة اشمك
كافي نبجي خلي نحجي عن عمر بالفركة فات
      والتقينة بس بجينة والسبب بالذكريات
                          ____
             بعد كتله وهلت دموع النواضر
           خلي نمشي لدارك بكسر الخواطر
           خوفي زينب عكب عينك ماتكابر
          الطبره هينه والصعب كطع المناحر
        بالضهر هسة كمرها  باجر سياط بضهرها
       يعذبوها كبال اخوها والجفوف مكطعات
       والتقينة بس بجينة والسبب بالذكريات
                     ___
سيد معتز الحسيني

            للموت رايح مرتاح  ومأمن اعله اعيالي
            بالبيت اخلي ام عباس  تملي المكان الخالي
                    ______
         ها يموت انطيني ايدك خل تّطيب طبرتي
            بعد مامبيه اميز بين دمي ودمعتي
        صح اعوف البيت خالي وادري عازه عازتي
          لكن ام عباس بعدي اعرف تسد خلتي
         
          ولدي دمعهم لو طاح تكلهم دمعكم غالي
         يمهم اخلي ام عباس  تملي المكان الخالي
                    ______
        لو متت يم باب زينب مايهب ريح الخطر
       وادري ام الكمر بعدي حيدر تسمي الكمر
     لون يحني حسين موتي متون يلكاها وضهر
     ومن تشوف الحسن يسهر تلولي تكعد للسهر
        عندي الاصيله وبالموت حكي لون مابالي
       بالبيت اخلي ام عباس  تملي المكان الخالي
                    ______
      الشالت حسين بكلبها ومن كثر ماهايمه
        يمه ماكالت لبنها تخاف يذكر فاطمه
    عكب عيني تصير زمزم لو يمر شفته الضمه
     وحته لايذكر طبرتي ماتجيب اسم الدمه
       بالخفيه لمن تشتاك اعليه دمعها يلالي
     بالبيت اخلي ام عباس  تملي المكان الخالي
                    ______
      من اموت بكلب ولدي  ازغير يموت الالم
      وادري لولاد الزجيه كل ولدها تضل خدم
      درع بسم حسين توكف وين ماتلكه سهم
      ومن تصادف نار زينب تصير يم زينب خيم
     خوفي اعله زينب بالموت تنادي اريد الوالي
       بالبيت اخلي ام عباس  تملي المكان الخالي
                    ______
       هاي دنيا وكلشي بيها وكل أهلها راحله
      وباجر برمشه مدامع يبتدي طف كربله
         سولفت لم النشامه عن رحيل القافله
   وشفت بيها حسين ضامي وجسمه محد غسلة
    شفت السبي اعله الخدين وراس برمح بس عالي
        بالبيت اخلي ام عباس  تملي المكان الخالي
                    ______
سيد معتز الحسيني

                   راح  كل دلالي بطبرتك
                   ليش  ماتحاجي بنيتك
                           ___
            هاي اول مره اشوفك تحجي بعيونك
             وهاي اول  مره اخجل اسال شلونك
              يابعد لوني بطبرتك منخطف لونك
              كون ميته ولانضرتك من يكودونك
                 اخ  اسمعت بذني صيحتك
                 ليش  ماتحاجي بنيتك
                         ______
               كل سنه عيدية منك تاخذ الوادم
              والسنه العيدية عندي كومتك سالم
               يامن بريحه عباتك يفطر الصايم
                مامعودني اشوفك بالفجر نايم
              
               هاي  بويه مو من عادتك
                ليش  ماتحاجي بنيتك
                         __
         جنت طفله وامي راحت وانته صرت امي
          بصوتها يابويه اَذكرك شكد صحت بسمي
                كلبي بالطبره تمنه فاطمه يمي
          عالاقل ابجي بحضنها واشكي كل همي
              ريت  يمي امي العافتك
              ليش  ماتحاجي بنيتك
                      ______
           مدري ليش الموت احسه واكف ابابي
            كمت اشوف العيد اسود يشبه ثيابي
            انت مو تدريني احبك حبي لحجابي
           شلون اودعك وانت عندي اغله احبابي
               حيل  تريد مني جنازتك
               ليش  ماتحاجي بنيتك
                          _____
            اعليك طولك ياحبيبي اليوجع فراكه
              بكربله ليلت الوحشة كون نتلاكه
            سلم اعله الزهره امي الالها مشتاكه
            وكلها زينب عكب عيني تمشي عالناكه
                نوك   اصعد انه بفركتك
               ليش  ماتحاجي بنيتك
                            _____
         جنت يمها تخلي كلبك لوردت تطلع
            رايح وذيج الليالي ماضن ماترجع
       جنت من ابجي جفوفك تمسح المدمع
           وهسه منك كلمه بويه بعد  مااسمع
                بروح  اشتريها كلمتك
               ليش  ماتحاجي بنيتك
                            _____
سيد معتز الحسيني

