بهذه الليلة من سنة ٢٠١٨
توجهت للنوم اني واخواتي مطمأنين بعد
ما حجينا ويا امي اتصال وجانت صحتها بخير
بس الصبح جان يوم البؤس والصدمة

شايف من تكعد على صوت صريخ وصياح تفز وانتَ نايم مرتاح ما مفكر انو ممكن يصير شيء سيء باليوم الثاني وتنصدم بخبر
يهزك بكُل قوته دخيل الله بوقتها جان الجو بارد والصبح بعدها ما صايرة بـ ٧ وتشوف الحواليك يصرخون ويلطمون تريد تستوعب شنو صاير شنو ممكن يصير بمجرد ليلة وحدة ساعتها جنت ما متقبلة الوضع جنت امشي واروح واجي واكول لا يارب فدوة يا الله ماكو شيء ان شاء الله واحجي عليهم اكُلهم لتبجون ماكو شيء ما بيها شيء ومستمرة ادعي ما مصدكة رجعنا لبيتنا واني ما مصدكة دخلت للبيت واني اتمنىٰ اشوفها ما مصدكة ما راح اشوفها وانو خلص راحت ما شفتها شفت الناس والعالم تبجي شفت الناس اللي ما همهم امي،امي اللي راحت وهيَ بحسرة شوفتنا واحنا مكملين و واصلين ومتخرجين،امي اللي راحت وهيَ بحسرة شوفة وحيدها ابنها وهوَ بالمدرسة ومنتظرتله لحضة لحضة حتى تشتريله وتلبسه وتكحل عيونها بشوفته بس ما صار هذا وراحت امي وهيَ بحسرتها..

راحت شمعة سنيني..الضي البعيني.

رايح حبيبي وبعد متشوفك عيوني
وشلون اشوفك اذا منك يحرموني
يا نجمة سهيل مكانك بالسماء خالي
من ينگضي الليل ادفنك بأيدي يالغالي.

وياك أندفن إتمنىٰ
يا إغلىٰ وأعز ناسي
ما ودي اترك جثتك
أرد ابقىٰ واتحسر

روحي اخواتي💙🫂

يُمة واگف عمري يمچ شماكبرت وعمري طال
أبقى يم حضنچ صغير واحن لايام الدلال..

..

فليتَ اللَيلُ يَعرفُ مَدى حُبي لأمي
فَيَحمُلني على أكتافِ عَتْمَتِهِ وَ يَأخُذُني إلَيْها ♥️

أمي على هيئة نُـور تضوي لي قلبي دائمًا💛

-أمي سيدة قوية التأثير، و كانت تعتقد اعتقادًا راسخاً ان اطفالها قادرون على كل شيء .

ذا أنا و كَمِثلِ كُل لَيلة أَخَلدُ إِلى مَأوايَ وَ أغمض عَينايَ وَ أَعودُ إِلى حَيثُ أَنتِ...

اجمل ما قيلَ عن الأُم :
لو اسجد شكراً لكونكِ أُمي لمضى عُمري وأنا ساجد .

يُحرِقني أَلم ألأشتياق أليكِ!.
أما حانَ مَوعدُ اللقاءُ؟..

أمي..
عيدُكِ عِندَ الله أجمل وأحلىٰ
اسأل الله إن يجعلكِ في فسيح جناتهُ
واسألهُ أن يَجمعني معكِ في الأخرةَ
بأقربِ وقتٍ مُمكن فهوَ يعلمْ بمدىٰ شوقيِ..