*[ ايفارك ايتامه ]*

أداء: الملا #أحمد_الخيكاني
كلمات: الشاعر #السيد_معتز_الحسيني

https://youtu.be/d-CeHxqDeUQ

إحياء ليالي شهر رمضان المبارك لسنة 1445 هـ - 2024 م
ليالي إستشهاد موﻻنا مولى الموحدين أمير المؤمنين علي ابن أبي طالب صلوات الله عليه وآله
حسينية عزاء أم البنين - العراق - النجف - أهالي المشخاب

مونتاج وإخراج: حسين البسام
مكساج: علاء الذبحاوي
تنفيذ: عاشوراء للإنتاج الفني
النشر الشبكي: علاء بركات العاملي

‎#احمد_الخيكاني
#معتز_الحسيني
#الليالي_العلويه
@ahmed_alkhaiqani

ياشهر الحسين  وياك خلصت العمر  ياشهر الحسين
      دمعاتي بالعين   والسنه المجلس بالكبر دمعاتي العين
                 _______
          انه الحلفت من الزغر مابدل هدومي السود
        بطور العراق اشما قره يلجم جروحي الرادود
          تلكاني ميت هالسنه ياشهر جدي امن تعود
          بس العزه ماينتهي بكبري العزه هم موجود
    باقيلي شهرين وبلحدي انحب لليسر باقيلي شهرين
  دمعاتي بالعين   والسنه المجلس بالكبر دمعاتي العين
                 _______
        مافكرت بالموت ابد للخدمه شديت حزام
      عندي تشابيه ومشي عندي سبي عندي خيام
       انتضرك واحسب الك بتسعت اصابع كل عام
    ميت عدل انه اعترف نقطة ضَعف جرحي الشام
   
  طاري الدواوين  بعيوني ماي اعله الجمر طاري الدواوين
   دمعاتي بالعين   والسنه المجلس بالكبر دمعاتي العين
                 _______
     منك شفت مية سبي وشفت الحزن حُب وياك
      كل جرح فتره وينسي بس انته محد ينساك
         يمحير دموعي شكثر تطيحها لكن تهواك
       الفوك السطح جانت ترف فوك الكبر تتلكاك
     رايات الونين  ارفعها بدموع الصبر  رايات الونين
   دمعاتي بالعين   والسنه المجلس بالكبر دمعاتي العين
                 _______
       شهرين ماحسبك ابد بعيوني احسبك اجيال
       والدنيه صح تغيرت  بس انته مثل التمثال
         متموت لو مر الزمن حزنك يضل بكل بال
        بالبيك شيب والدي وهوه بعمر مال اطفال
      اهله بعيدين وماترحم سياط الزجر  اهله بعيدين
    دمعاتي بالعين   والسنه المجلس بالكبر دمعاتي العين
                 _______
        شهر الحزن لهل الحزن للي بجت حد الموت
        وبهدوم سوده وصيتي يتغطه كون التابوت
        كبل الجنازه منبري وسط الكبر ريت يفوت
      والموته تحضر مجلسي لمن يصل يمها الصوت
    عدلين ميتين نبجي اعله مسحوك الصدر عدلين ميتين
    دمعاتي بالعين   والسنه المجلس بالكبر دمعاتي العين
                 _______
سيد معتز الحسيني

           تبقه ويانه حاضر   من نحيي الشعائر
                         __
                رايح بس تضل ناسك تريدك
                 يامن بالمجالس لطمت ايدك
                 يجري بكل محرم دم وريدك
                  الناعي تكله سَمعني جديدك
                
               شهرين لمحرم  يالصادق تحزم
              وانساها المقابر  من نحيي الشعائر
                         __
                  انته العلمتنه اعله المواكب
                  لاترحل اجه شهر المصايب
               المجلس سجلك من هسه غايب
                 كوم وابجي لجروح الحبايب
               يله اعلن حدادك  لاتنزع سوادك
                تشتاك المنابر من نحيي الشعائر
                         __
                  نذكر محترك بيتك لكيته
                 ولعمتك دمع عينك جريته
               المثلك مايهل دمعه اعله بيته
               وجدك بالدمه اتخضبت لحيته
            حسين اعله الترابه  كوم ابجي بثوابه
           وشكثل الحوافر  من نحيي الشعائر
                         __
               من دمعك فهمنه الطف قضيه
                وصارت مثل اسمنه الغاضريه
                  كتبت دمعتك يوم المنيه
               (  يامحله الوداع بها المسيه )
 
               بتاريخ القصايد  جدك يبقه خالد
             لحد جابر يجابر   من نحيي الشعائر
                         __
                 هذا اول درس منك نحبه
               الماي نضل ننوح اشما نشربه
               ونسلم عله الضل ضامي كلبه
             حسين بكبره يعطش والله صعبه
              يالصادق ثكيله   دمعات العقيله
              مسبيه الحراير  من نحيي الشعائر
                         __
               بالسم انمرد ياويلي جبدك
               حَته بموتتك واسيته جدك
              بكبرك والدمع يجري اعله خدك
              حسين الليله بجروحه يكصدك
             خايف لاتنضره  والدم اعله نحره
           وبكلبه الخناجر  من نحيي الشعائر
                         __
سيد معتز الحسيني

لاتموت  .. كل سنة حزنك يضل ابالي
        لاتموت   .. صعبة من دونك يهل هلالي
         عشت العمر وياي    بين النحر والماي
                           لاتموت
                 __
    اني عاشور الاجرحك   الجنت كل عاشر اذبحك
           رغم هذا وفركتك تصعب علية
  لو صدك صارت فركتك    ياهو الينوح اعلة عمتك
            باقي شهرين ويمشوها سبيه
    كل سنة معلمني هاية    على سطحك تدك راية
          والسنة ابجيتي تضل دارك خليه
     من زمان ..  واحنه عشرتنه الهدوم السوده
     من زمان ..  عشت تبجي اعلة الكمر وزنودة
       تبجي علة الوفاي    بين النحر والماي
                       لاتموت
               ____
  من تنام بوسط لحدك   ياهو يستقبلني بعدك
      والمصيبة فركت الميت طويلة
  الدمعه ياهو اللي يهلها   عالسبوها عكب اهلها
     منين اجيبك تبجي لجروح العليلة
  لسة تحتاجك بعدها   ليلت الفكدت ولدها
        للبنين الاربعة دمعك تسيلة
    وين ابوي  .. وي حميدة شكد صحت بدموعك
   وين ابوي  ..  والقصر ماخلة شي بضلوعك
    وعابس تذكرة هواي   بين النحر والماي
                   لاتموت
              _
  ليلة العباس حنت   لاتكلي سنيني خلصت
     يالعشت طيحة جفوفة وكل عذابة
  سنينك بدمعه عشتهن   لعرس جاسم ثوبتهن
     الصادق انته ومن صدك نحت لشابه
  لومتت ياهو اليزفة ؟   شمعتة ابلياك تطفة
        وية رملة كل سنة تبجي لمصابة
    بكل عزاء  .. راح ادورك والدمع يشكيلك
    بكل عزاء  ..  بليلة الأكبر اضل ابجيلك
  حكي اتيهة الراي   بين النحر والماي
                   لاتموت
                 __
  ابيتك تعيش المجالس   دمعتك للدمعة واهس
        ليلة العاشر تسهرك عودتني
تبجي للحرة والمها    لمن تودع زلمها
      تصيح وياها المصايب شيبتني
ابصبح عاشور اتألم   تحترك مثل المخيم
     شلون لوردت ايامي وفاركتني
  شكد سبوك  .. السابي عمتك هم سباك وياها
شكد سبوك   ..  السوط اذاك ورجع اذاها
   مسبي وتدور فياي    بين النحر والماي
                   لاتموت
              _
كربلة جمره عذابك  تأثرت بيها بمصابك
   ناقص جروحك ذبح وحسين انضرك
تدري المن رجعتني  بعطش جَدك ذكرتني
   والفرق رفسة شمر ماكو اعلة صدرك
باجر هلالي برجعتة   يدورك وتنزل دمعتة
     وين ماعاين لطم يبجي ويذكرك
ويا الهلال  شكد سوالف اذكرك تحجيها
ويا الهلال  ..تكله زينب كطعوا واليها
ويجري الدمع بهداي   بين النحر والماي
                  لاتموت
                 __
سيد معتز الحسيني